Tag: بریکنگ

اسلام آباد:باغی ٹی وی کی رپورٹ کے مطابق وزیراعظم عمران خان نے اراکین اسمبلی کے اعزاز میں عشائیہ دیا ہے جس میں 140 اراکین اسمبلی نے شرکت کی۔ وزیراعظم عشائیہ میں پرجوش دکھائی دیئے تا ہم یوں لگتا ہے کہ اراکین انکا ساتھ چھوڑ چکے ہیں ۔عدم اعتماد پر ووٹنگ کل اتوار کو ہونی ہے اور اپوزیشن کے پاس نہ صرف نمبرز پورے بلکہ زیادہ ہیں

گزشتہ قومی اسمبلی کے اجلاس میں اپوزیشن کے 172 اراکین نے شرکت کی تھی جس میں ایم کیو ایم اور باپ کے اراکین بھی شامل تھے پی ٹی آئی کے منحرف اراکین جو حکومت کا ساتھ چھوڑ چکے ہیں وہ اس اسمبلی اجلاس میں شریک نہیں تھے اگر وہ شریک ہوتے تو اراکین کی تعداد دو سو کے قریب ہو جاتی۔ آج کے عشائیہ سے ظاہر ہوتا ہے کہ وزیراعظم عمران خان کو عدم اعتماد میں کل شکست ہونے والی ہے اور اپوزیشن کی جیت ہو گی

وزیراعظم نے سرپرائز دینے تھے مگر آج انکا عشائیہ سب سے بڑا سرپرائز نکلا جس میں وہ مطلوبہ اراکین ہی پورے نہیں کر سکے۔ وزیراعظم کے عشائیہ میں سیکورٹی کے سخت انتظامات کیے گئے تھے اور اراکین سے انکے موبایل فون جمع کر لیے گئے تھے ۔وزیراعظم کا کہنا ہے کہ امریکہ نے اپوزیشن کے ساتھ ملکر سازش کی اسکو ناکام بنایا جائے گا جنہوں نے شیروانی سلوا رکھی ہے وہ کل دیکھتے رہ جائیں گے

دوسری جانب اسلام آباد میں تحریک عدم اعتماد کے موقع پر سیکورٹی کے سخت انتظامات ہوں گے پولیس کی بھاری نفری تعینات ہو گی ۔پی ٹی آئی نے کارکنان کو بھی بلا رکھا ہے تاہم فواد چودھری کا کہنا ہے کہ کسی قسم کا کوئی تصادم نہیں ہو گا ۔شہباز گل کا کہنا ہے کہ میڈیا پر جھوٹی خبریں دی جا رہی ہیں ہمارا تصادم کا کوئی ارادہ نہیں ہے

ارکان پارلیمنٹ سے گفتگو میں وزیراعظم عمران خان کا کہنا تھا کہ بلدیاتی انتخابات کے نتائج سے آپ کو پتا چل جانا چاہیے کہ قوم آج کس طرف ہے، اب یہ مجھے پنجاب کا کوئی بھی ضمنی انتخاب جیت کر دکھادیں، شکر ہے کہ وہ چلے گئے جو پیسا بنانے کے لیے آئے تھے۔

وزیراعظم کا کہنا تھا کہ ایسا لگ رہا ہے جیسے آپ لوگ مجھے خدا حافظ کر رہے ہیں جیسے ہم ہار رہے، مجھے تو فکر ہی نہیں کیونکہ ہم کل نہیں ہار رہے، جب تک آخری گیند نہیں پھینکی جاتی فیصلہ نہیں ہوسکتا، ذہن میں نہ ڈالیں کہ کل کیا فیصلہ ہوگا، آپ کا کپتان ماہر ہے اور کوئی پتہ نہیں کل کیا کر جائے۔

ان کا کہنا تھا کہ لوگوں کو سازش کی سمجھ آنا شروع ہوگئی ہے، 35 سال سے چند لیڈر ملک کو لوٹ رہے۔

