Tag: باغی ٹی وی

اوپن بیلٹ آرڈیننس کی مخالفت نے ڈی ایم کی تاجرانہ ذہنیت قوم پر آشکار کردی،فردوس عاشق  
 ووٹوں کی منڈی لگانے والوں کو ایک بار پھر مایوسی کا سامنا کرنا پڑیگا۔ معاون خصوصی وزیر اعلی
لاہور07 فروری:……عوام کے مسترد کردہ کرپٹ سیاسی عناصر انفرادی طور پر بھی ناکام تھے اب نام نہاد پی ڈی ایم میں اجتماعی طور پر بھی ناکام ہی رہیں گے۔ اوپن بیلٹ آرڈیننس کی مخالفت کر کے سینیٹ الیکشن میں PDM نے اپنی تاجرانہ ذہنیت قوم پر آشکار کر دی ہے اور اب پاکستانیوں کے سامنے ان کا ذاتی مفاد کا ایجنڈہ مکمل طور پر ایکسپوز ہو جائے گا۔ ووٹوں کی منڈی لگانے والوں کو ایک بار پھر مایوسی کا سامنا کرنا پڑیگا۔ان خیالات کا اظہار معاون خصوصی وزیر اعلیٰ پنجاب ڈاکٹر فردوس عاشق اعوان نے اپنے ٹویٹر پیغام میں کیا۔ انہوں نے کہا کہ وزیراعظم کو جنوری میں گھر بھیجنے کی بھڑکیں مارنے والی جعلی راجکماری خواب میں بھی عمران خان کے نام سے ہڑ بڑانے لگتی ہے۔ عمران خان ناصرف حکومتی آئینی مدت پوری کرینگے بلکہ عوامی اعتماد کے ساتھ 2023 میں بھی وزیراعظم منتخب ہوکر مفاد پرستی کی سیاست کو ہمیشہ ہمیشہ کیلئے دفن کرینگے۔ معاون خصوصی نے کہا کہ وزیر اعلیٰ پنجاب سردار عثمان بزدار صوبہ بھر میں یکساں ترقی کے کیلئے پرعزم ہیں اور حکومت صوبے کے پسماندہ علاقوں کی ترقی پر خصوصی توجہ دے رہی ہے۔ بزدار حکومت نے راجن پور کی تعمیر و ترقی کے لئے 15ارب روپے کے تاریخی پیکیج کا اعلان کیا ہے۔ راجن پور میں یونیورسٹی قائم کی جائے گی جبکہ ترقیاتی پیکیج میں گرلز ڈگری کالج روجھان، ڈسٹرکٹ ہیڈکوارٹر ہسپتال میں ٹراما سنٹر، فاضل پور اور کوٹ مٹھن میں ریسکیو 1122 سنٹر، داجل اور فاضل پور کے رورل ہیلتھ سنٹرز کی اپ گریڈیشن بھی شامل ہے۔ انہوں نے کہا کہ 300ملین روپے لاگت سے 34ویٹرنری کلینکس،400 ملین سے سیوریج، ڈرینج سسٹم کی بحالی کا کام مکمل کیا جائے گا جبکہ تحصیل کمپلیکس روجھان کیلئے 80ملین، 16ملین لاگت کے جنرل بس سٹینڈ، 88ملین کی لاگت کے لائیوسٹاک سروسز ٹریننگ سنٹر فاضل پور،رکھ عظمت والا جام پور کے لئے کنٹینر کلینک بھی قائم کیا جا رہا ہے۔ معاون خصوصی نے کہا کہ مدر اینڈ چائلڈ ہسپتال، جام پور سے کشمور 2 رویہ سڑک، دیگر سڑکوں کی تعمیر و مرمت سمیت مورنج ڈیم کی تعمیر اور دیگر کئی اہم منصوبے راجن پور کے عوام کا معیار زندگی بہتر بنانے میں معاون ثابت ہونگے۔ انہوں نے کہا کہ راجن پور کو سابقہ حکومتوں نے جان بوجھ کر ترقی کے حق سے محروم رکھا مگر وزیراعلی عثمان بزدار دور دراز علاقوں میں جاکر عوام کے مسائل جاننے اور انکے حل کرنے کیلئے دن رات کوشاں ہیں۔

