Tag: ایران

ایران کی جانب سے میزائل حملے کے خطرے کے باعث اسرائیلی نیوز چینل 14 کے اینکرز اور مہمان براہِ راست نشریات کے دوران سائرن بجتے ہی خوفزدہ ہو کر اسٹوڈیو سے بھاگ نکلے،جس کی ویڈیو سوشل میڈیا پر وائرل ہو گئی-

سوشل میڈیا پر وائرل ہونے والی ویڈیو میں دیکھا جا سکتا ہے کہ جیسے ہی میزائل حملے کا سائرن بجا، اسٹوڈیو میں موجود میزبان، مہمان اور پروڈیوسر فوری طور پر اپنی جان بچانے کے لیے بھاگ نکلے اور پروگرام اچانک بند ہوگیا۔

https://x.com/AmnaAmnaamir/status/1935679798019305704

ایک صارف نے ویڈیو شیئر کرتے ہوئے لکھاکہ "لائیو اسرائیلی ٹی وی مباحثے کے دوران جیسے ہی ایرانی میزائلوں کا الرٹ آیا، اینکر اور مہمان پروگرام چھوڑ کر دوڑ گئے،اس واقعے کو سوشل میڈیا پر کافی مزاح اور تنقید کا نشانہ بنایا جا رہا ہے۔

دوسری جانب ایرانی سرکاری چینل کی اینکر سحر امامی نے کچھ دن قبل اسرائیلی حملے کے باوجود کمال جرات کا مظاہرہ کرتے ہوئے نشریات جاری رکھیں، حملے کے تھوڑی دیر بعد وہ دوبارہ اسٹوڈیو آئیں اور پروگرام کو بحال کیا،ایرانی رپورٹرز کے مطابق وہ لوگ آخری لمحے تک نشریاتی فرائض انجام دیتے رہے،سوشل میڈیا صارفین نے سحر امامی کے حوصلے کو خوب سراہا اور کہا کہ جنگی صورتحال میں بھی جان کی پرواہ کئے بغیر پیشہ ورانہ ذمہ داری کو نبھانا قابل تحسین عمل ہے۔

ایران نے اسرائیل پر ایک مرتبہ پھر میزائل حملہ کردیا، بیرشیبہ میں میزائل گرنے سے شدید نقصان ہوا ہے، کئی گاڑیوں میں آگ لگ گئی اور 7 افراد زخمی ہوگئے جبکہ اسرائیلی فوج نے ایرانی بیلسٹک میزائل کو روکنے میں اپنی ناکامی کا اعتراف کر لیا ہے۔

باغی ٹی وی : اسرائیلی میڈیا کے مطابق فوجی حکام نے دعویٰ کیا ہے کہ میزائل انٹرسیپٹر سسٹم میں ممکنہ تکنیکی خرابی کے باعث میزائل کو روکا نہیں جا سکا یہ واقعہ جمعے کی صبح اسرائیل کے جنوبی شہر بیرشیبہ میں پیش آیا، جہاں ایران کی جانب سے داغا گیا میزائل رہائشی اپارٹمنٹس کے قریب آ گرا۔ واقعے میں کم از کم پانچ افراد معمولی زخمی ہوئے جبکہ متعدد گاڑیوں اور عمارتوں کو شدید نقصان پہنچا۔

ایک فوجی اہلکار کے مطابق، آج صبح بیرشیبہ پر ایران کے حملے میں ایک بیلسٹک میزائل داغا گیا، جسے روکا نہیں جا سکا اور کئی رہائشی اپارٹمنٹس کے قریب گرا، یروشلم پوسٹ کے مطابق سوروکا میڈیکل سینٹر کے ترجمان کا کہنا ہے کہ بیرشیبہ کے علاقے میں میزائل گرنے سے 7 افراد زخمی ہوئے ہیں۔

ایمرجنسی سروسز فراہم کرنے والے ادارے میگن ڈیوڈ ایڈم کا کہنا ہے کہ جمعے کی صبح جنوبی اسرائیل پر ایران کی جانب سے داغے گئے میزائلوں کی بارش کے بعد اسے کسی زخمی کی اطلاع موصول نہیں ہوئی۔

فوجی اہلکاروں کا کہنا ہے کہ انٹرسیپٹر نظام میں خرابی کی جانچ کی جا رہی ہے تاکہ آئندہ ایسے حملوں سے مؤثر طریقے سے نمٹا جا سکے، جبکہ ٹائمز آف اسرائیل نے اس بات کی تصدیق کی ہے کہ اسرائیلی فوج اس واقعے کو ایک تکنیکی ناکامی کے طور پر دیکھ رہی ہے، جو دفاعی صلاحیت پر سوالیہ نشان بن چکی ہے۔

