کراچی :بچ جاو،بچالو،احتیاط اپنالو:نئہیں‌ تاں آیا جے”اومی کرون کراچی میں داخل ہوگیا:11کیسزسامنے آگئے،اطلاعات کے مطابق لاہور سے کراچی آنے والی فیملی کے 11 افراد میں اومی کرون کی تصدیق کی گئی ہے۔

اس حوالے سے تصدیق کرتے ہوئے محکمہ صحت سندھ کے مطابق کراچی کے ضلع شرقی میں رہائش پزیر ایک ہی خاندان کے 11 افراد میں اومی کرون وائرس کی تصدیق ہوئی ہے، متاثرہ افراد چند روز قبل لاہور سے کراچی پہنچے ہیں۔

متاثرین میں 8 خواتین اور 3 مرد شامل ہیں ، متاثرہ افراد کی عمریں 26 سے 77 سال کے درمیان ہیں۔ کراچی میں اب تک اومی کرون کے 44 کیسز سامنے آچکے ہیں۔

دوسری جانب وفاقی دارالحکومت اسلام آباد میں ایک دن میں اومی کرون کے 12 کیس سامنے آگئے۔اسلام آباد میں صرف 5 روز میں اومی کرون کے 32 کیس رپورٹ ہو چکے ہیں، ڈی ایچ او اسلام آباد کا کہنا ہے کہ عالمی وبا کے تناظر میں اسلام آباد میں اومی کرون مزید پھیلے گا، شہری افراتفری میں نہ آئیں ،احتیاطی تدابیر کریں۔

این سی او سی نے بوسٹر ویکسین کے لیے عبوری گائیڈ لائنز جاری کردی ہیں، این سی او سی کا کہنا ہے کہ غیر ویکسین شدہ افراد کو ویکسین لگانا ترجیح ہے ، ملکی آبادی کے 30 فیصد اور اہل آبادی کے 46 فیصد افراد ویکسی نیشن کرا چکے ہیں ۔

پاکستان میں کورونا کے مثبت کیسزکی شرح بڑھ کر ایک فیصد کے قریب آگئی ہے، مزید 482 نئےکیسز رپورٹ ہوئے ہیں اور کورونا سے مزید تین افراد انتقال کرگئے ۔

جنیوا: اومی کرون ویرینٹ کے پیش نظر تقریبات کو ملتوی کردینا چاہیے:عالمی ادارہ صحت کا پیغام، اطلاعات کے مطابق عالمی ادارہ صحت(ڈبلیو ایچ او) نے کورونا وائرس کے نئے ویرینٹ اومی کرون کے حوالے سے نیا بیان جاری کرتے ہوئے کہا ہے کہ کم شدت کے باوجود اومی کرون نظام صحت کو متاثر کرسکتا ہے۔

ڈبلیو ایچ او کے مطابق حالیہ تحقیق بتاتی ہے کہ اومی کرون کی شدت کم ہے، لیکن اس کے پھیلاؤ کی رفتار بہت زیادہ ہے۔ عالمی ادارہ صحت کا کہنا ہے کہ اومی کرون پھیلاؤ کو روکنے کیلئے چین اور جرمنی نے دوبارہ سخت پابندیاں لگا دی ہیں۔

خیال رہے کہ کچھ روز قبل عالمی ادارہ صحت کے سربراہ ڈاکٹر ٹیڈروس نے کہا تھا کہ اومی کرون ویرینٹ کے پیش نظر تقریبات کو ملتوی کردینا چاہیے، اومی کرون ویرینٹ پر قابو پانے کیلئے ہالیڈے ایونٹس کو مؤخر یا منسوخ کردینا چاہئے، کیوں کہ ایک ایونٹ منسوخ کرنا ایک زندگی ختم کرنے سے بہتر ہے۔

ادھر چین میں کورونا وائرس کے سبب پابندیوں کا دائرہ وسیع کردیا گیا ہے، چین کے شہر یان آن کے مختلف علاقوں میں عوام کو گھروں میں رہنے کے احکامات جاری کر دیے گئے ہیں۔

