Tag: باغی ٹی وی

وفاقی وزیر اطلاعات و نشریات سینیٹر شبلی فراز نے کہا ہے کہ اپوزیشن کی لوٹ مار کے باعث پاکستان مقروض ہوا،ماضی کے حکمرانوں کی شاہ خرچیوں سے اخراجات بڑھے،وزیراعظم اپنے گھر میں رہتے ہیں کوئی کیمپ آفس نہیں،تحریک انصاف کا شروع سے موقف رہا ہے کہ انتحابات اوپن بیلٹ کے ذریعہ ہونے چاہیے۔وہ جمعرات کو پشاور میں میڈیا سے گفتگو کررہے تھے۔ وفاقی وزیر اطلاعات و نشریات سینیٹر شبلی فراز نے کہا کہ ملک بھر میں صحت کے نظام میں بہتری لا رہے ہیں، صحت کارڈ بلا تفریق ہر خاندان کو دیا جا رہا ہے لیکن سندھ میں صحت کا نظام بہت خراب ہے۔ انہوں نے کہا کہ خیبر پختونخوا میں آٹھ سال سے ہماری حکومت ہے، صوبے میں تحریک انصاف کی حکومت نے ہر شعبے میں کام کیے۔ انہوں نے کہا کہ ماضی میں یہی جماعتیں اوپن بیلٹ کے حق میں تھی لیکن جیسے ہی حکومت نے اس حوالے سے ٹھوس اقدامات شروع کیے تو یہی اپوزیشن اوپن بیلٹ کی مخالف ہوگئی ،اس سےظاہر ہوتا ہے اپوزیشن ملک میں شفاف انتخابات نہیں چاہتی ۔سینیٹر شبلی فراز نے کہا کہ عمران خان نے کرپشن کے خاتمے کے لیے جدوجہد کی اب الیکٹرانک ووٹنگ کے ذریعے الیکشن میں شفافیت لانے کے لئے جدو جہد شروع کردی.

وزیراعظم عمران خان نے ہدایت کی ہے کہ غیر قانونی شکار اور درختوں کی کٹائی کی روک تھام کیلئے منظم اقدامات کئے جائیں ، جنگلات کی بحالی کیلئے مربوط پالیسی مرتب کی جائے اور جدید ٹیکنالوجی کو بروئے کار لایا جائے۔ وہ جمعرات کو صوبہ پنجاب میں جنگلات کے تحفظ اور بحالی کے حوالے سے منعقدہ اجلاس کی صدارت کر رہے تھے۔
اجلاس میں معاون خصوصی برائے ماحولیاتی تبدیلی ملک امین اسلم، وزیر برائے جنگلات پنجاب سبطین خان و دیگر نے بھی شرکت کی۔ اجلاس میں وزیرِ اعظم عمران خان کو چھانگا مانگا و دیگر جنگلات کی بحالی کے حوالے سے اٹھائے جانے والے اقدامات پر بریفنگ دی گئی۔ گذشتہ چند سالوں میں چھانگا مانگا کے اڑھائی ہزار ایکٹر رقبے کو درختوں سے محروم کرکے بنجر بنا دیا گیا۔
وزیراعظم کو بریفنگ میں بتایا گیا کہ موجودہ دورِ حکومت میں 10بلین ٹری سونامی مہم میں ایک ہزار ایکڑ رقبے پر شجر کاری کا عمل مکمل کیا جا چکا ہے، اڑھائی ہزار ایکڑ رقبے پر سال 2023تک یہ عمل مکمل کر لیا جائے گا۔ وزیراعظم نے کہا کہ ماحولیاتی آلودگی کے اثرات کم کرنے کے حوالے سے جنگلات اور شجرکاری کلیدی اہمیت کی حامل ہے اورجنگلات کا تحفظ و بحالی موجودہ حکومت کی ترجیحات کا حصہ ہیں۔
وزیراعظم نے ہدایت کی کہ جنگلات کے تحفظ و بحالی کے لئے ٹیکنالوجی کو بروئے کار لایا جائےاور صوبہ بھر میں جنگلات کی بحالی کے لئے مربوط پالیسی مرتب کرکے پیش کی جائے۔

خیبر پولیس کی منشیات سمگلروں کے خلاف کارروائیاں جاری ہیں۔ڈسٹرکٹ پولیس آفیسر ڈاکٹر محمد اقبال کی خصوصی ہدایت پر ضلع بھر میں منشیات فروشوں و سمگلروں کے خلاف کارروائی کامیابی سے جاری ہے،
آج ایس ایچ او جمرود امجد آفریدی نے بھاری پولیس نفری کے ہمراہ تھانہ جمرود کے حدود علاقہ شاکس میں خفیہ اطلاع پر منشیات فروشوں کے اڈہ پر چھاپہ مارا پولیس کی آمد سے پہلے منشیات فروش فرار جنکے خلاف ایف آئی آر درج کی گئی جبکہ دس کلو آئس ،دو کلو چرس ،دو کلو ہیروئن، دو کلو کیمکل،اور منشیات بنانے کے آلات، برآمد ہوئے ضلعی پولیس نے جرائم پیشہ عناصر کیخلاف بڑے پیمانے پر آپریشن شروع کیا گیا ہے منشیات فروشوں و سمگلروں کے ساتھ کسی قسم کی رعائت نہیں کی جائیگی انہوں نے کہا منشیات فروش اور سمگلروں معاشرے کے لیے ناسور ہے خیبر پولیس ضلع کو منشیات کی لعنت سے پاک کرنے کے لیے بھرپور عزم کے ساتھ کوشاں ہے۔

لاہور: پاکستان سپر لیگ کی چھٹے سیزن کےلئے مغل سٹیل اور لاہور قلندر کے درمیان معاہدہ طے پا گیا۔
مغل سٹیل اور لاہور قلندرز کے درمیان معاہدہ کی تقریب شادمان آفس میں منعقد کی گئی،پی ایس ایل چھٹے سیزن کے معاہدہ پرلاہور قلندر چیف ایگزیکٹیو عاطف رانا اور سی ای او مغل سٹیل خرم مغل نے دستخط کئے۔
تقریب میں مغل سٹیل کے چئیرمین جاوید مغل ، سی ای او خرم مغل اور ڈائریکٹرز و بورڈ ممبران نے شرکت,
جاوید مغل نے کہا کہ پاکستان سپر لیگ کی کامیابی اور پاکستان میں بین الاقوامی کھلاڑیوں کی آمد پر پی سی بی کومبارک دیتے ہیں، پاکستان سپر لیگ کے ذریعے کھیل کی دنیا میں پاکستان کا سوفٹ امیج اجاگر ہوگا، پاکستان سپر لیگ سے ہر شہر و گائوں کے ٹیلنٹڈ کھلاڑیوں کو ملک کےلئے پرفارم کرنے کاموقع ملےگا، مغل سٹیل پاکستان میں کرکٹ کو مستقبل میں بھی سپورٹ کرےگا۔