Tag: تازہ ترین

‏اسلام آباد:قطر کے قومی دن کی مناسبت سے تقریب کا انعقاد ہوا-

باغی ٹی وی: وزیر اعظم شہباز شریف نےقطر کے قومی دن کی مناسبت سے تقریب سے خطاب کیا،انہوں نے کہا کہ قطر کے قومی دن کی تقریب میں شرکت پرخوشی ہے، قومی دن پر حکومت اور عوام کی طرف سے امیر قطر کو مبارکباد پیش کرتا ہوں،پاکستان اور قطر کے درمیان تار یخی، مضبوط برادرانہ تعلقات قائم ہیں-

وزیر اعظم شہبازشریف نے کہا کہ شیخ تمیم بن حمد الثانی کی دور اندیش قیادت میں قطر نے نمایاں ترقی کی ،قطر میں فٹبال ورلڈ کپ کا کامیاب انعقاد اس کی بہترین مثال ہے،قطر کے حالیہ دورہ کے دوران دوحہ میں نمائش کا افتتاح کیا، نمائش کی سرپرستی کیلئے اپنی بہن شیخہ المیاسہ کی کوششوں اور امیرقطر کا شکر گزار ہوں-

نمائش میں پاکستان کی ثقافت کے رنگ نمایاں تھے،وزیراعظم محمد شہباز شریف نے کہا کہ امیر قطر پاکستان میں مختلف شعبوں میں سرمایہ کاری میں دلچسپی رکھتے ہیں، امیرقطرکےدورہ پاکستان کے منتظر ہیں، قطر اور پاکستان کے اقتصادی تعلقات ہر گزرتے دن کے ساتھ مضبوط ہو رہے ہیں، پاکستان قطر دوطرفہ تجارت اور سرمایہ کاری کو بڑھانے کی بڑی گنجائش موجود ہے-

انہوں نے کہا کہ پاکستان سےآئی ٹی اور مصنوعی ذہانت کے شعبوں میں تربیت یافتہ نوجوانوں کو قطر بھیجیں گے پاکستانیوں کا قطر میں آئی ٹی ،تعمیرات اورفارماسیوٹیکل سمیت مختلف شعبوں کی ترقی میں اہم کردار ہے لبنانی وزیراعظم کوشام سے پاکستانیوں کے انخلاء کیلئے تعاون کی درخواست کی ہے،شام سے پاکستانیوں کے انخلاء کےلئے بھرپور کوشش کریں گے-

اسلام آباد: پیپلزپارٹی اور حکومتی کمیٹیوں کے اجلاس کی اندرونی کہانی سامنے آگئی –

باغی ٹی وی: پاکستان پیپلزپارٹی کے تحفظات دور کرنے کے لیے مسلم لیگ (ن) اور پی پی کی رابطہ کمیٹی کے درمیان اہم بیٹھک ہوئی ہے،دونوں سیاسی جماعتوں کے وفود کی اہم بیٹھک پنجاب ہاؤس کی گورنر انیکسی میں ہوئی۔

ذرائع کے مطابق پنجاب ہاؤس اسلام آباد میں حکومتی کمیٹیوں سے طویل ملاقات میں پی پی وفد نے لیگی کمیٹی کے سامنے خوب گلے شکوے کئے،ملاقات کے دوران پیپلزپارٹی کے وفد نے مسلم لیگ ن کو مختلف امور پراپنے تحفظات سے آگاہ کیا، پی پی نے پنجاب میں کمیٹیوں کی سفارشات پر بھی عملدرآمد نہ ہونے کا شکوہ کیا گیا۔

ذرائع کے مطابق اجلاس کے موقع پر لیگی کمیٹی نے پیپلزپارٹی کے تحفظات پر اعلیٰ سطح پر غور کرنے کی یقین دہانی کرائی گئی، حکومت وفد نے پی پی تحفظات دور کرنے کیلئے مزید وقت مانگ لیا، اجلاس میں تحفظات کے خاتمے کیلئے ایک اور نشست پراتفاق کیا گیا۔

مسلم لیگ ن کی جانب ڈپٹی وزیر اعظم اسحاق ڈار، مشیر وزیراعظم رانا ثناء اللہ ، وزیرقانون اعظم نذیر تارڑ، اسپیکر پنجاب اسمبلی ملک احمد خان، احد چیمہ اور امیر مقام ملاقات میں موجود تھے، جبکہ پیپلز پارٹی کا9 رکنی وفد راجہ پرویز اشرف کی قیادت میں موجود ہے، جس میں نوید قمر، شیری رحمان، وزیراعلی سندھ مراد علی شاہ ،وزیر اعلی بلوچستان سرفراز بگٹی، گورنر پنجاب سردار سلیم حیدر، گورنر خیبرپختنخوا فیصل کریم کنڈی، سابق گورنر پنجاب مخدوم احمد محمود اور علی حیدر گیلانی بھی شریک ہیں۔

