Baaghi TV

Tag: تازہ ترین

  • عبدالطیف آفریدی قتل کیس،نامزد 3 ملزمان عدالت پیش

    عبدالطیف آفریدی قتل کیس،نامزد 3 ملزمان عدالت پیش

    اے ٹی سی پشاور،سابق صدر سپریم کورٹ بار عبدالطیف آفریدی قتل کیس کی سماعت ہوئی

    عبدالطیف آفریدی قتل کیس میں نامزد 3 ملزمان انسداد دہشتگردی عدالت میں پیش کر دیئے گئے عدالت نے ملزمان کی جسمانی ریمانڈ میں مزید ایک روزکی توسیع کردی،اس موقع پر سیکورٹی کے سخت انتظامات کئے گئے تھے، 16جنوری کو عبدالطیف آفریدی کو ہائیکورٹ بار روم میں فائرنگ کرکے قتل کیا گیا تھا

    مبینہ اطلاعات کے مطابق سینئر وکیل لطیف آفریدی کا قتل مبینہ طورپر خاندانی دشمنی کی بنا پر ہوا، اس کی بنیاد یہ ہے ، مبینہ قاتل عدنان آفریدی جج آفتاب آفریدی کا بھتیجا ہے جن کو اپریل میں موٹروے پر ان کی اہلیہ، حاملہ بہو اور پوتے پوتیوں سمیت قتل کیا گیا اورقتل کے الزام میں لطیف آفریدی اوران کا بیٹا نامزد تھے.

    جج قتل کیس، لطیف آفریدی کی درخواست ضمانت پر عدالت نے فیصلہ سنا دیا

    جج آفتاب آفریدی قتل کیس، پولیس کا ملزمان کو گرفتار کرنے کا دعویٰ، کیا برآمد کر لیاِ؟

    خیبر پختونخوا بارکونسل نے سیکیورٹی کوتاہی پراعلیٰ سطح تحقیقات کرانے کا مطالبہ کرتے ہوئے کہا تھا کہ واقعہ سے وکلا میں تشویش پائی گئی تھی جبکہ مطالبہ کیا گیا تھا وکلا تحفظ ایکٹ کو فوری طورپر نافذ العمل کیا جائے۔

  • ن لیگ جسٹس مظاہرعلی نقوی کیخلاف سپریم جوڈیشل کونسل پہنچ گئی

    ن لیگ جسٹس مظاہرعلی نقوی کیخلاف سپریم جوڈیشل کونسل پہنچ گئی

    مسلم لیگ ن لائرز فورم نے جسٹس مظاہرعلی نقوی کیخلاف سپریم جوڈیشل کونسل میں شکایت درج کرا دی

    جسٹس مظاہرعلی نقوی کیخلاف شکایت مبینہ آڈیو لیک کی بنیاد پر دائر کی گئی درخواست میں چودھری پرویزالہٰی کیساتھ مبینہ گفتگو کا ٹرانسکرپٹ بھی شامل کیا گیا ہے،درخواست میں کہا گیا ہے کہ کوڈ آف کنڈکٹ کی خلاف ورزی ہوئی، ارروائی کی جائے جسٹس مظاہر نقوی کے خلاف آرٹیکل 209 کے تحت کارروائی کی جائے

    قبل ازیں سیکرٹری سپریم جوڈیشل کونسل کو ریفرنس میاں داؤد ایڈووکیٹ کی جانب سے بھجوایا گیا ہے ریفرنس میں سپریم کورٹ کے جج، ان کے اہلخانہ کی جائیدادوں کی اور آڈیو لیک جسیے معاملات کی تحقیقات کرنے کی استدعا کی گئی ہے

    طالبان کا امریکی فوجی اڈوں کو اکنامک زونز میں تبدیل کرنے کا فیصلہ
    چیٹ جی پی ٹی نے نریندر مودی کودنیا کی متنازع ترین شخصیات میں سے ایک قرار دیا
    کھمبے سے باندھ کر لوہے کی راڈ گرم کرکے جسم کے مختلف حصوں میں لگانے کی ویڈیو وائرل