اسرائیلی وزیراعٖظم نیتن یاہو نے ایران کو دھمکی دیتے ہوئے کہا ہے کہ اسے ملک پر حملے کی بھاری قیمت چکانا پڑے گی،خامنہ ای کو مزید زندہ رہنے کی اجازت نہیں دی جا سکتی-

الجزیرہ کے مطابق اپنے بیان میں اسرائیلی وزیر اعظم نے کہا کہ ایرانی میزائلوں نے سروکا اسپتال اور وسطی اسرائیل میں شہری آبادی کو نشانہ بنایاایرانی ظالموں کو اسپتال پرحملےکی بھاری قیمت چکانا پڑےگی۔

اسرائیلی وزیردفاع اسرائیل کاٹز نے کہا کہ آج کے حملے کا بدلہ خامنہ ای سے لیں گے، وہ بنکر میں بیٹھ کر عوام پر حملے کروارہے ہیں، خامنہ ای کو مزید زندہ رہنے کی اجازت نہیں دی جا سکتی، آیت اللہ خامنہ ای کی حکومت کو تہس نہس کر دیں گے تہران میں موجود خطرے کو ختم کرنے کے لیے فوج کو حملوں میں شدت کی ہدایت کردی ہے۔

ایرانی چیف آف اسٹاف عبدالرحیم موسوی نے ایک بیان میں کہا کہ ان کا ملک اسرائیل سے وابستہ کسی بھی ہدف پر حملے جاری رکھے گا۔ انھوں نے واضح کیا کہ "مسلح افواج کے سامنے کوئی رکاوٹ نہیں ہے۔”

یہ بیان ان حملوں کے بعد سامنے آئے ہیں جو اسرائیل نے گزشتہ شب نطنز میں ایک ایسے مقام پر کیے، جو جوہری ہتھیار بنانے کے لیے استعمال ہوتا ہے، نیز آراک کے جوہری ری ایکٹر پر بھی حملہ کیا گیا۔

اسرائیلی فوج نے آج ایک بیان میں اعلان کیا کہ 40 جنگی طیاروں نے 100 سے زائد گولہ بارود کے ذریعے ایران میں درجنوں عسکری اہداف کو نشانہ بنایابیان میں یہ بھی بتایا گیا کہ حملے تہران اور دیگر علاقوں میں درجنوں عسکری اہداف پر کیے گئے۔

واضح رہے کہ ایران نے آج صبح ایک دفعہ پھر اسرائیلی شہروں پر بیلسٹک میزائل داغے جس سے اب تک 50 سے زائد اسرائیلیوں کے زخمی ہونے کی اطلاع ہے جب کہ کچھ کی حالت تشویشناک ہے۔

امریکی جریدے نیویارک ٹائمز نے دعویٰ کیا ہے کہ ایران نے مشرق وسطیٰ میں امریکی فوجی تنصیبات پر ممکنہ حملوں کی تیاری مکمل کر لی ہے۔

رپورٹ میں کہا گیا ہے کہ اگر امریکا کھل کر اسرائیل کا ساتھ دیتا ہے تو ایران فوری جوابی کارروائی کے لیے تیار ہے۔ذرائع کے مطابق امریکی انٹیلی جنس رپورٹس سے پتا چلا ہے کہ ایران نے میزائل، ڈرونز اور دیگر اسلحہ امریکی اڈوں کے قریب پہنچا دیا ہے، اور ممکنہ حملے کا آغاز عراق سے کیا جا سکتا ہے۔اس کے ساتھ ہی یہ بھی بتایا گیا ہے کہ امریکا آبنائے ہرمز میں بحری بارودی سرنگیں بچھانے کی تیاری میں ہے تاکہ ایرانی بحری نقل و حرکت کو محدود کیا جا سکے۔

مزید یہ کہ امریکا نے خطے میں ممکنہ کارروائی کے تناظر میں اپنے 30 سے زائد فضائی ایندھن بھرنے والے طیارے یورپ منتقل کر دیے ہیں، جو امریکی بمبار طیاروں کو ایران کے حساس مقامات تک رسائی دلانے میں مدد دیں گے۔رپورٹ کے مطابق امریکی حکام اسرائیل اور ایران کے درمیان بڑھتی کشیدگی پر شدید فکرمند ہیں، خاص طور پر ایسے وقت میں جب اسرائیل واشنگٹن پر ایران کے خلاف براہ راست کارروائی کے لیے دباؤ ڈال رہا ہے۔

