Tag: اسلام آباد

اسلام آباد سے مبینہ طور پر لاپتہ نوجوان فیضان کی کہانی میں نیا موڑ آ گیا

فیضان کی بازیابی کے لیے اسلام آباد ہائیکورٹ میں درخواست بھی زیر سماعت ہے، فیضان کے والد نے دعویٰ کیا تھا کہ ایجنسیوں نے فیضان کو اغوا کیا تا ہم اب فیضان کی ایک ویڈیو سامنے آئی ہے جس نے فیضان کے والد کے دعوے کو بے نقاب کر دیا ہے، فیضان اپنی ویڈیو میں اپنے والد کو مخاطب کہتا ہے کہ ابو یہ ڈرامے نہ کریں، آپ کو پتہ ہے میں کہاں ہوں، آپ کو پتہ ہے صالحہ نے کیا کیا تھا شیراز نے کیا کیا تھا میں جلدی گھر آ جاؤں گا، آپ پریشان نہ ہوں.

سماجی رابطے کی ویب سائٹ ایکس پر اوپن سیکرٹ نامی صارف نے پوسٹ کرتے ہوئے کہا کہ باپ کا کہنا ہے کہ بچہ (فیضان عثمان) ایجنسیوں والے اٹھا کر لے گئے ہیں اور دو مہینے ہو گئے ہیں (ویڈیو )
بیٹے کا کہنا ہے کہ ابو آپکو پتہ ہے میں کہاں ہوں، آپکو پتہ ہے کہ صالحہ (فیضان کی بہن) اور شیراز (فیضان کا بہنوئی) نے کیا کیا ہے۔ ڈرامے مت کریں (ویڈیو ۲)
والد صاحب نے ۳ شادیاں کی ہوئی ہیں۔ سات بچے ہیں۔ اس کے علاوہ ادھر ادھر منہ مارنے کی عادت سے بھی باز نہیں آئے۔ بچے ناراض ہیں، باپ مستی میں ہے۔ بیٹی (صالحہ) نے دہشت گرد جماعت کا واٹس ایپ گروپ جوائن کیا۔ اسی گروپ کے ایک دہشت گرد (شیراز) سے محبت کی شادی کر لی۔ باپ اور باقی فیملی ناراض ہو گئی۔ بعد میں فیضان بھی دہشت گردوں کے نرغے میں آ گیا۔ ٹریننگ کے لئے گیا اور دہشت گردی کی دو واردات کے لئے ریکی بھی کرتا رہا۔ جب شیراز پکڑا گیا تو فیضان بھاگ گیا۔ آج والد نے چالاکی کے ساتھ اپنے بیٹے کا ذکر تو کیا لیکن داماد اور بیٹی کا نہیں کیا۔ اس سٹوری میں ایک لفظ بھی جھوٹ نہیں۔

گیارہویں جماعت کی طالبہ کے ساتھ 7 ملزمان کی 48 گھنٹے تک اجتماعی زیادتی

لاوارث لاشوں کی فروخت،سابق آر جی کار پرنسپل سندیپ گرفتار

ڈیٹنگ ایپس،ہم جنس پرستوں کے لئے بڑا خطرہ بن گئیں

دوہرا معیار،موبائل میں فحش ویڈیو ،اور زیادتی کے مجرموں کو سزا کا مطالبہ

بھارت میں خاتون ڈاکٹر زیادتی و قتل کیس،سپریم کورٹ نے سوال اٹھا دیئے

بھارت،موٹرسائیکل پر لفٹ مانگنے والی کالج طالبہ کی عزت لوٹ لی گئی

بیٹی کی لاش کی کس حال میں تھی،خاتون ڈاکٹر کے والد نے آنکھوں دیکھا منظر بتایا

اسلام آباد: وفاقی وزیر داخلہ محسن نقوی اور وفاقی وزیر مذہبی امور چوہدری سالک حسین سے چیئرمین مرکزی رؤیت ہلال کمیٹی مولاناعبدالخبیر آزاد کی قیادت میں تمام مکاتب فکر کے علما کرام اور دیگر مذاہب عالم کے رہنماؤں نے ملاقات کی۔

وفاقی وزیرداخلہ محسن نقوی نے علماء کرام اور دیگر مذاہب عالم کے رہنماؤں سے کلیدی خطاب کرتے ہوئے کہا کہ دہشتگردی کے خاتمے کیلئے علماء کرام اور دیگر مذاہب عالم کے رہنماؤں سے مشاورت کا آغاز کیا گیا ہے۔ میں اور وفاقی وزیر مذہبی امور سالک حسین اس قومی مشن کو آگے لے کر چلیں گے۔ انہوں نے کہا کہ سب سے پہلے ہم سب پاکستانی ہیں اور سب سے پہلے پاکستان ہے۔ انہوں نے واضح کیا کہ ہمیں جس آگ میں دھکیلا جا رہا ہے، ہم نے اس سے نکلنا ہے اور علماء کرام اور دیگر رہنماؤں کی مدد سے ہی ہم اس آگ سے نکل سکتے ہیں۔ انہوں نے اس بات پر زور دیا کہ دہشتگردی کے خاتمے کیلئے ہم سب کو بحیثیت قوم اکٹھا ہونا ہو گا۔ انہوں نے مزید کہا کہ اسلام اور دین کو استعمال لوگوں کو ورغلا کر دہشت گردی میں ملوث عناصر کا راستہ روکنا ہو گا۔ وفاقی وزیر داخلہ نے واضح کیا کہ ریاست کے خلاف ہتھیار اٹھانے والا شخص یا تنظیم دہشتگرد ہے، ہمارا دین بھی اور آئین بھی واضح طورپر کہتا ہے کہ ریاست کے خلاف ہتھیار اٹھانےوالا دہشتگرد ہے۔ وفاقی وزیرداخلہ محسن نقوی نے کہا کہ کسی کو کسی بھی طور قتل کرنے کی اسلام اور ہمارے ملک کے قانون میں قطعاً اجازت نہیں، ہم نے ملک کی خاطر دہشتگردی کی لعنت کے خلاف متحد ہونا ہے۔ وفاقی وزیر داخلہ نے کہا کہ ہم یکجہتی اور اتحاد کا پیغام دیں گے تو اس کا اثر بہت زیادہ ہو گا اور مضبوط پیغام جائے گا۔

