Tag: باغی ٹی وی

وزیر اعظم عمران خان کی زیر صدارت اشیا ضروریہ کی قیمتوں اور دستیابی کے حوالے سے اجلاس میں جائزہ لیا گیا۔ اجلاس میں وفاقی وزراء مخدوم خسرو بختیار، ڈاکٹر عبدالحفیظ شیخ، سید فخر امام، مشیر ڈاکٹر عشر ت حسین، معاونین خصوصی ندیم بابر، ڈاکٹر وقار مسعود، تابش گوہر، گورنر اسٹیٹ بینک ڈاکٹر رضا باقر، بنجاب کے وزیر خوراک عبدالعلیم خان، وزیر خزانہ ہاشم جواں بخت، چیئرمین ایف بی آر اور اعلی حکام شریک۔ چیف سیکریٹری بنجاب اور خیبر پختونخوا ویڈیو لنک سے شریک تھے۔وزیر اعظم کو ملک میں گندم کی اگلے مالی سال 22-2021 کی پیداوار، کھپت اور ضروریات کے تخمینوں کے بارے تفصیلی بریفنگ دی گئی۔
وزیر اعظم نے کہا کہ مستقبل کی ضروریات اور کسی بھی ہنگامی صورتحال سے نمٹنے کے لیے ابھی سے جامع منصوبہ بندی کی جائے۔ذخیرہ اندوزی اور منافع خوروں کے خلاف سخت ترین قانونی اقدامات اٹھائے جائیں ۔
کوشش کی جائے کہ غریب آدمی پر مزید کسی قسم کا اضافی بوجھ نہ پڑے۔ صوبوں کے مابین روابط مزید مستحکم کیے جائیں تاکہ قیمتوں میں فرق ختم کیا جا سکے۔ کھیت سے مارکیٹ تک منتقلی اور تمام دیگر عوامل میں انفارمیشن ٹیکنالوجی کا استعمال عمل میں لایا جائے تاکہ سسٹم کو شفاف بنایا جا سکے اور کسان اور صارفین دونوں کو اچھی قیمت مل سکے۔خورد ونوش کی اشیا کے لیے جدید خطوط پر ذخیرہ کرنے کے لیے گوداموں کی تعداد بڑھائی جائے ۔

وزیرِ اعظم عمران خان کی زیر صدارت نیشنل کوارڈینیشن کمیٹی برائے ہاؤسنگ ، کنسٹرکشن و ڈویلپمنٹ کا ہفتہ وار اجلاس ہوا۔ اجلاس میں ملک میں جاری تعمیراتی سرگرمیوں اور مختلف منصوبوں کی منظوریوں کے عمل میں پیش رفت کا جائزہ لیا گیا۔ کم آمدنی والے افراد کے لئے حکومت کی جانب سے سماجی تنظیم اخوت کے ذریعے معاونت فراہم کرنے کے حوالے سے اجلاس کو بتایا گیا کہ حکومت کی جانب سے اخوت کو پانچ ارب روپے فراہم کیے گئے تھے۔ اس منصوبے کی کامیابی کو مد نظر رکھتے ہوئے حکومت نے اخوت کو مزید پانچ ارب روپے فراہم کرنے کا فیصلہ کیا۔ تاہم اخوت کی جانب سے بتایا گیا ہے کہ رواں مالی سال کے لئے ان کو مزیددو ارب روپے درکار ہیں جو کہ حکومت کی جانب سے فراہم کر دیے جائیں گے
اجلاس کو بتایا گیا کہ اخوت منصوبے کے تحت اس سال کے آخر تک 16000 گھروں کی تعمیر مکمل ہو جائے گی۔
چیف سیکرٹری سندھ کی جانب سے تعمیراتی منصوبوں کی منظوریوں کے حوالے سے اجلاس کو بریفنگ آباد کے نمائندے کی جانب سے وزیرِ اعظم کو بتایا گیا کہ سندھ میں کم و بیش 258منصوبے منظوریوں کے منتظر ہیں ۔ آباد کی جانب سے وزیرِ اعظم سے درخواست کی گئئ کہ وفاقی حکومت زیر التوا منصوبوں کی منظوریوں کے عمل کو تیز کروانے کے حوالے سے معاونت فراہم کرے
وزیرِ اعظم نے چیف سیکرٹری سندھ کو ہدایت کی کہ زیر التوا منظوریوں کے عمل کو تیز کیا جائے۔
وزیرِ اعظم نے کہا کہ تعمیراتی سرگرمیوں کے فروغ سے نہ صرف معاشی عمل تیز ہوگا بلکہ صوبے کی عوام کو نوکریوں اور روزگار کے مواقع میسر آئیں گے۔ لہذا اس پر خصوصی توجہ دی جائے۔
