Tag: روس

نئی دہلی: روس نے بھارت کو جدید ففتھ جنریشن لڑاکا طیارے فراہم کرنے کی پیشکش کردی۔

باغی ٹی وی : روئٹرز کے مطابق روسی اور بھارتی حکام نے گزشتہ روز بتایا کہ روس کی جانب سے بھارتی فضائیہ کے لیے جدید ففتھ جنر یشن کا اسٹیلتھ لڑاکا طیارہ سکھوئی ایس یو 57 بھارت میں ہی تیار کرنے کی پیشکش کی گئی ہے، ماسکو نئی دہلی کے ساتھ دفاعی تعلقات کو فروغ دینے کے خواہاں ہے۔

ہتھیار برآمد کرنے والے روس کے سرکا ری ادارے روسوبورون ایکسپورٹ کے ترجمان کے مطابق اگر بھارت یہ پیشکش قبول کرتا ہے تو بھارت میں طیاروں کی تیاری رواں سا ل سے ہی شروع ہوسکتی ہے۔

چیمپئنز ٹرافی 2025:وارم اپ میچز کے لیے پاکستان شاہینز کے تین اسکواڈز کا اعلان

خبررساں ایجنسی کے مطابق بھارتی وزارت دفاع نے فوری طور پر اس حوالے سے کوئی ردعمل نہیں دیا۔

خبررساں ایجنسی نے روسی اور بھارتی ذرائع کا حوالہ دیتے ہوئے کہا ہے کہ بھارت کے سرکاری طیارہ ساز ادارے ہندوستان ایروناٹکس لمیٹڈ کے اہلکاروں کے ساتھ بات چیت میں روس کی جانب سے ایس یو 57 کی بھارت میں تیاری کی غیر رسمی پیشکش کی گئی۔

وزیراعظم کی رمضان المبارک میں کم قیمت پر اشیا کی فراہمی کی حکمت عملی بنانے کی ہدایت

روسوبورون ایکسپورٹ کے ترجمان نے بنگلورو میں ہونے والے ائیر شو کے موقع پر صحافیوں کو بتایا کہ ٹیکنالوجی کی مکمل منتقلی کے ساتھ بھارت میں ان طیاروں کی تیاری اس بات کو یقینی بنائے گی کہ روس پر مغربی پابندیوں سے طیارے کی پیداوار متاثر نہ ہو، ایس یو 30 طیاروں کی بھارتی پروڈکشن لائن میں بہتری کے بعد ایس یو 57 طیارے تیار کیے جاسکتے ہیں۔

یہ اقدام اس وقت سامنے آیا ہے جب ہندوستانی فضائیہ اپنے لڑاکا سکواڈرن کو آگے بڑھانے کے خواہاں ہے، جو 42 کے ہدف سے کم ہو کر 31 پر آ گئے ہیں، ایسے وقت میں جب حریف چین اپنی فضائیہ کو بڑھا رہا ہے۔

بجلی کے حوالے سے حکومت کی عوام کو بڑی خوشخبری

روس کئی دہائیوں سے بھارت کو ہتھیار فراہم کرنے والا اہم ملک رہا ہے جو دنیا کا سب سے بڑا اسلحہ درآمد کنندہ ہے، اور اس کے لڑاکا طیارے بھارت کے فوجی بیڑے کا حصہ ہیں لیکن حالیہ برسوں میں ماسکو کی برآمدات کی صلاحیت کو یوکرین کی جنگ نے روک دیا ہے، جس سے نئی دہلی مغرب کی طرف نظر جمائے بیٹھا ہے۔

ماسکو: روس میں میئر حالیہ بلدیاتی انتخابات میں ذاتی ڈرائیور کی بیوی سے ہار گئے۔

باغی ٹی وی: میئر یوگینی پستوو مسلسل چوتھی بار عہدے کے لئے الیکشن لڑ رہے تھے۔ ان کے خلاف روسی صدر ولادیمیر پیوٹن کی پارٹی یونائیٹڈ رشیا کی رُکن یولیا کو سامنے لایا گیا، جو ان کے ذاتی ڈرائیور کی اہلیہ ہیں، بیریز وسکی شہر میں میئر الیکشن کے نتائج نے سب کو حیران کر دیا۔

