Baaghi TV

Tag: تازہ ترین

  • اینٹی نارکوٹکس فورس کی مُلک بھر میں منشیات کے خلاف کارروائیاں؛ بھاری مقدار میں منشیات برآمد

    اینٹی نارکوٹکس فورس کی مُلک بھر میں منشیات کے خلاف کارروائیاں؛ بھاری مقدار میں منشیات برآمد

    اینٹی نارکوٹکس فورس کی مُلک بھر میں منشیات کے خلاف کارروائیاں؛ بھاری مقدار میں منشیات برآمد.

    اے این ایف ہیڈ کوارٹر سے جاری بیان کے مطابق اے این ایف نے اسلام آباد انٹرنیشنل ایئرپورٹ پرنوشہرہ کے رہائشی ملزم کے پیٹ سے 66 آئس بھرے کیپسولز برآمد کئے ہیں ، ملزم دوحہ جا رہا تھا۔ دوسری کارروائی کے دوران اے این ایف نے بُرہان ٹول پلازہ پراٹک کے رہائشی ملزم سے1 کلوسے زائدافیون برآمد کرلی۔

    ترجمان ے این ایف کے مطابق تیسری کارروائی کے دوران باچہ خان انٹرنیشنل ائیرپورٹ پشاور پر بنوں کے رہائشی ملزم کے پیٹ سے 4 ہیروئن بھرے کیپسولز برآمد کئے، ملزم بحرین جا رہا تھا۔ چوتھی کارروائی کے دوران کوئٹہ میں 2 ملزمان سے 6کلو چرس برآمد کئے۔ پانچویں کارروائی کے دوران نُوکنڈی سے 25 کلو ہیروئن، 10 کلو افیون، 74 کلو میتھ اور 21 کلو کرسٹل آئس برآمد کر لی ہے۔ مُلزمان کیخلاف انسدادِ منشیات ایکٹ کے تحت مقدمات درج کر کے تحقیقات کا آغاز کر دیا گیا ہے.

    مزید یہ بھی پڑھیں؛
    عمران خان کی رہائشگاہ پر 90 لاکھ روپے کے بلٹ پروف شیشے لگائے جائیں گے
    میٹا اور ٹوئٹر کے بعد ایمازون کا اپنے10 ہزار ملازمین کو برطرف کرنے کا ارادہ
    چین اور ایران امریکہ میں مخالفین کی جاسوسی کرارہے ہیں، امریکی فیڈرل بیورو آف انویسٹی گیشن

    واضح رہے کہ گزشتہ دنوں بھی کاروائی ہوئی تھی جس میں اے این ایف نے مختلف جگہوں پر کارروائی کرتے ہوئے بھاری مقدار میں آئس، چرس اور اسلحہ قبضے میں لے لیا تھا۔ اے این ایف کے اہلکاروں نے راولپنڈی کے رہائشی ملزم سے 120 گرام آئس برآمد کرلی لاہور انٹرنیشنل ائیرپورٹ پر اے این ایف اور اے ایس ایف کی مشترکہ کارروائی کے دوران بنوں کے رہائشی ملزم کے بیگ سے 620 گرام چرس برآمد ہوئی تھی، ملزم فلائٹ نمبر PK 412 سے شارجہ جا رہا تھا دوسری جانب بلوچستان کے دارالحکومت کوئٹہ میں پشین کے رہائشی ملزم سے 24 کلو چرس، 1 عدد پستول اور2 میگزین برآمد ہوئے جبکہ کوہاٹ اور خیبر کے علاقوں سے 37 کلو 185 گرام چرس ہوئی اینٹی نارکوٹکس فورس نے ملزمان کے خلاف انسدادِ منشیات ایکٹ کے تحت مقدمات درج کر کے تحقیقات کا آغاز کر دیا تھا۔

  • چینی کمپنی نے گوادر میں 4.5 بلین ڈالر کے آئل ریفائنری منصوبے کا آغاز کر دیا

    چینی کمپنی نے گوادر میں 4.5 بلین ڈالر کے آئل ریفائنری منصوبے کا آغاز کر دیا

    گوادر: چینی فرم ایسٹ سی گروپ لمیٹڈ (ای ایس جی ایل) نے گوادر میں 4.5 بلین ڈالر کی آئل ریفائنری قائم کرنے کے منصوبے کا آغاز کر دیا –

    باغی ٹی وی : ویب سائٹ گوادر پروکی رپورٹ کے مطابق پروجیکٹ کی سالانہ آئل پروسیسنگ صلاحیت 8 ملین ٹن ہو گی گوادر پرو کے مطابق یہ منصوبہ 2مرحلوں میں تعمیر کیا جائے گا، پہلے مرحلے میں ریفائننگ کی سالانہ صلاحیت 5 ملین ٹن ہوگی۔

