Tag: تازہ ترین

باغی ٹی وی کی رپورٹ کے مطابق ن لیگی رہنما، وفاقی وزیر دفاع خواجہ آصف نے قومی اسمبلی اجلاس میں خطاب کرتے ہوئے کہا کہ اعلی عدلیہ کا الیکشن کے معاملے پر 9 رکنی بینچ خوش آئند ہے عدلیہ مسئلے کا حل تلاش کرے ایسی مثالیں سیٹ نہ کرے کہ نوازشریف کی 200 پیشیاں اورعمران خان کو فوری ضمانت مل جائے

وفاقی وزیر دفاع خواجہ آصف کا کہنا تھا کہ ملک میں سب سے پہلے سیاسی شہادت عدلیہ نے کی بھٹو کو پھانسی پر لگایا پھر نوازشریف کی آئینی شہادت ہوئی وہ بھی عدلیہ نے کی سیاستدانوں نے تاریخ میں ایسے نشانات ثبت کئے کہ قوم ان کو آج بھی یاد کرتی ہے ملکی تاریخ میں ایسا کبھی نہیں ہوا کہ ایک شخص کو عدالت طلب کیا جائے مگر وہ نہ آئے لاڈ پیار سے بلائیں اس کے باوجود نہیں آتا بعد میں عمران خان نے اپنی ضمانت کروا لی ان کے میڈیکل کس سرکاری ہسپتال نے تصدیق کی؟ 6 مہینے ہو گئے عمران خان کا پلاسٹر نہیں کھلا قوم کو کہتا ہے جیل جاو اور اپنی ضمانت قبل از گرفتاری کروا لی،خواجہ آصف نے مطالبہ کیا کہ اب عدلیہ اپنے وقار کیلئے شہادت دے ایسی مثال پیش کرے کہ ملک مضبوط آئینی ڈھانچے پر مبنی بنیادوں پر کھڑا ہو سکے

قومی اسمبلی میں اظہار خیال کرتے ہوئے خواجہ آصف نے انکشاف کیا کہ مجھے پرویز الٰہی نے خود بتایا کہ میں ایک بیوروکریٹ کی بیٹی کی شادی میں گیا تو میرے حلقے کا بندہ وہاں پر سلامی اکھٹی کر رہا تھا میں نے اسے بلا کر پوچھا کہ کتنی سلامی ہوئی ہے؟ اس نے جواب دیا کہ سر 72 کروڑ روپے اکھٹی ہو گئی ہے پیسے تھیلے میں ڈالے ہوئے ہیں اور ابھی سلسلہ جاری ہے، پرویز الٰہی نے کہا کہ میں نے اس سے پوچھا کہ ’ کام مُک گیا اے کہ جاری اے‘ ، اس نے بتایا کہ نہیں سر ابھی تک سلسلہ جاری ہے اسی بیوروکریٹ کی پہلی بیٹی کی شادی میں ایک ارب 20 کروڑ روپے سلامی ہوئی تھی جبکہ زیور اور گاڑیاں علیحدہ تھیں کسی نے اس بیورو کریٹ سے پوچھا ؟ہمیں تو پکڑتے ہوئے دو منٹ نہیں لگتے شاہ محمود قریشی کل کا پکڑا ہوا ہے،آج وہ رو رہا ہے اس کا بیٹا عدالت میں آیا ہواہے ۔شاہد خاقان عباسی کا 90 روز کا ریمانڈ ہوا، میرے ساتھ بیٹھے شخص نے 14 مہینے جیل کاٹی مریم نے جیل کاٹی وزیراعظم میرا ہمسایہ تھا مجھے وہ روٹی بھیجتا تھا

خواجہ آصف کا مزید کہنا تھا کہ ہم ماضی کی حکومت کا گند صاف کر رہے ہیں، دہشت گردی کے خلاف جنگ میں 86 ہزار جانیں گنوائیں عوام پولیس اور افواج کی جانوں کو خطرہ ہے، کسی کو اس کا احساس ہے؟ پچھلے 8 ماہ کے دوران عدلیہ نے جو حالات پیدا کئے ہیں ان کا ازالہ کریں ماضی میں عدلیہ کی بحالی کیلئے ہمیں اتحادی حکومت چھوڑنی پڑی، وکلا نے بھی بے شمار قربانیاں دیں۔ عدلیہ آرٹیکل 6 کو ری رائیٹ نہ کرے،عوام سمجھتے ہیں ہم کروڑوں روپیہ لیتے ہیں مگر ہم اپنے خرچے پر یہاں آتے ہیں ہماری تنخواہ ایک لاکھ 68 ہزار روپے ہے کچھ پارلیمنٹیرین پیدل چل کر قومی اسمبلی اجلاس میں شرکت کیلئے آتے ہیں

