Baaghi TV

Tag: تازہ ترین

  • حارث رؤف کو آئی سی سی ٹی ٹوئنٹی ٹیم آف دی ایئر کی کیپ مل گئی

    حارث رؤف کو آئی سی سی ٹی ٹوئنٹی ٹیم آف دی ایئر کی کیپ مل گئی

    پاکستان کرکٹ ٹیم کے فاسٹ بولر حارث رؤف کو انٹرنیشنل کرکٹ کونسل (آئی سی سی) کی طرف سے ٹی ٹوئنٹی ٹیم آف دی ایئر کی کیپ مل گئی۔

    باغی ٹی وی: سماجی رابطے کی ویب سائٹ ٹوئٹر پر حارث رؤف نے آئی سی سی ٹی ٹوئنٹی ٹیم آف دی ایئر کی کیپ اور پی ایس ایل کی فرنچائز لاہور قلندرز کی تصاویر شیئر کی ہیں۔


    حارث رؤف نے اپنے پیغام میں لکھا ہے کہ آج کا دن میرے اور میری ٹیم (لاہور قلندرز) کے لیے بہت اچھا ہے، الحمد لِلّٰہ مجھے آئی سی سی ٹی ٹوئنٹی ٹیم آف دی ایئر کی کیپ مل گئی ہے۔

    فاسٹ بولر نے اپنے پیغام میں یہ بھی کہا ہے کہ ہماری ٹیم لاہور قلندرز نے ایچ بی ایل پی ایس ایل کے پلے آف کے لیے کوالیفائی کر لیا ہے۔

    قبل ازیں قومی ٹیم کے وکٹ کیپر بیٹر محمد رضوان کو آئی سی سی ٹی 20 ٹیم آف دی ائیرکی کیپ ملی،ملتان سلطانز کے کپتان محمد رضوان کو کیپ قذافی اسٹیڈیم میں پی ایس ایل میچ سے پہلے پی سی بی کی جانب سے دی گئی محمد رضوان کو بہترین کارکردگی پرآئی سی سی ٹی 20 ٹیم آف دی ائیر 2022 میں شامل کیا گیا تھا۔

    واضح رہے کہ گزشتہ روز پی ایس ایل 8 کے 20 ویں میچ میں لاہور قلندرز نے ملتان سلطانز کو 21 رنز سے شکست دے کر پوائنٹس ٹیبل پر اپنی پہلی پوزیشن مستحکم کر لی۔

  • ڈیوڈ وارنر کا پی ایس ایل کھیلنے کی خواہش کا اظہار

    ڈیوڈ وارنر کا پی ایس ایل کھیلنے کی خواہش کا اظہار

    آسٹریلیا کے جارحانہ بلے باز ڈیوڈ وارنر نے ایچ بی ایل پاکستان سپر لیگ (پی ایس ایل) کھیلنے کی خواہش کا اظہار کیا ہے۔

    باغی ٹی وی: ٹیسٹ سیریز کیلئے بھارت کے دورے پر موجود آسٹریلوی بیٹر ڈیوڈ وارنر کی جانب سے اس خواہش کا اظہار افغان آل راؤنڈر اور لاہور قلندرز کی نمائندگی کرنے والے راشد خان کی انسٹاگرام پوسٹ پر کیا گیا۔

    ہم کپتان بابر اعظم کے لیے جان دینے کو تیار ہیں،شان مسعود

    راشد خان نے کوئٹہ گلیڈی ایٹرز سے 17 رنز سے فتح حاصل کرنے کے بعد انسٹاگرام پر ایک پوسٹ شیئر کی ،جس میں انہوں شاندار کھیل کا مظاہرہ کرنے پر حارث رؤف اور سکندر رضا کی تعریف کرتے ہوئے کراؤڈ کا شکریہ ادا کیا۔

    راشد خان کی انسٹاگرام پوسٹ پر جہاں دیگر کئی کھلاڑیوں نے کمنٹس کیے وہیں آسٹریلیا کے بیٹر ڈیوڈ وارنر نے بھی کمنٹ کیا، ڈیوڈ وارنر نے سوال کیا کہ میں کب کھیل سکتا ہوں؟-