    برطانیہ نے پاکستان کو ہائی رسک تھرڈ ممالک کی فہرست سے نکال دیا ہے،وزیر خارجہ

    ایسٹ سی گروپ پاکستان کی گوادر بندرگاہ پر ہر ماہ کم از کم 6خام تیل کی ترسیل کے جہاز رکھے گاجو کہ اپنے تیل کے ذرائع کے کاروبار سے شروع ہو کر اس کی حمایت کرے گا اور مشرق وسطیٰ کے بڑے تیل پیدا کرنے والے ممالک کے لیے تیل کی ترسیل کی خدمات بھی فراہم کرے گا۔

    آئل ریفائنری کی تعمیر کا خیال جون 2022 میں چائنہ اوورسیز پورٹس ہولڈنگ کمپنی (سی او پی ایچ سی) کے چیئرمین ژانگ باؤ زونگ اور پاکستان کے وزیر اعظم شہباز شریف کے درمیان ہونے والی ملاقات میں پیش کیا گیا تھا۔

    واضح رہے کہ ایسٹ سی گروپ کے سی ای او فانگ یولونگ جو کہ پاکستان چائنا جوائنٹ چیمبر آف کامرس اینڈ انڈسٹری (PCJCCI) کے سینئر نائب صدر بھی ہیں، نے گزشتہ ہفتے پی سی آئی سی سی آئی سیکرٹریٹ میں تھنک ٹینک سیشن میں بریفنگ کے دوران گوادر پیٹرولیم سٹوریج اینڈ ٹرانسپورٹیشن ٹریڈنگ سینٹر کی تعمیر کے میگا پراجیکٹ کے آغاز کی خبر سناتے ہوئے ایک خوشگوار لہر دوڑادی۔

    ریفائنری کے قیام کو آسان بنانے کے لیے 27 جون کو کمیٹی کے پہلے اجلاس میں، جس کے بعد سیکرٹری پٹرولیم ڈویژن کی زیر صدارت متعدد اجلاس ہوئے، تمام اسٹیک ہولڈرز نے ریفائنری کی سہولت کے لیے اپنی مکمل حمایت اور تیاری کا اظہار کیا۔

    حکومت پاکستان کی جانب سے میگا پراجیکٹ کو گرین لائٹ کرنے کے لیے، متعلقہ ادارے تفصیلی بزنس پلان اور مزید کارروائی کے لیے فزیبلٹی اسٹڈی کی جانچ پڑتال کے لیے کمر بستہ ہیں۔ منصوبہ بندی اور تعمیرات کے لیے آئل اینڈ گیس ریگولیٹری اتھارٹی (اوگرا) اوگرا آرڈیننس 2022 کے تحت لائسنسنگ کی ضروریات پوری کرے گی۔

    دفاعی نمائش ’آئیڈیاز 2022‘ آج سے کراچی ایکسپو سینٹر میں شروع

    گوادر چیمبر آف کامرس اینڈ انڈسٹری کے صدر ناگمان عبدل نے آئل ریفائنری منصوبے کو ”ترقی کے ایک نئے باب کو کھولنے کے لییعمل انگیز” قرار دیا روزگار کے مواقع پیدا ہونے سے نہ صرف کاروبار کے مزید راستے کھلیں گے بلکہ پاکستان کا تیل کا بل بھی سکڑ جائے گا۔

    ایسا لگتا ہے کہ چینی آئل ریفائنری شروع کرنے کے اقدام سے دیگر غیر ملکی سرمایہ کاری کی حوصلہ افزائی ہو گی جو ماضی قریب میں آئل ریفائنری کے شعبے میں کئی وجوہات کی وجہ سے رک گئی تھی۔

    جنوری 2019 میں سعودی عرب کے وزیر توانائی خالد الفالح نے اعلان کیا تھا کہ عرب قوم پاکستان کی گہرے پانی کی بندرگاہ گوادر میں 10 بلین ڈالر کی آئل ریفائنری قائم کرنے کا منصوبہ بنا رہی ہے۔ تاہم یہ منصوبہ واپس لے لیا گیا۔ بعد میں مبہم انداز میں یہ اشارہ دیا گیا کہ گوادر کے بجائے پاکستان میں کہیں اور آئل ریفائنری قائم کی جا سکتی ہے۔

    چند روز قبل سعودی عرب گوادر میں نئے سرے سے مصروفیت کا اشارہ دے کر ایک بار پھر حرکت میں آیا۔ 27 اکتوبر کو وفاقی وزیر خزانہ سینیٹر محمد اسحاق ڈار نے سعودی عرب کے وزیر توانائی شہزادہ عبدالعزیز بن سلمان بن عبدالعزیز کے ساتھ سعودی – پاکستان سپریم کوآرڈینیشن کونسل کی پہلی مشترکہ اقتصادی ذیلی کمیٹی کی ایک ورچوئل میٹنگ بھی کی۔