انہوں نے مزید کہا کہ 6 ستمبر کے حوالے سے ہم آج بھی ان لوگوں کو موقع دے رہے ہیں کہ وہ ریاست کے سامنے ہتھیار ڈال دیں، آج بھی کہتے ہیں کہ ریاست کو مانیں، آئین کو مانیں اور قانون کو مانیں، آج بھی انکے پاس موقع ہے۔وفاقی وزیرداخلہ محسن نقوی نے کہا کہ ہم ہر صوبے میں جائیں گے، وزرائے اعلی اور علماء سے ملیں گے، یہی پیغام صوبائی دارالخلافوں سے بھی دیں گے۔ صدر مملکت اور وزیراعظم سے ملاقاتوں میں بھی یہی پیغام پہنچائیں گے، صدر مملکت اور وزیراعظم بھی اس مقصد کیلئے دن رات کام کر رہے ہیں۔وفاقی وزیر داخلہ اس بات پر زور دیا کہ ہمیں اسلام کے نام کا غلط استعمال بند کرانا ہے، دین کے اصل رہنما علماء کرام اور مشائخ عظام ہیں نا کہ وہ لوگ جو ریاست کے خلاف بندوق اٹھا کر پھر رہے ہیں۔

محسن نقوی نے واضح کیا کہ آج ہم قوم کو یہ پیغام دیں کہ ہم دہشت گردی کے خلاف متحد ہیں، وزارت داخلہ اور وزارت مذہبی امور اس سلسلے میں ہر ممکن معاونت فراہم کریں گے۔ انہوں نے کہا کہ دہشتگردی سے متعلق آپ کی تجاویز پر عمل بھی کرایا جائے گا، خاص طور پر مولاناعبدالخبیر آزاد کا شکریہ جنہوں نے آپ سب کو یہاں اکٹھا کیا، دہشت گردی کیخلاف متفقہ پیغام انتہائی ضروری ہے۔ وفاقی وزیر برائے مذہبی امور چوہدری سالک حسین نے کہا کہ ہم نے ملکر نئی نسل کو بارود اور آگ کے کھیل سے بچانا ہے، نئی نسل کو محفوظ مستقبل دینے کیلئے حکومت، اداروں اور علماء کرام نے ملکر کام کرنا ہے، پاکستان کے لئے سب کو اکٹھا ہونے کی ضرورت ہے۔ سالک حسین نے مزید کہا کہ ہر پاکستانی کے جان ومال کا تحفظ ریاست کی ذمہ داری ہے۔ علماء کرام اور مشائخ عظام لوگوں کی اصلاح کریں اور ریاست کے خلاف ہتھیار اٹھانے والوں کے خلاف آواز بلند کریں۔ مولانا عبدالخیبر آزاد نے بھی علماء کرام اور دیگر مذاہب عالم کے رہنماوں سے خطاب کیا۔

ملاقات کے بعد متفقہ اعلامیہ کی منظوری دی گئی۔ علماء کرام و مشائخ عظام نے ملک میں انتہاء پسندوں اوردہشت گردوں کے بیانیہ کو یکسر مسترد کر دیا۔ اعلامیہ کے مطابق اسلام دین امن ہے جو احترام انسانیت اور تشدد سے پاک معاشرہ کا درس دیتا ہے۔ موجودہ ملکی حالات میں بین المسالک و بین المذاہب ہم آہنگی اور قومی یکجہتی وقت کی اہم ضرورت ہے، کسی کو بے جا قتل کرنے کی اسلام قطعاََ اسکی اجازت نہیں دیتا۔ اعلامیہ میں مزید کہا گیا کہ وطن عزیز پاکستان کیلئے افواج پاکستان کی قربانیوں کو خراج تحسین پیش کرتے ہیں،پوری قوم اپنی بہادر اور نڈر مسلح افواج کے ساتھ کھڑی ہے۔اسکے علاؤہ اسلام اقلیتوں،خواتین اور بچوں کے حقوق کا ضامن ہے۔ اعلامیہ کے مطابق پیغام پاکستان،پاکستان کا وہ عظیم بیانیہ ہے جس کو منبر ومحراب کے ذریعے ہرگھر کی آواز بنا دیں گے۔ یہ وقت ملک کے اندر انتشار کا نہیں بلکہ اتحاد و اتفاق اور قوم اور اُمت کو جوڑنے کا ہے۔

ملاقات میں مولانا ضیاء الرحمن امام فیصل مسجد،مولانا محمدطیب قریشی چیف خطیب خیبرپختونخوا،علامہ مختیار احمد ندیم چیف خطیب پنجاب،علامہ شبیر حسن سیکرٹری جنرل شعیہ علماء کونسل پاکستان،علامہ عارف حسین واحدی،مفتی گلزار احمد نعیمی،مولانا تنویر احمد علوی،مولانا سردار محمد لغاری،مفتی فرحان نعیم،مولانا عبدالظاہرفاروقی،مولانا عبدالعزیز،مولانا ہارون الرشید بالا کوٹی،علامہ سجاد حسین نقوی،علامہ مصطفی حیدر نقوی،مولانا حسین علی،مفتی یوسف کشمیری ،مولانا مقصود احمد توحیدی،مولانا عابد اسرار،قاری بلال گولڑوی،سردار رنجیت سنگھ گیانی،مولانا اکرام الٰہی ظہیر،مولانا عبدالسلام جلالی،مفتی ابو بکر صدیق،علامہ سعید احمد اعوان، مولانا ملک امجد اعوان،ڈاکٹر ارشاد احمد خان،صاحبزادہ عتیق اللہ مظہر، بشپ ڈاکٹر جوزف ارشد،پیر ممتاز احمد ضیاء نظامی،مولانا محمد اقبال نعیمی،علامہ محمد رشید ترابی،فہد جمیل،پروفیسر ظفراللہ جان و دیگر راہنماء شریک تھے۔ وفاقی سیکرٹری داخلہ، چیف کمشنر اسلام آباد، آئی جی پولیس اسلام آباد۔ ڈپٹی کمشنر اسلام آباد اور متعلقہ حکام بھی اس موقع پر موجود تھے۔