    ریفرنس میں اپیل کی گئی ہےکہ سپریم جوڈیشل کونسل جسٹس مظاہر علی اکبر نقوی کے اثاثوں کی تحقیقات کرے جسٹس مظاہر علی اکبر نقوی کے اثاثے 3 ارب روپے سے زائد مالیت کے ہیں جسٹس مظاہر علی اکبر نقوی کا فیڈرل ایمپلائز ہاؤسنگ سوسائٹی میں ایک کنال کا پلاٹ ہے جسٹس مظاہر علی اکبر نقوی کا سپریم کورٹ ہاؤسنگ سوسائٹی میں ایک کنال کا پلاٹ ہے۔ گلبرگ تھری لاہور میں 2 کنال 4 مرلےکا پلاٹ ہے۔سینٹ جون پارک لاہور کینٹ میں 4 کنال کا پلاٹ ہے۔اثاثوں میں گوجرانوالا الائیڈ پارک میں غیر ظاہر شدہ پلازہ بھی شامل ہے جسٹس مظاہر علی اکبر نقوی نے مبینہ طور پر 2021 میں 3 بار سالانہ گوشواروں میں ترمیم کی، گوشواروں میں ترمیم گوجرانوالا ڈی ایچ اے میں گھر کی مالیت ایڈجسٹ کرنےکے لیےکی گئی ،پہلے گھرکی مالیت47 لاکھ پھر 6 کروڑ اور پھر 72 کروڑ ظاہرکی گئی

  • عمران خان کا ٹرک ڈرائیوروں سمیت پکڑا جا چکا ہے،مریم نواز

    عمران خان کا ٹرک ڈرائیوروں سمیت پکڑا جا چکا ہے،مریم نواز

    مسلم لیگ ن کی رہنما ،چیف آرگنائزر مریم نواز کی زیر صدارت گوجرانوالہ ڈویژن کی مرکزی تنظیم کا اجلاس ہوا

    مریم نواز نے گوجرانوالہ تنظیمی کنونشن پر ڈویژن عہدیداروں کی کارکردگی کی تعریف کی،مریم نواز کا کہنا تھا کہ ٹیم گوجرانوالہ نے پارٹی کے دیگر ڈویژنز کو چیلنج دیا ہے، امید اور یقین ہے کہ پارٹی کے تمام ڈویژنز چیلنج کو قبول کریں گے، تنظیمی کنونشن پارٹی کو مزید بہتر، مضبوط اور فعال بنانے کا ذریعہ ثابت ہوئے ہیں، شناخت اور جماعت کو مٹانے والےخود مٹ گئے، ہماری قیادت ایمان دار، نیک نام اور کارکردگی کے امتحان میں سرخرو ہوئی، الزام لگانے والے آج منہ چھپاتے پھرتے ہیں پتلی تماشہ کرنے والے گھروں میں قید ہوچکے ہیں، مشکل معاشی حالات میں ڈوبا ملک پہلی بار ہمیں نہیں ملا، ملک مسائل میں جب ڈوب جاتا ہے، تب ہی نواز شریف اور شہباز شریف کو آنا پڑتا ہے آج مشکل ضرور ہے لیکن معاشی اندھیرے ختم ہوں گے،سازشیوں کی سازش ہے کہ معیشت نہ سنبھلے شیر قوم کو مسائل اور انہیں پیدا کرنے والوں سے نجات دلائے گا،عمران خان کا ٹرک ڈرائیوروں سمیت پکڑا جا چکا ہے،

    معلوم نہیں عمران خان کی ٹانگ خراب ہے یا دماغ،اسحاق ڈار پھٹ پڑے
    میاں نے پستول تو بیوی نے اٹھائی کلاشنکوف،براہ راست فائرنگ،دونوں کی موت
    صحافیوں کے حقوق،مجوزہ قانون سازی کا ڈرافٹ تیار کرنے کیلئے پانچ رکنی کمیٹی تشکیل
    آج کی نسل سیکھی سکھائی ہے سینئرز کو ان سے سیکھنا چاہیے ڈاکٹر یونس بٹ

    قبل ازیں گزشتہ شب مریم نواز نے کھلونا ٹرک اٹھائے گوجرانوالہ میں کنونشن سے خطاب میں کہا تھا کہ جو کہتے ہیں نوجوان ن لیگ کے ساتھ نہیں وہ اس کنونشن کو دیکھ لیں، گوجرانوالہ والو کیا بات ہے،آج تم ٹرک بھرکر لے آئے ہو، فواد چوہدری کی آڈیو سنی ہے، عدالت کے آگے ٹرک کھڑا کردیا تھا، اب یہ نہ کہہ دینا ٹرک مریم نواز چلا رہی تھی، اب مجھے کچھ کہنے کی ضرورت نہیں، ٹرک چلتا دیکھ کر لوگ خود سمجھ جائیں گے۔