    پنجاب و خیبرپختونخوا صارفین کیلیے گیس مزید مہنگی ہونے کا امکان

    دریں اثنا، متحدہ عرب امارات نے بھی ایک گہری تبدیلی، جدید ترین ریفائنری قائم کرنے پر آمادگی ظاہر کی ہے جس کی پیداوار حب (بلوچستان کا ایک قصبہ) میں پاک-عرب ریفائنری لمیٹڈ (پارکو) میں یومیہ 500,000 بیرل ہو گی۔

    اس وقت پاکستان میں آئل ریفائننگ کے شعبے میں پانچ مقامی کمپنیاں کام کر رہی ہیں جن میں پاک عرب ریفائنری لمیٹڈ (پارکو)، اٹک ریفائنری لمیٹڈ (اے آر ایل)، نیشنل ریفائنری لمیٹڈ ( این آر ایل)، پاکستان ریفائنری لمیٹڈ (پی آر ایل) اور Cnergyico Pk Limited شامل ہیں۔ (سی پی ایل)۔ تمام ریفائنریز ہائیڈرو سکیمنگ ریفائنری ہیں، سوائے پارکو کے جو کہ ایک ہلکی تبدیلی والی ریفائنری ہے۔

    گوادر پرو کی رپورٹ کے مطابق پاکستان کی آئل ریفائننگ کی صلاحیت تقریباً 450,000 بیرل یومیہ (bpd) ہے، جو 20 ملین ٹن سالانہ کے برابر ہے۔ مقامی ریفائنریوں نیملک کی ضروریات کا تقریباً 60 فیصد ڈیزل ، 30 فیصد موٹر پٹرول ، اور 100 فیصد جیٹ ایندھن فراہم کیا ہے۔ باقی کو بہتر مصنوعات کے طور پر درآمد کیا جاتا ہے۔ پاکستان میں پیٹرو کیمیکل کی پیداوار کی کوئی بنیادی سہولت نہ ہونے کی وجہ سے پاکستان سالانہ 2 بلین امریکی ڈالر سے زیادہ مالیت کے پیٹرو کیمیکلز درآمد کر رہا ہے۔

    عمران خان کے ہنگاموں سے 2014 میں چینی صدر جبکہ 2022 میں سعودی ولی عہد کا دورہ منسوخ

  • موٹرسائیکل چھیننے والے اسپیشلسٹ اسٹریٹ کریمنل گینگ کے 4 کارندے گرفتار

    موٹرسائیکل چھیننے والے اسپیشلسٹ اسٹریٹ کریمنل گینگ کے 4 کارندے گرفتار

    باغی ٹی وی کی رپورٹ کے مطابق شہر قائد کراچی میں پولیس کی جرائم پیشہ عناصر کیخلاف کاروائیاں جاری ہیں

    بلال کالونی پولیس نے خفیہ اطلاع پر کاروائی کی اور موٹرسائیکل چھیننے والے اسپیشلسٹ اسٹریٹ کریمنل گینگ کے 4 کارندے گرفتار کر لئے،ملزمان کے خلاف کاروائی سی سی ٹی وی فوٹیج کی مدد سے بھی کی گئی ملزمان کا گینگ نیو کراچی ڈویژن سمیت ڈسٹرکٹ سینٹرل میں مسلسل کاروائیاں کر رہا تھا اور پولیس کو انتہائی مطلوب تھا ملزمان میں قاسم عرف کلو ، احمر عرف لٹو ، احسان عرف پتلو اور بابو شامل ہیں.ملزمان نے انکشاف کیا کہ 27 اگست کو شاہراہِ نور جہاں کی حدود سے ہنڈا 100 موٹر سائیکل چھینی.14 نومبر کو نیو کراچی سلیم سینٹر کے پاس سے سوزوکی 110 سمیت نقدی اور موبائل فون چھین کر فرار ہوگئے تھے.

    ملزمان نے گذشتہ روز ہی بلال کالونی کی حدود سے کاشف نامی شہری سے 110 بائیک 30 ہزار نقد اور 2 عدد موبائل فون بھی چھینے تھے ملزمان نے بتایا کہ وہ موٹر سائیکل حب بلوچستان میں ملّا نامی آدمی کو دیتے ہیں جو منشیات فروش ہے جس سے آئس اور ہیروئین بھی حاصل کرتے ہیں ملزمان اسٹریٹ کرائم کی درجنوں وارداتوں میں ملوث ہیں اور دورانِ ڈکیتی مزاحمت پر فائرنگ کرنے سے بھی گریز نہیں کرتے ،ملزمان منشیات کے بھی عادی ہیں اور عادی جرائم پیشہ ہیں گرفتار ملزمان کے قبضے سے 4 عدد 30 بور پسٹل، 2 عدد چھینی ہوئی موٹر سائیکل، 1 آلٹو کار، 20 سے زائد موبائل فون، چھینے ہوئے پرس اور دیگر سامان بھی برآمد کیا گیا، گرفتار ملزمان کے خلاف مقدمات درج کر کے تفتیش کا آغاز کردیا گیا