ڈیٹنگ ایپس،ہم جنس پرستوں کے لئے بڑا خطرہ بن گئیں

دوہرا معیار،موبائل میں فحش ویڈیو ،اور زیادتی کے مجرموں کو سزا کا مطالبہ

بھارت میں خاتون ڈاکٹر زیادتی و قتل کیس،سپریم کورٹ نے سوال اٹھا دیئے

بھارت،موٹرسائیکل پر لفٹ مانگنے والی کالج طالبہ کی عزت لوٹ لی گئی

بیٹی کی لاش کی کس حال میں تھی،خاتون ڈاکٹر کے والد نے آنکھوں دیکھا منظر بتایا

ٹرینی خاتون ڈاکٹر کی دل دہلا دینے والی پوسٹ مارٹم رپورٹ،شرمگاہ پر بھی آئی چوٹیں

مودی کا بھارت”ریپستان” ڈاکٹر کے ریپ کے بعد آج بھارت میں ملک گیر ہڑتال

بھارت ،ڈاکٹر کی نرس کے ساتھ زیادتی،دوسری نرس ،وارڈ بوائے نے کی مدد

ڈاکٹر کو زیادتی کا نشانہ بنانے سے قبل ملزم نے شراب پی، فحش ویڈیو دیکھیں

شادی شدہ خاتون کی عصمت دری اور تشدد کے الزام میں ایف آئی آر درج

لاوارث لاشوں کی فروخت،سابق آر جی کار پرنسپل سندیپ گرفتار

جے یو آئی ف نے جلسوں سے متعلق بل کو بنیادی انسانی حقوق کا قتل عام قرار دےدیا

رکن قومی اسمبلی عالیہ کامران کا کہنا تھا کہ آج ایوان کو بلڈوز کرکے بل منظور کرایا گیا،ہمیں ایوان میں موقف دینے کی اجازت نہیں دی گئی،یہ بل بنیادی انسانی حقوق کا قتل عام ہے، حکومت میں لوگوں کو سمجھ نہیں آتی کہ جو قانون سازی کر رہے ہیں کل وہ ان کے گلے پڑ سکتی ہے، آپ کس طرح تمام اختیارات ایک کمشنر کے حوالے کر رہے ہیں؟ پر امن جلسے جلوس کرنا تمام جماعتوں کا بنیادی حق ہے،قانون سازی ہمیشہ بنیادی انسانی حقوق کو دیکھ کر کرنی چاہئے،

واضح رہے کہ اسلام اباد میں جلسے اور احتجاج کے قوانین، پرامن اجتماع اورامن عامہ ایکٹ2024 سینیٹ کے بعد قومی اسمبلی سے بھی منظور کرلیا گیا،اسلام آباد میں بغیراجازت جلسے یااکٹھ پر تین سال اور دوسری بار خلاف ورزی پر 10سال قید کی سزا ہوگی،قومی اسمبلی سے منظور بل کو پرامن اجتماع اور امن عامہ ایکٹ2024 کا نام دیا گیا ہے جس کے مطابق عدالت سے 3 سال سزا پانے والے کو دوبارہ وہی جرم دہرانے پر 10 سال قید کی سزا ہو گی۔ حکومت اسلام آباد کے نواحی علاقے سنگجانی یا کسی علاقے کو جلسوں کیلئے متعین کرے گی، جلسوں کیلئے متعین علاقے کا باقاعدہ گزٹ نوٹیفکیشن جاری کیا جائے گا، اسلام آباد میں کسی بھی اجتماع یا جلسے کیلئے کم ازکم 7 دن پہلے ڈپٹی کمشنر کو درخواست دینا ہو گی، درخواست اس جلسے یا اجتماع کا کوئی کوآرڈینیٹر تحریری صورت میں درخواست دے گا، جلسے کے مقام، شرکاء کی تعداد اور جلسے یا اجتماع کاوقت اور مقاصد بتانا ہوں گے،ڈپٹی کمشنر  کے پاس جلسے پر پابندی کا اختیار ہو گا، جلسے یا اجتماع کی جائز وجوہات نہ دینے پر ڈسٹرکٹ مجسٹریٹ جلسےکی اجازت نہیں دےگا، ڈسٹرکٹ مجسٹریٹ جلسے کی اجازت نہ دینے کی تحریری وجوہات دے گا، ڈسٹرکٹ مجسٹریٹ جلسے کی اجازت دینے سے قبل امن و امان کی صورت حال کا جائزہ لے گا اور قانون نافذ کرنے والے اداروں سے سکیورٹی کلیئرنس لے گا، ڈسٹرکٹ مجسٹریٹ مختص کردہ علاقے کے علاوہ کہیں اور جلسے کی اجازت نہیں دے گا، ڈسٹرکٹ مجسٹریٹ اپنے جاری اجازت نامے میں قومی سکیورٹی رسک کے خدشے پر ترمیم کر سکتا ہے، ڈسٹرکٹ مجسٹریٹ اسلام آباد اجازت نامے میں تشددکے خدشے کی بنیاد پر بھی ترمیم کرسکتا ہے،حکومت اسلام آباد کے کسی مخصوص علاقے کو ریڈ زون یا ہائی سکیورٹی زون قرار دے سکتی ہے، ڈسٹرکٹ مجسٹریٹ کے پاس اسمبلی پر پابندی کا اختیار ہوگا اگر وہ عوام کے تحفظ یا قومی سکیورٹی کیلئے رسک ہو، امن و امان کی خرابی کے خدشے کی مصدقہ رپورٹ ہو یا روز مرہ کی سرگرمیاں متاثر کرے، جلسے پر پابندی کی وجوہات تحریری طور پر دی جائیں گی اور متاثرہ شخص 15 روز کے اندر اپیل کر سکتا ہے،ڈسٹرکٹ مجسٹریٹ پولیس اسٹیشن کے انچارج کو جلسہ منتشر کرنے کی ہدایت دے سکتا ہے، امن و امان خراب کرنے والا جلسہ منتشر نہیں ہوتا تو پولیس افسر طاقت سے منتشر کرا سکے گا۔