  • عمران خان کے سازش سے متعلق بیانیے میں تضاد ہے،شازیہ مری

    عمران خان کے سازش سے متعلق بیانیے میں تضاد ہے،شازیہ مری

    باغی ٹی وی کی رپورٹ کے مطابق وفاقی وزیر شازیہ مری نے کہا ہے کہ عوام کو اشیا ضروریہ کیلئے ریلیف دینا ہر وزیراعظم کی ذمہ داری ہوتی ہے،

    خان گڑھ میں بینظیر ڈائنامک رجسٹری سنٹر کے افتتاح کے موقع پرشازیہ مری کا کہنا تھا کہ عمران خان کے سازش سے متعلق بیانیے میں تضاد ہے،گزشتہ حکومت نے عوام کو کوئی ریلیف فراہم نہیں کیا،بینظیر انکم سپورٹ پروگرام عوام کو ریلیف دینے کے لیے شروع کیا گیا تھا، عمران خان 6،6 حلقوں سے الیکشن لڑنے کی ضد کرتے ہیں مگر اسمبلی نہیں جاتے،سیلاب میں حکومت نے معاشی بوجھ کے باوجود70ارب روپے مختص کیے،بی آئی ایس پی کے ذریعے لاکھوں گھرانوں کو انکم سپورٹ فراہم کی گئی ضلع مظفر گڑھ میں 6 ڈائنامک رجسٹری سینٹر بنائےجائیں گے،3لاکھ 21 ہزار سے زائد خاندانوں کو وظائف دیئے جا رہے ہیں، بینظیر کفالت کی اگلی قسط کے لیے 78 ارب سے زائد کی رقم رکھی ہے،بے نظیر کفالت پروگرام کا سالانہ بجٹ 252 ارب روپے ہے،

    قبل ازیں شازیہ مری کا کہنا تھا کہ شہید ذوالفقار علی بھٹو کیس کے صدارتی ریفرنس کی جلد سماعت کی جائے، شہید ذوالفقار علی بھٹو کیس کا ریفرنس 10 سال سے سماعت کا منتظر ہے بھٹو ریفرنس کی سماعت میں تاخیر انصاف سے انکار کے مترادف ہے سپر ڈومیسائل نے عمران احمد نیازی کو لاڈلا پلس بنا دیا ہے، لاڈلے پلس کی آمد کیلئے عدالت ایک ہفتے تک انتظار کرتی ہے محترمہ بینظیر بھٹو شہید سے بھی انصاف نہیں ہوا ٹرائل کورٹ کے خلاف آصف علی زرداری کی اپیل کی جلد سماعت کی جائے،قوم سوال کرتی ہے کہ بھٹو خاندان سے انصاف کب ہوگا،

    مقدس مقام اور عبادت کے دوران حملہ سفاکیت کی انتہاء ہے,مولانا فضل الرحمان

    سیکیورٹی کے باوجود خود کش حملہ آور کیسے مسجد پہنچا انکوائری ہو گی،وزیر داخلہ

    پشاور دھماکہ / شہداء فہرست

    امریکہ، ایران، ترکی، سمیت دیگر ممالک نے بھی مذمت کی

    ہوسکتا ہے کہ حملہ آور پہلے سے ہی پولیس لائنز میں موجود ہو 

    نیشنل ایکشن پلین پر سختی سے عمل کرنے کی ضرورت ہے،

  • وزیراعظم شہبازشریف کے دو روزہ دورہ قطر کا شیڈول

    وزیراعظم شہبازشریف کے دو روزہ دورہ قطر کا شیڈول

    باغی ٹی وی کی رپورٹ کے مطابق وزیراعظم شہبازشریف کل دوحہ کے 2 روزہ دورے کے لیے روانہ ہوں گے

    ترجمان دفتر خارجہ کے مطابق وزیراعظم شہباز شریف اقوام متحدہ کی کانفرنس میں شرکت کے لیے کل دوحہ قطر روانہ ہوں گے وزیراعظم شہباز شریف امیر قطر کی دعوت پر قطر کا دو روزہ دورہ کریں گے، وزیراعظم شہباز شریف اقوام متحدہ کے زیر اہتمام کم ترقی یافتہ ممالک کی کانفرنس میں شرکت کریں گے۔ اقوام متحدہ کی کانفرنس میں کم ترقی یافتہ ممالک میں پائیدار ترقی کو تیز کرنے کے اقدامات پر غور کیا جائے گا، اقدامات سے کم ترقی یافتہ ممالک کو خوشحالی کی راہ پر ترقی کرنے میں مدد ملے گی کانفرنس میں قائدین ترقی یافتہ ممالک کے حق میں امدادی اقدامات کو متحرک کریں گے ،

