Tag: تازہ ترین

سرکاری زمین پر قبضہ کے الزام میں تحریک انصاف کے رکن قومی اسمبلی طلب کر لیئے گئے

سرکاری زمین پر قبضہ کے الزام میں محکمہ اینٹی کرپشن نے پی ٹی آئی کے رکن قومی اسمبلی فہیم کو طلب کرلیا۔ محکمہ اینٹی کرپشن کے مطابق محمد فہیم نے پی ڈی اے ملازمین کے ساتھ مل کر سرکاری زمین قبضہ کرکے تعمیرات کیں، انہیں آج صبح دس بجے طلب کیا گیا تاہم وہ پیش نہ ہوئے۔ اینٹی کرپشن حکام نے کہا ہے کہ انجنیئر فہیم احمد کو پیش نہ ہونے پر اب دوسرا نوٹس دیا جائے گا۔

دوسری جانب رکن قومی اسمبلی انجینئر فہیم نے کہا ہے کہ پارٹی پالیسیوں کے خلاف بیان دینے پر نوٹس دیا گیا، اینٹی کرپشن کی جانب سے اچانک نوٹس ملا، نجی مصروفیات کی وجہ سے پیش نہ ہوسکا۔ انہوں نے کہا کہ کرپشن کے خلاف میری درخواستیں تین سال سے اینٹی کرپشن دفتر میں موجود ہیں، تین سال سے درخواست پر کارروائی نہیں ہوئی، اپنی صوبائی حکومت میں کرپشن کے خلاف بات کیا کی، دو گھنٹے میں میرے خلاف انکوائری آرڈر کر دی۔

خیال رہے کہ سرکاری یا نجی زمین پر قبضہ کرنا شرعی طور پر بھی انتہائی ناجائز ہے اور یہ ملک پاکستان میں بھی یہ اخلاقی اور قانونی طور پر بھی جائز نہیں ہے.

یاد رہے کہ 2020 میں سپریم کورٹ نے مختلف معاملات پر درخواستوں کی سماعت کرتے ہوئے سرکاری زمینوں پر قبضہ ختم کرانے کی ہدایت کی تھی، ساتھ ہی چیف جسٹس پاکستان گلزار احمد نے طویل سماعت کے دوران ایک مرتبہ پھر حکام پر برہمی کا اظہار کرتے ہوئے ریمارکس دیے تھے کہ شہر کو ملبے کا ڈھیر بنا دیا گیا، وفاقی حکومت کی زمین، کنٹونمنٹ ایریا کو کیسے فروخت کرسکتے ہیں، کیا ملک میں کوئی قانون نہیں ہے، کیا کوئی نہیں دیکھ رہا۔

عدالت عظمیٰ نے زمینوں کے ریکارڈ کمپیوٹرائزڈ کرنے، کڈنی ہل پارک، متروکہ املاک کی زمین، ڈی ایچ اے، کے پی ٹی کی زمین، رائل پارک ریزیڈنسی، پی اینڈ ٹی کالونی میں غیرقانونی تعمیرات سمیت مختلف معاملات کو سنا تھا.

پریشان حال لوگ ہر طرح کی امداد کے منتظر ہیں،چیئرمین سینیٹ

چیئرمین سینیٹ محمد صادق سنجرانی سے حبیب بینک لمیٹڈ کے چیئر مین اور آغا خان فنڈ برائے اقتصادی ترقی کے ڈائریکٹر سلطان علی الانہ نے پارلیمنٹ ہاؤس میں ملاقات کی جسمیں حالیہ بارشوں اور سیلاب کے باعث ہونے والے نقصانات، ریلیف اور بحالی کے عمل کو تیز کرنے میں سماجی تنظیموں نے موثر کردار ادا کرنے پر تبادلہ خیال کیا گیا۔

چیئرمین سینیٹ محمد صادق سنجرانی نے سیلاب متاثرین کے لیے دس ملین ڈالر امدادکے اعلان پر آغا خان اور انکے ادارے کا شکریہ ادا کیا۔ ڈائریکٹر فنڈ نے بتایا کہ ان میں سے پانچ ملین ڈالر حکومت پاکستان کے ریلیف سے متعلق فنڈ میں دیئے جائیں گے جبکہ 5ملین ڈالرز آغا خان ڈیویلپمنٹ نیٹ ورک کے ذریعے سے ریلیف اور بحالی کے کاموں پر خرچ کئے جائیں گے۔ چیئرمین سینیٹ کو بتایا گیا کہ حبیب بینک لمیٹیڈ نے بھی سماجی ذمہ داری کے تحت عوامی بھلائی کیلئے سیلاب سے متاثر علاقوں میں ریلیف کے عمل میں مناسب شمولیت کی ہے اور بلوچستان کے متاثرین کو ریلیف فراہم کرانے کیلئے اقدامات اٹھائے ہیں

