Tag: باغی ٹی وی

کرپٹ مافیا 110ارب روپے کے ٹھیکوں کی بندر بانٹ کرنے کے لیے سر گرم ہے۔ چئیر مین ایل ڈبلیو ایم سی ملک امجد علی نون کرپشن،بے ایمانیوں، اور کرپٹ مافیا کی سازشوں کاحصہ نہیں بنوں گا۔ چئیر مین ایل ڈبلیو ایم سی اپنے عہدے سے مستفعی ہو گئے۔
لاہور:مستقبل قریب میں کرپشن، بے ایمانی، سازشیں اور گند ہی گند نظر آرہا ہے جس کا میں قطعی طور پر حصہ نہیں بننا چاہتا۔کرپٹ مافیا 110ارب روپے کے ٹھیکوں کی بندر بانٹ کرنے کے لیے سر گرم ہے اور آئے روز نت نئی منصوبہ بندی کر کے کمپنی کو کرپشن کا گڑھ بنانا چاہتا ہے جو میرے ہوتے ہوئے ممکن نہیں ہوا۔ میں نے بطور چئیر مین ایل ڈبلیو ایم سی ان تمام کرپٹ عزائم کو ناکام بنایا مگر جب اعلی حکام کے مابین تنازعات ہوں جو کہ سی ایم سیکٹریٹ اور صوبائی وزیر برائے صنعت و تجارت میاں اسلم اقبال کی جانب سے ہیں تو بہتر ہے کہ چئیر مین کی جانب سے استعفی دے دیا جائے اسلیے
اپنے عہدے سے استعفی دے رہا ہوں۔ان خیالات کا اظہار چئیر مین ایل ڈبلیو ایم سی نے میڈیا میں جاری کردہ اپنے بیان میں کیا انکا کہنا تھا کہ عہدہ سنبھالنے کے بعد وزیر اعظم کے ویژن کے مطابق کرپشن مافیا اور بین الااقوامی کنٹریکٹرز کی اجادا داری کا خاتمہ کیااور شفافیت کو یقینی بنانے کے لیے ہر ممکن اقدامات کیے مگر اہم عہدوں پرفائزکرپٹ مافیا باز نہ آیا۔
لاہور ویسٹ مینجمنٹ کمپنی ایک مانیٹرنگ کمپنی سے آپریشنل کمپنی کا سفر طے کر چکی ہے جو کہ ایک سنگ میل کی حثیت رکھتی ہے۔اس کامیابی میں ایل ڈبلیو ایم سی کی انتظامیہ اور عملے نے میرا بھر پور ساتھ دیا۔ اس کامیابی کے ساتھ اور بعد بھی انتظامیہ کو بے شمار مسائل اورمخا لفت کا سامنا کرنا پڑاجس کا ڈٹ کر مقابلہ کیا۔ چئیر مین ایل ڈبلیو ایم سی ملک امجد علی نون کا کہنا تھا کہ میں نے چئیر مین کا عہدہ اعزازی/رضاکارانہ طورپر بغیر کسی تنخواہ کے سنبھالا جس کا مقصد لاہور شہر کی خوبصورتی کو بر قرار رکھنا اور بہترین صفائی انتظامات کو یقینی بنانا تھا۔ میں نے لاہور کو دو مرتبہ شدید مسائل سے نکالا اور شہر سے تمام بیک لاگ کو کلئیر کیا۔ علاوہ ازیں ترک کمپنیاں جو کہ شہر کی صفائی کے ساتھ لوٹ مار مچا رہیں تھیں، ایل ڈبلیو ایم سی کو اس لوٹ مار سے بچایا گیا اور گری ہوئی کمپنی کو اپنے پاؤں پر کھڑا کیا۔ کمپنی کو مافیہ کے چنگل سے نکال کر وزیر اعلی پنجاب کے خودانحصاری کے ویژن کے مطابق شہر میں صفائی کے انتظامات خود سنبھالنے کے لیے پوری ٹیم کو متحرک کرتے ہوئے دن رات کام کیا۔ اب کمپنی تمام تر مشکلات سے نکل آئی ہے اور صرف 110ارب مالیت کا7 سالہ معاہدہ ہو نا باقی ہے۔مجھے نظر آرہا ہے کہ اس ٹھیکے کی وجہ سے بہت سے لوگ منفی منصوبہ بندی کر رہے ہیں اورمافیا سر گرم ہوگیا ہے۔ مافیانے اپنے ذاتی مفادات کی خاطر کمپنی کے معاملات میں مداخلت کرنی شروع کر دی ہے جو کہ آپ سب کو نظر آرہا ہے۔