Tag: تازہ ترین

راجن پور کی خاتون کو مقامی سرداروں کے خلاف آواز بلند کرنا مہنگا پڑگیا۔اطلاعات کے مطابق گزشتہ دنوں خاتون نے امداد نہ ملنے پر مقامی سرداروں کے خلاف بیان دیا تھا جس کی خبر جیو نیوز پر بھی نشر ہوئی تھی۔

اب خاتون کو مقامی سرداروں کے خلاف آواز بلند کرنا مہنگا پڑگیا اور بااثر افراد کی جانب سے دھمکیاں ملنے لگیں۔سیلاب متاثرہ خاتون کی نئی ویڈیو سوشل میڈیا پر وائرل ہوگئی۔ خاتون نے حکومت سے تحفظ کی اپیل کی ہے۔

یاد رہے کہ چند دن پہلے ایک ویڈیو وائرل ہوئی تھی جس کو دیکھنے اور سننے کے بعد بڑے سے بڑے پتھر دل بھی ریزہ ریزہ ہوگئے ہیں ،ایک ماں جوسیلاب میں گھرے ہوئے اپنے بچوں کے لیے ایک وقت کی روٹی کےلیے در در کی ٹھوکریں کھارہی ہے

اے پروردگار امیرغریبوں کو نہیں جینے دے رہے،ان ظالموں کے ہاتھوں رسوائی سے بہتر ہے کہ ہمیں موت دے دے
دل چیر دینے والے الفاظ سیلاب متاثرہ فاضل پور کی رہائشی اس خاتون نے مقامی وڈیروں ،وفاقی حکومت اور صوبائی حکومت پنجاب کے ضمیر جگانے کے لئے ایسے الفاظ کہے کہ کلیجہ پھٹنے کو آتا ہے pic.twitter.com/c0Ab1EonVF

— M@A@Tahir (@PakFirst_) September 7, 2022

اس ویڈیو میں بے بس یہ ماں اللہ کے دربار میں ہاتھ اٹھائے ہوئے اپنی اوراس علاقے کے دیگرغریبوں کی بے بسی پرخون کے آنسو روتی ہےاوراللہ کے حضور درخواست کرتی ہے کہ اللہ بڑی بے بس ہوں‌ کل سے راجن پور،فاضل پور اوردیگرمقامات پرماری ماری پھر رہی ہوں‌ کوئی میرے بچوں کے لیے ایک وقت کی روٹی ہی نہیں‌ دے رہے ،

یہ خاتون اس علاقے کے وڈیروں کے ظلم وزیادتی پرحکمرانوں کی آنکھیں‌ کھول رہی ہیں اور کہتی ہیں کہ ہم غریب بلوچ لوگ در در کی ٹھوکریں کھا رہے ہیں مگر یہاں کے دریشک سردار جو کچھ حکومت اوردیگرتنظیموں سے ملتا ہے وہ لے کراپنے ہی لوگوں میں بانٹ رہے ہیں ان کو کسی کی پرواہ نہیں ہے ، ، یہ خاتون کہتی ہیں کہ ہم ان حالات میں کدھر جائیں گے ،

یہ خاتون رو رو کراللہ کے حضور دعا کرتی ہےکہ ایسی بے بسی کی زندگی سے بہتر ہے کہ اے اللہ تو غریبوں کو ہی موت دے دے تاکہ یہ ان وڈیروں کے ہاتھوں بار بار رسوائی سے تو بچ جائیں ، کہ خاتون مزید کہتی ہیں کہ پتہ نہیں کہ ان ظالموں کو قبر بھی نصیب ہونی ہے یا کہ نہیں‌ یا کفن بھی ملنا ہے یا نہیں لیکن یہ یہاں غریبوں کا حق چھین کرلے جارہے ہیں ،یہ خاتون اپنے بچوں کی آہ وبکا کا ذکر کرتے ہوئے اللہ کے حضور روتے ہوئے دعا کررہی ہے کہ اس کے بچے بھوکے ہیں‌ ، سیلاب میں گھر ے ہوئے ہیں ، کوئی سائے کے لیے چیز نہیں ، پینے کے لیے پانی نہیں اورپیٹ کی آگ بجھانےکے لیے کھانا نہیں ، ہےکوئی جو اس دکھیا بیچاری ماں کے بھوکے بچوں کو ایک وقت کی روٹی دے سکے

