Tag: ایلون مسک

ایک اشتہاری کمپنی نے ٹوئٹر کا نام تبدیل کرنے پر ایلون مسک کی ایکس کارپوریشن کے خلاف امریکی فیڈرل کورٹ میں ہرجانے کا مقدمہ دائر کر دیا ہے۔

باغی ٹی وی: فلوریڈا سے تعلق رکھنے والی ایکس سوشل میڈیا نامی اشتہاری کمپنی کی جانب سے دائر مقدمے میں ایکس کارپوریشن پر غیر منصفانہ مسابقت اور ٹریڈ مارک چوری کرنے کا الزام عائد کیا گیا ہے ایکس ایس ایم نے اپنے مقدمے میں کہا ہے کہ وہ 2016 سے ایکس سوشل میڈیا کا رجسٹرڈ مارک استعمال کر رہی ہے،کمپنی کے مطابق ایکس ری برانڈ (ٹوئٹر کے نام میں تبدیلی) اور ایکس کے نشان کو استعمال کرنے پر اسے مالی نقصان کا سامنا ہوا ہے یہ ابھی واضح نہیں کہ ایکس ایس ایم کا کیس کس حد تک مضبوط ہے۔

گزشتہ روز گاڑی روکنے والوں کو شہباز شریف نے گھر بلا لیا

قانونی ماہرین نے میڈیا سے بات کرتے ہوئے بتایا کہ ایکس ٹریڈ مارکس کی بھرمار کے باعث کسی بھی ایکس برانڈڈ کمپنی کے لیے دوسرے کے خلاف مقدمے میں کامیابی کا حصول بہت مشکل ہے مگر یہ ممکنہ طور پر ایلون مسک کی کمپنی کے خلاف پہلا مقدمہ ضرور ہے جس کو مستقبل میں ایکس حرف کے استعمال پر متعدد مقدمات کا سامنا ہو سکتا ہے کیونکہ یہ حرف ٹیکنالوجی برانڈز میں بہت عام استعمال ہوتا ہےدرحقیقت مائیکرو سافٹ اور میٹا پلیٹ فارمز نے بھی ایکس کو اپنے ٹریڈ مارکس میں شامل کر رکھا ہے۔

آئی سی سی ورلڈکپ 2023 کی میزبانی سے بھارت کو کتنی آمدنی ہو گی،ماہرین اقتصادیات …

ایکس سوشل میڈیا کی جانب سے عدالت سے درخواست کی گئی ہے کہ ایلون مسک کی کمپنی کو ایکس کے نام کے استعمال سے روکا جائے اور مالی نقصان کی تلافی کی جائے اس مقدمے پر اب تک ایکس کارپوریشن کی جانب سے کوئی بیان جاری نہیں کیا گیا۔

معروف امریکی کمپنی ٹیسلا کے بانی ایلون مسک کو سیاسی شخصیات کی جانب سے ملنے والی دھمکیوں کے بعد والد ایرول مسک نے خدشہ ظاہر کیا ہے کہ ان کے بیٹے کو قتل کیا جا سکتا ہے۔

باغی ٹی وی: ٹیسلا کے سی ای او ایلون مسک کے والد ایرول مسک نے ایک رپورٹ کے بعد اپنے بیٹے کی حفاظت کے بارے میں تشویش کا اظہار کیا ہے جس میں حکومتی فیصلوں پر ایلون مسک کے اثر و رسوخ کو اجاگر کیا گیا ہےدی یو ایس سن کی رپورٹ کے مطابق ایرول مسک نے خدشہ ظاہر کیا کہ ان کے ارب پتی بیٹے کو قتل کا خطرہ لاحق ہو سکتا ہے۔

77 سالہ ایرول مسک نے دی نیویارکر کے ایک حالیہ مضمون پر تنقید کرتے ہوئے اسے "ہٹ جاب” قرار دیا۔ اس مضمون میں حکومتی فیصلوں پر دنیا کے امیر ترین شخص کے اثر و رسوخ کا جائزہ لیا گیااس آرٹیکل میں روس یوکرین تنازعے میں اسپیس ایکس کی اسٹار لنک سیٹلائٹس کی اہمیت پر بھی زور دیا گیا ہے۔