کراچی /ٹکرز برائے نشر /7فروری 2021
وزیراعلیٰ سندھ سیدمراد علی شاہ کا کورونا وائرس کی صورتحال سے متعلق بیان
گزشتہ 24 گھنٹوں میں9136نمونوں کی جانچ کی گئی. گزشتہ 24 گھنٹوں میں مزید399 نئے کیسز رپورٹ ہوئے .گزشتہ 24 گھنٹوں میں32اموات ہوئیں. اموات کی مجموعی تعداد4119 ہوچکی ہے. آج مزید410مریض صحتیاب ہوئے ہیں. صحتیاب افراد کی مجموعی تعداد227558ہوچکی ہے اب تک2800480نمونوں کی جانچ کی جاچکی ہے. اب تک251046 کیسزرپورٹ ہوچکے ہیں.اس وقت19369مریض زیر علاج ہیں.18762 گھروں میں ،8آئسولیشن سینٹرز میں اور599مریض مختلف اسپتالوں میں زیر علاج ہیں. 555مریضوں کی حالت تشویشناک بتائی گئی ہے. 69 مریض وینٹی لیٹرز پر ہیں؛ صوبے کے399 نئے کیسز میں سے213 کا تعلق کراچی سے ہے. ضلع شرقی73،جنوبی 68، کورنگی25، ضلع وسطی 16،ضلع غربی 18 اور ملیرمیں سے13 نئے کیسزرپورٹ ہوئے .بدین33،حیدرآباد 31، جیکب آباد 16،مٹیاری 13،سجاول 9،ٹنڈو محمد خان8، جامشورو7،سانگھڑ6،دادو5،لاڑکانہ اور نوشہروفیروز4۔4، قمبر اور ٹنڈو الہیار3۔3، شکارپور اور سکھر میں سے1۔1 نئے کیسز سامنے آئے ؛ وزیراعلیٰ سندھ

تھانہ چوہنگ کے علاقے میں دو گروپوں کے درمیان فائرنگ کا معاملہ۔چوہنگ پولیس نے اطلاع موصول ہونے پر فوری رسپانس کیا۔۔چوہنگ پولیس نے فائرنگ کے واقعہ میں ملوث8ملزمان کو گرفتار کر لیا۔۔مزید ملزمان کی گرفتاری عمل میں لائی جا رہی ہے۔۔فائرنگ کے نتیجے میں ایک شخص زخمی ہوا۔زخمی شخص کو طبی امداد کے لیے ہسپتال منتقل کر دیا گیا۔۔چوہنگ پولیس نے شواہد اکھٹے کرکے قانونی کاروائی کا آغاز کر دیا۔فائرنگ احسان الحق جٹ اور نبیل آرائیں گروپ کے درمیان ہوئیچوہنگ دونوں گروپوں کے درمیان کافی عرصہ سے دشمنی چلی آ رہی ہے
چوہنگ، فائرنگ سے زخمی ہونے والے نبیل کو ہسپتال منتقل کر دیا گیا ہے پولیس

