صدر مسلم لیگ ن شہباز شریف نے پریس کانفرنس کرتے ہوئے کہا ہے کہ آزاد امیدواروں کی اگر اکثریت ہے تو شوق سے حکومت بنا لیں، ہم اپوزیشن میں بیٹھ جائیں گے
شہباز شریف کا کہنا تھا کہ 2018 میں جیسے آر ٹی ایس بٹھا دیا گیا پہلی بار ہوا تھا کہ دیہاتوں کے رزلٹ پہلے آگئے اور شہروں کے رزلٹ رات دیرتک نہیں آئے،2013 میں سپریم کورٹ نے بول دیا تھا الیکشن صاف شفاف ہوئے ہیں کوئی دھاندلی نہیں ہوئی،پی ٹی آئی نے 2013 میں بھی 35 پنکچر کا ڈرامہ رچایا تھا۔انتخابات کے پامن انعقاد میں چیف جسٹس، افواج پاکستان اور الیکشن کمیشن کا کردار اہم ہے۔ چیف الیکشن کمشنر تحسین کے مستحق ہیں، آج میں گزارش کرنا چاہتا ہو ں کہ جس دن الیکشن ریزلٹ آ رہے تھے، اس رات کو دس بارہ فیصد نتائج آنے پر ایک ون سائیڈڈ شور ہوا، بتایا گیا کہ آزاد جیت رہے اور پارٹیاں ہار رہی ہیں، اس پر ایک رائے قائم کر لینا غیر مناسب بات تھی، اس الیکشن میں حقائق کا سامنا کریں تو جواب صاف مل جاتا ہے کہ اس الیکشن میں دھاندلی کا الزام لگایا گیا، اگر ایسی بات ہوتی تو خواجہ سعد رفیق نے کھلے دل سے شکست تسلیم کی،یہ کس طرح ہار گئے، فیصل آباد، شیخوپورہ ، ایبٹ آباد میں سینئر رہنما ہمارے ہار گئے، آزاد جیت رہے اور پھر بھی دھاندلی کا الزام لگایا جا رہا ہے،
شہباز شریف کا کہنا تھا کہ الیکشن ہو گئے، ن لیگ کے نمبر زیادہ ہیں سیاسی جماعتوں میں ن لیگ نمبر ون ہے، اسکے بعد پیپلز پارٹی ہے، نتائج سامنے آ چکے، اب اگلا مرحلہ شروع ہوا چاہتا ہے، میں کہنا چاہتا ہوں کہ پارلیمان میں اب سارا عمل معرض وجود میں آئے گا، اگر آزاد اراکین حکومت بنا سکتے ہیں تو بڑے شوق سے بنائیں، صدر نے ان کو دعوت نہیں دینی، جس کی تعداد زیادہ ہے وہی حکومت بنائے گا،آزاد اگر اکثریت دکھا دیں گے تو ہم اپوزیشن میں بیٹھ جائیں گے اور آئینی کردار ادا کریں گے، اگر آزاد حکومت نہیں بنا سکتے تو پھر دوسری پارٹیاں مشاورت سے بنائیں گی، اور کوئی دوسرا طریقہ نہیں ہے، ہمیں اب آگے بڑھنا ہو گا،یکسوئی کے ساتھ آنیوالا مرحلہ طے کرنا ہے، ہمیں جب ہروایا گیا تو ہم نے کوئی جلاؤ گھیراؤ نہیں کیا، پارلیمان میں جا کر کالی پٹیاں باندھ کر احتجاج کیا او ر حلف اٹھایا کون نہیں جانتا کہ بدترین دھاندلی سے الیکشن چرایا گیا تھا، ہم نے تو نہیں کہا تھا کہ پارلیمنٹ کو آگ لگائیں گے، ڈی چوک پر دھرنے دیں گے،نواز شریف کی قیادت میں کبھی ایسا نہیں ہوا، فیٹف کا بل ہم نے منظور کروایا،جب بھی موقع آیا کشمیر کا تنازع، مل بیٹھنے سے انکار کر دیا گیا،دوسرے مراحل کرونا میں مل بیٹھنے سے انکار کیا گیا،جب بھارتی جہازوں نے پاکستانی فضاؤں کو عبور کیا، اور جہاز گرایا گیا، اس رات میٹنگ تھی، ڈیڑھ گھنٹے کی تاخیر کے بعد سپہ سالار آئے لیکن وزیراعظم میٹنگ میں نہیں آئے، ہم نے پاکستان کے مفاد کو دیکھنا ہے، ماضی کی بھیانک داستان ہمارے سامنے ہے، میں کئی بار بات کر چکا ہوں،ہم نے ریاست بچائی، سیاست قربان کی ،پی ٹی آئی حکومت نے تو ملک کو ڈیفالٹ کر دیا تھا، ہم نے ریاست کو بچایا ہے