ایشیا کپ:تمام میچز پاکستان میں نہ کرانے کی بڑی وجہ براڈ کاسٹرز کی ہچکچاہٹ تھی، …

پینٹاگون کے حکام نےایلون مسک کو ایک "غیر منتخب اہلکار” سے تشبیہ دی اور ولادیمیر پیوٹن کے بارے میں ان کے موقف پر تشویش کا اظہار کیا۔ رپورٹ میں یوکرین کے تنازعے میں اسپیس ایکس کے سٹار لنک سیٹلائٹس کے اہم کردار پر بھی روشنی ڈالی گئی۔

ایرول مسک نے اپنے بیٹے کے ساتھ کشیدہ تعلقات کو تسلیم کرتے ہوئے، ایلون کی حفاظت کے بارے میں اپنے خدشات کا اظہار کیا، اس کے ارد گرد زیادہ توجہ اور جانچ پڑتال کے پیش نظر ایلون مسک اس سے قبل عوامی طور پر اپنے والد کو "خوفناک انسان” کہہ چکے ہیں۔

جولائی 2023 میں پاکستان کا قرض 907 ارب روپے بڑھا،اسٹیٹ بینک

امریکی صدر جو بائیڈن نے بھی اپنے بیان میں کہا تھا کہ ایلون مسک کے گزشتہ سال ٹوئٹر خریدنے کے بعد غیر ملکی ممالک کے ساتھ روابط دیکھنے کے لائق ہیں جب ایرول مسک سے پوچھا گیا کہ کیا انہیں خدشہ ہے کہ ایسے حالات میں حکومت ایلون کو قتل بھی کر سکتی ہے تو انہوں نے جواب دیا کہ’جی ہاں۔

ایکس اور ٹیکنالوجی کمپنی ٹیسلا کے سی ای او ایلون مسک نے ایکس استعمال کرنے والے صحافیوں کیلئے بڑا اعلان کردیا۔

باغی ٹی وی: سماجی رابطے کی ویب سائٹ ‘ایکس’ پر جاری کردہ ٹویٹ میں انہوں نے اظہارِ رائے کی آزادی اور لکھاریوں سے متعلق بیان جاری کیا ایلون مسک کا کہنا تھا کہ اگر آپ صحافی ہیں جو لکھتے ہوئے آزادی چاہتا ہے اور زیادہ آمدنی کا خواہش مند ہے تو اس پلیٹ فارم پر اپنی لکھائی پبلش کرے۔

If you’re a journalist who wants more freedom to write and a higher income, then publish directly on this platform!

— Elon Musk (@elonmusk) August 21, 2023

ایلون مسک کی ٹویٹ پر پاکستانی جرنلسٹ نے ردعمل دیتے ہوئے لکھا کہ ہم اور دنیا بھر میں ہزاروں ایسے لوگ ہوں گے جو آزادانہ طور پر بات نہیں کر سکتے، یہ پلیٹ فارم صحافیوں کی زندگیاں بدل دے گا۔

You’re a star Elon! We will & thousands of more around the world who can’t speak freely. This platform will change the lives of journalists!!! X♥️

— Ihtisham Ul Haq (@iihtishamm) August 21, 2023

ایک صارف نے لکھا کہ میں ایک صحافی ہوں اور آپ نے قتل اور عصمت دری سے متعلق جرائم کی خبریں شیئر کرنے پر میرے اکاؤنٹ پر پابندی لگا دی۔ اسی لیے ویب سائٹس اب بھی جرائم کی اطلاع دینے کے لیے اچھی ہیں۔ آپ کو پہلے اس مسئلے کو ٹھیک کرنا چاہیے۔

I am a journalist and you shadow-banned my account for sharing news of crimes related to murders and Rapes. That's why websites are still good to report crimes. You should fix this issue first.