حکومت پانچ سال پورے کرے گی یا نہیں میں نجومی نہیں ہوں،مولانا فضل الرحمان

صدر مملکت آصف زرداری کی مولانا فضل الرحمن کی رہائش گاہ آمد

پیدائشی سماعت سے محروم بچوں کے کامیاب آپریشن کے بعد”پاکستان زندہ باد” کے نعرے

معذوری کا شکار طالبات کی ملی دارالاطفال گرلز ہائی سکول راجگڑھ آمد،خصوصی تقریب

سماعت سے محروم بچوں کے والدین گھبرائیں مت،آپ کا بچہ یقینا سنے گا

ریاست مدینہ کی جانب حکومت کا پہلا قدم،غریب عوام کی دعائیں، علی محمد خان نے دی اذان

وفاقی حکومت کی طرف سے پاکستان بیت المال کو سماعت وگویائی سے محروم بچوں کے لیے فنڈز نہ مل سکے ،

سماعت سے محروم بچے چلا رہے ہیں ریسٹورینٹ، صدر مملکت بھی وہاں پہنچ گئے، کیا کہا؟

ویلڈن پاک فوج، سماعت سے محروم افراد سننے اور بولنے لگے

چلڈرن ہسپتال کا کوکلیئر امپلانٹ کے تمام اخراجات برداشت کرنے کافیصلہ،ڈاکٹر جاوید اکرم

حکومتی نااہلی،سماعت سے محروم سینکڑوں بچوں کا مستقل معذور ہونے کا خدشہ

جمعیت علماء اسلام کے سربراہ مولانافضل الرحمان کے قریبی ذرائع نے انکشاف کیا ہے کہ حکومتی وفد نے جے یو آئی ف کو 4 وزارتوں کی پیشکش کی ہے

میڈیا رپورٹس کے مطابق مولانا فضل الرحمٰن نے موجودہ حکومت میں شامل ہونے کے حوالہ سے ابھی تک کوئی فیصلہ نہیں کیا تا ہم مولانا فضل الرحمان نے ابھی تک انکار نہیں کیا، مولانا فضل الرحمان اپنے قریبی ساتھیوں سے مشاورت کر رہے ہیں،وزیراعظم شہباز شریف مولانا فضل الرحمان کو وزیر داخلہ محسن نقوی کے ہمراہ ملنے گئے تھے تومولانا فضل الرحمان نے فی الحال حکومت کا حصہ نہ بننے کا کہا تھا تاہم حتمی فیصلہ سے آگاہ نہیں کیا تھا،ذرائع کا کہنا ہے کہ جے یو آئی ف کو بلوچستان حکومت کا حصہ بنانے اور گورنر خیبر پختون خوا کا عہدہ دینے کی بھی پیشکش کی گئی ہےجس پر مولانا فضل الرحمان نے کہا کہ حکومت سازی سے قبل نظر انداز کیا گیا، حکومت بنانے کے لیے مشاورت ضروری ہوتی ہے، حکومت کسی اور کی ہے اور بدنامی سیاست دانوں کی ہو رہی ہے،چار وزارتوں کی پیشکش پر مولانا فضل الرحمان کی رائے ہے کہ ملک میں پہلی مرتبہ ایسا ہوا کہ اقلیتی حکومت ہے، پیپلز پارٹی ایشو ٹو ایشو سیاست کر رہی ہے.

مولانا فضل الرحمان سے صدر مملکت آصف زرداری او رپھر وزیراعظم شہباز شریف نے ملاقات کی تھی،مولانا فضل الرحمان پاکستان میں سیاسی طور پر متحرک ہو چکے ہیں، پی ٹی آئی وفد نے بھی مولانا سے ملاقات کی تھی تو وہیں مولانا فضل الرحمان نے چوھدری شجاعت سے بھی ملاقات کی تھی،اتحادی حکومت کے دو بڑے رہنماؤں نے مولانا فضل الرحمان کو یقین دلایا ہے کہ ان کے تحفظات کو دور کیا جائے گا اور ان کی سیاسی حیثیت کا احترام کیا جائے گا۔وفاقی حکومت نے واضح کیا ہے کہ وہ مولانا فضل الرحمان کے تحفظات دور کرنے کی مکمل کوشش کرے گی اور ان کے ساتھ تعلقات کو مضبوط بنانے کے لیے ہر ممکن اقدامات کرے گی۔

حکومت پانچ سال پورے کرے گی یا نہیں میں نجومی نہیں ہوں،مولانا فضل الرحمان

صدر مملکت آصف زرداری کی مولانا فضل الرحمن کی رہائش گاہ آمد

پیدائشی سماعت سے محروم بچوں کے کامیاب آپریشن کے بعد”پاکستان زندہ باد” کے نعرے

معذوری کا شکار طالبات کی ملی دارالاطفال گرلز ہائی سکول راجگڑھ آمد،خصوصی تقریب

سماعت سے محروم بچوں کے والدین گھبرائیں مت،آپ کا بچہ یقینا سنے گا

ریاست مدینہ کی جانب حکومت کا پہلا قدم،غریب عوام کی دعائیں، علی محمد خان نے دی اذان

وفاقی حکومت کی طرف سے پاکستان بیت المال کو سماعت وگویائی سے محروم بچوں کے لیے فنڈز نہ مل سکے ،

سماعت سے محروم بچے چلا رہے ہیں ریسٹورینٹ، صدر مملکت بھی وہاں پہنچ گئے، کیا کہا؟

ویلڈن پاک فوج، سماعت سے محروم افراد سننے اور بولنے لگے

چلڈرن ہسپتال کا کوکلیئر امپلانٹ کے تمام اخراجات برداشت کرنے کافیصلہ،ڈاکٹر جاوید اکرم

