Tag: حکومت

پیٹرول اور ڈیزل کی تاریخی مہنگائی کو برداشت کرنا پڑے گا،شاہد خاقان عباسی

سابق وزیر خزانہ شوکت ترین نے کہا ہے کہ حکمران استعفیٰ دیں اورالیکشن کروائیں،

شوکت ترین کا کہنا تھا کہ ہم آئی ایم ایف ان کی کارستانیوں کی وجہ سے گئے ،عوام کی خاطر آئی ایم ایف سے متعدد مطالبات تسلیم نہ کرنے پر اصرارکیا عوام کی خاطر آئی ایم ایف کے مطالبات پر اعتراضات اٹھائے تھے ،انہوں نے تو ہم پر الزام عائد کیا اور خود پیٹرول کی قیمت بڑھا کر بم گرا دیا گیا ،ہم سخت فیصلے کیے ،آئی ایم ایف جانے کےباوجود عوام کو ریلیف دیا، حکومت نے رات کو بجلی کی قیمت میں 47فیصد اضافہ کیا،حکومت کو ڈر ہے روس کے پاس گئے تو امریکہ ناراض ہوجائیگا ،مفتاح اسماعیل خود آئی ایم ایف گئے ہمارے پروگرامز کی تعریف کی گئی ،ہم نے کامیاب جوان، صحت کارڈ اور احساس پروگرام شروع کیے 2ماہ حکومت نے بہتر چلتی معیشت کو ختم کردیا ،

سابق وزیراعظم شاہد خاقان عباسی کا کہنا تھا کہ ہم پیٹرولیم مصنوعات سے کچھ نہیں کما رہے،ملک کو 2018 کے حالات پر واپس لانے کےلیے وقت درکار ہے،سستے پیٹرول کو خریدنے کا کوئی معاہدے نہیں،معیشت کو استحکام دینے کے لیے مشکل فیصلے کرنے پڑیں گے،یہ فیصلے نہ کرنا ملک سے انصاف ہے نہ عوام سے ،پیٹرول اور ڈیزل کی تاریخی مہنگائی کو برداشت کرنا پڑے گا، روپے کی قدر میں کمی سے پیٹرول مہنگا ہوجاتا ہے،پیٹرول ہم ڈالرز میں خریدتے ہیں اضافی قرضے لے کر اگر ہم مصنوعی سبسڈی دے گے تو ملکی معیشت کمزور ہوگی،

وزیر مملکت برائے پٹرولیم مصدق ملک کا کہنا تھا کہ پیٹرولیم مصنوعات کی قیمتوں میں اضافہ ہوا پیٹرولیم مصنوعات کی قیمتوں میں اضافے کی ضرورت کیوں پیش آئی ،عمران خان نے پیٹرول کی 10 روپے قیمت بڑھا کر کہااب یہی رہے گی ،ہمیں لگا شاید کابینہ کی منظوری سے ہوا ہو گا لیکن ایسا کچھ نہیں تھا،سابق وزیر اعظم عمران خان ملک کو تباہ کرنا چاہ رہے تھے، عمران خان کی سبسڈی کی قیمت 3 ماہ میں 300 ارب روپے تھی، عمران خان نےجوسبسڈی دی اس کی منظوری کسی فورم سےنہیں لی،عمران خان حکومت ختم ہونے سے پہلے سبسڈی کا اعلان کیوں کرکے گئے؟ آئی ایم ایف کیساتھ انہوں نےطےکیاکہ قیمتیں بڑھائیں گے،عمران خان نے کہا اگرمیں کھیل نہیں سکتا توکھیل ہی ختم کردوں گا،نواز شریف اور شہباز شریف نے کہا کہ غریب کو آسانی دینے تک تیل کی قیمت نہیں بڑھانی،پھر ہم نے تین لائحہ عمل وزیر اعظم کو پیش کیے، کچھ ماہ میں پہلے تکلیف پھر استحکام نظر آئے گا،کابینہ کا مجموعی بجٹ500 ارب اور عمران خان نے جاتے جاتے 800 ارب روپے کی سبسڈی دی عمران خان نے جاتے جاتے 800 ارب روپے کی سبسڈی دی ،چالیس ہزار کمانے والے شخص کو 2ہزار روپے کا وظیفہ دیا گیا،عمران خان ملک خزانے خالی کر گئے جس کی وجہ سے ہمیں سخت فیصلے کرنے پڑیں گے