میڈم یہ کہتے ہیں بچے کو نہیں ملے گی،فردوس عاشق اعوان کو بچے نے پکڑ لیا

بے بس عوام:بےحس افسران:ACسیالکوٹ اورفردوس عاشق کےدرمیان ہونے والی نوک جھوک:ویڈیووائرل

سپریم کورٹ میں خیبر پختونخوا اور پنجاب میں انتخابات سے متعلق از خود نوٹس کی سماعت کے دوران فاروق ایچ نائیک نے بینچ میں شامل جسٹس اعجا ز الاحسن اور جسٹس مظاہر نقوی پر اعتراض اٹھا دیا عدالت نے سماعت پیر ساڑھے 11 بجے تک ملتوی کر دی

سپریم کورٹ میں کیس کی سماعت کے دوران (ن) لیگ کے وکیل منصور اعوان نے کہا کہ حکم کی کاپی ابھی تک دستیاب نہیں ہوئی چیف جسٹس عمر عطا بندیال نے ریمارکس دیتے ہوئے کہا کہ آج اکٹھے ہونے کا مقصد تھا کہ سب کو علم ہو جائے ،مختلف فریقین کے وکلاعدالت میں دیکھ کر خوشی ہوئی فارو ق ایچ نائیک نے کہا کہ ہمیں کوئی نوٹس نہیں ملا،درخواست ہے سب کو نوٹس جاری کیے جائیں بینچ کی تشکیل پر ہمیں 2 ججز پر اعتراض ہے دونوں ججز کو بینچ میں نہیں بیٹھنا چاہیے ،جسٹس اعجاز الاحسن اور جسٹس مظاہر نقوی کے بینچ میں شامل ہونے پر اعتراض ہے نہایت احترام سے ججز کے بینچ میں شامل ہونے پر اعتراض کر رہا ہوں اعتراض کرنے کا فیصلہ قائدین نے کیا ہے جے یو آئی ایف ، مسلم لیگ( ن) اور پاکستان بار کونسل کی جانب سے 2 ججز پر اعتراض اٹھایا گیا ہے

چیف جسٹس عمر عطا بندیال نے ریمارکس دیئے کہ آج پہلے سب کی حاضری لگائیں گے ، سوموار کو سب کو سنیں گے ،4 صوبائی وکلا کی نمائندگی عدالت میں موجود ہے ،سپریم کورٹ بار کسی اور وکیل کے ذریعے اپنی نمائندگی عدالت میں کرے، صدر کی جانب سے ان کے سیکریٹری عدالت میں پیش ہو رہے ہیں ، مجھے لگتا ہے ہم نے سب سیاسی جماعتوں کو نوٹس جاری کیے ، سب موجود ہیں عدالت میں گورنر پنجاب کے وکیل مصطفیٰ رمدے پیش ہوئے ہیں،فاروق ایچ نائیک نے( ن) لیگ ، پیپلز پارٹی اور جے یو آئی ایف کا مشترکہ بیان عدالت میں پڑھ کر سنایا ، فاروق ایچ نائیک نے کہا کہ (ن) لیگ ، پیپلز پارٹی اور جے یو آئی کا متفقہ بیان پڑھ رہاہوں، تینوں سیاسی جماعتیں احترام سے کہتی ہیں کہ 2رکنی بینچ کا از خود نوٹس کا حکم سامنے ہے۔ جسٹس جمال مندو خیل کا عدالت میں پڑھا گیا بیان بھی ہے، انصاف کی فراہمی ، فیئر ٹرائل کے تناظر میں دونوں ججز صاحبان کو بینچ میں نہیں بیٹھنا چاہیے۔ جسٹس اطہر من اللہ نے ریمارکس دیتے ہوئے کہا کہ کیا یہ مناسب نہیں ہو گا معاملہ فل کورٹ سنے فاروق ایچ نائیک نے کہا کہ چیف جسٹس سے درخواست کرتا ہوں معاملے پر فل کورٹ بینچ تشکیل دیا جائے عدالت سے استدعا ہے کہ فل کورٹ تشکیل دیاجائے

فاروق ایچ نائیک نے کہا کہ اس وقت میں گہرائی میں نہیں جاﺅں گا، میرا بھی یہی خیال ہے معاملہ فل کورٹ میں سنا جائے۔چیف جسٹس عمرعطا بندیال نے ریمارکس دیئے کہ ہم پہلے کیس میں قابل سماعت ہونے پر بات کریں گے سپریم کورٹ نے سماعت پیر ساڑھے 11 بجے تک ملتوی کر دی

خواجہ سرا مشکلات کا شکار،ڈی چوک میں احتجاج،پشاورمیں "ریپ” کی ناکام کوشش

علی امین گنڈاپور اور امتیاز نامی شخص کے مابین آڈیو لیک

عمران خان کی جاسوسی، آلات برآمد،کس کا کارنامہ؟