Baaghi TV

Tag: اہم ترین

  • چمن: افغان فورسز کی گولہ باری سے 6 پاکستانی شہری جاں بحق،17زخمی

    چمن: افغان فورسز کی گولہ باری سے 6 پاکستانی شہری جاں بحق،17زخمی

    چمن: افغان فورسز کی گولہ باری سے 6 پاکستانی شہری جاں بحق،17زخمی،اطلاعات کے مطابق بلوچستان کے سرحدی شہر چمن میں سرحد پار افغان فورسز کی جانب سے ایک بار پھر سرحدی خلاف ورزی کی گئی ہے۔

    چمن پولیس کے مطابق افغان فورسز نے پاکستانی سویلین آبادی پر فائرنگ کی اور گولے داغے جس کے نتیجے میں 6 پاکستانی شہری جاں بحق اور 17 زخمی ہوگئے ہیں۔پاک فوج کے شعبہ تعلقات عامہ (آئی ایس پی آر) کے مطابق افغانستان سے ہونے والی فائرنگ میں بھاری ہتھیار استعمال کئے گئے۔ پاک فوج نے سرحد پار سے ہونے والی جارحیت کا مؤثر جواب دیا۔

    ترجمان پاک فوج کے مطابق پاک فوج نے کارروائی میں یقینی بنایا کہ عام افغان شہری نشانہ نہ بنیں، معاملے کی سنگینی سے آگاہ کرنے کیلئے پاکستانی حکام نے کابل میں افغان حکام سے رابطہ کرکے مستقبل میں ایسے واقعات روکنے کیلئے سخت کارروائی کا مطالبہ کیا ہے۔

    افغانستان سے ہونے والی فائرنگ میں بھاری ہتھیار استعمال کئے گئے۔ مارٹر گولہ لگنے سے کپڑے کے ٹریلر میں آگ لگ گئی جس سے لاکھوں روپے مالیت کا کپڑا جل گیا۔

    خیال رہے کہ اس سے قبل 15 نومبر کو بھی چمن میں افغان حدود سے نامعلوم مسلح شخص کی فائرنگ سے ایک سیکیورٹی اہلکار شہید اور دو زخمی ہو گئے جس کے بعد پاک افغان سرحد کو غیر معینہ مدت کے لیے بند کردیا تھا۔واقعے کے بعد سرحد کو بند کرنے سے دونوں ممالک کے درمیان افغان ٹرانزٹ تجارت معطل ہوگئی تھی۔

  • جہانگیرخان نے اپنی زندگی کی 59 بہاریں دیکھ لیں

    جہانگیرخان نے اپنی زندگی کی 59 بہاریں دیکھ لیں

    لاہور:دنیااسکواش کے عظیم کھلاڑی جہانگیرخان نے اپنی زندگی کی 59 بہاریں دیکھ لیں 555 انٹرنیشنل میچزمیں مسلسل ناقابل شکست رہنے والے سابق عالمی چیمپئین کی سالگرہ کے موقع پر پا کستان نیوی روشن خان جہانگیر خان اسکواش کمپلیکس میں کیک کاٹنے کی ایک سادہ مگر پرقار تقریب منعقد کی گئی جس میں جہانگیر خان نے کموڈور توقیر احمد خواجہ سی ای او کومبیکس اسپورٹس عمر سعید، پاکستان اولمپک ایسوسی ایشن کے میڈیا ایڈوائیزر آسف عظیم و دیگر کے ہمراہ اپنی سالگرہ کاکیک کاٹا

    واضح رہے کہ 10 دسمبر 1963 کوکراچی میں پیدا ہونے والے جہانگیر خان نے اسکواش میں ابتدائی تربیت اپنے والدسابق برٹش اوپن چیمپئین روشن خان سے حاصل کی صرف 15 برس کی عمر میں دنیا کے کمسن ترین عالمی امیچر چیمپئین کا اواز اپنے کیا جبکہ 17 سال کی عمر میں اس وقت کے عالمی نمبر 1 آسٹریلیا کے جیف ہنٹ کو ہرا کر عالمی ٹائٹل اپنے کیا 10 بار برٹش اوپن اور چھ مرتبہ کے ورلڈ اوپن چیمپئین شپ جیتنے کا ریکارڈ بھی بنایا

