Tag: بالی وڈ

بالی وڈ اداکارہ بی پاشا باسو اور ان کے شوہر کرن نے کپل شرما کے شو میں شرکت کی وہاں انہوں نے مختلف سوالوں کے جواب دئیے.کرن نے کہا کہ کہ ان کی اہلیہ بہت اچھی ہیں ان سے میں نے کافی کچھ سیکھا ہے جیسے صبح کو جلدی اٹھنا سیکھا ہے. ان کی مرضی کے مطابق بہت ساری چیزیں کرتا ہوں اب جیسے ان کو سرپرائز گفٹس بہت پسند ہیں . سرپرائز گفٹس کی تفصیلات شئیر کرتے ہوئے انہوں نے کہا کہ میری بیوی کے سرپرائز گفٹس کیا ہوتے ہیں اسکی تفصیلات بھی وہ مجھے لکھ کر بھیجتی ہے اور کہتی ہے کہ یہ یہ چاہیے اور مزے کی بات یہ ہے کہ مجھے کہتی ہے کہ مجھے پتہ بھی نہ چلے. بی پاشا باسو نے کہا کہ میں اس معاملے میں اپنے شوہر کی مدد کرتی

ہوں تاکہ ان کو مسئلہ نہ ہو. کرن نے یہ بھی کہا کہ میرے دوست مجھے کہتے ہیں کہ جب سے شادی ہوئی ہے تم گھر سے کم باہر اس لئے آتے ہو کیونکہ بھابھی منع کرتی ہے تو میں کہہ دیتا ہوں ہاں، اس کے آگے بی پاشا بولیں ایسا بالکل نہیں ہے بلکہ اگر کرن کام نہ کررہے ہوں تو ان کو گھر سے باہر کوئی نہیں نکال سکتا جاتے ہی نہیں کہیں اور میرا نام اپنے دوستوں میں بدنام کر رکھا ہے کہ میں انہیں‌کہیں آنے جانے نہیں دیتی. کرن نے کہا کہ میں‌شادی کے بعد بہت ایکٹیو ہو گیا ہوں اور میری زندگی بہت اچھی ہو گئی ہے . بی پاشا نے بھی کرن کی تعریف کی. اس شو میں ہنسی مذاق کافی زیادہ چلتا رہا اور بی پاشا اور ان کے شوہر کرن سے مختلف سوال ہوتے رہے جن سے آڈینز کافی محظوظ ہوتی رہی . یاد رہے کہ بی پاشا باسو آج کل امید سے ہیں.

کارتک آریان اس وقت بالی وڈ کے مصروف ترین اداکاروں میں سے ایک ہیں جن کے متعدد پروجیکٹ پائپ لائن میں ہیں۔ غیر فلمی پس منظر سے تعلق رکھنے والے اس اداکار نے 2011 کی فلم پیار کا پنچنامہ سے اپنی اداکاری کا آغاز کیا اس کے بعد بھی یہ کام کرتے رہے لیکن کامیابی کیا ہوتی ہے اس کا مزہ انہوں نے اب آکر صحیح معنوں میں چکھا ہے. فلم بھول بھلیاں 2 کی کامیابی نے تو ان کی زندگی کی ڈگر ہی بدل ڈالی ہے. حال ہی میں انہوں نے ایک انٹرویو دیا ہے اس میں انہوں نے کہا ہے کہ میں‌پیچھے مڑ کر دیکھوں تو محسوس کر سکتا ہوں کہ میرا سفر آسان نہیں تھا کافی مشکل تھا اور مجھے اپنا آپ منوانے میں وقت لگا کئی سال تک تو لوگ میرا نام ہی نہیں جانتے تھے. شکر ہے کہ میں نے 20 سال کی عمر میں

کیرئیر کی شروعات کی،اتار چڑھائو والے اس سفر میں میں نے کامیاب اور ناکام فلموں کا سامنا کیا لیکن میں‌ بہت زیادہ خوش ہوں کہ بھول بھلیاں ٹو نے میری زندگی بدل ڈالی اور میں محسوس کرتا ہوں کہ آج میں ایک بہتر جگہ پر ہوں .واضح رہے کہ کارتک آریان عاشقی 3 میں بھی نظر آئیں گے کارتک کے پاس ابھی کافی اچھے پراجیکٹس ہیں جن میں‌فلم شہزادہ ہے جو کہ سائوتھ کی فلم کا ری میک ہے س میں ان کے ساتھ کیرتی سینن نظر آئیں گی. اس کے علاوہ ستیا پریم کی کتھا میں وہ کائرہ ایڈوانی کے ساتھ سکرین شئیر کریں گے.