    ترجمان دفتر خارجہ کے مطابق دوحہ میں وزیراعظم شہباز شریف کانفرنس میں شریک رہنماؤں کے ساتھ دوطرفہ اجلاس اور ملاقاتیں کریں گے ۔ پاکستان دنیا بھر میں پائیدار ترقی کو فروغ دینے کے لئے اجتماعی آواز کو بڑھانے میں اہم کردار ادا کررہا ہے

    متحدہ عرب امارات کا قومی دن مبارک ہو!!! — بلال شوکت آزاد

    متحدہ عرب امارات کے51 ویں قومی دن پر تصویری نمائش کا انعقاد

    وفاقی وزیر قانون اعظم نذیر تارڑ سے متحدہ عرب امارات کے ہم منصب کی ٹیلی فونک بات چیت 

    سیلاب متاثرین کی مدد میں متحدہ عرب امارات کا مثالی کردار

    مقامی ہوٹل میں متحدہ عرب امارات کے 51ویں قومی دن کی تقریب منعقد ہوئی

  • ہندو قوم پرستی بھارت کو ٹکڑے ٹکڑے کر سکتی ہے،اروندھتی رائے

    ہندو قوم پرستی بھارت کو ٹکڑے ٹکڑے کر سکتی ہے،اروندھتی رائے

    بھارتی معروف و مشہور مصنفہ اروندھتی رائے نے خبر دار کیا ہے کہ ہندو قوم پرستی بھارت کو ٹکڑے ٹکڑے کر سکتی ہے

    اروندھتی رائے کا کہنا ہے کہ ہندو قوم پرستی بھارت کو چھوٹے چھوٹے ٹکڑوں میں توڑ سکتی ہے، جیسا کہ پہلے یوگوسلاویہ اور روس کے ساتھ ہوا ہے، لیکن ان کا مزید کہنا ہے کہ بالآخر بھارتی عوام نریندر مودی اور بی جے پی کے فاشزم کے خلاف مزاحمت کریں گے۔خبر رساں ادارے دی وائر کو دیئے گئے ایک انٹرویو میں اروندھتی رائے کہتی ہیں کہ بھارت کی موجودہ صورتحال "انتہائی مایوس کن ” ہے، انہوں نے سوال اٹھاتے ہوئے کہا کہ ہم نے جمہوریت کے لئے کیا کیا، بھارت میں کیا ہو رہا ہے، دن دہاڑے ہندو ہجوم مسلمانوں اور دلتوں کو سرعام تشدد کا نشانہ بناتے ہیں اور پھر ویڈیو بھی اپلوڈ کرتے ہیں، ان حالات میں یہی ہو سکتا ہے کہ لوگ اٹھ رہے ہیں اور پھر بھارت چھوٹے ٹکڑوں میں بدلے گا

    دی وائر کو انٹرویو میں اروندھتی رائے نے کشمیر کے بارے میں بھی بات کی۔ اور کہا کہ کشمیریوں کے بارے میں کہتی ہیں ،وہ ہندوستان کا حصہ کیوں بننا چاہیں گے؟ اگر آزادی وہی ہے جو وہ چاہتے ہیں، آزادی وہی ہے جو انہیں حاصل ہونی چاہیے ،کشمیر بھارت کو ہرا نہیں سکتا لیکن وہ بھارت کو کھا جائے گا، اروندھتی رائے کی ایک کتاب میں بھی کچھ ایسا لکھا ہے جس میں وہ کہتی ہیں کہ ایک دن کشمیر بھارت کو تباہ کر دے گا،