دوسری طرف ایران نے اقوام متحدہ میں دوٹوک مؤقف اختیار کرتے ہوئے خبردار کیا ہے کہ اگر کسی ملک نے اسرائیل کی فوجی کارروائیوں میں شراکت داری کی تو وہ بھی اس تنازعے کا نشانہ بنے گا۔اقوام متحدہ میں ایرانی سفیر امیر سعید ایراوانی نے واضح کیا کہ اسرائیل امریکا کی حمایت کے بغیر یہ حملے نہیں کر سکتا، اسی لیے امریکا بھی اس تصادم کی ذمہ داری سے بری نہیں ہو سکتا۔

ایرانی حکام کا مؤقف ہے کہ وہ صرف اسرائیلی جارحیت کا جواب نہیں دے رہے بلکہ ان تمام ممالک کے خلاف موقف اپنائے ہوئے ہیں جو اسرائیل کو اسلحہ، انٹیلی جنس یا سیاسی حمایت فراہم کر رہے ہیں۔

ترجمان دفتر خارجہ کی پاک ایران بارڈر بندش کی خبروں کی تردید

چین نے ایران اور اسرائیل سے شہریوں کا محفوظ انخلا مکمل کرلیا

جنگ رکوائی تو کشمیر کا مسئلہ بھی امریکا ہی حل کرے،خواجہ آصف کا دوٹوک مؤقف

پاسداران انقلاب کا اسرائیلی دفاعی نظام تباہ کرنے کا دعویٰ

بھارت نے ایران میں کشمیری طلبہ کو تنہا چھوڑ دیا، کوئی مدد نہیں ملی

ایران نے اسرائیل کے ساتھ جاری کشیدگی کے تناظر میں مذاکراتی وفد کو سلطنت عمان بھیجنے کی خبروں کی تردید کر دی ہے۔

عرب میڈیا کے مطابق ایرانی وزیر خارجہ عباس عراقچی کا کہنا ہے کہ ایران نے مسقط کسی قسم کی مذاکراتی ٹیم نہیں بھیجی اور اس حوالے سے سامنے آنے والی اطلاعات بے بنیاد ہیں۔قبل ازیں بعض عرب ذرائع ابلاغ نے دعویٰ کیا تھا کہ ایرانی مذاکراتی وفد سلطنت عمان پہنچ چکا ہے۔

دوسری جانب اقوام متحدہ میں ایرانی مشن کی جانب سے جاری بیان میں کہا گیا ہے کہ ایران کسی قسم کے دباؤ میں آ کر مذاکرات نہیں کرے گا اور امن صرف برابری کی بنیاد پر قبول کیا جائے گا۔بیان میں مزید کہا گیا ہے کہ ایران ہر دھمکی کا جواب دھمکی سے اور ہر اقدام کا جواب اسی نوعیت کے اقدام سے دے گا۔

ادھر ایک امریکی اخبار نے دعویٰ کیا ہے کہ ایران، امریکا اور اسرائیل سے بات چیت کا خواہشمند ہے، تاہم ایران کی جانب سے سرکاری سطح پر اس کی بھی تصدیق نہیں کی گئی۔

اربوں کی ٹیکس چوری: ایف بی آر نے متعدد شوگر ملز کی تفصیلات کمیٹی میں پیش کر دیں

کراچی کی 20 اہم سڑکوں پر رکشوں کے داخلے پر 2 ماہ کے لیے پابندی عائد

ملک بھر میں فی تولہ سونا مزید 2 ہزار 245 روپے سستا

پاک بحریہ کا زخمی بھارتی عملے کی جان بچانے کے لیے کامیاب ریسکیو آپریشن

ایران کی جوابی کارروائی: اسرائیل پر 400 سے زائد میزائل اور 1000 ڈرونز داغے گئے

ایران کی ایٹمی توانائی تنظیم (اے ای او آئی) کے سربراہ محمد اسلامی نے کہا ہے کہ ملک کی جوہری تنصیبات اچھی حالت میں ہیں۔

مہر نیو ز ایجنسی کی رپورٹ کے مطابق جب ان سے اسرائیلی جارحیت کے بعد ایران کی جوہری سرگرمیوں کی صورتحال کے بارے میں پوچھا گیا تو انہوں نے زور دے کر کہا کہ ملک کی جوہری تنصیبات مکمل طور پر محفوظ اور اچھی حالت میں ہیں،اے ای او آئی کا عملہ اور ملازمین اپنے مورچوں پر موجود ہیں اور پوری ثابت قدمی سے اپنی ذمہ داریاں نبھا رہے ہیں۔

