Tag: حماس

اٹلی کے انسداد دہشت گردی یونٹ نے حماس کو چیریٹی کے ذریعے مالی امداد فراہم کرنے کے شبہے میں 9 افراد کو گرفتار کرلیا۔

غیرملکی خبرایجنسی کی رپورٹ کے مطابق اٹلی کے شمالی شہر جینووا کے پراسیکیوٹرز کی جانب سے جاری بیان میں کہا گیا کہ گرفتار افراد پر الزام ہے کہ فلسطینی گروپ کو مالی امداد پہنچائی ہے اور گروپ کو اسرائیل سمیت اس کے اتحادی اٹلی اور امریکا نے دہشت گرد قرار دے دیا ہے۔

پروسیکیوٹرز نے بتایا کہ گرفتار افراد نے مبینہ طور پر گزشتہ دو برس کے دوران بظاہر انسانی ہمدردی کے تحت جمع کیے گئے 8.2 ملین ڈالر حماس سے منسلک اداروں کو منتقل کیے ہیں اور پولیس نے 8 ملین یورو سے زائد مالیت کے اثاثے ضبط کردیے ہیں۔

نواز شریف اور مریم نواز دبئی روانہ

پولیس نے اپنے بیان میں کہا کہ افسران نے فلسطین کے حامی فلاحی تنظیم کے دفاتر اور گرفتار افراد کے گھروں سے 1.08 ملین یورو نقد قبضے میں لے لیا ہے اور الزام عائد کیا کہ اس کے ساتھ حماس کے لیے معاون مواد بھی برآمد ہوا ہے۔

رپورٹ میں بتایا گیا کہ اسرائیل کی وزارت دفاع نے دعویٰ کیا کہ اٹلی کے حکام کو اسرائیلی خفیہ ایجنسی اور دیگر اداروں نے اس کارروائی میں مدد فراہم کی، جس میں معلومات اور شواہد شامل تھے۔

وزیراعظم نے آزاد کشمیر میں کینسر اسپتال کا افتتاح کردیا

واضح رہے کہ غزہ میں اسرائیل کے وحشیانہ مظالم کے دوران اٹلی ان چند ممالک میں شامل تھا جس نے کھل کر اسرائیل کی حمایت کی تھی اور قریبی اتحادی کے طور پر سامنے آیا تھا،اٹلی کی وزیراعظم جیورجیا میلونی نے اس کارروائی پر حکام کو سراہا اور اس کو حماس کے خلاف اہم کارروائی کی قرار دیا۔

دوسری جانب اٹلی کے فلسطین کے حامی کارکنوں کی جانب سے ان گرفتاریوں کے خلاف میلان اور دیگر شہروں میں احتجاج کیا اور پولیس کے اقدامات کو جبر اور تشدد کی مہم کا حصہ قرار دیتے ہوئے مسترد کردیا۔

سہیل آفریدی نے پاکستان کے یورپ لاہور کی بہت سیر کرلی، واپس چلے جائیں،عظمیٰ بخاری

فلسطینی حامی تنظیم ینگ فلسطینی اٹلی اینڈ عرب فلسطینی ڈیموکریٹک یونین نے ردعمل دیتے ہوئے کہا کہ فلسطینیوں کو بھی دنیا کے دیگر تمام لوگوں کی حق خود ارادیت کو قانونی حق حاصل ہے اور انہیں مزاحمت کا بھی حق حاصل ہے اور اس طرح کی اقدامات کو دہشت گردی قرار دینا ناانصافی ہے۔

فلسطینی مزاحمتی تنظیم حماس نے 7 اکتوبر 2023ء کے حملے سے متعلق ایمنسٹی انٹرنیشنل کی جاری کردہ رپورٹ مسترد کر دی۔

