Baaghi TV

Tag: تازہ ترین

  • پنجاب و خیبرپختونخوا صارفین کیلیے گیس مزید مہنگی ہونے کا امکان

    پنجاب و خیبرپختونخوا صارفین کیلیے گیس مزید مہنگی ہونے کا امکان


    پنجاب و خیبرپختونخوا صارفین کیلیے گیس مزید مہنگی ہونے کا امکان

    پنجاب اور خیبرپختوںخوا کے صارفین کے لیے گیس کی قیمتوںمیں ایک مرتبہ پھر اضافہ کیے جانے کا امکان ہے کیونکہ سوئی ناردرن گیس پائپ لائنز لمیٹڈ (ایس این جی پی ایل) نے ریونیو شارٹ فال پر قابو پانے کے لیے گیس قیمتوں میں بھاری اضافے کی درخواست کی ہے۔ نجی ٹی وی کے مطابق؛ اوگرا کے اعلامیے کے مطابق سوئی ناردرن نے14اکتوبر 2022ء کو اس مقصد کے لیے پٹیشن داخل کی تھی، جس میں مالی سال 2022-23 کے لیے ریونیو ضروریات کے تخمینے اور مجوزہ گیس قیمتوںپر نظرثانی کی استدعا کی گئی تھی۔

    اوگرا کے مطابق اس پٹیشن پر غور کرنے کے لیے عوامی سماعت منعقد کی گئی، جس میں شرکت کے لیے تمام اسٹیک ہولڈرز، صارفین اور عام افراد کو دعوت دی گئی تھی اور ان سے کہا گیا تھا کہ وہ سوئی ناردرن کی درخواست پر اپنا نقطہ نظر پیش کریں۔ سوئی ناردرن نے اپنی پٹیشن میں رینیو شارٹ فال کا تخمینہ 178,814ملین روپے ظاہر کیا ہے، جس میں 445 ملین روپے کا تخمینہ ایل پی جی ایئر مکس پروجیکٹ کے حوالے سے لگایا گیا ہے۔
    مزید یہ بھی پڑھیں؛
    عمران خان کی رہائشگاہ پر 90 لاکھ روپے کے بلٹ پروف شیشے لگائے جائیں گے
    میٹا اور ٹوئٹر کے بعد ایمازون کا اپنے10 ہزار ملازمین کو برطرف کرنے کا ارادہ
    چین اور ایران امریکہ میں مخالفین کی جاسوسی کرارہے ہیں، امریکی فیڈرل بیورو آف انویسٹی گیشن

    سوئی ناردرن نے اس شارٹ فال کو پورا کرنے کے لیے یکم جولائی2022ء سے گیس کی اوسط قیمت میں 488.08 روپے فی ایم ایم بی ٹی یو اضافے کی درخواست کی ہے۔ سوئی ناردرن نے اپنے تخمینے میں گزشتہ برسوں کے 295,268 ملین روپے کے شارٹ فال کو بھی شامل کیا ہے، چنانچہ کمپنی نے گیس کی اوسط مجوزہ قیمت میں مجموعی طور پر 1,294.02روپے فی ایم ایم بی ٹی یو اضافے کی استدعا کی ہے، جس کا اطلاق یکم جولائی 2022ء سے ہوگا۔

  • دفاعی نمائش ’آئیڈیاز 2022‘ آج سے کراچی ایکسپو سینٹر میں شروع

    دفاعی نمائش ’آئیڈیاز 2022‘ آج سے کراچی ایکسپو سینٹر میں شروع

    گیارہویں بین الاقوامی دفاعی نمائش ’آئیڈیاز 2022‘ آج سے کراچی ایکسپو سینٹر میں شروع ہورہی ہے

    بین الاقوامی دفاعی نمائش آئیڈیاز 2022 کا کراچی میں آغاز ہوگیا وزیر خارجہ بلاول بھٹو زرداری نے افتتاح کیا، وزیراعلیٰ سندھ مراد علی شاہ شریک تھے نمائش میں 51 ممالک کے 522 مندوبین شرکت کر رہے ہیں، 64ممالک کے 285 وفود نمائش میں شریک ہو رہے ہیں، دنیا بھر سے ڈیفنس انڈسٹری سے وابستہ کمپنیز آئیڈیاز میں شریک ہونگی، چار روزہ دفاعی نمائش18 نومبر تک کراچی ایکسپو سینٹر میں جاری رہے گی

