Tag: بریکنگ

مری:سانحہ مری میں جاں بحق ہونے والےافراد کی مالی معاونت کا فیصلہ کیا ہے:اطلاعات کےمطابق وزیر اعلیٰ پنجاب عثمان بزدار کی زیرِ سربراہی اجلاس میں فیصلہ کیا گیا، سانحہ مری میں جاں بحق ہونے والے افراد کو 8،8 لاکھ روپے ادا کرنے کا فیصلہ کر لیا گیا ہے۔

ذرائع کا کہنا ہے کہ مری میں جاں بحق ہونے والے افراد کیلئے ایک کروڑ 76 لاکھ روپے منظور ہوئے ہیں، 22 افراد کو 8،8 لاکھ روپے ادا کیے جائیں گے۔

ذرائع نے بتایا کہ گزشتہ روز کی بارشوں میں جان کی بازی ہارنے والے افراد کیلئے مجموعی طور پر 3 کروڑ 35 لاکھ روپے کی منظوری دے دی گئی ہے۔اجلاس میں راجہ بشارت، چیف سیکرٹری پنجاب، سینئر ممبر بورڈ آف ریونیو پنجاب ،آئی جی پنجاب نے بھی شرکت کی۔

واضح رہے کہ مری میں گزشتہ روز برف کا طوفان آیا تھا، جس میں ہزاروں گاڑیاں پھنس گئی تھیں، برفباری کے باعث مختلف گاڑیوں میں 21 افراد دم گھٹ کر جاں بحق ہوگئے ہیں جبکہ پاک فوج کے دستے امدادی کارروائیوں میں مصروف ہیں۔

مری اور گلیات میں گزشتہ چند روز سے برفباری کا سلسلہ جاری ہے، گزشتہ روز عوام کی بڑی تعداد برفباری سے لطف اندوز ہونے کے لئے پہنچی تھی۔

شدید برفباری میں ٹریفک جام ہونے کے بعد بڑی تعداد اپنی گاڑیوں میں ہی محصور ہوکر رہ گئی تھی۔ ان ہی میں وہ بدقسمت افراد بھی شامل تھے جو اپنی گاڑیوں میں دم گھٹنے سے زندگی کی بازی ہار گئے۔

مری میں اس وقت ایمرجنسی رضاکاروں اور امدادی کارکنوں کے علاوہ کسی کے بھی داخلے پر پابندی ہے۔ پاک فوج کے دستے انتظامیہ کے ساتھ کر امدادی کاموں میں مصروف ہیں۔

دوسری جانب سانحہ مری میں جاں بحق ہونے والوں میں کری روڈ کے رہائشی شہزاد اسماعیل، اہلیہ و چار بچوں کی نماز جنازہ ادا کر دی گئی ہے۔

جاں بحق ہونے والوں میں گھر کا سربراہ 46 سالہ شہزاد اسماعیل ، 35 سالہ صائمہ شہزاد، 10 سالہ سمیع الله شہزاد، 8 سالہ حبیب الله شہزاد، 7 سالہ عائشہ شہزاد اور 5 سالہ اقرا شہزاد شامل ہیں۔نماز جنازہ میں سیاسی، سماجی شخصیات، عزیز اقارب و اہلیان نے بڑی تعداد میں شرکت کی۔

اسلام آباد:خالصتان ریفرنڈم کا آٹھواں مرحلہ آج برطانیہ بھرمیں شروع ہوچکا:بھارت سخت پریشان ،اطلاعات کے مطابق خالصتان ریفرنڈم کا آٹھواں مرحلہ آج برطانیہ کے شہروں لیڈز اور لوٹن میں ہونے جا رہا ہے۔ کشمیر میڈیا سروس کی طرف سے آج جاری کی گئی ایک رپورٹ میں کہا گیا ہے کہ سکھوں کے علیحدہ وطن کے لیے ریفرنڈم 31 اکتوبر 2021 کو لندن سے شروع ہوا اور لندن میں خالصتان ریفرنڈم کے پہلے مرحلے میں 30ہزار سے زائد سکھوں نے حصہ لیا۔

رپورٹ میں کہا گیا ہے کہ خالصتان ریفرنڈم میں ڈالے گئے ووٹوں کی مجموعی تعداد اب تک 200,000 سے تجاوز کر چکی ہے، ریفرنڈم میں سکھوں کی بڑے پیمانے پر شرکت نے مودی کی فسطائی بھارتی حکومت کو بے چین کر دیا ہے۔رپورٹ میں کہا گیاہے کہ مودی نے برطانیہ میں ریفرنڈم کو روکنے کی بھرپور کوشش کی تھی اور سکھوں کے ریفرنڈم کو روکنے کی بھارتی کوششیں بری طرح ناکام ہوچکی ہیں ۔

