Tag: بریکنگ

امریکی سفارتی ذرائع کی پاکستان کو دھمکی آمیز خط کی سختی سے تردید:سید کوثرکاظمی کا دعویٰ،اطلاعات کے مطابق بعض پاکستانی میڈیا ذرائع نے یہ دعویٰ کیا ہے کہ لندن میں امریکی سفارتخانے کے ذرائع نے دھمکی آمیز خط دینے کی تردید کی ہے

اس حوالے سے سید کوثرکاظمی کہتے ہیں کہ امریکی سفارتخانے کا کہنا ہے کہ خط سازشی تھیوری ہے، سازشی تھیوریوں پر تبصرے سے بھی گریز کرتے ہیں۔

لندن: امریکی سفارتی ذرائع کی پاکستان کو دھمکی آمیز خط کی سختی سے تردید
خط سازشی تھیوری ہے، سازشی تھیوریوں پر تبصرے سے بھی گریز کرتے ہیں۔
لندن میں موجود امریکی سفارتی ذرائع نے وزیراعظم عمران خان کے دکھائے گئے خط کو سازشی تھیوری قرار دے دیا

— Syed Kousar Kazmi (@SyedKousarKazmi) March 29, 2022

سید کوثر کاظمی کہتے ہیں کہ لندن میں موجود امریکی سفارتی ذرائع نے وزیراعظم عمران خان کے دکھائے گئے خط کو سازشی تھیوری قرار دے دیا

سید کوثرکاظمی نے یہ خبر تو دے دی ہے لیکن ابھی تک یہ ثبوت نہیں دیئے کہ امریکی سفارتخانہ کا عملہ کس کو ملا اور اس میں کون کون لوگ شامل تھے اور کیا بات ہوئی اس کا کوئی تحریری ثبوت نہیں دیا گیا

ادھر وزیراعظم عمران خان نے کہا کہ دھمکی آمیز خط سب سے بڑے ادارے کے سربراہ چیف جسٹس کے ساتھ شیئر کرنے کی پیشکش کی ہے، خارجہ پالیسی کے پیش نظر خط زیادہ لوگوں کے ساتھ شیئر نہیں کرسکتے، خط میں براہ راست تحریک عدم اعتماد کا ذکر ہے۔ جیسے ہی ہمیں خط ملا، عدم اعتماد فوراً پیش ہو گئی۔

ذرائع کے مطابق وزیراعظم کی زیرصدارت ترجمانوں کا اجلاس ہوا، اجلاس میں موجودہ سیاسی صورتحال پر ترجمانوں کو بریفنگ دی گئی، شرکاء کو خفیہ خط کے حوالے سے بریفنگ دی گئی،

ترجمانوں کو بریفنگ میں بتایا گیا کہ چیف جسٹس آف پاکستان عمر عطاء بندیال کو خط دکھانے کا مقصد خط کی حقیقت کو آشکار کرنا ہے، خط میں دھمکی دی گئی تحریک عدم اعتماد ناکام ہونے کے سنگین نتائج ہو سکتے ہیں۔

لاہور:جھوٹ بول کر”جیو”عاصم نذیرکےبعدفخرامام سےمنسوب جھوٹے بیانات:آج کا دن اپریل فول بن گیا،اطلاعات کے مطابق سیاست میں گرما گرمی نے جھوٹ اورفریب میں بھی جان ڈال دی ہے ، یہ جھوٹ اس قدرعام اورمقبول ہورہےہیں کہ سوشل میڈیا پران جھوٹوں کی بنیاد پر آوازیں آنے لگی ہیں کہ جھوٹ بول کر”جیو”

وفاقی وزیرخوراک سید فخرامام کےحوالے سے کچھ میڈیا گروپس نے ایسی خبریں چلا کرسوشل میڈیا صارفین کی توجہ اپنی طرف مبذول کرا رکھی ہے کہ ہرسُننے اور دیکھنے والا پہلے تو غورسے پڑھتا ہے پھرپتا چلتا ہے کہ یہ سب جھوٹ اور فیک ہے

کچھ دیرپہلے یہ خبری گردش کررہی تھیں کہ وفاقی وزیرخوراک سید فخرامام نے اپنی وزارت سے اس لیے استعفیٰ دے دیا ہے کہ ان کا خیال ہے کہ وہ عثمان بزدار کووزارت اعلیٰ سے معزول کرنے کے خلاف ہیں اور عثمان بزدار سے اظہارمحبت کرتےہوئے وہ اپنی وزارت کو چھوڑ رہے ہیں

