Tag: تازہ ترین

چین نے امریکا، بھارت، جاپان اور آسٹریلیا کے کواڈ اتحاد کو دوسرے ممالک کو نشانہ بنانے پر وارننگ دے دی ہے۔

چینی وزارت خارجہ کے ترجمان ماؤ ننگ نے چاروں ممالک کے اتحاد کے اعلیٰ سفارت کاروں کی ملاقات کے حوالے سے ایک نیوز بریفنگ میں کہا کہ ہم خصوصی ‘چھوٹے حلقوں’ یا بلاک کے تصادم کی حمایت نہیں کرتے ہیں کیونکہ اس سے کسی خطے کے ممالک کے درمیان باہمی اعتماد اور تعاون کو نقصا ن پہنچنے کا اندیشہ ہےہم نے ہمیشہ اس بات پر یقین کیا ہے کہ ممالک کے درمیان تعاون سے علاقائی امن، استحکام اور خوشحالی کو فروغ دینے میں مدد ملنی چاہیے اور کسی تیسرے فریق کو نشانہ نہیں بنانا چاہیے۔

ترجمان نے جاپانی چیف کیبنٹ سیکرٹری مینورو کیہارا کے ریمارکس کا بھی جواب دیا جنھوں نے کہا تھا کہ جاپان کی خصوصی طور پر دفاعی پالیسی میں کوئی تبدیلی نہیں آئی اور جاپانی نو عسکریت پسندی کے بارے میں چین کے دعوے بے بنیاد ہیں ترجمان نے جاپان پر زور دیا کہ وہ تاریخ سے گہرا سبق حاصل کرے، امن کے لیے اپنے عزم کا احترام کرے اور ٹھوس اقدامات کے ذریعے اپنے ایشیائی پڑوسیوں اور بین الاقوامی برادری کا اعتماد جیتے۔

واضح رہے کہ بھارت کے وزیر خارجہ ایس جے شنکر نے نئی دہلی میں بات چیت کے لیے امریکی وزیر خارجہ مارکو روبیو، آسٹریلیا کے وزیر خارجہ پینی وونگ اور جاپانی وزیر خارجہ توشیمتسو موتیگی کی میزبانی کی تھی جس میں چاروں ممالک نے سمندری نگرانی، اہم معدنی سپلائی چین اور توانائی کی حفاظت کے حوالے سے نئے اقدامات کا اعلان کیا اور یہ بھی کہا کہ وہ متنازعہ جنوبی بحیرہ چین اور مشرقی بحیرہ چین کی صورت حال کے بارے میں فکر مند ہیں2007 میں قائم ہونے والے کواڈ اتحاد نے حالیہ برسوں میں انڈو پیسیفک میں چین کے ساتھ بڑھتی ہوئی کشیدگی کے درمیان تعاون کو بڑھایا ہے۔

ایران اور امریکا کے درمیان سفارتی تناظر میں پاکستان خطے میں ایک قابل اعتماد ثالث کے طور پر ابھر کر سامنے آیا ہے۔

ترک نشریاتی ادارے ٹی آر ٹی کے مطابق پاکستان نے خاموش، منظم اور مؤثر سفارت کاری کا راستہ اختیار کیا ہے جس نے اس کے علاقائی اور عالمی کردار کو نمایاں کیا ہے، خطے کی دیگر طاقتوں کے برعکس پاکستان نے اشتعال انگیز بیانات کے بجائے خاموش، منظم اور بیک چینل ڈپلومیسی کو ترجیح دی۔

رپورٹ میں کہا گیا ہے کہ فیلڈ مارشل عاصم منیر کی سفارت کاری تشہیر سے دور اور عملی روابط پر مبنی رہی، جس کے باعث مشکل حالات میں بھی امریکا اور ایران کے درمیان رابطے کا سلسلہ جاری رکھا جا سکا پاکستان کی جغرافیائی اہمیت، عسکری اور انٹیلیجنس ساکھ، اور مختلف عالمی و علاقائی طاقتوں کے ساتھ متوا زن تعلقات نے اسے ایک منفرد سفارتی حیثیت فراہم کی ہے۔

رپورٹ میں کہا گیا کہ پاکستان بیک وقت قطر، ترکی، سعودی عرب، چین اور ایران کے ساتھ فعال سفارتی روابط برقرار رکھے ہوئے ہے، جس نے اسے خطے میں ایک اہم ثالثی کردار ادا کرنے کے قابل بنایا، پاکستان اور سعودی عرب کے درمیان دفاعی تعاون اور معاہدوں نے بھی پاکستان کی علاقائی ساکھ کو مزید مضبوط کیا ہے۔