وزیراعظم عمران خان نے کہا ہے کہ نوجوانوں کو کہتاہوں کہ خاموش رہنے کا وقت نہیں ہے، اچھائی اور برائی میں نیوٹرل رہیں گےتو بُرائی کا ساتھ دیں گے۔ بیرونی سازش کے خلاف سب کو احتجاج کرناچاہیے۔ عدم اعتماد پر امریکا نے اپوزیشن کیساتھ ملکر سازش کی، آج فیصلہ کریں گے سازشیوں کے خلاف کیا قانونی کارروائی کرنی ہے۔ ان کے خلاف غداری کا مقدمہ درج کرانے کا منصوبہ بنایا ہے۔

نوجوانوں کو پیغام دیتے ہوئے وزیراعظم نے کہا کہ پاکستان اس وقت فیصلہ کن موڑ پر کھڑا ہے، اس وقت پاکستان کے مستقبل کی جنگ ہے، قوموں کی زندگی میں مشکل وقت آتے ہیں، ہمیں درست راستے کا انتخاب کرنا ہے، قوم نے آج فیصلہ کرنا ہے کہ ملک کو کس طرف لے کر جانا ہے، اللہ تعالیٰ کا حکم ہے کہ اچھائی کےساتھ اور برائی کیخلاف کھڑے ہو، جو معاشرہ اچھائی کا ساتھ دیتا ہے وہ زندہ ہوجاتا ہے۔وہ قوم تباہ ہوجاتی ہے جس میں اچھے اور برے کی تمیز ختم ہوجائے۔

اسلام آباد : امریکہ نے رجیم چینج کی دھمکی دی:عمران خان پاکستان کا غیرت مند بیٹا نہ جُھکا نہ جھُکنے دے گا ،اطلاعات کے مطابق وفاقی وزیر شیریں مزاری کا کہنا ہے کہ امریکا نے واضح طور پر رجیم چینج کی دھمکی دی،عمران خان کو ٹارگٹ کیا اور کہا عمران خان کوہٹاؤگے توہم آپ کومعاف کریں گے۔

تفصیلات کے مطابق وفاقی وزیر شیریں مزاری نے سماجی رابطے کی ویب سائٹ ٹوئٹر پر اپنے ویڈیو بیان میں کہا ہے کہ امریکا سے بیان آرہےہیں ہم نےکوئی ایسی بات نہیں کی، امریکا نے کب سچا بولا؟امریکی حکومت نے ہمیشہ دنیا سے جھوٹ بولا۔

شیریں مزاری کا کہنا تھا کہ امریکا سے جو بھی تردیدی بیان آرہے ہیں وہ سراسرجھوٹ ہیں، یادرکھیں امریکا نےجوتردیدکی ہے وہ سراسرجھوٹ ہے، امریکا نےعراقی ہتھیاروں سے متعلق اقوام متحدہ میں بھی جھوٹ بولا۔

شیریں مزاری کا کہنا تھا کہ امریکاکے ساتھ آفیشل میٹنگ ہوئی، امریکا نے واضح طور پر رجیم چینج کی دھمکی دی،عمران خان کو ٹارگٹ کیا، امریکانےکہا عمران خان کوہٹاؤگے توہم آپ کو معاف کریں گے۔

وفاقی وزیر نے سوال کیا کس چیزکی معافی ؟ کیونکہ عمران خان نےقوم کی خودداری کےلیےاسٹینڈ لیا؟ امریکاکویادہوناچاہیےعمران خان کےپیچھےیہ قوم اب خوددارہوگئی ہے۔

ادھر اطلاعات کے مطابق تحریک عدم اعتماد پر پارلیمنٹ کے فیصلہ کن کارروائی کے دوران وزیراعظم عمران خان بھی قومی اسمبلی اجلاس میں شرکت کریں گے۔

ذرائع کے مطابق پہلے خبر تھی کہ وزیراعظم عمران خان نے تحریک عدم اعتماد کے حوالے سے شیڈول قومی اسمبلی کے اجلاس میں اپنے ارکان کو جانے سے منع کردیا تھا، تاہم اب حکومت نے اپنی حکمت عملی میں تبدیلی کر لی ہے۔

