لاہور:پاکستان تحریک انصاف کے چیئرمین عمران خان نے پارٹی تنظیموں کو عام انتخابات کیلئے امیدواروں کو شارٹ لسٹ کرنے کا ٹاسک دے دیا۔ جنرل سیکرٹری پی ٹی آئی پنجاب حماد اظہر نے کہا کہ عام انتخابات کی تیاری قبل ازوقت شروع کر دی ہے، حتمی فیصلے پارلیمانی بورڈ اور عمران خان کریں گے۔ میڈیا رپورٹس کے مطابق چیئرمین پی ٹی آئی عمران خان نے پارٹی تنظیموں کو عام انتخابات کیلئے امیدواروں کو شارٹ لسٹ کرنے کا ٹاسک دے دیا ہے۔

پنجاب اسمبلی میں سیکریٹری جنرل پی ٹی آئی اسد عمر کی زیرصدارت اجلاس ہوا، اجلاس میں یاسمین راشد، حماد اظہر، اعجاز چودھری اور تنظیمی عہدیداران کی شرکت کی۔ اسد عمر نے پارٹی تنظیموں کے ساتھ امیدواروں کو شارٹ لسٹ کرنے کا کام شروع کر دیا ہے۔یہ بھی معلوم ہوا ہے کہ عمران خان نے اگلی حکومت کےلیے بہترین حکمت اپنانے کے حوالے سے پہلے سے تیاری کا حکم بھی دے دیا ہےتاکہ جو غلطیاں پہلے سرزد ہوئی ہیں وہ دوبارہ نہ ہوں

جنرل سیکرٹری پی ٹی آئی پنجاب حماد اظہر نے کہا کہ وفا دار اور مضبوط پارٹی امیدواروں کی ابتدائی فہرستیں پیش کر دی ہیں، عام انتخابات کی تیاری قبل ازوقت شروع کر دی ہے، حتمی فیصلے پارلیمانی بورڈ اور عمران خان کریں گے۔

آرمی چیف جنرل قمر جاوید باجوہ نے کانجو اور سوات کا دورہ کیا

وزیراعظم شہباز شریف نے چارسدہ میں سیلاب سے متاثرہ علاقوں کا دورہ کیا

پاک فضائیہ کی خیبر پختونخوا، سندھ، بلوچستان اور جنوبی پنجاب کے سیلاب سے شدید متاثرہ علاقوں میں امدادی کارروائیاں۔

لاہور:سابق صدر،پاکستان پیپلزپارٹی کے مرکزی رہنما آصف علی زرداری پی ڈی ایم اجلاس کے بعد چوہدری شجاعت حسین سے ملاقات کے لیے ان کی رہائش گاہ پر پہنچ گئے

پارٹی ذرائع کے مطابق سابق صدر آصف علی زرداری نے مسلم لیگ ق کے سربراہ چوہدری شجاعت حسین سے لاہور میں ان کے رہائش گاہ پر ملاقات کی ہے۔ملاقات میں وزیر اعلیٰ پنجاب کے انتخابات کے حوالے سے معاملات بھی زیر غور آئے جبکہ ملک کی مجموعی صورتحال پر تبادلہ خیال کیا گیا۔آصف زرداری نے موجودہ سیاسی صورت حال پر چوہدری شجاعت کو اعتماد میں لیا۔

شان شاہد کی عمران خان کو ضمنی انتخابات جیتنے کی مبارکباد

خیال رہے کہ اس سے قبل اتحادی جماعتوں کے اجلاس میں پی ڈی ایم اور اتحادی جماعتوں نے اسمبلیوں کا وقت پورا کرنے کا فیصلہ کر لیا۔اتحادی جماعتوں کے اجلاس میں سابق صدر آصف علی زرداری ، وزیر خارجہ بلاول بھٹو زرداری اور جمعیت علمائے اسلام (ف) کے سربراہ مولانا فضل الرحمان نے شرکت کی۔

اتحادی جماعتوں کے رہنماوں کا کہنا ہے قبل ازوقت انتخابات بہتر آپشن نہیں جبکہ پنجاب میں بھی وزارت اعلیٰ بچانے کے لیے تمام اتحادی جماعتیں کوشش کریں گے۔

پی ٹی آئی کور کمیٹی کی وزیراعلیٰ کیلئے پرویزالٰہی کے نام کی توثیق، 14 ووٹوں کی برتری کا دعویٰ

وزیرخارجہ شاہ محمود قریشی کا کہنا ہے کہ سپریم کورٹ کے جج صاحبان کی رائے کا بے حد احترام ہے مگر فی الحال پارٹی میں قومی اسمبلی میں واپس آنے کی کوئی تجویز زیر غور نہیں۔شاہ محمود قریشی کاکہنا تھا کہ موجودہ صورتحال میں ہم قومی اسمبلی آنے کو تیار نہیں کیونکہ ہمارا قومی اسمبلی واپس آنا بے معنی ہوگا۔