    لاہور قلندرز پلے آف میں پہنچنے والی پہلی ٹیم بن گئی

    آسٹریلوی کرکٹر کا مذکورہ کمنٹ سوشل میڈیا پلیٹ فارمز پر خوب وائرل ہورہا ہے جب کہ کرکٹر کے پاکستانی مداح انہیں اپنے وطن آنے کی پیشکش بھی کررہے ہیں۔

  • فارن ایجنٹ سے کوئی سمجھوتہ نہیں کرنا چاہتا،مریم اورنگزیب

    فارن ایجنٹ سے کوئی سمجھوتہ نہیں کرنا چاہتا،مریم اورنگزیب

    اسلام آباد: وفاقی وزیر اطلاعات و نشریات مریم اورنگزیب نے عمران خان کے بیان پر ردعمل دیتے ہوئے کہا ہے کہ رو، چیخو یا پٹو، تم سے کوئی سمجھوتہ کرنے کونہیں ہے۔

    باغی ٹی وی: مریم اورنگزیب کا کہنا تھا کہ عمران خان کی ‘رجیم ہٹانے والوں’ ، ‘امپورٹڈ حکومت’ اور خود پر ‘حملہ کرانے والوں ‘، سب سے سمجھوتے کی بات ، سمجھوتہ نہیں، این آر او کے لیے منتیں ہیں۔

    سب سے بات کرنے سمجھوتہ کرنے کو تیار ہوں، عمران خان

    انہوں نے کہا کہ جنہیں “میرجعفر،میر صادق” کہا، سب کو معاف کرنے کو تیار ہو؟ مگر گھڑی چور فارن ایجنٹ سے کوئی سمجھوتہ نہیں کرنا چاہتا۔

    مریم اورنگزیب نے کہا کہ یہ سمجھوتہ نہیں این آر او کا منتیں ہیں، سمجھوتے کی بات اس لئے کیونکہ ہیروں, 190 ملین پاؤنڈ کے بند لفافے، القادر ٹرسٹ کی ٹرسٹی کو جواب نہ دینا پڑے-

    لیفٹیننٹ جنرل (ر) نذیر احمد کوچیئرمین نیب تعینات کر دیا

    واضح رہےکہ گزشتہ روز سابق وزیراعظم عمران خان نے ویڈیو لنک کے ذریعےکارکنوں سے خطاب میں کہا تھا کہ وہ سب سے بات کرنے اور سب سے سمجھوتہ کرنےکے لیے تیار ہیں۔

    عمران خان کا کہنا تھا کہ سیاستدان سب سے بات کرتا ہےکسی سے کُٹی نہیں کرتا لیکن جو لوگ ملک کا پیسا چوری کرتے ہیں ان سے کیسے سمجھوتہ ہوسکتا ہے؟ جنرل باجوہ نے کہا کہ ان کو این آر او دے دو ، میں کون ہوتا ہوں کہ عوام کا پیسا ان کو معاف کردوں؟ میں سب سے بات کرنےکو تیار ہوں، مجھے پتا ہے کہ قاتلانہ حملے میں کون کون ملوث تھا، ملک کی خاطر میں خود پر ہونے والے قاتلانہ حملے میں ملوث افراد کو معاف کرنےکو تیار ہوں-

    قومی ایئرلائن نے حج 2023 کیلئے کرایوں کا اعلان کردیا

  • ملک میں مہنگائی نے عوام کی کمر توڑ کر رکھ دی

    ملک میں مہنگائی نے عوام کی کمر توڑ کر رکھ دی

    ملک میں مہنگائی نے عوام کی کمر توڑ کر رکھ دی ہے-

    باغی ٹی وی: مہنگائی میں ذخیرہ اندوز بھی عوام کا امتحان لے رہے ہیں، مارکیٹ سے آٹا بھی غائب ہے، جہاں مل رہا ہے وہاں آٹےکی من مانی قیمتوں نے عوام کو پریشان کر رکھا ہے-

    بیسن 275 روپےکلو ، اچھے والے سفید چنے کا ریٹ 500 روپے، ماش کی دال 460، دال مسور 240، ملکہ مسور 260 اور روزانہ استعمال کا چاول بھی ساڑھے 3 سو روپے سے تجاوز کرگیا ہے۔