    عمران خان نے کل اداروں کے خلاف زہر اگلا ہے،وزیراعظم

    عمران خان کے فوج اور اُس کی قیادت پر انتہائی غلط اور بھونڈے الزامات پر ریٹائرڈ فوجی سامنے آ گئے۔

    القادر یونیورسٹی کا زمین پر تاحال کوئی وجود نہیں،خواجہ آصف کا قومی اسمبلی میں انکشاف

  • متنازعہ ٹویٹ،اعظم سواتی کیس کی سماعت ملتوی

    متنازعہ ٹویٹ،اعظم سواتی کیس کی سماعت ملتوی

    متنازعہ ٹویٹ کرنے پر سائبر کرائم کا مقدمہ ،اعظم سواتی سینئر سول جج محمد شبیر کی عدالت میں پیش ہوئے

    سینئر سول جج کی رخصت کے باعث اعظم سواتی کیس کی سماعت ڈیوٹی جج رانا مجاہد رحیم نے کی،دوران سماعت اعظم سواتی کی حاضری لگائی گئی ،کیس کی سماعت بغیر کسی کارروائی کے 30 نومبر تک ملتوی کر دی گئی

    اعظم سواتی نے متنازعہ ٹویٹ کی تھی جس پر اعظم سواتی کے خلاف مقدمہ درج کیا گیا تھا اور انہیں گرفتار کیا گیا تھا  اعظم سواتی کی درخواست ضمانت پر عدالت نے فیصلہ سنایا تھا اور اعظم سواتی کی درخواست ضمانت منظور کر لی تھی،  اعظم سواتی کو اداروں کے‌ خلاف ٹویٹ کرنے پر مقدمہ درج کر کے ایف آئی اے نے گرفتار کیا تھا،  عدالت نے اعظم سواتی کو جوڈیشل ریمانڈ پر جیل بھجوانے کا حکم دیا تھا جس کے بعد سینیٹر اعظم سواتی نے ضمانت بعد از گرفتاری کی درخواست دائرکر دی تھی، عدالت میں دائر درخواست میں انہوں نے رہائی کی استدعا کی تھی

    جو نقشے عدالت میں پیش کئے گئے وہ سب جعلی،یہ سب ملے ہوئے ہیں، مارگلہ ہلز کیس میں چیف جسٹس کے ریمارکس

    نور مقدم قتل کیس، ظاہر جعفر پر ایک اور مقدمہ درج

    مارگلہ کی پہاڑیوں پر تعمیرات پر پابندی عائد

    ایف نائن پارک میں شہری پر حملے کا مقدمہ تھانہ مارگلہ میں درج کر لیا گیا

    سینیٹر اعظم سواتی نے ضمانت بعد از گرفتاری کی درخواست دائرکر دی

  • توہین الیکشن کمشنر کیس،عمران خان سمیت دیگر کو نوٹسز جاری

    توہین الیکشن کمشنر کیس،عمران خان سمیت دیگر کو نوٹسز جاری

    سپریم کورٹ نے توہین الیکشن کمیشن اور توہین الیکشن کمشنر کیس میں تحریک انصاف کے چیئرمین عمران خان اور دیگر پی ٹی آئی رہنماﺅں کو نوٹسز جاری کر دیئے

    توہین الیکشن کمیشن اور توہین الیکشن کمشنر کیس کی سپریم کورٹ میں سماعت ہوئی،چیف جسٹس عمر عطا بندیال کی سربراہی میں تین رکنی بنچ نے سماعت کی ،عدالت نے الیکشن کمیشن کی درخواست پر عمران خان ،فوادچودھری اور اسدعمر کو نوٹسز جاری کر دیئے

    عدالت نے الیکشن کمیشن کی حکم امتناع کیخلاف اپیلیں سماعت کیلئے مقرر کرنے کا حکم دیتے ہوئے کہا کہ الیکشن کمیشن نے مختلف ہائی کورٹس میں زیرالتوا کیسز کو کسی ایک ہائیکورٹ میں منتقل کرنے کی درخواست کی الیکشن کمیشن کاموقف ہے کہ بلدیاتی اور عام انتخابات کی تیاری کریں یا کیسز لڑیں عدالت نے کیس کی سماعت 15 دن کیلئے ملتوی کر دی