    1993 میں اسکواش کے خیرباد کہنے والے جہانگیر خان کو حکومت پاکستان کی جانب سے صدارتی تمغہ برائے حسن کارکارگی اور ہلال امتیاز سے بھی نوازا گیا ورلڈ اسکواش فیڈریشن کے اعزازی صدر بھی رہے اپنی سالگرہ کے موقع پر جہانگیر خان کاکہنا تھا کہ کبھی سوچا نہ تھا کہ اس مقام تک پہنچوں گا اللہ تعالی نے مجھے میرے خوابوں سے زیادہ مقام عطا کیا خواہش ہے کہ پاکستان اسکواش سرکٹ میں اپنا کھویا ہوا مقام دوبارہ حاصل کرے مگر اس کیلئے نوجوان کھلاڑیوں کو دورحاضر کے مطابق ٹریننگ اور خاص طور پر اپنی فٹنس کو سوفیصد رکھنا ہو گا

    سی ای او کومبیکس اسپورٹس عمر سعید نے جہانگیر خان کومبارکباددیتے ہوئے کہا کہ پاکستان کے اس عظیم سپوت نے اسکواش کے میدان سے لازوال شہرت حاصل کی مستقبل میں اسکواش کے کھیل میں جہانگیر خان جیسے لیجنڈ تیار کرنے کیلئے ہمارا ادارہ نوجوان کھلاڑیوں کو زیادہ سے زیادہ ایونٹس میں اپنی صلاحیتوں کے اظہارکے مواقع فراہم کرنے کیلئے ہرممکن اقدامات کرے گا

  • اینٹی ڈالر اسمگلنگ آپریشنز:پشاور اور ڈیرہ اسمٰعیل خان میں گرفتاریاں

    اینٹی ڈالر اسمگلنگ آپریشنز:پشاور اور ڈیرہ اسمٰعیل خان میں گرفتاریاں

    پشاور:اینٹی ڈالر اسمگلنگ آپریشنز:پشاور اور ڈیرہ اسمٰعیل خان میں گرفتاریاں ،اطلاعات کے مطابق پاکستان میں ڈالرکی اسمگلنگ کی روک تھام کے لیے ایف آئی اے کی طرف سے آپریشن جاری ہے ، یہ بھی معلوم ہوا ہے کہ اینٹی ڈالر اسمگلنگ آپریشنز میں ڈالراسمگل کرنے والوں کے خلاف گھیرا تنگ کردیا گیا ہے ، یہ بھی معلوم ہوا ہے کہ حکومت کی ہدایات کی روشنی میں، ایل ای ایز نے ڈالر کے اسمگلروں اور ہنڈی کا کاروبار کرنے والوں کے خلاف ایک بڑا کریک ڈاؤن شروع کیا۔

    / چیئرمین ایف بی آر عاصم احمد کاکسٹمز ہاؤس کراچی کا دورہ

    یہ بھی اطلاعات ہیں کہ اب تک پیشاور اور ڈی آئی خان میں ہنڈی حوالات کی 110 کے قریب دکانیں سیل کی جا چکی ہیں اور بھاری مقدار میں ڈالر اور دیگر کرنسی برآمد کی جا چکی ہے۔ایل ای ایز ڈالر کی اسمگلنگ میں ملوث افراد کے خلاف ملک بھر میں انٹیلی جنس پر مبنی آپریشنز کا سلسلہ چلائیں گے۔ ایف آئی اے حکام کریک ڈاؤن کر رہے ہیں۔

    یاد رہ کہ دو دن قبل بھی کچھ ایسی ہی گرفتاریاں کی گئیں ، جن میں‌ فیڈرل بورڈ آف ریونیو (ایف بی آر)کے ماتحت ادارے پاکستان کسٹمز کی کرنسی اسمگلنگ کی روک تھام کیلیے کارروائیاں کرتے ہوئے گذشتہ ایک ماہ کے دوران لاکھوں ڈالر کی غیر ملکی کرنسی بیرون ملک سمگل کرنے کی کوششیں ناکام بنانے کا انکشاف ہوا ہے۔