— Shubham Sharma (@Shubham_fd) August 22, 2023

ایک ایکس کے صارف نے لکھا کہ ‘سوشل میڈیا کا مستقبل اتنا روشن کبھی نہیں رہا ہے،ایک صارف نے لکھا کہ آپ ایک نعمت ہیں، ایلون! آپ کا وژن بے مثال ہے-

ایلون مسک نے ایکس (ٹوئیٹر) پر بلاک فیچر ختم کرنے کا کہہ دیا

قبل ازیں سوشل میڈیا ایپ ایکس کے مالک ایلون مسک نے کہا ہے کہ اب کوئی کسی کو بلاک نہیں کر سکے گا کیونکہ ایکش نے اہم فیچر ختم کرنے کا عندیہ دے دیا جبکہ ایکس کے بانی ایلون مسک نے ایک صارف کی جانب سے پوسٹ کیے گئے سوال کے جس میں انہوں نے پوچھا کہ کیا کبھی کسی کو بلاک کرنے یا خاموش کرنے کی کوئی وجہ ہے؟ اپنی وجوہات بتائیں۔

واضح رہے کہ صارف نے سوشل میڈیا پلیٹ فارم کے دیگر صارفین کے سامنے سوالات رکھے تھے جس پر جواب خود مالک ایلون مسک نے دے دیا جس میں انہوں نے لکھا کہ بلاک کو فیچر کے طور پر ڈیلیٹ کیا جائے گا، سوائے براہ راست میسج کے علاوہ ازیں انہوں نے لکھا کہ اس کا کوئی مطلب نہیں ہے۔

بحرین میں 500 قیدیوں نے بھوک ہڑتال شروع کردی

تاہم خیال رہے کہ بلاک فیچر صارفین کو اپنے مواد کو مکمل طور پر دیکھنے سے روکنے کی اجازت دیتا ہے اور اس آپسن کو کب ہٹایا جائے گا اب تک اس حوالے سے مسک نے کوئی تاریخ نہیں دی ہے کیونکہ یہ آپشن ابھی تک موجود ہے جبکہ ایک صارف کی جانب سے یہ نشاندہی بھی کی گئی کہ بلاک آپشن کو ہٹانا ایپ اسٹور کے رہنما خطوط کی خلاف ورزی ہوسکتی ہے۔ اب دیکھنا یہ ہے کہ کیا آیا اسے ہٹایا جائے گا یا پھر اس کا متبادل تلاش کیا جائے گا-

ٹیسلا، اسپیس ایکس اور ایکس یعنی ٹوئٹر کے مالک ایلون مسک نے ایک بار پھر میٹا کے چیف ایگزیکٹو مارک زکربرگ کے ساتھ مکسڈ مارشل آرٹ (ایم ایم اے) فائٹ کا عندیہ دیا ہے۔

باغی ٹی وی: ایلون مسک نے ایک ایکس پوسٹ میں کہا کہ مارک زکربرگ سے مجوزہ کیج فائٹ ان کے سوشل میڈیا پلیٹ فارم پر لائیو اسٹریم کی جائے گی ایکس پر لائیو اسٹریم ہونے والی فائٹ سے اکٹھی ہونے والی تمام رقم فلاحی مقاصد کے لیے خرچ کی جائے گی تاہم انہوں نے فائٹ کے حوالے سے مزید تفصیلات نہیں بتائیں-

Zuck v Musk fight will be live-streamed on 𝕏.

All proceeds will go to charity for veterans.

— Elon Musk (@elonmusk) August 6, 2023

Am lifting weights throughout the day, preparing for the fight.

Don’t have time to work out, so I just bring them to work.

— Elon Musk (@elonmusk) August 6, 2023

Elon, what is the point of the fight? Is it to motivate you to work out?

— Daniella Design (@I_LoveArtDeco) August 6, 2023

خواتین میں پوسٹ پارٹم ڈپریشن کےعلاج کیلئے تیار گولی کی منظوری مل گئی

ایک صرف نے پوچھا کہ ایلون، لڑائی کا کیا فائدہ؟ کیا یہ آپ کو ورزش کرنے کی ترغیب دیتا ہے؟جس پر ایلون مسک نے کہا کہ یہ جنگ کی ایک مہذب شکل ہے۔ مردوں کو جنگ پسند ہے۔

It’s a civilized form of war. Men love war.