بلدیاتی انتخابات میں کسی کو بھی امید نہیں تھی کہ یولیا مسلاکووا میئر کا الیکشن جیت جائیں گی، یولیا نے بتایا کہ انہیں انتخابی خانہ پوری کرنے کیلئے پستوو کیخلاف کھڑا کیا گیا تھانتائج کے بعد اب وہ میئر کے عہدے کا حلف اٹھانے سے بچنے کے لیے ان کے بس میں جو کچھ بھی ہوسکتا ہے، وہ کر رہی ہیں۔

رانی پور:کمسن ملازمہ قتل کیس: مقتولہ کی والدہ نے ملزمان سے صلح کرلی

روس کے دوسرے شہروں کی طرح بیریزوسکی میں بھی میئر کا انتخاب براہ راست عوام کے ذریعے نہیں ہوتا بلکہ انتخابی کمیٹی کی تجویز پر نائبین کے ذریعے ہوتا ہے۔ جو مختلف مقامی اور علاقائی حکام کے نمائندے ہوتے ہیں رواں برس نائبین نے مبینہ طور پر سلیکشن کمیٹی سے مزید متبادل امیدواروں کو انتخاب لڑنے کی اجازت دینے کو کہا تھا لیکن انہیں صرف دو ہی آپشنز پیش کیے گئے۔

واضح رہے کہ میئر پستوو اور بیریزوسکی انتظامیہ کے انویسٹمنٹ ڈویلپمنٹ ڈپارٹمنٹ کی سربراہ یولیا مسلاکووا جو میئر کے ذاتی ڈرائیور کی اہلیہ بھی ہیں۔

جناح اسکوائر منصوبے سے آلودگی میں کمی آئے گی،وزیراعظم

واشنگٹن:جو بائیڈن انتظامیہ کی جانب سے روسی صدر کے قتل کی سازش کا انکشاف ہوا ہے-

باغی ٹی وی:امریکی میڈیا کے مطابق یہ انکشاف قدامت پسند امریکی پنڈت اور فاکس نیوز کے سابق اینکر ٹکر کارلسن نے کیا ہے، ٹکر کارلسن نے جو بائیڈن انتظامیہ پر الزام عائد کیا ہے کہ انہوں نے روسی صدر ولادی میر پیوٹن کو قتل کرنے کی کوشش کی تھی –

امریکی میڈیا کے مطابق کارلسن نے اس بات کا دعویٰ حالیہ پوڈ کاسٹ ”دی ٹکر کارلسن شو“ کے دوران کیا گیا جہاں وہ امریکی مصنف اور صحافی میٹ ٹائبی کے ساتھ گفتگو میں شریک تھے،کارلسن کا یہ دعویٰ کسی سنسنی خیز سے کم نہیں ہے-

ٹرمپ کی وفاقی ملازمین کو آٹھ ماہ کی تنخواہ کے ساتھ استعفیٰ دینے کی پیشکش

انہوں نے سابق امریکی وزیر خارجہ انٹونی بلنکن کا حوالہ دیتے ہوئے ایک ایسے شخص کی مثال دی جو جنگ پر زور دے رہا تھا اور صدر پیوٹن کو مارنے کی کوشش کر رہا تھا تاہم بائیڈن انتظامیہ پیوٹن کو مارنے کی کوشش میں ناکام رہی تھی۔

واضح رہے کارلسن کے دعوے کو کسی ٹھوس ثبوت کی حمایت حاصل نہیں، اور ان کے بیان نے بڑے پیمانے پر تنازعہ کو جنم دیا ہے سابق اینکر 2023 میں فاکس نیوز سے اس وقت فارغ کیا گیا، جب ٹی وی نیٹ ورک کو 2020 کی امریکی صدارتی دوڑ میں انتخابی دھوکا دہی کے غلط دعوے نشر کرنے پر قانونی مسائل کا سامنا تھا۔

