Tag: بریکنگ

اسلام آباد: اللہ کے فضل سے ہم نے کرپشن کے خاتمے کی کبھی بات نہیں : شہباز شریف کے منہ سے سچ نکل گیا ،اطلاعات کے مطابق ن لیگ کے صدر میاں شہباز شریف کے منہ سے اچانک سچ نکل گیا جس میں‌وہ کہہ بیٹھے کہ اللہ کے فضل سے ہم نے کرپشن کے خاتمےکی کبھی بات نہیں کی اور نہ ہی یہ ہمارا مقصد ہے، ہم نے عوام کے منصوبوں میں کئی اربوں کی بچت کی لیکن پیسے بچانے پر کبھی ڈھنڈورا نہیں کیا۔

اسلام آباد میں پریس کانفرنس کرتے ہوئے شہباز شریف نے کہا متحدہ اپوزیشن نے مجھے وزارت عظمیٰ کا عہدہ سونپا تو یہ مہربانی ہے، متحدہ اپوزیشن کی حکومت آئی تو سب سے پہلے غریب کی زندگی بہتر کریں گے۔

شہباز شریف نے کہا ابھی تک کسی پارٹی ممبر یا اتحادیوں کو کال نہیں آئی کہ یہ نہ کریں، انتظامیہ اور پولیس کو کہا ہے ووٹنگ کے دن سپریم کورٹ فیصلے پر عمل نہ کیا تو ہم سب کو ذمہ دار ٹھہرائیں گے، ممبرز کو پرامن ووٹنگ میں رکاوٹ ہوئی تو ہم خط لکھیں گے۔

انھوں نے کہا آج عمران نیازی کی حالت ڈوبتے کو تنکے کا سہارا جیسی ہے، سلامتی کمیٹی کے اعلامیے میں ایک لفظ سازش کا نہیں ہے، آج کل عمران بھارتی پالیسی کی تعریف کر رہے ہیں، بھارت سے متعلق نیوٹرل کی الگ اور اپنوں کی نیوٹرل کی تشریح کچھ کرتے ہیں۔

دریں اثنا، پریس کانفرنس کے دوران ہی شہباز شریف کو نواز شریف کا فون آ گیا، انھوں نے فون پر بات سنی پھر کہا پریس کانفرنس کے بعد اتحادیوں سے مشاورت کروں گا، بعد ازاں صحافیوں کے سوال کے جواب میں شہباز شریف نے کہا نواز شریف اپنے علاج کے بعد جلد از جلد پاکستان آئیں گے۔

لاہور:نیم آزاد رکن پنجاب اسمبلی جگنو محسن ن لیگ میں شامل ،اطلاعات کے مطابق پنجاب اسمبلی میں آزاد رکن اسمبلی جنگو محسن (سیّدہ میمنات محسن) نے مسلم لیگ ن میں شامل ہونے کا اعلان کردیا۔

یاد رہے کہ جگنو محسن پی پی 184 سے 2018ء میں آزاد حیثیت سے کامیاب ہوئی تھیں۔سید زادی جگنو محسن نے ن لیگ میں شمولیت کو اپنی حقیقی کامیابی قرار دیا

انہوں نے کہا کہ حمزہ شہباز کی شکرگزار ہوں جنہوں نے مجھے خوش اسلوبی سے مجھے بلایا۔ اس پارٹی میں شامل ہورہی ہوں جہاں ہمیشہ جمہوریت کا تسلسل رہا، ہمارے درمیان زیرک سیاست دان موجود ہیں جو مشکلات سےنکالیں گے۔

جگنو محسن نے کہا کہ لیگی صدر شہباز شریف نے قدم قدم پر میرے کام کو سراہا، ن لیگ کی قیادت اور کارکنوں نے بہت قربانیاں دیں، میرے حلقے کی عوام مجھے حکم دے رہی ہے، حلقے کی عوام نے کہا ہمارے کام کرنے ہیں، میرا عطا تارڑ کی قیادت سے بھی مسلسل رابطہ رہا، وقت آ گیا ہے کہ عوام کی حکمرانی کےلیے فیصلہ کروں۔ چھوٹے صوبوں کی سنیں گے، معیشت کو مستحکم کریں گے، پورے پاکستان کے رنگ پی ڈی ایم میں جھلکتے ہیں۔