— Elon Musk (@elonmusk) August 6, 2023

اس سے قبل ایک اور میسج میں انہوں نے کہا تھا کہ وہ دن بھر وزن اٹھا کر اس فائٹ کے لیے تیاری کر رہے ہیں 20 جون کو ایلون مسک نے ٹوئٹر پر ایک صارف کی ٹوئٹ پر جواب دیتے ہوئے بظاہر مذاق میں مارک زکربرگ کو فائٹ کا چیلنج کیا تھا جو جسٹو مارشل آرٹ کے ماہر مارک زکربرگ نے بھی 21 جون اس چیلنج کو قبول کرتے ہوئے انسٹاگرام اسٹوری میں لکھا کہ ‘مجھے لوکیشن بھیجیں’۔

ہر بارفرد جرم عائد ہونے کے بعد ڈونلڈ ٹرمپ کی مقبولیت میں مزید اضافہ ہوا،برطانوی …

جس پر ایلون مسک نے اپنے جواب میں لاس ویگاس میں موجود وینیو Vegas Octagon کے بارے میں لکھا، یہ وہ جگہ ہے جہاں ایم ایم اے فائٹس ہوتی ہیں اس کے چند دن بعد ایلون مسک نے بتایا تھا کہ انہوں نے کیج فائٹ کے لیے تربیت شروع کر دی ہے، مگر پھر اس حوالے سے کوئی اپ ڈیٹ سامنے نہیں آئی اب انہوں نے ایک بار پھر فائٹ کے حوالے سے پیغامات پوسٹ کیے ہیں۔

حالیہ دنوں ٹوئٹر کے نئے مالک ایلون مسک کے ساتھ بیانات کے تبادلے کے بعد، سوشل میڈیا کی بڑی کمپنی "میٹا” کے سی ای او مارک زکربرگ نے چند نئی تصاویر پوسٹ کی ہیں جن میں وہ اپنی مضبوط جسمانی طاقت کا اظہار کرتے دکھائی دیتے ہیں۔ مارک زکربرگ نے اپنے انسٹاگرام اکاؤنٹ پر اپنی ایک تصویر پوسٹ کی، جس میں وہ لڑائی کی مشق کے بعد مارشل آرٹس کے کھلاڑی اسرائیل ایڈیسانیا اور الیگزینڈر وولکانووسکی کے ساتھ کھڑے تھے۔

Facebook founder Mark Zuckerberg training with Israel Adesanya and Alexander Volkanovski 👀

Via IG pic.twitter.com/ptTIQO8jeS

— UFM TV™️ (@UFMTV_) July 11, 2023

عالمی ادارے کے مطابق زکربرگ مارشل آرٹس اور دیگر جسمانی کھیلوں کی مشق کرتے ہیں، لیکن فی الحال وہ مکسڈ مارشل آرٹس پر توجہ دے رہے ہیں۔ ایسا لگتا ہے کہ کاروباری دشمنی بظاہر ٹیک انڈسٹری کے دو طاقتور ترین ارب پتیوں کے لیے کافی نہیں ہے۔ پچھلے مہینے سوشل میڈیا پر دونوں کے درمیان ایک مکالمہ ہوا جس میں مارک زکربرگ اور ایلون مسک کہنا تھا کہ وہ کیج فائٹنگ میں اپنا سکور طے کرنا چاہتے ہیں۔

مؤخر الذکر نے ایک ٹویٹ میں کہا کہ وہ میٹا کے سی ای او زکربرگ کے ساتھ "کیج فائٹ کے لیے تیار ہوں گے”۔ اس کے بعد انسٹاگرام کی ایک سٹوری میں، زکربرگ نے مسک کی ٹوئٹ کا اسکرین شاٹ پوسٹ کرکے جوابی فائرنگ کی جس کے عنوان میں لکھا ہوا تھا: "مجھے مقام بھیجیں۔”
"مذاق نہیں” مسک نے پھر ایک ٹویٹ میں جواب دیا: "ویگاس آکٹاگون”، یہ لاس ویگاس میں آٹھ رخی ریسلنگ کا میدان ہے جو بالکل پنجرے کی طرح ڈھکا ہوا ہے اور الٹیمیٹ فائٹنگ چیمپئن شپ کی میزبانی کرتا ہے۔ ’دی ورج‘ کے مطابق ورچوئل اسپیس کے ذریعے زکربرگ کی لڑائی محض ایک مذاق نہیں ہے، جس کا مطلب ہے کہ گیند اب مسک کے کورٹ میں ہے۔
مزید یہ بھی پڑھیں؛
سیاسی جماعت پر پابندی،ایاز صادق نے اعلان کر دیا
یوکرینی وزیر خارجہ رواں ماہ پاکستان کا دورہ کریں گے
کوئی بتا دے ریاست پر حملہ کرنا جرم ہے یا نہیں؟ جاوید لطیف
جنسی ہراسانی کے الزامات کے بعد رکن پارلیمنٹ کی ایک اور ویڈیو سامنے آ گئی
پاکستان اور سری لنکن بورڈ الیون کا دو روزہ میچ ڈرا