اب فیصلہ ہوا ہے کہ تحریک انصاف کے ممبران کل قومی اسمبلی جائیں گے۔ ارکان قومی اسمبلی عدم اعتماد کے خلاف ووٹ دیں گے جبکہ وزیراعظم عمران خان بھی کل قومی اسمبلی اجلاس میں شرکت کریں گے۔اس سے قبل وزیراعظم عمران خان نے تحریک عدم اعتماد کے روز پی ٹی آئی کے ارکان کو قومی اسمبلی کے اجلاس میں شرکت سے روک دیا تھا۔

اسمبلی قانون کے مطابق وزیراعظم کے خلاف عدم اعتماد کی تحریک پر اپوزیشن کو اپنے نمبرز گیم پورے کرنے ہوتے ہیں اور ممکنہ تعداد کو قومی اسمبلی میں لانا ہوتا ہے۔

قومی اسمبلی کا ایوان 342 ارکان پر مشتمل ہے، اپوزیشن کو تحریک عدم اعتماد کو کامیاب بنانے کے لئے 172 ارکان کی ضرورت ہوتی ہے۔

متحدہ اپوزیشن پہلے ہی اپنی عددی برتری ثابت کرچکی ہے جبکہ حکومت کا دعویٰ ہے کہ وہ عدم اعتماد کے روز بڑا سرپرائز دینگے۔

لاہور: پنجاب میں ن لیگ نے اپنی ناکامی کا اعتراف کرلیا:چوہدری پرویزالٰہی کا وزیراعلیٰ بننا یقینی ہوگیا،اطلاعات کے مطابق وزیراعلیٰ پنجاب کے انتخاب سے قبل ترین گروپ ٹوٹ پھوٹ کا شکار ہوگیا ہے۔

تفصیلات کے مطابق وزرات اعلیٰ کے انتخاب سے قبل جوڑ توڑ کا سلسلہ جاری ہے، کل پاکستان مسلم لیگ (ن)اور ق لیگ کے درمیان وزیراعلیٰ پنجاب کے لئے کانٹے کا مقابلہ ہونے جارہا ہے، دونوں جماعتوں کی نظریں اس وقت جہانگیر ترین گروپ پر مرکوز ہیں۔

ذرائع کا کہنا ہے کہ ترین گروپ وزیراعلی کے انتخاب پر ٹوٹ پھوٹ کا شکار ہوگیا ہے، جس کی بڑی وجہ جہانگیر ترین کا نون لیگ کی جانب جھکاؤ بتایا جارہا ہے۔

ذرائع کا کہنا ہے کہ گزشتہ شب رات گئے ترین گروپ کے چھ ارکان صوبائی اسمبلی نے سابق وفاقی وزرا اور پرویز الہیٰ سے طویل ملاقات کی اور اپنی حمایت کا یقین دلایا تھا۔

ذرائع کا کہنا ہے کہ ترین گروپ کا ہر رکن انفرادی طور پر کسی نہ کسی سیاسی جماعت سے رابطے میں ہے جس کے باعث انہیں واضح اعلان کرنے میں مشکلات کا سامنا ہے۔

پنجاب اسمبلی میں چھینہ گروپ پہلے ہی پرویز الہیٰ کی حمایت کا اعلان کرچکا ہے اس کے علاوہ پاکستان مسلم لیگ (ن) کے منحرف ارکان بھی ق لیگ کے امیدوار کی حمایت کا اعلان کرچکے ہیں۔

ادھر ذرائع کا کہنا ہے کہ پنجاب کے نئے قائد ایوان کے انتخاب کے روز پاکستان مسلم لیگ (ن) کے چار ارکان غیر حاضر ہوسکتے ہیں، جس کا براہ راست فائدہ پرویز الہیٰ کو ہوگا۔

ترین گروپ وزیراعلی کےانتخاب پرٹوٹ پھوٹ کا شکار،جہانگیر کا جھکاو نون لیکن چند ارکان کےپرویز الہی سے رابطے،ترین گروپ کے6ایم پی ایز نےرات 2بجےپی ٹی ائی رہنماؤں سےملے۔نون کے4ایم پی ایز ووٹنگ کےوقت غیرحاضر ہوسکتےہیں،نون نے ایم پی ایز سےرابطوں میں تاخیر کی،اب راناثناٗ اللہ کوششیں کررہے pic.twitter.com/R7noVPfboq

