Tag: بریکنگ

اسپین کی حکومت نے دارالحکومت میڈرڈ سے تقریباً 25 روسی سفارت کاروں اور سفارت خانے کے عملے کو نکالنے کا فیصلہ کر لیا ہے۔
ہسپانوی وزیر خارجہ جوز مینوئل الباریس نے منگل کے روز کہا کہ یوکرین میں روسی فوجیوں کے مبینہ جنگی جرائم کے جواب میں یورپی یونین کے دیگر ممالک میں شامل ہوں گے۔

جوز مینوئل الباریس نے مزید اقدامات کو مسترد کیے بغیر کابینہ کے ہفتہ وار اجلاس کے بعد کہا، ہم نے اسپین میں روسی سفارت خانے سے روسی سفارت کاروں اور عملے کو نکالنے کا فیصلہ کیا ہے جو ہمارے ملک کے مفادات اور سلامتی کے لیے خطرہ ہیں۔

وزیر نے مزید کہا کہ سفارت کاروں کی بیدخلی بھی “گزشتہ دنوں میں یوکرین میں کی گئی خوفناک کارروائیوں کا ردعمل تھا.

خاص طور پر بوچا میں اور جو آج ماریوپول سے رپورٹ ہوئے ہیں۔” یوکرین کے شہر بوچا میں اجتماعی قبروں اور شہریوں کے قتل کی دریافت کا حوالہ دیتے ہوئے

اٹلی، سویڈن اور ڈنمارک گزشتہ ہفتے ہی اپنے ملک سے روسی سفارت کاروں کو ملک بدر کرنے کا اعلان کر دیا ہے۔

الباریس نے کہا کہ ان کی حکومت کو توقع ہے کہ روس جواب میں اتنی ہی تعداد میں ہسپانوی سفارت کاروں کو ملک بدر کر دے گا۔

تاہم، انہوں نے کہا کہ اسپین روسی سفیر کو ملک بدر نہیں کرے گا کیونکہ میڈرڈ ماسکو میں اپنا سفیر رکھنا چاہتا ہے اور جنگ کے خاتمے کے لیے روس کے ساتھ بات چیت کے لیے سفارتی راستے کھلے چھوڑنا چاہتا ہے۔

اسلام آباد:شکریہ پاکستان:میرے لیے ہلال پاکستان حاصل کرنا اعزاز کی بات ہے:اطلاعات کے مطابق بل اینڈ میلنڈا گیٹس فاؤنڈیشن کے شریک چیئرمین بل گیٹس نے کہا ہے کہ میرے لیے ہلال پاکستان حاصل کرنا اعزاز کی بات ہے۔

صدر مملکت ڈاکٹر عارف علوی کے نام لکھے گئے خط میں بل گیٹس نے پاکستان کے پہلے دورے میں پرتپاک استقبال کرنے پر کا شکریہ ادا کیا۔

خط کے متن کے مطابق بل گیٹس نے لکھا کہ پاکستان میں ہر بچے کی صحت اور بہبود کے تحفظ کے لیے آپ کے عزم کو سراہتا ہوں، پاکستان کی آنے والی نسلوں کیلئے پولیو سے پاک مستقبل یقینی بنانے کا کام قابل تعریف ہے، پاکستان نے پولیو وائرس کے خلاف جنگ میں قابل ذکر پیش رفت کی ہے، ایک سال سے زائد عرصے سے پاکستان میں کوئی نیا کیس رپورٹ نہیں ہوا۔

انہوں نے اپنے خط میں مزید لکھا کہ پولیو پر پاکستان کی مسلسل کاوش ملک کی ترقی کو تیز کرنے کیلئے معاون ثابت ہوگی، ذہنی و جسمانی کمزوری، غذائیت کی کمی جیسے موضوعات پر بات کر کے خوشی ہوئی، خاندانی منصوبہ بندی کی خدمات تک رسائی، احساس سماجی تحفظ کے پروگرا م کو مؤثر بنانے پر بات ہوئی، مشترکہ دلچسپی کے دیگر مسائل سے نمٹنے کیلئے حکومت پاکستان کے ساتھ شراکت کا منتظر ہوں۔

لاہور:ن لیگی رہنما نے قیادت کی ہدایت پرسرکاری ملازمین کودھمکیاں اوران کی توہین کرنی شروع کردیں ،اطلاعات کے مطابق ابھی ن لیگ کی حکومت پنجاب میں اقتدارمیں‌ آئی نہیں لیکن سرکاری ملازمیں‌ کو دھمکیاں دینی شروع کردی گئی ہیں‌

یہ بھی معلوم ہوا ہے کہ پنجاب کے سرکاری ملازمین کی توہین اور ان کو دھمکیاں قیادت کی ہدایت پردی جارہی ہیں ،انھوں نے کہا سرکاری ملازمین سن لیں حمزہ شہباز وزیر اعلیٰ بننے والے ہیں، اس لیے کوئی غیر قانونی کام کر کے اپنی نوکریوں کو خطرے میں نہ ڈالیں۔ رکن پنجاب اسمبلی رانا مشہود نے کہا ہے کہ اگر کل انھیں روکنے کی کوشش کی گئی تو پھر وہ بھی سرپرائز دیں گے۔

ادھر اس حوالے سے کچھ دیر پہلے میڈیا سے گفتگو کرتے ہوئے مسلم لیگ ن کے رکن اسمبلی نے کہا ووٹ کا حق آپ نہیں چھین سکتے، جیلوں میں بھی ممبران کو بھی حق ہے، ہم نے بھی سرپرائز تیار کر رکھا ہے۔