بالی وڈ اداکارہ کنگنا رناوت جن کے بارے میں سب جانتے ہیں کہ ان کی فلمساز کرن جوہر کے ساتھ بالکل بھی نہیں بنتی انہوں نے حال ہی میں کرن جوہر کی ریلیز ہوئی فلم براہمسٹرا کے باکس آفس اعداو شمار پر سوال اٹھایا دیا ہے. کنگنا نے کہا ہے کہ کرن جو ہر اپنی فلم کو ہٹ قرار دیتے ہوئے باکس آفس کے جو اعداد و شمار بتا رہے ہیں وہ جعلی ہیں اور درست نہیں ہیں میں ان کے ریاضی کے بارے میں انٹرویو لینا چاہوں گی. کنگنا رناوت نے سوشل میڈیا پر ایک پوسٹ شئیر کی جس میں انہوں نے کرن جو ہر کو مافیا کہہ دیا ہے اور کہا ہے کہ ان کا دعوی ہے کہ اس فلم نے دنیا بھر میں

دو دنوں میں 160 کروڑ روپے کمائے ہیں جو کہ جھوٹا دعوی ہے. باکس آفس مافیا نے آج براہمسٹرا کو ایک دن میں بڑی ہٹ قرار دے دیا ہے جبکہ اس فلم نے ابھی تک صرف 65 کروڑ کمائے ہیں.انہوں نے یہ بھی لکھا کہ میری فلموں نے اچھا بزنس کیا لیکن اسی باکس آفس مافیا نے انہیں جان بوجھ کر فلاپ قرار دیا. کنگنا نے کہا کہ میں سازشیں نہیں کرتی جو صاف صاف ہو بول دیتی ہوں اور میں کرن جوہر کو چیلنج کرتی ہوں کہ وہ مجھ سے بات کریں. کنگنا کے اس قسم کے اعتراض پر تاحال کرن جوہر نے خاموشی اختیار کر رکھی ہے.

بالی وڈ‌ اداکارہ ہرتیک روشن اپنے دونوں بیٹوں کے ساتھ فلم براہمسٹرا کی سکریننگ کے لئے سینما پہنچے واپسی پر ان کے مداحوں نے دیوانہ وار اپنے پسندیدہ اداکار کے ساتھ تصویریں کھچوانا چاہیں. رپورٹس کے مطابق اداکار ہرتیک روشن اور ان کے بیٹے گاڑی میں بیٹھ رہے تھے کہ ایک پرستار آیا اور اس نے سیلفی لینے کےلئے اداکار اور ان کے بیٹے کو ہی پُش کر دیا اور کوشش کی کہ بس اس کی سیلفی بن جائے. اس پر اداکار ہرتیک روشن خفا اور ہوگئے اور انہوں نے کہا کہ ” کیا کررہا ہے تو دھکا تو مت دو ” .اس واقعہ کی وڈیو سوشل میڈیا پر وائرل ہو رہی ہے جس میں دیکھا جا سکتا ہے کہ ہرتیک کے مداح کو کتنی جلدی تھی کہ اسکی سیلفی نہ مس ہوجائے. ہرتیک روشن کے پرسنل گارڈز نے اس بچے کو پیچھے ہٹانا

چاہاتو وہ واپس ہرتیک کی طرف بڑھنا چاہتا تھا جس پر اداکار نے گاڑی کے دروازے کے پاس کھڑے ہو کر کہا کہ ” کیا کررہا ہے تُو؟. یاد رہے کہ آج کل ہرتیک روشن سیف علی خان کے ساتھ اپنی فلم کرم ویدھا کی شوٹنگ میں‌ مصروف ہیں ہرتیک روشن کو اس فلم سے کافی امیدیں وابستہ ہیں سیف علی خان اور ہرتیک روشن پہلی بار بڑی سکرین ایک ساتھ شئیر کررہے ہیں.دونوں کے مداح ان کو ایکساتھ دیکھنےکےلئے کافی پرجوش ہیں.

