Tag: اسلام آباد

ترجمان مذہبی امورکا کہنا ہے کہ عازمین حج 2026 کی لازمی تربیت کا پہلا مرحلہ یکم جنوری کو اسلام آباد سے شروع ہوگا-

ترجمان کے مطابق تربیتی شیڈول کی اطلاع موبائل ایپ ’پاک حج2026‘اور ایس ایم ایس کے ذریعے کی جا رہی ہے، شیڈول کی معلو مات وزارت ِ مذہبی امور کی ویب سائٹ پر بھی دستیاب ہے ،2جنوری کو ایبٹ آباد، 3 جنوری کو گھوٹکی، ٹھٹھہ، کوٹلی آزاد کشمیر میں تر بیتی پروگرامز منعقد ہوں گے-

اسی طرح 4جنوری کو میرپور آزاد کشمیر، ٹنڈو محمد خان، خیر پور سندھ میں عازمین حج تربیت حاصل کریں گے ،5جنوری کو آزاد کشمیر کے شہر راولا کوٹ، بدین، نوشہرو فیروز میں حج تربیتی کیمپ لگے گا6جنوری کو فتح جنگ ، دادو اور تھرپارکر (مٹھی) کے گرد و نواح کے عازمین حج کو تربیت فراہم کی جائیگی، جبکہ 7جنوری کو عمر کوٹ، لاڑکانہ، ہری پور، 8 جنوری کو میرپور خاص، شہداد کوٹ، مانسہرہ میں حج تربیتی پروگرام ہو گا، ایک روزہ حج تربیتی پروگرامز ملک بھر میں مرحلہ وار تحصیل کی سطح پر فروری تک جاری رہیں گے۔

عازمینِ حج کو کہا گیا ہے کہ اصل شناختی کارڈ اور حج درخواست کی کمپیوٹرائزڈ رسید اپنے ہمراہ رکھیں ،عازمینِ حج اپنے شیڈول کے مطابق ایک روزہ تربیتی پروگرام میں شرکت کریں ۔

پاور ڈویژن نے سال 2025 کی کارکردگی رپورٹ جاری کر دی ہے، جس میں بجلی کے شعبے میں اہم اصلاحات، ریلیف اقدامات اور مالی بہتری سے متعلق تفصیلات سامنے آئی ہیں۔

رپورٹ کے مطابق پاور ڈویژن نے آئی پی پیز سے کامیاب مذاکرات کے نتیجے میں صارفین اور قومی خزانے پر پڑنے والا 3400 ارب روپے کا بوجھ ختم کر دیا،’ان اقدامات کے باعث گھریلو صارفین کے لیے بجلی کی قیمت کم ہو کر 35.8 روپے جبکہ صنعتی صارفین کے لیے 68.16 روپے فی یونٹ ہو چکی ہے۔‘

رپورٹ میں کہا گیا ہے کہ ناکارہ پاور پلانٹس کی بندش سے بجلی صارفین پر 7 ارب روپے کا اضافی بوجھ کم کیا گیا، جبکہ صنعتی اور زرعی صارفین کے لیے 98.22 روپے کا خصوصی پیکج بھی متعارف کرایا گیا،ساڑھے نو ہزار میگاواٹ کے بجلی منصوبے ختم کر کے عوام کو ایک روپے فی یونٹ ریلیف فراہم کیا گیا۔

پاور ڈویژن کے مطابق بغیر قرض لیے گردشی قرضے میں 780 ارب روپے کی کمی لائی گئی، جبکہ بجلی بلوں سے پی ٹی وی فیس کی مد میں 35 روپے کی وصولی بھی ختم کرا دی گئی سال 2025 کے دوران تین ڈسکوز کی نجکاری کا آغاز کیا گیا۔

کارکردگی رپورٹ میں بتایا گیا ہے کہ الیکٹرک وہیکل چارجنگ اسٹیشنز کے ٹیرف میں 44 فیصد کمی کی گئی، جبکہ سیلاب زدہ علاقوں میں بجلی کے بل معاف کرنے اور ادائیگیوں میں رعایت دی گئی، ’اپنا میٹر، اپنی ریڈنگ‘ ایپ کے ذریعے میٹر ریڈنگ کا اختیار عام صارف کو دیا گیا۔