    بین الاقوامی دفاعی نمائش میں آسٹریلیا، رومانیہ اورہنگری پہلی مرتبہ شریک ہونگے، انتہائی اہم سیمینار انٹیلیجنس ان ڈیفنس مارکیٹ کا انعقاد بھی کیا جائےگا، ایکسپوسینٹر کے 6 ہالز کے علاوہ 3 مارکیز بھی قائم کی گئی ہیں، ایک مارکی کشمیرکے نام سے منسوب ہے۔آئیڈیاز 2022میں اس مرتبہ بھی وزراء اور مسلح افواج کے سربراہان کے زیر قیادت دوست ملکوں کے اعلیٰ سطح کے دفاعی وفود شرکت کریں گے، ڈیپوکے مطابق بین الاقوامی دفاعی نمائش آئیڈیاز 2022 کا انعقاد بڑا چیلنج تھا۔

    کراچی کے شہریوں کے لیے ساحل پر نشان پاکستان کے مقام پر 17 نومبر کو کراچی شو کا بھی انعقاد کیا جائے گا، سی ویو پر ڈرلز منعقد کی جائیں گی کورونا وباء کے باعث 2020 میں نمائش کا انعقاد نہیں ہوسکا تھا، اس سال دفاعی نمائش کا یہ گیارہواں ایڈیشن ہے

    برطانیہ نے پاکستان کو ہائی رسک تھرڈ ممالک کی فہرست سے نکال دیا ہے،وزیر خارجہ

    آئیڈیاز 2022 میں انتہائی اہم سیمینار انٹیلی جنس ان ڈیفنس مارکیٹ کا انعقاد کیا جائے گا جبکہ وزراء اور مسلح افواج کے سربراہان کے قیادت میں دوست ملکوں کے دفاعی وفود شرکت کریں گے۔


    ایکسپو سینٹر کے 6 ہالز کے علاوہ 3 مارکیز بھی قائم کی گئی ہیں،ایک مار کی کشمیر کے نام سے منسوب ہے آئیڈیاز 2022 میں اس مرتبہ بھی وزراء اور مسلح افواج کے سربراہان کے زیر قیادت دوست ملکوں کے اعلیٰ سطح کے دفاعی وفود شرکت کریں گے۔ڈیپوکے مطابق بین الاقوامی دفاعی نمائش آئیڈیاز 2022 کا انعقاد بڑا چیلنج تھا۔

    عمران نیازی نےاپنےسیاسی مفادات کیلئےپاکستان کےبیرونی تعلقات کو نقصان پہنچانےمیں کردارادا…

    رواں برس چار سال بعد یہ ایونٹ ہورہا ہے۔ آئیڈیاز کا آغاز سال 2000میں ہوا تھا جبکہ رواں سال دفاعی نمائش کا یہ گیارہواں ایڈیشن ہے آئیڈیاز کا انعقاد ٹیکنالوجی کے تبادلے اور فروغ میں اہم کردار ادا کرتا ہے۔

    آئیڈیاز کے پلیٹ فارم سے بین الاقوامی کمیونٹی اور ان کی دفاعی انڈسٹریز کو ہماری مصنوعات کو جاننے کا موقع ملتا ہے آئیڈیاز کے 2000 میں آغاز کے وقت مندوبین کی تعداد 84 تھی، جو 2018 میں 231 تک پہنچ گئی آئیڈیاز میں سیمینارز، ٹیکنالوجی شیئرنگ، بی ٹو بی، بی ٹو جی ملاقاتیں ہوں گی نمائش میں 51 ممالک کے 522 مندوبین ، 64 ممالک کے 285 وفود ، 323 بیرون ممالک اور 199 لوکل مندوبین شریک ہوں گے۔

    ڈی آئی جی ٹریفک کراچی احمد نواز چیمہ کی جانب سے پریس کانفرنس میں نمائش کے دنوں میں علاقے میں ٹریفک کی صورتحال کے حوالے سے تفصیلات سے آگاہ کیا گیا اور متبادل راستوں کے حوالے سے بتایا گیا تھا-

    آج سے 18نومبر تک حسن اسکوائر سے نیشنل اسٹیڈیم تک آنے اور جانے والے راستے صبح 7 بجے سے شام 6 بجے تک ہر قسم کی ٹریفک کے لئے بند رہیں گے حسن اسکوائر سے کئی کلومیٹر پہلے ہی ہیوی ٹریفک کا داخلہ مکمل طور پر بند کردیا گیا ہے۔

