Baaghi TV

Tag: تازہ ترین

  • نستہ کے علاقہ میں اندھے قتل کیس کا ڈراپ سین۔ملزمان گرفتار

    نستہ کے علاقہ میں اندھے قتل کیس کا ڈراپ سین۔ملزمان گرفتار

    پشاور:نستہ کے علاقہ میں اندھے قتل کیس کا ڈراپ سین۔ملزمان گرفتارکرلیا گیا ہے ،اطلاعات کے مطابق پولیس نے جدید سائنسی خطوط پر واقعہ میں ملوث 3 ملزمان گرفتار کئے۔ملزمان نے اپنے جرم کا اعتراف کرلیا ہے۔مزید تفتیش جاری ہے

    ایس ایچ او تھانہ نستہ بسم اللہ جان کا کہنا تھا کہ مقتول کے بھانجے کے ساتھ ملزم کے ناجائز تعلقات تھے، جن کی خوف سے ملزم نے مقتول کو قتل کیا گیا۔

    تفصیلات کے مطابق تھانہ نستہ کے رہائشی عدنان خان نے اپنے والد افتخار خان کی گمشدگی کی رپورٹ درج کرتے ہوئے پولیس کو بتایا کہ والد جوکہ شوگر کا مریض ہے، اج صبح واک کے لئے نکلے تھے اور واپس نہیں ائے۔ پولیس کو انکوائری کے دوران گمشدہ شخص کی نعش ڈھیری زرداد دریائے کابل میں ملی۔ تھانہ نستہ میں مقتول کے بیٹے کی مدعیت پر نامعلوم ملزم/ملزمان کے خلاف مقدمہ درج کیا گیا۔

    افسوسناک واقعہ کا نوٹس لیتے ہوئے ڈی پی او چارسدہ سہیل خالد نے ایس پی انوسٹی گیشن سجاد خان کی سربراہی میں ڈی ایس پی سرڈھیری صنوبر خان، ایس ایچ او تھانہ نستہ بسم اللہ جان، انوسٹی گیشن افیسر نستہ اور دیگر پولیس افسران پر مشتمل ٹیم تشکیل دے کر واقعہ میں ملوث ملزم/ملزمان کی گرفتاری اور اصل حقائق منظر عام لانے کا ٹاسک حوالہ کیا۔

    پولیس ٹیم نے جدید سائنسی خطوط پر تفتیش شروع کرتے ہوئے چند مشتبہ افراد کو شامل تفتیش کیا۔ تفتیش کے دوران پولیس نے تمام ملزمان تک رسائی حاصل کرتے ہوئے گرفتار کیا۔دوران انٹاروگیشن ملزمان تیموس ولد غفار خان سکنہ خویشکی نوشہرہ، سوئیدزادہ ولد مسلم زادہ سکنہ سردریاب، داؤد ولد کفایت اللہ سکنہ سردریاب نے اپنے جرم کا اعتراف کر لیا ہے۔ ملزم تیموس نے پولیس کو بتایا کہ مقتول کے بھانجے کے ساتھ ناجائز تعلقات تھے جن کی ڈر و خوف سے مقتول افتخار کو قتل کیا۔ ملزمان سے مزید تفتیش جاری ہے۔

    پاک فوج ملکی سلامتی کی ضامن۔ شہدا کی قربانیوں پر فخر
    پاکستانی طلبا و طالبات نے 14 ممکنہ نئے سیارچے دریافت کرلیے
    ہمت ہے تو کھرا سچ کا جواب دو، پروپیگنڈہ مبشر لقمان کو سچ بولنے سے نہیں روک سکتا

  • راولپنڈی پی ٹی آئی لانگ مارچ کی سیکیورٹی کےلیے آنے والے اہلکاروں کا ناقص کھانے پرشکوہ

    راولپنڈی پی ٹی آئی لانگ مارچ کی سیکیورٹی کےلیے آنے والے اہلکاروں کا ناقص کھانے پرشکوہ