حکومتی نااہلی،سماعت سے محروم سینکڑوں بچوں کا مستقل معذور ہونے کا خدشہ

دوسری جانب جےیوآئی سربراہ مولانا فضل الرحمان نےمولانا ذوالفقار نقشبندی کی عیادت کی ہے،مولانا فضل الرحمان نے پیر ذوالفقار نقشبندی کی مزاج پرسی کی،مولانا فضل الرحمان نے جلد صحتیابی کے لئے دعاء کی،اس موقع پر تحفظ ختم نبوت کانفرنس لاہور کی کامیابی کے لئے دعاء کی گئیں،پیر ذوالفقار نقشبندی کی جانب سے مولانا فضل الرحمان کا شکریہ ادا کیا گیا،پیر صاحب نے مولانا فضل الرحمان کی ختم نبوت کے حوالے سے خدمات پر خراج تحسین پیش کیا اور کہا کہ ختم نبوت کے تحفظ کے لئے قائد جمعیت کی قیادت میں بیماری اور پیرانہ سالی میں جدوجہد کو سعادت سمجھتا ہوں۔کل لاہور میں ہونے والی ختم نبوت کانفرنس میں تمام مسلمانان ایمانی فریضہ سمجھ کر شریک ہو۔اس موقع پر علامہ راشد سومرو ،انجینئر ضیاء الرحمان ،محمد اسلم غوری ،مولانا سعید یوسف، ناصر سومرو بھی موجود تھے ۔

وفاقی حکومت نے سرکاری اخراجات میں کمی کیلئے سخت اقدامات کا فیصلہ کیا ہے

وفاقی کابینہ فیصلے کی روشنی میں ٹھوس اقدامات کا عملی آغاز کر دیا گیا،وفاقی حکومت کے ماتحت اداروں میں نئی بھرتیوں پر پابندی عائد کر دی گئی،ایک سال سے زائد عارضی بھرتیوں کے علاوہ کوئی نئی بھرتی نہیں ہوگی،سرکاری خرچ پر بیرون ملک علاج پر بھی مکمل پابندی عائد کر دی گئی،حکومتی اخراجات پر بیرونی دوروں پر بھی مکمل پابندی عائد کر دی گئی،تمام قسم کی نئی گاڈیوں کی خریداری پر بھی مکمل پابندی عائد کر دی گئی،ایمبولنس،طبی امداد سے متعلق اور تعلیمی اداروں کیلئے بسوں کی خریداری پر مستثنی ہوگا،ہر قسم کی نئی مشینری اور آلات کی خریداری پر بھی پابندی عائد ہوگی،اسپتالوں ،لیبارٹیریز،زراعت، سکولوں کیلئے مشینری اور آلات کی خریداری ہو سکے گی،وزارت خزانہ نے حکومتی اخراجات میں کمی کیلئے اقدامات بارے نوٹیفیکشن جاری کردیا

اسلام آباد ہائیکورٹ ججز کے خط پر چیف جسٹس کی زیر صدارت اجلاس ختم

ایسا لگتا تحریک انصاف کے اشارے پر ججز نے خط لکھا،سپریم کورٹ میں درخواست دائر

ججزکا خط،اسلام آباد ،لاہور ہائیکورٹ بار،اسلام آبا بار،بلوچستان بار کا ردعمل

عدالتی معاملات میں مداخلت، اسلام آباد ہائیکورٹ کے ججز کا سپریم جوڈیشل کونسل کو خط

ججز کا خط،انکوائری ہو،سپریم کورٹ میں اوپن سماعت کی جائے، بیرسٹر گوہر

ججز کا خط ،پاکستان بار کونسل کا انکوائری کا مطالبہ

سینیٹ کا اجلاس پرائزائڈنگ افسر سینیٹر منظور کاکڑ کی زیرصدرات مقرر وقت سے 12منٹ تاخیر کے ساتھ پارلیمنٹ ہاوس میں شروع ہوا۔

سینیٹر محسن عزیز نے کہاکہ جمہوریت میں زبان بندی کی جارہی ہے ۔ 5ماہ سے صدر کی تقریر پر شکریہ کی تحریک لگائی جارہی ہے اور ہم ایڈجرمنٹ موشن جس کی وجہ سے ہم ایوان میں نہیں لاسکتے ہیں ۔وزارتِ خارجہ نے تحریری جواب میں بتایا کہ بیرون ملک سفارتی مشنز کی سفارت خانوں اور رہائش گاہوں کی تزئین و مرمت پر پانچ سال میں 21لاکھ 90ہزار ڈالر خرچ ہورہے ہیں،وفاقی وزیر اعظم نزیر تارڑ نے بتایا کہ مناسب نہیں لگتا کہ مہمان آئیں اور فرش ٹوٹا ہو، پوری کوشش ہے کہ کفایت شعاری ہو، 5 سال میں مرمت پر 22 لاکھ ڈالرز لگے جس کا مطلب ہے کہ سالانہ 4 لاکھ ڈالرز خرچ ہوئے، کسی مشن نے 2 ہزار ڈالرز اور کسی نے 3 ہزار ڈالرز خرچ کیے، ایس سی او کا بڑا ایونٹ آ رہا ہے، ممبران ممالک کے سربراہان آئیں گے، چینی وزیرِاعظم لی چیانگ بھی ایس سی او کے سربراہی اجلاس میں شرکت کے لیے پاکستان آئیں گے۔