    کراچی میں جلدایم کیوایم کا ایڈمنسٹریٹرتعینات کردیاجائےگا:کامران ٹیسوری گورنرسندھ

  • عمران خان کی رہائشگاہ پر 90 لاکھ روپے کے بلٹ پروف شیشے لگائے جائیں گے

    عمران خان کی رہائشگاہ پر 90 لاکھ روپے کے بلٹ پروف شیشے لگائے جائیں گے

    لاہور: زمان پارک میں پاکستان تحریک انصاف(پی آٹی آئی) کے چیئرمین اور سابق وزیر اعظم عمران خان کی رہائش گاہ کی سیکیورٹی مزید بڑھانے کا فیصلہ کیا گیا ہے۔

    باغی ٹی وی :میڈیا ذرئع کے مطابق زمان پارک میں عمران خان کے گھر میں بلٹ پروف شیشے لگانے کا کام شروع کردیا گیا ہے، ان کےگھر کی 7 کھڑکیاں ہیں جن پر 35 بلٹ پروف شیشے لگائے جائیں گے۔

    عمران نیازی نےاپنےسیاسی مفادات کیلئےپاکستان کےبیرونی تعلقات کو نقصان پہنچانےمیں کردارادا…

    ذرائع کا کہنا ہے کہ بلٹ پروف شیشوں کی قیمت 90 لاکھ روپے ہے جو عمران خان اپنی جیب سے ادا کریں گے۔

    یاد رہے کہ وزیر آباد میں لانگ مارچ کے دوران عمران خان پر حملے کے بعد سے ان کی سیکیورٹی میں اضافہ کیا گیا ہے پی ٹی آئی چئیرمین کے کنٹینر پر فائرنگ کی گئی تھی جس دوران انہیں ٹانگوں پرگولیاں لگی تھیں-

    عمران خان کی تقریر سن کر جذباتی ہو گیا تھا۔چیف الیکشن کمشنر کو قتل کی دھمکی دینے…

    گزشتہ روز عمران خان کی ٹانگوں پہ لگنے والی گولیوں کے زخموں کا شوکت خانم اسپتال کے ڈاکٹروں کی ٹیم نے معائنہ کیا اور دوبارہ پٹی کی جس کی ویڈیو پاکستان تحریک انصاف کے مرکزی رہنما عثمان ڈار نے اس حوالے سے سماجی رابطے کی ویب سائٹ ’ٹویٹر‘ پر شئیر کی تھی-

    عمران خان کے حوالے سے جاری کردہ ویڈیو میں دیکھا جا سکتا ہے کہ ٹانگوں پر تین گہرے زخم لگے ہوئے ہیں جن کا ڈاکٹروں کی ٹیم معائنہ کر رہی ہے۔

    یہ ثابت کرنےکےلیے کہ واقعی گولی لگی ہے ،جرائم پیشہ لوگ کس طرح ڈرامہ کرتے ہیں:

  • پی آئی اے نے استنبول فضائی آپریشن شروع کر دیا

    پی آئی اے نے استنبول فضائی آپریشن شروع کر دیا

    پاکستان انٹر نیشنل ائیر لائنز(پی آئی اے) نے استنبول فضائی آپریشن (آج) منگل 15 نومبر سے شروع کر دیا ہے-

    باغی ٹی وی : رپورٹ کے مطابق پاکستان سے ترکیہ، یورپ، برطانیہ اور امریکا جانے والے مسافروں کیلئے یہ خوشی کی خبر ہے اس سلسلے کی پہلی پرواز صبح ساڑھے 7 بجے اسلام آباد سے روانہ ہوئی-

    برطانیہ نے پاکستان کو ہائی رسک تھرڈ ممالک کی فہرست سے نکال دیا ہے،وزیر خارجہ

    پی آئی اے کے ترجمان عبداللہ حفیظ کا کہنا تھا کہ استنبول فضائی آپریشن کی پہلی پرواز کو اسلام آباد انٹر نیشنل ائیرپورٹ سے صبح ساڑھے سات بجے وفاقی وزیر ہوابازی خواجہ سعد رفیق نے الوداع کیا جبکہ پی آئی اے کے چیف ایگزیکٹو افسر ائیر وائس مارشل محمد عامر حیات پرواز کے ہمراہ استنبول گئے-

    استنبول پہنچنے پر ترکش ائیر لائنز کے چیف ایگزیکٹو بلال عکسی افتتاحی پرواز کا استقبال کریں گے۔