حمزہ شہباز کی جانب سے جگنو محسن کی شمولیت کا خیر مقدم کیا گیا۔

خیال رہے کہ مسلم لیگ ن کے قائد میاں نوازشریف نے گزشتہ روز اوکاڑہ کے حلقہ پی پی184سے آزاد رکن پنجاب اسمبلی جگنو محسن سے ٹیلی فون پر تفصیلی بات کی تھی۔

اسلام آباد: خواجہ اظہارالحسن کےتاریخی نظریات اورالفاظ گھوم گھوم کرایم کیوایم کواحساس شرم دلانے لگے،اطلاعات کے مطابق ایم کیوایم کی طرف سے پی پی کے ساتھ اتحاد کے بعد ایم کیوایم کے اپنے ورکروں اور نظریاتی لوگوں نے ایم کیوایم کی قیادت سے پوچھا ہے کہ کیا تم دوسروں کو لڑا کرمفادات حاصل کرنے کوثواب اور کامیابی سمجھتے ہو،حالانکہ خود ان رویوں کہ نہ صرف نفی کرتے تھے بلکہ مذمت بھی کرتے تھے ،

اس حوالے سے ایم کیوایم کے ورکرروں نے سوشل میڈیا پراپنے قائدین کی ٹرولنگ کرتے ہوئے لکھا ہے کہ یاد کروان الفاظ کور اور ان احساسات کو جو دوسرے کے لیے منتخب کرتے ھتے ، سوشل میڈیا پر ٹرولنگ کچھ اس طرح‌ہورہی ہے

سوشل میڈیا صارفین نے پیپلزپارٹی کے ساتھ ایک بار پھر ساتھ چلنے کے وعدے پر ایم کیوایم کو سندھ اسمبلی میں خواجہ اظہار الحسن کی پڑھی نظم یاد دلا دی۔

تفصیلات کے مطابق حکومت سے علیحدگی اور پیپلز پارٹی سے معاہدے کے بعد ایم کیوایم کیخلاف سوشل میڈیا پرصارفین کی ٹرولنگ جاری ہے۔

خواجہ اظہار اپنے نئے اتحادیوں کے بارے میں کچھ عرصہ پہلے کیا رائے رکھتے تھے، اس پر صارفین نے دس نمبر اور دس فیصد کا ذکر چھیڑدیا۔

صارفین نے مل کر کھانے کی باتوں پر ایم کیو ایم رہنما خواجہ اظہار الحسن کی پڑھی نظم یاد دلاتے ہوئے کہا پھر ساتھ چلنے کا وعدہ، عوام کے نام ایک اور معاہدہ!

یاد رہے خواجہ اظہار الحسن نے سندھ اسمبلی میں ایک ںظم پڑھی تھی ، آؤ مل کر کھاتے ہیں، آؤ مل کر کھاتے ہیں ، گیت خوشی کے گاتے ہیں، آؤ مل کر کھاتے ہیں۔

جب وقت پڑا تو بھاگیں گے، جدہ اور لندن اپنا ہے
مل کر بھوک مٹاتے ہیں، آؤ مل کر کھاتے ہیں
میں 10% تم 10 نمبر، دونوں مل کر کچھ کر جائیں
اک تازہ ڈھونگ رچا تے ہیں، آؤ مل کر کھاتے ہیں
گھوڑے لوَٹے، سب آئیں گے تھیلے بھر بھر لے جائیں گے
اک اور دکان لگاتے ہیں، آؤ مل کر کھاتے ہیں
تو عدل کا شور مچائے جا، میں ظلم کو عام کیے جاؤں
اس طرح سے کام چلاتے ہیں، آؤ مل کر کھاتے ہیں
ہم ماضی میں بھی کھاتے تھے، اب اور زیادہ کھائیں گے
کب کہنے سے شرماتے ہیں، آؤ مل کر کھاتے ہیں
اس ملک سے اتنا پیار ہمیں، چپہ چپہ بیچیں گے ہم
اس ملک سے پیار نبھاتے ہیں، آؤ مل کر کھاتے ہیں
ہے پہلے بھی لُوٹا اس کو، پر قوم بھلا بیٹھی ہم کو
اک اور سبق سکھلاتے ہیں آؤ مل کر کھاتے ہیں
میرے گھوڑے بیتاب بہت، ڈربی کھولو میں آتا ہوں
ہر شہر میں ریس لگاتے ہیں آؤ مل کر کھاتے ہیں
اک دوجے کے دشمن تھے یہ اے یاسر جی کچھ دن پہلے
اب دونوں یہ فرماتے ہیں آؤ مل کر کھاتے ہیں۔