    ملک پرمشکل وقت ہے،تمام سیاستدان تلخیاں بھلا کرپاکستان کی خاطرآگے بڑھیں:سید مصطفیٰ…

    پاکستان کسٹمز کے ماتحت اداروں کلکٹریٹ انفورسمنٹ اسلام آباد،کوئٹہ اور پشاور نے اسمگلروں سے برآمد ہونیوالی غیر ملکی کرنسی ضبط کرلی، کلکٹریٹ کسٹمز انفورسمنٹ پشاور نے نومبر 2022کے دوران غیر ملکی کرنسی کی سمگل کے7 کیس پکڑے۔

    کلکٹریٹ کسٹمز انفورسمنٹ پشاور نے نومبر میں 94ہزار 358ڈالر کی غیر ملکی کرنسی پکڑی ،کلکٹریٹ کسٹمز انفورسمنٹ کوئٹہ نے نومبر کے دوران غیر ملکی کرنسی کی اسمگل کا 1 کیس پکڑا، کلکٹریٹ کسٹمز انفورسمنٹ کوئٹہ نے نومبر میں 1 کروڑ 42 لاکھ روپے مالیت کی غیر ملکی کرنسی پکڑی ہے۔

  • بنگلےمیں ڈکیتی؛ پانچ ڈاکوؤں نے2کروڑکی نقدی وسونا لوٹ لیا

    بنگلےمیں ڈکیتی؛ پانچ ڈاکوؤں نے2کروڑکی نقدی وسونا لوٹ لیا

    راولپنڈی: پنڈی میں پانچ ڈاکو بنگلےسےدو کروڑ روپےمالیت کی ملکی و غیرملکی کرنسی،سونےکےزیورات لوٹ کرفرار ہوگئے۔پولیس کےمطابق راولپنڈی کےتھانہ مورگاہ کےعلاقے میں صبح صبح ڈکیتی کی سنگین واردات ہوئی ہےجس میں5مسلح ڈاکو چودھری اورنگزیب کےگھراکبر ہاؤس میں داخل ہوئےاور2 کروڑ روپےمالیت کی نقدی،غیر ملکی کرنسی، سونے کےزیورات ودیگر اشیا لوٹ کرفرارہوگئے۔

    مراکش سے شکست کے بعد رونالڈو جذبات پر قابو نہ رکھ سکے:آنسوبہانے کا منظرساری دنیا…

    پولیس کے مطابق ڈاکوؤں نےاہل خانہ کواسلحےکی نوک پر یرغمال بناکرایک کمرے میں بند کردیا،ڈاکو گھر کی تلاشی لیتے ہوئے75 لاکھ روپےکی نقدی سمیت9 ہزار یورو5سو ڈالر اور 80 تولہ زیورات لوٹ لے گئے،ڈاکو بریف کیس میں سے پاسپورٹ کی دستاویزات،9 ایم ایم پسٹل نائن ایم بھی لے گئے،پولیس اور فرانزک سائنس ایجنسی کی ٹیمیں تحقیقات میں مصروف ہیں۔

    کراچی: نیو کراچی گبول ٹاﺅن ندی کے قریب فائرنگ3 بھائی ہلاک۔

    سی پی او سید شہزاد ندیم بخاری نے واقعے کا نوٹس لیتے ہوئے ملزمان کو ٹریس کر کے گرفتار کرنے اور مال مسروقہ کی برآمدگی کا حکم جاری کردیا۔ ایس ایس پی آپریشنز اور دیگر افسران نے جائے وقوع کا جائزہ لیا اور تفتیشی ٹیم کو ہدایات دیں۔مدعی کے مطابق تین ملزمان گھر میں داخل ہوئے اور ملکی و غیر ملکی کرنسی و طلائی زیورات چھین کر فرار ہوئے۔

    مراکش کی کامیابی پر عرب اور مسلم دنیا میں شاندار جشن

    ایس ایس پی آپریشنز وسیم ریاض خان نے کہا ہے کہ ٹیکنیکل شواہد اور ہیومن انٹیلی جنس پر کام کیا جا رہا ہے، ملزمان کو گرفتار کر کر قانون کے کٹہرے میں کھڑا کیا جائے گا۔

