Tag: تازہ ترین

امیر جماعت اسلامی سراج الحق نے کہا ہے کہ آئین کی بالادستی کے لیے ملک کو نئے عمرانی معاہدہ کی ضرورت ہے، جس کے لیے قومی سطح پر مذاکرات ہونے چاہیں۔

باغی ٹی وی : سراج الحق نے کہا کہ الیکشن اصلاحات، اسٹیبلشمنٹ کی سیاست سے غیر جانبداری اور آئین و قانون کی بالادستی کے تین نکاتی ایجنڈے پر مذاکرات کی راہ ہموار کرنے کے لیے کردار ادا کرنے کوتیار ہیں۔ پی ڈی ایم اور پی ٹی آئی کی لڑائی مفادات کے لیے ہے جس کا ملک کو بے انتہا نقصان پہنچا، یہ جنگ جاری رہی تو مزید نقصان ہوگا، سیاسی جماعتیں ہوش کے ناخن لیں۔ حکمران جماعتوں کی کشمکش میں متاثرین سیلاب اور عوام پس گئے، معیشت کا بیڑہ غرق ہوگیا۔

عمران خان کے ہنگاموں سے 2014 میں چینی صدر جبکہ 2022 میں سعودی ولی عہد کا دورہ…

انہوں نے نے کہا کہ موجودہ بحران سے نکلنے کا واحد راستہ انتخابات ہیں، البتہ اصلاحات کے بغیر انتخابات سے بحران کم نہیں بلکہ اس میں مزیداضافہ ہوگا، نتائج کو کوئی تسلیم نہیں کرے گا، موجودہ پولرائزیشن بڑھے گی۔ جماعت اسلامی چاہتی ہے الیکشن سے قبل سیاسی جماعتیں الیکشن ریفارمز کے لیے آپس میں مذاکرات کریں۔

جماعت اسلامی کی تجویز ہے کہ انتخابات متناسب نمائندگی کے اصول کے تحت ہوں تاکہ ووٹر مقامی جاگیر دار اور وڈیرے کے اثرو رسوخ سے آزاد ہو جائے،ہم الیکشن کمیشن کو مالی و انتظامی لحاظ سے مضبوط اور خو د مختار دیکھنا چاہتے ہیں، الیکشن میں دولت کے استعمال کو روکنا ہوگا۔ الیکشن کمیشن سیاسی جماعتوں اور اسٹیبلشمنٹ کے اثر سے آزاد ہونا چاہیے۔

ان خیالات کا اظہار انہوں نے اسلام آباد میں پریس کانفرنس کرتے ہوئے کیا۔ نائب امیر جماعت اسلامی میاں محمد اسلم، امیر ضلع نصراللہ رندھاوا اور ڈائریکٹر امور خارجہ آصف لقمان قاضی بھی اس موقع پر موجود تھے۔

امیر جماعت نے کہا کہ حکمران جماعتوں نے بلدیاتی انتخابات سے راہ فرار اختیار کی جس سے ان کے جمہوریت کے دعووں کی نفی ہوتی ہے۔پی ڈی ایم اور پی ٹی آئی کی لڑائی عوام کے لیے نہیں ہے،استعمار کے ایجنڈے پر ان کے مابین اتفاق رائے ہے،یہ لوگ قرض لو اور ڈنگ ٹپاو کی پالیسی پر عمل پیرا ہیں-

کراچی میں جلدایم کیوایم کا ایڈمنسٹریٹرتعینات کردیاجائےگا:کامران ٹیسوری گورنرسندھ

انہوں نے آئی ایم ایف اور ورلڈ بینک سے قرضوں پر قرض لیے اور سودی معیشت جاری رکھی،موجودہ مہنگائی اور بے روزگاری اور غربت کی وجہ ان حکمران جماعتوں کی نا اہلی اور غلط پالیسیاں ہیں،انہوں نے کشمیر کا سودا کیا اور ڈاکٹر عافیہ کو امریکہ کے حوالے کیا،یہ جاگیردار اور وڈیرے ہر حال میں اقتدار میں رہنا چاہتے ہیں اور اس کے لیے انہیں اسٹیبلشمنٹ کی چھتری درکار ہے،ان کی حکومتیں مافیاز کے زیر اثر ہیں،ان کے دور میں کرپشن میں ہر آئے روز اضافہ ہوتا ہے۔