تحریک انصاف کے رہنما حماد اظہر کا کہنا تھا کہ کارٹون جو آج بیٹھے ہیں اور کہتے ہیں ہمارے پاس پیسے نہیں ،روس کا سستا تیل خریدنے کے پیسے نہیں حکمران جب عیاشیوں میں مصروف تھے تو بھارت نے روس سے تیل خریدلیا،مفتاح اسماعیل کہتے ہیں اگر روس پر کوئی پابندیاں نہیں ہوں گی تو ہم خرید لیں گے،آپ کو پتا تھا یہ خریدنا ضروری ہے لیکن آپ کی ٹانگیں کانپ رہی تھیں، یکم جنوری کو عمران خان نے 4 روپے پیٹرول بڑھایا پیٹرول کی قیمت بڑھنے پر شہباز شریف اور بلاول نے وزیراعظم سے استعفیٰ مانگا عمران خان نے روس سے سستا تیل لینے پر 2 اجلاس کیے روس میں سفیر نے مجھے ایس ایم ایس کیا کہا کہ تحریری طور پر معاہدہ کریں میں نے خط لکھا اور کہا اپریل میں پہلی کنسائنمنٹ لیں گے ،55 دن ہوگئے مفتاح اسماعیل کو یہ تک نہیں پتہ کہ روس پر کوئی پابندی عائد نہیں، جس لابی کی مدد سے حکومت اقتدار میں آئی وہ پاکستان کوغیر مستحکم کرناچاہتی ہے،

25 روپے اضافے جیسے عوام دشمن اقدام کا دفاع کوئی منتخب وزیر نھیں کرسکتا یہ فریضہ باہر سے لائے گئے پراسرارمشیر ھی کر سکتے ، سلمان غنی

‏کچھ دن پہلے پٹرول سستا ھونے پر ذلیل ھو رھا تھا اب مہنگا ھونے پر ذلیل ھو گا، مشاہد اللہ خان

پٹرول ذخیرہ کرنے والوں کوکس کی پشت پناہی حاصل ہے؟ قادر پٹیل

‏جیسا مافیا چاہتا تھا ویسا نہیں ملا ، وسیم بادامی کا پٹرول کی قیمتوں میں اضافے پر تبصرہ

ہارن بجاؤ، حکمران جگاؤ، وزیراعظم ہاؤس کے سامنے ہارن بجا کر احتجاج کا اعلان ہو گیا

وزیراعظم نے مافیا کے آگے ہتھیار ڈال دیئے،مثبت اقدام نہیں کر سکتے تو گھر جانا ہو گا، قمر زمان کائرہ

جنوری کے مقابلے میں پٹرول اب بھی 17 روپے سستا ہے،عمر ایوب کی انوکھی وضاحت

پٹرولیم مصنوعات کی قیمتوں میں اضافہ عدالت میں چیلنج

لانگ مارچ میں فیاض الحسن چوہان کتنے بندے لے کر نکلے،ویڈیو وائرل

باغی ٹی وی کی رپورٹ کے مطابق تحریک انصاف کے چیئرمین عمران خان کے لانگ مارچ کی کال پر تحریک انصاف کے رہنما اپنے اپنے حلقوں سے عوام کو نہ نکال سکے ،پی ٹی آئی اراکین اسمبلی چند افراد کے ساتھ نکلے ،مارچ کے شرکاء کی تعداد کم ہونے کی وجہ سے عمران خان پارٹی رہنماؤں پر نالاں ہیں، کم تعداد کی وجہ سے ہی عمران خان کو واپس جانا پڑا

تحریک انصاف کے چیئرمین عمران خان شیخ رشید پر بھی ناراض ہیں کیونکہ انہون نے پنڈی سے اپنے حلقے سے عوام کو نکالنا تھا لیکن وہ عوام کو نہ نکال سکے، بلکہ لانگ مارچ کے بارے میں خونی مارچ جیسے بیانات دے کر حکومت کو مارچ کے خلاف کاروائی کا موقع دیتے رہے

لانگ مارچ کے حوالہ سے سابق صوبائی وزیر فیاض الحسن چوہان کی ایک ویڈیو سامنے آئی ہے جس میں دیکھا جا سکتا ہےکہ فیاض الحسن چوہان لانگ مارچ میں شرکت کے لئے نکلے ہیں اور فیاض الحسن چوہان کے ساتھ نعرے لگانے والے کارکنان اور کل شرکاء کی تعداد دس افراد سے بھی کم ہے، ویڈیو میں دیکھا جا سکتاہے کہ فیاض الحسن چوہان پریشان دکھائی دیتے ہیں کیونکہ وہ لانگ مارچ میں شہریوں کو نہیں نکال سکے، ویڈیو میں یہ بھی دکھایا گیا ہے کہ جس طرف شرکاء جا رہے ہیں اسکے دوسری جانب روڈ بالکل خالی ہے اور ٹریفک رواں دواں ہے