جنوبی کوریا : ہانگ کانگ روانگی کی تیاری کے دوران طیارے میں آگ بھڑک اٹھی

دوسری جانب سابق امریکی صدر جو بائیڈن اور ان کی انتظامیہ نے ابھی تک ان الزامات کا جواب نہیں دیا ہے جبکہ کریملن کے ترجمان دمتری پیسکوف نے معاملے پر تبصرہ کرتے ہوئے کہا ہے کہ روسی سیکیورٹی ادارے صدرولادی میر پیوٹن کی حفاظت یقینی بنا نے کے لیے تمام ضروری اقدامات کر رہے ہیں، روسی اسپیشل فورسز عوام کی حفاظت کو یقینی بنانے کے لیے تمام ضروری اقدامات کر رہی ہیں، یقیناً سب سے پہلے اور سب سے اہم ریاست کے سربراہ کی سیکیورٹی بھی شامل ہے۔

عدالتوں کو ہی انصاف کی فراہمی کا واحد ذمہ دار نہیں سمجھنا چاہیے،جسٹس منصور علی شاہ

روسی صدر ولادیمیر پیوٹن اور ایرانی صدر ابراہیم رئیسی نے روس کے دارالحکومت ماسکو میں موجود کریملن میں ایک اہم اسٹریٹجک پارٹنرشپ معاہدے پر دستخط کیے ہیں۔ اس معاہدے کا مقصد دونوں ممالک کے درمیان تعلقات کو مزید مستحکم کرنا اور عالمی سطح پر درپیش چیلنجز کا مقابلہ کرنے کے لیے مشترکہ اقدامات کرنا ہے۔

روسی صدر پیوٹن نے ایران میں دو نئے نیوکلیئر پاور پلانٹ بنانے کا اعلان کیا ہے۔ ان کا کہنا تھا کہ اگرچہ ایران کے لیے نئے جوہری ری ایکٹرز کی تعمیر میں کچھ تاخیر ہوئی ہے، تاہم وہ ایران کے لیے مزید جوہری منصوبے شروع کرنے کو تیار ہیں تاکہ دونوں ممالک کو توانائی کے بحران سے نجات مل سکے اور ان کی اقتصادی ترقی کو مزید فروغ ملے۔معاہدے کے تحت ایران اور روس کے درمیان فوجی تعاون کو مزید بڑھایا جائے گا۔ پیوٹن نے واضح طور پر کہا کہ دونوں ممالک ایک دوسرے کو لاحق فوجی خطرات کا مشترکہ طور پر مقابلہ کریں گے۔ تاہم، انہوں نے یہ بھی کہا کہ ایران یا روس پر حملہ کرنے والے کسی بھی ملک کو فوجی امداد فراہم نہیں کی جائے گی۔ اس معاہدے میں سیکیورٹی سروسز کے درمیان تعاون، فوجی مشقوں اور افسران کی تربیت کا تبادلہ بھی شامل ہے۔

اس موقع پر ایرانی صدر ابراہیم رئیسی نے یوکرین کی جنگ کے حوالے سے اپنے موقف کا اظہار کیا۔ انہوں نے کہا کہ ایران کا مؤقف ہمیشہ سے یہ رہا ہے کہ یوکرین جنگ کو مذاکرات کے ذریعے ختم کیا جائے اور امن قائم کیا جائے۔ انہوں نے مزید کہا کہ ایران اس بات کا خیرمقدم کرے گا کہ دونوں فریقین مذاکرات کی میز پر آ کر امن کے حصول کی کوشش کریں۔ روسی صدر پیوٹن نے اس بات پر زور دیا کہ اس معاہدے کی بدولت دونوں ممالک عالمی سطح پر درپیش مسائل کا مقابلہ کرنے میں زیادہ طاقتور ہوں گے اور دنیا میں امن و استحکام کے لیے مل کر کام کریں گے۔ ان کا کہنا تھا کہ روس اور ایران کے درمیان یہ شراکت داری نہ صرف ان دونوں ممالک کے لیے فائدہ مند ہوگی بلکہ عالمی سطح پر توازن کو بھی بہتر کرے گی۔

یہ معاہدہ دونوں ممالک کے لیے ایک سنگ میل کی حیثیت رکھتا ہے اور اس سے دونوں کے درمیان اقتصادی، فوجی اور سیاسی تعلقات میں مزید گہرائی آئے گی۔ ایران اور روس کی اس اسٹریٹجک شراکت داری کا اثر عالمی سیاست پر بھی پڑے گا، خاص طور پر ان معاملات میں جہاں مغربی ممالک اور عالمی طاقتوں کی پالیسیاں ایران اور روس کے مفادات کے خلاف ہو سکتی ہیں۔