شہباز شریف کا مزید کہنا تھا کہ الیکشن میں ایک دوسرے کے خلاف مقابلہ کر لیا، اب مہنگائی، غربت ،بے روزگاری کے خلاف مقابلہ ہے، امن قائم کرنا ہے، دہشت گردی کا خاتمہ کرنا ہے،نان سٹیٹ ایکٹر نے لوگوں کو پولنگ سٹیشن پر نہیں آنے دیا، مخصوص لوگوں کو آنے دیا گیا، یہ باتیں سننے میں آ رہی ہیں، پشاور سے برف پوش پہاڑوں تک دن دہاڑے پولنگ سٹیشن پر بندوق برداروں نے ووٹ ڈلوائے،اسکی بھی تحقیقات ہونی چاہئے ،وہ کونسی حکومت تھی جس نے دہشت گردوں کو دوبارہ پہاڑوں پر بٹھایا، جیلوں سے آزاد کروایا،قوم کو اسکا جواب ملنا چاہئے،قوم کے ہوش اڑ جائیں گے جب پتہ چلے گا کہ کون انکو واپس لایا، آج قوم کے زخم پر مرہم رکھنے کا وقت آ چکا ہے، نوا زشریف تمام سیاسی جماعتوں کے ساتھ مشاورت میں ہیں، نواز شریف نے اعلان کیا کہ اس وقت قوم کو جتنی یکجہتی، یکسوئی، محبت پیار بانٹنے کی ضرورت ہے پہلے کبھی نہ تھی، ہمیں دکھوں کو خوشیوں میں بدلنا ہے، تلخیوں کو دفن کر نا ہو گا، مل بیٹھ کر ملک کا حل ڈھونڈنا ہو گا، خدا کے لئے ، دنیا کو دوبارہ جگ ہنسائی کا موقع دیں گے یا بتائیں گے کہ ہم ملکر چیلنجز کا مقابلہ کر رہے ہیں.
شہباز شریف کا مزید کہنا تھا کہ پنجاب میں ہم حکومت بنائیں گے، ہمارے اراکین زیادہ ہیں، آزاد اگر وفاق میں حکومت بنا سکتے ہیں تو خوشی سے بنائیں ،ورنہ ہم اپنا آئینی کردار ادا کریں گے،مشاورت کا عمل جاری ہے، نواز شریف نے قوم کو بتایا کہ اکثریت ہونے کے باوجود مشاورت کریں گے، نواز شریف کی قیادت میں قوم کو متحد کریں گے،صدر کی انوائیٹ کرنے کی شق ختم ہو چکی، 2018 میں تو صدر نے انوائیٹ نہیں کیا تھا، ہاؤس خود اپنا فیصلہ کرے گا، جس پارٹی کی اکثریت ہے اسکا حق ہے حکومت بنائے،آئین کہتا ہے 21 دن میں پارلیمنٹ کا اجلاس بلایا جائے
نومئی جیسا واقعہ دوہرانے کی تیاری، سخت ایکشن ہو گا، محسن نقوی کی وارننگ
آر او کے دفاتر میں دھاندلی کی گئی، پولیس افسران معاون تھے،سلمان اکرم راجہ
دادا کی پوتی کے نام پر ووٹ مانگنے والے ماہابخاری کا پورا خاندان ہار گیا
پی ٹی آئی کو مرکز اور دو صوبوں میں موقع نہ دیا گیا تو حکومت نہیں چل سکتی،بابر اعوان
الیکشن کمیشن، اسلام آباد کے حتمی نتائج جاری، کئی حلقوں کے نتائج رک گئے
الیکشن کمیشن ، ریحانہ ڈار کی درخواست پر آر آو کو نوٹس جاری،جواب طلب
این اے 58، ایاز امیر کی درخواست، نوٹس جاری، آر او طلب، نتیجہ روک دیا گیا
