Baaghi TV

Tag: تازہ ترین

  • خیبر پختونخوا حکومت کا الیکٹرانک جائیداد کارڈ کے اجرا کا فیصلہ

    خیبر پختونخوا حکومت کا الیکٹرانک جائیداد کارڈ کے اجرا کا فیصلہ

    پشاور: خیبر پختونخوا حکومت نےلینڈ ریکارڈز کے حصول کو آسان اور محفوظ بنانے کے لیے الیکٹرانک جائیداد کارڈ کے اجرا کا فیصلہ کیا ہے-

    باغی ٹی وی : وزیر اعلیٰ خیبر پختونخوا علی امین خان گنڈاپور کی زیر صدارت بورڈ آف ریونیو کے اجلاس میں جائیداد کارڈ کو ابتدائی طور پر صوبے کے ضم شدہ اضلاع میں جاری کرنے کا فیصلہ کیا ہے، بورڈ آف ریونیو کے اس اجلاس میں صوبائی وزیر مال کے علاوہ ایڈیشنل چیف سیکریٹریز، سینئر ممبر بورڈ آف ریونیو اور دیگر متعلقہ حکام نے شرکت کی۔

    بورڈ آف ریونیو کے حکام نے اجلاس کو بریفنگ میں بتایاکہ جائیداد کارڈ ای پاس بک کے طور پر کام کرے گا،شہری جائیداد کارڈ میں موجود کیو آر کوڈ اسمارٹ فون کے ذریعے اسکین کرکے اپنے تمام لینڈ ریکارڈ تک باآسانی رسائی حاصل کر سکتے ہیں، اس مقصد کے لیے انہیں سروس ڈیلیوری سینٹر، پٹوار خانے یا کسی بھی دفتر کا چکر نہیں لگانا پڑے گا، جائیداد کارڈ میں موجود ہائی سیکیورٹی فیچر کی بدولت زمینوں کے ریکارڈ میں ممکنہ جعل سازی کا موثر تدارک کیا جاسکے گا، اس کارڈ کے میں تمام اضلاع میں موجود ہر ایک شہری کی ملکیتی زمینوں کی تفصیلات درج کی جائیں گی۔

    ماضی کی مشہور فلم ’کرن ارجن‘ کو پھر سے سنیما گھروں میں ریلیز کرنے کا …

    وزیر اعلیٰ علی امین گنڈاپور کا کہنا تھا کہ الیکٹرانک جائیداد کارڈ کا اجرا ریونیو اصلاحات کے سلسلے میں صوبائی حکومت کا اہم قدم ہے، صوبائی حکومت لینڈ ریکارڈ اصلاحات کے لئے انفارمیشن اینڈ کمیونیکیشن ٹیکنالوجی کا موثر استعمال عمل میں لا رہی ہے اس طرح کے اقدامات سے لینڈ ریکارڈ کے جملہ امور میں شفافیت یقینی ہوگی اس کارڈ کے اجرا سے شہریوں مختلف قسم کی سہولیات کی فراہمی کے علاوہ جائیداد کی ملکیت سے متعلق تنازعات کو ختم کرنے میں مدد ملے گی، جائیداد کارڈ کا باضابطہ اجرا جلد سے جلد یقینی بنایا جائے گا۔

    وزیراعلیٰ پنجاب مریم نواز نے کسان کارڈ کا اجرا کردیا

  • پی ٹی‌آئی کا یکم نومبر کو پشاور رنگ روڈ پر جلسہ کرنے کا فیصلہ

    پی ٹی‌آئی کا یکم نومبر کو پشاور رنگ روڈ پر جلسہ کرنے کا فیصلہ

    پشاور: پاکستان تحریک انصاف (پی ٹی آئی) نے یکم نومبر کو پشاور رنگ روڈ پر جلسہ کرنے کا فیصلہ کرلیا-

    باغی ٹی وی : پی ٹی آئی ذرائع کے مطابق وزیرِ اعلیٰ خیبر پختونخوا علی امین گنڈاپور جلسے سے خطاب کریں گے جلسے میں پورے پاکستان سے لیڈر شپ اور کارکنان شرکت کریں گے جبکہ تحریک انصاف نے حکومت مخالف نئی تحریک کا آغاز کرنے کا فیصلہ کیا ہے تحریک انصاف کی سیاسی کمیٹی نے ملک بھر میں جلسوں کی منظوری دے دی، اسی طرح بانی پی ٹی آئی سے ملاقاتیوں کی فہرست اور تمام فیصلے سیاسی کمیٹی کرے گی۔