بگ باس سیزن 13 سے شہرت کی بلندیوں کو چھونے والی شہناز گل نے اپنے حالیہ انٹرویو میں انکشاف کیا ہے کہ بالی وڈ کے دبنگ سلمان خان نے انہیں زندگی میں آگے بڑھتے رہنے کا درس دیا ہے انہوں نے سکھایا ہے کہ کس طرح سے زندگی میں آگے بڑھتے رہنا ہے. شہناز گل سے انٹرویو میں جب پوچھا گیا کہ وہ نسبتاً جوان ہونے کے باوجود اپنی شخصیت میں پختگی کیسے لائیں؟ تو انہوں نے بہت ہی سوچ سمجھ کر جواب دیتے ہوئے کہا کہ جب آپ اکیلے رہتے ہیں اور ایک چھوٹے سے شہر سے آتے ہیں، تو آپ کو پتا ہوتا ہے کہ آپکا ٹارگٹ کیا ہے اور کیسے آگے بڑھنا ہے اور اس کے لئے کیا کرنا ہے ، میں‌نے اپنے آس پاس کے لوگوں سے بہت کچھ سیکھا. ان سے جب سوال ہوا کہ آپ کو سلمان خان نے کیا سکھایا ہے تو انہوں نے

کہا کہ انہوں نے مجھے آگے بڑھنا سکھایا ہے انہوں نے مجھے بتایا ہے کہ اگر میں محنت کروں تو میں زندگی میں بہت آگے جا سکتی ہوں۔ وہ مجھے بہت حوصلہ دیتے ہیں. یاد رہے کہ شہناز گل کی دوستی بگ باس 13 میں اداکار سدھارتھ شکلہ سے ہوئی تھی اس کے بعد ان کی دوستی محبت میں بدل گئی لیکن سدھارھ کی زندگی نے ان کے ساتھ وفا نہ کی. شہناز گل ان کی موت کے بعد کافی اکیلی پڑ گئیں تھیں لیکن انہوں نے جلد ہی حقیقت قبول کرتے ہوئے اپنے کیرئیر پر توجہ دی. شہناز بالی وڈ میں سلمان خان کی فلم کسی کا بھائی کسی کی جان سے قدم رکھ رہی ہیں.

بالی وڈ کے کھلاڑی کہلائے جانے والے اداکار اکشے کمار نے گزشتہ روز اپنی 55 ویں سالگرہ منائی اس موقع پر ان کے مداحوں اور ساتھیوں نے انہیں سالگرہ کی ڈھیروں ڈھیر مبارکباد دیں. جن مشہور شخصیات نے اکشے کمار کو سوشل میڈیا پر سالگرہ کی مبارکباد دی ان میں سارہ علی خان، اجے دیوگن، راکل پریت سنگھ، وانی کپور، کترینہ کیف، سنیل شیٹی اور کرینہ کپور و دیگر کے نام قابل زکر ہیں. اکشے کمار نے سوشل میڈیا پر ایک پوسٹ لگائی جس میں انہوں نے اپنے تمام مداحوں سے ان کی سالگرہ پر دی جانے والی مبارکبادوں کا شکریہ ادا کیا۔ اکشے نے پوسٹ کے کیپشن میں لکھا، وقت تو گزرتا ہی رہتا ہے لیکن جو چیز مستقل رہتی ہے وہ شکر گزاری ہے، میری ہر سالگرہ پر جس طرح سے میرے مداح مجھے سالگرہ کی مبارکباد دینا

نہیں بھولتے میں ان کا بے حد شکر گزار ہوں. اکشے کمار کی اس پوسٹ کے کمنٹس سیکشن میں ان کے مداحوں نے اداکار کی اس پوسٹ کو سراہا . یاد رہے کہ اکشے کمار کی بہت بڑی فین فالونگ ہے ان کو نہ صرف ہندوستان بلکہ پاکستان میں بھی بہت پسند کیا جاتا ہے.انہوں نے اپنے کیرئیر کا آغاز 1991 میں کیا تب سے لیکر اب تک وہ مسلسل کامیابیاں سمیٹ رہے ہیں. جہاں دیگر بالی وڈ سٹارز بائیکاٹ مہم کا شکار ہو رہے ہیں وہیں اکشے کمار بھی اس مہم کا شکار ہوئے ہیں اور ان کی حال ہی میں ریلیز ہونے والی فلم رکشا بندھن بائیکاٹ مہم کی نذر ہو گئی ہے.

