Tag: باغی ٹی وی

پشاور: جماعت اسلامی کے سینٹر مشتاق احمد خان کا حکومتی کمیٹی کے سامنے پیش ہونے کا اعلان
سینٹر مشتاق احمد خان کا کہنا ہے ک تحیقیقاتی کمیٹی کے سامنے پیش ہوں گا، کمیٹی کی تمام کاروائی براہ راست عوام کو دکھائی جائے، سینیٹ انتخابات میں ووٹوں کی خرید وفروخت میں جو ملوث ہے کمیٹی اور میڈیا کو بتاوں گا،جماعت اسلامی احتساب کی بات کرتی ہے اس لیے کمیٹی کے سامنے پیش ہوں گا، خودساختہ حکومتی کمیٹی کی جانب سے پیش ہونے کا نوٹس ملا ہے۔ کمیٹی کی کوئی حیثیت نہیں۔ کمیٹی میں شامل لوگ خود قابل تفتیش ہیں، شہزاد اکبراور شیریں مزاری براہ راست منتخب ممبر نہیں ہیں، منتخب سینٹر ہوں صوبے کے اراکین اسمبلی نے ووٹ دیا ہے، منتخب نمائندے کو غیرمنتخب لوگوں نے بلایا ہے۔

27فروری2019 پاک فضائیہ کی یاد گار فتح پاک فضائیہ کی اس دلیری اور شاندار کامیابی کو منانے کے لئے
اروا فاونڈیشن کے زیر اہتمام یادگار تقریب منعقد کی گیی۔
تقریب کی صدارت اروا فاونڈیشن کے مرزا اسد اللہ سعید نے کی۔تقریب میں صوبائی وزیر سید یاور عباس بخاریصوبائی پارلیمانی سیکرٹری سردار مہندر پال سنگھ ، چوہدری سلطان علی ۔اشرف بٹر ایڈووکیٹ, چیئرمین کل مسالک علماء بورڈ مولانا محمد عاصم مخدوم , ممتاز حامد منصور، صفدراحمد ،قاسم علی قاسمی, چوہدری محمد ارشد گجر , منظور احمد, اروا فاونڈیشن کے جنرل سیکرٹری رانا ظہیر اصغر نے شرکت کی۔
سید یاور بخاری صوبائی وزیرنے کہا کہ وہ پاک فوج اور پاک فضائیہ کی خدمات کو خراج تحسین پیش کرتے ہیں ۔
پاک فوج نے وطن عزیز کے لیے لازوال قربانیاں دی ہیں

سردار مہندر پال سنگھ صوبائی پارلیمانی سیکرٹری نے کہا کہ فوج کے خلاف کسی بھی قسم کی ہرزا سرائی کو برداشت نہیں کریں گے ۔
مولانا عاصم مخدوم نے کہا کہ پاک فوج نے ملک کی سلامتی کے لیے لازوال قربانیاں دی ہیں.پاک فوج نڈر، بہادر اور دشمن کے ہر وار کا جواب دینے کی صلاحیت رکھتی ہے.قوم کو اپنی فوج پر فخر ہے۔ پوری قوم اپنی فوج کے شانہ بشانہ کھڑی ہے ۔ اپنی فوج کے خلاف بولنے والے محب وطن نہیں ہوسکتے۔

کرپشن کے چمپئن شہباز شریف کے ہونہار سپوت عدالت سے باعزت بری نہیں ہوئے۔
لاہور: ترجمان پنجاب حکومت مسرت جمشید چیمہ نے کہا ہے کہ کرپشن کے میوزیکل چیئرکا کھیل بند کراناوزیر اعظم عمران خان کی سب سے بڑی کامیابی ہے ،کرپشن کے چمپئن شہباز شریف کے ہونہار سپوت عدالت سے باعزت بری نہیںہوئے بلکہ ان کی کرپشن کی وارداتوں کا کیس ابھی احتساب عدالت میں زیر سماعت ہے ،بلدیاتی انتخابات میں شفافیت کیلئے اوپن بیلٹنگ اور دیگر اصلاحات زیرغور ہیں۔اپنے ایک بیان میں انہوں نے کہا کہ مریم نواز صبح وشام،سوتے جاتے اور اٹھتے بیٹھتے وزیر اعظم بننے کے خواب دیکھتی ہیں لیکن انہیں اپنا یہ خواب شرمندہ تعبیر ہونے کی کوئی راہ نظر نہیں آتی ۔ انہوں نے کہا کہ مسلم لیگ (ن) او رپیپلز پارٹی نے کئی دہائیوں سے اقتدارمیں آ کر کرپشن سے مال بنائو اور جب اقتدار سے باہرہو تواسی ما ل کو اپنے مفادات کیلئے پانی کی طرح بہائوکا فارمولہ اپنایا ہوا تھا لیکن اب کرپشن کے میوزیکل چیئرمین کا کھیل بندہو چکا ہے ۔ مسرت جمشید چیمہ نے کہا کہ پردہ سکرین کے پیچھے مریم صفدر بیرون ملک جانے کیلئے جس طرح کے جتن کرتی ہیں اسے بھی قوم کے سامنے لایا جائے گا ، اب ان کے راستے محدود ہو گئے ہیں اور ان کی سیاست بند گلی میں داخل ہو چکی ہے جہاں سوائے تاریکی کے کچھ نہیں ہے