ڈریپ نے مالی سال 2023-24 میں 72کروڑ 33لاکھ 73ہزار روپے سے زائد کا بجٹ منظور کیا گیا۔ مگر اس عرصے کے دوران سی آر ایف استعمال کے معیار کے مطابق کوئی درخواست موصول نہیں ہوئی ہے ۔وزیر اعظم نزیر نے بتایا کہ یہ فنڈ لیپس نہیں ہوتا ہے ۔ہماری ریسرچ بہت کم ہے ۔ وزیر قانون اعظم نذیر تارڑ نے بتایا کہ ڈریپ میں اصلاحات لائی جارہی ہیں ۔کسی کو شکایت ہے تو اس کا ازالہ کیا جائے گا ۔وزیر قانون اعظم نذیر تارڑ نے کہاکہ آئی بی سی سی ایکوئیولنیس کا نظام ان لائن ہوگیا ہے ،انوشہ رحمان نے کہاکہ پی ایم ڈی سی کا ان لائن پورٹل کام نہیں کررہاہے بیرون ملک سے جو پڑھ کر آتے ہیں تو ان کو کہا جاتا ہے پہلے فزکس کا پرچے دیں پھر آپ کی ڈگری منظور کی جائے گی ۔وزیر قانون نے بتایا کہ این آر ای کے امتحان میں پاس کرنے کے نمبر 60نمبر ضروری ہے. سال میں 2 مرتبہ امتحان لیا جاتا ہے ۔وزارت صحت نے تحریر جواب میں بتایا کہ پمز میں 8ہزار مریض روزانہ آتے ہیں اوپی ڈی میں روزانہ 2 سے 3 ہزار مریضوں کے علاج کی صلاحیت ہے ۔ وزیر قانون نے بتایا تھا کہ جناح میڈیکل ٹاور تین سال میں مکمل ہوگا اور یہ ایچ 16میں بن رہاہے کل مالیت15 ارب روپے آئے گی اس سے پمز پر مریضوں کا دباؤ کم ہوگا ۔نرسز کی طرف سے تعلیم مکمل کرنے کے بعد پروفیشنل کام کے بجائے گھر بیٹھ جاتے ہیں اس حوالے سے کوئی قانون نہیں ہے ۔

بھنگ کے حوالے سے بل خزانہ کمیٹی کو بھیجنے پر کامل علی آغا کا اعتراض
سینیٹر کامل علی آغا نے کہاکہ کل بھنگ کے حوالے سے بل خزانہ کمیٹی کو بھیج دیا گیا اس بل کو سائنس اینڈ ٹیکنالوجی کمیٹی کے پاس جانا چاہیے ۔اس ایوان میں فرمائشی پروگرام چلے گا ۔شبلی فراز نے کہاکہ کامل علی آغا ٹھیک بات کررہے ہیں پہلے لیڈ منسٹری سائنس اینڈ ٹیکنالوجی تھی اب اس کی شکل خراب کردی گئی ہے اس کو لیٹ کرنے سے 2 ارب ڈالر نقصان ہو گیا ہے ۔اس کاروبار کو بہت زیادہ مس یوز کیا جاسکتا ہے اور موجودہ حکومت میں اس کا خطرہ اور بھی زیادہ ہے. وزیرقانون اعظم نزیر تارڑ نے کہاکہ قائمہ کمیٹی دفاع غیرفعال ہے اس کی وجہ سے یہ بل قائمہ کمیٹی خزانہ کو بھیج دیا گیا۔سینیٹر محسن عزیز نے توجہ مبذول کرانے کے نوٹس پر کہاکہ پرائیویٹ لیبارٹریوں کے ٹیسٹ ریٹس میں فرق ہے ۔ اسلام آباد کنٹینر سٹی بن گئی ہے۔ اسلام آباد کی آبادی 25لاکھ ہوگئی ہے اور ہسپتال دو ہی ہیں ۔ سرکاری ہسپتالوں کے ڈاکٹر بھی مریضوں کو پرائیویٹ ہسپتالوں و لیبارٹریز کو ریفر کرتے ہیں ۔ اس طرح ڈاکٹر کمیشن لیتا ہے ،وزیر قانون اعظم نذیر تارڑ نے جواب دیا کہ پرائیویٹ سیکٹر سے خدمات لیتے ہیں تو سوزوکی اور دیگر کمپنی کی گاڑیوں کی قیمت ایک نہیں رکھ سکتے ہیں ۔ اگر کسی صوبے نے ریٹس فکس کئے ہیں تو ہمیں بتایا جائے میرے خیال میں ایسا کرنا ممکن نہیں ہے ۔ قائد حزب اختلاف سینیٹر شبلی فراز نے کہاکہ اس معاملے کو کمیٹی میں بھیج دیں تاکہ اس کاطریقہ کار طے کرلے جائے معاملے کو متقلقہ قائمہ کمیٹی کو بھیج دیا گیا ۔کامل علی آغا نے بھنگ کے حوالے سے بل سائنس اینڈ ٹیکنالوجی کے بجائے خزانہ کو بھیجنے پر ایوان سے واک آوٹ کیا ۔

عوامی اجتماعات میں شریک ہونے والوں پر تین سے دس سال سزا کا بل ،شبلی فراز برس پڑے
قائد حزب اختلاف سینیٹر شبلی فراز نے کہاکہ پاکستان میں چوروں کو تحفظ دینے کےلیے قوانین بنائے جارہے ہیں جمہوریت صاف شفاف الیکشن سے آتی ہے ۔ ہماری حکومت ختم ہوئی تو سب سے پہلے الیکٹرانک ووٹنگ کو ختم کرنے کے لیے قانون سازی کی گئی بھارت میں بھی یہ مشین استعمال ہو رہی ہے اورکبھی الیکشن چوری کی شکایت وہاں سے نہیں آئی ۔عوام کے ووٹ سے جو آئے گے وہ عوام کے لیے قانون سازی کریں گے ۔ ووٹ کو ضائع کرنے کےلیے ووٹ ضائع کرنے کے لیے دو سٹمپ لگائے گئے ایک گھول ہے اور دوسری چکور ہے ۔ عوام کےپیسے لوٹ کر اداروں کو کرپٹ بنایا جارہاہے ۔ ایک گروہ عوام کے حقوق کو پامال کررہی ہے ۔ عوامی اجتماعات میں شریک ہونے والوں پر تین سے دس سال سزا کا بل پاس کیا ہے کیا جمہوری حکومت میں ایسا بل پاس ہوسکتا ہے. کیا اس قانون پر آپ فخر کریں گے کس منہ سے عوام کے پاس جائیں گے ۔جمہوریت کی سپرٹ پر ضرب لگائی گئی ہے ۔ ہمیں نوش کے ناخن لینا چاہیے ۔ ایجنڈے سے صدر کی تقریر پر شکریہ کی تحریک اب ختم کردیں شکریہ ۔