پاکستان تحریک انصاف کے چیئرمین عمران خان کہتے ہیں کہ جسٹس اطہر من اللہ جو بھی فیصلہ کریں گے وہ قبول کروں گا۔گوجرانوالہ میں جلسہ عام سے خطاب کے دوران عمران خان نے کہا کہ میں کسی کی ڈکٹیشن لینے کے لیے تیار نہیں تھا ااس لئے مجھے ہٹایا گیا، بھارت روس سے 40 فیصد کم پر روس سے تیل خرید رہا ہے، ہم نے روس کے صدر سے بات بھی کی تھی، ہمیں 20 لاکھ ٹن گندم خریدنی تھی ، میں نے روسی صدر سے بات کی تو وہ سستی گندم دینے پر بھی مان گیا۔ بیرون ملک سازش کے ذریعے مسلط کئے گئے چوروں نے نا تو سستا تیل لیا نہ ہی گندم، اور دوسری طرف عوام پر مہنگائی کا عذاب نازل کیا۔

سابق وزیر اعظم نے کہا کہ جب تک کسی معاشرے میں قانون کی بالادستی نہیں ہوتی وہ ترقی نہیں کرسکتا، گائے بھینس چور ملک تباہ نہیں کرتے، وزیروں کی چوری سے ملک تباہ ہوتے ہیں۔ امپورٹڈ حکومت جب اقتدار میں آئی تو ان کی یہ کوشش تھی کہ یہ تحریک انصاف کو ختم کریں، انہوں نے اپنے بچے باریوں کے لئے استعمال کئے ہیں، یہ بچے بھی چوری کے پیسوں پر پلے ہوئے ہیں

عمران خان نے کہا کہ امپورٹڈ حکومت کی کوشش ہے کہ مجھے نااہل کیا جائے، ہر موقع ڈھونڈا جاتا ہے کہ مقدمات قائم کئے جائیں، میں جیل جانے کے لیے تیار تھا، جیل تو میرے لئے بڑی چھوٹی چیز ہے، میں ان چوروں کے خلاف اپنے ملک کو آزاد کرانے کے لیے جان کی قربانی کے لئے بھی تیار ہوں۔

چیئرمین تحریک انصاف نے کہا کہ جب شہباز گل کو ریمانڈ پر بھیجا گیا تو مین نے کہا تھا کہ اس پر قانونی کارروائی کریں گے، اس پر مجھ پر دہشت گردی کا مقدمہ درج کرایا گیا۔ شہباز گل کوئی دہشتگرد نہیں بلکہ امریکی یونیورسٹی میں اسسٹنٹ پروفیسر ہے۔ اگر اس نے مجھے جنسی تشدد کا پیغام بھیجا تو میں نے ردعمل دیا۔

عمران خان نے کہا کہ اطہر من اللہ کا ہائی کورٹ نے بڑے زبردست فیصلے دیئے ہیں، میں نے کئی مرتبہ ان کی تعریف کی ہے، وہ جو بھی فیصلہ کریں گے میں قبول کروں گا۔ انہوں نے مجھے بات کرنے کی اجازت نہیں دی، اگر بولنے دیتے تو شائد بتاہی دیتا کہ کس ماحول میں نے کہا، بہرحال کیس ابھی چلے گا۔

سابق وزیر اعظم نے کہا کہ ‘‘میں ان لوگوں سے بات کرنا چاہتاہوں جن کے پاس طاقت ہے، اپنے ملک کی اسٹیبلشمنٹ سے سوال کرنا چاہتا ہوں کہ جس طرح ہمارا ملک یہ امپورٹڈ حکومت تیزی سے نیچے کی جانب لے جارہی ہے، جب سے یہ آئے ہیں ہمارا ملک مہنگائی کے عذاب میں ہے اور معیشت جس طرح نیچے جارہی ہے، مجھے پتہ ہے کہ آپ کہتے ہیں کہ آپ نیوٹرل ہیں لیکن قوم آپ کو ذمہ دار ٹھہرائے گی اگر یہ ملک اسی طرح نیچے جاتا رہا، قوم آپ کو ذمہ دار ٹھہرائے گی اگر آپ روک سکتے تھے ملک کو دلدل میں پھنسنے سے لیکن آپ نے کچھ نہیں کیا’’۔