عرب میڈیا کے مطابق حماس نے ایمنسٹی انٹرنیشنل کی رپورٹ کو غلط اور غیر پیشہ ورانہ قرار دیتے ہوئے ایمنسٹی انٹرنیشنل سے 7 اکتوبر 2023ء کے حملے سے متعلق رپورٹ واپس لینے کا مطالبہ بھی کیا ہے،حماس کے ترجمان کا کہنا ہے کہ رپورٹ میں قابض حکومت کے جھوٹ اور الزامات کے پروپیگنڈے کو دہرایا گیا، رپورٹ کا مقصد اشتعال پھیلانا اور مزاحمتی فورسز کا تاثر مسخ کرنا ہے۔

خیال رہے کہ ایمنسٹی انٹرنیشنل کی رپورٹ میں 7 اکتوبر 2023ء کے حملے سے متعلق حماس پر انسانیت کے خلاف جرائم کا الزام لگایا گیا ہے۔

یاد رہے غزہ میں دو سال تک جاری رہنے والی اسرائیلی جنگ میں ہزاروں فلسطینی جاں بحق ، لاکھوں بے گھر اور بار بار نقل مکانی پر مجبور ہوئے کہ اسرائیلی ریاست کی فوج نے ان کے گھروں کو بمباری سے ملبے کا ڈھیر بنا دیا۔

غزہ میں اسرائیلی فوج کے بڑھتے ہوئے حملوں پر حماس نے خبردار کیا ہے کہ اگر صورتحال یوں ہی جاری رہی تو جنگ بندی خطرے میں پڑ سکتی ہے۔

عرب میڈیا سے بات کرتے ہوئے حماس کے ایک اعلیٰ عہدیدار نے بتایا کہ انہوں نے اسرائیلی جارحیت پر اپنے شدید غصے سے ثالثوں کو آگاہ کر دیا ہے۔ ان کا کہنا تھا کہ اسرائیل جنگ بندی معاہدے کو ختم کرنے کا ارادہ رکھتا ہے، لہٰذا اسے برقرار رکھنے کے لیے ثالث فوری مداخلت کریں۔حماس رہنما نے کہا کہ معاہدے کی مسلسل خلاف ورزیوں کے باعث اب تک سیکڑوں فلسطینی شہید ہو چکے ہیں، جبکہ اسرائیلی فوج معاہدے کے تحت واپسی کی طے شدہ حدود میں بھی تبدیلیاں کر رہی ہے۔

غزہ میں جنگ بندی کے باوجود اسرائیلی فضائی حملے ، مزید 14 فلسطینی شہید

عالمی ڈیجیٹل کنیکٹیوٹی،پاکستان میں 6 سب میرین کیبل سسٹم فعال

جی 20 اجلاس کا اعلامیہ جاری، عالمی تنازعات کے منصفانہ حل کا مطالبہ

امریکی صدر ڈونلڈ ٹرمپ کے پیش کردہ غزہ امن منصوبے پر مصر میں جاری مذاکرات میں حماس نے مستقل جنگ بندی اور اسرائیلی افواج کے مکمل انخلا سمیت متعدد مطالبات پیش کیے ہیں۔

قطری نشریاتی ادارے الجزیرہ کے مطابق حماس نے مذاکرات کے دوران اپنی بنیادی شرائط کی تفصیلات جاری کر دیں۔ حماس کے ترجمان فوزی برہوم نے کہا کہ وفد ایک ایسے معاہدے تک پہنچنے کی کوشش کر رہا ہے جو غزہ کے عوام کی امنگوں پر پورا اترے۔فوزی برہوم کے مطابق حماس کے اہم مطالبات میں شامل ہیں جن میں مستقل اور جامع جنگ بندی،اسرائیلی افواج کا غزہ کے تمام علاقوں سے مکمل انخلا،انسانی و امدادی سامان کی بلا روک ٹوک فراہمی،بے گھر افراد کی اپنے گھروں کو واپسی،غزہ کی تعمیر نو کا فوری آغاز، جو ایک فلسطینی قومی ٹیکنوکریٹس ادارے کی نگرانی میں ہو اور قیدیوں کے تبادلے کا منصفانہ معاہدہ شامل ہیں.