سینیٹر جان محمد بلیدی نے کہاکہ بلوچستان میں آرمی کو سپیشل پاور دیئے جارہے ہیں سب اخبارات میں یہ خبر لگی ہے ۔بلوچستان کو سمجھیں اس طرح حالات مزید خراب ہوں گے ۔بلوچستان میں سب سے بڑا مسئلہ لاپتہ افراد کا ہے ۔ اس مسئلہ نے بلوچستان میں آگ لگئی ہے ۔ تین ماہ تک اداروں کو کھلی چھوٹ دی جارہی ہے یہ پولیس سٹیٹ بن گئی ہے ۔ سینیٹر کامران مرتضیٰ نے کہاکہ 25 اور 26 اگست کو جو واقع ہوا ہے اس کے بعد دو مزید واقعات ہوئے ہیں بلوچستان کے حوالے سے فورسز کو مزید اختیارات دے دیئے ہیں بلوچستان میں دن کو ٹرانسپورٹ چلے گی رات کو نہیں چلے گی ۔ ایپکس کمیٹی کی برکات ہیں ۔ڈرائیور رات کو سفر کرنے کو ترجیح دیتے ہیں بلوچستان کو قانون کے مطابق نو گو ایریا بنادیا گیا ہے ۔ ہم اس کے خلاف احتجاج کرتے ہیں۔

سینٹ اجلاس، پی ٹی آئی ارکان کے ظالمو حساب دو کے نعرے
ظالمو حساب دو کے نعرے تحریک انصاف کے ارکان نے ایوان میں نعرے لگانا شروع کردیں ۔سینیٹر سیف اللہ ابڑو نے کہاکہ ایوان کو چلائیں دکان نہ بنائیں ۔سیف اللہ ابڑو نے کہاکہ آپ مائنڈ نہ کریں ایک بات کروں گا،سیف اللہ ابڑو نے کہاکہ ہمارے دور میں عمران خان کا حکم ہوتا تھا کہ 6ستمر کو ضلعی سطح پر ریلیاں نکالیں آج حکومت کوئی ریلی نہیں نکال رہی ہے ۔28مئی کو یوم تکبیر حکومت نے نہیں منائی،مگر تحریک انصاف مناتی تھی۔ امن وعامہ والا قانون لانے والے کل اس میں پھنسیں گے ۔

پی ایچ ڈی پروگرام میں بیرون ملک جا کر واپس نہ لوٹنے والے اسکالرز کی تفصیلات پیش
سینیٹ اجلاس کے دوران وزارت تعلیم نے پی ایچ ڈی پروگرام میں بیرون ملک جا کر واپس نہ لوٹنے والے اسکالرز کی تفصیلات سے متعلق تحریری جواب سینیٹ میں پیش کر دیا،وزارت تعلیم کے مطابق 5 سال میں پی ایچ ڈی کرنے 3001 اسکالرز بیرونِ ملک گئے، جن میں سے 1126 نے بیرونِ ملک اپنی تعلیم مکمل کی، 1810 تعلیم حاصل کر رہے ہیں، پی ایچ ڈی کرنے کے لیے بیرونِ ملک جانے والے 65 اسکالرز واپس نہیں آئے، فیکلٹی ڈیولپمنٹ پروگرام کے تحت 5 سال میں 185 اسکالرز تعلیم مکمل کر کے واپس وطن آئے، 144 اسکالرز بیرونِ ملک پی ایچ ڈی کی تعلیم پر عمل پیرا ہیں جبکہ 34 اسکالرز واپس پاکستان نہیں آئے، نادہندہ اسکالرز سے 113.20 ملین ڈالرز لیے جا چکے، عدالتوں میں کیسز زیرِ التواء ہیں، ایچ ای سی کو فارن ایکسچینج کی کمی کا سامنا ہے، اس وجہ سے نئے داخلے مشکل ہیں، ایچ ای سی نئے اسکالرز کو بیرونِ ملک بھیجنے سے کترا رہا ہے، اعظم نذیر تارڑ نے اظہار خیال کرتے ہوئے کہا کہ میڈیکل تعلیم مکمل کر کے پروفیشن جوائن کرنے والی خواتین کی تعداد بہت کم ہے، میڈیکل تعلیم کے بعد پروفیشن میں کم خواتین کا آنا بہت حساس مسئلہ ہے، کسی کو مجبور نہیں کر سکتے کہ وہ پروفیشن کو جوائن کرے۔

6ستمر کے حوالے سے پنجو بیل نے ایوان میں قرارداد پیش کی جس کو متفقہ طور منظور کرلیا گیا . سینیٹر عرفان صدیقی نے بات کرنا شروع کی تو سیف اللہ ابڑو نے کورم۔کی نشاندہی کردی جس پر کورم۔مکمل نہیں تھا جس پر اجلاس پیرکو شام 5بجے تک ملتوی کردیا گیا ۔

دنیا کی کوئی طاقت پاکستان کو نقصان نہیں پہنچا سکتی،آرمی چیف

یوم دفاع پاکستان،ملکی سلامتی کیلئے دعائیں،شہدا کی قبروں پر سلامی

کوئی سیاسی ایجنڈا نہیں،فیض حمید کیخلاف ثبوتوں پر کاروائی ہو رہی، ترجمان پاک فوج

فوج میں کڑے احتسابی نظام پر عملدرآمد استحکام کیلئے لازم ہے،آرمی چیف

پاکستان کا سب سے بڑا سرمایہ نوجوان ہیں، انہیں ضائع نہیں ہونے دیں گے: آرمی چیف جنرل عاصم منیر

شرپسند عناصر عوام اور مسلح افواج میں خلیج پیدا کرنے کی کوشش کر رہے ہیں۔آرمی چیف

قوم کا پاک فوج پر غیر متزلزل اعتماد ہمارا سب سے قیمتی اثاثہ ہے،آرمی چیف

نا اتفاقی اور انتشار ملک کو اندر سے کھوکھلا کرکے بیرونی جارحیت کے لئے راہ ہموار کر دیتے ہیں۔ آرمی چیف جنرل عاصم منیر

مضبوط جمہوریت کے لیے درست معلومات کا فروغ لازمی ہے۔آرمی چیف

الیکشن کمیشن نے انٹرا پارٹی کیس میں پی ٹی آئی کی چاروں متفرق درخواستیں مسترد کردیں