سال 2025 میں 118 ہیلپ لائن کے آغاز سے سفارشی کلچر کے خاتمے اور صارفین کے ساتھ یکساں سلوک کو ممکن بنایا گیا۔ مسابقتی اور شفاف بولی کے عمل کے باعث سمارٹ میٹرز کی قیمتوں میں 40 فیصد کمی آئی، جبکہ سمارٹ میٹرز کے نظام میں بہتری سے صارفین کو سالانہ 100 ارب روپے سے زائد کا فائدہ ہوگا۔

رپورٹ کے مطابق ملک میں 55 فیصد ماحول دوست بجلی کی پیداوار کے باعث پاکستان خطے میں گرین انرجی کے شعبے میں نمایاں مقام رکھتا ہےآئندہ بھی عوام اور صنعتی صارفین کو بین الاقوامی قیمت اور معیار کے مطابق بجلی کی فراہمی جاری رکھی جائے گی، جبکہ 2026 میں بھی بے مثال کارکردگی کا سفر جاری رہے گا۔

وفاقی دارالحکومت اسلام آباد میں آج اور کل فضائی حدود عارضی طور پر بند رہے گی،اس حوالے سے نوٹم بھی جاری کردیا گیا۔

پی اے اے کے مطابق اسلام آباد ایئرپورٹ پر پروازوں کی آمد و روانگی متاثر ہوگی،آج اور کل مخصوص اوقات میں اسلام آباد ایئر پورٹ پر پروازیں معطل رہیں گی،اسلام آباد ایئرپورٹ پر کل صبح10بجکر 55منٹ سے 11بجکر 55منٹ تک پروازیں معطل رہیں گی،اسی طرح کل دوپہر2بجکر 25منٹ سے 3بجکر 25منٹ تک بھی پروازیں معطل رہیں گی۔

ریاستی اداروں کے خلاف مہم چلانے والا ملزم گرفتار

دوسری جانب اسلام آباد کے مکینوں نے بدھ کے روز اُس وقت حیرت اور تجسس کا اظہار کیا جب شہر کی فضاؤں میں پاک فضائیہ کے جدید جنگی طیارے بلند پروازیں کرتے دکھائی دیے۔ دن بھر مختلف علاقوں میں ایف-16 (F-16 )طیاروں کی گرج دار آوازیں سنائی دیتی رہیں، جس کے بعد شہریوں کی بڑی تعداد نے سوشل میڈیا پر ویڈیوز اور تصاویر شیئر کرتے ہوئے قیاس آرائیاں شروع کر دیں۔

ذرائع کا کہنا ہے کہ پاکستان ایئر فورس کے ایف-16 طیارے متحدہ عرب امارات کے صدر کے سرکاری دورۂ پاکستان کے موقع پر ہونے والے فلائی پاسٹ کی ریہرسل کر رہے ہیں۔

روس: ایک اور دھماکے میں دو پولیس افسران سمیت 3 افراد ہلاک

حکام نے واضح کیا ہے کہ ان پروازوں کا مقصد صرف تربیتی اور رسمی نوعیت کا ہے اور اس کا عوامی سلامتی یا سیکیورٹی صورتحال سے کوئی تعلق نہیں۔ ذرائع کے مطابق اعلیٰ سطحی غیر ملکی مہمانوں کی آمد سے قبل اس قسم کی مشقیں معمول کا حصہ ہوتی ہیں تاکہ کسی بھی ممکنہ تکنیکی یا انتظامی خامی سے بچا جا سکے،شہریوں کو ہدایت کی گئی ہے کہ وہ افواہوں پر کان نہ دھریں اور صورتحال کو معمول کے مطابق سمجھیں۔

اسلام آباد: وزیر داخلہ محسن نقوی نے کہا ہے کہ اسلام آباد کے عوام کے لئے جاری منصوبہ ایک بہت بڑا ریلیف ثابت ہوگا۔