وائس چیئرمین تحریک انصاف کا کہنا تھا کہ قومی اسمبلی میں واپسی کیلئے پارٹی سطح پر کوئی مشاورت بھی نہیں کی گئی، تحریک انصاف کا فوری نئے انتخابات کا مطالبہ برقرار ہے۔

سابق وزیرخارجہ کا کہنا تھا کہ تحریک انصاف نے ساڑھے 3سال کی محنت سے ملکی معیشت کو مستحکم کیا تھا مگر آج ملکی معاشی صورتحال روز بہ روز بگڑتی جارہی ہے اور موجودہ حکومت ملک کو دیوالیہ ہونے کی نہج پر لے آئی۔

شاہ محمود قریشی کا کہنا تھا کہ ڈالر کی قدر بلند ترین سطح پر پہنچ گئی، صورتحال حکومت کے کنٹرول سے باہر ہے، ان حالات میں ہم کیسے قومی اسمبلی واپس آئیں۔

پاکستان ڈیمو کریٹک موومنٹ (پی ڈی ایم) اور حکومتی اتحاد نے قبل از وقت انتخابات نہ کروانے کا فیصلہ کیا ہے۔

اہم ترین اجلاس میں آصف زرداری، فضل الرحمان اور دیگر جماعتوں کے قائدین شریک ہوئے، ضمنی الیکشن میں بد ترین صورتحال کے بعد کی صورتحال کا جائزہ لیا گیا، شرکا کو صوبائی اسمبلی میں نمبر گیم پر بریفنگ بھی دی گئی۔

فوری انتخابات:تحریک انصاف قومی اسمبلی میں واپس نہ آنے کے مؤقف پر قائم

پارٹی ذرائع کے مطابق لاہور میں پی ڈی ایم اور اتحادیوں کے اجلاس کا انعقاد کیا گیا، اجلاس میں پی ڈی ایم اور حکومتی اتحاد نے ملک میں قبل از وقت نہ کروانے کا متفقہ فیصلہ کیا۔

اس حوالے سے پارٹی ذرائع نے مزید بتایا کہ قبل از وقت انتخابات عمران خان کے دباؤ پر نہیں بلکہ حکومتی اتحاد کے متفقہ فیصلے کے تحت ہوں گے اور اسمبلیاں اپنی مدت پوری کریں گی۔

وزیر اعلی پنجاب حمزہ شہباز نے کہا کہ غیر جانبدار اور شفاف ضمنی انتخابات کے انعقاد پرتمام متعلقہ اداروں کو مبارکباد دیتا ہوں۔ پرامن ضمنی انتخابات کو یقینی بنانے کیلئے تمام متعلقہ اداروں نے دن رات محنت کی۔ووٹرز نے پرامن ماحول میں اپنا حق رائے دہی استعمال کیا۔ کچھ مقامات پر ناخوشگوار واقعات پیش آئے،جس پر فوری ایکشن لیاگیا۔

اپنے بیان میں حمزہ شہباز کا کہنا تھا کہ پنجاب کے 20حلقوں میں مجموعی طورپر امن و امان کی صورتحال اطمینان بخش رہی۔ پرامن ماحول میں ضمنی الیکشن کا انعقاد یقینی بنانے کے لئے موثر اقدامات کئے گئے ہیں۔وضع کردہ سکیورٹی پلان پر من و عن عملدرآمد یقینی بنایا گیا۔ پرامن ماحول میں ضمنی الیکشن کا انعقاد ہماری ذمہ داری تھی جسے بطریق احسن پورا کیاگیا۔ امن عامہ کی فضا برقرار رکھنے کے لئے تمام ضروری وسائل بروئے کار لائے گئے۔الیکشن کمیشن کے ضابطہ اخلاق پر انتظامیہ اورپولیس نے عملدرآمدکرایا۔

صوبائی وزیر داخلہ عطا اللہ تارڑ نے پنجاب میں ضمنی الیکشن کے پرامن انعقاد پر اپنے پیغام میں کہا کہ الحمد اللہ آج پنجاب میں پرامن الیکشن کا انعقاد ہوا ، پورے پنجاب میں کہیں بھی کوئی سنگین واقعہ پیش نہیں آیا نہ کوئی جانی نقصان ہوا ہے ،کچھ مقامات پر معمولی جھگڑے ہوئے لیکن حالات پر قابو پا لیا گیا ،پنجاب کو اسلحہ سے پاک کرنے کی کمپین بلا امتیاز اور مؤثر طریقے سے چلائی گئی اور پورے دن میں ایک گولی بھی نہیں چلی.