    تیل، گھی، مرغی، مچھلی اور گوشت کا ریٹ تو گھنٹوں کے حساب سے بدل رہا ہے، عوام دہائیاں دیتے ہیں کہ ان کی دسترس سے تو اب آلو، ٹنڈے ، ٹماٹر، پیاز، گوبھی اور تورئی سمیت دیگر سبزیوں کی قیمتیں بھی باہر ہوچکی ہیں۔

    لاہورمیں لیموں کی قیمت 50 روپے اضافے کے بعد 200 روپے فی کلو تک پہنچ گئی،درآمد شدہ ادرک بھی 50 روپے اضافے کے بعد 650 روپے فی کلو تک پہنچ گئی،اتوار بازار میں لہسن فی کلو 360 سے 400 روپے تک فروخت ہورہا ہے،گاجر کی فی کلو قیمت 48 سے بڑھ کر 60 روپے ہوگئی،پیاز کی فی کلو قیمت میں30 روپے 150 روپےفی کلو میں دستیاب ہےآلو 50،کھیرا 80،بیگن 90 اورشملہ مرچ 100 روپے فی کلو میں دستیاب ہے-

    لاہور میں زندہ برائلر مرغی کی فی کلو قیمت 416 ہوگئی،برائلر گوشت کی قیمت فی کلو624 روپے مقرر کی گئی، مارکیٹ میں فارمی انڈوں کی فی درجن قیمت 238 روپے مقرر ہو گئے-

    کراچی میں مرغی کا گوشت فی کلو 720 روپے میں دستیاب ہے،زندہ مرغی کی فی کلو قیمت 480 روپےمیں فروخت ہورہی ہے-

    ملتان میں برائلز مرضی کا گوشت فی کلو600 روپے میں دستیاب ہے،برائلر زندہ مرضی کا سرکاری ریٹ 386 روپے مقرر ہے، برائلر زندہ مرضی کا فی کلوسرکاری ریٹ 386 روپے مقرر ہے،

    پشاورمیں زندہ مرغی کی قیمت میں 10روپے کمی ریکارڈ کی گئی،زندہ مرضی فی کلو 445 سے کم ہو کر 435 کی ہوگئی،

  • ہم کپتان بابر اعظم کے لیے جان دینے کو تیار ہیں،شان مسعود

    ہم کپتان بابر اعظم کے لیے جان دینے کو تیار ہیں،شان مسعود

    قومی ٹیم کے بیٹر اور ایچ بی ایل پاکستان سپر لیگ (پی ایس ایل) 8 میں ملتان سلطانز کی نمائندگی کرنے والے شان مسعود کا کہنا ہے کہ ان سمیت دیگر کھلاڑی کپتان بابر اعظم کے لیے جان دینے کو تیار ہیں۔

    باغی ٹی وی: نجی ٹی وی چینل سے گفتگو کرتے ہوئے شان مسعود نے کہا کہ سب سے پہلے لیڈر آتا ہے، ہم سب کا مشترکہ گول پاکستان ہے، ہم بہت سی خبریں دیکھتے ہیں کہ لوگ ٹیم کو ادھر سے اُدھر کرنے کی کوشش کررہے ہیں، لیکن ہمیں ذاتی طور پر کسی سے کوئی مسئلہ نہیں ہے، ہم پاکستان کے لیے کھیلتے ہیں۔

    بلوچستان: اعلیٰ افسران سمیت 68 پولیس اہلکار معطل

    شان مسعود نے کہا کہ ہم سب کھلاڑی بابر اعظم کے پیچھے کھڑے ہیں، جب ہمارے کپتان سرفراز احمد تھے ، تب بھی ہم جان دینے کو تیار تھے اور اب بابر اعظم کے لیے بھی ہم سب جان دینے کو تیار ہیں۔

    کرکٹر نے کہا کہ شاہین آفریدی میرا پسندیدہ بولر ہے لیکن اس کے پہلے اوور میں بچنا بہت مشکل ہے اگر آپ شاہین کے پہلے اوور میں بچ رہے ہیں اور اسے کہیں پر چھکا مار رہے ہیں تو آپ بہت اچھا کر رہے ہیں کیونکہ اس وقت وہ دنیا کا نمبر ون بولر ہے۔