وزیرِ اعظم کو مختلف ڈویلپمنٹ اتھارٹیز کی جانب منظور شدہ سوسائٹیوں کی تمام تر تفصیل آن لائن فراہم کرنے کے حوالے سے اب تک کی پیش رفت پر بھی بریفنگ
وزیرِ اعظم نے اس امر پر ضرور دیا کہ منظور شدہ ڈویلپمنٹ اتھارٹیز منظور شدہ ہاؤسنگ سوسائیٹیز و تعمیراتی منصوبوں کی تمام تر تفصیلات کی آن لائن اور ویب سائٹس پر فراہمی کو یقینی بنائیں تاکہ عوام الناس اور خصوصا بیرون ملک مقیم پاکستانیوں جو کہ ان منصوبوں میں سرمایہ کاری کرتے ہیں ان کو کسی بھی دھوکے یا فراڈ سے بچایا جا سکے۔ چئیرمین سی ڈی اے کی جانب سے وفاقی دارالحکومت میں ون ونڈو آپریشن، اراضیوں کے حوالے سے تمام معاملات کو ڈیجیٹل کیے جانے اور تعمیراتی منصوبوں کی منظوریوں کے حوالے سے بریفنگ دی
چئیرمین سی ڈی اے کی جانب سے بتایا گیا کہ ون ونڈو آپریشن کی آٹومیشن کے حوالے سے کیس ٹریکنگ اینڈ منیجمنٹ سسٹم تشکیل دیا جا چکا ہے اس کے ساتھ ساتھ جائیدادوں کے انتقال اور تصدیق کے عمل کو بھی ڈیجیٹل کیا جا رہا ہے۔ جائیدادوں و املاک کی خرید اری کے حوالے سے سی ڈی اے کی جانب سے آن لائن پیمنٹ کا نظام متعارف کرایا جا چکا ہے۔ یکم جنوری سے اب تک 403تعمیراتی منصوبوں کی منظوری دی جا چکی ہے جس کے تحت سی ڈی اے کو 735.5 ملین روپوں کی آمدنی ہوئی۔ اجلاس کو بتایا گیا کہ آمدنی کے علاوہ ان منظور شدہ منصوبوں پر کام کا اجرا ہونے سے اربوں روپوں کی معاشی سرگرمی پیدا ہوگی۔ وزیرِ اعظم کو وفاقی دارالحکومت میں جاری مختلف تعمیراتی منصوبوں پر عملی پیش رفت پر بھی بریفنگ دی۔
وزیرِ اعظم نے اجلاس سے خطاب کرتے ہوئے کہا کہ ملکی معیشت کے استحکام اور کورونا وبا کے اثرات سے بحالی کے لئے تعمیراتی شعبے کا فروغ کلیدی اہمیت کا حامل ہے۔ وزیرِ اعظم نے تمام چیف سیکرٹری صاحبان کو ہدایت کی کہ منظوریوں کے عمل پر مسلسل نظر رکھی جائے تاکہ یہ عمل کسی بھی قسم کی تاخیر کا شکار نہ ہو وزیرِ اعظم نے ہدایت کی کہ نئی سوسائٹیوں اور تعمیراتی منصوبوں کے ساتھ ساتھ موجودہ غیر منظور شدہ یا غیر قانونی ہاؤسنگ سوسائٹیوں کے حوالے سے بھی مستقبل کا لائحہ عمل تشکیل دیا جائے۔

وزیرِ اعظم عمران خان کی زیر صدارت لاہور میں سنٹرل بزنس ڈسٹرکٹ کے قیام اور راوی سٹی منصوبے کے حوالے سے ہفتہ وار اجلاس ہوا جس میں وزیرِاعظم کو والٹن لاہور میں قائم ہونے والے سنٹرل بزنس ڈسٹرکٹ کے قیام کے حوالے سے بریفنگ دی گئی۔
اجلاس کو بتایا گیا کہ گنجان آبادی کے پیش نظر لاہوروالٹن میں تربیتی پروازوں کے لئے استعمال ہونے والا ائیرپورٹ ہوائی پروازوں کے لئے غیر محفوظ بن چکا ہے۔ ان خطرات کا مستقل تدارک اور آبادی کے تحفظ کے لئے تربیتی پروازوں کے لئے استعمال ہونے والے اس ائیرپورٹ کو محفوظ مقام پر شفٹ کرنا نہایت ضروری ہے۔
وزیرِ اعظم نے اس امر پر نہایت تشویش کا اظہار کیا کہ گذشتہ چند سالوں میں آبادی کی وجہ سے اس ائیر پورٹ پر دو تین حادثے رونما ہو چکے ہیں تاہم کوئی جانی نقصان نہیں ہوا۔
وزیرِ اعظم کو بتایا گیا کہ سنٹرل بزنس ڈسٹرکٹ کے قیام کے بعد اربوں روپے کی مالیت کی اس زمین کو بھرپور معاشی سرگرمیوں کے لئے استعمال کیا جا سکے گا۔