  • وزیرِاعظم سےگورنر پنجاب کی ملاقات،ملکی سیاسی صورتحال پر تبادلہ خیال

    وزیرِاعظم سےگورنر پنجاب کی ملاقات،ملکی سیاسی صورتحال پر تبادلہ خیال

    لاہور: پاکستان مسلم لیگ (ن) کے صدر و وزیرِاعظم محمد شہباز شریف سے گورنر پنجاب بلیغ الرحمن نے ملاقات کی۔تفصیلات کے مطابق گورنر پنجاب بلیغ الرحمان نے وفاقی وزیر اسحاق ڈار سے ملاقات کے بعد وزیر اعظم شہباز شریف سے ملاقات کی۔ملاقات کے دوران ملکی سیاسی صورتحال پر تفصیلی گفتگو کی گئی۔

    سلیمان شہباز لندن سے وطن واپس پہنچ گئے

    قبل ازیں گورنر پنجاب بلیغ الرحمان سے وفاقی وزیر خزانہ و سابق سینیٹر اسحاق ڈار نے گورنر ہاؤس میں ملاقات کی، ملاقات میں ملک کی سیاسی اور معاشی صورتحال پر تبادلہ خیال کیا گیا۔

    دوران ملاقات گورنر پنجاب بلیغ الرحمان نے کہا کہ وزیراعظم ،پارٹی اور پوری قوم کی نگاہیں آپ پر ہیں، انشاء اللہ آپ اور آپ کی تجربہ کار ٹیم جلد ملک کو معاشی مشکلات سے نکالے گی، الحمد للہ ملک معاشی استحکام کی طرف گامزن ہے۔

    گورنرسندھ کی کراچی میں لگے بل بورڈ ایک ہفتے کے اندر ہٹانے کی ہدایت

    وفاقی وزیر خزانہ اسحاق ڈار نے کہا کہ پچھلی حکومت کے دور میں ریکارڈ خسارہ اور بھاری قرضوں کی وجہ سے ملک میں معاشی بحران پیدا ہوا، مسلم لیگ ن نے پہلے بھی ملک کو مشکلات اور بحران سے نکالا، ایٹمی دھماکے کئے۔

    اسحاق ڈار کا کہنا تھا کہ ہم نے معاشی پابندیوں کے باوجود لوڈ شیڈنگ کے اندھیرے ختم کر کے ملک کو معاشی ترقی کی راہ پر گامزن کیا، اب بھی وہی تجربہ کار ٹیم ملک میں معاشی بحران ختم کرنے اور معاشی استحکام لانے کے لیے پرعزم ہے۔

    دیکھ کرجس کوٹھہرجائیں مسافرکے قدم ایسا منظرتوکوئی راہ میں آیا ہی نہیں: شبانہ زیدی…

  • فیفا ورلڈکپ کے سیمی فائنل میں پہنچنے پر مراکشی ٹیم سجدے میں گرگئی

    فیفا ورلڈکپ کے سیمی فائنل میں پہنچنے پر مراکشی ٹیم سجدے میں گرگئی

    دوحہ :فیفا ورلڈکپ کے سیمی فائنل میں پہنچنے پر مراکشی ٹیم سجدے میں گرگئی،اطلاعات کے مطابق فیفاورلڈکپ کےکوارٹر فائنل میں مراکش نے پرتگال کو 0-1 سے شکست دے کر پہلی مرتبہ سیمی فائنل میں جگہ بنالی جس کے بعد ٹیم کے کھلاڑی گراؤنڈ میں سجدہ ریز ہوگئے۔

    قطر کے الثمامہ اسٹیڈیم میں کھیلےگئے کوارٹر فائنل میں مراکش رونالڈو کی پرتگال کو ہرا کرپہلی بار ورلڈکپ کے سیمی فائنل میں پہنچ گیا۔

    مراکش اب تک فیفا ورلڈکپ کے سیمی فائنل تک رسائی حاصل کرنے والا دوسرا مسلم ملک ہے، اس سے قبل 2002 کے ورلڈکپ میں ترکی سیمی فائنل میں پہنچا تھا۔