چیئرمین سینیٹ نے پاکستان میں صحت، تعلیم اور دیہی ترقی کے لیے آغاخان ڈویلپمنٹ نیٹ ورک کی کاوشوں کو سراہا۔ انہوں نے مخیر حضرات اور فلاحی تنظیموں سے اپیل کی کہ سیلاب متاثرین کی مدد کے لیے بھرپور کوششیں کریں تاکہ بحالی کے کاموں کو تیز تر کیا جا سکے۔ سیلاب سے متاثرہ علاقوں میں بحالی وتعمیر نو کے لئے بڑے پیمانے پروسائل درکار ہیں اور ہم سب کو مل کر اتحاد کے ساتھ اس مشکل کا مقابلہ کرنا ہوگا۔ صاحب حیثیت لوگ سیلاب متاثرین کیلئے خوراک اور صحت کی بنیادی سہولیات فراہم کرنے کیلئے انتظامات کریں پریشان حال لوگ ہر طرح کی امداد کے منتظر ہیں

فوج اور قوم کے درمیان خلیج پیدا کرنا ملک دشمن قوتوں کا ایجنڈا ہے،پرویز الہیٰ

سپریم کورٹ نے دیا پی ٹی آئی کو جھٹکا،فواد چودھری کو بولنے سے بھی روک دیا

بیانیہ پٹ گیا، عمران خان کا پول کھلنے والا ہے ،آئی ایم ایف ڈیل، انجام کیا ہو گا؟

سینئر قیادت پرہتک آمیز،انتہائی غیرضروری بیان پرپاک آرمی میں شدید غم وغصہ ہے،ڈی جی آئی ایس پی آر

پاکستان کو ریلیف اور بحالی کی سرگرمیوں میں بڑی امداد کی ضرورت ہے،انتونیو گوتریس

وزیرخارجہ بلاول بھٹو سے یواین سیکریٹری جنرل انتونیو گوتریس کی ملاقات ہوئی ہے ملاقات میں سیلاب سے تباہ کاریو ں ،متاثرین کی بحالی اور امداد ی سرگرمیوں پر گفتگو کی گئی ، وزیر خارجہ بلاول زرداری کا کہنا تھا کہ یواین سیکریٹری جنرل کا دورہ ہمارے لئے باعث افتخار ہے،مشکل وقت میں یو این سیکریٹری جنرل کے دورہ پاکستان پر مشکور ہیں،پاکستان میں سیلاب کے باعث بڑے پیمانےپر تباہی کا سامنا ہے، سیلاب کے باعث 3 کروڑ30 لاکھ افراد متاثر ہوئے ہیں،سیلاب نے سندھ، بلوچستان، خیبر پختونخوا اور گلگت بلتستان میں تباہی مچائی ہے، پاکستان میں سیلاب کے باعث 1300 سے زائد افراد جان کی بازی ہار چکے ہیں،سیلاب متاثرہ علاقوں میں وبائی امراض کا پھیلاو ہمارے لئے بڑا چیلنج ہے،سیلاب متاثرین کی بحالی کیلئے ہر ممکن اقدامات کئے جا رہے ہیں ،ہم 3 کروڑ 30 لاکھ لوگوں کو شیلٹر فراہم کرنے کی طاقت نہیں رکھتے،سیلاب متاثرین کی بحالی کیلئے اقوام متحدہ اور عالمی برادری کی مدد درکار ہے،

یو این سیکریٹری جنرل انتونیو گوتریس کا کہنا تھا کہ پاکستان موسمیاتی تبدیلی کے اثرات سے متاثر ہو رہا ہے،دورہ پاکستا ن کا مقصد سیلاب متاثرین اورپاکستان کے عوام سے اظہار یکجہتی ہے،پاکستان میں سیلاب سے انسانی جانوں کے ضیاع پر افسوس ہے پاکستان میں سیلاب کے باعث بڑی تباہی پر افسوس ہے،پاکستان ان ممالک میں شامل ہے جن کو موسمیاتی تبدیلیوں کے چیلنجز کا سامنا ہے پاکستان اور افغانستان نے ہمیشہ دوسری کمیونٹی کو سپورٹ کیا، پاکستان کی افغان مہاجرین کیلئے میزبانی لائق تحسین ہے،پاکستان کے متعدد علاقوں میں غیر معمولی بارشیں ہوئی ہیں، پاکستان کو ریلیف اور بحالی کی سرگرمیوں میں بڑی امداد کی ضرورت ہے،موسمیاتی تبدیلی موجودہ دور کا مسئلہ ہے،موسمیاتی تبدیلی کی وجہ سے پاکستان کو سیلاب کا سامنا ہے،