    قومی ایئرلائن نے حج 2023 کیلئے کرایوں کا اعلان کردیا

    شان نے کہا کہ ہمیں بہت اچھا لگے گا اگر ایچ بی ایل پی ایس ایل 8 کا فائنل بھی ملتان اور لاہور کے درمیان ہو۔

    واضح رہے کہ پی ایس ایل 7 کا فائنل ملتان سلطانز اور لاہور قلندرز کے درمیان ہوا تھا جس میں فاتح قلندرز کی ٹیم قرار پائی تھی۔

  • وزیراعظم شہباز شریف 2 روزہ دورے پر قطر پہنچ گئے

    وزیراعظم شہباز شریف 2 روزہ دورے پر قطر پہنچ گئے

    اسلام آباد: وزیراعظم شہباز شریف 2 روزہ دورے پر قطر پہنچ گئے-

    باغی ٹی وی: وفاقی وزیر اطلاعات کے مطابق وزیراعظم شہباز شریف ترقی پذیر ممالک سے متعلق اقوام متحدہ کی کانفرنس میں شرکت کریں گے دو روزہ کانفرنس آج سے دوحہ میں شروع ہوگی، ترقی پذیر ممالک کی کانفرنس کا یہ پانچواں اجلاس ہے، کانفرنس میں ترقی پذیر ممالک میں پائیدار ترقی تیز کرنے کے اقدامات پر غور ہوگا۔


    امیر قطرکانفرنس میں شریک سربراہان مملکت کے اعزاز میں استقبالیہ دیں گے، وزیراعظم شہباز شریف بھی امیر قطر کے استقبالیہ میں شرکت کریں گے۔

    وزیراعظم شہبازشریف 6 مارچ کو کانفرنس کے اجلاس سے خطاب کریں گے، وزیراعظم کانفرنس میں شریک رہنماؤں اور وفود کے سربراہان سے بھی ملیں گے۔

  • ملک میں ہیٹ ویو رواں ماہ میں ہی آنےکا امکان

    ملک میں ہیٹ ویو رواں ماہ میں ہی آنےکا امکان

    محکمہ موسمیات نے مارچ، اپریل اور مئی کا موسمیاتی جائزہ جاری کر دیا ہے-

    باغی ٹی وی: محکمہ موسمیات کے مطابق ملک میں ہیٹ ویو رواں ماہ میں ہی آنےکا امکان ہے ماہرین کے مطابق مارچ، اپریل اور مئی میں ہیٹ ویو کے امکانات ہیں، ملک کے بیشتر علاقوں میں دن اور رات کا درجہ حرارت معمول کے اوسط درجے سے زائد رہنےکا امکان ہے۔

    وزیر اعظم شہبازشریف آج قطر کا 2 روزہ دورے پر قطر روانہ ہوں گے

    محکمہ موسمیات نے پیشین گوئی کی ہےکہ ملک کے بیشتر حصوں میں بارشیں معمول کے مطابق ہونےکا امکان ہےجبکہ خیبرپختونخوا کے شمالی علاقوں میں معمول سے کم بارشوں کا امکان ہے،گلگت بلتستان کے بیشتر علاقوں میں بھی معمول سےکم بارشیں ہوں گی۔

    رواں برس میں پہلی اور آخری بار چاند آج رات خانہ کعبہ کے عین اوپرآگیا

    کراچی میں آج موسم گرم اور خشک رہے گا،کراچی میں سمندری ہوائیں بند ہونے کے باعث دن میں گرمی اور حبس کا امکان ہے،کراچی کاموجودہ درجہ حرارت 23 ڈگری سینٹی گریڈ ہے،،8 کلومیٹر فی گھنٹے کی رفتار سے ہواچل رہی ہے،دن میں درجہ حرارت 33 سے 35 ڈگری سینٹی گریڈ تک رہے گا.کراچی میں فی الحال بارش کا کوئی امکان نہیں ہے-

    دوسری جانب لاہور اور گردونواح میں آج موسم خشک رہے گا،آج کم سے کم درجہ حرارت 14 ڈگری سینٹی گریڈ رہےگا، آج ہوا میں نمی کا تناسب 38 فیصد ہے-