    راولپنڈی :پی ٹی آئی لانگ مارچ کی سیکیورٹی کےلیے آنے والے اہلکاروں کا ناقص کھانے پرشکوہ،اطلاعات کے مطابق راولپنڈی میں‌ پی ٹی آئی لانگ مارچ کی سیکیورٹی کے لیے پنجاب بھر سے آئی نفری کی شکایات سامنے آئی ہیں جن میں‌ غیرمعیاری کھانے ملنے کا شکوہ کیا گیا ہے

    یہ بھی معلوم ہوا ہے کہ ناقص غذا کی فراہمی پر پولیس اہلکار پھٹ پڑے ، جس پر بار بار کھانے میں دال کھلانے پر پولیس نفری نے احتجاج شروع کردیا، صورتحال اس حد تک پہنچ گئی کہ "دال اے دال اے کیڑے والی دال اے” کے نعروں سے پولیس کیمپ گونج اٹھا

    دوسری طرف کھانے کے معیار کے حوالے سے شکایت پر سی پی او راولپنڈی سید شہزاد ندیم بخاری نے نوٹس لے لیا ہے ، ایس پی ہیڈکوارٹرز سے رپورٹ طلب کرلی گئی ہے اور ناقص کھانے کے حوالے سےشکایات کا جائزہ لینےکا فیصلہ کیا گیا ہے

    سی پی او راولپنڈی سید شہزاد ندیم بخاری کا کہنا تھاکہ ایس پی ہیڈکوارٹرز، ڈی ایس ہیڈکوارٹرز اور یونٹس کے فوکل پرسن روزانہ خود کھانے کا معیار چیک کر رہے ہیں، سی پی او راولپنڈی سید شہزاد ندیم بخاری نے ہدایات جاری کرتے ہوئے کہا کہ کھانے کی فراہمی سے قبل افسران کھانے کا معیار خود چیک کریں،

    سی پی او سید شہزاد ندیم بخاری نے کہا کہ فورس کو فراہم کئے جانے والے کھانے کے معیار پر کوئی سمجھوتہ نہیں کیا جائے گا،

     

    پاک فوج ملکی سلامتی کی ضامن۔ شہدا کی قربانیوں پر فخر
    پاکستانی طلبا و طالبات نے 14 ممکنہ نئے سیارچے دریافت کرلیے
    ہمت ہے تو کھرا سچ کا جواب دو، پروپیگنڈہ مبشر لقمان کو سچ بولنے سے نہیں روک سکتا

  • پشاور:اسٹریٹ لائٹس کے فقدان کے باعث اسٹریٹ کرائمز میں اضافہ

    پشاور:اسٹریٹ لائٹس کے فقدان کے باعث اسٹریٹ کرائمز میں اضافہ

    پشاور:قتل، چوری ، ڈکیتی اور اغوا سمیت دیگر جرائم میں ریکارڈ اضافہ ہوا ہے، شہر میں رواں سال اب تک 390 افراد قتل ہو چکے ہیں۔

    پولیس نے جرائم میں اضافے کی وجہ اسٹریٹ لائٹس کے فقدان کو بھی قرار دیا ہے جب کہ میئر پشاور کا کہنا ہےکہ جلد اسٹریٹ لائٹس کی جلد شروع کریں گے۔

    پشاور میں اندرون شہر کے اکثر علاقوں میں اسٹریٹ لائٹس نہ ہونے یا پھر خراب ہونے کے باعث گلیاں ، محلے اور کوچے اندھیرا چھاتے ہی تاریکی میں ڈوب جاتے ہیں جس سے نہ صرف شہریوں کو آمدورفت میں دقت کا سامنا رہتا ہے بلکہ راہزن بھی تاریکی کا فائدہ اٹھاتے ہوئے شہریوں کو لوٹتے ہیں۔

    پشاور میں ہر گزرتے دن کے ساتھ اسٹریٹ کرائمز بڑھ رہے ہیں اور پولیس بھی جرائم میں اضافے کی وجہ اسٹریٹ لائٹس کے فقدان کو قرار دے رہی ہے۔