محمد اسلامی نے کہا کہ فخر اور طاقت ایرانی قوم کی سرشت میں رچی بسی ہے، کیوں کہ انہوں نے کبھی بھی زبردستی کے آگے سر نہیں جھکایا اور نہ ہی ہتھیار ڈالے دشمن کو واضح پیغام دیا کہ وہ ایران کے خلاف فوجی جارحیت کے ذریعے کچھ حاصل نہیں کر سکے گا۔

مشرق وسطیٰ میں جوہری خطرہ کوئی مفروضہ نہیں ، ترجمان روسی وزارت خارجہ

واضح ہے کہ صیہونی حکومت نے 13 جون کی علی الصبح ایران پر جارحیت کا آغاز کیا، جس میں فوجی اور جوہری تنصیبات کے ساتھ ساتھ رہائشی علاقوں کو بھی نشانہ بنایا گیا اسرائیلی فوجی حملوں کے نتیجے میں درجنوں فوجی کمانڈرز، جوہری سائنسدان اور عام شہری شہید ہوئے، اور ایران کے مرکزی صوبے اصفہان میں واقع نطنز جوہری تنصیب کو بھی نقصان پہنچا۔

اسرائیل کی ریاستی دہشت گردی اور پاگل پن پر مبنی حملوں کا دفاع ایران کا جائز حق ہے،ترک صدر

روسی وزارت خارجہ کی ترجمان ماریہ زاخارووا نے کہا ہے کہ ایران کو پُرامن جوہری تنصیبات رکھنے کا حق حاصل تھا، ہے اور ہمیشہ رہے گا، اور یہ تنصیبات اب حملوں کی زد میں ہیں۔

روسی خبر رساں ادارے ’تاس‘ کے مطابق روسی وزارت خارجہ کی ترجمان ماریہ زاخارووا نے کہا ہے کہ مشرق وسطیٰ میں جوہری خطرہ کوئی مفروضہ نہیں بلکہ حقیقی اور عملی پہلو رکھتا ہے، جو نہ صرف اس خطے بلکہ پوری دنیا کے لیے خطرے کا باعث ہےیہ سب کچھ نہ صرف کشیدگی میں اضافہ کر رہا ہے، بلکہ خطے اور دنیا کے لیے براہ راست خطرہ بن چکا ہے، کیوں کہ پُرامن ایٹمی یا جوہری تنصیبات پر حملے کیے جا رہے ہیں، جوہری خطرہ مفروضاتی نہیں بلکہ عملی حقیقت بن چکا ہے، ایران کو پُرامن جوہری تنصیبات رکھنے کا حق حاصل تھا، ہے اور ہمیشہ رہے گا، اور یہ تنصیبات اب حملوں کی زد میں ہیں۔

ترک صدر رجب طیب اردوان نے کہا ہے کہ ایران کی جانب سے اسرائیل کی ریاستی دہشت گردی اور پاگل پن پر مبنی حملوں کا دفاع قانونی، فطری اور جائز حق ہے،اسرائیلی وزیر اعظم نیتن یاہو نے غزہ میں نسل کشی کے جرائم میں ایڈولف ہٹلر کو بھی پیچھے چھوڑ دیا ہے۔

پارلیمنٹ میں اپنی حکمران جماعت ’اے کے‘ پارٹی کے ارکان سے خطاب کرتے ہوئے اردوان نے کہا کہ اسرائیل نے واشنگٹن اور تہران کے درمیان جوہری مذاکرات ختم ہونے کا انتظار کیے بغیر ترکیہ کے ہمسایہ ملک ایران پر حملہ کیا، ترکیہ چاہتا ہے کہ ان مسائل کو سفارتکاری کے ذریعے حل کیا جائے، ترکیہ اس حل میں کردار ادا کرنے کے لیے تیار ہے،اسرائیلی وزیر اعظم نیتن یاہو نے غزہ میں نسل کشی کے جرائم میں ایڈولف ہٹلر کو بھی پیچھے چھوڑ دیا ہے۔