حماس کے ترجمان نے اسرائیلی وزیراعظم بنیامین نیتن یاہو پر الزام عائد کیا کہ وہ موجودہ مذاکرات کو ناکام بنانے کی کوشش کر رہے ہیں، جیسا کہ ماضی کے تمام مراحل کو بھی جان بوجھ کر سبوتاژ کیا گیا۔انہوں نے مزید کہا کہ وحشیانہ فوجی طاقت، لامحدود حمایت اور غزہ میں نسل کشی کی جنگ میں امریکی شراکت داری کے باوجود اسرائیل جھوٹی فتح کی تصویر پیش کرنے میں ناکام رہا ہے اور آئندہ بھی کامیاب نہیں ہوگا۔

نیشنل پریس کلب حملہ،جوائنٹ کمیٹی کا چارٹر آف ڈیمانڈ وزارت داخلہ کے حوالے

تجارت اور سرمایہ کاری،سعودی کاروباری وفد اسلام آباد پہنچ گیا

مریم نواز وزیراعظم بننے کی تیاری کر رہی ہیں، رانا ثنااللہ

امریکی صدر ڈونلڈ ٹرمپ اور اسرائیلی وزیراعظم بنیامین نیتن یاہو کے درمیان غزہ جنگ بندی کے حوالے سے امریکی امن منصوبے پر سخت تلخ کلامی ہوئی۔

ٹائمز آف اسرائیل کے مطابق، حماس کے مبہم ردعمل کے بعد ہونے والی اس فون کال میں صدر ٹرمپ نے نیتن یاہو کو مخاطب کرتے ہوئے کہا کہ پتا نہیں تم ہمیشہ اتنے منفی کیوں ہوتے ہو؟ یہ ایک کامیابی ہے، اسے قبول کرو۔ایکسئیوس کی رپورٹ کے مطابق، یہ گفتگو جمعہ کو اس وقت ہوئی جب حماس نے امریکی امن منصوبے پر اپنا جواب دیا۔ حماس نے بعض نکات کی حمایت کی جبکہ دیگر پر مزید مذاکرات کی ضرورت پر زور دیا۔ذرائع کے مطابق، نیتن یاہو نے اس ردعمل کو ”جشن منانے کے قابل نہیں“ قرار دیا، جس پر صدر ٹرمپ ناراض ہو گئے اور کہا کہ وہ اس پیش رفت پر خوشگوار حیرت میں مبتلا ہیں۔

امریکی اہلکار کے مطابق اگرچہ دونوں رہنماؤں کی گفتگو میں تلخی تھی، لیکن آخرکار کچھ حد تک اتفاق رائے سامنے آیا۔ صدر ٹرمپ نے واضح کیا کہ ان کی اولین ترجیح خطے میں امن ہے۔دوسری جانب ایک اسرائیلی اہلکار نے بتایا کہ نیتن یاہو نے نجی ملاقاتوں میں حماس کے ردعمل کو ”عملی طور پر منصوبے کی مستردگی“ قرار دیا اور اس تاثر کی تردید کی کہ حماس نے امریکی تجاویز کو قبول کیا ہے۔امریکی حکام کا کہنا ہے کہ واشنگٹن اسرائیل کے ساتھ قریبی رابطے میں ہے اور حماس کے جواب کا تفصیلی تجزیہ کر کے آئندہ کا لائحہ عمل طے کیا جائے گا۔

واضح رہے کہ صدر ٹرمپ نے گزشتہ ہفتے غزہ جنگ بندی کے لیے 20 نکاتی منصوبہ پیش کیا تھا، جس پر حماس نے چند نکات پر اصولی رضامندی اور باقی پر تحفظات ظاہر کیے تھے۔