    پولیس کے اعداد وشمار کے مطابق گزشتہ 6 ماہ کے دوران اندرون شہر کے مختلف علاقوں میں 5 ہزار سے زیادہ شہریوں سے موبائل فونز اور نقدی چھینی گئی۔

    پشاور میں رواں سال اب تک 390 افراد قتل ہو چکے ہیں جب کہ ڈکیتی کی 282 اور چوری کی 248 وارداتیں رپورٹ ہوئی ہیں، چوری ہونے والی 70 فیصد گاڑیاں منشیات کی اسمگلنگ اور باقی دہشت گردی اور ڈکیتی میں استعمال ہو رہی ہیں۔

    اندرون شہر میں جہاں اسٹریٹ لائٹس کا فقدان ہے وہیں سی سی ٹی وی کیمرے بھی نصب نہیں کیے گئے جس کا فائدہ اٹھاتے ہوئے راہزن واردات کے بعد باآسانی فرار ہونے میں کامیاب ہو جاتے ہیں۔

    پاک فوج ملکی سلامتی کی ضامن۔ شہدا کی قربانیوں پر فخر
    پاکستانی طلبا و طالبات نے 14 ممکنہ نئے سیارچے دریافت کرلیے
    ہمت ہے تو کھرا سچ کا جواب دو، پروپیگنڈہ مبشر لقمان کو سچ بولنے سے نہیں روک سکتا

  • تبلیغی جماعت پرسعودی عرب میں پابندی میری درخواست پرجنرل باجوہ نےختم کرائی:چوہدری پرویزالٰہی

    تبلیغی جماعت پرسعودی عرب میں پابندی میری درخواست پرجنرل باجوہ نےختم کرائی:چوہدری پرویزالٰہی

    لاہور:تبلیغی جماعت پر سعودی عرب میں پابندی میری درخواست پرجنرل باجوہ نے ختم کرائی:چوہدری پرویزالٰہی نے یہ انکشاف کرکے سب کو حیران کردیا،چوہدری پرویز الٰہی نے یہ انکشاف اس وقت کیا جب رائیونڈ میں تبلیغی جماعت کے اجتماعات کا سلسلہ جاری ہے

     

    اس حوالے سے چوہدری پرویزالٰہی نے سماجی رابطے کی ویب سائٹ ٹویٹر پر اپنے پیغام میں وضاحت کرتے ہوئے کہا ہے کہ یہ ان دنوں کی بات ہے جب سعودی عرب نے تبلیغی جماعت پر پابندی لگادی تھی، چوہدری پرویز الٰہی کہتے ہیں کہ میں نے جنرل باجوہ سے بات کی کہ آپ سعودی حکومت سےبات کریں اور تبلیغی جماعت پرسے پابندی ختم کروائیں

     

     

    چوہدری پرویز الٰہی کہتےہیں کہ پھر جنرل باجوہ نے سعودی حکومت سےبات کی اور یہ پابندی ختم کروائی ،

     

     

    چوہدری پرویز الٰہی نے اپنے دوسرے پیغام میں کہا ہے کہ جنرل قمرجاوید باجوہ کی اسلام کے لیے خدمات پر ان کو خراج تحیسن پیش کرتے ہیں، اس پیغام میں وزیراعلیٰ پنجاب کہتے ہیں کہ بڑی امید ہےکہ آرمی چیف جنرل قمرجاوید باجوہ کو اس عمل کا اجر ملتا رہے گا

     

     

    یاد رہے کہ سعودی حکومت نے تبلیغی جماعت کی سعودی عرب میں سرگرمیوں پرپابندی عائد کردی تھی اورانکے تبلیغی سلسلے اور تبلیغ کےلیے نصابی مسودے کو قران وسنت سے متصادم قراردیا تھا ، جس کے بعد پاکستان کی طرف سے یہ پابندی ختم کرنے کا مطالبہ کیا گیا تھا

    پاک فوج ملکی سلامتی کی ضامن۔ شہدا کی قربانیوں پر فخر
    پاکستانی طلبا و طالبات نے 14 ممکنہ نئے سیارچے دریافت کرلیے
    ہمت ہے تو کھرا سچ کا جواب دو، پروپیگنڈہ مبشر لقمان کو سچ بولنے سے نہیں روک سکتا