چیئرمین تحریک انصاف مزید کہا کہ کہ یہ قوم آپ کو ذمہ دار ٹھہرائے گی، اگر ہماری معیشت نیچے گئی جو براہ راست ہماری قومی سلامتی پر اثر انداز ہوگی، کیونکہ جیسے جیسے معیشت نیچے جارہی ہے ہم بیرونی طاقت کے اور بھی مجبور ہوتے جائیں گے، کیونکہ جو بھی پیسے دے گا وہ ہم سے وہ چیز مانگیں گے جو ہماری قومی سلامتی پر اثر انداز ہوگی، کیونکہ اب بھی وقت ہے اس ملک کو نیچے جانے سے بچائیں، کوئی دوسرا ملک پاکستان کو اس دلدل سے نہیں بچائے گا، ہمارے بیرون ملک ایک کروڑ پاکستانی ہمیں اس دلدل سے نکالیں گے۔ ہم جس دن اس ملک میں ان کی سرمایہ کاری لے آئے ، ہمارے پاس اتنے ڈالر آجائیں گے کہ ہمیں کسی کے سامنے ہاتھ پھیلانے نہیں پڑیں گے۔

اس سے قبل گوجرانوالہ بار ایسوسی ایشن سے خطاب کے دوران پی ٹی آئی چیئرمین عمران خان نے کہا کہ مجھے پاکستان کی حقیقی آزادی کی جدوجہد میں ملک کے وکیلوں کی ضرورت ہے، ہمارے ملک پر بڑے بڑے ڈاکوؤں کا قبضہ ہے۔ان کا کہنا ہے کہ بڑے بڑے چور بیرونی سازش کے تحت ملک پر مسلط کئے گئے ہیں، جب تک ہم ان سے خود کو آزاد نہیں کریں گے، ہمارا مستقبل اندھیرے میں ہی رہے گا۔

عمران خان نے کہا کہ وکیلوں کو میری ٹیم بننا ہے، میں آپ کا کپتان ہوں، اس وقت پاکستان میں قانون کے بجائے طاقت کی حکمرانی ہے، آپ کی ذمہ داری ہے کہ ہم اس ملک میں انصاف کی حکمرانی قائم کریں، میں انشاء اللہ بھرپور طریقے سے ان چوروں کا مقابلہ کرکے دکھاؤں گا۔سابق وزیراعظم کا کہنا ہے کہ پاکستان کے قیام کیلئے وکیلوں نے ہی سب سے زیادہ کام کیا تھا، ہم وکلاء برادری کے ساتھ مل کر اس ملک کو حقیقی طور پر آزاد کریں گے۔

آرمی چیف جنرل قمر جاوید باجوہ نے کانجو اور سوات کا دورہ کیا

وزیراعظم شہباز شریف نے چارسدہ میں سیلاب سے متاثرہ علاقوں کا دورہ کیا

پاک فضائیہ کی خیبر پختونخوا، سندھ، بلوچستان اور جنوبی پنجاب کے سیلاب سے شدید متاثرہ علاقوں میں امدادی کارروائیاں۔

پنجاب: وزیراعلیٰ ہاؤس، کابینہ اراکین کیلئے 40 نئی گاڑیوں کی خریداری کی منظوری،میڈیا ذرائع کےمطابق پنجاب کابینہ کی قائمہ کمیٹی برائے خزانہ و ترقی نے وزیراعلیٰ کی منظوری کے بعد پیش کی گئی سمری کی منظوری دے دی جس کے مطابق صوبائی حکومت وزیراعلیٰ ہاؤس اور صوبائی کابینہ کے ارکان کے لیے 30 کروڑ روپے سے زائد لاگت سے 40 نئی گاڑیاں خریدے گی۔

ذرائع کے مطابق سمری میں کہا گیا ہے کہ حکومت کابینہ کے ارکان کے لیے 4 ٹویوٹا فارچیونر کاریں، 3 ٹویوٹا ریوو ڈبل کیبن کاریں اور 33 ٹویوٹا کرولا آلٹیس (گرینڈ) کاریں خریدے گی۔نئی گاڑیوں کی خریداری کے لیے 30 کروڑ 5 لاکھ 70 ہزار روپے کے فنڈز رواں مالی سال 23-2022کے دوران پیشگی واپسی کی اجازت کے ساتھ ضمنی گرانٹ کے ذریعے فراہم کیے جائیں گے۔