ان تمام حالات کے پیش نظر میں اس عہدے پر مزید اپنے فرائض سر انجام نہیں دے سکتا کیونکہ میری پوری کوشش رہی ہے کہ ادارے کو لوٹ مار سے بچایا جائے۔ وزیر اعلی پنجاب کو شہر میں صفائی کے موجودہ حالات اور ادارے کے انتظامی معاملات سے آگاہ کر نے کے لیے گزشتہ تین چار روز سے ملنے کی کوشش کی مگر ان کے دفتر کے عملے نے ان سے ملاقات نہیں ہونے د ی۔ اس لیے میں نے مناسب سمجھا ہے کہ میں یہ عہدہ چھوڑ دوں۔ اس استعفے کا مقصد وزیر اعلی پنجاب کی توجہ اس اہم مسئلے پر مبذول کروانا اور سر گرم مافیا کی بے ایمانیوں سے آگاہ کرنا ہے جس کو مسلسل نظر انداز کیا جا رہا ہے۔ میں نے بطور چئیر مین ایل ڈبلیو ایم سی کے عہدہ سنبھالنے کے دوران اس کمپنی کو اپنے پاؤں پر کھڑا کرنے کے علاوہ مستقبل کے پلان کو بھی مکمل کروایا اب جسکو بورڈ آف ڈائریکٹرز کی منظوری کے بعد وزیر اعلی کے مشیر برائے معاشی و اقتصادی امور ڈاکٹرسلمان شاہ کو ارسال کر دیا جائے گا۔

پاکستان تحریک انصاف کے ایم این اے اور پارلیامینٹری سیکریٹری ھیومن رائٹس لال چند مالہی نے آج ضلع تھرپارکر کی تحصیل ننگرپارکر میں قائم کردہ احساس پروگرام کے مراکز کا دورہ کیا اور احساس پروگرام کے مقامی افسران سے بریفنگ لی۔
اس موقع پر بات کرتے ھوے انھون نے کہا کہ وزیر اعظم عمران خان کا خواب ھے کہ پسے ھوئے اور کئی دھائیوں سے محروم طبقات کو اوپر لایا جائے اور حکومت ان طبقات کی ترقی کو یقینی بنائے۔
لال چند مالہی نے کہا کہ ضلع تھرپارکر میں کرونا کے دوران ایک لاکھ پچھتر ھزار خاندانوں کو 12000 کیش امداد دی گئی۔ امداد کسی بھی سیاسی مداخلت سے پاک اور بغیر کسی رنگ نسل مزھب اور سیاسی امتیاز کے دی گئی۔ اب ایک اور قسط جاری کر دی گئی ھے اور پورے ملک میں 70 لاکھ خاندانوں کو جون تک بارہ ھزار کی کیش امداد فراھم کی جائے گی۔ انھوں نے کہا کہ خوشحال پاکستان سروے اپنے آخری مراحل میں ھے اور اس کے بعد ان مستحق خاندانوں کے بچوں کی تعلیم کا خرچ بھی حکومت برداشت کرے گی۔
لال چند مالہی نے عمران خان اور مخدوم شاہ محمود کا شکریہ ادا کرتے ھوئے کہا کہ حکومت کی جانب سے تھرپارکر کے ھر خاندان کو صحت کارڈ مہیا کیا جا چکا ھے جس کی مدد سے اب ھر خاندان کا ساڑھے سات لاکھ کی مالیت کا صحت انشورنس حاصل ھے۔ تھرپارکر سندھ کا واحد ضلع ھے جسے صحت کارڈ مہیا کر دیا گیا ھے۔
انھوں نے مزید کہا کہ تھرپارکر کے لیے وزیر اعظم کی جانب سے اعلان کردہ 100 آر او پلانٹس پر کام جلد شروع ھو جائے گا۔
پی ٹی آئی اہم این اے نے مطالبہ کیا کہ پی پی پی کی صوبائی حکومت اپنا فرض پورا کرے اور تھر کی عوام کو پانی، صحت ، تعلیم اور دیگر صحولیات فراھم کرے۔ انھون نے الزام عائد کیا کہ پی پی پی کے عوامی نمائندگان تھر کی عوام سے ووٹ لے کر غائب ھو جاتے ھیں۔ اب تھر کی عوام کو بھی جاگنا ھوگا اور ان بہروپیون کو بھگانا ھوگا۔ انھوں نے مزید کہا کہ پیپلز پارٹی کو کہتی تھی کہ جمہوریت بہترین انتقام ھے اب سمجھتی ھے کہ انتقام بہترین جمہوریت ھے۔ سندھ میں مخالفین کو بدترین انتقام کا نشانہ بنایا جا رھا ھے اس کی مثال حلیم عادل شیخ اور تھرپارکر میں جھوٹی ایف سی آرز کا داخل ھونا ھے۔