رنویر سنگھ اور دیپیکا پڈوکون بالی ووڈ کی سب سے زیادہ پسند کی جانے والی جوڑیوں میں سے ایک ہیں۔ یہ دونوں اپنی کیمسٹری، فیشن اور اداکاری کی وجہ سے مداحوں کے دل کے قریب ہیں. یہ دونوں ایک دوسرے کے لیے اپنی محبت کا اظہار کرنے میں کبھی بھی ہچکچاہٹ محسوس نہیں کرتے۔ دیپیکا پاڈوکون نے اپنے ایک حالیہ انٹرویو میں بتایا ہے کہ انہوں نے کیوں رنویر سنگھ کوشادی کے معاملے میں ہاں کرنے میں دیر لگائی؟‌.انہوں نے کہا ہے کہ جیسا کہ وہ ماضی میں کئی رشتوں میں رہیں ان کا اعتماد کئی بار ٹوٹا ، جب وہ رنویر سے ملی تھیں تو ان کا اعتبار ٹوٹ چکا تھا وہ

تھک چکی تھیں وہ کچھ عرصہ کے لئے اکیلی رہنا چاہتی تھیں کسی سے ملنا یا بات کرنا نہیں چاہتی تھیں.دیپکا نے مزید کہا کہ میرا جس سے بھی تعلق رہا میں نے اس میں سو فیصد دوستی نبھائی لیکن وہ تعلق چل نہ سکے. لیکن جب میں 2012 میں رنویر سنگھ سے ملی تو ان سے میری دوستی ہوئی اور میں نے خود کے اور رنویر کے درمیان ایک کنکشن محسوس کیا اس کے باوجود میں رنویر سنگھ سے کسی قسم کی کمٹمنٹ نہیں کرنا چاہتی تھی لیکن وقت گزرنے کے ساتھ محسوس کیا کہ ان کے ساتھ زندگی گزاری جا سکتی ہے سو ہاں کر دی. یاد رہے کہ دیپیکا پہلے بھی اپنے ایک انٹرویو میں کہہ چکی ہیں کہ ان پر ایک ایسا وقت آیا کہ جس میں ان کو جینے کی تمنا ختم ہو چکی تھی وہ ہر وقت روتی رہتی تھی پھر ایک نفسیاتی ماہر کے پاس گئیں جنہوں نے ان کی زندگی کی طرف واپسی کی اور ان کو دماغی طور پر ٹھیک کیا.

کارتک آریان بالی ووڈ میں سب سے زیادہ پسند کیے جانے والے اداکاروں میں سے ایک ہیں۔ یہ سال ان کے لیے خوش قسمت رہا کیونکہ وہ ان چند اداکاروں میں شامل ہیں جن کی فلم نے وبائی امراض کے بعد باکس آفس پر بہت اچھا کام کیا ہے۔ بھول بھولیا 2 کی کامیابی کے بعد کارتک کی ڈیمانڈ بہت زیادہ بڑھ گئی ہے ہر دوسرے فلم میکر کی خواہش ہے کہ کارتک کو اپنی فلم میں کاسٹ کریں.ایسا نہیں ہے کہ کارتک نے ہمیشہ ہٹ فلمیں ہی دی ہیں کارتک نے فلاپ فلمیں بھی دیں اور انہوں نے کیرئیر کے شروع کے کئی سال مایوس کن ہی دیکھے. کارتک آریان نے اپنے حالیہ انٹرویو میں بتایا ہے کہ ان کی سارا علی خان کے ساتھ فلم لو آج کل ناکام ہوئی لیکن اسکے باوجود ان کے پاس کام آتا رہا اور انہوں نے 3 فلمیں
سائن کیں.انہوں نے کہا کہ فلم کی ناکامی کا افسوس تو یقینا تھا ہی لیکن ڈائریکٹر امتیاز علی نے ان کو جس طر‌ح سے پیش کیا وہ قابل تعریف ہے.

کارتک کو لگتا ہے کہ جس طرح‌سے مجھے فلم میں پیش کیا گیا اس کو دیکھ کر میرے بارے میں گمان کیا گیا کہ میں اچھی اداکاری کرسکتا ہوں. کارتک آریان جو کہ ڈائریکٹر ہنسل مہتا کی فلم کیپٹن انڈیا میں نظر آئیں گے، ان کے بارے میں بتایا کہ 2011 سے میں ان کی منتیں کررہا ہوں کہ مجھے اپنی فلم میں کاسٹ کریں. ان کو میسجز کرتا رہتا تھا کہ مجھے کام دیں اور اب موقع مل گیا ہے کہ میں ان کے ساتھ کام کررہا ہوں اور میں‌بہے خوش بھی ہوں. ہنسل مہتا کے بارے میں مزید بات کرتے ہوئے، کارتک آریان نے کہا کہ، "ہنسل مہتا ایک ایسا شخص ہے جو آپ کو بطور اداکار آپ کی صلاحیتوں کو نکھار سکتا ہے.