واضح رہے کہ51 سالہ مسک نے اس سے پہلے بھی اپنی طاقت کا مظاہرہ کیا اور وہ جنوبی افریقہ میں ہونے والے "حقیقی اسٹریٹ فائٹ” کے بارے میں بات کر رہے تھے، اس کے برعکس، زکربرگ، 39، ایک مکسڈ مارشل آرٹ فائٹر ہے جو اس سے پہلے جیو جِتسو ٹورنامنٹ جیت چکے ہیں۔

سماجی رابطے کی ویب سائٹ ٹویٹر کے مالک ایلون مسک نے سوشل میڈیا ایپ تھریڈز کی لانچنگ کے کچھ گھنٹے بعد ہی بوکھلا گئے اور میٹا پر ہرجانے کا مقدمہ درج کرنے کی دھمکی دے ڈالی،

ایلون مسک کے وکیل کی جانب سے میٹا کے سی ای او مارک زکربرگ کے نام خط آن لائن نیوز آؤٹ لیٹ پر شائع کیا گیا ہے، اس خط میں میٹا پر ٹویٹر کے سابق ملازمین کو نوکری دے کر تجارتی رازوں اورانتہائی خفیہ معلومات تک رسائی کا الزام عائد کیا گیا ہے ،یہ بھی کہا گیا ہے کہ میٹا کے سی ای او کے خلاف مقدمہ درج کروایا جا سکتا ہے،

واضح رہے کہ گزشتہ برس ایلون مسک کی ملکیت میں جانے کے بعد ٹویٹر میں متعدد تبدیلیاں کی گئی جن سے صارفین کا اس سروس کو استعمال کرنے کا تجربہ متاثر ہوا، ایلون مسک نے ٹویٹر سے کمائی شروع کر دی اور صارفین کو لوٹنا شروع کر دیا، بلیو ٹک کے لئے بھی رقم لینے لگا، جس کے بعد سوشل میڈیا صارفین کو ایک نئی ایپ کی ضرورت تھی جو ٹویٹر کا متبادل ہو، میٹا کے سربراہ مارک زکربرگ کی جانب سے ایپ تھریڈز کی لاؤنچنگ کی گئی ہے جس پر چند گھنٹوں میں پلیٹ فارم کے صارفین کی تعداد ایک کروڑ سے تجاوز کرگئی ہ

میٹا کی جانب سے ٹویٹر کے مقابلے پر نئی ایپ تھریڈز کو متعارف کرانے پر ایلون مسک کا ردعمل سامنے آیا تھا، ایلون نے ہمیشہ کی طرح میٹا کی نئی ایپ کی لانچ پر انسٹاگرام کو تنقید کا نشانہ بنایا اور کہا کہ انسٹاگرام میں تکلیف کو چھپا کر جعلی خوشی کے اظہار سے ٹویٹر پر کسی اجنبی کا حملہ زیادہ بہتر ہے ،واضح رہے کہ ایلون مسک برسوں سے انسٹاگرام پر تنقید کرتے رہے ہیں

چین سے شرمناک شکست کے بعد مودی سرکار کی ایک اور پلوامہ ڈرامہ کی کوشش ناکام

پلوامہ حملے سے متعلق بھارتی بھارتی انٹیلیجنس کی رپورٹ،پاکستان کا رد عمل بھی آ گیا

پلوامہ کے بعد گیلوان میں مارے جانے والے بھارتی فوجیوں کا ذمہ دار کون؟ بھارتی صحافی نے سیاسی قیادت پر بڑا سوال اٹھا دیا

بھارت کی پلوامہ ڈرامے کی آڑ میں پاکستان کےخلاف سازش بے نقاب،بھارت نے جسکو مردہ کہا وہ پاکستان میں زندہ نکلا