اسلام آباد میں پہلی نارتھ ویمنز رغبی سیونز چیمپئن شپ کا شاندار انعقاد

بلوچستان میں فتنہ الہندوستان کا مقامی قبائل پر حملہ، 4 دہشتگرد ہلاک

اسرائیلی قید میں اسلام قبول کرنے والے اطالوی کارکن استنبول پہنچ گئے

حماس نے کہا ہے کہ قطر میں اس کے مذاکرات کاروں پر اسرائیلی حملے میں امریکا بھی شریک ہے، اور یہ کارروائی غزہ جنگ بندی مذاکرات کو سبوتاژ کرنے کی کوشش ہے۔

رائٹرز اور اے ایف پی کے مطابق منگل کے روز قطر پر ہونے والے غیر معمولی اسرائیلی حملے نے اس خطے کو ہلا کر رکھ دیا جو عرصہ دراز سے تنازعات سے محفوظ سمجھا جاتا تھا۔حماس کے عہدیدار فوزی برہوم نے ٹی وی بیان میں کہا: ’’یہ جرم پورے مذاکراتی عمل کا قتل اور قطر و مصر میں ثالث بھائیوں کے کردار کو دانستہ نشانہ بنانا تھا‘‘۔دوحہ میں سخت سیکیورٹی کے تحت شہدا کی نمازِ جنازہ ادا کی گئی جس میں قطر کے امیر شیخ تمیم بن حمد الثانی سمیت بڑی تعداد میں سوگوار شریک ہوئے۔

براہِ راست نشر ہونے والی فوٹیج میں دکھایا گیا کہ ایک تابوت پر قطری پرچم جبکہ پانچ تابوتوں پر فلسطینی پرچم لپیٹے گئے تھے۔ جنازے کی ادائیگی کے بعد شہدا کو میسائمر قبرستان میں سپرد خاک کیا گیا۔وزارت داخلہ کے مطابق مسجد اور اطراف میں سخت سیکیورٹی، چیک پوسٹوں اور کنٹرول شدہ رسائی کو یقینی بنایا گیا۔

25 لاکھ افراد کا انخلاء، سیلاب سے جانی نقصان ہوا، این ڈی ایم اے

بلوچستان کی خوشحالی کے لیے حکومت، اداروں اور قبائلی عمائدین کے باہمی تعاون پر اتفاق

میکسیکو سٹی: گیس ٹینکر دھماکے میں 3 افراد جاں بحق، 70 سے زائد زخمی

میکسیکو سٹی: گیس ٹینکر دھماکے میں 3 افراد جاں بحق، 70 سے زائد زخمی

فلسطینی مزاحمتی تنظیم حماس نے جنگ بندی کے بدلے 10 قیدیوں کو رہا کرنے کی پیشکش کی ہے-

حماس نے اعلان کیا ہے کہ وہ جاری امن کوششوں کے تحت 10 قیدیوں کو رہا کرے گی جبکہ معاہدے میں اب بھی کئی اہم نکات پر اختلاف موجود ہے، جن میں امداد کی آزادانہ رسائی، غزہ کی پٹی سے اسرائیلی افواج کا انخلا اور مستقل جنگ بندی کے لیے حقیقی ضمانتیں شامل ہیں اگرچہ اب تک ان معاملات پر مذاکرات اسرائیلی ہٹ دھرمی کی وجہ سے مشکل رہے ہیں، ہم ثالثوں کے ساتھ سنجیدگی اور مثبت جذبے کے ساتھ کام جاری رکھے ہوئے ہیں تاکہ رکاوٹوں پر قابو پایا جا سکے، اپنے عوام کی مشکلات کا خاتمہ ہو، اور ان کی آزادی، تحفظ اور باوقار زندگی کی خواہشات پوری کی جا سکیں، غزہ ہتھیار نہیں ڈالے گا، جنگ بندی مذاکرات سے وابستہ ایک فلسطینی عہدیدار نے اشارہ دیا کہ اسرائیل اب بھی امداد کے آزادانہ داخلے کی اجازت نہ دے کر معاہدے میں رکاوٹ ڈال رہا ہے۔

