Tag: تازہ ترین

 سیہون حادثہ؛ سندھ میں این ایچ اے اور محکمہ آبپاشی کا تنازعہ 21 جانیں لے گیا.

انڈس ہائی وے پر لگائے گئے کٹ میں مسافر وین گرنے سے 21 افراد کے جاں بحق ہونے کے واقعے کے بعد این ایچ اے کا کٹ کو بند کرنے کے لیے ایک ماہ پہلے لکھا گیا خط سامنے آگیا۔ این ایچ اے دادو کی جانب سے 29 ستمبر کو محکمہ آبپاشی کو انڈس ہائی وے پر لگائے گئے کٹ بند کرنے کے متعلق خط لکھا گیا تھا۔ خط کے متن کے مطابق محکمہ آبپاشی نے بغیر اجازت اور اطلاع کیے نڈس ہائی وے پر سات کٹس لگائے جس کے نتیجے انڈس ہائی وے 142 کلومیٹر سے لیکر 143 تک ناقابل استعمال ہوگیا ہے، محکمہ آبپاشی اپنے خرچے پر لگائے گئے کٹس کے باعث تباہ ہوئے روڈ کو تعمیر کروائے۔

این ایچ اے کی طرف سے لکھے گئے خط کے جواب میں 10 اکتوبر کو محکمہ آبپاشی سہون کی طرف سے این ایچ کو جوابی خط بھی لکھا گیا۔ محکمہ آبپاشی کے خط کے مطابق شدید بارشوں سے منچھر جھیل میں پیدا ہونے والے سپرفلڈ کی صورتحال پیدا ہوئی، منچھر جھیل سے پانی کے دباؤ کو کم کرنے اور شہروں کو بچانے کے لیے سندھ حکومت نے جھیل کے بندوں اور سڑک پر ریلیف کٹس لگانے کا فیصلہ کیا۔
یہ بھی پڑھیں؛
فیفا کے وارے نیارے ہوگئے؛ اسپانسر شپ سے ایک بلین ڈالر اضافی کمالیے
پروین رحمان قتل کیس؛ ملزمان کو دی گئی سزا کالعدم قرار
انتظار ختم! تاریخ کا مہنگا ترین عالمی فٹبال میلہ قطر میں سج گیا:میزبان ملک قطرپہلے میچ میں ہی ہارگیا
ریلیف کٹس لگانے کے فیصلے سے قبل تمام اسٹیک ہولڈرز کو اعتماد میں لیا گیا اور اخبارات، الیکٹرونک و سوشل میڈیا کے ذریعے آگاہی دی گئی، ریلیف کٹس لگانے کا مقصد سیلابی پانی کا وافر مقدار میں دریائے سندھ میں اخراج کرنا تھا۔ محکمہ آبپاشی کے پاس فنڈز موجود نہیں جس کے پیش نظر این ایچ اے خود لگائے گئے کٹس کو بند کرے۔ واضح رہے کہ 17 نومبر کو سیہون میں ٹول پلازہ کے قریب انڈس ہائی وے پر مسافر وین گڑھے میں گرنے سے 12 بچوں سمیت 21 افراد جاں بحق اور 13 زخمی ہوگئے تھے۔ انڈس ہائی وے پر سیلابی پانی کے اخراج کے لیے کٹ لگائے گئے تھے، سیلابی صورتحال کے 2 ماہ بعد بھی کٹ اور کھڈے کو پُر نہیں کیا گیا جس کے باعث حادثہ پیش آیا۔

نئے آرمی چیف کی تعیناتی کے لیے سمری وزیراعظم دفتر کو موصول لیکن کیا آپ جانتے ہیں کہ آئین پاکستان میں آرمی چیف کی تعیناتی کا طریقہ کار کیا ہے؟
رواں ماہ کی 29 تاریخ کو پاک فوج کے سربراہ جنرل قمر جاوید باجوہ اپنے عہدے سے ریٹائر ہو رہے ہیں، اور ان کی ريٹائرمنٹ سے قبل حکومت نے نئے آرمی چیف کے تقرر کا اعلان کرنا ہے۔ پاکستان میں اہم ترین سمجھے جانے والے عہدے کے حوالے سے آئین کے آرٹیکل 243 میں بہت مختصر بلکہ چند سطروں پر مشتمل طریقہ کار درج ہے۔ آئین کے آرٹیکل 243 کی شق 3 کے مطابق ملک کے وزیراعظم کی ایڈوائس پر صدر مملکت تینوں مسلح افواج کے سربراہان اور چیئرمین جوائنٹ چیف آف اسٹاف کمیٹی کی تعیناتی کريں گے۔

آئین میں درج طریقہ کار کے مطابق وزیراعظم آفس خط لکھ کر وزارت دفاع سے سمری منگواتا ہے، اور وزارت دفاع آرمی چیف سے سينئر ترين جرنيلوں کی فہرست مانگتی ہے، اور سبکدوش ہونے والے آرمی چیف وزیراعظم کو سینیئر ترین جرنیلوں کی ایک فہرست دیں گے۔ حکومتی رولز آف بزنس کے مطابق کسی بھی سرکاری تعیناتی کے لیے اگر ایک عہدہ خالی ہو تو تین نام بھیجے جاتے ہیں اور اگر دو تعیناتیاں کرنی ہوں تو پانچ نام بھیجے جاتے ہیں۔