رانا مشہود کس طرح دراندازی فرما رہےہیں اور سخت لہجہ اپنا رہے ہیں اپنے رویے کی خود ہی تصدیق کچھ اس طرح کررہےہیں

نائب صدر مسلم لیگ ن پنجاب رانا مشہود احمد خاں نااہل حکومت کے اس ظالمانہ رویے پر برہم ، پنجاب اسمبلی میں ممبران پنجاب اسمبلی کی افطاری کا سامان کو روک دیا گیا۔@CMShehbaz @HamzaSS @pmln_org @MaryamNSharif @NawazSharifMNS @betterpakistan pic.twitter.com/TRtWsinZFI

— Rana Mashhood Ahmad khan (@ranamashhood) April 3, 2022

رانا مشہود نے کہا اسمبلی میں توڑ پھوڑ کس نے کی، سی سی ٹی وی فوٹیجز سامنے لائی جائیں، ہم اس ملک کے وفادار ہیں، اس کی خوش حالی چاہتے ہیں، ہم نے احتجاج اسمبلی کے باہر کھڑے ہو کر کیا تھا۔

رانا مشہود نے الزام تراشی کرتے ہوئے کہا کہ توڑ پھوڑ میں پرویز الٰہی ملوث ہیں، سیکریٹری اسمبلی ڈوریں ہلا رہے تھے، اسمبلی میں کیمرے لگے ہوئے ہیں ان کی فوٹیجز سامنے لائیں، جن لوگوں نے توڑ پھوڑ کی ان کے نام سامنے آ چکے ہیں، ان کا جھوٹ سامنے آ چکا ہے اب ان کا احتساب ہوگا۔

جب رانا مشہود سے صحافی نے سوال کیا کیا اسپیکر کے خلاف بھی تحریک عدم اعتماد لائیں گے؟ رانا مشہود نے جواب دیا کہ کل بہت سے سرپرائز دیں گے۔

انھوں نے کہا سرکاری ملازمین سن لیں حمزہ شہباز وزیر اعلیٰ بننے والے ہیں، اس لیے کوئی غیر قانونی کام کر کے اپنی نوکریوں کو خطرے میں نہ ڈالیں۔

سیالکوٹ :عثمان ڈار کا خواجہ آصف کو مناظرے کا چیلنج:قوم کی تذلیل گوارا نہیں ،اطلاعات کے مطابق عثمان ڈار نے کہا ہے کہ میں خواجہ آصف کو مناظرے کا چیلنج دیتا ہوں۔

پی ٹی آئی رہنما عثمان ڈار نے میڈیا سے گفتگو کرتے ہوئے کہا ہے کہ مصدق ملک کی چیخیں سن رہے ہیں، کہتے تھے عمران خان کو بھاگنے نہیں دیں گے، آو نا الیکشن کیلئے ہم تیار ہیں۔

انہوں نے کہا کہ خواجہ آصف نے بائیس کروڑ عظیم پاکستانیوں کو وینٹی لیٹر پر ڈالا ہے، بائیس کروڑ غیرت مند پاکستانیوں کو امریکہ کے آگے کیا گیا، سیالکوٹ کے بہادر سپوتوں نے جانیں دیں پاکستان کیلئے، یہ بے شرم شخص امریکہ کے آگے لیٹ گیا ہے۔

عثمان ڈار نے کہا کہ خواجہ آصف اور اسکی بیوی منی لانڈرنگ میں ملوث ہیں،ثبوت بھی دکھا دیئے، جسکی بیوی کے اکاؤنٹس امریکہ میں ہوں وہ انکے خلاف کیسے بولے گا، میں خواجہ آصف کو مناظرے کا چیلنج دیتا ہوں۔

واضح رہے کہ مسلم لیگ ن کے رہنما خواجہ آصف نے میڈیا سے گفتگو کرتے ہوئے کہا تھا کہ عدالتی کارروائی پر گریز کروں گا، عمران خان کے بارے میں ان کے حواری یہ تاثر دیتے ہیں کہ عمران خان کرپٹ نہیں۔

انہوں نے کہا تھا کہ بزدار وہاں سے مال جمع کرکے یہاں بھیجتا تھا، وہ وقت دور نہیں جب عثمان بزدار اس کیخلاف وعدہ معاف گواہ بنے گا، عمران خان ذاتی طور پر سب سے بڑا کرپٹ ہے۔

خواجہ آصف نے کہا ہے کہ کچھ دن پہلے عمران خان نے آئین پر ڈاکہ ڈالا ہے، ان سب لوگوں کیخلاف غداری کا مقدمہ چلے گا، ان میں ڈپٹی اسپیکر، اسپیکر اور عمران خان بھی ہوں گے۔

مسلم لیگ ن کے رہنما نے کہا ہے کہ چاہے عمران کے اہل خانہ ہوں انہیں ایک ایک پائی کا حساب دینا ہوگا، وزیراعظم پاکستان نے سب سے زیادہ بڑی کرپشن کی ہے، جلد یا بادیر عمران خان کا احتساب کریں گے۔

انہوں نے کہا کہ سب سے زیادہ کرپٹ پی ٹی آئی میں ان کا لیڈر ہے، پاکستان کو کنگلہ کردیا ہے، دیوالیہ کردیا۔