    دوسری جانب وزیراعلیٰ خیبرپختونخوا علی امین گنڈا پور کی زیر صدارت اجلاس آج شام کو ہونے والے اجلاس میں تحریک انصاف کے یکم نومبر کے جلسے کی حکمت عملی اور آنے والے احتجاج کے بارے میں اعلان کیا جائے گا، ارکان اسمبلی کو زیادہ کارکن لانے کا ہدف دیا جائے گا۔

    پولیوٹیم کے داخلے سے انکار پرنجی مال کا مینجر گرفتار

    دوسری جانب پی ٹی آئی رہنما عمر ایوب کا کہنا ہے کہ پی ٹی آئی میں کوئی بلاک نہیں ہے 26 ویں ترمیم کا طریقہ کار ہی غلط تھا،یہ مصنوعی حکومت ملک کو نہیں چلا سکتی،ملک میں افرا تفری ہے اور بلوچستان کے حالات دیکھ لیں، قبل ازیں بیرسٹر گوہر علی خان نے کہا تھا کہ تحریک انصاف متحد ہے اور کوئی فارورڈ بلاک نہیں ہے۔

    یاد رہے کہ سینیٹر فیصل واوڈا نے کہا تھا کہ آج کی سب سے بڑی خبر، پلان کے تحت پی ٹی آئی کا ایک بہت تگڑا بلاک بن چکا ہے، اس بلاک کو ایک زیرک آدمی ہیڈ کرے گا، میں نے پہلے ہی کہا تھا ایم کیو ایم پاکستان کی طرح پی ٹی آئی پاکستان بنے گی۔

    پاکستان کرکٹ ٹیم کے سابق ہیڈ کوچ گیری کرسٹن کے حق میں بول پڑے

  • ماضی کی مشہور فلم ’کرن ارجن‘ کو پھر سے سنیما گھروں میں ریلیز کرنے کا اعلان

    ماضی کی مشہور فلم ’کرن ارجن‘ کو پھر سے سنیما گھروں میں ریلیز کرنے کا اعلان

    ممبئی: بھارتی فلمساز راکیش روشن نے ماضی کی مشہور فلم ’کرن ارجن‘ کو پھر سے سنیما گھروں میں ریلیز کرنے کا اعلان کردیا۔

    باغی ٹی وی : بھارتی میڈیا کے مطابق راکیش روشن نے اپنے آفیشل انسٹاگرام پر فلم کرن ارجن کا پوسٹر شیئر کرتے ہوئے اعلان کیا ہے کہ وہ فلم کے 30 سال مکمل ہونے کی خوشی میں اسے پھر سے سنیما گھروں میں ریلیز کررہے ہیں-

    راکیش روشن نے فلم کا پوسٹر شیئر کرتے ہوئے کیپشن میں لکھا کہ ’راکھی جی نے ٹھیک کہا تھا کرن ارجن آئیں گے‘ ساتھ ہی انہوں نے بتایا کہ فلم 22 نومبر کو دنیا بھر کے سنیما گھروں میں ریلیز کی جائے گی۔

    کرن ارجن 1995 میں ریلیز ہوئی تھی جس کو راکیش روشن نے پروڈیوس کیا تھا فلم میں مرکزی کردار بالی ووڈ کے بادشاہ شاہ رخ خان اور سلمان خان نے ادا کی شاہ رخ خان اور سلمان خان کی یہ فلم بلاک بسٹر ثابت ہوئی تھی، جس نے ایک لمبے عرصے تک سنیما گھروں پر راج کیا تھا جس کے بعد ان دونوں خان کی جوڑی نے خوب شہرت کمائی ، اس فلم میں کرن اور ارجن کی ماں کا کردار ادا کرنے والی راکھی جی کا ایک ڈائیلاگ ’میرے کرن ارجن آئیں گے‘ بھی بے حد مشہور ہوا تھا، جس سے آج بھی اس فلم کی یاد تازہ ہوجاتی ہے۔