پاکستان تحریک انصاف (پی ٹی آئی) 11 جولائی کو لودھراں میں پاور شو کرے گی جس سے پارٹی چیئرمین عمران خان کارکنان سے خطاب کریں گے۔

تفصیلات کے مطابق لودھراں میں پاکستان تحریک انصاف (پی ٹی آئی) کی مقامی قیادت نے 17 جولائی کو ہونے والے اہم ضمنی انتخابات سے قبل زبردست پاور شو کے لیے تیاریاں شروع کر دی ہیں۔

ذرائع کا کہنا ہے کہ عمران خان 6 بجے جلسہ گاہ پہنچیں گے اور خطاب کریں گےجبکہ جلسے میں عمران خان کے ساتھ شاہ محمود قریشی اور علی محمد ، اسد عمر بھی ساتھ ہونگے اور خطاب کریں گے۔

ڈی پی او کا کہنا ہے کہ ایک سو بیس فٹ لمبا اور ساٹھ فٹ چوڑا اسٹیج تیار کیا جارہا ہے جبکہ سیکورٹی کے فول پروف انتظامات کیے گئے ہیں اور ایک ہزار سے زائد لودھراں پولیس کے اہلکار ڈیوٹی سر انجام دیں گے۔

ڈی پی او کا یہ بھی کہنا ہے کہ لودھراں کے دو حلقوں میں 17 مئی کو ضمنی الیکشن ہونا ہے، ضمنی الیکشن پی پی 224 اور 228 میں ہوگا۔ عمران خان کے ساتھ جنوبی پنجاب کی قیادت بھی ساتھ ہوگی، پاکستان تحریک انصاف کے کارکنان جلسہ گاہ پہنچ کر انتظامات دیکھ رہے ہیں۔

ڈی پی او کا مزید کہنا ہے کہ جلسہ گاہ پہلے ہی بارش کے پانی سے خراب ہے جبکہ موسم کی خرابی کے باعث مزید بارش بھی ہوسکتی ہے، ٹی آئی کی مقامی قیادت موقع پر موجود ہے اور انتظامات کروا رہی ہے۔

پاکستان تحریک انصاف کے سینئر رہنما اسد عمر نے کہا ہے کہ ضمنی انتخابات کے لیے ہماری اکثریت واضح ہوگئی ہے۔لاہور میں پریس کانفرنس کے دوران اسد عمرکا کہنا تھا کہ صورتحال واضح ہے، عوام عمران خان کے ساتھ کھڑے ہیں، پریڈ گراؤنڈ میں آج تک کسی کی جلسہ کرنے کی جرات نہیں ہوئی۔انہوں نے کہا کہ ہمارے مخالفین کی کانپیں ٹانگ گئی ہیں، جب کچھ نہیں ملا تو عمران خان پر ذاتی حملے شروع کر دیے گئے ہیں۔

تحریک انصاف کے سابق وزراء کے فرنٹ مین نے کیے زمینوں پر قبضے

اسد عمر نے مزید کہا کہ مریم نے سب سے بڑا جھوٹ بولا جو ریلیف پیکیج ہے وہ ممکن نہیں، پنجاب میں سب سے بڑا ریلیف پیکیج عمران خان کا صحت کارڈ ہے۔ الیکشن میں دھاندلی کے لیے منصوبہ بندی کی جا رہی ہے، ضمنی انتخاب والے حلقوں میں غیرقانونی طور پر ترقیاتی کام ہو رہے ہیں۔اسد عمر نے کہا کہ الیکشن کمیشن نے تاحال پنجاب میں مخصوص نشستوں کا نوٹیفکیشن جاری نہیں کیا، وزیراعلیٰ پنجاب نے 18 دن بعد فارغ ہو جانا ہے۔

عامر لیاقت کی قومی اسمبلی کی سیٹ پر تحریک انصاف کے امیدوار کا اعلان

پاکستان تحریک انصاف کے سینئر رہنما اسد عمرنے کہا کہ ان لوگوں نے قومی احتساب بیورو (نیب) قانون میں ترامیم کر کے اربوں روپےکا ریلیف لیا، ان کے پاس ملک میں بدترین لوڈشیڈنگ کا کوئی جواب نہیں، ان کے پاس جواب نہیں تو یہ ذاتیات پر اتر آئے ہیں۔

ضمنی الیکشن،پی ٹی آئی کے ن لیگ پر دھاندلی کے الزامات

علاوہ ازیں پاکستان تحریک انصاف کی مرکزی رہنما سابق رکن قومی اسمبلی ڈاکٹر سیمی بخاری نے پی پی 168میں جلسے سے خطاب کرتے ہوئے کہا ہے کہ چند ماہ پہلے تک پنجاب امن کا گہوارہ تھا اور لوگ سکھ چین سے جی رہے تھے لیکن حمزہ شہباز اینڈ کمپنی اقتدار پر قبضہ کرتے ہی پنجاب کا سکھ چین لوٹ کر عوام کو بے رحم مہنگائی کے رحم و کرم پر چھوڑ دیا 17جولائی کو پنجاب کے غیور عوام اپنے ووٹ کی طاقت سے پی ٹی آئی کو کامیاب بنائیں گے اور ن لیگ کو عبرتناک شکست سے دو چار کریں گے.