لاہور میں بھی کچھ ایسا ہی منظر دیکھنے کو ملا تھا،تحریک انصاف لاہور کی قیادت میں تین قافلوں نے لاہور سے نکلنے کی کوشش کی مرکزی قافلہ صدر تحریک انصاف پنجاب شفقت محمود کی قیادت میں روانہ ہوا قافلہ میں چھ اے سی بسیں اور درجن بھر چھوٹی بڑی گاڑیاں شامل تھیں جبکہ عمران خان کے بھانجے ایڈوکیٹ احسان نیازی کی سربراہی میں دو درجن وکلا کا ایگ گروپ بھی شفقت محمود کے قافلے میں شامل تھا ،

حماد اظہر کی سربراہی میں درجن بھر کارکنوں کا قافلہ نکلا جو تو پولیس کی جانب سے راوی پل کے قریب حماد اظہر کے قافلے کو روکا گیا اور انہیں گرفتار کرنے کی کوشش کی گئی تاہم کارکنوں کی جانب سے مزاحمت کی گئی جس پر پولیس انہیں حراست میں لینے میں کامیاب نہ ہو سکی۔ڈاکٹر یاسمین راشد بھی چند خواتین کو لے کر نکلی تھیں ،انکے قافلے میں شرکاء کی تعداد بیس سے کم تھی،

دوسری جانب تحریک انصاف کے رہنما شفقت محمود پر پی ٹی آئی کارکنان ہی اعتراض عائد کر رہے ہیں اور کہہ رہے ہیں کہ پنجاب میں انہوں نے کارکنان کو متحرک نہیں کیا، جب کارکنان پر شیل برسائے جا رہے تھے شفقت محمود کسی کے گھرگوجرانوالہ میں کھانا کھا رہے تھے جب انکو پتہ چلا کہ حماد اظہر آگے نکل گئے تو شفقت محمود آگے جانے کی بجائے لاہور واپس آ گئے

پولیس پہنچی تو میاں محمود الرشید گرفتاری کے ڈر سے سٹور میں چھپ گئے

پاکستان کی سیاسی صورتحال سے فائدہ اٹھانے کیلئے مودی کے دفتر میں خصوصی سیل قائم

درخواستیں دائر کرکےآپ بھی اپناغصہ ہی نکال رہے ہیں،عدالت کا پی ٹی آئی وکیل سے مکالمہ

کیا آپ کو علم ہے کہ سپریم کورٹ کے ملازمین بھی نہیں پہنچ سکے،عدالت

کارکن تپتی دھوپ میں سڑکوں پرخوار،موصوف ہیلی کاپٹر پرسوار،مریم کا عمران خان پر طنز

تمام گریڈ کی آسامیوں پر اقلیتی کوٹہ کا خیال رکھا جانا چاہیے،سینیٹ قائمہ کمیٹی میں مطالبہ

سینیٹ کی قائمہ کمیٹی برائے ریاستی و سرحدی امور کا اجلاس چیئرمین کمیٹی سینیٹر ہلال الرحمن کی زیر صدارت آج پارلیمنٹ ہاؤس میں منعقد ہوا۔

سیکریٹری لوکل گورنمنٹ خیبرپختونخواہ نےکمیٹی کو نئے ضم شدہ اضلاع کے لوکل گورنمنٹ دفاتر میں خالی اسامیوں کے حوالے سے بریفنگ دی۔ کمیٹی ممبران اور چیئرمین کمیٹی نے بڑے پیمانے پر آسامیاں خالی ہونے پر شدید تحفظات کا اظہار کیا۔ حکام نے کمیٹی کو بتایا کہ خالی آسامیوں پر جولائی تک تقرریوں کا عمل مکمل ہو جائے گا۔ سینیٹر ڈاکٹر ثانیہ نشتر نے کہا کہ تمام تقرریاں چاہے کسی بھی درجے کی ہوں ایک ضابطے، ضرورت اور میرٹ کو مدِ نظر رکھتے ہوئے کی جائیں۔ تقرریوں میں سیاسی عمل دخل انتہائی تشویش ناک ہے۔ سینیٹر دوست محمد خان نے تجویز دی کہ بارودی سرنگوں کے دھماکوں کی وجہ سے سابقہ فاٹا میں زخمی یا شھيد ہونےوالے افراد کے ورثاء کو ان آسامیوں پر بھرتی کے لیے ترجیح دی جائے۔ سینیٹر دنیش کمار نے اقلیتی کوٹہ کے حوالے سے بات کرتے ہوئے کہا کہ اقلیتوں کو صرف درجہ چہارم کی آسامیوں پر بھرتی کرنا نا انصافی ہے۔ تمام گریڈ کی آسامیوں پر اقلیتی کوٹہ کا خیال رکھا جانا چاہیے۔ چیئرمین کمیٹی سینیٹر ہلال الرحمن نے ہدایت دی کہ تمام خالی آسامیوں پر جلد از جلد تقرریاں کی جائیں۔ چیرمین کمیٹی نے سابقہ فاٹا کے مسائل کو یکسو کرنے کے لیے سینیٹر ڈاکٹر ثانیہ نشتر کی زیر قیادت ایک ذیلی کمیٹی قائم کردی۔ سینیٹر ہدایت اللہ ، سینیٹر حاجی ہدایت اللہ خان، اور سینیٹر دوست محمد خان کمیٹی کا حصہ ہونگے۔

