Tag: تازہ ترین

وفاقی وزیر داخلہ رانا ثناءاللہ نے پارلیمنٹ میں میڈیا سے گفتگو کرتے ہوئے کہا ہے کہ عمران خان جیسے شخص سے بات ممکن نہیں،

وفاقی وزیر داخلہ رانا ثناء اللہ کا کہنا تھا کہ خان صاحب نے ابھی تیاری پکڑنی ہے ہم مکمل تیار ہیں،ریڈزون کو احتیاط برتنے کے لئے سیل کیا ہے،ریڈ زون کو آج کھول رہے ہیں جب خان صاحب آنے کا ارادہ ظاہر کریں گے تو دوبارہ سیل کریں گے ، مظاہرین کو منتشر کرنے کے لیے جدید طریقہ اختیار کیاجائے گا، آنسو گیس کے شیل اور ربڑ کی گولیاں مظاہرین پر برسانے کے لئے جدید طریقہ اختیار جائے گا،ڈرون شیلنگ کے استعمال پر بھی غور کیا جائے گا ,صوبوں سے پولیس فورس مانگی ہے اگر پولیس کی نفری بھجوانے سے انکار کیا تو انکے خلاف آئین کے تحت کاروائی ہوگی

واضح رہے کہ عمران خان اسلام آباد کی جانب مارچ کا اعلان کر سکتے ہیں، جس کے لئے وفاقی حکومت نے تیاریاں شروع کر دی ہیں، عمران خان نے پہلے بھی مئی میں مارچ کا اعلان کیا تھا اور پشاور سے اسلام آباد آئے تھے تا ہم لوگ کم ہونے کی وجہ سے اسلام آباد پہنچ کر ہی واپس چلے گئے تھے

عمران خان نے ووٹ مانگنے کیلئے ایک صاحب کو بھیجا تھا،مرزا مسرور کی ویڈیو پر تحریک انصاف خاموش

اسلام آباد ہائیکورٹ نے شہباز گل ضمانت کیس کا تفصیلی فیصلہ جاری کردیا

چیئرمین پی ٹی آئی عمران خان سے شہباز گل کی بنی گالہ میں گزشتہ روز ملاقات ہوئی ہے

دوسری جانب پی ڈی ایم کے ترجمان حافظ حمد اللہ نے کہا ہے کہ عمران خان ملک میں سیاسی بحران پیدا کرنے کی ناپاک کوشش کررہا ہے ترجمان پی ڈی ایم حافظ حمداللہ کا کہنا تھا کہ ستمبر میں مارچ کی کال اسی ناپاک ایجنڈے کا حصہ ہے مارچ لانگ ہو یا شارٹ یا کوئیک یہ ٹھس مارچ ثابت ہو گا الیکشن اکتوبر 2023 میں وقت مقررہ پر ہونگے سپریم کورٹ اور الیکشن کمیشن کے فیصلوں کے مطابق تم سر ٹیفائیڈ بددیانت آئین شکن جھوٹے اور انٹرنیشنل منی لانڈرر ثابت ہوچکے ہو تم پارٹی سمیت امپورٹڈ بیرونی فنڈڈ اور ایڈڈ ثابت ہوچکے ہو تم صادق اور امین نہیں رہے اگر تم واقعی ملک میں الیکشن چاہتے ہو تو پنجاب اسمبلی اور کے پی کے اسمبلی توڑ دیں آپ کو پیٹنے چیخنے بھڑکیں اور دھونس دھمکیوں سے کچھ نہیں ملے گا

شوکت ترین ایف آئی اے سائبر کرائم کی انکوائری میں شامل

تحریک انصاف دور کے وزیر خزانہ شوکت ترین مبینہ آڈیو لیک کے معاملے پر ایف آئی اے کے سامنے پیش ہوگئے۔ شوکت ترین گزشتہ روز خاموشی سے ایف آئی اے آفس آئے اور انکوائری ٹیم کے سوالات کے جواب دیئے۔ شوکت ترین سے ڈپٹی ڈائریکٹر محمد ایاز اور انکوئری افسر منیب احمد نے سوالات کئے۔ شوکت ترین سے ٹیلی فونک کال کے بارے میں پوچھ گچھ کی گئی۔