لاہور:‘پی ٹی آئی ممبران سمجھتے ہیں کہ بزدار کے بعد چودھری کو تبدیلی نہیں کہا جاسکتا’ن لیگ کے رہمنا جاوید لطیف نے اپنے عزائم ظاہر کرتے ہوئے کہا کہ پی ڈی ایم اتحاد کے علاوہ جوبھی حکومت آئے گی گرا دی جائے گی

قومی اسمبلی کی قائمہ کمیٹی برائے اطلاعات کے چیئرمین میاں جاوید لطیف نے کہا ہے کہ پی ٹی آئی ممبران سمجھتے ہیں کہ بزدار کے بعد چودھری کو تبدیلی نہیں کہا جاسکتا۔

اپنے جاری کردہ بیان میں چیئرمین میاں جاوید لطیف نے کہا ہے کہ پنجاب اسمبلی میں پی ٹی آئی آزاد ممبران سے پارٹی کی بنائی رابطہ کمیٹی رابطے میں ہے۔

جاوید لطیف نے کہا کہ مرکز میں اتوار کو کامیابی کے بعد اپوزیشن اکابرین کی مشاورت سے وزیر اعلی پنجاب کے امیدوار کا اعلان کیاجائےگا۔

انہوں نے بتایا کہ مرکز کی طرح پنجاب میں اسمبلی ارکان کو دھمکانے کا سلسلہ شروع کیا جا چکا ہے، عمران خان کی مرضی کے خلاف ووٹ دینے پر ڈی سیٹ کا قانون پڑھ کر بار بار یہ سنا رہے ہیں۔

جاوید لطیف کا کہنا تھا کہ ڈی سیٹ کی دھمکی دینے والے بھول رہے ہیں کہ اکاون فیصد رائے رکھنے والوں کو قانون نہ سنایا جائے۔

انہوں نے مزید کہا کہ منگل اور بدھ کو مرکز کی طرز پر پنجاب میں بھی بڑا سرپرائز دیں گے، پی ٹی آئی ممبران سمجھتے ہیں کہ بزدار کے بعد چودھری کو تبدیلی نہیں کہا جاسکتا۔

اسلام آباد:‏عمران خان آج پھر قوم کو بے وقوف بنانے کی کوشش کررہے تھے:فضل الرحمان نے عمران خان کی تقریر پراپنا غصہ نکالنا شروع کردیا ،فضل الرحمن نے کہا کہ اب وہ میدان میں آگئے توضمیرفروش ہوگئے،

فضل الرحمن نے کہا کہ جب جہازاڑاکرممبران خرید رہے تھےتب باضمیرتھے،ایک ہارا ہوا انسان شکست کا اعتراف کررہا تھا، وزیراعظم کی تقریرکومسترد کرتے ہیں، امریکا سے برملا اختلاف صرف ہم نے کیا

امریکی صدرفون کرنے کوتیارنہیں توعالمی سازش ہوگئی،جب ٹرمپ سے پذیرائی ملی توواپسی پرجشن منایا گیا،فضل الرحمان نےکہا کہ آپ کا آناعالمی سازش اورجاناتمہاری غلطیوں کانتیجہ ہے، آپ الزام لگا رہےہوکہ غیرملکی سازش ہورہی ہے، اوآئی سی اجلاس میں امریکی وفدکودعوت دی گئی،

اس سے پہلے متحدہ قومی موومنٹ کے متحدہ اپوزیشن میں شامل ہونے کے موقع پر کی گئی نیوز کانفرنس سے خطاب کرتے ہوئے مولانا فضل الرحمان نے کہا کہ ایم کیو ایم عدم اعتماد میں اپوزیشن کا ساتھ دے گی جس کا خیر مقدم کرتے ہیں، ایم کیو ایم کا یہ فیصلہ پاکستان کیلئے سیاسی یکجہتی کا اظہار ہے، چار سال پہلے شروع ہونے والے ڈرامے کا ڈراپ سین ہوگیا ہے، تمسخر کی سیاست نے معاشرے کی بنیادوں کو ہلادیا،