لاہور : پنجاب وائلڈلائف کے ڈپٹی ڈائریکٹر چوہدری شفقت علی کو ریٹائرمنٹ سے ایک دن قبل بطور ڈائریکٹر ترقی دے دی گئی۔ پنجاب وائلڈ لائف کے ڈپٹی ڈائریکٹر چوہدری شفقت علی جو کہ ان دنوں لاہور چڑیا گھر میں بطور ڈائریکٹر ذمہ داری نبھارہے ہیں، پنجاب حکومت نے انہیں ان کی ریٹائرمنٹ سے ایک دن قبل بطور ڈائریکٹر ترقی دے دی ہے۔ چوہدری شفقت علی کی مدت ملازمت 28 فروری کوپوری ہورہی ہے، جب کہ آ ج وزیراعلی پنجاب نے ان کی ترقی کی سمری منظورکی ہے۔
پنجاب وائلڈلائف حکام کا کہنا ہے کہ محکمے میں اس وقت ڈائریکٹرکی دوسیٹیں ہیں، چوہدری شفقت علی سینارٹی کے لحاظ سے دوسرے نمبر تھے، اس لئے اب انہیں بھی پرموٹ کرکے ڈپٹی ڈائریکٹر سے ڈائریکٹر بنادیا گیا ہے، وزیراعلی پنجاب سے سمری کی منظوری کے بعد اب ان کی تعیناتی کا نوٹیفکیشن جاری ہوگا، تاہم دلچسپ بات یہ ہے کہ یہ تعیناتی صرف ایک دن کے لئے ہوگی کیونکہ 28 فروری کو چوہدری شفقت علی ریٹائرڈہوجائیں گے۔ اس سے قبل محکمے کے سابق ڈائریکٹرنعیم علی بھٹی کو بھی ان کی ریٹائرڈمنٹ سے ایک ماہ پہلے ڈپٹی ڈائریکٹرسے ڈائریکٹر کے عہدے پرترقی دی گئی تھی۔

گور نر پنجاب چوہدری محمدسرور کی میڈیا سے گفتگو جس میں کہا کہ یوسف رضا گیلانی بھی مان رہے ہیں کہ اسٹیبلشمنٹ غیرجانبدارہے ۔ پی ڈی ایم کے سینیٹ کے دیگر امیدواربھی اسٹیبلشمنٹ کی غیر جانبداری تسلیم کررہے ہیں ۔ پاک افواج کسی ایک جماعت کی نہیں 22کروڑ پاکستانیوں کی فوج ہے۔ سیاسی مفادات کیلئے کسی کو بھی اداروں کو سیاست میں نہیں گھسیٹنا چاہیے۔ پاکستان کے پاس دنیا کی بہترین افواج موجود ہے ۔ ہم اداروں کے 100فیصد غیرسیاسی ہونے پر یقین رکھتے ہیں ۔ پاکستان کے اداروں کی اداروں کی مضبوطی سے ہی پاکستان مضبوط ہوگا۔ اگر آج اپوزیشن کے کچھ لوگ افہام تفہیم کی بات کر رہے ہیں تو ہم ویلکم کرتے ہیں ۔ 3مارچ کو سینیٹ انتخابات کے بعدبھی حکومت کو کوئی خطرہ نہیں ہے۔ سیاسی جماعتیں صرف اس فیصلے کو ہی مانتی ہیں جو ان کے حق میں آتا ہے۔ سیاسی جماعتیں ایک دوسرے کے مینڈ یٹ کو تسلیم کر لیں توکوئی لڑائی نہیں ہوگی۔ پنجاب میں سینیٹ انتخابات کے حوالے سے ہم نے شفافیت کو یقینی بنایا ہے۔ اگر ہم پنجاب میں زیادہ امیدوار لاتے تو پھر ہارس ٹریڈنگ کی بات ہوتی ۔