وزیر داخلہ محسن نقوی نے بتایا کہ ایک سال پہلے اسلام آباد ایکسپریس وے مکمل ہو چکی تھی اور اب اس کے ساتھ سروس روڈ کے منصوبے پر بھی کام شروع کیا جائے گا، جس سے شہرمیں ٹریفک کے مسائل میں کمی آئے گی، ٹی چوک میں ٹریفک جام کا مسئلہ معمول تھا مگرنئے منصوبوں کے مکمل ہونے کے بعد 2 سال کے اندر شہریوں کوایک نیا اسلام آباد دیکھنے کو ملے گا۔

وزیر داخلہ نے مزید کہا کہ اسلام آباد کی ترقی کے لیے حکومت ویژن 2027 پر عمل پیرا ہے اور اس کے تحت جدید انفراسٹرکچر، ٹریفک مینجمنٹ اور شہری سہولیات کو بہتر بنایا جا رہا ہے،ان منصوبوں سے نہ صرف ٹریفک کے مسائل حل ہوں گے بلکہ شہری زندگی کے معیار میں بھی اضافہ ہوگا اور اسلام آباد کو ایک جدید اور ترقی یافتہ شہر کی شکل دی جائے گی۔

اسلام آباد ٹریفک پولیس نے شہریوں میں ٹریفک قوانین کی پاسداری اور مثبت رویوں کے فروغ کے لئے ’’گڈ سٹیزن کمپین‘‘ کا آغاز کر دیا ہے۔

اے پی پی کے مطابق چیف ٹریفک پولیس آفیسر کیپٹن (ر) حمزہ ہمایوں نے میڈیا سے گفتگو کرتے ہوئے کہا کہ اس مہم کا مقصد قانون کی پابندی کرنے والے ڈرائیورز کی حوصلہ افزائی کرنا ہے اس مہم کے تحت بہترین اور ذمہ دار ڈرائیونگ کرنے والے شہریوں کو موقع پر ہی شاباش دی جائے گی جبکہ ان کی گاڑیوں پر خصوصی سٹیکرز بھی چسپاں کئے جائیں گے تاکہ دیگر شہری بھی قانون کی پابندی کی جانب راغب ہوں۔

ایس ایس پی ٹریفک نے کہا کہ اسلام آباد ٹریفک پولیس صرف قانون نافذ کرنے والا ادارہ نہیں بلکہ شہریوں کی رہنمائی اور خدمت پر یقین رکھتی ہے، اچھے رویے اور ٹریفک قوانین پر عمل کرنے والوں کی حوصلہ افزائی سے سڑکوں پر نظم و ضبط بہتر ہوگا اور حادثات میں کمی آئے گی،کیپٹن (ر) حمزہ ہمایوں نے شہریوں سے اپیل کی کہ وہ ٹریفک قوانین کی پابندی کو اپنی ذمہ داری سمجھیں، لین ڈسپلن پر عمل کریں، ہیلمٹ اور سیٹ بیلٹ کا استعمال یقینی بنائیں اور مہذب ڈرائیونگ کے ذریعے ایک اچھے شہری ہونے کا ثبوت دیں۔

کیپٹن (ر) حمزہ ہمایوں نے کہا کہ وفاقی دارالحکومت اسلام آباد میں روزانہ تقریباً ساڑھے تین سے چار لاکھ گاڑیاں داخل ہوتی ہیں جبکہ ٹریفک پولیس کا عملہ ناکافی ہے، 2005 میں ٹریفک پولیس کی یہی تعداد تھی جبکہ ایک لاکھ 10 ہزار گاڑیاں رجسٹرڈ تھیں، اس وقت ساڑھے 17 لاکھ گاڑیاں رجسٹرڈ ہیں اور دیگر شہروں سے آنے والی گاڑیاں الگ ہیں، اسلام آباد ٹریفک پولیس کا لائسنس ویانا کنونشن کے تحت 35 ممالک میں ڈومیسٹک کے طور پر استعمال ہوتا ہے جس پر لرنر ٹائم کی معافی ہوتی ہے۔