    اس سے پہلے مراکش نے پرتگال کو ایک گول سے شکست دے کر ورلڈ کپ سے باہر کردیا۔فیفا ورلڈ کپ 2022ء میں مراکش نے ایک اور مضبوط ٹیم پرتگال کو شکست دے کر ایونٹ کے سیمی فائنل میں جگہ بنالی۔

    قطر میں کھیلے گئے میچ میں مراکش کے یوسف النصیری نے 42 ویں منٹ میں گول کرکے اپنی ٹیم کو برتری دلائی، جس کے بعد پرتگال نے حریف ٹیم کے گول پر تابڑ توڑ حملے شروع کردیئے۔

    پہلا ہاف ختم پر اسکور 0-1 تھا، دوسرے ہاف میں بھی کرسٹیانو رونالڈو کی ٹیم نے مراکش کیخلاف گول کرنے کی بھرپور کوشش کی تاہم انہیں کامیابی نہ ملی اور میچ مقرر اوور میں ایک صفر سے مراکش کے نام رہا۔مراکش فیفا ورلڈ کپ کا سیمی فائنل کھیلنے والا پہلا عرب ملک ہے۔

    پرتگال کے اسٹار فٹبالر کرسٹیانو رونالڈو کا یہ آخری ورلڈ کپ ہے تاہم وہ اسے یادگار نہ بناسکے اور ان کی ٹیم کوارٹر فائنل میں ہی باہر ہوگئی۔

  • شمالی وزیرستان میں پاک افغان بارڈر کے قریب آپریشن میں 4 دہشت گرد ہلاک

    شمالی وزیرستان میں پاک افغان بارڈر کے قریب آپریشن میں 4 دہشت گرد ہلاک

    پشاور: محکمہ انسدادی دہشت گردی خیبر پختونخوا اور سیکیورٹی فورسز نے شمالی وزیرستان میں پاک-افغان سرحد کے قریب پہاڑی علاقے میں مشترکہ کارروائی کرتے ہوئے مبینہ داعش سے تعلق رکھنے والے 4 دہشت گردوں کو ہلاک کر دیا۔

    محکمہ انسداد دہشت گردی کی جانب سے جاری بیان میں بتایا گیا ہے کہ دہشت گردوں کی سرحد پار کرنے کی مصدقہ اطلاع پر افغانستان سرحد کے قریب دہشت گردوں کے خلاف آپریشن کیا، دہشت گردوں نے ٹیم کا سامنا ہونے پر فائرنگ شروع کردی، جوابی فائرنگ میں 4 دہشتگرد مارے گئے۔

    بیان میں بتایا گیا کہ ہلاک دہشت گردوں کے قبضے سے 2 دستی بم، 2 کلاشنکوف بمعہ 6 میگزینز، 2 پستول، درجنوں کارتوس، پاکستانی کرنسی، شناختی کارڈ سمیت مختلف قسم کے کارڈز، گھڑی اور دیگر سامان برآمد ہوا۔

    بیان کے مطابق ہلاک چاروں دہشت گردوں کا تعلق داعش خراساں سے تھا، جن کی شناخت داعش کے مقامی کمانڈر محمد داود ولد محمد یعقوب، عبداللہ ولد خان گل، محمد لائق ولد پیاو دین کے نام سے ہوئی جبکہ ایک ہلاک دہشت گرد کی تاحال شناخت نہ ہوسکی۔

  • آرمی چیف جنرل سید عاصم منیرکا کوئٹہ اور تربت کا دورہ:یادگارشہدا پرپھولوں کی چادر چڑھائی

    آرمی چیف جنرل سید عاصم منیرکا کوئٹہ اور تربت کا دورہ:یادگارشہدا پرپھولوں کی چادر چڑھائی

    راولپنڈی :آرمی چیف جنرل سید عاصم منیرکا کوئٹہ اور تربت کا دورہ:یادگارشہدا پرپھولوں کی چادر چڑھائی،اطلاعات کے مطابق پاک فوج کے سربراہ آرمی چیف جنرل سید عاصم مینر دوروزہ دورے پر بلوچستان پہنچے ہیں ، اس سلسلے میں آج چیف آف آرمی سٹاف جنرل سید عاصم منیر نےکوئٹہ اور تربت کا دورہ کیا۔