اسلام آباد: وزیراعظم شہبازشریف نے لبنانی ہم منصب سے ٹیلی فون پر رابطہ کیا ہے جس میں انہوں نے پاکستانیوں کے محفوظ انخلا میں تعاون کی درخواست کی ہے-

باغی ٹی وی : اس حوالے سے جاری اعلامیہ کے مطابق شہباز شریف کی جانب سے لبنانی وزیراعظم نجیب میقاتی سے ٹیلی فون پر گفتگو کے دوران پاکستانیوں کے انخلا میں تعاون کی درخواست پر لبنانی ہم منصب نے انہیں ہر ممکن تعاون کی یقین دہائی کرائی ہے۔

وزیراعظم نے لبنان کے خلاف اسرائیل کی فوجی جارحیت کی مذمت کرتے ہوئے برادر اسلامی ملک کی جانب سے جنگ بندی کے معاہدے کا خیرمقدم ہےانہوں نے کہا کہ پاکستانی قوم لبنان کے عوام کے ساتھ کھڑی ہے ، اسلامی بھائیوں اور بہنوں کو انسانی بنیادوں پر امداد فراہم کی، مستقبل میں بھی ہر ممکن مدد فراہم کرنے کیلئے تیار ہیں۔

وزیراعظم پاکستان نے لبنانی ہم منصب سے ٹیلی فون پر گفتگو کے دوران فلسطینی عوام کیلئے بھی جنگ بندی کے معاہدے پر زور دیا۔

علاوہ ازیں وزیراعظم نے شام اور لبنان میں تعینات پاکستانی سفیروں سے بھی رابطہ کیا ہے، شام میں پھنسے ہوئے پاکستانیوں کے محفوظ انخلا کیلئے ہر ممکن تعاون کی ہدایت کر دی وزیراعظم نے دمشق میں پاکستانی سفارتخانے کو معلوماتی ڈیسک اور پاکستانیوں سے را بطے کے لیے ہیلپ لائن قائم کرنے کی ہدایت کی ہے۔

شام کی باغی ملیشیا حیات التحریر الشام (ایچ ٹی ایس) کے ملک پر قبضے کے باعث سیکڑوں پاکستانی زائرین شام میں پھنسے ہونے کی اطلاعات ہیں، ہر سال لاکھوں پاکستانی مقدس مقامات کی زیارت کے لیے عراق اور شام جاتے ہیں۔

اسلام آباد: جمعیت علمائے اسلام (ف) کے رہنما حافظ حمداللہ نے اپنے ایک بیان میں کہا ہے کہ حکومت بل کی آڑ میں علما کوآپس میں لڑوانا چاہتی ہے-

باغی ٹی وی : جے یو آئی رہنما حافظ حمد اللہ نے کہا کہ مدارس بل سینیٹ اوراسمبلی نے پاس کیا، مدارس بل پرسب نے اتفاق کیا تو اعترا ض کیا ہے پیپلزپارٹی نے بھی اس بل کو ایوان میں سپورٹ کیا تھا، سوال یہ ہے کہ بل کو مسترد کیوں کیا گیا، بل کی آڑ میں علما کوآپس میں لڑوانے کی کوشش ہو رہی ہے، حکومت کیوں علما کو اکٹھا کرکےفساد پھیلانا چاہ رہی ہے۔

دوسری جانب چار سدہ میں پریس کانفرنس کرتے ہوئے مولانا فضل الرحمان ںے کہا کہ مدارس کے بل پر نواز شریف، آصف زرداری، سینیٹ، قومی اسمبلی سب متفق ہوگئے تھے، بل سینیٹ میں پیش ہوا، اسمبلی نے بل پاس مگر صدر نے دستخط کیے، اگر صدر دیگر بلز پر دستخط کرسکتا ہے تو اس مدرسہ بل کو اعتراضات کے ساتھ واپس کیوں بھیجا؟-