    فوج اور قوم کے درمیان خلیج پیدا کرنا ملک دشمن قوتوں کا ایجنڈا ہے،پرویز الہیٰ

    سپریم کورٹ نے دیا پی ٹی آئی کو جھٹکا،فواد چودھری کو بولنے سے بھی روک دیا

    بیانیہ پٹ گیا، عمران خان کا پول کھلنے والا ہے ،آئی ایم ایف ڈیل، انجام کیا ہو گا؟

    عمران خان معافی مانگنے جج زیبا چودھری کی عدالت پہنچ گئے

    نجی ٹی وی کے مطابق الیکشن کمیشن کو عمران خان کا جواب مقررہ وقت پر موصول نہیں ہوا تھا، الیکشن کمیشن نے فواد چوہدری اور اسد عمر کے جواب کو غیر تسلی بخش قرار دیا تھا۔پی ٹی آئی چیئرمین عمران خان اور فواد چوہدری کے خلاف دو، دو اور اسد عمر کے خلاف ایک کیس ہے۔ فواد چوہدری اور اسد عمر نے جواب میں کہا تھا کیس الیکشن کمیشن کے دائرہ اختیار سے باہر ہے، جواب میں کہا گیا تھا نوٹس نا قابل سماعت اور آئین سے متصادم ہے۔  تحریک انصاف کے چیئرمین اور سابق وزیراعظم عمران خان نے توہین الیکشن کمیشن کیس میں جواب جمع کراتے ہوئے الیکشن کمیشن کے دائرہ اختیار کو چیلنج کیا تھا، تاہم الیکشن کمیشن نے ان کے جواب کو غیر تسلی بخش قرار دیا تھا۔

  • وزیراعظم کے معاون خصوصی فیصل کریم کنڈی کا دوران سفر سامان غائب

    وزیراعظم کے معاون خصوصی فیصل کریم کنڈی کا دوران سفر سامان غائب

    وزیراعظم کے معاون خصوصی فیصل کریم کنڈی کا دوران سفر سامان غائب.

    وزیراعظم کے معاون خصوصی و ترجمان پیپلزپارٹی فیصل کریم کنڈی کا دوران سفر سامان غائب ہوگیا۔ رپورٹس کے مطابق فیصل کریم کنڈی غیر ملکی ائیر لائن کی پرواز سے اسلام آباد سے یو اے ای جا رہے تھے۔
    https://twitter.com/fkkundi/status/1592153651266871296
    فیصل کریم کنڈی نے سوشل میڈیا پر بیان جاری کیا اور واقعہ پر غیرملکی ائیرلائن سے ناراضی کا اظہار کرتے ہوئے کہا ہے کہ 24 گھنٹے بعد بھی سامان نہیں ملا،غیرملکی ائیرلائن کا غیر پیشہ ورانہ اقدام ہے۔ دوسری جانب غیر ملکی ائیرلائن کا کہناہے کہ سامان ڈھونڈنے کی کوشش کررہےہیں۔ لہذا جیسے ہی سامان ملتا ہے آپ کو آگاہ کردیا جائے گا.

    خیال رہے کہ فیصل کریم کنڈی سابق ڈپٹی اسپیکر قومی اسمبلی، جبکہ پاکستان پیپلزپارٹی کے مرکزی سیکرٹری اطلاعات و وزیر اعظم کے معاون خصوصی برائے تخفیف غربت وسماجی تحفظ مقرر ہیں ان کا تعلق ضلع ڈیرہ اسماعیل خان سے ہے. واضح رہے کہ 19 دسمبر کو ہونے والے بلدیاتی انتخابات میں دو سیاسی مخالفین علی امین گنڈہ پور کے بھائی عمر امین اور فیصل کریم کنڈی درمیان مقابلہ ہوا تھا.
    مزید یہ بھی پڑھیں؛
    عمران خان کی رہائشگاہ پر 90 لاکھ روپے کے بلٹ پروف شیشے لگائے جائیں گے
    میٹا اور ٹوئٹر کے بعد ایمازون کا اپنے10 ہزار ملازمین کو برطرف کرنے کا ارادہ
    چین اور ایران امریکہ میں مخالفین کی جاسوسی کرارہے ہیں، امریکی فیڈرل بیورو آف انویسٹی گیشن
    ڈیرہ اسماعیل خان سٹی میئر شپ کیلئے وفاقی وزیر علی امین کے کپتان بھائی عمر امین گنڈہ پور اور پیپلز پارٹی کے مرکزی سیکرٹری اطلاعات فیصل کریم کنڈی آمنے سامنے تھے جبکہ میئر شپ کیلئے جمیعت علماء اسلام کے امیدوار کفیل نظامی، دیگر امیدوار بھی دوڑ میں شامل تھے۔ یاد رہے بلدیاتی انتخابات کے یہ امیدوار ایک دوسرے پر موروثی سیاست، حکومتی مشینری کے استعمال اور پیسوں کی چمک کے الزامات بھی دھرتے رہے تھے لیکن ڈیرہ کی عوام نے دسمبر کو جیت کا سہرا عمر امین کے سر بٹھایا تھا کیونکہ فیصل کریم کنڈی وہ شخص ہیں جو ماضی میں ایک بار الیکشن جیت دوبارہ نظر نہیں آئے تھے.