وزیر خارجہ بلاول بھٹو زرداری سے یو ایس ایڈ کی ایڈمنسٹریٹر سمانتھا پاور کی دفتر خارجہ میں ملاقات ہوئی ہے ،وزیر خارجہ بلاول بھٹو زرداری نے یو ایس ایڈ کی ایڈمنسٹریٹر کو پاکستان میں سیلاب کی تباہ کاریوں اور حکومت کی جانب سے بحالی و امداد کی سرگرمیوں سے آگاہ کیا وزیر خارجہ بلاول بھٹو زرداری نے امدادی سرگرمیوں کے لئے 30 ملین ڈالر کی امداد پر یو ایس ایڈ کا شکریہ ادا کیا وزیر خارجہ بلاول بھٹو زرداری نے یو ایس ایڈ کی ایڈمنسٹریٹر سے پاکستان کے لئے عالمی برادری کے وسائل کو متحرک کرنے کے حوالے سے تعاون کی خواہش کا اظہارکیا

پی ٹی آئی کے منحرف رکن اسمبلی کے گھر پر حملہ،فائرنگ،قاتلانہ حملہ کیا گیا، بیٹے کا دعویٰ

اللہ خیر کرے گا،دعا کریں پاکستان کی خیر ہو ،شہباز شریف پارلیمنٹ ہاؤس پہنچ گئے

غیرت کے نام پر استعفے دینے والے آج عدالت چلے گئے، ثانیہ عاشق

اقوامِ متحدہ کے سیکریٹری جنرل انتونیو گوتریس کی وزیراعظم ہاؤس آمد ہوئی

وزیرِ اعلیٰ خیبر پختون خوا محمود خان نے میرٹ کی دھجیاں اڑاتے ہوئے اپنے پی ایس او کے بھائی اور گومل یونیورسٹی کے کمپیوٹر آپریٹر کو خیبر پختونخواہ ہاؤس اسلام آباد کا انچارج لگا دیا ہے.

ذرائع نے بتایا ہے کہ خیبر پختونخواہ حکومت نے گریڈ 18 کی پوسٹ پر گریڈ 16 کا کمپیوٹر آپریٹر تعینات کر دیا ہے.، وزیرِ اعلیٰ خیبر پختون خوا محمود خان کے پی ایس او نے اپنے بھائی کو کے پی ہاؤس اسلام آباد کا کمپٹرولر بنوا دیا ہے، انجم نیاز نے کے پی ہاؤس اسلام آباد کے کمپٹرولر کا چارج سنبھالتے ہی 22 ڈیلی ویجز ملازمین بھی بھرتی کر لیے۔
یہ بھی پڑھیں: الیکشن ملتوی کرنے کا جواز تسلیم نہیں کرتے ہیں. شاہ محمود قریشی
مشکل وقت میں حکومت کے ساتھ ہیں،امریکی قونصلر ڈیرک چولیٹ کی وزیراعلیٰ کو یقین دہانی

کمپٹرولر کے پی ہاؤس انجم نیاز کے زیرِ استعمال 3 گاڑیاں ہیں،انہیں سرکاری طور پر پیٹرول بھی دیا جا رہا ہے اور کنوینس الاؤنس بھی ۔انجم نیاز سرکاری گھر میں رہائش پذیر ہیں اس کے باوجود وہ ہاؤس رینٹ بھی لے رہے ہیں، گھر، بجلی اور گیس کے بل سرکاری خزانے سے ادا کیے جا رہے ہیں، جو ایک کرپشن ہے.

کے پی ہاؤس کے بل انجم نیاز کے بھائی پی ایس او ٹو چیف منسٹر ویریفائی کرتے ہیں۔ اور وہ انہیں ادا کیئے جاتے ہیں جو کہ ایک قسم کی بدیانتی ہے، کمپٹرولر کے پی ہاؤس انجم نیاز نے اس ضمن میں نجی ٹی ویسے گفتگو کرتے ہوئے کہا کہ میری تعیناتی ڈپارٹمنٹ نے کی ہے، میں نے خود نہیں کی، میری تعیناتی سے متعلق ڈپارٹمنٹ سے بات کریں۔ تاہم جب باغی ٹی وی اسلام آباد کے نمائندہ خصوصی ملک رمضان اسراء وزیر اعلی خیبر پختونخواہ کے پی ایس او سے اس بارے میں رابطہ کیا تو کوئی جواب نہیں دیا گیا.