انہوں نے کہا کہ حکمران جماعتیں جھوٹے نعروں کی بجائے عوام کو اپنی کارکردگی بتائیں۔آج ملک کا ہر شہری ڈھائی لاکھ کا مقروض ہے،شرح نمو دو فیصد،ملک کی کرنسی اپنی قدر کھو رہی ہے، 80 فیصد عوام پینے کے صاف پانی سے محروم ہے، ڈھائی کروڑبچے غربت کی وجہ سے سکول نہیں جا سکتے،عدالتوں میں انصاف نہیں،ایوان ربڑسٹمپ اور ادارے اپنا وقار کھو چکے ہیں،غریبوں کو ہسپتالوں سے اسپرین کی گولی نہیں ملتی۔

انہوں نے کہا کہ موجودہ اور سابقہ حکومتوں کی وجہ سے پی آئی اے،ریلویز اور سٹیل ملز جیسے قومی ادارے برباد ہو گئے ہیں۔تین ماہ گزر گئے،سردی آگئی ہے لیکن وفاقی اور صوبائی حکومتیں تاحال سیلاب متاثرین کی بحالی کے لیے کوئی ایکشن پلان نہیں دے سکیں،متاثرین کےلیے اعلان کی گئی امدادی رقم کاکچھ اتا پتا نہیں، لوگ کیمپوں میں بیٹھے ہیں مگر حکمرانوں کے کانوں پر جوں تک نہیں رینگ رہی،بس لڑائیاں جاری ہیں۔

عمران نیازی نےاپنےسیاسی مفادات کیلئےپاکستان کےبیرونی تعلقات کو نقصان پہنچانےمیں…

انہوں نے کہا سیلاب متاثرین کو فوری طور پر گھروں میں شفٹ کیا جائے اور حکومتیں اس کے لیے مزید ٹال مٹول نہ کریں،جماعت اسلامی متاثرین کی بحالی تک چین سے نہیں بیٹھے گی،عوام کے حقوق کے لیے ہر فورم پر توانا آواز بلند کریں گے۔

امیر جماعت نے کہا کہ عوام نے جاگیرداروں،وڈیروں اور ظالم سرمایہ داروں کی جماعتوں کا اقتدار بھی دیکھ لیا اور ملک میں فوجی مارشل لاز کے نتائج بھی سب سے سامنے ہیں،ثابت ہو گیا کہ ان لوگوں کے پاس مسائل کے حل کے لیے کوئی اہلیت نہیں،دولت جمع کرنا اور اپنی نسلوں کا مستقبل بنانا حکمرانوں کا سب سے بڑا مقصد ہے،یہ لوگ ادارے مضبوط نہیں بلکہ انہیں اپنا تابع رکھنا چاہتے ہیں،عوام کی بہتری حکمرانوں کے ایجنڈے پر پہلے تھی نہ اب ہے۔

انہوں نے کہا مسائل کا حل اسلامی نظام کے نفاذ میں ہے،ملک کو اہل اور ایماندار قیادت چاہیے،ملک میں وسائل کی کمی نہیں،اصل مسئلہ وسائل کی غیر منصفانہ تقسیم،کرپشن اوربیڈ گورننس ہے،قوم فرسودہ نظام سے چھٹکاراحاصل کرنےکے لیےجماعت اسلامی پر اعتماد کرے۔ہماری جدو جہد کا مقصد کرپشن فری،اسلامی فلاحی پاکستان ہے۔ثابت ہو گیا آزمودہ حکمران سیاسی جماعتوں سے بہتری نہیں آسکتی،جماعت اسلامی اس وقت واحد آپشن ہے جو ملک کو اسلامی فلاحی ریاست بنانے کی مکمل صلاحیت رکھتی ہے۔

برطانیہ نے پاکستان کو ہائی رسک تھرڈ ممالک کی فہرست سے نکال دیا ہے،وزیر خارجہ

خیبرپختونخوا کا مرکزسے مالی وسائل لینے کیلیے سپریم کورٹ جانے کا فیصلہ کرلیا گیا ہے.