  • 2500 نوری سال کے فاصلے پر موجود کون نیبیولا کی تصویر جاری

    2500 نوری سال کے فاصلے پر موجود کون نیبیولا کی تصویر جاری

    جرمنی: زمین سے تقریباً 2500 نوری سال کے فاصلے پر موجود دودھیا کہکشاں کے ستارہ ساز خطے ’کون نیبیولا‘ (Cone Nebula) کی تصویر جاری کر دی گئی مخروطی نیبولا کی ایک خوفناک تصویر، اسے ایک افسانوی مخلوق کی طرح ظاہر کرتی ہے۔

    باغی ٹی وی : رواں سال کے ابتداء میں یورپین سدرن آبزرویٹری (ای ایس او) کی جانب سے لی گئی اس تصویر میں تاریک اور ابر آلود نیبیولا کی پُر اسرار وجود کو دیکھا جاسکتا ہے۔

    سات نوری سال طویل کون نیبیولا کا ستون NGC 2264 نامی خطے کا ایک حصہ ہے اور اس کو پہلی بار 18 ویں صدی میں ماہرِ فلکیات ولیم ہرشل نے دریافت کیا تھا۔

    تاریخ میں پہلی بار چاند پر کاروباری سرگرمیوں کا آغاز


    کون نیبیولا کی یہ منفرد شکل ٹھنڈی گیس کے بڑے بڑے بادلوں اور گرد و غبار کی وجہ سے ہے۔ یہ عناصر نئے ستاروں کی تشکیل کے اسباب کے طور پر جانے جاتے ہیں۔

    یورپی خلائی مشاہدہ گاہ کے مطابق اس ستون کا وجود تب ظاہر ہوتا ہے جب بڑے بڑے نو تشکیل نیلے روشن ستارے ہوائیں اور شدید الٹرا وائلٹ شعائیں خارج کرتے ہیں جو ان ستاروں کے اطراف سے مواد اڑا لے جاتی ہیں۔

    آٹو میٹک ویدر اسٹیشن سے اگلے 10 روز کی پیشگوئی کی جا سکے گی


    ای ایس او کا کہنا تھا کہ جس اس مواد کو دور دھکیلا جاتا ہے تو نئے ستاروں سے دور جانے والی گیس اور گرد دبتی ہے اور کثیف، تاریک اور لمبے ستون جیسی شکلیں وجود میں آتی ہیں۔

    یہ عمل NGC 2264 میں چمکدار ستاروں سے دور اشارہ کرتے ہوئے تاریک مخروطی نیبولا بنانے میں مدد کرتا ہے یہ تصویر ESO کی بہت بڑی ٹیلی سکوپ پر دو آلات کے ساتھ حاصل کی گئی تھی، جو دنیا کی سب سے جدید نظر آنے والی روشنی فلکیاتی رصد گاہ ہے جو چلی میں واقع ہے۔

    زمین سے 30 لاکھ نوری سال کے فاصلے پر موجود تنہا کہکشاں دریافت


    ان دو فلٹرز کا استعمال چمکدار نیلے ستاروں کو بناتا ہے – حالیہ ستاروں کی تشکیل – تقریبا سنہری دکھائی دیتی ہے اگرچہ اس خاص نیبولا کا پہلے بھی مطالعہ کیا جا چکا ہے، لیکن نئی تصویر اسے زیادہ ڈرامائی انداز میں پیش کرتی ہے۔

    یہ نیبولا آسمان میں برج مونوکیروس (دی یونیکورن) میں پایا جا سکتا ہے ESO نے یہ تصویر اپنے قیام کی 60 ویں سالگرہ کے ایک حصے کے طور پر اور تعلیم اور رسائی کے مقاصد کے لیے جاری کی۔

    3700 سال پرانی کنگھی پر دنیا کا قدیم ترین تحریری جملہ دریافت


    5 اکتوبر 1962 کو پانچ ممالک نے رصد گاہ بنانے کے لیے ایک کنونشن پر دستخط کیے تھے۔ اب سائنسی کوشش کو 16 رکن ممالک اور اسٹریٹجک شراکت داروں کی حمایت حاصل ہے۔

    سطح سمندر سے 2000 میٹربلندی پرمکہ کی فضا میں آسمانی بجلی کی چمک کا شاندار نظارہ

  • عمران خان کے ہنگاموں سے 2014 میں چینی صدر جبکہ 2022 میں سعودی ولی عہد کا دورہ منسوخ

    عمران خان کے ہنگاموں سے 2014 میں چینی صدر جبکہ 2022 میں سعودی ولی عہد کا دورہ منسوخ

    عمران خان کے ہنگامے؛ 2014 میں چینی صدر اور 2022 میں سعودی ولی عہد کے دورے منسوخ ہوئے.