    موٹر سائیکلوں کی قیمتوں میں بڑا اضافہ

  • چین کا دفاعی بجٹ میں 7.2 فیصد اضافے کا اعلان

    چین کا دفاعی بجٹ میں 7.2 فیصد اضافے کا اعلان

    چین نے رواں سال کے لیے معاشی ترقی کا ہدف تقریباً 5 فیصد مقرر کیا ہے۔

    باغی ٹی وی: خبر ایجنسی کے مطابق چین نے اتوار کے روز آئندہ سال کے لیے اپنے دفاعی بجٹ میں 7.2 فیصد اضافے کا اعلان کیا، جو گزشتہ سال کے 7.1 فیصد اضافے کی شرح سے تھوڑا زیادہ ہے معاشی ترقی کے ہدف کا اعلان چینی وزیراعظم نے سالانہ نیشنل پیپلز کانگریس کے موقع پرکیا۔

    وزیر اعظم شہبازشریف آج قطر کا 2 روزہ دورے پر قطر روانہ ہوں گے

    یہ مسلسل آٹھویں سال سنگل ہندسوں کے فیصد پوائنٹ میں اضافہ ہے جو اب دنیا کا دوسرا سب سے بڑا فوجی بجٹ ہے۔ 2023 کا اعداد و شمار 1.55 ٹریلین یوآن ($ 224 بلین) کے طور پر دیا گیا تھا، جو 2013 سے تقریباً دوگنا ہے۔

    تقریباً 5 فیصد معاشی ترقی کا ہدف گزشتہ دہائیوں کا کم ترین ہدف ہے چین نے دفاعی بجٹ 7.2 فیصد بڑھانےکا اعلان کیا ہے جو 225 ارب ڈالر بنتا ہے۔

    چین کا اس سال تقریباً 12 ملین نئی ملازمتیں پیدا کرکے شہری بے روزگاری کی شرح کو 5.5 فیصد تک لے جانے کا ارادہ ہے۔

    بلوچستان: اعلیٰ افسران سمیت 68 پولیس اہلکار معطل

    دنیا کی سب سے بڑی فوج کے ساتھ ساتھ، چین کے پاس دنیا کی سب سے بڑی بحریہ ہے اور اس نے حال ہی میں اپنا تیسرا طیارہ بردار بحری جہاز لانچ کیا ہے۔ امریکہ کے مطابق، اس کے پاس انڈو پیسیفک میں سب سے بڑی ایوی ایشن فورس بھی ہے، اس کے نصف سے زیادہ لڑاکا طیارے چوتھی یا پانچویں نسل کے ماڈلز پر مشتمل ہیں۔

    چین میزائلوں کے بڑے ذخیرے کے ساتھ ساتھ اسٹیلتھ ہوائی جہاز، جوہری ہتھیار پہنچانے کی صلاحیت رکھنے والے بمبار، جدید سطح کے جہاز اور جوہری طاقت سے چلنے والی آبدوزوں کی بھی فخر کرتا ہے۔

    20 لاکھ رکنی پیپلز لبریشن آرمی حکمران کمیونسٹ پارٹی کا عسکری ونگ ہے، جس کی قیادت صدر اور پارٹی رہنما شی جن پنگ کی قیادت میں پارٹی کمیشن کرتا ہے۔

    موٹر سائیکلوں کی قیمتوں میں بڑا اضافہ

  • 800 سال پرانی ممی کو "روحانی گرل فرینڈ” بنانے والا نوجوان گرفتار

    800 سال پرانی ممی کو "روحانی گرل فرینڈ” بنانے والا نوجوان گرفتار

    پیرو میں ایک شخص کو اس کے کولر بیگ سے 600 سے 800 سال پرانی ممی ملنے کے بعد گرفتار کر لیا گیا ہے۔ پولیس کے مطابق ہفتے کو پنو شہر کے ایک پارک میں تین افراد شراب پیتے ہوئے پائے گئے جب ان کے پاس سے باقیات ملی تھیں۔

    باغی ٹی وی: غیر ملکی میڈیا رپورٹس کے مطابق پولیس کو ہفتے کی دوپہر کو پونو شہر کے ایک پرانے پارک میں شراب پینے والے تین نوجوانوں کی تلاشی کے دوران 26 سالہ جولیو سیزر کےکولر بیگ سے ممی ملی۔