    اجے دیوگن کا فلم کی شوٹنگ کے دورن 3 ماہ تک بینائی جانے کا انکشاف

    پاکستان کرکٹ ٹیم کے سابق ہیڈ کوچ گیری کرسٹن کے حق میں بول پڑے

    پولیوٹیم کے داخلے سے انکار پرنجی مال کا مینجر گرفتار

  • پاکستان کرکٹ ٹیم کے سابق ہیڈ کوچ گیری کرسٹن کے حق میں بول پڑے

    پاکستان کرکٹ ٹیم کے سابق ہیڈ کوچ گیری کرسٹن کے حق میں بول پڑے

    پاکستان کرکٹ ٹیم کے سابق ہیڈ کوچ مکی آرتھر سابق جنوبی افریقی کرکٹر گیری کرسٹن کے حق میں بول پڑے۔

    باغی ٹی وی : سماجی رابطے کی ویب سائٹ ایکس پر پوسٹ کرتے ہوئے قومی کرکٹ ٹیم کے سابق ہیڈ کوچ مکی آرتھر نے لکھا ’آپ ٹیم کی سلیکشن کوچ کی رائے کے بغیر نہیں کر سکتے، کوچ کھلاڑیوں کی کارکردگی کو بہتر انداز میں جانتا ہے، آپ سلیکشن کے معاملات میں کوچ کے کردار کو نظر انداز نہیں کرسکتے، اس حوالے سے کوچ کے کردار کو سنجیدگی سے لینا چاہیئےکوچز کو کھلاڑیوں سے روزانہ کی بنیاد پر بات چیت کرنی چاہیے اور کھلاڑیوں کو واضح رول دینا چاہیے اور ان کی کارکردگی کا فیڈ بیک دینا چاہیے-
    sports

    جیسن گلیسپی دورہ آسٹریلیا کیلئے وائٹ بال کرکٹ ٹیم کےہیڈکوچ مقرر

    واضح رہے کہ پاکستان وائٹ بال ٹیم کے ہیڈ کوچ گیری کرسٹن اپنے عہدے سے مستعفی ہوگئے، پاکستان کرکٹ بورڈ نے ان کا استعفیٰ منظور کرتے ہوئے ٹیسٹ ٹیم کے ہیڈ کوچ جیسن گلیپسی کو دورہ آسٹریلیا کے لیے کوچ مقرر کردیا، گیری کرسٹن نے پی سی بی اور سلیکشن کمیٹی کے رکن عاقب جاوید سے اختلافات کی وجہ سے استعفیٰ دیا، پی سی بی اور گیری کرسٹن کے درمیان معاملات کچھ عرصے سے خراب تھے، وہ سپورٹ اسٹاف میں اپنی ٹیم لانے کی اجازت نہ دینے پر ناراض تھے۔

    پاکستان کی وائٹ بال ٹیم کے ہیڈ کوچ گیری کرسٹن مستعفیٰ

    ذرائع کے مطابق گیری کرسٹن بغیر اختیارکےکوچنگ کے حق میں نہیں تھے، تعیناتی کے وقت پی سی بی نے گیری کرسٹن کو مضبوط اختیارات کی یقین دہانی کرائی گئی تھی اور انہیں سلیکشن معاملات میں بھی مضبوط اختیارات کا کہا گیا تھا، اسکواڈ سلیکشن میں ووٹنگ اختیار واپس لینے سے گیری کرسٹن خوش نہیں تھے، گیری کرسٹن نے چیمپئنز ون ڈےکپ کے دوران ہوم روک کیا تھا، گیری کرسٹن نے آسٹریلیا اور زمبابوے کے لیے اسکواڈ پر بھی ہوم ورک کرلیا تھا۔

  • کبھی بھی کپتانی کی خواہش ظاہر نہیں کی،محمد رضوان

    کبھی بھی کپتانی کی خواہش ظاہر نہیں کی،محمد رضوان

    لاہور: پاکستان کے وائٹ بال کپتان محمد رضوان کا کہنا ہے کہ کبھی بھی کپتانی کی خواہش ظاہر نہیں کی لیکن جب ذمہ داری آئی ہے تو اسے اچھی طرح نبھانے کی کوشش کروں گا ۔

