Tag: اہم ترین

لاہور:وزیراعلیٰ پنجاب چوہدری پرویز الٰہی نے آئی جی پنجاب کو عمران خان کے لانگ مارچ پر حملے کی تحقیقات کیلئے اعلیٰ سطح کی جے آئی ٹی بنانے کی ہدایت کردی۔

وزیراعلیٰ پنجاب چوہدری پرویز الٰہی نے شوکت خانم اسپتال سے اپنے ویڈیو پیغام میں آئی جی پنجاب کو ہدایت کی ہے کہ چیئرمین پی ٹی آئی عمران خان پر وزیر آباد میں فائرنگ کے واقعے کی تحقیقات کیلئے جوائنٹ انویسٹی گیشن ٹیم (جے آئی ٹی) تشکیل دی جائے، اس ٹیم میں سی ٹی ڈی کو بھی شامل کیا جائے۔

انہوں نے کہا کہ عمران خان اللہ تعالیٰ کے فضل و کرم سے بالکل ٹھیک ہیں، عمران خان نے کہا ہے کہ میں بالکل ٹھیک ہوں، ان کا کہنا ہے کہ میں اپنے مشن سے پیچھے نہیں ہٹوں گا۔

وزیراعلیٰ پنجاب کا کہنا ہے کہ لگتا ہے حملہ کرنیوالے ایک نہیں 2 بندے تھے، جاننا چاہتے ہیں واقعہ کے پیچھے کون ہیں؟، کن لوگوں نے ملزم کو ٹرینڈ کیا، وہ کیا سوچ ہے جس کے تحت اس لڑکے کو تیار کیا گیا، تفتیش آگے بڑھے گی تو میڈیا کے سامنے لائیں گے۔

چوہدری پرویز الٰہی نے کہا کہ میڈیا کو بیان لیک کرنیوالے پولیس عملے کو معطل کرکے موبائل ضبط کرلئے گئے ہیں، فارنزک رپورٹ سے جاننا چاہتے ہیں کہ پولیس والوں کا کس سے رابطہ تھا، ملزمان کو کیفر کردار تک پہنچائیں گے۔

َِّاسلام آباد( رپورٹ شہزاد قریشی)سابق وزیراعظم اور تحریک انصاف کے سربراہ عمران خان کے آزادی مارچ پر حملہ قابل مذمت کے ساتھ ساتھ پنجاب حکومت اور آئی جی پولیس سمیت سیکورٹی اداروں پر سوالیہ نشان ہے ؟ عمران خان اور ان کے باقی ساتھی اس حملے میں شدید زخمی ہوئے ہیں

تحریک انصاف کےلانگ مارچ پرفائرنگ؛مختلف شہروں میں احتجاج

ملکی تاریخ اس طرح کے سانحات سے بھری پڑی ہے سیاسی لیڈروں بالخصوص و زرائے اعظموں کو سڑکوں اور جلسوں میں گولی مار دی جاتی ہے۔ موجودہ وزیراعلیٰ پنجاب پرویز الہی کا دور حکومت تھا تو 27 دسمبر2007 کو ملک کی مقبول ترین عوامی لیڈر محترمہ بے نظیر بھٹو کو راولپنڈی لیاقت آباد میں شہید کردیا گیا

عمران خان لوگوں کو گمراہ کررہا تھا، اس لئےمارنےکا فیصلہ کیا،حملہ آور

اور آج پھر صوبہ پنجاب میں پرویز الہی کی حکومت ہے اور سابق وزیراعظم عمران خان اوراُن کےساتھیوں پر قاتلانہ حملہ کیا گیا اوروہ شدید زخمی ہو گئے۔ پنجاب پولیس، پنجاب کے سیکورٹی اداروں پرسوالیہ نشان ہے۔ جب ایک سابق وزیراعظم بار بار کہہ رہا ہے کہ میری جان کو خطرہ ہے تو پھر پنجاب پولیس اور پنجاب کے سیکورٹی اداروں کی غفلت اور لاپرواہی کانتیجہ ہے کہ ان پر قاتلانہ حملہ ہوا۔

لاہور:عمران خان پر فائرنگ کرنے والے شخص کو پکڑنے والے بہادر شخص کا بیان سامنے آگیا۔وزیرآباد اللہ والا چوک کے قریب تحریک انصاف کے چیئرمین عمران خان کے کینٹینر پر فائرنگ کرنے والے مبینہ ملزمان کو پولیس کے پکڑ لیا ہے۔

واقعے کی ویڈیو بھی وائرل ہوگئی ہے جس میں واضح طور پر دیکھا جاسکتا ہے شلوار قمیض میں ملبوس ایک ملزم شارٹ گن کے ذریعے فائرنگ کررہا ہے، جب کہ اس کے پیچھے ایک بہادر نوجوان اس کا ہاتھ پکڑ کر اسے روکنے کی کوشش کررہا ہے۔