یہ خبردیکھتے ہہی اہل ذی شعور کو یہ محسوس ہورہا تھا کہ یہ خبرفیک اور سرا سرجھوٹ ہے ، پھراس جھوٹ کی زندگی بھی چند منٹ کی ثابت ہوئی جب وفاقی وزیرسید فخرامام نے اس جھوٹی اور فیک خبرکومسترد کرتے ہوئے اسے ایک انتہائی گھٹیا اورکمینی حرکت قرار دیا اور یہ بھی کہا کہ جواسی خبروں کا سہارا لے کرجی رہے ہیں وہ حقیقت میں عوام الناس اور سچ کے مقابلے میں اس جھوٹ کی وجہ سے ختم ہورہےہیں

سوشل میڈیا پر میرے بارے میں ن لیگ میں شمولیت اور استعفی کے حوالے سے گردش کرنے والی خبر من گھڑت, بے بنیاد اور حقائق کے منافی ہے۔

— انصافین لڑکی (@InsafianLarki) March 29, 2022

یاد رہےکہ اس سے پہلے فیصل آباد سے پی ٹی آئی رکن قومی اسمبلی عاصم نذیرباغی ٹی وی کی رپورٹ کے مطابق تحریک انصاف کے رہنما رکن قومی اسمبلی چودھری عاصم نذیر کی ن لیگ میں شامل ہونے کی خبریں سامنے آئی ہیں،

چودھری عاصم نذیر کے نام سے بنے ہوئے ایک فیک اکاؤنٹ سے ٹویٹ کی گئی تھی جس میں کہا گیا تھا کہ پنجاب کے شہر فیصل آباد سے پی ٹی آئی کے رکن قومی اسمبلی چودھری عاصم نذیر ن لیگ میں شامل ہو گئے، چودھری عاصم نذیر نے پی ٹی آئی کے پارلیمانی عہدے سے استعفیٰ دے دیا ہے، انکا کہنا تھا کہ یہ سیٹ کسی کے باپ کی وجہ سے نہیں اپنی کارکردگی اور حلقہ کے عوام کی محبت کی وجہ سےمسلسل چار بار جیت چکا ہوں کوئی کسی غلط فہمی میں نہ رہے ہم نے فیصل آباد کو سجایا ہے اور سجاتے جائیں گے

لیکن یہ جھوٹ اورگھٹیا حرکت سُنتے ہی چوہدری عاصم نذیر نے کہا کہ میرے لیڈرعمران خان ہیں میں پاکستان تحریک انصاف کا ادنیٰ سا کارکن ہوں میں کیسے مشکل وقت میں اپنے قائد سے بے وفائی کرسکتا ہوں جس کسی نے بھی یہ جھوٹی خبر چلائی ہے وہ جھوٹا اورفریبی ہےاس کی شدید مذمت کرتا ہوں‌

اس حوالے سے دیکھا جائے تو آج یہ دن اپریل فول کی شکل اختیار کرگیا ہے اورلگ رہا ہے کہ کچھ کا یہ نظریہ بن گیا ہے کہ جیو تو جھوجھوٹ بول کرجیو لیکن پاکستان میں اس رویے کی مذمت کی جارہی ہے کہ کب تک قوم کوجھوٹ اور فریب کی دنیا میں پھنسایا جائے گا اب بس ہونی چاہیے

کراچی: لیجنڈری اداکار اور انسان دوست شخصیت، لطیف کپاڈیا مرحوم کی 20 ویں برسی کے موقع پر لطیف کپاڈیہ میموریل ویلفیئر ٹرسٹ کے زیر انتظام چوتھے رفاہی کلینک کا سنگ بنیاد رکھا گیا تاکہ محروم طبقے کے افراد کو باکفایت طبی سہولیات فراہم کی جا سکیں۔مرحوم لطیف کپاڈیا کی یادیں اور کارنامے اب بھی قوم کے دلوں میں زندہ ہیں لہٰذا، اس سال بھی، ان کی برسی انتہائی عقیدت و احترام کے ساتھ منائی گئی جس کا اہتمام لطیف کپاڈیا میموریل ویلفیئر ٹرسٹ (LKMWT) نے کیا تھاجو عظیم مرحوم شخصیت کے انسان دوست جذبوں کا مشعل بردار ادار ہ ہے اور نادارکمیونٹیز کا معیار زندگی بہتر بنانے کا عزم رکھتا ہے۔