وفاقی وزیر برائے ریاستی و سرحدی امور سینیٹر طلحہ محمود نے کمیٹی کو طالبان حکومت کے آنے کے بعد افغانستان سے مہاجرینِ کی پاکستان میں آمد کے حوالے سے بتاتے ہوئے کہا کہ اس حوالے سے پاکستانی حکومت کی پالیسی واضع ہے۔ حکومت پاکستان کسی طور بھی غیر قانونی طور پر پاکستان میں داخل ہونے والے افغان شہریوں کو مہاجرینِ کا درجہ دینے کے لیے تیار نہیں ہے۔ اُنکا کہنا تھا افغان ہمارے بھائی ہیں ہم نے اپنے افغان بھائیوں کے لیے بہت کچھ کیا ہے۔ اب وقت آگیا ہے کہ افغان مہاجرینِ کو باعزت افغانستان واپس جانا چاہیے۔ سینیٹر طلحہ محمود کا کہنا تھا کہ افغانستان سے پاکستان داخلے کے تمام پوائنٹس کو ریگولیٹ کریں گے۔ افغان مہاجرین کی آڑ میں پاکستان مخالف تخریبی عناصر امن امان خراب کرنے کی نیت سے پاکستان میں داخل ہوتے رہے ہیں۔ پاکستان میں موجود افغان مہاجرین کی تعداد معلوم کرنے کے لیے نادرا اور دیگر اداروں کے ساتھ رابطے میں ہیں۔ سینیٹر طلحہ محمود نے تشویش کا اظہار کیا کہ ماضی میں بہت سے افغان مہاجرین غیر قانونی طور پر پاکستانی شناختی کارڈ حاصل کرنے میں کامیاب ہوئے جس کا تدارک انتہائی ضروری ہے۔

پاک پی ڈبلیو ڈی کے حکام نے کمیٹی کو سال ۲۲-۲۰۲۱ کے لیے قبائلی ضلع مہمند اور قبائلی ضلع باجوڑ میں ایس ڈی جی ترقیاتی سکیموں کے بارے میں تفصیلی بریفنگ دی۔ کمیٹی کو فراہم کردہ معلومات کے مطابق 475 ملین کی لاگت سے گیارہ منصوبوں پر کام جاری ہے جس میں سے 384 ملین کی رقم استعمال کی جا چکی ہے۔ چیئرمین کمیٹی سینیٹر ہلال الرحمن نے استفسار کیا کہ کس طرح صرف چالیس دن میں اندر اتنی رقم استعمال کر لی گئی ہے۔ انہوں نے کہا کہ ضلع مہمند جیسے علاقے میں ایسا کر پانا ناممکن ہے۔ چیئرمین کمیٹی نے تمام منصوبہ جات میں پیپرا رولز کی سنگین خلاف ورزی پر شدید تحفظات كا اظہار کرتے ہوئے کہا کہ یہ سابقہ فاٹا کے غریب عوام کا پیسہ ہے ہم اسکو اس طرح چوری نہیں ہونے دیں گے۔ "جب کوئی منصوبہ مکمل ہی نہیں ہوا تو کیسے کنٹیکٹرز کو پیشگی ادائیگی کر دی گئی؟” پاک پی ڈبلیو ڈی کے حکام اس حوالے سے کوئی تسلی بخش جواب دینے سے قاصر رہے۔ جس پر چیئرمین کمیٹی نے ۱۷ مئی کو آئندہ اجلاس میں ڈی جی نیب خیبرپختونخواہ، ڈی جی ایف آئی اے اور ڈی سی ضلع مہمند کو طلب کر لیا۔ چیئرمین کمیٹی کا کہنا تھا کہ اس معاملے کی جامع تحقیقات کرتے ہوئے ذمےداران کے خلاف کارروائی کی جائیگی۔

کمیٹی اجلاس میں سینیٹرز، انور لال دین، بہرامند خان تنگی، دنیش کمار، دوست محمد خان، گردیپ سنگھ، ہدایت اللہ، حاجی ہدایت اللہ خان، ڈاکٹر ثانیہ نشتر، شمیم آفریدی، فدا محمد، وفاقی وزیر برائے ریاستی و سرحدی امور سینیٹر طلحہ محمود، متعلقہ وزارت اور پی ڈبلیو ڈی کے حکام نے شرکت کی۔