    باغی ٹی وی : محمد رضوان نے پی سی بی ڈیجیٹل کو دیے گئے انٹرویو میں کہا کہ پاکستان کے لیے کھیلنا کسی بھی کھلاڑی کے لیے خواب ہوتا ہے یہ بہت بڑا اعزاز ہوتا ہے اور اس سے بھی زیادہ یہ کہ آپ پاکستان ٹیم کی قیادت کریں،یہ چیلنج بھی ہے کہ قوم مجھ سے جو توقعات وابستہ کیے ہوئے ہے میں اس ذمہ داری کو ان توقعات کے مطابق نبھاؤں میں کوشش کروں گا کہ اس اعزاز اور پریشر میں توازن رکھ کر اسے اچھی طرح ہینڈل کروں۔

    رضوان نے کہا کہ کپتان کی خصوصیت یہ ہے کہ ٹیم کو اکٹھا کیا جائے جب ٹیم اکٹھی ہوتی ہے تو پوری ٹیم اکٹھی نظر آتی ہے وہ کسی ایک بندے کی وجہ سے نظر نہیں آتی، وہ ماضی میں وکٹ کیپنگ۔ بیٹنگ اور کپتانی ساتھ ساتھ کرچکے ہیں اور جو کچھ اللہ نے سکھایا ہوا ہے اسے جاری رکھوں گاتمام فارمیٹس میں نائب کپتان بھی رہ چکا ہوں اور پوری ٹیم خوش تھی اور آگے بھی وہی ہوگا جو پاکستان ٹیم کے لیے اچھا ہو۔

    قومی ٹیم کے سلیکٹر اسد شفیق کو بھی آسٹریلیا بھجوانے کا فیصلہ

    محمد رضوان نے کہا کہ ان کا وژن یہ ہے کہ ان کے پاس بیک اپ میں کپتان تیار رہے نہ صرف کپتان تیار رکھنا ہے بلکہ کیپر بھی تیار رکھنا ہے ہم بڑے ٹورنامنٹس میں سیمی فائنل میں آکر ہارتے رہے ہیں ہمیں چیمپئنز ٹرافی اور انڈیا میں ورلڈ کپ کو ذہن میں رکھ کر تیاری کرنی ہوگی یہ ہمارے ٹارگٹ ہونے چاہیئں،وہ تمام کھلاڑیوں کے لیے مثال بننا چاہیں گے اور ایسی لیگیسی چھوڑ کر جانا چاہیں گے کہ جب وہ جائیں تو پاکستان کے پاس اچھے کھلاڑی موجود ہوں،ان کی سب سے بڑی خواہش پاکستان کرکٹ کو اوپر دیکھنا ہے۔

    جیسن گلیسپی دورہ آسٹریلیا کیلئے وائٹ بال کرکٹ ٹیم کےہیڈکوچ مقرر

    کپتان محمد رضوان نے کہا کہ شائقین کو چاہیے کہ جب ہم بیٹنگ کررہے ہوں تو وہ اس بات سے نہ ڈریں کہ آؤٹ نہ ہوجائیں آپ چوکے کی توقع رکھیں اسی طرح جب ہم بولنگ کررہے ہوں تو اس بات سے نہ ڈریں کہ چوکا نہ ہوجائے بلکہ کیچ اور آؤٹ کی امید رکھیں، آپ مثبت سوچ رکھیں ہم اپنی طرف سے پوری کوشش کریں گے۔

    پاکستان کی وائٹ بال ٹیم کے ہیڈ کوچ گیری کرسٹن مستعفیٰ

  • وزیراعلیٰ پنجاب مریم نواز نے کسان کارڈ کا اجرا کردیا

    وزیراعلیٰ پنجاب مریم نواز نے کسان کارڈ کا اجرا کردیا

    حافظ آباد: وزیراعلیٰ پنجاب مریم نواز نے کسان کارڈ کا اجرا کردیا –

    باغی ٹی وی : مریم نواز نے حافظ آباد میں کسان کارڈ تقسیم کرنے کی تقریب سے خطاب میں کہا کہ یہ کارڈ نواز شریف کو تقسیم کرنے تھے وہ کسی کام سے باہر ملک گئے ہیں اس لیے ان کی جگہ اب میں یہ کارڈ تقسیم کررہی ہوں-

    انہوں نے کہا کہ یہ غلط فہمی ہے کہ حکومت کسانوں سے گندم خریدتی ہے؛ درحقیقت، آڑھتی گندم خریدتا ہے اور اسے مہنگے داموں حکومت کو فروخت کرتا ہے مجھے عوام کی روٹی کا خیال رکھنا ہے، لیکن ساتھ ہی کسان بھائیوں کا بھی خیال کرنا ہے۔“ ان کا مقصد ایسی پالیسیاں بنانا ہے جو کسانوں کو نقصان نہ پہنچائیں، اور کسان کارڈ اس کا ایک اہم حصہ ہے۔