خالصتان ریفرنڈم میں سکھوں کے علیحدہ وطن کے لیے تاریکن وطن سکھوں سے رائے معلوم کی جارہی ہے۔رپورٹ میں مزید کہاگیا کہ سکھ ریفرنڈم مستقبل میں امریکہ، کینیڈا، آسٹریلیا اور بھارتی پنجاب میں بھی ہوگا۔رپورٹ میں کہا گیا ہے کہ خالصتان ریفرنڈم سے سکھوں کے خلاف امتیازی سلوک کے خاتمے کے لیے بھارت کو سخت پیغام دیاگیا ہے۔

رپورٹ کے مطابق ریفرنڈم کے نتائج کو اقوام متحدہ اور دیگر بین الاقوامی اداروں کوپیش کیاجائے گا تاکہ وسیع تر اتفاق رائے پیدا کیا جا سکے۔رپورٹ میں کہا گیا ہے کہ سکھوں کا علیحدہ وطن کا مطالبہ اقوام متحدہ کے چارٹر کے مطابق ہے اور بھارت سکھوں کو ان کا پیدائشی حق آزادی حاصل کرنے سے نہیں روک سکتا۔رپورٹ میں کہا گیا ہے کہ خالصتان کے نام سے سکھوں کا علیحدہ وطن دیوار پر لکھا جاچکا ہے۔

مری :اب بس کردیں سیاست:مری سے سے پیغام آگیا،اطلاعات ہیں کہ مری سے ایک ایسا پیغام آگیاہے کہ جس کے بعد اس سانحے پرسیاست کرنے والوں کے منہ میں گُڑ ڈال دیا گیا ،یہ پیغآم وہ پیغآم ہے کہ جس کو نظرانداز کرنے پرایک طرف قوم کو بڑے سانحے کا صدمہ برداشت کرنا پڑرہا ہے تو دوسری طرف پاکستان کی چند سیاسی شعبدہ باز شخصیات اسے اپنی سیاست چمکانے کا بہترین موقع اور ہتھیار سمجھ بیٹھے ہیں

یہ پیغام ان قوتوں کے لیے واضح ہے جو بغیر دلیل کے بڑی بڑی کہانیاں گڑھ رہے ہیں‌اور پھر اپنی سیاست کو زندہ رکھنے کے لیے قوم کے اس صدمے کو مذاق بنا رکھا ہے

https://twitter.com/OfficialShehr/status/1478716540908359680

جہاں ایک طرف مری میں برف باری دیکھنےکی چاہ 21 افراد کی جان لےگئی جس پر پورا ملک سوگوار ہے، مری کو آفت زدہ قرار دے دیا گیا ہے اور تمام داخلی راستے بند کردیےگئے ہیں۔

وہاں سوشل میڈیا پر متعدد افراد نے اس حوالے سے مری آنے والوں کو خبردار کیا تھا کہ مری میں برف باری اور موسم کی شدت کے باعث مشکلات کا سامنا ہوسکتا ہے اس لیے محتاط رہیں۔شدید برفباری سے متعلق محکمہ موسمیات کے الرٹ کے باوجود انتظامیہ خاموش رہی

https://twitter.com/OfficialShehr/status/1479824401667268612

سوشل میڈیا پر طنزیہ ویڈیوز اپ لوڈ کرنے والی بچی شہر بانو نے بھی 5 جنوری کو ٹوئٹر پر ایک ویڈیو شیئر کی تھی جس میں سیاحوں کو مری کی صورت حال کے حوالے سے خبردار کیا گیا تھا۔

مری میں موجود شہر بانو نے برف باری کے بعد کا منظر دکھاتے ہوئے اپیل کی تھی کہ ‘مری میں برف باری کا سن کر اندھا دھند مری کی طرف نہ بھاگیں، بہت زیادہ برف باری کی وجہ سے سڑکیں بند ہوگئی ہیں ، راستے کھلنے کا انتظار کریں، اپنے اور اپنے پیاروں کو مشکل میں نہ ڈالیں’۔

شہر بانو کا کہنا تھا کہ ساری سڑکیں بند ہوچکی ہیں، اس لیے جب سڑکیں کھل جائیں اور ٹریفک جام ختم ہوجائے تو پھر ہی آئیں۔

ادھر سوشل میڈیا پر اکثریہ پیغام شیئر کیا جارہا ہے کہ سکیورٹی حکام اور دیگر ذمہ داران ہرآنے والے کو خبردار کرتے رہے کہ رش بہت ہوگیا آپ واپس چلے جائیں لیکن ہم کسی کی بات کو قبول کرنے کےلیے تیار نہیں بلکہ پولیس اور دیگرسیکورٹی حکام کو مذاق بنا رکھا ہے