واضح رہے کہ یہ اعلان قطر کی ثالثی میں 4 دن کے بالواسطہ مذاکرات کے بعد سامنے آیا۔

اداکارہ حمیرا اصغر علی کی موت اکتوبر 2024 میں واقع ہوئی،فرانزک اور ڈیجیٹل شواہد کی بنیاد پر تصدیق

حماس کا کہنا ہے کہ وہ غزہ جنگ بندی کے حوالے سے دوحہ مذاکرات میں بڑی لچک دکھا رہی ہے، حماس کے رہنما طاہر النونو نے پریس بیان میں تصدیق کی کہ موجودہ مذاکرات کو بڑے چیلنجز کا سامنا ہے، طے پانے والے کسی بھی معاہدے کے نفاذ کے لیے واضح بین الاقوامی ضمانتوں کی اہمیت ہے امریکا کے پاس دباؤ کے حقیقی لیور موجود ہیں جو زمین پر فرق پیدا کر سکتے ہیں، حماس کی پوزیشن مستحکم ہے اور اس میں مکمل انخلا اور دشمنی کا خاتمہ شامل ہے۔

اسلام آبادپولیس پر حملہ کیس،عمران خان ذاتی حیثیت میں عدالت طلب

دوسری جانب اسرائیلی ٹی وی پر خطاب میں اسرائیلی چیف آف سٹاف ایال زامیر نے کہا ہے کہ غزہ کی پٹی میں یرغمالیوں کی رہائی کو یقینی بنانے کے معاہدے کے لیے حالات سازگار ہیں ہم نے حماس کی حکمرانی اور فوجی صلاحیتوں کو کافی نقصان پہنچایا ہے، آپریشنل طاقت کی بدولت یرغمالیوں کی رہائی کے لیے ایک معاہدے کے ساتھ آگے بڑھنے کے لیے حالات اب سازگار ہیں۔

شمالی غزہ میں حماس سے جھڑپ کے دوران 5 صہیونی فوجی ہلاک اور 14 زخمی ہوگئے۔

خبر رساں ادارے اے ایف پی کے مطابق اسرائیلی فوج نے منگل کے روز بتایا کہ شمالی غزہ میں لڑائی کے دوران اس کے 5 فوجی ہلاک ہو گئے 2 فوجی شمالی غزہ میں لڑائی کے دوران مارے گئے، جب کہ اسی واقعے میں 3 دیگر فوجی بھی ہلاک اور 2 شدید زخمی ہوئے،زخمی فوجیوں کو طبی امداد کے لیے اسپتال منتقل کر دیا گیا ہے اور ان کے اہلِ خانہ کو اطلاع دے دی گئی ہے۔

ٹائمز آف اسرائیل کے مطابق اسرائیلی فوج کی ابتدائی تحقیق میں سامنے آیا ہے کہ پیر کی رات تقریباً 10 بجے کے بعد بیت حانون میں زمینی کارروائیوں کے دوران صہیونی اہلکار پیدل گشت کے دوران سڑک کے کنارے نصب ایک بم کا نشانہ بنے زخمی اہلکاروں کو نکالنے کی کوشش کے دوران فورسز پر علاقے میں فائرنگ بھی کی گئی، زخمی ہونے والے 14 اہلکاروں میں سے دو کی حالت تشویشناک بتائی جا رہی ہے جس علاقے میں حملہ کیا گیا، اسے فوجی کارروائی سے قبل فضائی حملوں کے ذریعے نشانہ بنایا گیا تھا۔