    پی آئی اے نے آفیشل ٹوئٹر ہینڈل پر مسافروں کیلئے چند روز قبل یہ خوشخبری شیئر کی تھی اور مسافروں کو ایڈوانس بکنگ کی پیشکش کی تھی،پی آئی اے اور ایوی ایشن حکام نے پرواز کی روانگی کے لیے تمام تیاریاں پہلے سے ہی مکمل کر رکھی ہیں ۔

    چینی کارکنوں، منصوبوں اور اداروں کے تحفظ کیلئے پاکستان کا بھرپور عزم کا اعادہ


    پی آئی ترجمان کا کہنا تھا کہ مسافر استنبول کے راستے امریکا، برطانیہ اور یورپ کے 28 سے زیادہ شہروں کا سفر کر سکیں گے ۔ پاکستان سے ترکیہ، یورپ، برطانیہ اور امریکا جانے والے مسافروں کیلئے اس خوشخبری کا اعلان پاکستان اور ترکیہ کے مابین سفارتی تعلقات کی 75 ویں سالگرہ پر وفاقی وزیر ایوی ایشن خواجہ سعد رفیق نے کیا تھا۔


    پی آئی اے منگل 15 نومبر سے پاکستان سے ترکیہ کیلئے ہفتہ وار 6 پروازیں چلائے گی۔ پاکستان سے یورپ، برطانیہ اور امریکا جانے والے مسافر استنبول سے پی آئی اے اور ترکش ائیر لائنز کے مابین کوڈ شیئرنگ معاہدے کے تحت سفر کر سکیں گے۔


    معاہدے کی رو سے مسافر استنبول سے یورپ کے 28 شہروں تک رسائی حاصل کرسکیں گے۔ پہلے مرحلے میں اسلام آباد سے 4 جبکہ لاہور سے2 پروازیں بوئنگ 777 کے ذریعے چلائی جائیں گی جبکہ دوسرے مرحلے میں کراچی سے استنبول کی پروازیں شروع کردی جائیں گی۔

    شاہین آفریدی کو انجری کا سامنا نہیں ہے،کرکٹر کو دو ہفتے کے ری ہیب کی ہدایت کی

  • میٹا اور ٹوئٹر کے بعد ایمازون کا اپنے10 ہزار ملازمین کو برطرف کرنے کا ارادہ

    میٹا اور ٹوئٹر کے بعد ایمازون کا اپنے10 ہزار ملازمین کو برطرف کرنے کا ارادہ

    امریکا کی ملٹی نیشنل ٹیکنالوجی کمپنی ایمازون تقریباً 10 ہزار ملازمین کو برطرف کرنے کا ارادہ رکھتی ہے۔

    باغی ٹی وی : روئٹرز کے مطابق کمپنی یہ برطرفیاں ایمازون کے الیکسا جیسے آلات، ریٹیل اور ہیومن ریسورس کے شعبوں میں کی جائیں گی یہ ایمازون کی جانب سے ملازمتوں میں سب سے بڑی کٹوتی ہوگی۔

    ایلون مسک نے ٹوئٹر خریدنے کے بعد کمپنی کے دیوالیہ ہونے کا امکان ظاہر کر دیا

    روئٹرز نے ایمازون ذرائع کے حوالے سے بتایا گیا ہے کہ 10 ہزار ملازمتوں کے خاتمے کا مطلب ہے ایمازون کے 3 فیصد کارپوریٹ ملازمین اور ایک فیصد سے کم عالمی ورک فورس کی نوکریاں ختم ہو جائیں گی ذرائع نے روئٹرز کو بتایا کہ درست تعداد مختلف ہو سکتی ہے کیونکہ ایمیزون کے اندر کاروبار اپنی ترجیحات کا جائزہ لیتے ہیں۔

    دنیا بھر میں ایمازون کے ملازمین کی تعداد 15 لاکھ سے زیادہ ہے کرسمس سے پہلے کا وقت ایمازون کے لیے انتہائی منافع بخش ہوتا ہے۔

    ذرائع نے اس کمی کی وجہ ایمیزون اور دیگر کمپنیوں کو درپیش غیر یقینی معاشی ماحول کو قرار دیا۔

    ماہرین کا کہنا ہے کہ کرسمس سے پہلے اتنے بڑے پیمانے پر نوکریوں کے خاتمے سے ظاہر ہوتا ہے کہ عالمی معیشت کی سست رفتاری کی وجہ سے کامیاب کاروباری ادارے بھی دباؤ کا شکار ہیں۔