الیکشن کمیشن نے دس صفحات پر مشتمل فیصلہ جاری کردیا،الیکشن کمیشن کا فیصلہ ممبر سندھ نثار درانی کی جانب سے تحریر کیاگیا ہے ،انٹراپارٹی انتخابات میں الیکشن کمیشن کے دائر ہ اختیار پر پی ٹی آئی کااعتراض مستردکر دیا گیا،الیکشن کمیشن نے انٹراپارٹی انتخابات کیس میں تحریک انصاف کے التواء کی درخواست بھی مسترد کردی ،انٹرا پارٹی انتخابات کی کاروائی مخصوص نشستوں میں کمیشن کی درخواست پرفیصلے تک موخر کی استدعا بھی مسترد کر دی گئی،الیکشن کمیشن نے پی ٹی آئی کو ایف آئی اے سےپارٹی آفس سے لے جائے گئےدستاویزات کی واپسی کےلیے عدالت سے رجوع کرنے کی ہدایت کر دی ، الیکشن کمیشن نے فیصلے میں کہا کہ الیکشن ایکٹ 2017ءکی شق 208انٹراپارٹی انتخابات کے قانونی تقاضوں کاجائزہ لینا کمیشن کی ذمہ داری ہے شق209تھری کے تحت سرٹیفیکٹ کے اجراء کے حقائق دیکھنا کمیشن کہ ذمہ داری ہے،

اس سے قبل الیکشن کمیشن کی جانب سے گزشتہ دنوں پی ٹی آئی کے 3 مارچ کو کروائے گئے انٹراپارٹی الیکشنز پر 7 اعتراضات عائد کیے گئے تھے۔ الیکشن کمیشن کا کہنا تھا کہ پی ٹی آئی نے انٹراپارٹی الیکشن نہیں کروائے، انتظامی ڈھانچہ ختم ہوگیا ہے، الیکشن کمیشن نے پی ٹی آئی کی رجسٹریشن پر سوالات اٹھائے تھے۔اعتراضات میں کہا گیا تھا کہ پی ٹی آئی نے الیکشنز ایکٹ کی سیکشن 208 ایک کے تحت انٹراپارٹی الیکشنز 5 سال میں نہیں کروائے، الیکشن کمیشن میں پی ٹی آئی کا انتظامی ڈھانچہ پانچ سال سے نہیں ہے اب بطور سیاسی جماعت کیا اسٹیٹس ہے؟ پی ٹی آئی نے سیکشن 202 پانچ کے تحت فہرست میں شامل ہونے کیلئے درکار دستاویزات نہیں دیں۔

واضح رہے کہ تحریک انصاف کے فیڈرل الیکشن کمشنر رؤف حسن کی جانب سے تفصیلات الیکشن کمیشن میں جمع کروائی گئیں تھیں جس پر الیکشن کمیشن نے اعتراض عائد کر دیا تھا اور پی ٹی آئی کو نوٹس جاری کئے تھے، رؤف حسن نے فارم 65 پر مشتمل پارٹی سربراہ کا سرٹیفیکیٹ بھی الیکشن کمیشن میں جمع کروا یا ،مرکزی اور صوبائی سطح پر نو منتخب پارٹی عہدے داروں کی تفصیلات شامل ہیں،مرکزی کور کمیٹی کے ارکان کے نام اور تفصیلات بھی شامل ہیں،فیڈرل الیکشن کمشنر کے نوٹیفکیشن کے علاوہ دیگر دستاویزات بھی الیکشن کمیشن میں جمع کروائی گئیں

علاوہ ازیں،اکبر ایس بابر نے بھی پی ٹی آئی انٹراپارٹی انتخابات کو الیکشن کمیشن میں چیلنج کردیا ، اکبر ایس بابر نے الیکشن کمیشن میں مؤقف اختیار کیا کہ پی ٹی آئی انٹراپارٹی انتخابات کو کالعدم قرار دیا جائے۔اکبر ایس بابر نے الیکشن کمیشن میں باضابطہ درخواست دائر کردی، درخواست میں کہا گیا کہ ساڑھے 8 لاکھ میں سے 960 ووٹ پڑے ،سنی تحریک میں شامل ہونے والوں کو تحریک انصاف سے خارج کرنے کا حکم دیا جائے،پی ٹی آئی کے فنڈز منجمند کئے جائیں۔

تحریک انصاف کے چیف الیکشن کمشنر رؤف حسن نے انٹرا پارٹی الیکشن کے نتائج کا اعلان کیا تھااور کہا تھا کہ انٹرا پارٹی الیکشن میں بیرسٹر گوہر چیئرمین اور عمر ایوب سیکریٹری جنرل منتخب ہوئے ہیں، اس بار الیکشن کمیشن پی ٹی آئی کے انٹرا پارٹی انتخابات تسلیم کرے گا اور ہمیں انتخابی نشان واپس ملے گا

سائفر کیس، آج مایوسی ہوئی، عدالت کو کہا فیصلے کو منوائیں، وکیل عمران خان

سائفر کیس، اسلام آباد ہائیکورٹ کا حکم امتناع،اڈیالہ جیل میں سماعت ملتوی

سائفر کیس، شاہ محمود قریشی کی درخواست ضمانت مسترد

اسلام آباد ہائیکورٹ کا سائفر کیس کی سماعت روکنے کا حکم

سائفر کی ماسٹر کاپی وزارت خارجہ کے پاس موجود ہے،اعظم خان کا بیان

عمران خان اور جیل سپرنٹنڈنٹ کے درمیان تلخ جملوں کا تبادلہ

واضح رہے کہ پہلے اکبر ایس بابر کی درخواست پر ہی انٹرا پارٹی انتخابات کالعدم ہوئے تھے، تحریک انصاف نے سپریم کورٹ میں بھی انتخابی نشان کے لئے درخواست دائر کی تھی تا ہم درخواست مسترد کر دی گئی تھی، تحریک انصاف نے انتخابی نشان بلے کے بغیر الیکشن میں حصہ لیا ، آزاد امیدوار جیتے تو وہ سنی اتحاد کونسل میں شامل ہو گئے،