انہوں ںے کہا کہ آج نیا شوشا چھوڑا ہے کہ مدارس تو پہلے وزارت تعلیم کے ساتھ وابستہ تھے، بتانا چاہوں گا کہ اس مدارس بل میں ہم نے تمام مدارس کو مکمل آزادی دی ہے کہ وہ کسی بھی وفاقی ادارے کے ساتھ الحاق چاہیں تو کرلیں چاہے وہ 1860ء ایکٹ کے تحت ہو یا وزارت تعلیم، ہمیں کوئی اعتراض نہیں ہر مدرسہ آزاد ہے تو اعتراض کیسا؟

انہوں نے کہا کہ علما کو علما کے مقابل لایا جارہا ہے مدارس میں کوئی اختلاف نہیں ہے مدراس بل پر تمام علما و مدارس کا اتفاق ہے، نئے شوشے نہ چھوڑیں، علما کو تقسیم کرنے کی سازش کی جارہی ہے، آج ہم ایک حتمی اعلان کرنے جارہے تھے کہ مفتی تقی عثمانی اور صدر وفاق المدارس کی جانب سے اطلاع آئی کہ انہوں ںے 17دسمبر کو اہم اجلاس طلب کرلیا ہے ہم اپنے فیصلے و اعلان کو اس اجلاس تک روکتے ہیں اس اجلاس کے بعد متفقہ طور پر فیصلے کیے جائیں گے۔

سربراہ جے یو آئی نے کہا کہ حکومت اس معاملے کو سیاسی اکھاڑا نہ بنائے ہم قانون کی بات کررہے ہیں جب کہ وہ مدارس کو ایک ایگزیکٹو آرڈر کے ماتحت کرنا چاہتے ہیں جب کہ مدارس کو قانون کے تحت ریگولرائزڈ کرنے کی کوشش کررہے ہیں لیکن مدارس کی آزادی و خودمختاری کو اپنی جگہ قائم رکھنا چاہتے ہیں، ہم نے جب وزارت تعلیم کے تحت رجسٹرڈ ہو کر ان کی بات مانی تو انہوں نے ہم پر ایگز یکٹو آرڈر کے ذریعے ایک ڈائریکٹوریٹ مسلط کردیا یعنی وہ ہمیں ماتحت کرنا چاہتے ہیں جبکہ مدارس ان کے ماتحت ہونے کو تیار نہیں۔

انہوں ںے کہا کہ مدارس بل پر تو پاکستانی کے خفیہ ادارے بھی متفق تھے ان کے اتفاق رائے سے سارے معاملات طے ہوئے اگرچہ وہ نظر نہیں آتے مگر وہ موجود ہوتے ہیں رابطے میں رہتے ہیں ہمارا سوال یہی ہے کہ جب سب کچھ اتفاق رائے سے طے ہوا تو اب کیا ہوگیا؟ یہ ہے وہ بدنیتی، ہم جیت چکے ہیں پارلیمنٹ اس بل کو پاس کرچکی ہے، جو چیز طے ہوچکی ہے اسے مستحکم کرنا چاہتے ہیں ہمیں اس وقت تک حکومت کی کوئی تجویز قبول نہیں اگر انہوں ںے ہمیں اس میں ترمیم کرنے کے لیے کچھ دیا تو ان کی تجویز قبول کرنا تو دور کی بات ان کے مسودے کو چمٹے سے بھی پکڑنے کے لیے تیار نہیں۔

اسلام آباد: بیرون ملک سے کمرشل مقدار میں اشیا ساتھ لانے پر مکمل پابندی کا فیصلہ کرلیا گیا-

باغی ٹی وی: ایف بی آر نے بیگیج اسکیم میں ترمیم سے متعلق نوٹیفکیشن جاری کر دیا ہےنوٹیفکیشن کے مطابق بیگیج رولز 2006 میں مزید ترامیم سے متعلق مسودہ جاری کر دیا گیا ہے، قوانین میں ترامیم سے متعلق 7 روز میں سفارشات دی جاسکتی ہیں مقررہ معیاد کے بعد موصول ہونے والی تجاویز اور آرا قابل قبول نہیں ہوں گی۔

نوٹیفکیشن کے مطابق بیگیج اسکیم میں ترمیم کے تحت 1200 ڈالر سے زائد مالیت کی اشیاء کمرشل تجارت تصور ہوگی بیرون ملک سے ذاتی استعمال کے لیے ایک موبائل فون لانےکی اجازت ہوگی ایف بی آر کے مطابق ترمیم کے تحت ایک موبائل فون کے سوا تمام موبائل فون ضبط کر لیےجائیں گے، بیگیج اسکیم میں ترمیم کے تحت اضافی اشیاء ڈیوٹی، ٹیکس اور جرمانےکے باوجود کلیئر نہیں ہوں گی۔