وزیرِ اعظم کو روای سٹی منصوبے پر اب تک پیش رفت پر بھی تفصیلی بریفنگ دی۔ وزیرِ اعظم کو بتایا گیا کہ مجوزہ راوی سٹی میں ماحولیات پر خصوصی توجہ دی جا رہی ہے۔راوی سٹی میں زراعت و کاشتکاری کے جدید طریقہ کار ورٹیکل فارمنگ کو فروغ دیا جائے گا جس سے نہ صرف پیداواری اضافہ ممکن ہوگا بلکہ زمین کا بھرپور استعمال بھی میسر آئے گا۔ مجوزہ روای سٹی تک آسان رسائی کے لئے لاہور موٹر وے سے 20 کلومیٹر طویل سڑک تعمیر کی جائے گی تاکہ یہاں کے رہائشیوں کو شہر تک آسان رسائی ممکن بنائی جا سکے۔ وزیراعظم نے راوی سٹی منصوبے پر بات کرتے ہوئے کہا کہ راوی سٹی منصوبہ نہ صرف شہر لاہور کی رہائشی و دیگر ضروریات کو پورا کرنے کے حوالے سے نہایت اہم منصوبہ ہے بلکہ اس سے لاہور شہر اور ملک بھر کے عوام کے لئے معاشی سرگرمیوں کے بے شمار مواقع پیدا ہوں گے۔ وزیرِ اعظم نے ہدایت کی کہ راوی سٹی منصوبے پر پیش رفت کے حوالے سے انہیں مسلسل آگاہ رکھا جائے۔

سبطین خان کا کہنا ہے کہ ہارس ٹریڈنگ کا دور گزر چکا، 3 مارچ کو جمہوریت اور کرپشن کا مقابلہ ہوگا۔ سینٹ الیکشن تحریک انصاف کا، پی ڈی ایم کو ٹف ٹائم دیں گے۔
نیا بلدیاتی نظام عمران خان کے ویژن کے عین مطابق اور عوامی نظام ہوگا۔ صوبائی وزیر سردار محمد سبطین خان اور مختلف اضلاع کے اراکین اسمبلی کے مابین گذشتہ روز اہم ملاقاتیں ہوئیں جن میں باہمی دلچسپی کے امور، سیاسی معاملات اور بالخصوص سینیٹ الیکشن پر تبادلہ خیال کیا گیا۔ اس موقع پر سینیٹ انتخابات بارے لائحہ عمل پر بھی غور کیا گیا۔ اراکین اسمبلی سے گفتگو کرتے ہوئے سبطین خان نے کہا ہے کہ سینیٹ الیکشن تحریک انصاف کا ہے۔ 3 مارچ کو جمہوریت اور کرپشن کا مقابلہ ہوگا جس میں جمہوریت ہی فتح یاب ہوگی۔ انہوں نے کہا کہ 3 مارچ کو کسی کو الیکشن خریدنے نہیں دیا جائے گا۔ پی ڈی ایم کو ٹف ٹائم دیں گے اور اپوزیشن اتحاد کی ہر سازش کو ناکام بنائیں گے۔ سبطین خان نے مزید کہا کہ اپوزیشن اوپن بیلٹ انتخاب سے خوفزدہ ہے۔ انہیں معلوم ہو چکا کہ اوپن بیلٹ میں ان کی دال نہیں گلے گی۔ انہوں نے کہا کہ ہارس ٹریڈنگ کا دور گزر چکا، اب پاکستان کو کرپشن اور کرپٹ عناصر سے پاک کرنے، نئی روایات اور ایمانداری کے کلچر کے پنپنے اور عملی ترقی کی راہ پر گامزن کرنے کا وقت ہے۔ عمران خان کی قیادت میں اس جانب سفر شروع ہے۔ اراکین اسمبلی عمران خان کی قیادت پر اعتماد کرتے ہیں۔ سبطین خان نے کہا کہ عمران خان ہی کی قیادت میں کرپشن کا بوریا بستر گول کرکے اس ملک کو حقیقی معنوں میں ریاست مدینہ بنایا جائے گا۔ اس موقع پر سبطین خان اور اراکین اسمبلی کے مابین بلدیاتی انتخابات پر بھی گفتگو ہوئی جس میں صوبائی وزیر نے بتایا کہ نیا بلدیاتی نظام وزیر اعظم عمران خان کے منشور اور ویژن کے مطابق اختیارات کی نچلی سطح منتقلی اور مقامی سطح پر مسائل کے حل میں معاون ثابت ہونے والا ہے۔ انہوں نے اس امید کا بھی اظہار کیا گیا کہ بلدیاتی انتخابات میں بھی جمہوریت اور خدمت کو فتح ملے گی