    مریم نواز نے کہا کہ کسان کارڈ کے ذریعے وہ براہ راست کسانوں تک پہنچ رہی ہیں، جس میں کوئی مڈل مین یا آڑھتی شامل نہیں ہوگاان کا مقصد یہ ہے کہ کسانوں کو ان کی محنت کا پورا صلہ ملے اور انہیں کسی آڑھتی یا مڈل مین کے ہاتھوں بلیک میل نہ ہونا پڑے۔

    پیٹرول کی قیمت میں کمی کا امکان

    وزیر اعلیٰ پنجاب نے کہا کہ گرین ٹریکٹرز اسکیم کا افتتاح ہونے والا ہے جلد اس کی بیلٹنگ ہوگی، اس کی پندرہ لاکھ درخواستیں موصول ہوئی ہیں، ایک ٹریکٹر 40 لاکھ کا ہے جس پر 10 لاکھ روپے تک حکومت سبسڈی دے گی 10 تا 15 ارب روپے سے ایسا پروگر ام لانے والے ہیں جس میں ہر تحصیل میں ایسا سیٹ اپ لگایا جائے گا کہ کسان انتہائی کم قیمت پر وہ مشینری حاصل کرکے اپنا کام کرسکے گاجلد ہی ڈیزل اور پیٹرول سے چلنے والے ٹیوب ویلز کو سولرائزڈ کرنے جارہے ہیں، پہلے مرحلے میں سات ہزار کو سولرائزڈ کریں گے تاکہ بجلی کا بل کم ہوسکے۔

    پاکستان اسٹاک ایکسچینج میں تیزی کا رجحان ،انڈیکس نئی بلند ترین سطح پر

  • پولیوٹیم کے داخلے سے انکار پرنجی مال کا مینجر گرفتار

    پولیوٹیم کے داخلے سے انکار پرنجی مال کا مینجر گرفتار

    اسلام آباد : پولیوٹیمزکے داخلے سے انکار پرنجی مال کے مینجرکوحراست میں لے لیا گیا۔

    باغی ٹی وی: کاروائی اسسٹنٹ کمشنرانڈسٹریل ایریا نے کی ،جب پولیو ٹیمزکونجی مال میں داخل سے رو کا گیا،گرفتارمینجراس سے قبل بھی پولیوٹیمزکومال میں داخلے سے روکتا رہاہے اس سلسلے میں اسلام آباد کے ڈی سی عرفان میمن کا کہنا ہے کہ انسداد پولیو مہم قومی مہم ہے، اس میں عوام ہمارا ساتھ دیں،پولیوکے خلاف ہماری جنگ مشترکہ ہے۔ پولیو ٹیمزکوروکنے والے عناصرکو قانون کا سامنا کرنا ہوگا۔

    واضح رہے کہ ملک بھر میں انسداد پولیو مہم کا آغاز ہو گیا ہے،نیشنل ایمرجنسی آپریشن سینٹر کے مطابق انسداد پولیو مہم 3 نومبر تک جاری رہے گی جس دوران ساڑھے چار کروڑ سے زائد بچوں کو پولیو سے بچاؤ کے قطرے پلائے جائیں گے، انسداد پولیو مہم میں81 ہزار پولیو ورکرز حصہ لیں گے جن کے لیے 19 ہزار سکیورٹی اہلکار نافذ ہوں گے۔

    وزیراعلیٰ پنجاب نے انسداد پولیو مہم کا کیا افتتاح

    رپورٹ کے مطابق رواں سال ملک بھر میں 41 پولیو کیسز سامنے آئے جن میں سے 12 کیسز کا تعلق سندھ سے ہے جب کہ سندھ بھر میں ایک کروڑ 6 لاکھ بچوں کو پولیو سے بچاؤکے قطرے پلائے جائیں گے کراچی کے تمام اضلاع کے ماحولیاتی نمونوں میں پولیو وائرس مثبت آیا ہے۔