شوکت ترین ایف آئی اے کے سوالات اپنے ساتھ لے گئے اوروکیل سے مشورہ کرکے ان کے جوابات دیں گے۔ ایف آئی اے کی جانب سے کہا گیا کہ ضرورت پڑنے پر شوکت ترین کو دوبارہ بھی طلب کیا جائے گا۔ پاکستان تحریک انصاف کے رہنما شوکت ترین اور تیمورسلیم جھگڑا کی مبینہ آڈیو کال کے معاملے پر ایف آئی اے نے سابق وزیرخزانہ شوکت ترین کو بدھ کی صبح 10 بجے اسلام آباد کے زونل آفس میں پیش ہونے کی ہدایت کی تھی۔ تاہم شوکت ترین بدھ کی صبح پیش نہیں ہوئے جس کے بعد ان کو جمعرات کو پیش ہونے کا نوٹس جاری کیا گیا تھا۔

ایف آئی اے کی جانب سے واضح کیا گیا تھا کہ اگر شوکت ترین پیش نہ ہوئےتو ان کے خلاف دفعہ 174 کے تحت کارروائی کی جائے گی۔ چند ہفتے قبل شوکت ترین کی ایک مبینہ آڈیو لیک ہوئی جس میں وہ پنجاب کے وزیر خزانہ محسن لغاری اور خیبرپختونخوا کے وزیر تیمور جھگڑا سے الگ الگ گفتگو کررہے تھے۔ مبینہ آڈیو کال میں شوکت ترین نے دونوں رہنماؤں کو آئی ایم ایف معاہدے کے تناظر میں وفاقی حکومت کو جواب دینے کے بارے میں مشورے دیئے تھے۔

مبینہ ٹیلفونک گفتگو میں سابق وزیر خزانہ شوکت ترین نے کہا کہ یہ جو آئی ایم ایف کو 750 ارب روپے کی کمٹمنٹ دی ہے آپ سب نے سائن کیا ہے، حکومت پردباؤ ڈالنے کیلئے آئی ایم ایف سے کہا جائے کہ آپ سے کمٹمنٹ سیلاب سے پہلے کی تھی، اب ہم سیلاب متاثرین پر پیسے خرچ کررہے ہیں، اس لئے ہماری لئے مشکلات ہوسکتی ہے۔ شوکت ترین نے صوبائی وزیرخزانہ کو زور دیتے ہوئے کہا کہ آپ نے اب آئی ایم ایف کو لکھنا ہے کہ اب ہم یہ کمٹمنٹ پوری نہیں کر پائیں گے، بس یہی لکھنا ہے آپ نے اور کچھ نہیں کرنا۔

صوبائی وزیرخزانہ محسن لغاری نے شوکت ترین سے دریافت بھی کیا کہ کیا اس سے ریاست کومشکل نہیں ہوگی۔ جس پر شوکت ترین نے پارٹی مفاد کو ترجیح دیتے ہوئے کہا کہ حکومت ہمارے چئیرمین سے کس طرح ٹریٹ کررہی ہے، یہ تو نہیں ہوسکتا کہ وہ ہم پر کیسز کرتے رہیں، بلیک میل کرتے رہیں اور ہم ان کی مدد کرتے رہیں۔
اسلام آباد میں آڈیولیکس پرسابق وزیر خزانہ شوکت ترین نے میڈیا سے گفتگو میں کہا کہ انہوں نے 22 کروڑعوام کی بات کی اور کوئی غداری نہیں کی۔ شوکت ترین کا کہنا تھا کہ انھوں نے کسی انفرادی فائدے کیلئے کچھ نہیں کہا۔ سابق وزیرخزانہ نے کہا کہ موجودہ حکمرانوں نے بھی تو آئی ایم ایف کے کاغذات پھاڑنے کی بات کی تھی اور یہ بھی کہا تھا کہ آئی ایم ایف پروگرام ریورس کردیں گے۔

واضح رہے کہ 31 اگست کو شوکت ترین کی مبینہ آڈیو لیک کے حوالے سے وزیر قانون اعظم نذیر تارڑ نے کہا تھا کہ سابق وفاقی وزیرخزانہ نے صوبائی وزرائے خزانہ سے ملکی مفاد کے خلاف گفتگو کی، ہم نے شوکت ترین، محسن لغاری اور تیمور جھگڑا کی مبینہ آڈیو کا فرانزک کا فیصلہ کرلیا ہے۔ انھوں نے مزید کہا تھا کہ رپورٹ آنے کے بعد قانون کے مطابق کارروائی کی جائے گی، ریاست پاکستان کیخلاف جانے والوں سے آہنی ہاتھوں سے نمٹا جائے گا۔

شیخ رشید احمد نے وفاقی کابینہ کی تشکیل کواسلام آباد ہائیکورٹ میں چیلنج کر دیا ہے. عوامی مسلم لیگ کے سربراہ شیخ رشید نے وفاقی کابینہ کی تشکیل کو اسلام آباد ہائی کورٹ میں چیلنج کردیا۔