اس وقت پاکستان میں آرمی چیف اور چیئرمین جوائنٹ چیفس آف سٹاف کمیٹی کے دو عہدے خالی ہونے ہیں تو توقع ہے کہ آرمی چیف پانچ نام وزارت دفاع کے ذریعے وزیراعظم کو بھیجیں گے۔ ان میں سے دو عہدوں کے لیے وزیر اعظم دو لیفٹیننٹ جنرلز کو پروموٹ کرکے جنرل بنا دیں گے اور انہیں آرمی چیف اور چیئرمین جوائنٹ چیفس آف سٹاف کمیٹی تعینات کرنے کی سفارش صدر کو بھیجیں گے۔ وزیراعظم کو ملنے والی فہرست میں سے آرمی چیف کے امیدوار کا انتخاب ہوگا اور صدر پاکستان کو وہ نام منظوری کے لیے بھیجا جائے گا۔ صدر کی منظوری کے بعد آرمی چیف اور چیئرمین جوائنٹ چیفس آف سٹاف کمیٹی کے تقرر کا نوٹی فیکیشن جاری کر دیا جائے گا۔
یہ بھی پڑھیں؛
فیفا کے وارے نیارے ہوگئے؛ اسپانسر شپ سے ایک بلین ڈالر اضافی کمالیے
پروین رحمان قتل کیس؛ ملزمان کو دی گئی سزا کالعدم قرار
انتظار ختم! تاریخ کا مہنگا ترین عالمی فٹبال میلہ قطر میں سج گیا:میزبان ملک قطرپہلے میچ میں ہی ہارگیا
عسکری ماہرین کے مطابق وزیراعظم کو بھیجے گئے ناموں کی فہرست کے ساتھ ہر افسر کی سروس فائل بھی ہوتی ہے جس میں اس کی ماضی کی خدمات کا ذکر ہوتا ہے۔ افسر کی سینیارٹی کا تعین اس کے کمیشن حاصل کرنے کی تاریخ سے کیا جاتا ہے اور ساری زندگی کے لیے وہی تاریخ اس کی سینیارٹی متعین کر دیتی ہے۔ آرمی چیف کو 5 اہل افراد کی لسٹ سینیارٹی کی ترتیب سے بھیجنا ہوتی ہے تاہم روایتی طور پر آرمی چیف کے عہدے کے لیے تعینات ہونے والے لیفٹیننٹ جنرل کے لیے ضروری ہوتا ہے کہ وہ فائٹنگ کور سے ہو اور اس نے ایک سال تک کسی کور کی کمان بھی کی ہو، متعلقہ افسر اس وقت آرمی کا یونیفارمڈ آفیسر ہو اور اس نے مدت ملازمت میں توسیع نہ لے رکھی ہو۔

تحریف شدہ ترجمہ قرآن کی اشاعت؛ وزیراعظم کے پرنسپل سیکرٹری و دیگر طلب
تحریف شدہ ترجمہ قرآن کی اشاعت پر عدالت نے وزیراعظم اور وزیر اعلیٰ کے پرنسپل سیکرٹریز کو طلب کرلیا۔ باغی ٹی وی کے مطابق قرآن پاک کے ترجمے میں تحریف اور قرآن بورڈ کی اجازت کے بغیر اشاعت کے خلاف درخواست کی سماعت لاہور ہائیکورٹ میں ہوئی، جس میں عدالت نے وزیراعظم اور وزیراعلیٰ کے پرنسپل سیکرٹریز کو 7 دسمبر کو ذاتی حثیت میں طلب کر لیا۔

جسٹس شجاعت علی خان نے حسن معاویہ کی جانب سے دائر درخواست پر سماعت کرتے ہوئے دیگر افسران کو بھی آئندہ سماعت پر طلب کرلیا۔ عدالت نے ہدایت کی کہ متعلقہ محکموں کے پیش ہونے والے افسران گریڈ 20 سے کم نہ ہوں۔ درخواست گزار کی جانب سے مؤقف اختیار کیا گیا تھا کہ عدالت کے 2019ء میں جاری فیصلے پر عمل نہیں ہو رہا۔قرآن پاک کے ترجمے میں تحریف کرکے بغیر اجازت چھاپا جا رہا ہے جب کہ عدالتی حکم میں قرآن پاک کی اشاعت کے لیے طریقہ کار وضع کیا گیا ہے۔
یہ بھی پڑھیں؛
فیفا کے وارے نیارے ہوگئے؛ اسپانسر شپ سے ایک بلین ڈالر اضافی کمالیے
پروین رحمان قتل کیس؛ ملزمان کو دی گئی سزا کالعدم قرار
انتظار ختم! تاریخ کا مہنگا ترین عالمی فٹبال میلہ قطر میں سج گیا:میزبان ملک قطرپہلے میچ میں ہی ہارگیا
درخواست میں مزید کہا گیا تھا کہ قانون کے تحت قرآن پاک کی اشاعت کے لیے قرآن بورڈ کی اجازت ضروری ہے۔ بغیر اجازت کچھ پرنٹنگ پریس میں تحریف شدہ ترجمے والے قران پاک چھاپے جا رہے ہیں۔متعلقہ ادارےایسے پرنٹنگ پریس کے خلاف کارروائی نہیں کرتے۔