  • لنکا پریمیئر لیگ کا شیڈول جاری، پہلا میچ 6 دسمبر کو ہوگا

    لنکا پریمیئر لیگ کا شیڈول جاری، پہلا میچ 6 دسمبر کو ہوگا

    کراچی: سری لنکا کے ٹی 20 ٹورنامنٹ لنکا پریمیئر لیگ کا آغاز 6 دسمبر کو ہمبنٹوٹا میں ہوگا۔ افتتاحی میچ دفاعی چیمپئن جافنا اور گال کے درمیان سہ پہر 3 بجے کھیلا جائے گا۔

    ٹورنامنٹ کا پہلا راؤنڈ 20 میچز پر مشتمل ہوگا جو ہمبنٹوٹا میں کھیلا جائے گا جس کے بعد کینڈی اور کولمبو میں مقابلے ہوں گے۔ آخری راؤنڈ کے مقابلے بھی کولمبو میں آر پی آئی سی ایس میں کھیلے جائیں گے۔

    لیگ کا فائنل 23 دسمبر کو کولمبو کے آر پی آئی سی ایس میں کھیلا جائے گا جبکہ پہلا کوالیفائر اور ایلیمنیٹر 21 دسمبر کو ہوں گے۔
    ناک آؤٹ راؤنڈ میں ٹیموں اور کھلاڑیوں کے لئے کوئی وقفہ نہیں ہے کیونکہ دوسرا کوالیفائر 22 دسمبر کو ہوگا۔

    سری لنکا پریمیئر لیگ سری لنکا کا سب سے بڑا مقامی ٹورنامنٹ ہے جو بین الاقوامی خصوصیت کے ساتھ 24 میچز پر مشتمل ہوگا جس میں صف اول کے مقامی اور بین الاقوامی کرکٹرز شرکت کریں گے۔

    ٹورنامنٹ میں پاکستان کے شعیب ملک کے علاوہ ایون لیوس، کارلوس بریتھ ویٹ، جینمین ملان، ڈوین پریٹوریس، ڈی آرسی شارٹ اور دیگر کھلاڑی شامل ہیں۔

    پاک فوج ملکی سلامتی کی ضامن۔ شہدا کی قربانیوں پر فخر
    پاکستانی طلبا و طالبات نے 14 ممکنہ نئے سیارچے دریافت کرلیے
    ہمت ہے تو کھرا سچ کا جواب دو، پروپیگنڈہ مبشر لقمان کو سچ بولنے سے نہیں روک سکتا

  • کالجزاساتذہ کی کمی دور کرنے کیلیے 1500 انٹرنیز بھرتی کرنے کا اعلان

    کالجزاساتذہ کی کمی دور کرنے کیلیے 1500 انٹرنیز بھرتی کرنے کا اعلان

    کراچی: صوبائی وزیر تعلیم سید سردار شاہ نے سندھ کابینہ کے فیصلے کے تحت محکمہ کالج ایجوکیشن میں کالج ٹیچنگ انٹرن شپ پروگرام کے تحت 1500 انٹرنز لینے کا حکم دے دیا ہے۔

    محکمہ تعلیمات کے تحت کالج میں سات ماہ کے لیے انٹرنشپ دی جائے گی، اس سلسلے میں درخواستیں طلب کرنے کے لیے اشتہار تیار کر کے محکمہ اطلاعات کو بھجوا دیا گیا ہے جو اتوار کو شائع کیا جائے گا۔

    انٹرنز کو ماہانہ 60,000 روپے ادا کیے جائیں گے، جن مضامین میں انٹرنز رکھے جائیں گے ان میں فزکس کے 122، کیمسٹری کے 120، اکاؤنٹس کے 98، باٹنی کے 107، زولوجی کے 107، انگلش کے 190، کمپیوٹر سائنس کے 208، اردو کے 61، سندھی کے 98، پاکستان اسٹڈیز کے 80، اسلامیات کے 54، کامرس کے 46 اورسائنس کے 49 مضامین شامل ہیں۔