شیخ رشید نے عدالت میں دائر درخواست میں موقف اختیار کیا کہ اسمبلی کے کل ارکان کے 11 فیصد ہی وزرا بن سکتے ہیں۔ آرٹیکل 92/1 کے تحت وفاقی کابینہ کی موجودہ تعداد غیر قانونی ہے۔ شیخ رشید نے وزرا اور معاونین کے عہدوں پر68تعیناتیوں کو کالعدم قرار دینے اور درخواست پر حتمی فیصلے تک وزرا اور معاونین کو کام سے روکنے کی استدعا کی۔ درخواست میں وفاق، وزیراعظم کو بذریعہ سیکرٹری اور وزارت قانون کو فریق بنایا گیا۔ کابینہ میں شامل تمام افراد کو بھی درخواست میں فریق بنایا گیا ہے۔

دوسری جانب عوامی مسلم لیگ کے سربراہ شیخ رشید احمد نے اپنے ٹوئیٹر بیان میں آج کہا تھا کہ اسلام آباد 27 کلومیٹر کی بڑی جیل بن گیا ہے۔ یہ مصنوعی اقتدار کو بچانے کے لیے اپنے عوام پر ڈرون سے آنسو گیس کے گولے ماریں گے۔ سماجی رابطے کی ویب سائٹ ٹوئٹر پر جاری بیان میں شیخ رشید احمد نے کہا کہ 72 میں سے 22 وزرا بےمحکمہ ہیں۔ اس پرہائیکورٹ میں رِٹ دائرکردی ہے۔غریب کوآٹانہیں مل رہایہ امریکا کے 7 اسٹارہوٹلوں میں سیر سپاٹے کررہے ہیں۔

72میں سے22وزراء بےمحکمہ ہیں،اس پرہائیکورٹ میں رٹ دائرکردی ہے۔غریب کوآٹانہیں مل رہایہ امریکہ کے7سٹارہوٹلوں میں سیرسپاٹےکررہےہیں۔مصنوعی اقتدارکوبچانےکےلیےاپنی عوام پرڈرون سےآنسو گیس کےگولےماریں گےدنیاباتیں کررہی ہے،امدادنہیں دے ری۔بندگلی میں جاناہےیاالیکشن کراناہے،فیصلہ جلدہوجائےگا

— Sheikh Rashid Ahmed (@ShkhRasheed) September 22, 2022

تحریک انصاف کے ممکنہ لانگ مارچ کے پیش نظر اسلام آباد میں سکیورٹی سخت کیے جانے پر تنقید کرتے ہوئے سابق وزیر داخلہ شیخ رشید احمد کا کہنا ہے کہ وفاقی دارالحکومت 27 کلومیٹر کی ایک بڑی جیل بن گیا ہے۔ اور مصنوعی اقتدار کو بچانے کے لیے اپنے عوام پر ڈرون سے آنسو گیس کےگولے ماریں گے۔ جو سراسر ناانصافی اور ظلم ہوگا.

سابق وزیر داخلہ شیخ‌ رشید احمد نے مزید کہا ہے کہ دنیا باتیں کررہی ہے،امدادنہیں دے رہی۔بندگلی میں جانا ہے یا الیکشن کراناہے،فیصلہ جلدہوجائےگا۔ مزید 2کروڑ لوگ خط غربت کی لکیر سے نیچے جا چکے ہیں۔پیٹرول پر 2 ارب روزانہ غریب کی جیب سے خزانے میں جارہاہے۔ پہلےخزانے پرڈاکا مارتےتھےاب غریب کی جیب پر ڈاکا ماررہے ہیں۔ انہوں نے کہا کہ پی ڈی ایم کی الٹی گنتی شروع ہوگئی ہے۔ فرانس سے بغل گیر ہونا اور اسرائیل میں وفد بھیجنا سوالیہ نشان ہے۔

واضح رہے گزشتہ روز ریڈزون سیل کرنے پر ردعمل دیتے ہوئے شیخ رشید نے کہا تھا کہ: ابھی عمران خان کی کال نہیں آئی،لیکن سینکڑوں کینٹینرزاسلام آباد آگئے ہیں۔30 ہزار کی نفری منگوائی گئی ہے۔رنجیت سنگھ کی سوچ اسلام آباد کو پانی پت کا میدان بناناچاہتی ہے۔27 کلومیٹر کی حکومت اپنے گرد خود سارے صوبوں کا حصار بنوانے کی ذمہ دار ہے۔عوام کا فیصلہ 2 ٹوک ہے، الیکشن کراؤ اورگھر جاؤ