    ملکی تاریخ میں آٹھ سال کے عرصہ میں دوسری بار تحریک انصاف کے سربراہ عمران خان کی تخریبی سیاست کے نتیجے میں دوست ممالک کے تعاون سے پاکستان کی گرتی ہوئی معیشت کو مستحکم کرنے کی کوششوں کو نقصان ہوا۔ شکیل انجم کے مطابق پہلی بار2014 میں عمران خان نے کاروبار حکومت بند کر کے ملکی معیشت کو متزلزل کرنے کے لئے وفاقی دارالحکومت کو 126روز تک محصور رکھا۔ تاریخ گواہ ہے کہ اس طویل دھرنے کے دوران دنیا کو یہ باور کرایا گیا کہ پاکستان ایک شورش زدہ ملک ہے یہاں کسی حکومت یا ادارے کی کوئی حیثیت نہیں اور تحریک انصاف ملک میں امام خمینی طرز کا انقلاب لانے میں کامیاب ہو جائے گی۔

    خیال رہے کہ اس دوران کنٹینر سے عوام کو "مارو۔۔ مرجاؤ۔۔ ملک کو آگ لگا دو۔۔نظام کو تہہ و بالا کر دو۔۔” کی ترغیب دی گئی۔۔ملک میں سول نافرمانی کا اعلان کرتے ہوئے عوام کو ٹیکس ادا نہ کرنے کی ہدایت کی گئی۔۔کنٹینر پر خود عمران خان نے بجلی اور گیس کے بلوں کے علاوہ یوٹیلیٹی بل جلائے۔۔سپریم کورٹ اور پارلیمنٹ ہاؤس کی عمارتوں کی تضحیک اور توہین کی گئی۔۔پی۔ٹی۔وی ہیڈکواٹرز سمیت سرکاری عمارتوں پر قبضے کر کے مفتوح عمارتوں پر تحریک انصاف کے جھنڈے لہرا کر دنیا میں پاکستان کو شورش زدہ ملک ظاہر کیا گیا۔
    مزید یہ بھی پڑھیں؛
    عمران خان کی رہائشگاہ پر 90 لاکھ روپے کے بلٹ پروف شیشے لگائے جائیں گے
    میٹا اور ٹوئٹر کے بعد ایمازون کا اپنے10 ہزار ملازمین کو برطرف کرنے کا ارادہ
    چین اور ایران امریکہ میں مخالفین کی جاسوسی کرارہے ہیں، امریکی فیڈرل بیورو آف انویسٹی گیشن
    جبکہ ملک میں پیدا کی جانے والی بد امنی، شورش اور تخریبی سیاست کے نتیجے میں چین کے صدر شی جن پنگ نے جو سی پیک معاہدوں کو حتمی شکل دینے کے لئے 20 اپریل 2014 کو پاکستان کے دو روزہ سرکاری دورے پر آ رہے تھے, اپنا دورہ منسوخ کر دیا تھا جس کا فائدہ بھرپور انداز میں بھارت کو ہوا کیونکہ چین کے سربراہ بھارت چلے گئے اور وہاں انہوں نے کئی ایسے معاہدے بھی دستخط کئے جو پاکستان کے ساتھ ہو سکتے تھے اور ملک کو صرف ایک شخص کی تخریبی سازش کے نتیجے میں اربوں ڈالرز کا نقصان برداشت کرنا پڑا۔ عمران خان کی منفی انداز سیاست کے نتیجے میں پاکستان میں 20 ارب ڈالرز سے سرمایہ کاری کے منصوبے لے کر پاکستان آنے کے لئے تیار سعودی عرب کے ولی عہد اور وزیر اعظم شہزادہ محمد بن سلطان نے 20 نومبر کو شروع ہونے والا سرکاری دورہ معطل کر دیا ہے۔

  • سطح سمندر سے 2000 میٹربلندی پرمکہ کی فضا میں آسمانی بجلی کی چمک کا شاندار نظارہ

    سطح سمندر سے 2000 میٹربلندی پرمکہ کی فضا میں آسمانی بجلی کی چمک کا شاندار نظارہ

    سعودی عرب کے ایک مشہور فوٹوگرافر مغربی سعودی عرب کے شہر طائف سے سطح سمندر سے 2000 میٹر کے فاصلے سے مکہ المکرمہ کے آسمان پر بجلی کی چمک کا ایک انتہائی تخلیقی اور خوبصورت منظر کیمرے میں محفوظ کیا –