لاہور : امیر جماعت اسلامی سراج الحق کا کہنا ہے کہ ملک میں الیکشن فوری ہونے چاہئیں تاہم الیکشنز سے پہلے ریفارمز ضروری ہیں، پی ڈی ایم اور پی ٹی آئی کا ایک ہی ایجنڈا ہے یہ دونوں جماعتیں عوام کی بہتری نہیں چاہتیں۔ انتخابات میں اسٹیبلشمنٹ کے کردار کو ختم کرنا ضروری ہے۔

مہنگائی کیخلاف ٹرین مارچ میں روانگی سے پہلے ملتان ریلوے سٹیشن پر میڈیا سے گفتگو کرتے ہوئے امیر جماعت اسلامی نے کہا کہ نہریں خشک ہو چکی ہیں، فصلیں تباہ ہو رہی ہیں، ملک میں بیروزگاری عروج پر ہے، نوجوان ڈگریاں جلا رہے ہیں، رشوت اور سفارش کے بغیر نوکری نہیں ملتی۔

امیر جماعت سلامی کا کہنا تھا کہ روز نئے ٹیکسز لگائے جا رہے ہیں، حکمرانوں کے اپنے بینک اکاوئنٹس بڑھتے جا رہے ہیں، پٹرول گیس بجلی اور کھانے پینے کی اشیا سب مہنگی ہو چکی ہیں۔ حکومت نے عوام کو نچوڑ کر آئی ایم ایف کو خوش کیا ہوا ہے۔ اسمبلیوں میں پیٹرول مافیا اور ڈرگ مافیا بیٹھے ہیں، عوام کا کسی کو خیال نہیں ،سیاستدانوں کے گھوڑے اور کتے تک عیاشیاں کر رہے ہیں لیکن غریب عوام کا کوئی پرسان حال نہیں، پچاس گرام کا پراٹھا 25 روپے میں ملتا ہے، دونوں جماعتوں نے غریب عوام کا سینڈ وچ بنا دیا ہے ،عمران زرداری اور شہباز میں کوئی فرق نہیں انکی کرپشن کی وجہ سے ملک تباہی کیطرف جا رہا ہے، ایک لیٹر پٹرول کی قیمت سونے کے بھاو کے برابر ہے۔

سراج الحق نے کہا کہ 14 سال سندھ پر پیپلزپارٹی جبکہ 9 سال سے کے پی کے میں عمران خان بیٹھا ہے تاہم پنجاب میں وزیر اعظم شہباز شریف کے بیٹے حمزہ شہبا ز کی حکومت ہے جبکہ مرکز میں پی ڈی ایم ہے یہ جماعتیں سرکاری وسائل سے جلسے کرتی ہیں اور روڈ بلاک کر کے عوام کو تکلیف پہنچاتی ہیں عوام کیساتھ غلاموں جیسا برتاو رکھا جا رہا ہے عوام پسینہ بہہا کر خزانہ بھرتی ہے اور یہ مافیا اس خزانے پر سانپ بن کر بیٹھے ہیں،کروڑوں روپے الیکشن پر لگا کر اسمبلیوں میں پہنچتے ہیں اور پھر لوٹ مار اور کرپشن کرتے ہیں۔

ان کا کہنا تھا کہ اسٹیبلشمنٹ پہلے نواز شریف کو لائی پھر اسکو نکالا تو عمران خان آیاؕ اب و ہ بھی یہی کہہ رہا ہے مجھے کیوں نکالا، ملک میں اس وقت ڈمی حکومت اور ڈمی اپوزیشن ہے، وفاقی شرعی عدالت نے سودی نظام کو ختم کرنے کیلئے فیصلہ دے دیا ہے یہ ایک خوش آئند بات ہے لیکن وفاقی ھکومت اب اس فیصلے کیخلا ف سپریم کورٹ جا رہی ہے ، سودی نظام کے خاتمے کیلئے شرعی عدالت کے فیصلے کو چیلنج کیا گیا تو حکومت کیخلاف ہر ممکن مزاحمت کریں گے، سودی نظام اب مغرب میں بھی ختم ہو رہا ہے تو یہاں بھی اس کو ختم کیا جانا چاہیے۔