ذرائع کا کہنا ہے کہ وزیراعلیٰ آفس نے ابتدائی طور پر 10 اگست کو دفتر کے ٹرانسپورٹ پول کے لیے 26 گاڑیوں کی درخواست کی تھی تاکہ سرکاری فرائض کی انجام دہی کے دوران کسی قسم کی تکلیف سے بچا جا سکے۔ان کے علاوہ دفتر نے 7 ستمبر کو ایس اینڈ جی اے ڈی کے ٹرانسپورٹ پول سے اضافی 14 گاڑیوں کا مطالبہ کیا، چنانچہ وزیراعلیٰ آفس کی درخواست کے مطابق 14 گاڑیاں تعینات کی گئیں۔ایس اینڈ جی اے ڈی کے ٹرانسپورٹ پول کو 14 گاڑیوں کی کمی کا سامنا کرنا پڑا تھا۔لہذا دفتر وزیراعلیٰ کے لیے 26 گاڑیوں کی خریداری کے علاوہ کابینہ کے اراکین اور دیگر سرکاری فرائض کے ساتھ تعیناتی کے لیے ایس اینڈ جی اے ڈی کے ٹرانسپورٹ پول کے لیے 14 ٹویوٹا کرولا آلٹیس (گرینڈ) کاریں درکار تھیں۔

نئی گاڑیوں کی خریداری پنجاب پروکیورمنٹ رولز 2014 کے رول-59(c)(vii) کے مطابق خریداری انڈس موٹر کمپنی لمیٹڈ یعنی ٹویوٹا گارڈن موٹرز پرائیویٹ لمیٹڈ کے مجاز ڈیلرز سے کی جائے گی۔ان 40 نئی گاڑیوں کی خریداری کے مالیاتی اثرات کا تخمینہ 30 کروڑ 5 لاکھ 70 ہزار روپے لگایا گیا ہے جن کی اسٹیڈنگ کمیٹی نے منظوری دے دی ہے۔اسی طرح وزیراعلیٰ پرویز الٰہی کی زیر صدارت کمیٹی نے ڈپٹی کمشنرز، ایڈیشنل ڈپٹی کمشنرز اور بورڈ آف ریونیو کے ممبران کے لیے بھی گاڑیوں کی خریداری پر غور کیا اور منظوری دی۔

اس حوالے سے سینئر ممبر بورڈ آف ریونیو زاہد اختر زمان نے ڈپٹی کمشنرز، اے ڈی سیز اور بورڈ آف ریونیو ممبران کے لیے گاڑیوں کی خریداری کے حوالے سے کالز اور واٹس ایپ پیغامات کا جواب نہیں دیا۔ذرائع کا کہنا ہے کہ ڈپٹی کمشنرز اور اے ڈی سیز کی گاڑیاں کافی پرانی ہیں اور انہیں جلد از جلد نئی گاڑیوں سے تبدیل کرنے کی ضرورت ہے۔ڈپٹی کمشنرز اور اے ڈی سیز فی الحال ضلعی چیئرمینوں کی ٹویوٹا فارچیونر گاڑیاں ایڈمنسٹریٹرز کی حیثیت سے استعمال کر رہے ہیں۔یہ گاڑیاں ڈی سیز اور اے ڈی سیز کے پاس ہی تھیں سوائے اس مختصر مدت کے جب سپریم کورٹ نے مقامی حکومتوں کو بحال کیا تھا۔

البتہ دیگر ذرائع نے بتایا کہ ڈپٹی کمشنر، ایڈیشنل ڈپٹی کمشنرز اور بورڈ آف ریونیو ممبران کے لیے گاڑیوں کی خریداری کا ایجنڈا آئٹم مؤخر کر دیا گیا۔علاوہ ازیں اسٹینڈنگ کمیٹی نے نئے انتظامی ڈویژن گجرات کے لیے اسامیاں تخلیق کرنے کی بھی منظوری دی۔

وزیراعلیٰ پرویز الٰہی کی زیر صدارت اجلاس میں نابینا، گونگے اور دیگر معذور ملازمین کے کنوینس الاؤنس میں اضافے کا اعلان کیا گیا تھا، جس کے مطابق معذور سرکاری ملازمین کا کنوینس الاؤنس 2000 روپے سے بڑھا کر 6000 روپے کرنے کی منظوری دی گئی۔