Tag: راولپنڈی

راولپنڈی :‏سوشل میڈیا پر سب ڈویژنل فارسٹ آفیسر کی وائرل ویڈیو کا معاملہ۔ڈاکٹر سائرہ خالد معمول کی چیکنگ پربگا سنڈل نرسری کو چیک کرنے گئی۔ جہاں پرملزم کے کتےنےکاٹ لیا۔ تھانہ کوٹلی ستیاں پولیس نے درخواست موصول ہونے پرمقدمہ درج کیا اور نامزدملزم تیمور خان کوگرفتارکرکےپیش عدالت کیا گیا۔‏ترجمان راول پنڈی پولیس نے کہا کہ تفتیش کے تمام پہلو سے مدعیہ مقدمہ کو باور رکھا گیا۔ مدعیہ کی داد رسی کو ہر صورت یقینی بنا جا کر قانونی تقاضوں کو پورا کیا جائے گا۔ قانون کی بالا دستی، میرٹ اور شفافیت کا فروغ ہمارا ہدف ہے۔

راولپنڈی :‏تھانہ روات پولیس نے نوجوان نسل کی زندگی تباہ کرنے والے منشیات فروش کو رنگے ہاتھوں گرفتار کرلیا۔ملزم عدیل انجم سے 440 گرام چرس مختلف سائز کی پیکنگ میں برآمد ہوئی, ملزم تھانہ روات کے ملحقہ علاقوں اور بحریہ ٹاؤن کے اسکول اور کالجوں میں آئس اور چرس سپلائی کرتا تھا۔ ترجمان پنجاب پولیس کے مطابق ‏‏ملزم سابقہ ریکارڈیافتہ ہے۔ جو کہ پہلے بھی سکولز وکالجز کو نشہ سپلائی کرنے کے جرم میں بھی گرفتار ہو کر چالان ہو چکا ہے۔ تھانہ روات پولیس نے ملزم کے خلاف مقدمہ درج کر لیا۔ ملزم سے سورس آف سپلائی کے حصول کے لیے مزید انٹروگیشن جاری ہے۔

راولپنڈی :وفاقی وزیر ریلوے شیخ رشید احمد لال حویلی کے باہر کشمیریوں سے اظہار یکجہتی کے لئے منعقد کئے گئے اجتماع سے خطاب کررہے تھے کہ اس دوران جب وہ اس جملے پر پہنچے تمہاری پوری نیتوں سے واقف ہیں تو انہیں کرنٹ لگ گیا اور ساتھ ہی انہوں نے تقریر روک کر کہا کرنٹ لگ گیا چلو کوئی بات نہیں میرا خیال ہے کرنٹ آگیا ہے جس سے سن کر شرکاء ہنس پڑے ساتھ ہی وفاقی وزیر ریلوے شیخ رشید احمد نے کہا کہ میرا خیال ہے مودی اس جلسے کو ناکام نہیں بنا سکتا.

راولپنڈی :وزیر اعظم پاکستان عمران خان نے جمعہ کے روز پونے بارہ سے ساڑھے بارہ تک کا وقت کشمیریوں کے نام کرنے کا اعلان کیا اور اس دوران ملک بھر میں تقریبات منعقد ہونگی کشمیریوں کے حق میں آواز بلند کی جائے گی اسی حوالے سے راولپنڈی میں ضلعی سطح پر تقریب ڈپٹی کمشنر آفس میں منعقد ہوگی. ڈپٹی کمشنر راولپنڈی علی رندھاوا نے سماجی رابطہ کی سائٹ ٹویٹر پر اپنی ایک ٹوئٹ میں کہا کہ سب 11:30 بجے کشمیر کے لئے نکلیں اس سلسلہ میں راولپنڈی میں تقریب ڈپٹی کمشنر آفس میں منعقد ہوگی ,اس کے علاوہ دوسری بڑی تقریب لاک حویلی میں ہوگی جہاں 12 سے 12:30 تک کشمیریوں کے حق میں ترانے پڑھے جائیں گے اور 5 بجے تک تقریب جاری رہے گی جس کا اعلان وفاقی وزیر ریلوے شیخ رشید احمد نے اپنے ایک ویڈیو بیان میں کیا .

راولپنڈی:”کشمیر بنے گا پاکستان ” یوم آزادی کے موقع پر کشمیریوں سے اظہار یکجہتی کیلئے پاکستان تحریک انصاف لیاقت باغ سے ریلی نکالے گی جو ڈی چوک پر اختتام پذیر ہوگی جس کی قیادت علی امین گنڈا پور وفاقی وزیر امور برائے کشمیر و گلگت بلتستان کریں گے. ڈی چوک پہنچنے کے بعد وہاں 3 بجے جلسہ عام سے علی امین گنڈا پور, عامر محمود کیانی اور دیگر سیاسی رہنماء خطاب کریں گے. یاد رہے ڈی چوک جلسہ کے انتظامات مکمل کرلیں گئے ہیں وہاں پنڈال سجا دیا گیا ہے اور سٹیج بھی لگا دیا گیا ہے جس کے پیچھے کشمیر بنے گا پاکستان کا سلوگن نمایاں ہے