واضح رہے کہ ترک صدر رجب طیب اردوان نے گزشتہ روز امیر قطر شیخ تمیم بن حمد آل ثانی سے ٹیلی فونک گفتگو میں اسرائیلی وزیر اعظم نیتن یاہو کو مشرق وسطیٰ کے امن و سلامتی کے لیے ’سب سے بڑا خطرہ‘ قرار دیا تھا ترکیہ کے صدر کا کہنا تھا کہ اسرائیلی وزیراعظم نے ایک بار پھر ثابت کر دیا ہے کہ وہ اس خطے کی سلامتی کے لیے سب سے بڑا خطرہ ہیں وہ کشیدگی کو ختم کرنے کے لیے اپنی سفارتی کوششیں جاری رکھیں گےاسرائیل کے حالیہ حملوں کے بعد شروع ہونے والے تنازع پر ترکیہ بھرپور سفارتی روابط میں مصروف ہے۔

مغربی ایران سے موساد کے مزید 5 مشتبہ ایجنٹوں کو گرفتارکرلیاگیا۔

ایرانی میڈیا کے مطابق ایران کے مغربی حصے سے اسرائیل کے خفیہ ادارے موساد کے مزید پانچ مشتبہ ایجنٹس کو گرفتار کرلیا گیا ہے۔ ایرانی میڈیا کے مطابق گرفتار کیے گئے افراد پر الزام ہے کہ وہ آن لائن پلیٹ فارمز کے ذریعے ایران کی ساکھ کو نقصان پہنچانے اور ملک میں خوف و ہراس پھیلانے کی سازش میں ملوث تھے۔

گرفتار کیے گئے ملزمان نے عوام کے درمیان خوف و ہراس پھیلانے کی کوشش کی اور مقدس ایرانی نظام کے خلاف منظم پروپیگنڈا کیا۔ یہ اقدام ایران کے سلامتی اداروں کی طرف سے ملک کے استحکام اور عوام کی حفاظت کے لیے اٹھایا گیا ہے۔ پاسدارانِ انقلاب نے اس بات پر زور دیا کہ ان کی گرفتاری ایران کے قومی سلامتی کے حوالے سے ایک اہم پیش رفت ہے۔ایران اور اسرائیل کے درمیان جاری کشیدگی اور جنگ کے دوران موساد کے کئی دیگر ایجنٹس کو پہلے بھی گرفتار کیا جا چکا ہے۔ ایرانی حکام کا کہنا ہے کہ موساد ایران میں عدم استحکام پیدا کرنے کے لیے مختلف حربے آزما رہا ہے، جن میں جاسوسی، پروپیگنڈا اور تخریب کاری شامل ہیں۔

واضح رہے کہ اس سے قبل بھی ایران اسرائیل جنگ کے دوران موساد کے ایجنٹوں کو گرفتار کیا جاچکا ہے۔

ڈیجیٹل اکانومی اور کیش لیس معیشت کیلئے اعلیٰ سطحی کمیٹی قائم

علاوہ ازیں ایران کے سپریم لیڈر آیت اللہ علی خامنہ ای نے اسرائیل کے خلاف جنگ کا اعلانیہ آغاز کرتے ہوئے کہا ہے کہ "صہیونی دہشت گرد ریاست پر رحم کا وقت ختم ہوچکا” اور "سخت جواب دینا ناگزیر ہے”۔

ٹائمز آف اسرائیل کے مطابق، آیت اللہ خامنہ ای نے سماجی رابطے کی ویب سائٹ ‘ایکس’ پر دو اہم پیغامات میں کہا کہ "جنگ کا آغاز ہوچکا ہے” "صہیونی ریاست پر رحم نہیں کیا جائے گا، ایک پوسٹ میں ایک شخص کی تصویر بھی شامل تھی جو تلوار لیے قلعے کے دروازے میں داخل ہو رہا ہے، جسے بعض مبصرین نے خیبر کے قلعے کی فتح سے تعبیر کیا ہے، جو اس بیان کو مذہبی اور تاریخی شدت دے رہا ہے۔

یہ بیانات امریکی صدر ڈونلڈ ٹرمپ کے اس انتباہ کے بعد سامنے آئے جس میں انہوں نے کہا کہ "ہم جانتے ہیں خامنہ ای کہاں چھپے ہوئے ہیں، وہ آسان ہدف ہیں، مگر فی الحال ہم انہیں مارنے کا ارادہ نہیں رکھتے لیکن ہمارا صبر ختم ہو رہا ہے۔”

اسرائیل ایران میں وہ گندا کام کر رہا ہے جو ہمیں کرنا چاہیے تھا،جرمن چانسلر

واضح رہے کہ خامنہ ای کی یہ ٹوئٹ موجودہ کشیدگی میں ان کا پہلا عوامی اور براہِ راست اعلان جنگ ہے، جس سے اس بات کے امکانات بڑھ گئے ہیں کہ ایران اب فوجی کارروائی کی طرف قدم بڑھا سکتا ہے۔