Tag: باغی ٹی وی

ڈاکٹر فردوس عاشق اعوان کا کہنا ہے کہ ایک قیدی کو رہائی ملی ہے تووہ حاجی بن کر لاہور کی سڑکوں پر لوگوں کو بے وقوف بناتا رہا،مریم اور حمزہ کے حمایتی بارہا ٹکرائے۔ ڈسکہ الیکشن پرالیکشن کمیشن کے فیصلے پر ان کی خوشی بتاتی ہے کہ ان کی زبانوں کے ساتھ انکے ہاتھ بھی بہت لمبے ہیں معاون خصوصی ڈاکٹر فردوس عاشق اعوان کی ایوان وزیراعلی میں سینئر ممبربورڈ آف ریونیوکے ہمراہ پریس کانفرنس
لاہور27فروری: کسی نظام کوبدلنے کے لئے جرات مندقیادت ہی اصلاحات متعارف کراسکتی ہے – جاتی امراوالوں نے پورے پاکستان کی نمبرداری کاٹھیکہ ظل سبحانی کے سپرد کردیا-وزیراعظم عمران خان نے ن لیگ کے اس ہینڈ پک نظام کو ختم کیا اور عوام کو ان کے حقوق دیئے-ن لیگ کے دور میں اسٹام فروش مافیا نے ن لیگ کی چھتری تلے جرائم پیشہ اور قبضہ مافیا کے ساتھ مل کر عوام کو لوٹنے کے لئے نیٹ ورک بنایا- تبدیلی یہ ہے کہ جو غلط ہورہا تھا ہم نے اس کو روکا ہے اور اس کا حصہ بننے سے انکار بھی کردیا ہے- جعلی راجکماری اب پھولن دیوی کا روپ دھار چکی ہے یہ سیاسی بونے اپنا قداونچا کرنے کے لئے عمران کا نام جپتے رہتے ہیں -ان کی سیاست عمران کے نام کی مرہون منت ہے -گزشتہ روز ایک قیدی کو رہائی ملی ہے تووہ حاجی بن کر لاہور کی سڑکوں پر لوگوں کو بے وقوف بناتا رہا – اس حاجی کو پتہ ہونا چاہیے کہ ابھی مقدمہ ختم نہیں ہوا- اس قیدی کی رہائی پر استقبالیہ کارکنوں کا ٹولیوں میں بٹ کرمریم اور حمزہ کے علیحدہ علیحدہ نعرے لگانامستقبل میں ن لیگ کے اندر ہونے والی اکھاڑ پچھاڑ کی واضح تصویر پیش کررہا تھا- مریم،حمزہ کو کارکن اور خود کو لیڈر سمجھتی ہیں،ایک میان میں دو تلواریں نہیں رہ سکتی- ان خیالات کا اظہار معاون خصوصی وزیراعلی پنجاب ڈاکٹر فردوس عاشق اعوان نے آج ایوان وزیراعلی میں سینئر ممبربورڈ آف ریونیوبابرحیات تارڑکے ہمراہ پریس کانفرنس سے خطاب کرتے ہوئے کیا- انہوں نے کہا کہ اسلام آباد میں کرپشن کی مشین نصب ہونے جارہی ہے۔بلاول کے بابا اس مشین کے ذریعے سینٹ الیکشن کے نتائج کی انجینئرنگ کریں گے- انہوں نے کہا کہ ڈسکہ الیکشن پرالیکشن کمیشن کے فیصلے پر ان کی خوشی بتاتی ہے کہ ان کی زبانوں کے ساتھ انکے ہاتھ بھی بہت لمبے ہیں۔ پنجاب میں ن لیگ اور پی پی میں ایک مفاہمتی فارمولا طے ہوا اور انہوں نے اپنے کاغذات واپس لے کرروایتی مک مکا کا ایک دفعہ پھر مظاہرہ کیا ہے -وفاق میں پیپلز پارٹی اور ن لیگ کے درمیان یوسف رضا گیلانی کو سپورٹ کرنے کے معاملے پر کرپشن کے تحفظ کے لئے مفاہمتی فارمولا اپنایا گیا۔ پانچ سال پی پی نے ن لیگ سے نہیں پوچھا اور اگلے پانچ سال ن لیگ نے ان سے کوئی سوال نہ کیا۔پھر انہیں یہ پریشانی لاحق ہوئی کہ یہ تیسرا کون ہے جو ان سے کرپشن کا حساب مانگ رہا ہے۔ یہ عمران خان ہے جو عوام کی طاقت سے اقتدار میں آکران کی کرپشن کے راستے کی سب سے بڑی دیوار بن گیا۔ ایک سوال کے جواب میں انہوں نے کہا کہ ہمارے نظام میں بے شمار خامیاں ہیں یہاں چور چوہدری بنا رہا اور جتنا لچا اتنا اچا والا فارمولا چلتا رہا۔ اس چیلنج سے نمٹنے کیلئے اس نظام کو بدلنا ہمارا فرض ہے جو لوگ حاجی بن کر قوم کو گمراہ کرنے میں مصروف ہیں اور انہوں نے قانون کو اپنے گھر کی لونڈی بنایا ہوا ہے ان کا علاج قانون سے ہی کریں گے۔ عمران خان نے اڑھائی سال میں ہر ادارے میں اصلاحات متعارف کرائیں۔ عدالتی نظام کو مضبوط کئے بغیر سسٹم بدلنے کا خواب حقیقت میں نہیں بدل سکتا-ایک اور سوال کے جواب انہوں نے کہا کہ مریم نواز نے خوابوں کی دنیا میں بسیرا کیا ہوا ہے اور دن میں بھی خواب دیکھتے رہتی ہے۔ لانگ مارچ، استعفوں کی تاریخیں، حکومت کو گھر بھیجنے کی دھمکیاں یہ سب سن کر عوام کے کان پک چکے ہیں۔ راجہ گدھ لندن میں بیٹھ کر ترازو پکڑ کر سینٹ کے ووٹروں کا بھاؤ تاؤ کر رہا ہے۔ مریم نے قوم کو نہیں بتایا کہ جو بیمار علاج کیلئے گیا تھا وہ واپس کیوں نہیں آیا۔ مریم خود کولیڈر اورحمزہ کو کارکن سمجھتی ہیں –