    26 سالہ جولیو سیزر برمیجو نامی اس شخص نے مقامی میڈیا کو بتایا کہ یہ ممی شدہ باقیات تقریباً 30 سال قبل اس کےوالد گھرلائے تھے،اور جب سے یہ اس کے خاندان کا حصہ ہے۔

    گرفتار ہونے کے بعد جولیو سیزر نے مقامی میڈیا سے بات کرتے ہوئے اس ممی کو اپنی ‘روحانی گرل فرینڈ’ قرار دیا، اس نے بتایا کہ وہ اسے ‘جوانیتا’ کے نام سے پکارتا ہے جبکہ وہ ممی کو اپنے ساتھ کمرے میں ہی رکھتا ہے،وہ میرے ساتھ سوتی ہے۔ میں اس کا خیال رکھتا ہوں۔

    حکام کا کہنا ہے کہ یہ ممی دراصل سیکڑوں سال قبل وفات پائے گئے 45 سالہ شخص کی ہے، پولیس نے ممی کو پیرو کی وزارت ثقافت کے حوالے کر دیا ہے جس نے ممی کو قومی ثقافتی اثاثہ قرار دیا ہے۔

    وزارت ثقافت کے مطابق، خیال کیا جاتا ہے کہ یہ ممی ایک بالغ مرد ہے، ممکنہ طور پر پیرو کے اسی علاقے سے ہے۔

    فرانس 24 کے مطابق وزارت کے ایک ماہر نے کہا کہ "یہ جوانیتا نہیں ہے، یہ جوآن ہے،” انہوں نے مزید کہا کہ اس مرد کی عمر 45 سال سے زیادہ تھی۔

    برمیجو نے باقیات بیچنے کی کوشش سے انکار کرتے ہوئے پولیس کو بتایا کہ اس نے اسے پارک میں کولر بیگ میں رکھا تھا کیونکہ "میرے دوست اسے دیکھنا چاہتے تھے۔”

    رپورٹس میں بتایا گیا ہے کہ حکام اس معاملے کی تحقیقات کر رہے ہیں اس سلسلے میں جولیو سیزر کے ساتھ اس کے دو نوں دوستوں کو بھی حراست میں لے لیا گیا ہے۔

  • روس کی عظیم جدت پسند شاعرہ انا اخماتووا

    روس کی عظیم جدت پسند شاعرہ انا اخماتووا

    انا اخماتووا بین الاقوامی شہرت یافتہ روسی شاعرہ ہیں جنھیں روس میں اور دوسرے ممالک میں غنائی شاعری کے لیے بڑی شہرت و مقبولیت حاصل ہے۔

    حالات زندگی
    ۔۔۔۔۔۔۔
    انا اخماتووا یوکرین کے شہر اوڈیسا، روسی سلطنت میں 23 جون 1889ء میں پیدا ہوئیں۔ حب الوطنی کی جنگ کے زمانے میں انا اخماتووا نے اپنے ریڈیو نشریوں میں اور اخبارات میں عوام کے گیت گائے۔ پچھلے برسوں میں ان کی نظموں کے ترجمے انگریزی، بلگاریائی، چیکاسلواکیائی، جرمن، رومانیائی، فرانسیسی، فارسی اور اردو زبانوں میں کتابی صورت میں شائع ہو چکے ہیں۔ انا اخما تووا اپنی وفات سے دو سال پہلے روسی ادیبوں کی انجمن کی صدر منتخب ہوئیں۔
    نظمیں
    ۔۔۔۔۔۔۔
    ۔ (1)نیم شب کی نظمیں
    ۔ (2)خاکِ وطن
    ۔ (3)شام ڈھلے
    ۔ (4)جہانِ سخن
    ۔ (5)حلف
    ۔ (6)مردانگی

    وفات
    ۔۔۔۔۔۔۔
    روس کی عظیم جدت پسند شاعرہ انا اخماتووا 76 سال کی عمر میں 05 مارچ 1966ء کو ماسکو، سویت یونین میں حرکتِ قلب بند ہونے کے باعث وفات کر گئیں اور لینن گراڈ میں تدفین ہوئی۔