    دوسری جانب ایمازون نے ملازمین کو برطرف کرنے کے حوالے کوئی باضابطہ بیان نہیں دیا۔

    میٹا کا 11 ہزار ملازمین کو نوکری سے فارغ کرنے کا فیصلہ

    یہ خبر ٹیکنالوجی کے شعبے میں برطرفی کی لہر کے بعد ہے، جو برسوں کی تیزی سے بھرتی کے بعد کساد بازاری سے محتاط ہے۔ ابھی پچھلے ہفتے ہی، فیس بک کی پیرنٹ میٹا پلیٹ فارمز انک (META.O) نے کہا کہ وہ اخراجات کو متوازن کرنے کیلئے11,000 سے زیادہ ملازمتیں، یا اس کی افرادی قوت کا 13 فیصد کم کرے گا جسے کمپنی کے سی ای او مارک زکربرگ نے مشکل ترین فیصلہ قرار دیا تھا۔

    یاد رہے کہ ٹوئٹر نے بھی مزید ہزاروں ملازمین کو ملازمت سے نکال دیا ہے۔سی این بی سی کی رپورٹ کے مطابق ٹوئٹر کے 4400 سے 5500 کنٹریکٹ ملازمین کو فارغ کردیا گیا ہے۔

    ان ملازمین کو ملازمت سے نکالنے سے قبل آگاہ بھی نہیں کیا گیا بلکہ انہیں اس کا علم اس وقت ہوا جب ٹوئٹر ورک سسٹمز تک رسائی ختم کردی گئی۔

    خیال رہے کہ اکتوبر کے آخر میں ایلون مسک نے ٹوئٹر کو 44 ارب ڈالرز میں خرید لیا تھا اس کے بعد سے ایلون مسک کی جانب سے کافی اقدامات کیے گئے ہیں اور 50 فیصد ملازمین کو بغیر نوٹس کے فارغ کیا گیا۔

    ٹوئٹر نے بھارت میں 90 فیصد سے زائد عملے کو نوکری سے فارغ کر دیا

  • چین اور ایران امریکہ میں مخالفین کی جاسوسی کرارہے ہیں، امریکی فیڈرل بیورو آف انویسٹی گیشن

    چین اور ایران امریکہ میں مخالفین کی جاسوسی کرارہے ہیں، امریکی فیڈرل بیورو آف انویسٹی گیشن

    امریکی فیڈرل بیورو آف انویسٹی گیشن نے انکشاف کیا ہے کہ چین اور ایران امریکہ میں مخالفین کی جاسوسی کے لیے نجی تفتیش کاروں کو استعمال کر رہے ہیں۔

    باغی ٹی وی : امریکی اخبار "نیو یارک ٹائمز” کے مطابق ایف بی آئی کے تفتیش کاروں نے نیویارک اور کیلیفورنیا سمیت متعدد امریکی ریاستوں میں ایرانی نجی جاسوسوں کی تیزی سے موجودگی کی تصدیق کی۔

    تائیوان پہلی سرخ لکیر ہے جو امریکا چین تعلقات میں عبور نہیں ہونی چاہیے،چینی صدر

    ایف بی آئی کا کہنا تھا کہ ایران تفتیش کاروں کو یہ معلوم کرنے کے لیے استعمال کر رہا ہے کہ لوگ کہاں رہتے ہیں اور ان کی شناخت کیا ہے۔ ایران ان نجی جاسوسوں کے ذریعہ سے مخالفین کے فون نمبرز اور کام کی جگہ کا تعین بھی کرا رہا ہے۔

    ایف بی آئی نے وضاحت کی کہ ایرانی انٹیلی جنس نے ممتاز ایرانی نژاد امریکی صحافی مسیح علی نجاد کو اغوا کرنے کی کوشش بھی کی ہے۔

    امریکہ کو چین کے ساتھ تنازع میں نہیں گھسیٹا جائے گا. امریکن صدر جوبائیڈن

    واضح رہے 16 ستمبر کو حجاب نہ کرنے پر گرفتاری کے بعد مہسا امینی کی پولیس کی حراست میں موت کے بعد سے مظاہرے جاری ہیں۔ دو ماہ سے زیادہ عرصہ سے مظاہرین سڑکوں پر ہیں اور ایرانی حکام کے خلاف شدید نعرہ بازی کر رہے ہیں-