چین کے شہر شیان میں شہریوں کو گھروں سے نکلنے کی اجازت نہیں ہے جبکہ شہر میں ہر 3 دن میں خاندان کے ایک فرد کو ضروری سامان لانے کی اجازت ہے۔

گزشتہ 24 گھنٹوں میں دنیا بھر میں 12 لاکھ 17 ہزار سے کورونا کیسز رپورٹ ہوئے ہیں جبکہ پاکستان میں عالمی وبا کورونا وائرس سے مزید 348 کورونا کیسز رپورٹ ہوئے۔

باغی ٹی وی : نیشنل کمانڈ اینڈ آپریشن سینٹر (این سی او سی) کے مطابق گزشتہ چوبیس گھنٹوں میں ملک بھر میں39 ہزار739کورونا ٹیسٹ کیے گئے مزید 348 کورونا کیسز رپورٹ ہوئے ہیں جبکہ مزید 6 افراد جاں بحق ہو گئے ہیں-

یورپ میں اومی کرون پنجے گاڑنے لگا

این سی او سی کے مطابق ملک میں کورونا کیسز کی مجموعی تعداد 12 لاکھ 94 ہزار379ہوگئی جبکہ مجموعی اموات کی تعداد 28 ہزار 918ہو گئی ہے اور مثبت کیسز کی شرح 0.87 فیصد رہی۔

سندھ میں کورونا کے کیسز کی تعداد 4 لاکھ81 ہزار 96، خیبر پختونخوا میں ایک لاکھ 81 ہزار 285، پنجاب میں 4 لاکھ 44 ہزار752،اسلام آباد میں ایک لاکھ 8 ہزار534، بلوچستان میں 33 ہزار 626، آزاد کشمیر میں 34 ہزار 657 اور گلگت بلتستان میں 10 ہزار 429 ہو گئی ہے۔

کورونا کے سبب سب سے زیادہ اموات پنجاب میں ہوئی ہیں جہاں 13 ہزار 66 افراد جان کی بازی ہار چکے ہیں جبکہ سندھ میں 7 ہزار 666، خیبرپختونخوا 5 ہزار 924، اسلام آباد 967، گلگت بلتستان 186، بلوچستان میں 363 اور آزاد کشمیر میں 746 افراد جان کی بازی ہار چکے ہیں۔

گزشتہ 24 گھنٹے میں کینیڈا میں 27 ہزار سے زائد کورونا کیسز رپورٹ ، اٹلی میں 78 ہزار سے زائد کورونا کیسز رپورٹ، اسپین میں 99 ہزار سے زائد کورونا کیسز رپورٹ ہو ئے ہیں-

جبکہ گزشتہ 24 گھنٹے میں فرانس میں ایک لاکھ 79 ہزار سے زائد کورونا کیسز رپورٹ، برطانیہ میں ایک لاکھ 29 ہزار سے زائد کورونا کیسز رپورٹ، امریکا میں 3 لاکھ 12 ہزار سے زائد کورونا کیسز رپورٹ ہیں-

گزشتہ 24 گھنٹے میں دنیا بھر میں کورونا کے باعث 6 ہزار 500 اموات رپورٹ ہوئی ہیں-

جنرل ہسپتال میں اومیکرون کی تشخیصی سہولت فراہم، رپورٹ اسی روز ملے گی

اس کے علاوہ نیدر لینڈز ،سوئٹزرلینڈ، یونا ن اور پر تگال میں بھی اومی کرون کیسز میں اضافہ ہوا جبکہ جرمنی میں نجی تقاریب ویکسین شدہ 10 افراد تک محدود کر دی گئیں اور نائٹ کلبز بند کر دیے گئے ،فن لینڈ نے بھی کورونا ویکسین نہ لگوانے والے غیرملکی مسافروں کے داخلے پر پابندی لگادی ۔

دوسری جانب بھارتی دارالحکومت دہلی میں اومی کرون بڑھنے پر اجتماعات پر پابندی لگادی گئی ہے اور نجی دفاتر کو 50 فیصد اسٹاف کے ساتھ کام کی ہدایت کی گئی ۔اس کے علاوہ بنگلادیش میں اومی کرون ویرنٹ کےخطرے کے پیش نظربوسٹر ویکسین کا آغاز کر دیا گیا ہے۔