    آئی ایس پی آر کی طرف سے جاری بیان میں کہا گیا ہے کہ چیف آف آرمی سٹاف جنرل سید عاصم منیر نے کور ہیڈ کوارٹرز کا دورہ کیا اور شہدا کی یادگار پر پھولوں کی چادر چڑھائی اور فاتحہ خوانی کی۔بعد ازاں آرمی چیف کو آپریشنل، ٹریننگ اور فارمیشن کے دیگر معاملات پر تفصیلی بریفنگ دی گئی

     

     

    دورہ بلوچستان کے دوران آرمی چیف نے کمانڈ اینڈ اسٹاف کالج کوئٹہ اور اسکول آف انفنٹری اینڈ ٹیکٹکس کا بھی دورہ کیا اور نوجوان افسران اور انسٹرکٹرز سے بات چیت کی اور انہیں مستقبل کے میدان جنگ کے چیلنجوں سے نمٹنے کے لیے پیشہ ورانہ مہارت پر توجہ مرکوز کرنے کی تاکید کی

    دورے کے دوسرے روزآرمی چیف نے تربت کا دورہ کیا۔ آئی جی ایف سی جنوبی بلوچستان نے آرمی چیف کو جنوبی بلوچستان میں سیکیورٹی کی موجودہ صورتحال اور محفوظ ماحول کو یقینی بنانے کے لیے کیے گئے اقدامات سے آگاہ کیا۔اس موقع پر آرمی چیف نے کہا کہ بلوچستان کے عوام کی سلامتی اور تحفظ کے لیے ہر ممکن کوشش کی جائے گی تاکہ پائیدار امن اور خوشحالی کے نتیجے میں سماجی و اقتصادی ترقی کے لیے سازگار ماحول کو یقینی بنایا جا سکے۔

    قبل ازیں آرمی چیف کوئٹہ پہنچنےتو کور کمانڈر کوئٹہ لیفٹیننٹ جنرل آصف غفور نے استقبال کیا۔

  • پاکستان امن کا گہوارہ ہے،سکھوں کو کوئی پریشانی نہیں: پاکستان گوردوارہ پربندھک کمیٹی

    پاکستان امن کا گہوارہ ہے،سکھوں کو کوئی پریشانی نہیں: پاکستان گوردوارہ پربندھک کمیٹی

    لاہور:پاکستان امن کا گہوارہ ہے،سکھوں کو کوئی پریشانی نہیں: پاکستان گوردوارہ پربندھک کمیٹی نے بھارتی حکومت کے الزامات کو مسترد کرتے ہوئے اسے پاکستان کے خلاف سازش قرار دیا ، پاکستان گوردوارہ پربندھک کمیٹی کا کہنا ہےکہ پاکستان نے ہمیشہ بڑی عزت دی بھارت جان بوجھ کر معاملات کو خراب کرنا چاہتا ہے ،

     

     

    پاکستان گوردوارہ پربندھک کمیٹی نے اس موقع پر بھارتی حکومت کے رویے پر سخت تنقید کرتے ہوئے کہا ہ کہ سکھ مسلم بھائی چارے کے دشمن آر ایس ایس مودی میڈیا کی جانب سے دونوں مزاہب کی دوستی میں رخنہ ڈالنے کی ایک اور سازش پکڑی گئی

    پاکستان سے افغانستان میں ڈالر، گندم اور یوریا کھاد اسمگل کرنےکا انکشاف

    پاکستان گوردوارہ پربندھک کمیٹی کے رہنماوں کا کہنا تھا کہ مغلیہ دور میں سکھ شہید بھائی تارو سنگھ کی نولکھا لوہا مارکیٹ میں موجود سمادھی کو بھی نہ بخشا ، ہندوحکومت نے پراپیگنڈہ کرکے حالات خراب کرنے کی کوشش کی ، ان رہنماوں کا کہنا تھا کہ مودی حکومت نے سکھوں کے اس مذہبی استھان کی جگہ عبادت گاہ تعمیر کی جھوٹی خبر چلادی