خیبرپختونخوا حکومت نے مرکزسے مالی وسائل کے حصول کے لیے کیس تیار کرلیا ، جلد سپریم کورٹ میں تین الگ ، الگ رٹ پیٹیشنز دائر کی جائیں گی۔ خیبرپختونخوا حکومت کی جانب سے مرکز سے 120 ارب روپے کے مالی وسائل کے حصول کے لیے سپریم کورٹ سے رجوع کرنے کے لیے محکمہ خزانہ اور ایڈوکیٹ جنرل کے درمیان مشاورت مکمل ہوگئی ہے۔

ضم اضلاع کے لیے مرکز کی جانب سے 30 ارب روپے کی عدم فراہمی ، بجلی منافع کی مد میں 61 ارب اور این ایف سی کی مد میں 28 ارب کی عدم فراہمی پر تین الگ رٹ پیٹیشنز دائر کی جائیں گی۔ اس ضمن میں وزیر خزانہ تیمور سلیم جھگڑا نے بتایا کہ ایڈوکیٹ جنرل سے مشاورت مکمل ہوچکی ،کیس تیار ہے ،جلد سپریم کورٹ سے رجوع کرینگے ، مرکز جان بوجھ کر صوبہ کو مالی مشکلات سے دوچار کررہا ہے ، اپنا حق ہر صورت حاصل کرینگے۔
مزید یہ بھی پڑھیں؛
عمران خان کی رہائشگاہ پر 90 لاکھ روپے کے بلٹ پروف شیشے لگائے جائیں گے
میٹا اور ٹوئٹر کے بعد ایمازون کا اپنے10 ہزار ملازمین کو برطرف کرنے کا ارادہ
چین اور ایران امریکہ میں مخالفین کی جاسوسی کرارہے ہیں، امریکی فیڈرل بیورو آف انویسٹی گیشن

واضح رہے کہ اس سے قبل خیبرپختونخوا کابینہ نے صوبے کے حقوق کے حصول کےلئے تمام قانونی اور آئینی ذرائع بروئے کار لانے کے عزم کا اظہار کرتے ہوئے فیصلہ کیا تھا کہ اس مقصد کےلئے مشترکہ مفادات کونسل جیسے ادارے میں آواز اٹھانے کےساتھ ساتھ سپریم کورٹ کا دروازہ بھی کھٹکھٹایا جائے گا جبکہ صوبائی اسمبلی کا خصوصی اجلاس بلا کر تمام جماعتوں کے ارکان کو بھی اس حوالے سے اعتماد میں لیا جائے گااور ضرورت پڑنے پر اسلام آباد میں احتجاج بھی کیاجائے گا۔ صوبائی کابینہ کا خصوصی اجلاس وزیر اعلیٰ خیبر پختونخوا محمود خان کی زیر صدارت سول سیکرٹریٹ پشاور میں منعقد ہوا، جس میں کابینہ کے ارکان، صوبائی چیف سیکرٹری، ایڈیشنل چیف سیکرٹری، سینئر ممبر بورڈ آف ریونیو اور انتظامی سیکرٹریز نے شرکت کی تھی۔

کابینہ اجلاس سے خطاب کرتے ہوئے وزیر اعلیٰ محمود خان نے کہا تھا کہ وفاق سے ہم اپنا حق چھین کر رہیں گے۔ تاہم انہوں نے تمام محکموں کو ہدایت کی تھی کہ وہ صوبے کی آمدن بڑھانے کےلئے تمام وسائل بروئے کار لائیں۔ انہوں نے صوبائی حکومت کے سادگی اور کفایت شعاری کے سلسلے میں پہلے سے جاری مہم پر مزید مو¿ثر انداز میں عملدرآمد یقینی بنانے کی ضرورت پر زور دیا اور نئی سرکاری گاڑیوں کی خریداری پر مکمل پابندی عائد کرنے اور تمام محکموں کو اس پرسختی سے عمل درآمد کرنے کی ہدایت کی ہے۔ انہوں نے غیر ترقیاتی اخراجات بشمول سرکاری دفاتر کی غیر ضروری تزئین و آرائش نہ کرنے کی بھی سختی سے ہدایت کی تھی۔