پاکستان میں اومیکرون کے 75 کیسز کی تصدیق:ایک بارپھرمعاشی سرگرمیاں معطل ہونے کے خدشات

عالمی ادارہ صحت نے خبر دار کیاہے کہ اومی کرون سے اسپتالوں پر بوجھ پڑ سکتا ہے ، اور صحت کا نظام دباؤ کا شکار ہو سکتا ہے عالمی ادارہ صحت کا کہنا ہے کہ حالیہ تحقیق بتاتی ہے کہ اومی کرون کی شدت کم ہے تاہم اسے نظرانداز نہیں کیا جاسکتا۔ اومی کرون کے پھیلاؤ کی رفتار بہت زیادہ ہے ، جس کی وجہ سے غیر ویکسین شدہ افراد متاثر ہو کر اسپتال داخل ہوں گے،اس سے صحت کے نظام اور دیگر ضروری سروسز پر دباؤ بڑھ سکتاہے۔

اومی کرون ویرینٹ سے نمٹنے کے لیے تیار ہیں امریکی صدر

اسلام آباد: پاکستان میں اومیکرون کے 75 کیسز کی تصدیق:ایک بارپھرمعاشی سرگرمیاں معطل ہونے کے خدشات بڑھ گئے ،اطلاعات کے مطابق قومی ادارہ صحت نے پاکستان میں اومیکرون کے 75 کیسز کی تصدیق کردی ہے،

قومی ادارہ صحت نے اس حوالے سے تفصیلات جاری کرتے ہوئے کہا کہ اومیکرون کے اسلام آباد میں17، کراچی33، لاہور13 اور 12 کیسز بیرون ملک سے آنے والے افراد میں رپورٹ ہوئے، شہری کورونا کے خاتمے کیلئے ویکسی نیشن کرائیں۔ میڈیا رپورٹس کے مطابق قومی ادارہ صحت نے ٹویٹر پر اپنے بیان میں بتایا ہے کہ پاکستان میں اومی کرون کے 75 کیسز کی تصدیق ہوچکی ہے۔

ان کیسز میں اسلام آباد 17، کراچی میں 33 اور لاہور میں 13 کیسز سامنے آئے ہیں۔ اسی طرح اومیکرون کے 12 کیسز بیرون ملک سے آنے والے افراد میں پائے گئے۔ قومی ادارہ صحت نے ہدایت کی ہے کہ متعلقہ ادارے اومی کرون کے پھیلاو کو روکنے کیلئے کنٹیکٹ ٹریسنگ کررہے ہیں جبکہ تمام شہری کورونا کے خاتمے کے لیے ویکسی نیشن مکمل کرائیں۔

دوسری جانب وزارت نیشنل ہیلتھ سروسز ریگولیشنز اینڈ کوآرڈینیشن نے کہا کہ ملک بھر میں 15 کروڑ19 لاکھ51 ہزار 87 افراد کی ویکسی نیشن کی جا چکی ہے۔

گزشتہ 24 گھنٹوں کے دوران پاکستان میں 13 لاکھ 58 ہزار 181افراد کو کورونا وائرس سے تحفظ کی ویکسین لگائی گئی ہے۔ وفاقی حکومت نے کورونا وائرس کی نئی قسم اومیکرون کے پیشِ نظر معیشت پر منفی اثرات پڑنے کے خدشات کا اظہار کر دیا ہے

حکومت کی رپورٹ کے مطابق عالمی مارکیٹ میں خام تیل کی قیمت میں بڑی کمی واقع ہوئی ، زرمبادلہ کی قیمت میں کمی کا رجحان برقرار رہا تاہم حکومت کی بین الاقوامی اشیا کی قیمتوں میں مسلسل اضافے کے خلاف کوشش جاری ہیں۔

رپورٹ میں مزید بتایا گیا کہ جی ڈی پی کا سالانہ مالی خسارہ 1.7 سے گر کر 1.1 فیصد ہوگیا ہے، اسی طرح اگر جولائی تا اکتوبر کا گذشتہ سال سے موازنہ کیا جائے تو پرائمری بیلنس 156 بلین سے بڑھ کر 206 بلین ہوگیا ہے۔