    بنگلادیش کیخلاف کوہلی کی سنچری، رکی پونٹنگ کو پیچھے چھوڑ دیا

    بھارتی حکومت کی اس گھٹیا حرکت کا پاکستان گوردوارہ پربندھک کمیٹی نے سازش کا بھانڈا پھوڑ دیا

    پاکستان ہمارے گوروں کی سرزمین ہے اور ہم یہاں مکمل مذہبی و سماجی آزادی کے ساتھ رہتے ہیں حکومت پاکستان اقلیت دوست ہے ہماری عبادت گاہیں گوردوارے سب آذاد اور محفوظ ہیں کرتار پور کوریڈور سے پریشان ہندوستانی اقلیت دشمن سرکار پاکستان کیخلاف پروپیگنڈہ بند کرے، ان رہنماوں کا کہنا تھاکہ مودی حکومت کویہ معلوم ہونا چاہیے کہ پاکستان میں سکھوں کے مقدس مقامات ہیں اور پاکستان انکی حفاظت کرتا ہے

  • پٹرول کی قیمتوں اور مسلسل لوڈ شیڈنگ پر بنگلادیش میں ہنگامے پھوٹ پڑے

    پٹرول کی قیمتوں اور مسلسل لوڈ شیڈنگ پر بنگلادیش میں ہنگامے پھوٹ پڑے

    ڈھاکا: بنگلادیش کے دارالحکومت میں ہزاروں افراد پٹرول کی بڑھتی ہوئی قیمتوں اور بجلی کی لوڈشیڈنگ کے خلاف احتجاجاً سڑکوں پر نکل آئے جس کے دوران پولیس سے جھڑپ بھی ہوئی۔عالمی خبر رساں ادارے کے مطابق ڈھاکا میں ہزاروں مظاہرین نے حکومت کے خلاف شدید نعرے بازی کی اور وزیراعظم شیخ حسینہ واجد سے فوری طور پر مستعفی ہونے کا مطالبہ کیا۔

    جس وقت عمران خان نےکہا پنجاب اسمبلی توڑدی جائےگی:مونس الٰہی

    مظاہرین میں اپوزیشن رہنما بھی موجود تھے جنھوں نے وزیراعظم پر انتخابات میں دھاندلی کرکے حکومت بنانے اور پھر ملک میں مہنگائی سمیت پٹرول اور بجلی بحران کا ذمہ دا ٹھہرایا۔
    کئی مقامات پر مظاہرین اور پولیس کے درمیان جھڑپیں بھی ہوئیں جس میں کوئی جانی نقصان تو نہیں ہوا البتہ درجنوں افراد زخمی ہوگئے۔

    ضلع اپر چترال کی تزئین و آرائش، مونسپل انتظامیہ نے کام کا آغاز کردیا۔

    ملک بھر میں بڑھتے ہوئے مظاہروں کو دیکھتے ہوئے پولیس نے کریک ڈاؤن آپریشن کیا جس میں پوزیشن جماعت کے دو بڑے رہنماؤں کو گرفتار کرلیا گیا۔یوں بنگلادیش میں معاشی صورت حال کافی بہتر ہے تاہم عالمی سطح پر پٹرول کی قیمتوں میں مسلسل اضافے کے باعث ڈالرز میں ادائیگی کے توازن میں مشکلات درپیش ہیں جس کے لیے بنگلادیش نے آئی ایم ایف سے بھی رجوع کیا ہے۔

    خیال رہے کہ ملک میں 15 سال سے شیخ حسینہ واجد برسر اقتدار ہیں جو اس سے قبل وہ 1996 سے 2001 تک بھی وزیر اعظم رہ چکی ہیں اور ایک دہائی سے زیادہ عرصے تک اپوزیشن لیڈر رہیں۔اس وقت اپوزیشن لیڈر خالدہ ضیا جو دو بار وزیراعظم رہ چکی ہیں، جیل میں کئی اپوزیشن رہنماؤں کے ہمراہ قید ہیں۔