    دوسری جانب وزیر اعلیٰ مریم نواز شریف نے پنجاب بھر میں اینٹی پولیو ویکسینیشن مہم کا باقاعدہ افتتاح کر دیا، سروسز انسٹی ٹیوٹ آف میڈیکل سائنسز میں وزیر اعلیٰ مریم نواز شریف نے بچوں کو خود اینٹی پولیو ویکسینیشن کے قطرے پلائے،وزیر اعلیٰ مریم نواز شریف نے والدین کو اینٹی پولیو ویکسینیشن کے قطرے پلانے کی اپیل کی،وزیر اعلیٰ مریم نواز شریف نےزیرو پولیو کا ٹارگٹ مقرر کردیا –

    پیٹرول کی قیمت میں کمی کا امکان

  • پیٹرول کی قیمت میں کمی کا امکان

    پیٹرول کی قیمت میں کمی کا امکان

    اسلام آباد:عالمی مارکیٹ میں پیٹرول اور ہائی اسپیڈ ڈیزل کی قیمتوں میں کمی کے بعد ملک میں بھی پیٹرول اور ڈیزل کی قیمتوں میں کمی کا امکان ہے۔

    باغی ٹی وی: تفصیلات کے مطابق یکم نومبر سے اگلے 15 روز کے لیے 2 سے 3 روپے فی لیٹر تک پٹرولیم مصنوعات کی قیمتوں میں کمی کا امکان ہے،جبکہ عالمی مارکیٹ میں پیٹرول اور ہائی اسپیڈ ڈیزل کی اوسط قیمتیں تقریباً 1.5 ڈالر اور 2.5 ڈالر فی بیرل کم ہوئی ہیں موجودہ ٹیکس ریٹس اور شرح تبادلہ کے حساب سے پیٹرول اور ڈیزل کے نرخوں میں 3 روپے اور 2 روپے 30 پیسے فی لیٹر کی تنزلی ہو سکتی ہے۔

    عالمی منڈی میں پیٹرول کی اوسط فی بیرل قیمت 77.5 ڈالر کے مقابلے میں 76 ڈالر پر آگئی جبکہ ہائی اسپیڈ ڈیزل کے فی بیرل نرخ 86.5 ڈالر سے کم ہو کر 84 ڈالر فی بیرل ریکارڈ کیے گئے موجودہ 15 روز کے دوران پیٹرول اور ڈیزل دونوں پر امپورٹ پریمیم 8.7 ڈالر اور 5 ڈالر فی بیرل پر مستحکم رہا۔

    پاکستان اسٹاک ایکسچینج نے ایک اور سنگ میل عبور کرلیا

    دوسری جانب عالمی منڈی میں خام تیل اور گیس کی قیمتوں میں بھی کمی آگئی،عالمی منڈی میں تیل کی قیمتیں 5 فیصد تک گرگئی ہیں اور برطانوی خام تیل برینٹ آئل 73 ڈالرز فی بیرل پر فروخت ہورہا ہے امریکی خام تیل ڈبلیو ٹی آئی 68 ڈالرز فی بیرل کی سطح پر موجود ہے جبکہ عالمی گیس کی قیمت میں ساڑھے 3 فیصد کمی ہوئی ہے گیس 2 ڈالرز 47 سینٹس فی ایم ایم بی ٹی یو میں فروخت ہو رہی ہے۔

    پاکستان اسٹاک ایکسچینج میں تیزی کا رجحان ،انڈیکس نئی بلند ترین سطح پر

  • پاکستان اسٹاک ایکسچینج میں تیزی کا رجحان ،انڈیکس نئی بلند ترین سطح پر

    پاکستان اسٹاک ایکسچینج میں تیزی کا رجحان ،انڈیکس نئی بلند ترین سطح پر

    کراچی: پاکستان اسٹاک ایکسچینج میں آج بھی زبردست تیزی کا رجحان ہے، جس کے نتیجے میں انڈیکس نئی بلند ترین سطح پر پہنچ گیا۔

    باغی ٹی وی : کاروباری ہفتے کے پہلے روز پاکستان اسٹاک ایکسچینج میں کاروبار کا مثبت آغاز ہوا اور ایک موقع پر 100 انڈیکس 1061 پوائنٹس کے اضافے سے 91054 پر ٹریڈ کرتا دیکھا گیا جو 100 انڈیکس کی تاریخ کی اب تک کی بلند ترین سطح ہے۔