انہوں نے کہا کہ اسلام آباد ٹریفک پولیس میں 2600 اہلکاروں کو بھرتی کرنے کیلئے متعلقہ حکام کو تجاویز دی ہوئی ہیں جس پر آئندہ مالی سال میں عمل ہو جائے گامختلف شاہراہوں پر پہلے سے نصب کیمرے کو فعال کیا گیا ہے جبکہ مزید تین ہزار نئے جدید کیمرے لگائے جا رہے ہیں،ہم احتساب گھر سے شروع کر رہے ہیں، کسی بھی پولیس ملازم اور سرکاری آفیسر کو خلاف ورزی پر رعایت نہیں ملے گی آئندہ ہفتے ہم نیو ایئر نائٹ کیلئے ایڈوائزری جاری کر رہے ہیں، ون ویلنگ، تیزرفتاری اور قانون کی خلاف ورزی کرنے والوں کے ساتھ سختی سے نمٹا جائے گا۔

ایس ایس پی نے کہا کہ ہم صرف پہلے مرحلہ میں ٹریفک قوانین سے آگاہی مہم چلا رہے ہیں، اس کے بعد لین کی خلاف ورزی اور غیر ذمہ دارانہ ڈرائیونگ کرنے والوں کو بھاری جرمانے کئے جائیں گےشہری لین کی پابندی کریں، درست ڈرائیونگ لائسنس ہمراہ رکھیں، سپیڈ لمٹ کی پاسداری کریں اور دورانِ ڈرائیونگ موبائل فون کے استعمال سے گریز کریں، ایسے شہری جن کے نام پر ماضی میں چالان نہیں ہوں گے اور جو ذمہ دار ڈرائیونگ کا مظاہرہ کریں گے، انہیں سراہا جائے گا اور اسلام آباد ٹریفک پولیس کا ایمبیسڈر بنایا جائے گا۔

انہوں نے بتایا کہ اس مہم کے تحت شہریوں کو ایک خوبصورت ڈیجیٹل کیو آر کوڈ سٹیکر دیا جائے گا جو گاڑی یا موٹر سائیکل پر لگایا جائے گا، اس سٹیکر کے ذریعے شہریوں کا ڈیٹا محفوظ ہوگا اور سیف سٹی کیمروں سمیت فیلڈ میں موجود ایجوکیشن ٹیمیں شہریوں کے ڈرائیونگ رویہ کا مشاہدہ کریں گی، بائیکرز کے لئے یہ سٹیکر ہیلمٹ پر لگایا جائے گا تاکہ ہیلمٹ کے استعمال کو یقینی بنایا جا سکے۔

کیپٹن (ر) حمزہ ہمایوں نے کہا کہ گڈ سٹیزن قرار پانے والے شہریوں کو ٹریفک پولیس کے فیسلیٹیشن سینٹرز میں خصوصی سہولیات فراہم کی جائیں گی جن میں مخصوص کاؤنٹرز شامل ہوں گے تاکہ ان کے امور تیز رفتاری سے انجام دیئے جا سکیں،اس کے علاوہ معمولی خلاف ورزیوں پر پہلے مرحلے میں وارننگ دی جائے گی، یہ مہم کسی محدود مدت کے لئے نہیں بلکہ ایک مستقل پالیسی اور سٹیٹمنٹ ہے جس کے ذریعے نئے سال میں ٹریفک پولیس کی ترجیح ایجوکیشن، فیسلیٹیشن اور آؤٹ ریچ کے ساتھ مؤثر انفورسمنٹ ہوگی۔

انہوں نے کہا کہ اگر شہری ٹریفک قوانین پر صرف پانچ فیصد بھی بہتر عملدرآمد کر لیں تو اس سے قیمتی جانیں بچائی جا سکتی ہیں،آخر میں انہوں نے میڈیا ہاؤسز اور شہریوں کا شکریہ ادا کرتے ہوئے اپیل کی کہ وہ اس مہم میں بھرپور تعاون کریں، ٹریفک قوانین کی پابندی کریں اور گڈ سٹیزن بن کر اسلام آباد ٹریفک پولیس کے ساتھ شراکت دار بنیں۔