دوسری طرف یہ بھی وائرل ہورہا ہے کہ بڑے افسوس کی بات ہے کہ یہ قومی سانحہ ہے اور اس سانحے پر جہاں پوری قوم غمگین ہے اور سب نے اسے سانجھا دُکھ سمجھ رکھا ہے اور دنیا بھی پاکستان کے اس غم میں برابر کی شریک ہے لیکن کچھ سیاسی شعبدہ باز فقط اپنے مخالف کو نیچا دکھانے کے لیے گھٹیا بیان بازی کررہے ہیں ،

بعض نے تو لکھا ہے کہ "یہاں مگرمچھ کے آنسو وہ بھی بہا رہے ہیں جنہوں نے دن دیہاڑے 14 بے گناہوں کو لاہور کی سڑکوں پرگولیوں سے بھون کرماردیئے تھے ان کو اس قتل عام کی پرواہ نہیں تھے تو یہاں قدرت کے فیصلے پر آہ وکناں کیوں ہورہے ہیں بس اس لیے کہ یہ ثابت کریں کہ اگرہماری حکومت ہوتی تو وہ فرشتوں کو روح قبض کرنے سے روک سکتے تھے

سوشل میڈیا پر اکثروبیشتر نے لکھا ہے کہ یہ غم کی گھڑی ہے سیاسی میلہ نہیں بس خدا کا خوف کھائیں اور اپنے گریبان میں جھانکین کہ ہم کیا کررہے ہیں

خیال رہےکہ محکمہ موسمیات کی طرف سے بھی 5 جنوری کو ملک میں جاری بارشوں اور برف باری کے حوالے سے الرٹ جاری کیا گیا تھا ،جس میں 6 اور7 جنوری کو ملک کے مختلف علاقوں میں بارشوں کی پیش گوئی کے ساتھ مری،گلیات،کاغان اور سوات سمیت دیگر پہاڑی علاقوں میں شدید برف باری کا الرٹ جاری کیا گیا تھا۔

عث رابطہ سڑکیں بند ہو سکتی ہیں،کشمیر،گلگت اور بالائی خیبرپختونخوا میں برفانی تودے اور لینڈ سلائیڈنگ کا الرٹ شامل تھا۔

مری :کاش یہ پیغام پہلے پہنچ چکا ہوتا تو یہ حادثہ نہ ہوتا:برفباری میں گاڑی پھنس جائے تو سب سے پہلے کیا کریں؟ضرورپڑھیے ،اطلاعات کے مطابق اس وقت پاکستان کی ایک بڑی شخصیت کا آڈیو پیغام وائرل ہورہا ہے جس میں مری میں پیش آنے والے واقعہ سے متعلق ایسے حقائق پیش کئے گئے ہیں اگریہ حقائق پہلے بیان ہوجاتے تو یقینا اس طرح حادثہ نہ ہوتا ،

یاد رہے کہ قوم اس وقت ایک سانحے سے گزررہی ہے جس میں مری میں شدید برفباری اور سیاحوں کے رش کے باعث برفانی طوفان میں پھنسے کئی شہری اپنی گاڑیوں میں موت کے منہ میں چلے گئے۔

گاڑی برف میں پھنس جائے تو کیا کرنا چاہیے؟ اس حوالے سے انسپکٹر جنرل (آئی جی) نیشنل ہائی ویز اینڈ موٹروے پولیس انعام غنی کا بیان سامنے آیا ہے۔ان کا کہنا تھاکہ کاربن مونوآکسائیڈمیں بونہیں ہوتی، اس کا پتہ لگانا بہت مشکل ہے، کاربن مونو آکسائیڈ جلد موت کا سبب بن سکتی ہے۔

مری میں برفباری اور سیاحوں کے رش کے حوالے سے انہوں نے بتایا کہ اگر گاڑی برف میں پھنس گئی ہے اور انجن چل رہاہے تو کھڑکی ہلکی سی کھولیں، گاڑی کے ایگزاسٹ سائلنسرپائپ سے برف صاف کریں۔

ان کا کہنا تھا کہ ہیٹرچلانے سے پہلےچیک کر لیں کہ سائلنسر برف کی وجہ سےبند تو نہیں ہو چکا،ان کا مزید کہنا تھا کہ اگر سائلنسر بند ہوا تو "کاربن مونو آکسائیڈ” گیس گاڑی میں جمع ہو سکتی ہے، انہوں نے مزید انکشاف کیا کہ اس گیس کا کوئی رنگ یا بُو نہیں ہوتی، ان کا یہ بھی کہنا تھا کہ یہ گیس چند منٹ میں انسان کی جان لےلیتی ہے

خیال رہے کہ مری میں شدید برفباری اور سیاحوں کے رش کی وجہ سے صورتحال انتہائی خراب ہوگئی اور 20 سے زائد افراد کی گاڑیوں میں اموات کے بعد سیاحتی مقام کو آفت زدہ قرار دے دیا گیا ہے۔