جنہوں نے ابھی تک فیصلہ نہیں کیا ان کیلئے موقع ہے کہ وہ قومی دھارے میں شامل ہوجائیں۔ متحدہ اپوزیشن کے سربراہ مولانا فضل الرحمان نے وزیر اعظم عمران خان سے استعفے کا مطالبہ کردیا، انہوں نے کہا ہے کہ اب سب کچھ ہاتھ سے نکل گیا ہے۔متحدہ قومی موومنٹ کے متحدہ اپوزیشن میں شامل ہونے کے موقع پر کی گئی نیوز کانفرنس سے خطاب کرتے ہوئے مولانا فضل الرحمان نے کہا کہ ایم کیو ایم عدم اعتماد میں اپوزیشن کا ساتھ دے

اسلام آباد:شہباز شریف وزیراعظم کی طرف سےامریکہ کا نام لینے پرناراض ہوگئے ،اطلاعات کے مطابق پاکستان مسلم لیگ (ن) کے صدر اور قومی اسمبلی میں قائد حزب اختلاف میاں شہبازشریف نے وزیراعظم عمران خان کو ملک کے لئے سکیورٹی رسک قرار دیتے ہوئے کہا ہے کہ عمران نیازی اقتدار بچانے کے لئے پاکستان کو نشانے پر لے آئے ہیں۔

وزیراعظم عمران خان کے قوم سے خطاب پر ردعمل دیتے ہوئے اپوزیشن لیڈر شہباز شریف کا کہنا تھا کہ خطاب ختم ہوگیا ہو تو 172 ارکان پورے کریں، آپ کی کرپشن، نالائقی اور نااہلی نے ملک کو معاشی، سماجی، خارجہ تباہی سے دوچار کیا، عمران نیازی کی تقاریر پر پابندی لگائی جائے، وہ ملک کے سفارتی تعلقات تباہ کرنے کے درپے ہیں۔

انہوں نے مزید کہا کہ آج کے خطاب تک عوام اور پارلیمنٹ کو خط نہیں دکھایا گیا، صرف مندرجات بتائے جا رہے ہیں، خط نہ دکھانے کا مطلب ہے کہ کوئی خط نہیں، عمران نیازی ہمیشہ کی طرح اب ایک نیا جھوٹ بول رہے ہیں، کرپشن، ریاست مدینہ کے بیانیوں کے بعد اب سازشی خط کا بیانیہ لائے ہیں، عوام انہیں اور ان کے ہر جھوٹ کو مسترد کر چکے ہیں۔

پاکستان مسلم لیگ (ن) کے صدر کا کہنا تھا کہ دوگھنٹے جلسے میں اور ایک گھنٹہ قوم سے خطاب میں جس خط کا ذکر کیا، وہ خط ہے ہی نہیں، ایک سفارتی کیبل کو سازش کا رنگ دے کر پیش کیا جارہا ہے۔

یاد رہے کہ وزیراعظم نے اپنے خطاب میں کہا تھا کہ ن لیگ ، پی پی اور فضل الرحمن کے دور میں امریکی پاکستانیوں کوڈرون حملوں مارتے تھے اور یہ پاکستانیوں کے قتل عام پرخاموش رہتے تھے بلکہ ان کو کوئی پرواہ تک نہیں ہوتی تھی ، یہ بیان سُن کرشہبازشریف جزباتی ہوگئے اور پھراس قسم کے الزامات کا سلسلہ شروع کردیا

اس سے قبل مسلم لیگ (ن) کی نائب صدر مریم نواز نے سماجی رابطے کی ویب سائٹ ٹوئٹر پر پیغام جاری کرتے ہوئے وزیراعظم عمران خان کے قوم سے خطاب پر ردعمل دیا اور لکھا کہ یہ ہر روز ثابت کرتا ہے کہ یہ اس کرسی کے قابل نہیں تھا۔