راولپنڈی:امیرجماعت اسلامی ضلع راولپنڈی راجہ محمدجواد نے کہاہے اسلامی ریاست میں قادیانیو ں کی جانب سے تبلیغ سمیت دیگرسرگرمیاں اور حکومتی سطح پر انھیں سپور ٹ،عاشقان رسول ﷺکوقبول نہیں، تحریک انصاف کی حکومت جان لے نبی ﷺکی ناموس اوراس حوالے سے موجود قوانین پروارکی کوئی صورت بھی قابل قبول نہیں ایسی کوشش بیساکھیوں پرکھڑی حکومت کوزمین بوس کرسکتی ہے۔ان خیالات کااظہارانھوں نے گلریزمیں کاروباری مرکزکی افتتاحی تقریب سے خطاب کرتے ہوئے کیا۔ اس موقع پر ضلعی سیکرٹری سید امجدحسین شاہ،زونل امیرپی پی13ملک محمدالیاس،قاضی فیض رسول،سرداررفیع الدین،عمرفاروق ودیگر ذمہ داران سمیت کاروباری شخصیات شریک تھیں۔راجہ محمدجواد نے کہاکہ مومن فاقہ کشی توبرداشت کرسکتا ہے لیکن روح محمدﷺاس کے جسم سے نکالنے کی کوئی کوشش کامیاب نہیں ہوسکتی،امریکی اور عالمی طاغوت کی ڈکٹیشن پر 295سی میں ترامیم اس سے قبل بھی حکمرانوں کی خواہش رہی لیکن شمع رسالت ﷺکے پروانے اس وقت بھی ان کوششوں کے مقابلے میں سیسہ پلائی دیوارتھے اب بھی ایسی کوئی بھی کوشش ناکام ہوگی۔

راولپنڈی:آر اے بازار پولیس نے جوائنٹ چیک پوسٹ جھاورہ پر غریب رکشہ ڈرائیور سے لڑائی اور بعد ازاں گن تاننے کے جرم میں ن لیگ کے سابقہ امیدوار برائے چئیرمین یونین کونسل دھمیال چوھدری اسد محمود نمبردار کو گرفتار کر لیا اور مقدمہ درج کرنے کے بعد تھانے منتقل کردیا گیا.
اسد کو بچانے مشہور زمانہ ظفر سپاری تھانہ آیا، پولیس پر اپنا رعب ڈالنے کی کوشش کی پھر ھوا یہ کہ پولیس نے اسے بھی حوالات میں بند کر دیا ۔

راولپنڈی۔ (نمائندہ باغی ٹی وی ) جعلی زرعی ادویات وکھادوں کی روک تھام کے سلسلہ میں شکایات کے ازالہ کیلئے منفرد نوعیت کاکمپلینٹ مینجمنٹ سسٹم متعارف کرادیا جس کے تحت شکایت موصول ہونے کے 24 گھنٹوں کے اندر کارروائی عمل میں لائی جاتی ہے۔زرعی اجلاس کے موقع پر ایڈیشنل سیکرٹری زراعت ٹاسک فورس پنجاب رانا علی ارشد نے کہا کہ زراعت ہماری معیشت کا سب سے بڑا شعبہ ہے اور زیادہ تر لوگوں کا روزگار بھی اسی شعبہ سے منسلک ہے۔موجودہ حکومت کے نئے اقدامات کی بدولت محکمہ زراعت کی کارکردگی کا گراف بھی بلندی کی طرف بڑھ رہا ہے۔انہوں نے مزید کہا کہ زرعی ٹاسک فورس کے تحت جعلی زرعی ادویات وکھادوں کے ناسور کو جڑ سے اکھاڑ نے کیلئے متعدد عملی اقدامات اٹھائے گئے ہیں۔شکایات درج کرانے کیلئے عوامی مقامات، پیسٹی سائیڈزوفرٹیلائزر دکانات اور سرکای دفاتر پر بینرزآویزاں کر دئیے گئے ہیں۔جعلی زرعی ادویات وکھادوں کے گھناونے دھندے میں ملوث کالی بھیڑیں کسان اور زراعت کی دشمن ہیں۔ٹاسک فورس کے تحت جاری عملی کارروائیوں کے نتیجہ میں یہ جلد میدان چھوڑ کر بھاگ جائیں گے۔

راولپنڈی:(نمائندہ باغی ٹی وی ) پنجاب حکومت نے بنجر زمینوں کی آبادکاری کرنے والے کسانوں کو سوا لاکھ ایکڑ زمین کی الاٹ منٹ کرنے کا فیصلہ کر لیا۔محکمہ زراعت پنجاب کے ترجمان نے میڈیا کو بتایاکہ پنجاب کابینہ نے لینڈ لیز پالیسی کے تحت صوبے کے30اضلاع میں ایک لاکھ 20 ہزار 7 سو ایکڑ زمین کسانوں کو الاٹ کرنے کا فیصلہ کیا ہے۔باغی ٹی وی کو موصول اطلاعات کے مطابق کسانوں کو ساڑھے بارہ ایکڑ تک رقبہ الاٹ کیا جائے گا۔اس ضمن میں سٹیٹ لینڈ کی ڈسپوزل پالیسی کے بھی جامع اصولوں کی منظوری دی گئی ہے۔