حملہ آور کو پکڑنے والے شخص ابتسام نے ایک ویڈیو بیان میں کہا کہ میں نے حملہ آور کو بائی پاس کے پاس سے دیکھا تھا کہ وہ عمران خان کے کینٹینر کے ساتھ بھاگ رہا تھا۔

ابتسام نے بتایا کہ حملہ آور کے پاس آٹو میٹک پستول تھی، جسے دیکھ کر مجھے بہت حیرانی ہوئی اور میں اس کے پیچھے پیچھے چلتا رہا۔

ابتسام کے مطابق حملہ آور مجھے سے 5 سے 7 میٹر دور تھا، اور اس نے جیسے ہی پستول کینٹینر کی طرف کرکے ٹریگر دبایا تو میں نے بھاگ کر اس کا ہاتھ پکڑ لیا، جس سے ساری فائرنگ کینٹینر کے نیچے کی جانب ہوگئی، جب کہ کینٹینر پر کھڑے کسی بھی شخص کی طرف فائر نہیں ہوا۔

ابتسام نامی شخص کا کہنا تھا کہ مجھے لگتا ہے کہ حملہ آور کو جب میں نے پکڑا تو وہ پوری طرح تیار نہیں تھا، اور اس نے بوکھلا کر برسٹ مار دیا، اور تمام گولیاں نیچے کھڑے ہوئے افراد کی جانب ہوگئیں۔

ابتسام کا کہنا تھا کہ اگر اس دوران مجھے بھی گولی لگ جاتی تو مجھے کوئی پرواہ نہیں، عمران خان کو اتنا کہوں گا کہ جب تک ہم زندہ ہیں آپ کو آنچ بھی نہیں آسکتی۔

ابتسام نے مزید کہا کہ میں شرمندہ ہوں کہ حملہ آور کو فائرنگ سے پہلے نہیں پکڑ سکا، لیکن اگر پولیس حملہ آور کو پکڑ کر نہ لے جاتی تو میں اسے جان سے مار دیتا، کیوں کہ اگر خدانخواستہ عمران خان کو وزیرآباد میں کچھ ہوجاتا تو ہم شرمندگی سے ہی مرجاتے۔

عدالت نے نیب کوق لیگ کے رہنما مؤنس الہیٰ اوران کی فیملی کو ہراساں کرنے سے روک دیا۔اطلاعات کےمطابق لاہورہائیکورٹ میں مونس الہی کی نیب تحقیقات کے خلاف درخواست پر سماعت ہوئی، درخواست پر سماعت جسٹس علی باقر نجفی کی سربراہی پر مشتمل دو رکنی بنچ نے کی۔

مونس الہی نے اپنی درخواست میں نیب لاہور میں جائیدادوں کا ریکارڈ طلب کرنے کے اقدام کو چیلنج کرتے ہوئے مؤقف پیش کیا کہ نیب نے سیاسی بنیادوں پر نوٹسز جاری کیے۔

مؤنس الہیٰ کے وکیل امجد پرویز نے مؤقف پیش کرتے ہوئے استدعا کی کہ احتساب عدالت تحقیقات بند کرنے کا حکم دے چکی ہے، ایف آئی اے نے منی لانڈرنگ کا مقدمہ درج کیا اور ہائی کورٹ نے وہ ایف آئی آر ہی خارج کردی۔

نیب کے وکیل نے مؤقف پیش کیا کہ نیب کسی بھی انکوائری میں طلب کرسکتا ہے، ملزم کی درخواست قابل سماعت نہیں ہے، ہم نے قانون کے مطابق کارروائی کی اور ناجائز اثاثہ جات کیس میں ریکارڈ طلب کیا ہے۔

عدالت نے نیب کو نوٹسز جاری کرتے ہوئے درخواست گزار اور اس کی فیملی کو غیر قانونی ہراساں کرنے سے روک دیا، اور سماعت ملتوی کردی۔

یاد رہے کہ اس سے پہلے کل نیب لاہور نے وزیراعلیٰ پنجاب کے صاحبزادے مونس الہی اور انکی اہلیہ کی جائیداد کا ریکارڈ طلب کیاتھا

نیب نے مونس الہی اوراسکی فیملی کی انویسٹمنٹ، منافع اور قرضے سمیت دیگرضروری ریکارڈ طلب کیا تھا،نیب ذرائع کے مطابق چوہدری مونس الہیٰ اور انکی فیملی کی جائیدادوں کا ریکارڈ تاحال جمع نہیں کرایا گیا