اسلام آباد میں کیپیٹل ڈویلپمنٹ اتھارٹی (CDA) نے 30 مختلف مقامات پرمفت وائی فائی فراہم کرنے کا منصوبہ شروع کر دیا ہے۔

یہ منصوبہ نیشنل ٹیلی کمیونیکیشن کارپوریشن (NTC) کے تعاون سے عملی شکل اختیارکررہا ہے اورشہر کے مختلف اسٹیشنز، پارکس اور سیکٹرزمیں انٹرنیٹ کی مفت سہولت فراہم کرے گامنصوبے کے تحت میٹرو کے 84 اسٹیشنزکو شامل کیا گیا ہے جبکہ پارکس اوراہم مقامات جیسے پاک سیکریٹریٹ سے یو پی روڈ تک 14 اسٹیشنز اور فیض احمد فیض سے جی ٹی روڈ تک 70 اسٹیشنز میں وائی فائی سروس فراہم کی جائیگی، سی اے اے اسپتال، جاپان پارک، لیک ویو پارک، دامن کوہ اور فاطمہ جناح پارک میں بھی مفت وائی فائی دستیاب ہوگا،شہری ہفتہ وار بازاروں جیسا کہ جی سکس اور ایچ نائن کے بازاروں میں بھی اس سہولت سے مستفید ہو سکیں گے، اور اسلام آباد کے پوش سیکٹرز ایف سکس اور ایف سیون میں بھی وائی فائی فراہم کیا جائے گا۔

سی ڈی اے کے حکام کے مطابق یہ سہولت رواں ماہ کے اختتام تک مکمل ہو جائے گی، جس سے شہر کے شہریوں اور وزیٹرز کو جدید اور تیز رفتار انٹرنیٹ تک رسائی حاصل ہو گی منصوبے کا مقصد نہ صرف شہریوں کیلئے انٹرنیٹ کی سہولت کو فروغ دینا ہے بلکہ شہرکے اہم عوامی مقامات پر ڈیجیٹل رابطے کو بھی مضبوط بنانا ہے تاکہ شہری اور سیاح دونوں جدید ٹیکنالوجی سے بھرپورفائدہ اٹھا سکیں۔

قومی اسمبلی میں دلچسپ صورتحال پیدا ہوگئی، ایک رکن کے پیسے گرے جو اسپیکر تک پہنچے، اسپیکر نے پوچھا پیسے کس کے ہیں تو بارہ اراکین نے ہاتھ کھڑے کردیے۔

اسپیکر قومی اسمبلی ایاز صادق نے پیسے ہاتھ میں پکڑ کر کہاکہ یہ کسی کے پیسے گر گئے ہیں؟اسپیکر قومی اسمبلی نے پیسے ایوان میں لہرا کر اعلان کیا اور بتایا کہ اپوزیشن کے ایوان میں آنے سے قبل کسی رکن کے پیسے زمین پر گرے ہوئے ملے ہیں، کئی اراکین نے ہاتھ اٹھا لیے، جس پر اسپیکر نے مزاحیہ انداز میں کہاکہ یہ تو 12 اراکین نے ہاتھ کھڑے کر دیے ہیں، اتنے پیسے نہیں کہ سب کے ہاتھ بھر جائیں۔

بعد ازاں، اجلاس کو ملتوی کرنے کے بعد اسپیکر نے دوبارہ پیسوں کی ملکیت کے بارے میں اعلان کیا، جس کے بعد یہ معلوم ہوا کہ گمشدہ پیسے رکن اسمبلی اقبال آفریدی کے ہیں،اسپیکر نے واضح کیاکہ یہ پیسے اقبال آفریدی کو ہی واپس کیے جائیں گے، جو اصل مالک ہیں۔