    اروندھتی رائے بھارت میں ہمیشہ سچ بولتی رہتی ہیں، انہوں نے اپنے ایک خطاب میں بھارتی وزیر اعظم نریندر مودی کو "بدترین آمر” اور ریاستی سرپرستی میں مسلمانوں پر حملوں کا ذمہ دار قرار دیا۔مصنفہ و سماجی کارکن اروندھتی رائے نے کہا کہ تمام حقائق ریکارڈ پر موجود ہیں لیکن حقائق کو توڑ مڑوڑ کر پیش کیا جارہا ہے، حکمران جماعت کے رہنماؤں کی اشتعال انگیز تقاریر، جے شری رام کے نعرے لگا کر حملہ کرنے والوں، خاموش تماشائی بنے یا جلاؤ گھیراؤ میں شامل اور نیم مردہ حالت میں مسلمان نوجوانوں پر ڈنڈے برسا کر ترانہ گانے پراصرار کرنے والے پولیس اہلکاروں کی ویڈیوز موجود ہیں۔ دہلی میں تشدد، فسادات نہیں، مسلمانوں کے خلاف منظم بربریت ہے۔بھارتی مصنف کینان ملک نے برطانوی اخبار دی گارڈین میں اپنے مضمون میں لکھا کہ دہلی کی سڑکوں پر خون کی ہولی کی ذمہ دار ہندو قوم پرست بی جے پی کا پھیلایا ہوا نفرت کا زہر ہے۔

  • خواہش تھی کہ صدر مملکت اور میں ایک ہی متفقہ تاریخ دیتے، گورنرخیبرپختونخوا

    خواہش تھی کہ صدر مملکت اور میں ایک ہی متفقہ تاریخ دیتے، گورنرخیبرپختونخوا

    الیکشن کمیشن کی جانب سے گورنر خیبرپختونخوا غلام علی کو انتخابات کے لیے خط گورنرہاوس خیبرپختونخوا کو موصول ہو گیا

    گورنرخیبرپختونخوا غلام علی کا کہنا ہے کہ خط سربمہر اور سیکریٹری کے نام ہے، میں کھولنے کا مجاذ نہیں، سیکریٹری چھٹی پر ہیں ، پیر کو آکر خود خط کھولیں گے خط کھولنے کے بعد ہی الیکشن کمیشن سے تاریخ کے حوالے سے بات کی جائیگی،دستیاب تاریخ میں الیکشن کروائینگے،انتظامات الیکشن کمیشن کا کام ہے، مجوزہ تاریخ وہ دینگے،میری خواہش تھی کہ صدر مملکت اور میں ایک ہی متفقہ تاریخ دیتے،صدر نے پنجاب انتخابات کا اعلان کیا، گزشتہ روز متفقہ تاریخ کیلئے رابطہ کیا تھا، صدر مملکت اعلان سے قبل متفقہ تاریخ کیلئے بلا لیتے تو اچھا پیغام جاتا،

    واضح رہے کہ گزشتہ روزالیکشن کمیشن نے صدرمملکت اور گورنر خیبرپختونخوا کو خط لکھا تھا ،چیف الیکشن کمشنر کی طرف سے سپریم کورٹ کے فیصلے کی روشنی میں صدرمملکت کو خط ارسال کیا گیا چیف الیکشن کمشنر سکندر سلطان راجہ کی زیرصدارت اجلاس ہوا اجلاس میں ممبران الیکشن کمیشن اور سیکریٹری نے شرکت کی، اجلاس کے بعد جاری اعلامئے میں کہا گیا ہے کہ سپریم کورٹ کے فیصلے کی روشنی میں صدر کوخط ارسال کر دیا، الیکشن کمیشن نے گورنر خیبر پختونخواہ کو مراسلے میں کہا ہے کہ سپریم کورٹ کے حکم کی روشنی میں آپ کے جواب کے منتظر ہیں

  • جیل جانے سے ہمارے حوصلے مزید بلند ہوگئے،شاہ محمود قریشی

    جیل جانے سے ہمارے حوصلے مزید بلند ہوگئے،شاہ محمود قریشی

    باغی ٹی وی کی رپورٹ کے مطابق تحریک انصاف نے جیل بھرو تحریک ختم کی تو گرفتار کارکنان و رہنماؤں کی رہائی کے لئے عدالت سے رجوع کیا، عدالت نے گزشتہ روز تمام گرفتار رہنماؤں کو رہا کرنے کا حکم دیا جس کے بعد تحریک انصاف کے رہنما رات گئے رہا ہو گئے،

    رہائی پانے والوں میں شاہ محمود قریشی، اسدعمر، اعظم سواتی، زلفی بخاری اور فیاض الحسن چوہان سمیت دیگر رہنما شامل ہیں ،رہائی کے بعد شاہ محمود قریشی کا کہنا تھا کہ سپریم کورٹ کے فیصلے سے حق کی فتح ہوئی ہے 2018 میں ہماری جیت نا مکمل تھی جیسے اب مکمل کیا جائے گا جیل جانے سے ہمارے حوصلے مزید بلند ہوگئے ہیں