اس موقع پر پاکستان تحریک انصاف کے مقامی رہنما اکبر پلی، کرشن شرما اور دیگر ہمراہ تھے۔

وزیر اعلی پنجاب سردار عثمان بزدار کا کہنا ہے کہ انھیں ڈسکہ کے ضمنی الیکشن میں فائرنگ کے واقعہ کے باعث 2افراد کے جاں بحق ہونے پر دلی دکھ ہوا-جاں بحق افراد کے لواحقین کے ساتھ تعزیت کااظہار کرتا ہوں – فائرنگ کرنے وا لے عناصر قانون کی گرفت سے نہیں بچ سکیں گے-واقعہ کی غیر جانبدرانہ تحقیقات کاحکم دے دیاہے –
شرپسندوں کے خلاف قانونی کارروائی ہوگی – فائرنگ کرنے والے ملزمان کا تعلق جس بھی پارٹی سے ہو بلا امتیاز قانونی کارروائی ہو گی-کسی کو قانون ہاتھ میں لینے کی اجازت نہیں دیں گے – عوام کے جان و مال کا تحفظ ریاست کی ذمہ داری ہے جو ہر صورت نبھائیں گے۔ پرامن ماحول کو خراب کرنے والے عناصر کے خلاف قانون اپنا راستہ لے گا۔صوبے میں قانون کی پاسدار ی ِکی خلاف ورزی برداشت نہیں کی جائے گی-
قانون کی عملداری یقینی بنانے کے لئے آخری حد تک جائیں گے۔

ہنگو
ہنگوپولیس نےضلع اورکزئی سےہنگو چرس سمگل کرنے کی کوشش ناکام بنادی ہے۔صدر پولیس نےخفیہ اطلاع پرکاروائی کرتےہوئے بین الاضلاعی منشیات سمگلر کوگاڑی سمیت گرفتارکرلیاہے۔حراست میں لئے گئے منشیات سمگلر کاتعلق ہنگوکےعلاقےدربندسےہےجن کے خلاف تھانہ صدر میں مقدمہ درج کرلیاگیاہے۔
پکڑی گئی منشیات ضلع اورکزئی سےہنگو سمگل کی جارہی تھی۔ڈی ایس پی ہیڈکوارٹرحافظ محمدنزیرخان نے اس حوالےسےبتایاکہ ایس ایچ او تھانہ صدرایس ائی ثواب علی خان کومخبرخاص نےاطلاع دی کہ اج کسی بھی وقت بذریعہ فلائنگ کوچ نمبری2221 مردان ضلع اورکزئی سےہنگو کسی بھی قسم کی منشیات سمگل کی جا سکتی ہے۔اطلاع کومصدقہ جان کرایس ایچ او نے پولیس نفری کے ہمراہ تھانہ صدرکےقریب مین روڈپر ناکہ بندی کرکے گاڑیوں کی چیکنگ شروع کردی کہ اس اثناء میں ٹل کی جانب سے انیوالی مزکورہ فلائنگ کوچ کو تلاشی کی غرض سے روک لیا گیا۔پولیس نے تلاشی کے دوران فلائنگ کوچ کے خفیہ خانے میں انتہائی مہارت سے چھپائی گئی3کلوگرام اعلیٰ کوالٹی کی چرس برامد کرکے گاڑی میں سوار بین الاضلاعی منشیات سمگلرمحمدابرارولد
محمدیعقوب سکنہ دربند کوگاڑی سمیت گرفتار کرلیا۔ڈی ایس پی ہیڈکوارٹرحافظ محمدنزیرخان نے بتایا کہ منشیات سمیت حراست میں لئے گئے منشیات کے بین الاضلاعی منشیات سمگلر کے خلاف تھانہ صدر میں مقدمہ درج کرلیا گیا ہے۔ ملزم سے تفتیش کاعمل شروع کردیاہے۔ڈی ایس پی نے بتایا کہ پکڑی گئی منشیات ضلع اورکزئی سےہنگو سمگل کی جارہی تھی جسکا گرفتار سمگلر نے اعتراف جرم بھی کرلیاہے۔ ڈسٹرکٹ پولیس افیسرہنگو(پی ایس پی)اکرام اللہ خان کی نگرانی میں قیام امن اور انسداد جرائم کی خاطرجرائم پیشہ عناصر خاص کرمنشیات فروشوں کےخلاف کریک ڈاؤن جاری رہے گا۔