اعلی معیار کا مزاح تخلیق کرنے والے مصنف اور ڈراما نگار، انور مقصود نے بھی تقریب میں شرکت کی اور عظیم فنکار کی اہم کامیابیوں کی یادیں تازہ کرتے ہوئے کہا:مرحوم لطیف کپاڈیا ٹیلیویژن اور اسٹیج ڈراما انڈسٹری کے مقتدرفنکار تھے جو پاکستان میں انسان دوستی کا معیار بلند کرنے کے لیے پہچانے جاتے ہیں۔میڈیا اور قومی ترقی کے لیے ان کی شاندار خدمات کبھی فراموش نہیں کی جا سکیں گی۔“

لطیف کپاڈیا میموریل ٹرسٹ نے اپنا پہلا ویلفیئر کلینک شاہ فیصل کالونی میں قائم کیا تھا جس کے بعد دیگر کلینکس ملیرکے علاقے کھوکھراپار اور لانڈھی کے علاقے قائدآباد میں قائم کیے گئے تھے۔ گزشتہ برسوں کے دوران یہ تین ’میڈی ہیلتھ‘ کلینکس مستحق افراد کو مسلسل بنیادی طبی خدمات فراہم کر رہے ہیں جن میں میڈیکل چیک اپس اور طبی مشورے صرف 40 روپے میں فراہم کیے جاتے ہیں اور ادویات مفت فراہم کی جاتی ہیں۔ہر سال، 60,000 سے زائد افرادلطیف کپاڈیا میموریل ویلفیئر ٹرسٹ کے میڈی ہیلتھ کلینکس سے استفادہ کرتے ہیں اور اب تک 695,000 سے زائد مریضوں کو خدمات فراہم کی جا چکی ہیں۔

مرحوم لطیف کپاڈیا کے صاحبزادے اور لطیف کپاڈیا میموریل ویلفیئر ٹرسٹ کے بانی ٹرسٹی، احمد کپاڈیا نے اپنے خیالات کا اظہار کرتے ہوئے کہا:”ہم سب کے لیے انتہائی فخر کی بات ہے کہ ہم لطیف کپاڈیا مرحوم کے عظیم مشن کو لے کر آگے بڑھ رہے ہیں۔ مسلسل سرپرستی اور اعانت کے لیے میں بے لوث مخیر حضرات اور رضاکاروں کا تہہ دل سے شکریہ ادا کرنا چاہتا ہوں۔ میرے لیے یہ بات بھی خوشی اور فخر کی ہے کہ لطیف کپاڈیا میموریل ویلفیئر ٹرسٹ کا چوتھا کلینک سرجانی ٹاؤن کے علاقے خدا کی بستی میں تعمیر کیا جارہا ہے جب کہ اس سماجی پروجیکٹ کی نگرانی ٹرسٹ کے ارکان ذاتی طور پر کریں گے۔ میں جناب گلزار مغل صاحب کا بھی شکریہ ادا کرتا ہوں کہ جنھوں نے ، آٹھ برس قبل، سرجانی ٹاؤن میں کلینک کی تعمیر کے لیے زمین عطیہ کی تھی۔ ان کے اس رحم دلانہ جذبے نے انسانی ہمدردی کی اس داستان کومزید قابل ذکر بنا دیا ہے۔“

لطیف کپاڈیا میموریل ویلفیئر ٹرسٹ نے عوام کی آگاہی اور پائیدارسماجی و اقتصادی ترقی کے لیے وسیع تر عوامی رسائی کا پروگرام بھی شروع کیا ہے۔یہ تمام اعلیٰ اقدامات لطیف کپاڈیا میموریل ویلفیئر ٹرسٹ کے زیر انتظام انجام دئیے جارہے ہیں جس کے لیے فراخدل شہریوں اور عوام کی جانب سے دئیے گئے عطیات، چندہ، مخیرانہ مدد، زکوٰۃ اور دیگر وسائل اور رقوم بطور فنڈ زحاصل کیے جاتے ہیں اور یہ ٹرسٹ کے رضاکار جمع کرتے ہیں۔