    کالج ٹیچنگ انٹرن شپ پروگرام کے تحت اقتصادیات کے66، شماریات کے52، تعلیم کے28، سیاسیات کے49اور ہوم اکنامکس کے 5 انٹرنز رکھے جائیں گے۔

    واضح رہے کہ سندھ پبلک سروس کمیشن انٹرنز کے غیر فعال ہونے کے باعث سندھ کے کالجز میں اساتذہ کی شدید کمی تھی۔

    محکمہ تعلیمات کالجز نے 2018 میں لیکچررز کی 1500 اسامیاں، اسسٹنٹ پروفیسرز کی 540 اسامیاں، ایسوسیئیٹ پروفیسرز کی 270 اور پروفیسر کی 26 آسامیاں بھیجیں تھیں جن پر تا حال تقرری نہیں ہو سکی ہے۔

    پاک فوج ملکی سلامتی کی ضامن۔ شہدا کی قربانیوں پر فخر
    پاکستانی طلبا و طالبات نے 14 ممکنہ نئے سیارچے دریافت کرلیے
    ہمت ہے تو کھرا سچ کا جواب دو، پروپیگنڈہ مبشر لقمان کو سچ بولنے سے نہیں روک سکتا

  • پاکستان کے پہلےکاروباری اعلیٰ تعلیمی ادارے،ایکسٹریم کامرس کالج کوہائیرایجوکیشن کمیشن نےتسلیم کرلیا

    پاکستان کے پہلےکاروباری اعلیٰ تعلیمی ادارے،ایکسٹریم کامرس کالج کوہائیرایجوکیشن کمیشن نےتسلیم کرلیا

    کراچی: پاکستانی نوجوانوں کے مستقبل کو محفوظ بنانے کے لیے انٹرپرینیورشپ کو سب سے اہم فیکلٹی کے طور پر ترجیح دیتے ہوئے، ہائر ایجوکیشن کمیشن آف پاکستان (ایچ ای سی) نے ملک کے پہلے کاروباری اعلیٰ تعلیمی ادارے، ایکسٹریم کامرس کالج کو تسلیم کیا ہے۔

    ہائر ایجوکیشن کمیشن نے اپنے نوٹیفکیشن نمبر 14(131)/A&A/Acc/HEC-2022 کے ذریعے ایکسٹریم کالج کامرس (ECC) اور اس کی قابلیت کو باضابطہ طور پر تسلیم کیا ہے۔ اس کے ذریعے ای سی سی کے طلباء قومی سطح پر تسلیم شدہ بین الاقوامی قابلیت سے مستفید ہوں گے۔ یہ پہچان طلباء کے لیے دستیاب مواقع اور گیٹ ویز کو بڑھاتی ہے۔

    اکیڈمک علم اور ایک کامیاب پیشہ ورانہ کیریئر میں فرق کو ختم کرنے کے مقصد کے ساتھ، ایکسٹریم کامرس کالج کا قیام پاکستانی طلباء اور نوجوان افرادی قوت کو ایک کاروباری اور اختراعی ذہنیت کو فروغ دینے کے لیے پرورش کا ماحول فراہم کرنے کے لیے کیا گیا تھا، اس طرح ان کی حوصلہ افزائی کی جاتی ہے کہ وہ اپنی مکمل صلاحیتوں کا ادراک کر سکیں۔ ممکنہ، استعداد. کالج کمانے اور بااختیار ہونے کے ساتھ ساتھ اپنے آپ کو تعلیم دینے کی ترغیب دیتا ہے۔ یہ ہنر پر مبنی سیکھنے اور قابلیت کو بروئے کار لا کر حاصل کیا جاتا ہے۔

    ملک میں ایک اہم کاروباری اعلیٰ تعلیمی ادارہ (HEI) ہونے کے ناطے، ECC کالج میں قیام کے دوران تمام طلباء کو تکمیلی انکیوبیشن پلس ای کامرس کی ساختی تربیت فراہم کرتا ہے۔ کالج طلباء کو عملی اور تجرباتی سیکھنے کے مواقع بھی فراہم کرتا ہے، جہاں صنعت کے ماہرین اور کاروباری افراد ڈیجیٹل ماحولیاتی نظام کے بارے میں اپنے علم کا اشتراک کرنے کے لیے دستیاب ہیں۔