ملک بھر میں 24 گھنٹوں کے دوران 4191 کورونا ٹیسٹ کیے گئے ، مثبت شرح 0.76 فیصد رہی. این آئی ایچ

ملک بھر میں گزشتہ 24 گھنٹوں کے دوران 4 ہزار 191 کورونا ٹیسٹ کیے گئے ہیں۔ آج بروز منگل کو نیشنل انسٹیٹیوٹ آف ہیلتھ ( این آئی ایچ) کی جانب سے جاری اعدادوشمار کے مطابق گزشتہ 24 گھنٹوں کے دوران 4 ہزار 191 کورونا ٹیسٹ کیے گئے جن میں سے 32 افراد کے کورونا ٹیسٹ مثبت آئے ہیں۔

اس طرح اس مدت میں مثبت کورونا ٹیسٹ کی شرح 0.76 فیصد رہی ہے۔ مزید برآں اس دوران کورونا وائرس سے کوئی مریض جاں بحق نہیں ہوا جبکہ 48 مریضوں کی حالت تشویشناک ہے۔

COVID-19 Statistics 15 November 2022
Total Tests in Last 24 Hours: 4,191
Positive Cases: 32
Positivity %: 0.76%
Deaths: 00
Patients on Critical Care: 48

— NIH Pakistan (@NIH_Pakistan) November 15, 2022

کووِڈ- 19 وائرس کیسے پھیلتا ہے؟
یہ وائرس متاثرہ شخص کی کھانسی یا چھینک سے خارج ہونے والے رطوبتوں کے چھوٹے قطروں اور ایسے چیزوں کی سطح کو چھونے سے پھیلتا ہے جو کورونا وائرس سے آلودہ ہوچکی ہوں۔ کورونا وائرس ان چیزوں کی سطح پر کئی گھنٹے تک زندہ رہ سکتا ہے لیکن اسے عام جراثیم کش محلول سے بھی ختم کیا جاسکتا ہے۔
مزید یہ بھی پڑھیں؛
عمران خان کی رہائشگاہ پر 90 لاکھ روپے کے بلٹ پروف شیشے لگائے جائیں گے
میٹا اور ٹوئٹر کے بعد ایمازون کا اپنے10 ہزار ملازمین کو برطرف کرنے کا ارادہ
چین اور ایران امریکہ میں مخالفین کی جاسوسی کرارہے ہیں، امریکی فیڈرل بیورو آف انویسٹی گیشن
کورونا وائرس کی علامات کون سی ہیں؟
کورونا وائرس کی علامات میں بخار، کھانسی اور سانس لینے میں مشکل پیش آنا شامل ہیں۔ بیماری کی شدت کی صورت میں نمونیہ اور سانس لینے میں بہت زیادہ مشکل کا سامنا بھی ہوسکتا ہے۔ یہ بیماری بہت کم صورتوں میں جان لیوا ثابت ہوتی ہے۔ اس بیماری کی عام علامات زکام (فلو) یا عام نزلے سے ملتی جلتی ہیں جو کہ کووِڈ- 19 کی نسبت بہت عام بیماریاں ہیں۔ اس لئے بیماری کی درست تشخیص کے لئے عام طور پر معائنے (ٹیسٹ) کی ضرورت پڑتی ہے تاکہ اس بات کی تصدیق ہوسکے کہ مریض واقعی کووِڈ- 19 میں مبتلا ہوچکا ہے۔ یہ بات ذہن نشین کر لینا ضروری ہے کہ نزلے زکام اور کووِڈ- 19 کی حفاظتی تدابیر ایک جیسی ہیں۔ مثال کے طور پر بار بار ہاتھ دھونا اور سانس لینے کے نظام کی صحت کا خیال رکھنا (کھانسی کرتے اور چھینکتے وقت اپنا منہ کہنی موڑ کر یا پھر ٹشو یا رومال سے ڈھانپ لینا اور استعمال شدہ رومال یا ٹشو کو ایسے کوڑا دان میں ضائع کرنا جو ڈھکن سے بند ہوسکتا ہو)۔ نزلہ زکام کی ویکسین دستیاب ہے ، اس لئے ضروری ہے کہ آپ خود کو اور اپنے بچوں کو ویکسین کی مدد سے محفوظ رکھیں۔