    ان مظاہروں میں درجنوں افراد ہلاک ہوچکے ہیں کم از کم دو ہزار افراد کے خلاف مقدمات قائم کیے جا چکے اور اتوار کے روز پہلی مرتبہ ایک احتجاجی شہری کو موت کی سزا بھی سنا دی گئی ہے۔

    چینی صدر دسمبر میں سعودی عرب کا دورہ کریں گے:سعودی وزارت خارجہ

  • کراچی میں جلدایم کیوایم کا ایڈمنسٹریٹرتعینات کردیاجائےگا:کامران ٹیسوری گورنرسندھ

    کراچی میں جلدایم کیوایم کا ایڈمنسٹریٹرتعینات کردیاجائےگا:کامران ٹیسوری گورنرسندھ

    کراچی: گورنر سندھ کامران ٹیسوری نے کہا ہے کہ پی پی سے معاہدے کے مطابق کراچی میں جلد ہی ایم کیو ایم کا ایڈمنسٹریٹر تعینات کر دیا جائے گا۔

    کراچی سے ذرائع کے مطابق اولمپئین اصلاح الدین اینڈ ڈاکٹر محمد علی شاہ ہاکی اکیڈمی کے دورہ کے موقع پر گفتگو کرتے ہوئے انہوں نے کہا کہ حیدرآباد میں عنقریب یونیورسٹی کی تعمیر شروع ہو جائے گی ،کو چئیرمین پاکستان پیپلز پارٹی آصف علی زرداری نے مل جل کر عوامی مسائل حل کرنے کا اعادہ کیا ہے۔

    انکا کہنا تھا کہ پاکستان پیپلز پارٹی سے ہمارا معاہد ہوا ہے کہ ڈی ایم سیز، کراچی اور حیدرآباد کا ایڈمنسٹریٹر ایم کیو ایم کا ہوگا، اس حوالے سے بلدیاتی ایکٹ پر کام جاری ہے ، جلدی ہی کراچی میں ایم کیو ایم کا یڈمنسٹریٹر آ جائے گا۔
    گورنر سندھ کا کہناتھا کہآصف علی زرداری کی عیادت کرنے گیا تھا، ان سے صوبے میں امن اور عوام کے مسائل حل کرنے پر گفتگو ہوئی، آصف زرداری نے کہاکہ ہم مل جل کر مسائل حل کریں گے، وفاق کا نمائندہ ہونے کے ناطے سیاست میرا کام نہیں، یہ سیاست دانوں کا کام ہے۔

    کامران ٹیسوری کا کہناتھا کہ میں محبت کا پیغام پہنچا سکتا ہوں، کراچی کو اون کرنے کی ضرورت ہے، کراچی کو مجرموں کا شہر نہیں بننے دیں گے، صوبے کی بہتری کے لیے گورنر اور وزیر اعلیٰ کے درمیان اچھے تعلقات ضروری ہیں۔انہوں نے کہا کہ پاک افواج کو تنقید کا نشانہ بنانے والے ملک کو نقصان پہنچانے والی طاقتوں کو موقع دے رہے ہیں، ان کو سوچنا ہوگا کہ کہیں وہ کسی سازش کا شکار تو نہیں ہو رہے۔

    لاپتہ افراد کی عدم بازیابی، سندھ ہائیکورٹ نے اہم شخصیت کو طلب کر لیا

     لگتا ہے لاپتہ افراد کے معاملے پر پولیس والوں کو کوئی دلچسپی نہیں

    سندھ ہائیکورٹ کا تاریخی کارنامہ،62 لاپتہ افراد بازیاب کروا لئے،عدالت نے دیا بڑا حکم

    انسان کی لاش مل جائے انسان کو تسلی ہوجاتی ہے،جبری گمشدگی کیس میں عدالت کے ریمارکس

  • امریکا: یونیورسٹی میں فائرنگ، فٹبال ٹیم کے3 کھلاڑی ہلاک،2 طلبہ زخمی

    امریکا: یونیورسٹی میں فائرنگ، فٹبال ٹیم کے3 کھلاڑی ہلاک،2 طلبہ زخمی

    امریکا کی ورجینیا یونیورسٹی میں فائرنگ میں یونیورسٹی کی فٹبال ٹیم کے3 کھلاڑی ہلاک اور 2 طلبہ زخمی ہوگئے،جن میں سے ایک کی حالت تشویشناک ہے۔