    ایکسٹریم کامرس کی وژنری قیادت انسانی سرمائے میں موجود زبردست قومی صلاحیت کو تلاش کرنے میں کامیاب رہی اور وہ پاکستان کو عالمی ای کامرس مارکیٹوں کے لیے بیک آفس اور تکنیکی خدمات کا عالمی مرکز بنانے کے اپنے وژن کے لیے انتھک محنت کر رہی ہے۔

    ایکسٹریم کامرس کالج پاکستان کا پہلا کاروباری اعلیٰ تعلیمی ادارہ ہے جو ایکسٹریم کامرس اور آکسفورڈ کے انڈیپنڈنٹ بزنس سکول کے مشترکہ منصوبے کے طور پر وجود میں آیا ہے۔ مستقبل کے تعلیمی اور انکیوبیشن ہب کے طور پر ECC کا مقصد پوسٹ گریجویٹ قابلیت اور مہارت پر مبنی سیکھنے کے لیے سستی پری یونیورسٹی کے مکمل اسپیکٹرم کو تیار کرنا اور پھیلانا ہے، جو عالمی معیار کی بین الاقوامی قابلیت سے مکمل ہو۔

    ای سی سی ڈیجیٹل انٹرپرینیورشپ کے لیے ملک کا سب سے بڑا ادارہ ہے جس کی توجہ ای کامرس اور ابھرتی ہوئی ٹیکنالوجیز پر ہے۔ اس کا صدر دفتر کراچی میں ہے، جس میں آٹھ مختلف شہروں میں سیٹلائٹ انکیوبیشن کیمپس ہیں، جو ملک بھر کے طلباء کو ایڈجسٹ کر سکتے ہیں اور عالمی سطح پر Extreme Commerce کی آن لائن کمیونٹی کے ذریعے 10 لاکھ سے زیادہ ای کامرس ماہرین اور کاروباری افراد کے ساتھ نیٹ ورکنگ کا موقع فراہم کر سکتے ہیں۔

    پاک فوج ملکی سلامتی کی ضامن۔ شہدا کی قربانیوں پر فخر
    پاکستانی طلبا و طالبات نے 14 ممکنہ نئے سیارچے دریافت کرلیے
    ہمت ہے تو کھرا سچ کا جواب دو، پروپیگنڈہ مبشر لقمان کو سچ بولنے سے نہیں روک سکتا

  • پنجاب کے بلدیاتی قانون سے ای وی ایم کی شق نکالنے کیلیے الیکشن کمیشن کا ایک اور خط

    پنجاب کے بلدیاتی قانون سے ای وی ایم کی شق نکالنے کیلیے الیکشن کمیشن کا ایک اور خط

    پنجاب حکومت نے بلدیاتی الیکشن الیکٹرانک ووٹنگ کی شق نکالنے کا جواب نہ دیا جس پر الیکشن کمیشن نے چیف سیکریٹری پنجاب کو ایک اور خط لکھ دیا ہے۔

    الیکشن کمیشن کی جانب سے بھجوائے گئے مراسلے میں کہا گیا ہے کہ الیکشن کمیشن کو 36 کروڑ 95 لاکھ 21ہزار سے زائد رقم درکار ہے جو کہ صوبے میں انتخابات کے انعقاد کے لیے پہلے ہی خرچ کی جاچکی ہے، اس کے علاوہ دیگر اخراجات کے 9 ارب 59 کروڑ روپے سے زائد بھی جاری کئے جائیں کو بلدیاتی انتخابات کے انعقاد کے لئے خرچ کی جائے گی، یہ رقم ای وی ایم کی خریداری کے لئے 45 ارب روپے سے الگ ہے۔