پشاور ( پ ر)جماعت اسلامی یوتھ خیبر پختونخوا کے صوبائی صدر محمد صدیق الرحمن پراچہ نے کہا ہے کہ عمران نیازی اگر واقعی2018 سینٹ انتخابات کی تحقیقات کرنا چاہتے ہیں تو وہ 2020چیئرمین سینٹ کے انتخابات کی تحقیقات بھی کرا لیں۔کیسے صادق سنجرانی چیئرمین سینٹ منتخب ہوئے اس کی بھی مکمل جانچ پڑتال ہونی چاہیے۔صدیق الرحمن پراچہ نے مزید کہا کہ سینٹ الیکشن میں مسلم لیگ ن اور پی ٹی آئی کی ڈیل نے یہ ثابت کر دیاہے کہ حکمران اور اپوزیشن جماعتیں ایک سکے کے دو رخ ہیں دونوں پارٹیوں نے پنجاب سے 5، 5 سینیٹرز اور ایک ق لیگ کا بلامقابلہ منتخب ہونا کسی ڈیل کا شاخسانہ ہے ۔ انہوں نے کہا کہ پھر دعویٰ کیا جاتا ہے کہ این ار او نہیں دوں گا اور دوسری طرف مریم نواز کہتی ہیں کہ ہم مقابلہ کریں گے چوروں کا ٹولہ مک مکا کر بیٹھا ہے اور عوام کے لیے ٹوپی ڈرامہ لگایا ہوا ہے انہوں نے کہا کہ حکومت اور اپوزیشن میں کوئی شرم نہیں کوئی حیا بھی نہیں انہوں نے کہا کہ جماعت اسلامی کے سینیٹر مشتاق احمد خان کا حکومتی کمیٹی کے سامنے پیش ہونے کا اعلان کر دیا ہے۔ایسی جرات کسی دوسری پارٹی کے لیڈر میںنہیں یہ صرف جماعت اسلامی کے لوگ ہی کر سکتے ہےں۔ انہوں نے کہا کہ سینیٹر مشتاق احمد خان کی تحیقیقاتی کمیٹی کی تمام کاروائی براہ راست عوام کو دکھائی جائے ۔تاکہ عوام خود فیصلہ کرے اور دودھ کا دودھ اور پانی کا پانی ہو جائے۔سینیٹ انتخابات میں ووٹوں کی خرید وفروخت میں جو ملوث ہے ان کو بے نقاب کیا جائے۔ انہوں نے کہا کہ جماعت اسلامی احتساب کی بات کرتی ہے اس لیے کمیٹی کے سامنے پیش ہو رہی ہے۔انہو ں نے کہا کہ کمیٹی میں شامل لوگ خود قابل تفتیش ہیں انہوں نے کہا کہ موجودہ حکومت مکمل طور پر ناکام ہوچکی ہے، یہ حکومت بھی گزشتہ حکومتوں کا تسلسل ہے۔ مشرف، مسلم لیگ ن، پیپلز پارٹی، ق لیگ اور پی ٹی آئی کے لوگوں کی پالیسیاں اور حکمت عملیاں ایک ہی ہیں۔ اور اب اس حکومت کا جانا بنتا ہے.