    تحریک انصاف کے رہنما اسد عمر کا کہنا تھا کہ مجھے فخر ہے کہ میں نے پاکستان کے بہتر مستقبل کے لیے جیل کاٹی ہے ، 10 دن جیل میں رہنے سے ہم مزید مضبوط ہوگئے ہیں ، جیل بھرو تحریک کے دوران تحریک انصاف کے کارکنوں نے جو ہمت و حوصلہ دکھایا ہے وہ ہمارا فخر ہے

    تحریک انصاف کے رہنما زلفی بخاری کا رہائی کے بعد کہنا تھا کہ جیل بھرو تحریک کے تمام گرفتار قائدین جیل سے رہا ہو چکے ہیں،جیل بھرو تحریک کے تحت گرفتاریاں دینے والوں کے مشکورہیں،جیل بھرو تحریک مہنگائی کے خلاف اور الیکشن تاریخ لینے کے لیے چلائی گئی،سپریم کورٹ کا انتخابات سے متعلق حکم نامہ خوش آئند ہے عمران خان کی بہترین حکمت عملی کی بدولت ملک کا رخ الیکشن کی جانب مڑ چکا

    تحریک انصاف کے رہنماؤں کو جیل میں سہولیات دینے کا اعلان 

     تحریک انصاف کے رہنماء اور کارکن گرفتاری دیئے بغیر واپس روانہ 

    توشہ خانہ گرفتاری سے بچنے کے لیے جیل بھرو تحریک کا شوشہ چھوڑا گیا 

     گرفتار پی ٹی آئی رہنماوں کو دوسرے شہر منتقل کرنے کا فیصلہ

    عمران خان کی جاسوسی، آلات برآمد،کس کا کارنامہ؟

    جیل بھرو تحریک،تحریک انصاف کا رہنما گرفتاری دینے کی بجائے بھاگ نکلا،ویڈیو

  • آشیانہ اقبال ریفرنس پر سماعت ملتوی،گواہوں کے بیان قلمبند

    آشیانہ اقبال ریفرنس پر سماعت ملتوی،گواہوں کے بیان قلمبند

    احتساب عدالت لاہور میں آشیانہ اقبال ریفرنس پر سماعت 11 مارچ تک ملتوی کر دی گئی

    نیب کورٹ لاہور میں وزیراعظم شہبازشریف اور دیگر کیخلاف آشیانہ اقبال ریفرنس پر سماعت ہوئی،نیب کے گواہان امتیاز احمد، عبدالرﺅف مغل اور سعد محمود عدالت میں پیش ہوئے،وزیراعظم شہباز شریف کے پلیڈر انوار حسین حاضری کیلئے پیش ہوئے۔ نیب کے وعدہ معاف گواہ عارف مجید نے بھی شہبازشریف کو کلیئر قرار دے دیا،وعدہ معاف گواہ اسرارسعید بھی شہبازشریف کو کلیئر قراردے چکے ہیں،

    احتساب عدالت لاہور میں گواہ سابق ایم پی اے عبدالرؤف مغل کا بیان قلمبند کر لیا گیا،گواہ سابق ایم پی اے عبدالرؤف مغل نے عدالت میں بیان دیا کہ بورڈ آف ڈائریکٹر پی ایل ڈی سی کا ممبر منتخب ہوا تھا،ایل ڈی اے اور پی ایل ڈی سی میں معاہدہ ہوا، جو بھی چیزیں وہاں اجلاس میں ہوئیں وہ ریکارڈ میں آ چکی ہیں، 4اپریل کو میں نے اس کیس کی تفتیش جوائن کی اور بیان دیا

    بنی گالہ کے کتوں سے کھیلنے والی "فرح”رات کے اندھیرے میں برقع پہن کر ہوئی فرار

    ہمیں چائے کے ساتھ کبھی بسکٹ بھی نہ کھلائے اورفرح گجر کو جو دل چاہا

    فرح خان کتنی جائیدادوں کی مالک ہیں؟ تہلکہ خیز تفصیلات سامنے آ گئیں

    بنی گالہ میں کتے سے کھیلنے والی فرح کا اصل نام کیا؟ بھاگنے کی تصویر بھی وائرل

    بشریٰ بی بی کی قریبی دوست فرح نے خاموشی توڑ دی

    عدالت نے آشیانہ اقبال ریفرنس پر سماعت 11 مارچ تک ملتوی کردی وکلا نیب کے مزید گواہوں کے بیانات پر جرح آئندہ سماعت پر کریں گے