    باغی ٹی وی : امریکی میڈیا کے مطابق فائرنگ کرنےوالے مشتبہ طالب علم کو حراست میں لے لیا گیا ہے، فائرنگ یونیورسٹی طلبہ کی بس پر کی گئی، طلبہ کی بس فیلڈ ٹرپ سے واپس یونیورسٹی پہنچی تھی فائرنگ کرنے وجہ ابھی معلوم نہیں ہوسکی اور اس حوالے سے تحقیقات جاری ہیں۔

    تائیوان پہلی سرخ لکیر ہے جو امریکا چین تعلقات میں عبور نہیں ہونی چاہیے،چینی صدر

    یونیورسٹی آف ورجینیا کے پولیس چیف ٹموتھی لونگو نے کہا کہ حکام نے کرسٹوفر ڈارنل جونز جونیئر کے خلاف قتل سنگین جرم میں ہینڈ گن استعمال کرنے کے تین الزامات کے ساتھ وارنٹ گرفتاری حاصل کیے ہیں-

    ایک نیوز کانفرنس کے دوران ہسپتال میں داخل دو زخمی متاثرین کی شناخت نہیں بتائی گئی یو وی اے کے صدر جم ریان نے کہا کہ ایک کی حالت بہتر ہے اور دوسرے کی حالت نازک ہے۔
    https://twitter.com/UVAPolice/status/1592028905804009472?s=20&t=Fi0oXQS2f4VfdDvOaBbkgw
    محکمہ نے بتایا کہ 22 سالہ جونز کو ورجینیا کے رچمنڈ میں ہینریکو کاؤنٹی پولیس نے صبح 11 بجے سے پہلے،یونی کے کیمپس سے تقریباً 75 میل جنوب مشرق سے حراست میں لے لیا تھاوہ اسکول کی فٹ بال ٹیم کا سابق رکن تھا۔ وہ ورجینیا کیولیئرز کی آفیشل ویب سائٹ پر شیئر کیے گئے 2018 کے روسٹر میں درج تھا، لیکن اگلے کسی بھی سیزن میں وہ روسٹر پر ظاہر نہیں ہوا۔

    سفاک باپ نے بیٹی کو قتل کر دیا،واردات سی آئی ڈی ڈرامے سے سیکھ کر انجام دی

    یو وی اے کے صدر جم ریان نے پیر کی صبح ایک نیوز کانفرنس میں کہا کہ فائرنگ کا واقعہ ایک اسکول بس پر پیش آیا جو فیلڈ ٹرپ سے واپس آنے والے طلباء سے بھری ہوئی تھی۔ حکام نے بتایا کہ طلبہ کا ٹرپ واشنگٹن ڈی سی میں ایک ڈرامہ دیکھنے گیاتھا-

  • عمران نیازی نےاپنےسیاسی مفادات کیلئےپاکستان کےبیرونی تعلقات کو نقصان پہنچانےمیں کردارادا کیا،وزیراعظم

    عمران نیازی نےاپنےسیاسی مفادات کیلئےپاکستان کےبیرونی تعلقات کو نقصان پہنچانےمیں کردارادا کیا،وزیراعظم

    وزیراعظم شہباز شریف کا کہنا ہے کہ پاکستان کو ناقابل تلافی نقصان پہنچانے والے کی مکاری، غداری سے قوم حیران ہے-

    باغی ٹی وی : اپنی ٹوئٹ میں شہباز شریف نے کہا کہ عمران نیازی نے جریدے ایف ٹی سے انٹرویومیں اپنی بیرونی سازشی تھیوری کی تردید کی۔

    برطانیہ نے پاکستان کو ہائی رسک تھرڈ ممالک کی فہرست سے نکال دیا ہے،وزیر خارجہ


    انہوں نے کہا کہ عمران نیازی کی اپنی بیرونی سازشی تھیوری کی تردید شیطانی کردار کی یاد دہانی ہے، اس نے اپنے سیاسی مفادات کیلئے پاکستان کے بیرونی تعلقات کو نقصان پہنچانے میں کردار ادا کیا پاکستان کو ناقابل تلافی نقصان پہنچانے والے کی مکاری، غداری سے قوم حیران ہے۔

    چینی کارکنوں، منصوبوں اور اداروں کے تحفظ کیلئے پاکستان کا بھرپور عزم کا اعادہ

    واضح رہے کہ گزشتہ روز برطانوی اخبار فنانشل ٹائمز کو انٹرویو میں عمران خان نے کہا تھا کہ امریکی سازش کا معاملہ ختم ہو چکا، پاکستان کو دنیا بھر خاص طور پر امریکا کے ساتھ اچھے تعلقات رکھنے چاہئیں پاکستان اور امریکا کے تعلقات غلام اور مالک کے رہے ہیں لیکن اس میں زیادہ قصور پاکستانی حکومتوں کا تھا۔