علیمہ خان عدالت پیش،آج فیصلہ کروں گا، جج

سیف علی خان حملہ،پولیس کی کسی بھی گرفتاری کی تردید،ملاقاتوں پر پابندی عائد

ماسکو: ایرانی ایٹمی تنصیب پر پیجر دھماکوں کی طرز کا حملہ ناکام بنادیا گیا،یہ دعویٰ روسی خبر ایجنسی کی جانب سے کیا گیا ہے-

باغی ٹی وی: روس کی سرکاری خبررساں ایجنسی تاس نے ایران کے نائب صدر جواد ظریف کا حوالہ دیتے ہوئے بتایا ہے کہ یورینئیم افزودگی کے لیے استعمال ہونے والے گیس سینٹری فیوج کے پلیٹ فارم میں بم نصب تھا جسے ناکارہ بنادیا گیاجواد ظریف نے اس کارروائی کے پیچھے اسرائیل کے ملوث ہونے کا اشارہ بھی دیا۔

جواد ظریف نے ایرانی میڈیا کو انٹرویو دیتے ہوئے لبنان میں ہونے والے پیجر دھماکوں پر بات کی، انہوں نے کہا کہ اسرائیل کو پیجر دھماکو ں کی تیاری کے لیے بہت وقت لگا لیکن شاید پابندیوں کے باعث یہ دھماکے ممکن ہوئے پابندیوں کے باعث کسی پیداواری ادار ے سے براہ راست خریداری کرنا ممکن نہیں ہوتا جس کے باعث کسی تیسرے ذریعے سے خریداری کرنی پڑتی ہے، اگر اسرائیل سپلا ئی چین میں داخل ہوجائے تو وہ جو چاہے کرسکتا ہے اور جو چاہے نصب کرسکتا ہے۔

سیف علی خان کے گھر میں گھسنے والے نے ایک کروڑ مانگا،نرس کا انکشاف

انہوں نے مثال دیتے ہوئے کہ ایرانی اٹامک انرجی آرگنائزیشن نے سینٹری فیوج خریدا تو معلوم ہوا کہ اس کے اندر دھماکہ خیز مواد نصب تھا جس کا ماہرین نے پتا لگا لیا یہ واقعہ ان پابندیوں کی وجہ سے ہوا جن سے ایران کو بچنا پڑتا ہے، ان کے باعث مالی نقصانات کے ساتھ ساتھ ایران کی سلامتی کو بھی نقصان پہنچا ہے،تاہم جواد ظریف نے یہ واضح نہیں کیا کہ یہ واقعہ کب پیش آیا۔

مریم نواز کی فیک تصاویرمعاملہ:ملزمان کے فونز سے شہباز گل اور عمران ریاض خان کی پوسٹیں برآمد

واضح رہے کہ 17 ستمبر 2024 کو لبنان میں سیکڑوں کی تعداد میں پیجرز میں دھماکے ہوئے تھا جس کے نتیجے میں 12 افراد ہلاک اور ہزارو ں زخمی ہوگئے تھےان دھماکوں کے اگلے ہی روز لبنان میں کئی واکی ٹاکی سیٹس اور موبائل فونز میں دھماکے ہوئے جن کے نتیجے میں مزید 25 افراد ہلاک اور 608 افراد زخمی ہوئے تھےلبنان کی مزاحمتی تنظیم حزب اللہ نے ان دھماکوں کا الزام اسرائیل پر عائد کیا تھا، بعد ازاں اسرائیلی وزیر اعظم نے ان حملوں کی ذمہ داری قبول کی تھی۔

علی امین گنڈا پور ٹی وی پر جھوٹی بڑھکیں ماررہے ہیں، ترجمان جے یو آئی

ماسکو: روس نے اس بات کو قبول کرنے سے انکار کر دیا کہ روسی افواج نے گزشتہ ماہ گرنے والے آذربائیجانی طیارے پر غلطی سے فائر کیا تھا –

باغی ٹی وی : آذربائیجان کے صدر الہام علیوف نے کہا ہے کہ آذربائیجان ایئرلائنز کا مسافر طیارہ جو 25 دسمبر کو قازقستان میں گر کر تباہ ہو گیا تھا اور جس میں 38 افراد ہلاک ہوئے، روسی شہر گروزنی کے اوپر سے گزرتے وقت "زمین سے فائر” کا نشانہ بنا جہاں اسے لینڈ کرنا تھا۔