پیوٹن کی جانب سے برطرفی کے چند گھنٹوں بعد روسی وزیر کی گولی لگی لاش برآمد

غزہ میں دو سال سے جاری جنگ کے خاتمے کے لیے مذاکرات کا تازہ دور اتوار کو دوحہ میں شروع ہوا، جہاں اسرائیل اور فلسطینی مزاحمتی گروپ حماس کے نمائندے ایک ہی عمارت میں مگر علیحدہ کمروں میں بیٹھے مذاکرات سے واقف ایک فلسطینی عہدیدار نے اے ایف پی کو بتایا کہ پیر کو ہونے والے مذاکرات کسی پیش رفت کے بغیر ختم ہوئے مذاکرات میں امریکی صدر ڈونلڈ ٹرمپ کے خصوصی ایلچی اسٹیو وٹکوف بھی اس ہفتے شریک ہونے والے ہیں، تاکہ جنگ بندی کے کسی معاہدے کو یقینی بنایا جا سکے۔

دو فلسطینی ذرائع کے مطابق امریکا کی تجویز میں ایک 60 روزہ جنگ بندی شامل ہے، جس کے دوران حماس 10 زندہ یرغمالیوں کو رہا کرے گی، جو اس نے اکتوبر 2023 کے حملے میں پکڑے تھے اور کچھ لاشیں بھی واپس کرے گی، جس کے بدلے میں اسرائیل فلسطینی قیدیوں کو رہا کرے گا جبکہ حماس اسرائیل کے انخلا کے لیے کچھ شرائط، مذاکرات کے دوران دوبارہ لڑائی شروع نہ ہونے کی ضمانتیں اور اقوام متحدہ کی سربراہی میں امداد کی تقسیم کا نظام بحال کرنے کا بھی مطا لبہ کر رہی ہے۔

سیالکوٹ پر خواتین کا راج . تاریخ میں پہلی بار ضلع و تحصیل کی مکمل کمان خواتین کے سپرد

فلسطینی عہدیدار کا کہنا ہے کہ حماس نے غزہ میں جنگ بندی کی تجویز پر اپنا جواب ثالثوں کے حوالے کر دیا ہے، اور اس پر مثبت ردعمل کا اظہار کیا ہے۔

برطانوی خبر رساں ایجنسی سے گفتگو میں فلسطینی عہدیدار نے امید ظاہر کی کہ حماس کا جواب معاہدے تک پہنچنے میں مددگار ثابت ہوگا۔
انہوں نے کہا کہ فریقین کے درمیان اختلافات کم کرنے کے لیے یہ ایک اہم قدم ہے۔دوسری جانب فلسطینی مزاحمتی تنظیم حماس نے بھی تصدیق کی ہے کہ وہ جنگ بندی کی تجویز پر مشاورت جاری رکھے ہوئے ہے، اور حتمی فیصلہ مشاورت مکمل ہونے کے بعد ثالثوں کو پیش کیا جائے گا۔

واضح رہے کہ امریکی صدر ڈونلڈ ٹرمپ نے غزہ میں امن کے قیام کے لیے 60 روزہ جنگ بندی کی نئی تجویز پیش کی تھی، جس پر عالمی سطح پر بھی غور جاری ہے۔دریں اثنا، غزہ کے محکمہ صحت کے مطابق گزشتہ 24 گھنٹوں کے دوران اسرائیلی بمباری سے 138 فلسطینی شہید اور 452 زخمی ہو چکے ہیں۔

پاکستان کی الیکٹرانک وارفیئر میں برتری، بھارتی ڈپٹی آرمی چیف کا شکست کا اعتراف

وفاقی سرکاری ملازمین کی تنخواہوں میں 10 فیصد اضافہ کا نوٹیفکیشن جاری

محمد حفیظ پاکستان چیمپئنز کے نئے کپتان مقرر

بھارت کے ہمالیائی خطے میں مون سون کی تباہ کاریاں، 69 افراد ہلاک، 110 زخمی

این ڈی ایم اے کا گلیشیائی جھیل پھٹنے کے خدشے پر الرٹ جاری

ایئر انڈیا کا پائلٹ پرواز سے قبل بے ہوش، فوری اسپتال منتقل