ژوب: سابق وزیر اعظم نواز شریف نے سی پیک مغربی روٹ کے نام پر بلوچستان میں صرف تختی لگائی۔ وزیر اعلیٰ جام کمال خان کا عوامی اجتماع سے خطاب
وزیر اعظم عمران خان نے کچلاک ژوب ڈی آئی خان شاہراہ کا افتتاح کیا انشاء اللہ یہ شاہراہ جلد تعمیر ہو گی۔عوام کی ضروریات کے مطابق منصوبے بنا رہے ہیں ،
گذشتہ ادوار میں حکومتوں نے سیاسی بنیادوں پر منصوبے تشکیل دئیے جو آج تک مکمل نہ ہو سکے ، گذشتہ ادوار کے جاری منصوبوں کو مکمل کرنے کے ساتھ ساتھ نئے منصوبے بھی بنا رہے ہیں ، منصوبے عوام کے لئے بنائے جاتے ہیں مگر یہاں بنائے جانے والے منصوبے عوام کی بجائے پہاڑوں اور درختوں کے لئے بنائے گئے ہیں، بلوچستان کو ملنے والے فنڈز اگر صحیح استعمال ہوتے تو آج بلوچستان ترقی کر چکا ہوتا ، ہماری کارکردگی سے کچھ لوگوں کو پریشانی ہو رہی ہے ، پاک افغان سرحد پر باڑ لگنے کے بعد سرحد پر آباد قبائل کی زندگی بہتر بنانے کے لئے اقدامات یقینی بنائینگے ، صوبائی حکومت نے کینسر کے 1500 مریضوں کا مفت علاج و معالجہ کرایا ، گذشتہ ڈھائی سال میں 18 ہزار نوجوانوں کو سرکاری ملازمتیں فراہم کیں۔
آئندہ ایک سال تک مزید 12 ہزار افراد کو سرکاری محکموں میں بھرتی کرینگے ، ژوب کو میونسپل کاروریشن اور ڈویژن کا جلد درجہ دینگے ، وزیر اعلیٰ بلوچستان

مسلم لیگ (ن)پنجاب کی عظمی بخاری کا فردوس عاشق کے بیان پر ردعمل

ڈپہ پارٹی کی سیاست دھاندلی،پکڑ دھکڑ،لوٹ مار اور مافیا ازم کے اردگرد گھوم رہی ہے.فردوس باجی آپ پھپے کٹنی کی طرح روز ماتم کرنے آجاتی ہیں.عمران خان اپنے دوستوں میں این آر او تقسیم کررہے ہیں اور فردوس باجی بچوں میں گولیاں ٹافیاں بانٹ رہی ہیں. سینیٹ الیکشن اوپن بیلٹ آرڈیننس اعلی عدلیہ کے وقار پر حملہ ہے.ایک سلیکٹڈ وزیراعظم نے طاقت کے نشے میں چور ہوکر سپریم کورٹ کو چیلنج کیا ہے. عمران خان کو اپنے ہی ارکان پر اب بھروسہ نہیں رہا اس لیے ایسے آرڈیننس لارہے ہیں. قوم لنگرخانوں پر،پارلیمنٹ آرڈیننس پر اور ملک اللہ کے سہارے چل رہا ہے. لنگر خانوں کی سرکار نے پوری قوم کو صدقہ خیرات پر لگانے کامنصوبہ بنادیا ہے.پاکستان کو لنگرخانوں اور ڈرامے باز سیاستدانوں کی ضرورت نہیں
پاکستان کو نوازشریف اور شہبازشریف جیسے ملکی ترقی کے ویژن رکھنے والے لیڈرز کی ضرورت ہے