اسلام آباد: وزارت داخلہ نے 20 نئی گاڑیاں خریدنے کا فیصلہ کر لیا۔

ذرائع کے مطابق 10 ریوو ڈالے اسلام آباد پولیس اور 10 انتظامی افسران کو دیے جائیں گے، ریوو ڈالے اسلام آباد کے تمام 8 اسسٹنٹ کمشنرز کو فراہم کیے جائیں گےآپریشن ڈویژن میں تعینات ایس پیز کو بھی نئی گاڑیاں ملیں گی، ایڈیشنل ڈپٹی کمشنر جنرل اور ایس ایس پی آپریشنز بھی ریوو ڈالے استعمال کریں گےایس ایس پی انویسٹی گیشن، سیکیورٹی اور سی ٹی او بھی ریوو ڈالا استعمال کریں گے، ایس پی ڈولفن اسلام آباد پولیس ریوو ڈالے استعمال کرے گی جو اکتوبر میں سپرد کئے جائیں گےوزارت داخلہ کے حکام کا کہنا ہے کہ ریوو ڈالے لینے کا مقصد افسران کو آپریشنز میں آسانی فراہم کرنا ہے، کاروں میں اسسٹنٹ کمشنرز اور ایس پیز کو آپریشنز میں دشواری کا سامنا تھا۔

اسلام آباد کی ضلعی انتظامیہ نے حالیہ بارشوں کے بعد مارگلہ ہلز کے چند مشہور ٹریلز کو عارضی طور پر بند کر دیا۔

نوٹیفکیشن کے مطابق ٹریل نمبر 2، 3، 4، 5 اور سیدپور گاؤں کے عقب میں واقع ٹریل عوامی رسائی کے لیے بند ہیں۔انتظامیہ کا کہنا ہے کہ یہ اقدام شہریوں اور ہائیکرز کی حفاظت کو یقینی بنانے کے لیے کیا گیا ہے۔ یکم ستمبر سے ان ٹریلز پر پابندی عائد ہے جو مزید احکامات تک برقرار رہے گی۔واضح رہے کہ اس سے قبل 24 اگست کو بھی شدید بارشوں کی پیشگوئی کے باعث مارگلہ ہلز کے تمام ٹریلز بند کیے گئے تھے۔

سیالکوٹ انٹرنیشنل ایئرپورٹ پر فضائی آپریشن بحال

راشد خان ٹی20 میں سب سے زیادہ وکٹیں لینے والے بولر بن گئے

ایران پر دوبارہ پابندیاں، یورپی کوشش چین اور روس نے مسترد کر دی

جوا پروموشن کیس میں گرفتاریوں کا دائرہ وسیع، مناہل ملک بھی ریڈار پر

وفاقی دارالحکومت اسلام آباد میں آئندہ 72 گھنٹوں کے دوران مزید بارشوں کی پیش گوئی کے باعث تمام ٹریلز عوام کے لیے بند کر دیے گئے ہیں۔

ضلعی انتظامیہ کی جانب سے جاری نوٹیفکیشن میں کہا گیا ہے کہ شہریوں کی حفاظت کے پیش نظر مارگلہ ہلز کی ٹریل نمبر 2، 3، 4 اور 5 پر داخلہ ممنوع ہوگا۔نوٹیفکیشن کے مطابق ہائیکنگ ٹریلز پر یہ پابندی 19 اگست تک نافذ العمل رہے گی۔واضح رہے کہ این ڈی ایم اے نے متعلقہ اداروں کو ہدایت کی ہے کہ متاثرہ علاقوں میں عوامی تحفظ کے لیے سیاحتی سرگرمیوں پر فوری پابندیاں عائد کی جائیں اور خطرناک مقامات پر آمدورفت محدود کی جائے۔ ضرورت پڑنے پر دفعہ 144 کے تحت بھی پابندیاں نافذ کی جا سکتی ہیں۔

این ڈی ایم اے نے عوام سے گزارش کی ہے کہ وہ متاثرہ علاقوں کا سفر کرنے سے گریز کریں جبکہ قانون نافذ کرنے والے ادارے سیاحتی پابندیوں پر عملدرآمد یقینی بنائیں۔

ٹیرف تنازع، امریکا بھارت تجارتی مذاکرات منسوخ

پاکستان میں سیلاب پر روس، ترکیہ اور مصر کا اظہارِ افسوس