بالی وڈ ڈرامہ کوئین راکھی ساونت کا ان کے شوہر کے ساتھ اَدھر بریک اپ ہوا اُدھر انہوں نے مسلمان لڑکے عادل درانی سے دوستی کی پینگیں بڑھا لیں. دونوں ایک ساتھ رہ رہے ہیں. راکھی تو عادل کے ساتھ شادی کرنے کےلئے تیار ہیں لیکن عادل نے ابھی اس طرح کی کوئی بات نہیں کی نہ ہی اس حوالے سے کوئی ہری جھنڈی دکھائی ہے. راکھی اور عادل ہر جگہ ایک دوسرے کے ساتھ دکھائی دیتے ہیں. تاہم راکھی کے مداح انکو اور ان کے بوائے فرینڈ عادل کو سکرین پر ایک ساتھ دیکھنا چاہتے ہیں. تو انتظار کی گھڑیاں ختم ہو رہی ہیں کیونکہ عادل درانی اور راکھی ساونت کے ایک ساتھ پہلے سانگ کا آفیشل ٹیزر جاری کر دیا گیا ہے، ٹیزر میں عادل اور راکھی کے علاوہ ایک اور لڑکا بھی دکھائی دے رہا ہے، گانے کے بول ہیں ”

تو میرے دل میں رہنے کے لائق نہیں ” . سانگ میں جو کہانی تیار کی گئی ہے وہ لو ٹرائی اینگل لگ رہی ہے. گانے کا میوزک اور بول کافی پسند کئے جا رہے ہیں.گانے کو گایا التمش نے ہے جبکہ کمپوزر فرید آصف اور لکھا تنیویر غازی نے ہے. راکھی اور عادل کے سانگ کا ٹیزر تو ہٹ ہو گیا ہے اب دیکھنا یہ ہے کہ دونوں کو ایک ساتھ شائقین کتنا پسند کرتے ہیں. راکھی ایک پروفیشنل رقاصہ اور اچھی اداکارہ ہیں جبکہ عادل کا یہ پہلا پراجیکٹ ہے.راکھی نے اپنے انسٹاگرام اکائونٹ پر گانے کے ٹیزر کی وڈیو لگا رکھی ہے اور لکھا ہے کہ وہ سپر ایکسائیٹڈ ہیں.

بالی وڈ کے کھلاڑی اکشے کمار آج 55 سال کے ہو گئے ہیں. اکشے کمار نے بالی وڈ میں اپنا کیرئیر 1991 میں فلم سوگند سے کیا ، فلم زیادہ کامیاب نہ ہو سکی، 1992 میں آئی ان کی ایکشن تھرلر فلم کھلاڑی سپر ہٹ ہوئی اس کے ساتھ ہی کھلاڑی فلم سیریز کا آغاز ہوا. اکشے کمار نے 31 سالہ کیرئیر میں اپنی ورسٹائل اداکاری کا لوہا منوایا. ایکشن ہیرو کے طور پر بالی وڈ میں اینٹری دینے والے اس ہیرو نے ایکشن ، کامیڈی سنجیدہ ہر طرح کے کردار نبھائے اور شائقین سے داد سمیٹی. اگر ان کے کیرئیر پر نظر ڈالیں تو مجموعی طور پر ان کی کامیاب فلموں کی تعداد زیادہ نظر آتی ہے. اکشے کمار کی بہترین فلموں میں یہ دلگی ، دھڑکن ، انداز اور نمستے لندن، ہیرا پھیری ، مجھ سے شادی کروگی ، بھول بھولیا، سنگھ از کنگ،

اجنبی گرم مسالہ، رستم،دل تو پاگل ہے و دیگر کے نام شامل ہیں. ان کی خدمات کے اعتراف میں انہیں پدم شری ایوارڈ سے بھی نوازا جا چکا
ہے.اکشے کمار کی فلم ہیرا پھیری کو کون بھول سکتا ہے انہوں نے اس میں مزاحیہ کردار کیا جو آج تک شائقین کے ذہنوں پر نقش ہے. اکشے کمار کا نام انکی ساتھی ہیروئنز کے ساتھ جڑتا رہا، اکشے کمار خواتین کے معاملے میں سکینڈلز کا شکار رہے ، روینہ ٹنڈن اور شلپا شیٹی کے ساتھ ان کے افئیر کی خبریں چلتی رہیں لیکن انہوں نے شادی اداکارہ ٹوئنکل کھنہ کے ساتھ کی.اکشے آج بھی ہیرو کے طور پر فلموں میں دکھائی دے رہے ہیں 31 سال کے بعد بھی انکی انرجی قابل تعریف ہے.