خبر ایجنسی اے ایف پی کے مطابق روس نے دعویٰ کیا ہے کہ اس وقت اس کے ایئر ڈیفنس سسٹم یوکرینی ڈرونز کو روکنے کے لیے کام کر رہے تھے لیکن اس نے یہ نہیں کہا کہ طیارے پر فائر کیا گیا تھا آذر بائیجان کے صدر جو ماسکو کے قریبی اتحادی ہیں، نے اس ہفتے دوبارہ کہا کہ "قصور” روس کا ہے اور ماسکو پر حادثے کے حقیقی اسباب کو "چھپانے” کا الزام لگایا، انہوں نے سخت الفاظ میں کہا کہ گروزنی کے لیے ایئر ڈیفنس اقدامات کا اعلان طیارے کو "زمین سے نشانہ بنانے” کے بعد کیا گیا تھا۔

روس کے صدارتی محل کریملن کے ترجمان دمتری پیسکوف نے جمعرات کو کہا ہم اس حادثے کے اسباب کے تعین کے لیے ایک مکمل غیر جانبدار اور منصفانہ تحقیقات میں دلچسپی رکھتے ہیں، روسی ماہرین اس میں مکمل تعاون فراہم کر رہے ہیں۔

روسی صدر ولادیمیر پیوٹن نے حادثے کے بعد اپنے آذر بائیجانی ہم منصب کو دو بار فون کیا کریملن کے مطابق پیوٹن نے اس واقعے کے روسی فضائی حدود میں پیش آنے پر معذرت کی لیکن ان فون کالز کے بیانات میں یہ نہیں کہا گیا کہ پیوٹن نے ذمہ داری قبول کی۔

الہام علیوف نے ماسکو کے اس حادثے سے نمٹنے کے طریقہ کار پر ناراضگی ظاہر کی ہے انہوں نے اس ہفتے معافی کا مطالبہ کرتے ہوئے ماسکو سے کہا کہ وہ "مجرمانہ” طور پر طیارے پر فائرنگ کرنے والوں کو سزا دےطیارہ گولیوں سے چھلنی تھا اور اس کی تحقیقات کے ابتدائی نتائج سے پتہ چلتا ہے کہ اسے روسی ایئر ڈیفنس میزائل سے غلطی سے نشانہ بنایا گیا تھا۔

روس میں پولیس نے ایک نائٹ کلب پر چھاپے کے دوران سات افراد کو مبینہ طور پر "کچھ زیادہ ہی ہم جنس پرست نظر آنے” کے الزام میں گرفتار کر لیا اور ان پر جرمانہ عائد کر دیا۔

یہ واقعہ تولا شہر کے ایک نائٹ کلب میں پیش آیا، جس کی تفصیلات آزاد روسی میڈیا آؤٹ لیٹ کی رپورٹ میں سامنے آئی ہیں۔ ان افراد پر روس میں گزشتہ ایک دہائی سے ممنوع "غیر روایتی جنسی تعلقات میں دلچسپی پیدا کرنے” کا الزام عائد کیا گیا۔روس کا یہ قانون بنیادی طور پر ایل جی بی ٹی مواد کی تشہیر پر لاگو ہوتا ہے، لیکن اس چھاپے کے دوران کلب میں موجود افراد کے لباس اور ظاہری شکل کو غیر روایتی جنسی تعلقات کو فروغ دینے کے طور پر دیکھا گیا۔ ویڈیوز میں پولیس اہلکاروں کو فوجی طرز کے لباس اور ہیلمٹ پہنے ہوئے آٹھ افراد کو حراست میں لیتے ہوئے دکھایا گیا۔ ان میں سے ایک شخص نے اپنے سینے پر کالے ٹیپ سے بنے ہوئے کراس چپکائے ہوئے تھے، جبکہ اس نے خواتین کے طرز کا کارسیٹ بھی پہنا ہوا تھا۔ ایک دوسرے شخص نے چمکدار نارنجی بال، سرخ ٹیٹو سے سجے چہرے، گلابی موزے اور کھلا کیمونو پہن رکھا تھا۔ ایک اور شخص نے کروپ ٹاپ، سیاہ چمڑے کی شارٹس اور فش نیٹ ٹائٹس پہنے ہوئے تھے۔