    مراسلے میں مزید کہا گیا ہے کہ الیکشن کمیشن صاف شفاف انتخابات کے لیے ای وی ایم سسٹم کے خلاف نہیں، الیکٹرانک ووٹنگ کے لیے 3 لاکھ ای وی ایم 45 ارب روپے کی لاگت سے خریدنے ہوں گے۔

    بھجوائے گئے مراسلے میں ای وی ایم کے لیے ٹیکنیکل اسٹاف اور ملک بھر میں مشینوں کے لیے گودام درکار ہوں گے، الیکٹرانک طریقہ کار میں شامل عملے اور ووٹرز کی تربیت کرنی ہوگی۔

    الیکشن کمیشن صاف شفاف انتخابات کے لیے ای وی ایم سسٹم کے خلاف نہیں لیکن درج بالا مشکلات کی وجہ سے الیکٹرک ووٹنگ نہیں کروا سکتے۔

    مراسلے میں کہا گیا ہے کہ 26 اکتوبر کو لوکل باڈی بل 2021 میں الیکٹرک ووٹنگ شق میں ترمیم کا لکھا مگر تاحال کوئی جواب موصول نہیں ہوا ، صوبائی حکومت کا جواب نہ دینا بلدیاتی انتخابات سے بچنے کا بہانہ ہے۔

    پاک فوج ملکی سلامتی کی ضامن۔ شہدا کی قربانیوں پر فخر
    پاکستانی طلبا و طالبات نے 14 ممکنہ نئے سیارچے دریافت کرلیے
    ہمت ہے تو کھرا سچ کا جواب دو، پروپیگنڈہ مبشر لقمان کو سچ بولنے سے نہیں روک سکتا

  • ایلون مسک کا ٹوئٹر پر فٹبال ورلڈ کپ کی کوریج کا اعلان

    ایلون مسک کا ٹوئٹر پر فٹبال ورلڈ کپ کی کوریج کا اعلان

    واشنگٹن:سماجی رابطے کی ویب سائٹ ٹوئٹر نے فٹ بال ورلڈ کپ کی کوریج کا اعلان کردیا۔فٹ بال ورلڈ کپ کا آغاز اتوار20 نومبر سے قطر میں ہورہا ہے اور کل افتتاحی میچ پاکستانی وقت کے مطابق رات 9 بجے قطر اور ایکواڈور کے مابین کھیلا جائے گا۔

    دنیا بھر میں لاکھوں شائقین کی طرح ٹوئٹر کے مالک ایلون مسک بھی فٹبال ورلڈ کپ کے بخار میں مبتلا ہوگئے ہیں اور انہوں نے ایونٹ کی بھرپور کوریج کرنے کا اعلان کیا ہے۔

    ایلون مسک نے کہا کہ پہلا ورلڈ کپ میچ اتوار کو ہے، جسے ٹوئٹر پر بہترین کوریج کے لیے دیکھیں اور براہ راست کمنٹری سنیں۔

    واضح رہے کہ پہلی بار کوئی عرب ملک فٹبال ورلڈ کپ کی میزبانی کررہا ہے اور دنیا بھر سے لاکھوں فٹبال فینز عالمی میلے کیلئے قطر کا رخ کررہے ہیں، ٹورنامنٹ میں فرانس عالمی چیمپیئن کے اعزاز کا دفاع کرے گا۔

    دوسری طرف آکسفورڈ نے ریاضیاتی (میتھا میٹیکل) ماڈل کے ذریعے قطر میں شروع ہونے والے فیفا ورلڈکپ کے فاتح کے بارے میں بتا دیا ہے۔آکسفورڈ نے حساب کتاب کے بعد برازیل کے فیفا ورلڈکپ کا فاتح بننے کی پیش گوئی کر دی ہے۔

    ماڈل کے مطابق انگلینڈ کوارٹر فائنل ہار جائے گا جبکہ ارجنٹائن کو سیمی فائنل میں شکست کا سامنا کرنا پڑے گا اور برازیل ایونٹ جیت جائے گا۔