    عمران خان کی تقریر سن کر جذباتی ہو گیا تھا۔چیف الیکشن کمشنر کو قتل کی دھمکی دینے والے نے مانگی معافی

  • برطانیہ نے پاکستان کو ہائی رسک تھرڈ ممالک کی فہرست سے نکال دیا ہے،وزیر خارجہ

    برطانیہ نے پاکستان کو ہائی رسک تھرڈ ممالک کی فہرست سے نکال دیا ہے،وزیر خارجہ

    برطانیہ نے پاکستان کو ہائی رسک تھرڈ ممالک کی فہرست سے نکال دیا ہے۔

    باغی ٹی وی : اس خوشخبری کا اعلان چیئرمین پاکستان پیپلز پارٹی اور وزیر خارجہ بلاول بھٹو زرداری نے سماجی رابطے کی ویب سائٹ ٹوئٹر پر کیا ہے انہوں نے اپنی ٹوئٹ میں بتایا کہ برطانیہ نے پاکستان کو ہائی رسک تھرڈ ممالک کی فہرست سے ہٹا دیا ہے، فنانشل ایکشن ٹاسک فورس (فیٹف) کے ایکشن پلانز پر جلد عمل کے نتیجے میں برطانیہ نے یہ اقدام کیا ہے برطانیہ نے یہ اقدام 21 اکتوبر کےفیٹف کے فیصلے کے نتیجےمیں کیا ہے۔


    دوسری جانب برطانوی دفتر خارجہ کی جانب سے جاری بیان میں کہا گیا ہے کہ برطانیہ منی لانڈرنگ، دہشتگردی کی فنانسنگ روکنےکی پاکستان کی کوششوں کا اعتراف کرتا ہے۔

    واضح رہے کہ فنانشل ایکشن ٹاسک فورس(فیٹف) نے 21 اکتوبر 2022 کو پاکستان کو گرے لسٹ سے نکال دیا تھا فیٹف کی گرے لسٹ سے نکلنے سے پاکستان کیلئے غیرملکی فنڈنگ کا حصول آسان ہو جائے گا۔

    اس وقت جاری فیٹف اعلامیے میں کہا گیا تھا کہ پاکستان فیٹف کی مانیٹرنگ میں رہے گا، پاکستان کو اینٹی منی لانڈرنگ اورٹیررفنانسنگ قانون پرمزید عمل درآمد کی ضرورت ہے۔

    فنانشل ایکشن ٹاسک فورس کے ارکان کی تعداد 37 ہے جس میں امریکا، برطانیہ، چین، بھارت اور ترکی سمیت 25 ممالک، خلیج تعاون کونسل اور یورپی کمیشن شامل ہیں تنظیم کی بنیادی ذمہ داریاں عالمی سطح پر منی لانڈرنگ اور دہشت گردوں کی مالی معاونت روکنے کے لیے اقدامات کرنا ہیں۔

    فنانشل ایکشن ٹاسک فورس (ایف اے ٹی ایف) ایک بین الاقوامی ادارہ ہے جس کا قیام 1989 میں عمل میں آیا تھا اس ادارے کا بنیادی مقصد بین الاقوامی مالیاتی نظام کو دہشت گردی، کالے دھن کو سفید کرنے اور اس قسم کے دوسرے خطرات سے محفوظ رکھنا ہے اور یہ تنظیم اس مقصد کے لیے قانونی، انضباطی اور عملی اقدامات کرتی ہے۔

    اس کے ارکان کا اجلاس ہر تین برس بعد ہوتا ہے جس میں یہ دیکھا جاتا ہے کہ اس کی جاری کردہ سفارشات پر کس حد تک عمل درآمد ہو رہا ہے پاکستان 2012 سے 2015 تک ایف اے ٹی ایف کی گرے لسٹ کا حصہ رہ چکا ہے اور پھر سنہ 2018 میں اسے دوبارہ اس فہرست میں شامل کیا گیا تھا۔

    عالمی واچ لسٹ میں پاکستان کا نام شامل ہونے سے اسے عالمی امداد، قرضوں اور سرمایہ کاری کی سخت نگرانی سے گزرنا ہوگا جس سے بیرونی سرمایہ کاری متاثر ہوگی اور ملکی معیشت پر منفی اثرات مرتب ہوں گے-