— Naeem Ashraf Butt (@naeemashrafbut3) April 2, 2022

ذرائع کا مزید کہنا ہے کہ نون لیگ کی جانب سے تاخیر سے وزارت اعلیٰ کے امیدوار کا اعلان کیا گیا جس کے باعث حمزہ شہباز ارکان اسمبلی سے موثر رابطہ نہ کرپائے، ارکان اسمبلی سے رابطے کا ٹاسک رانا ثنااللہ کو دیا گیا ہے جو کہ ارکان سے رابطے کی کوششوں میں مصروف ہیں۔

دوسری طرف ذرائع نے یہ بھی دعویٰ کیا ہے کہ ن لیگ اب صرف میڈیا کے سہارے پراپیگنڈہ کرکے حالات کو قابومیں رکھنے کی کوشش کررہی ہیں لیکن اس وقت یہ ہتھیار بھی کامیاب ہوتے نظرنہیں آرہا اور چوہدری پرویز الٰہی کی یقینی جیت کے بعد اب ن لیگ نے اپنی شکست کواپنی ناقص حکمت عملی کا نتیجہ قراردیا

اسلام آباد :اسلام آباد سے خیر کی خبریں نہیں آرہیں:کچھ خلاف توقع ہونے جارہا ہے:اطلاعات کے مطابق سینئر صحافی مبشرلقمان نے اسلام آباد سے مصدقہ خبروں کی تائید کرتے ہوئے کہا ہے کہ اسلام آباد میں کچھ خلاف توقع ہونے جارہا ہےاور اس سلسلے میں وزیراعظم پاکستان کی حمایت بھی حاصل ہے

All is not well in Islamabad right now. Some are trying to persuade the PM not to take any drastic step as that may be detrimental to everything in true sense of the word. Will he listen is the question??

— Mubasher Lucman (@mubasherlucman) April 1, 2022

مبشرلقمان کی طرف سے اس پیغام کو بڑا حساس سمجھا جارہا ہے اور کئی قسم کی قیاس آرائیاں شروع ہوگئی ہیں‌

مبشرلقمان کہتے ہیں کہ اسلام آباد میں اس وقت سب ٹھیک نہیں ہے۔ کچھ لوگ وزیراعظم عمران خان کو قائل کرنے کی کوشش کر رہے ہیں کہ وہ کوئی سخت قدم نہ اٹھائیں مبشرلقمان کہتے ہیں کہ وزیراعظم کے قریبی ساتھی بھی اس وقت پریشان ہیں کہ اگرکچھ ایسا ہوگیا جس کی آئین میں گنجائش نہیں تو پھرکیا صورت حال ہوگی

ادھراسلام آباد سے ذرائع کے مطابق وزیراعظم عمران خان کے خلاف تحریک عدم اعتماد پر ووٹنگ کے دن ریڈزون کی سیکیورٹی فول پروف کرنے کا فیصلہ کیا گیا ہے۔

ریڈزون میں عام افرادکوداخلےکی اجازت نہیں دی جائےگی۔ ریڈزون داخلہ کیلئےصرف مارگلہ روڈکاراستہ استعمال کیا جا سکےگا۔

ریڈزون جانے والے راستوں پر تھری لیئرز کنٹینرز نصب کئےجائیں گے۔ اتوار کو راولپنڈی سے سیاسی ریلیوں کو اسلام آباد نہیں جانے دیا جائے گا۔

اتوار کے دن 2شفٹوں میں 8 ہزار اہلکار ڈیوٹی پر تعینات ہوں گے سیکورٹی کیلئے3ہزار اہلکار پنجاب پولیس،ایک ہزار ایف سی سےمانگ لئےگئے۔ سیکورٹی انتظامات میں رینجرزکی معاونت بھی حاصل کی جائےگی۔

پولیس نے پارلیمنٹ لاجز آنے والے وزٹرز کا ڈیٹا بھی حاصل کر لیا گیا ہے رکن کو غیرضروری افراد کو لانے سے روکنے کیلئے اسپیکر سےگزارش کی جائے گی۔