ترک میڈیا کے مطابق فیلڈ مارشل عاصم منیر نے پاکستان کی مغربی سرحدوں پر دہشت گردی کے خلاف سخت اور واضح مؤقف اختیار کیا، جس سے پاکستان کی سکیورٹی پالیسی کو مزید استحکام ملا مشرق وسطیٰ کی موجودہ کشیدگی میں پاکستان ایک قابل قبول ثالث کے طور پر سامنے آیا ہے، تاہم اس اثر و رسوخ کو برقرار رکھنے کیلئے پاکستان کو معاشی چیلنجز پر قابو پانا ہوگا۔

واضح رہے کہ اس سے قبل امریکی، ایرانی، سعودی، قطری اور ترک حکام بھی ایران امریکا کشیدگی میں پاکستان کے سفارتی کردار اور ثالثی کوششوں کی تعریف کر چکے ہیں۔

روس نے یوکرین کے دارالحکومت کیف پر بڑے حملے کی تیاری کرلی ہے۔

غیر ملکی خبر رساں ادارے کے مطابق روسی وزیر خارجہ نے امریکی سفارتکاروں، شہریوں اور دیگر غیرملکی افراد کو فوری طور پر کیف چھوڑنے کی وارننگ جاری کر دی ہے،روسی وزیر خارجہ نے یوکرینی شہریوں کو بھی ہدایت کی ہے کہ وہ فوجی تنصیبات سے دور رہیں۔

واضح رہے کہ چند روز قبل روس نے کیف اور اس کے نواحی علاقوں پر ڈرونز اور میزائلوں سے شدید حملے کیے تھے، جن میں اوریشنک ہائپر سونک میزائل بھی استعمال کیا گیا۔ ان حملوں کو گزشتہ 4 برس سے جاری جنگ کے دوران کیف پر ہونے والے شدید ترین حملوں میں شمار کیا جا رہا ہےادھر روس اور امریکا کے وزرائے خارجہ کے درمیان ٹیلیفونک رابطہ بھی ہوا، جس میں یوکرین جنگ اور ایران کی صورتحال پر تبادلہ خیال کیا گیا۔

ایران کی پاسداران انقلاب (آئی آر جی سی) نے دعویٰ کیا ہے کہ اس نے خلیج فارس میں امریکا کے ایم کی-9 ریپر ڈرون کو فضائی حدود کی خلاف ورزی پر مار گرایا ہے۔

پاسدارانِ انقلاب کے مطابق اس نے ایک دشمن طیارے کی نشاندہی کی جو ایرانی فضائی حدود میں داخل ہوا تھا، جس کے بعد اسے نشانہ بنا کر تباہ کر دیا گیا وہ کسی بھی جنگ بندی کی خلاف ورزی پر امریکا کے خلاف جوابی کارروائی کا مکمل اور یقینی حق محفوظ رکھتا ہے۔

یہ واقعہ ایسے وقت میں پیش آیا ہے جب امریکا کی فوج نے کہا تھا کہ اس نے ایران کی راکٹ لانچنگ سائٹس پر دفاعی کارروائی کے تحت حملہ کیا ہے، جبکہ نازک جنگ بندی کے حوالے سے خدشات میں اضافہ ہو رہا ہےایم کیو- نائن ریپر کے بارے میں بتایا گیا ہے کہ اسے ایران کی جانب سے فضائی خلاف ورزی کے الزام کے بعد نشانہ بنایا گیا۔

دوسری جانب ایران کے ان دعوؤں سے قبل امریکا کا کہنا تھا کہ اس نے سیلف ڈیفنس کے تحت جنوبی ایران میں مختلف اہداف پر فضائی حملے کیے ہیں ان حملوں میں ان کشتیوں کو بھی نشانہ بنایا گیا جو بارودی سرنگیں بچھانے کی کوشش کر رہی تھیں، جبکہ میزائل لانچ سائٹس کو بھی ہدف بنایا گیا۔

امریکی سینٹرل کمانڈ (سینٹ کام) کے ترجمان کیپٹن ٹم ہاکنز نے کہا کہ امریکی افواج نے آج جنوبی ایران میں سیلف ڈیفنس کے تحت حملے کیے تاکہ ایرانی فورسز کی جانب سے لاحق خطرات سے اپنے اہلکاروں کا تحفظ کیا جا سکے امریکی سینٹرل کمانڈ جاری جنگ بندی کے دوران تحمل کا مظاہرہ کرتے ہوئے اپنے دستوں کا دفاع جاری رکھے ہوئے ہے۔