    واضح رہے کہ گزشتہ ہفتے بھی پاکستان اسٹاک ایکسچینج میں زبردست تیزی کا رجحان رہا اور 100 انڈیکس 89 ہزار پوائنٹس کے بعد 90 ہزار پوائنٹس کی نئی بلند ترین سطح بھی عبور کرگیا تھا-

    وزیر خزانہ کی امریکی اداروں کو پاکستان میں سرمایہ کاری کی دعوت

    دوسری جانب ملک بھر میں سونے کی فی تولہ قیمت میں کمی دیکھنے میں آئی ہے،آل پاکستان جیمز اینڈ جیولر ایسوسی ایشن کے مطابق ایک تولہ سونے کی قیمت 900 روپے کم ہوئی ہے جس کے بعد ملک میں سونے کا فی تولہ بھاؤ 2 لاکھ 83 ہزار 400 روپے ہوگیا ہے، 10 گرام سونے کی قیمت 771 روپےکم ہوکر2 لاکھ 42ہزار 970 روپے ہےمزید برآں عالمی بازار میں فی اونس سونا9 ڈالرکم ہوکر2739 ڈالرکا فروخت ہورہا ہے۔

    پاکستان اسٹاک ایکسچینج نے ایک اور سنگ میل عبور کرلیا

  • اجے دیوگن کا فلم کی شوٹنگ کے دورن 3 ماہ تک بینائی جانے کا انکشاف

    اجے دیوگن کا فلم کی شوٹنگ کے دورن 3 ماہ تک بینائی جانے کا انکشاف

    ممبئی:بالی ووڈ اداکار اجے دیوگن نے انکشاف کیا ہے کہ وہ بینائی سے محروم ہوگئے تھے۔

    باغی ٹی وی : حال ہی میں اجے دیوگن سپنی فلم لی تشہیر کیلئےریئلٹی شو بگ باس میں شریک ہوئے جہاں سلمان خان نے انکشاف کیا کہ اپنی ایکشن فلم سنگھم اگین کی شوٹنگ کے دوران اجے ایک ایکشن سین فلماتے ہوئے حادثے کا شکار ہوگئے تھےایک شوٹ میں دکھایا جانا تھا کہ کوئی لاٹھی لے کر ان کو مارنے آیاہے،لیکن اس کا وقت چلا گیا تھا، تو سیدھا یہ وار ان کی انکھ میں پڑگیا جس کی وجہ سے وہ تقریباً 2 سے 3 ماہ کےلیے بینائی کھو بیٹھے تھے ایکشن فلم کی شوٹنگ میں ایسا ہوتا رہتا ہے جبکہ آج کل کے اداکاروں کو بہت سی سہولیات مل گئی ہیں جو ماضی میں میسر نہیں تھیں۔

    اجے دیوگن نے بتایا کہ وہ روہت شیٹھی کی ایکشن فلم سنگھم اگین میں اس قدر بری طرح زخمی ہوئے کہ انہیں آنکھ کی سرجری بھی کروانا پڑی اور وہ کئی دنوں تک تکلیف میں رہے، تاہم اب وہ بہتر ہیں اور جلد فلم میں اداکاری کے جوہر دکھاتے نظر آئیں گے۔

    بات چیت کے دوران روہت شیٹی نے انکشاف کیا کہ رئیلٹی شو میں ان کی پچھلی موجودگی کے دوران ہی چلبل پانڈے اور سنگھم کا اشتراک ظاہر ہوا تھا، روہت شیٹھی کی ہدایت کاری میں بننے والی سنگھم اگین میں اجے باجی راؤ سنگھم کے کردار میں دوبارہ نظر آئیں گےفلم میں سلمان بھی ایک کیمیو کریں گے جبکہ دیگر کرداروں میں رنویر سنگھ، اکشے کمار، کرینہ کپور، دیپیکا پڈوکون، ٹائیگر شروف اور ارجن کپور بھی شامل ہیں۔

    واضح رہے کہ سنگھم اگین سپر ہٹ فرنچائز کی تیسری قسط ہے، سنگھم 2011 میں ریلیز ہوئی، جس میں کاجل اگروال اور پرکاش راج نے مرکزی کردار ادا کیے، اس کے بعد 2014 میں سنگھم ریٹرنز ریلیز ہوئی، دونوں پروجیکٹس کو باکس آفس پر کامیاب قرار دیا گیا جبکہ اس فرنچائز کا تیسرا حصہ اس دیوالی پر ریلیز کیا جائے گا۔