تھنکرز کلب آزاد کشمیر کا اجلاس ، جنرل قمر جاوید باجوہ کو خراج تحسین
آرمی چیف کاکشمیریوں کو حق خود ارادیت بارے بیان مایوسی میں اُمید کی کرن ہے ،مرزا شفیق جرال
لاہور(پ ر)تھنکرز کلب آزاد کشمیر کا اجلاس آزاد کشمیرکے صدر مرزا شفیق جرال کی زیر صدارت منعقد ہوا۔جس میں ریاست جموں وکشمیر کے حوالے تبادلہ خیال کیا گیا۔اجلاس میں صدر سلیم چوہان،یاسر ارشاد،علامہ رمضان حاجی،محمد حمزہ ،پروفیسر راﺅ حیات اور دیگر ارکان نے شرکت کی۔ہیں۔تھنکرز کلب آزاد کشمیر نے پاکستانی آرمی چیف جنرل قمر جاوید باجوہ کی جانب سے کشمیریوں کو حق خود ارادیت دلانے بارے بیان کو مایوسی کے اندھیرے میں اُمید کی کرن قراردیاہے۔تھنکرز کلب آزاد کشمیر کے صدر مرزا محمد شفیق جرال نے کہا ہے کہ دنیا بھر کے ممالک آزاد ی حاصل کرکے اقوام متحدہ کے مہرے بنے ہوئے ہیں لیکن ریاست جموں وکشمیر اور فلسطین واحد ریاستیں ہیں جہاں کے باسی غلامی کے اندھیروں میں اپنے خون سے آزادی کے چراغ روشن کر رہے ۔انہوں نے کہا کہ کشمیری عوام پاکستان کی بہادر مسلح افواج کے شہیدوں کے خون کے ایک ایک قطرے کی مقروض ہیں ،کشمیر کے بچے ،بوڑھے ،جوان اور خواتین پاکستانی افواج کی ان بے مثال قربانیوں کو قدر کی نگاہ سے دیکھتی ہیں۔انہوں نے کہا کہ پاکستانی آرمی چیف جنرل قمر جاوید باجوہ کی جانب سے کشمیریوں کو حق خود ارادیت دلانے بارے بیان سے کشمیریوں کی آزادی کی تحریک کو تقویت ملے گی۔

پی ایس ایل سکس کے لیے ٹکٹوں کی فروخت آئندہ ہفتے شروع ہوگی. پہلے مرحلے میں افتتاحی تقریب اور کراچی کے میچز کے ٹکٹس کی فروخت شروع ہوگی .دوسرے مرحلے میں لاہورمیں شیڈول لیگ میچز کے ٹکٹس کی فروخت شروع ہو گی
لاہور میں شیڈول پلے آف میچز اور فائنل کے ٹکٹس کی فروخت کا شیڈول بعد میں جاری کیا جائے گا. پی ایس ایل میچز کے لیے ٹکٹوں کی قیمتوں میں اضافے کی تجویز بھی زیر غور ہے .ٹکٹوں کی قیمت کا حتمی فیصلہ آئندہ دو سے تین روز میں کیا جائے گا ،،
ٹکٹوں کی صرف آن لائن فروخت کی تجویز زیر غور ہے. ٹکٹس مقامی کورئیر کمپنی کے ذریعے فروخت کی جائیں گی ۔

پولیس موبائل خدمت مرکز،رواں ہفتے کا شیڈول
بروز پیرچائنہ سکیم گجر پورہ، منگل مین بازار حنیف پارک بادامی باغ،بدھ80 فِٹ روڈ ہنجروال،
جمعرا ت اعظم گارڈن مصطفی ٹاؤن،جمعہ نواب ٹاؤن جبکہ بروز ہفتہ سندر فرائض سرانجام دے گا۔
لاہور،07 فروری 2021: ڈی آئی جی آپریشنزلاہورساجد کیانی نے کہا ہے کہ جرائم کی بیخ کنی کے ساتھ ساتھ شہریوں کو پولیس سے متعلقہ آن لائن خدمات کی فراہمی یقینی بنائے ہوئے ہیں۔موبائل پولیس خدمت مرکز شہر کے مخصوص پوائنٹس پر مقررہ اوقات میں فرائض انجام دے رہا ہے۔ شہریوں کو ایک ہی چھت تلے ویری فکیشن سرٹیفکیٹس، گمشدگی رپورٹ، تجدید ڈرائیونگ لائسنس سمیت 14اقسام کی سہولیات فراہم کی جا رہی ہیں۔ موبائل پولیس خدمت مرکزبروز پیرچائنہ سکیم گجر پورہ، منگل مین بازار حنیف پارک بادامی باغ،بدھ80 فِٹ روڈ ہنجروال، جمعرا ت اعظم گارڈن مصطفی ٹاؤن،جمعہ نواب ٹاؤن جبکہ بروز ہفتہ سندر فرائض سرانجام دے گا۔شہری اپنے علاقہ میں موبائل پولیس خدمت مرکز سے استفادہ کریں۔