    نیب ریفرنس کے مطابق 16ہزار غریب شہریوں نے آشیانہ اقبال کیلئے 61 کروڑ روپے جمع کروائے ،پنجاب لینڈ ڈویلپمنٹ کمپنی نے 20 جنوری 2015 کو معاہدہ کیا، تین سال گزرجانے کے باوجود منصوبہ مکمل نہ ہو سکا، کمپنیوں کی نااہلی کی وجہ سے پنجاب حکومت کو 64 کروڑ 50لاکھ روپے سے زائد رقم کا نقصان اٹھانا پڑا

  • نجی ہاؤسنگ سوسائٹی میں چھاپے سے متعلق کیس،ڈی آئی جی آپریشنزکی عدالت طلبی

    نجی ہاؤسنگ سوسائٹی میں چھاپے سے متعلق کیس،ڈی آئی جی آپریشنزکی عدالت طلبی

    اسلام آباد ہائیکورٹ ،نجی ہاؤسنگ سوسائٹی میں چھاپے سے متعلق کیس کا تحریری حکمنامہ جاری کر دیا گیا

    عدالت نے ڈی آئی جی آپریشنز اور ڈی ایس پی لیگل کو آئندہ سماعت پر13 مارچ کو انکوائری سمیت طلب کر لیا،عدالت نے ڈی آئی جی آپریشنز اسلام آباد کو 10 دن میں انکوائری رپورٹ عدالت میں جمع کروانے کا حکم بھی دیا،عدالت نے تحریری فیصلے میں کہا کہ ڈی آئی جی آپریشنز اسلام آباد چھاپےکی تفصیلات عدالت میں جمع کروائیں،ڈی آئی جی آپریشنز اسلام آباد بتائیں کہ ایف آئی آر کن بنیادوں پر درج کی گئی؟درخواست گزار کی جانب سے عدالت کو جائے وقوعہ کی یو ایس بی مہیا کی گئی، اسلام آباد ہائیکورٹ کے جسٹس طارق محمود جہانگیری نے 4 صفحات پر مشتمل تحریری حکمنامہ جاری کردیا اسلام آباد ہائیکورٹ میں کیس کی آئندہ سماعت 13 مارچ کو مقررکر دی گئی

    دوسری جانب چیف کمشنر اسلام آباد نے عوامی شکایات پرغیر قانونی ہاوسنگ سوسائیٹیز کی تشہیر پر مکمل پابندی عائد کرتے ہوئے متعقلہ اداروں کو سخت کارروائی کا حکم دے دیا چیف کمشنر اسلام آباد کا کہنا ہے کہ اسلام آباد میں غیر قانونی ہاوسنگ سوسائیٹیز کی مارکیٹنگ پر پہلے سے عائد پابندیوں پر بھی مکمل عملدرآمد کروایا جائے۔چیف کمشنر اسلام آباد کی ہدایات پر غیر قانونی ہاوسنگ سوسائیٹیز کی ڈیجیٹل میڈیا کے ذریعے مارکیٹنگ روکنے کیلئے متعقلہ اداروں سے کوآرڈینیشن کر رہے ہیں ۔وفاقی دارالحکومت میں سی ڈی اے سے این او سی لیئے بغیر مارکیٹنگ کرنے والے تمام رہائشی/کمرشل منصوبے غیر قانونی ہیں۔عوام الناس رئیل اسٹیٹ سیکٹر میں سرمایہ کاری سے پہلے سی ڈی اے سے تصدیق کریں بیرون ملک پاکستانی بھی وفاقی دارالحکومت کی حدود میں رہائشی اور کمرشل منصوبوں میں سرمایہ کاری سے پہلے سی ڈی اے سے لازمی تصدیق کریں۔

    توہین رسالت کی مجرمہ خاتون کو سزائے موت سنا دی گئی

    مدرسے کی طالبات نے خاتون معلمہ کو گلی میں مبینہ طور پر ذبح کر دیا

    خواب دیکھا،استانی نے توہین مذہب کی، اسلئے ذبح کر دیا، ملزمہ طالبات کا بیان