وزیراعلیٰ عثمان بزدارکا قلعہ کالر والا میں نجی سکول میں فائرنگ سے بچے کے جاں بحق ہونے کے واقعہ کا نوٹس، ملزم کی جلد گرفتاری کا حکم دیا۔
لاہور27 فروری:وزیراعلیٰ پنجاب سردار عثمان بزدارنے سیالکوٹ کے علاقے قلعہ کالر والا میں نجی سکول میں فائرنگ سے بچے کے جاں بحق ہونے کے واقعہ کا نوٹس لیتے ہوئے انسپکٹر جنرل پولیس سے رپورٹ طلب کر لی ہے اور افسوسناک واقعہ میں ملوث ملزم کی جلد گرفتاری کا حکم دیا ہے – وزیر اعلی عثمان بزدار نے کہا کہ متاثرہ خاندان کو ہر قیمت پر انصاف فراہم کیا جائے گا۔وزیراعلیٰ عثمان بزدار نے مقتول بچے کے لواحقین سے دلی ہمدردی و تعزیت کا اظہار کیا ہے اورانصاف فراہم کرنے کی یقین دہانی کرائی ہے۔

اسپیکر قومی اسمبلی کا کہنا ہے کہ 27 فروری کا تاریخی دن پاکستان کی ہسٹری میں سنہرے حروف میں لکھا جائے گا۔
سپیکر قومی اسمبلی اسد قیصر نے کہا ہے کہ 27 فروری ہماری تاریخ کا یادگار دن اور روشن باب ہے، اس دن ہماری بہادر فوج نے دشمن کو سرپرائز دیا۔ انہوں نے کہا کہ دشمن ہماری امن کی کوشش کو کمزوری نہ سمجھے، بھارت نے ہماری سرحدوں کے اندر داخل ہونے کی کوشش کی، ہم نے دنیا کو پیغام دیا کہ پاکستان پرامن ملک ہے۔ ان خیالات کا اظہار انہوں نے ضلع صوابی کے گاؤں کنڈن میں سوئی گیس فراہمی منصوبے کے افتتاحی تقریب سے خطاب کرتے ہوئے کیا۔

سپیکر قومی اسمبلی اسد قیصر نے کہا کہ ہمارے جوانو نے فضاوں سے بھارتی پائلٹ کو نیچے گرایا،ہم خطے میں امن کے خواہشمند ہیں، امن کے اس جذبے کو کبھی کمزوری نہ سمجھا جائے، پڑوسیوں سے اچھے تعلقات چاہتے ہیں۔ انہوں نے کہا کہ
وزیراعظم نے ہر پلیٹ فارم پر کہا ہے کہ ہم کشمیر میں امن چاہتے ہیں اورکشمیری عوام کو ان کا حق ملنا چاہیے۔ انہوں نے کہا کہ اقوام متحدہ کے سلامتی کونسل کے قراردادوں کے مطابق مسئلہ کشمیر حل کرنا چاہیے، حق خوداردایت کشمیر عوام کا حق ہے۔

انہوں نے کہا کہ پارلیمنٹ نے سود کے خلاف بل پاس کیا ہے،پاکستان کو اسلامی فلاحی ریاست بنانا چاہتے ہیں۔ انہوں نے کہا کہ ایسی ریاست جس میں امیر اور غریب برابر ہوں، کمزور اور طاقتور کے لیے ایک جیسا قانون ہو۔ انہوں نے کہا کہ ہم اپنے نبی کی شان میں گستاخی برداشت نہیں کریں گے، وزیر اعظم نے اقوام متحدہ سمیت ہر فورم پر حضور کی حرمت کے لیے آواز اٹھائی، پہلی بار پشتونوں کو حکومت ملی ہے۔انہوں نے کہا کہ تحریک انصاف نے پشتونوں کو شناخت دی ہے۔

اسد قیصر نے کہا کہ مریم نواز نے ایک سیٹ کے لیے جاگ پنجابی جاگ کا نعرہ لگایا،آج کے حالات کی وجہ سابق حکومتیں ہیں جو قومی اداروں کو نقصان میں چھوڑ کر گئے۔ انہوں نے کہا کہ ماضی میں قومی اداروں کو بری طرح لوٹا گیا، پانچ سال کے بعد کارکردگی کی بنیاد پر دوبارہ آئیں گے،ماضی کے برعکس آج ایل این جی کے نئے سستے معاہدے کیے گئے۔ انہوں نے کہا کہ عمران خان اپنی ذات کے لیے سیاست نہیں کر رہے، عمران خان کو اللہ نے ہر میدان میں کامیاب کیا۔

انہوں نے کہا کہ کھیل کا میدان ہو سماجی خدمات ہوں وزیراعظم پاکستان نے ہمیشہ ملک کا نام روشن کیا، مجھے پورا یقین ہے کہ اللہ پاک عمران خان اور پاکستان کے عوام کو کامیاب کرے گا، آج ملک کی معشیت بہتر ہو رہی ہے صنعت چل رہی ہے۔