پولیس کی جانب سے ان افراد کے لباس اور ظاہری شکل کو روایتی جنسی رجحانات کے حامل مردوں کے امیج سے مطابقت نہ رکھنے والا قرار دیا گیا۔ حراست میں لیے گئے آٹھ افراد میں سے سات کو جرمانہ عائد کیا گیا، جبکہ ایک شخص — جو کہ ایک مرد بارٹینڈر تھا — اس دعوے کے ساتھ جرمانے سے بچ گیا کہ وہ عام فیشن کے لباس میں تھا اور اس کا کوئی جنسی رجحان نہیں تھا۔

یہ واقعہ اس وقت پیش آیا جب روسی حکومت روایتی اقدار کو فروغ دینے کے لیے اپنی اینٹی ایل جی بی ٹی پالیسیوں کو مزید سخت کر رہی ہے۔ ان پالیسیوں میں "بچوں کے بغیر زندگی گزارنے کے طرزِ زندگی کی تشہیر” پر بھی پابندی شامل ہے۔ نومبر 2024 میں بھی روسی حکام نے ماسکو میں متعدد بارز اور نائٹ کلبز پر چھاپے مارے تھے اور انہیں ایل جی بی ٹی پروپیگنڈا کے خلاف قوانین کے تحت نشانہ بنایا تھا۔

روس کی یہ پالیسیز اس وقت دنیا بھر میں تنازعہ کا باعث بنی ہوئی ہیں، جہاں ان پر انسانی حقوق کی خلاف ورزیوں اور افراد کی ذاتی آزادیوں کے احترام کی کمی کا الزام عائد کیا جا رہا ہے۔ ان اقدامات کو ایل جی بی ٹی کمیونٹی کے حقوق کے خلاف ایک حملہ سمجھا جا رہا ہے اور اس پر بین الاقوامی سطح پر تنقید کی جا رہی ہے

ہم جنس پرستی کا پرچار،چین میں مشہور خواجہ سرا ڈانسر جن ژنگ کے شو منسوخ

ہم جنس پرست ٹورز کے آرگنائزر کی جیل میں پراسرار ہلاکت

ہم جنس پرستوں کو سعودی عرب آنے کی اجازت

روس کے دارالحکومت ماسکو میں شامی صدر بشار الاسد کو مبینہ طور پر زہر دیے جانے کی اطلاعات سامنے آئی ہیں۔ غیر ملکی میڈیا رپورٹ کے مطابق، سابق شامی صدر بشار الاسد کو روس میں قتل کرنے کی کوشش کی گئی ہے۔

گزشتہ ماہ دسمبر میں، جب شامی دارالحکومت دمشق پر اپوزیشن فورسز کا قبضہ ہونے والا تھا، بشار الاسد اپنے خاندان کے ہمراہ روس فرار ہو گئے تھے۔ روس نے انہیں اور ان کے خاندان کو انسانی ہمدردی کی بنیاد پر پناہ فراہم کی تھی۔رپورٹ کے مطابق، جنرل ایس وی آر کے نام سے ایک آن لائن اکاؤنٹ سے بیان جاری کیا گیا، جس کے بارے میں کہا جاتا ہے کہ یہ روس کے ایک سابق اعلیٰ جاسوس کے ذریعے چلایا جاتا ہے۔ اس بیان میں بتایا گیا کہ 59 سالہ بشار الاسد اتوار کے روز ماسکو میں بیمار ہو گئے۔ انہیں شدید کھانسی، سانس لینے میں دشواری اور دیگر علامات کا سامنا تھا، جس کے بعد انہوں نے فوری طور پر طبی امداد طلب کی۔اس اکاؤنٹ میں مزید کہا گیا کہ بشار الاسد کو قتل کرنے کی کوشش کی گئی تھی اور ان کا علاج ان کے اپارٹمنٹ میں کیا گیا۔ بعد ازاں ان کی حالت میں بہتری آئی اور پیر تک وہ مستحکم ہو گئے تھے۔ طبی ٹیسٹوں میں یہ بات سامنے آئی کہ بشار الاسد کو زہر دیا گیا تھا۔