    باغی ٹی وی : "العربیہ” کے مطابق مکہ مکرمہ کے آسمان پر جیسے ہی بادل جمع ہوئے، سعودی فوٹو گرافرعبد القادر المالکی اپنا کیمرہ لے کر پہاڑوں کی ڈھلوانوں کی طرف چلے گئے تاکہ بجلی کی چمک اور بادلوں کی خوبصورتی کو قید کیا جا سکے۔

    11 سالہ طالبعلم نے آئی کیو ٹیسٹ میں آئن اسٹائن اور اسٹیفن ہاکنگ کو پیچھے چھوڑ دیا


    انہوں نے کہا ہے کہ مکہ مکرمہ میں بارش کے امکان کا پتہ چلا تو الہدا کے مشہور مقام الکر پر پہنچا یہ جگہ سطح سمندرسے دو ہزار میٹر بلند ہے، میں بارش کے برسنے کا انتظار کرتا رہا اس دوران مکہ مکرمہ کے آسمان بجلی چمکی اور اسے اسی لمحے کیمرے کی آنکھ میں محفوظ کر لیا۔

    سوشل میڈیا پلیٹ فارمز پر اس تصویر کو کافی پسند کیا جارہ ہے اور اس تصویرکوشاندار شاٹ قرار دیا۔ بہت سے سماجی کارکنوں نے مکہ کی فضا میں آسمانی بجلی کی چمک کی تصویر کوبہترین اسنیپ شاٹ قرار دیا۔

    17 لاکھ 83 ہزار سے زائد مسلمان فضائی سفر طے کرکے ارض مقدس عمرہ کرنے پہنچے. سرکاری…

  • چنیوٹ میں تعلیمی اداروں کے اوقات تبدیل کردیئے گئے

    چنیوٹ میں تعلیمی اداروں کے اوقات تبدیل کردیئے گئے

    پنجاب کے ضلع چنیوٹ میں تعلیمی اداروں کے اوقات تبدیل کردیئے گئے ہیں.

    پنجاب کے ضلع چنیوٹ میں پاکستان تحریک انصاف کے حقیقی آزادی لانگ مارچ کے موقع پر تعلیمی اداروں کے اوقات تبدیل کردیئے گئے ہیں۔ چنیوٹ کے محکمہ تعلیم کے مطابق لانگ مارچ کے روٹ پر آنے والے تعلیمی اداروں میں اوقات کم کیے گئے ہیں۔ حکام کے مطابق لانگ مارچ کے شرکاء کی سیکیورٹی کے پیش نظر تعلیمی ادارے 11 بجے بند کرنے کا فیصلہ کیا ہے۔

    اس سلسلے میں ضلعی انتظامیہ کے تحت چلنے والے نجی اداروں میں مکمل چھٹی کی ہدایات بھی جاری کی گئی ہے۔ خیال رہے کہ پی ٹی آئی کا حقیقی آزادی لانگ مارچ ٹوبہ ٹیک سنگھ، جھنگ اور فیصل آباد سے ہوتا ہوا آج بروز منگل 15 نومبر کو چنیوٹ میں داخل ہوگا۔ سیکیورٹی کے پیش نظر مارکیٹ کمیٹی نے غلہ منڈی بھی بند رکھنے کا حکم نامہ جاری کیا ہے۔
    مزید یہ بھی پڑھیں؛
    عمران خان کی رہائشگاہ پر 90 لاکھ روپے کے بلٹ پروف شیشے لگائے جائیں گے
    میٹا اور ٹوئٹر کے بعد ایمازون کا اپنے10 ہزار ملازمین کو برطرف کرنے کا ارادہ
    چین اور ایران امریکہ میں مخالفین کی جاسوسی کرارہے ہیں، امریکی فیڈرل بیورو آف انویسٹی گیشن
    واضح رہے کہ پاکستان تحریک انصاف کے نئے حقیقی آزادی لانگ مارچ کا آغاز گزشتہ ماہ کے اختتام پر شروع ہوا۔ لانگ مارچ کے دوران وزیرآباد پنجاب کا وہ شہر ہے جہاں تحریک انصاف کے لانگ مارچ پر فائرنگ کی گئی تھی۔ عمران خان کے مطابق ان سمیت 13 افراد کو گولیاں لگیں جب کہ ان کے ایک کارکن معظم اس فائرنگ کے واقعے میں ہلاک ہوئے۔ فائرنگ اور چیئرمین پی ٹی آئی کے زخمی ہونے کے بعد لانگ مارچ میں تعطل آیا، جس کے بعد 10 نومبر کو تحریک انصاف کا حقیقی آزادی مارچ دوبارہ شروع ہوا۔