سنہ 2007ء میں قائم کیا گیا لطیف کپاڈیا میموریل ویلفیئر ٹرسٹ لطیف کپاڈیا کے عظیم مشن کو آگے بڑھانے اور کم آمدنی والے طبقات میں خوشیاں پھیلانے کے عزم پر قائم رہے گا جو نجی ڈاکٹروں کی مہنگی فیسیں دینے کی استطاعت نہیں رکھتے ہیں۔ اِس ٹرسٹ کے اہم مقاصد میں اعلیٰ معیار کی او پی ڈی کی سہولتوں کے علاوہ صحت، تعلیم، غربت کا خاتمہ، غذائیت میں کمی کا خاتمہ، بیماریوں پر قابو پانا اور دیگر سماجی و اقتصادی چیلنجوں سے نمٹنا شامل ہے۔ مزید تفصیلا ت کے لیے www.lkmwt.org کا وزٹ کیجیے۔

وزیراعظم کے مشیر بابر اعوان نے کہا ہے کہ 31 مارچ کے بعد آخری 5 اوور شروع ہونگے اور ہم سرپرائز دیتے رہیں گے ۔

وزیراعظم کے مشیر برائے پارلیمانی امور بابر اعوان نے میڈیا سے گفتگو کرتے ہوئے کہا ہے کہ وزیراعظم کیخلاف غیر ملکی فنڈڈ قرارداد آئی ہے، بڑے پیمانے پر باہر کا پیسہ استعمال ہورہا ہے، اس بار ڈالر اور پاؤنڈز استعمال ہو رہے ہیں۔ انصاف کا ایوان سپریم کورٹ ہے اس لئے چیف جسٹس کے سامنے خط رکھنے کی تجویز ہے۔

ان کا کہنا تھا کہ ن لیگ والےجہلم سے پنڈی تک منہ چھپا کر بھاگے، اپوزیشن مل کر بھی ایف نائن پارک کو نہیں بھر سکی لیکن ہم سرپرائز دیتے رہیں گے۔

بابر اعوان نے مزید کہا کہ 31مارچ کے بعد آخری 5 اوور شروع ہونگے، اراکین اسمبلی اس دن ایوان میں نہیں جائیں گے۔ان کا یہ بھی کہنا تھا کہ اپوزیشن منحرف اراکین کو لالچ دے رہی ہے اور کہہ رہی ہے کہ نااہلی کچھ عرصے کی ہوگی۔

اطلاعات کے مطابق وزیراعظم عمران خان نے اپنی ٹیم کو خط لکھا ہے کہ قومی اسمبلی اجلاس کے دوران تحریک عدم اعتماد پر ووٹنگ کے روز پی ٹی آئی کا کوئی رکن قومی اسمبلی اجلاس میں نہیں جائے گا۔

خیال رہے کہ گزشتہ روز قومی اسمبلی اجلاس کے دوران وزیراعظم عمران خان کے خلاف پاکستان مسلم لیگ ن کے صدر اور قومی اسمبلی میں اپوزیشن لیڈر میاں محمد شہباز شریف نے تحریک عدم اعتماد پیش کی تھی۔ جسے منظور کر لیا گیا اور دو روز کے وقفے کے بعد اس پر بحث ہو گی۔

اُدھر وزیراعظم کے خلاف تحریک عدم اعتماد قومی اسمبلی میں پیش کیے جانے کے بعد پی ٹی آئی کے سربراہ عمران خان نے اپنے اراکین قومی اسمبلی کو تحریری ہدایات جاری کر دی ہیں۔

عمران خان کی طرف سے جاری کردہ ہدایات میں کہا گیا ہے کہ تحریک عدم اعتماد پر ووٹنگ کے روز کو رکن اسمبلی اجلاس میں نہیں جائے گا، ووٹنگ کے دوران کوئی رکن قومی اسمبلی پارلیمنٹ میں موجود نہ ہو، جو رکن پارٹی کی ہدایات کی خلاف ورزی کرے گا، اس پر پر آرٹیکل 63 اے کا اطلاق ہوگا۔

واضح رہے کہ اپوزیشن نے وزیراعظم عمران خان کے خلاف تحریک عدم اعتماد قومی اسمبلی میں پیش کردی ہے اور اب 31 مارچ یا اس کے بعد کسی بھی دن تحریک پر ووٹنگ ہوگی۔