    یاد رہے کہ فیفا ورلڈکپ میں 32 ممالک حصہ لے رہے ہیں، فٹبال ورلڈکپ کا آغاز 20 نومبر کو میزبان ملک قطر اور ایکواڈور کے درمیان میچ سے ہو گا۔

    پاک فوج ملکی سلامتی کی ضامن۔ شہدا کی قربانیوں پر فخر
    پاکستانی طلبا و طالبات نے 14 ممکنہ نئے سیارچے دریافت کرلیے
    ہمت ہے تو کھرا سچ کا جواب دو، پروپیگنڈہ مبشر لقمان کو سچ بولنے سے نہیں روک سکتا

  • سگریٹ اورشوگری ڈرنکس پرہیلتھ لیوی کےنفاذسے 60ارب روپےکی اضافی آمدن ہوسکتی ہے:شارق خان

    سگریٹ اورشوگری ڈرنکس پرہیلتھ لیوی کےنفاذسے 60ارب روپےکی اضافی آمدن ہوسکتی ہے:شارق خان

    اسلام آباد:سگریٹ اور شوگری ڈرنکس پہ ہیلتھ لیوی کے نفاذ سے وزارت صحت کو 60 ارب روپے کی اضافی آمدن ہو سکتی ہے،یہ بات کرومیٹک ٹرسٹ کے سی ای او شارق نے صحافیوں سے گفتگو کرتے ہوۓ کہی ۔ ہیلتھ لیوی کی تفصیلات بتاتے ہوں انہوں نے کہا کہ ہم چاہتے ہیں حکومت سگریٹ کے ہر پیک پہ دس روپے اور ہر شوگری ڈرنک پہ ایک روپے کا اضافی ٹیکس عاٸد کرے ۔

    باغی ٹی وی ذرائع کے مطابق شارق خان کا کہنا تھا کہ یہ ہیلتھ لیوی 2019 سے ایوان اقتدار میں گردش کر رہا ہے ۔ انہوں نے کہا کہ وزارت صحت ، وزارت قانون ، ایف بی آر اور متعلقہ محکموں کے اعتراضات دور کرنے کے بعد وفاقی کابینہ میں بھی پیش کیا گیا لیکن عمل درآمد کے لیے ابھی تک قومی اسمبلی میں پیش نہیں کیا گیا ۔

    کرومیٹک ٹرسٹ کے سی ای او کا کہنا تھا کہ شوگر ڈرنکس اور تمباکو پرہیلتھ لیوی عائد کرکی55ارب روپئے تک کا اضافی ریونیو حاصل کیا جا سکتا ہے اور یہ اضافی آمدن جوکہ صحت کی دیکھ بھال کے بنیادی ڈھانچے کے لئے استعمال کی جاسکتی ہے۔ہیلتھ لیوی بل جو کہ کابینہ نے 2019 میں منظور کیا تھا ابھی تک اس پر عمل درآمد نہیں ہوا ہے

    شارق خان کا کہنا تھا کہ ملک میں سیلاب کے باعث صحت کا شعبہ شدید متاثر ہوا ہے اور حکومت کے پاس یہ بہترین موقع ہے کہ ہیلتھ لیوی نافذ کرکے 60 ارب روپے کی رقم صحت کے شعبے کے بنیادی ڈھانچے کو بہتر بنانے پہ خرچ کرے

    کرومیٹک ٹرسٹ کے سی ای او کا کہنا تھا ہم گزشتہ کٸی سالوں سے انسداد تمباکو نوشی کی کوشش کر رہے ہیں اور ہم اس مہم میں کافی حد تک کامیاب رہے اس بات کا واضح ثبوت وزارت صحت اور پارلیمانی ٹاسک فورس براۓ پاٸیدار ترقی نے ہماری کاوشوں کو سراہا ہے

    پاک فوج ملکی سلامتی کی ضامن۔ شہدا کی قربانیوں پر فخر
    پاکستانی طلبا و طالبات نے 14 ممکنہ نئے سیارچے دریافت کرلیے
    ہمت ہے تو کھرا سچ کا جواب دو، پروپیگنڈہ مبشر لقمان کو سچ بولنے سے نہیں روک سکتا