اگرچہ جنرل ایس وی آر کے اکاؤنٹ سے اس واقعے کی تفصیلات دی گئی ہیں، تاہم اس بیان میں ذرائع کا ذکر نہیں کیا گیا ہے۔ اس کے باوجود، یہ واقعہ عالمی میڈیا میں زیر بحث آ چکا ہے۔ دوسری طرف، روسی حکومت کی جانب سے اس انکشاف کی تاحال کوئی تصدیق نہیں کی گئی۔

واضح رہے کہ بشار الاسد کی حکومت نے شام میں اپوزیشن کے خلاف شدید جنگ چھیڑ رکھی تھی اور 2011 سے جاری خانہ جنگی میں ان کی فوجی پوزیشن کافی کمزور ہو گئی تھی۔ جب دمشق پر اپوزیشن فورسز کا خطرہ بڑھا تو بشار الاسد نے اپنے خاندان کے ساتھ روس میں پناہ لی۔ روسی حکومت نے انہیں سیاسی پناہ دی تھی اور اس کے بعد وہ ماسکو میں مقیم ہیں۔اس نئے انکشاف نے عالمی سطح پر مختلف سوالات کو جنم دیا ہے اور بشار الاسد کی حفاظت کے حوالے سے مزید سوالات کھڑے کر دیے ہیں۔ تاہم روسی حکام نے اس بارے میں تاحال کسی بھی قسم کی وضاحت فراہم نہیں کی ہے۔

26 نومبر احتجاج،250 ملزمان کی ضمانت منظور،150 کی خارج

کیلیفورنیا میں چھوٹا طیارہ کمرشل عمارت سے ٹکرا کر تباہ، 2 ہلاک، 18 زخمی

کیف: یوکرین کے روس پر حملے میں تیل کے ڈپو کو آگ لگ گئی-

باغی ٹی وی : عرب میڈیا کے مطابق روس کے ایک علاقائی گورنر انوکھن نے سوشل میڈیا پر منگل کو بتایا کہ مغربی روس میں یوکرین کے ڈرون حملے کے نتیجے میں تیل کے ایک ڈپو میں آگ لگ گئی اور ایندھن کا اخراج ہوا”بغیر پائلٹ ہوائی گاڑیوں میں سے ایک کا ملبہ تیل کے ایک ڈپو کے علاقے پر گرا، نتیجتاً ایندھن کا اخراج واقع ہوا اور ایندھن اور چکنائی دار مادوں کو آگ لگ گئی امدادی ادارے بدستور کام کر رہے تھے اور علاقے کی قرینی رہائشی عمارات کو "کوئی خطرہ” نہیں تھا۔

روس کی وزارتِ دفاع نے منگل کو اطلاع دی کہ 68 یوکرینی ڈرونز کو راتوں رات مار گرایا گیا جن میں سے 10 سمولینسک کے علاقے میں تباہ ہوئے۔

تاجکستان اور پاکستان کا انسداد دہشت گردی تعاون پر تبادلہ خیال

کیف نے تقریباً تین سالہ تنازعے کے دوران توانائی کی کئی روسی تنصیبات کو نشانہ بنایا اور دعویٰ کیا ہے کہ یہ حملے ماسکو کی طرف سے یوکرین کے بجلی گھروں پر وسیع حملوں کا منصفانہ جواب تھے روس کے سرحدی علاقے اکثر یوکرینی فضائی حملوں کا نشانہ بنے ہیں اور فریقین نے گذشتہ چند مہینوں سے اپنی بمباری میں اضافہ کیا ہے۔

بڑا فیصلہ،پی ٹی آئی رہنما، سابق وزیراعلیٰ کو 34 سال کی سزا

سالِ نو کی شام سے قبل متحدہ عرب امارات کی ثالثی میں روس اور یوکرین کے درمیان 300 سے زیادہ جنگی قیدیوں کا تبادلہ ہوا جس کے ایک دن بعد منگل کا ڈرون حملہ ہوا ہے فروری 2022 میں روس کے یوکرین پر فوجی حملے کے بعد سے فریقین نے سینکڑوں قیدی فوجیوں کا تبادلہ کیا ہے ، جو تعاون کے چند شعبوں میں سے ایک ہے۔

پاکستان خودمختار ملک ، اندرونی معاملات میں دخل اندازی کی اجازت نہیں،شرجیل میمن