Baaghi TV

Tag: سعودی عرب

  • سعودی عرب:سیکورٹی اہلکار کو قتل کرنے کےمجرموں کو سزائے موت

    سعودی عرب:سیکورٹی اہلکار کو قتل کرنے کےمجرموں کو سزائے موت

    ریاض: سعودی عرب میں سیکورٹی اہلکار کو قتل کرنے کے بعد لاش جلانے کے مجرموں کو سزائے موت دے دی گئی۔

    باغی ٹی وی: عرب میڈیا کے مطابق دارالحکومت ریاض میں سیکیورٹی اہلکار کو قتل کرکےلاش نذر آتش کرنے والے 3 دہشت گردوں کی سزائے موت پر عملدرآمد کردیا گیا۔

    امریکا کی معروف ہائی وے کے پل کے نیچےآتشزدگی،پُل کا ایک حصہ منہدم ہوگیا

    وزارت داخلہ نے بیان میں کہا کہ سعودی شہری عبدالملک بن فہد بن عبدالرحمن البعادی، محمد بن خالد بن سعود العصیمی اور محمد بن عبدالر حمن بن طویرش الطویرش نے سیکیورٹی اہلکاروں پر حملہ کرنے، دہشت گردی اور اس کی فنڈنگ کے لیے ایک گروہ قائم کیا تھا۔

    وزارت داخلہ نے بیان میں کہا کہ عبدالملک البعادی نے ڈیوٹی کے دوران ایک سیکیورٹی اہلکار پر حملے، اسے قتل کرنے کی منصوبہ بندی اور نگرانی کی تھی محمد العثیمی نے سیکیورٹی اہلکار پر فائرنگ کی جب کہ محمد الطویرش نے سیکیورٹی اہلکار کی لاش اور سیکیورٹی گشتی فورس کی گاڑی میں آگ لگائی تھی۔

    چین 430 ارب ڈالر کے ساتھ عرب ملکوں کا سب سے بڑا تجارتی شراکت دار …

    وزارت داخلہ بیان میں کہا کہ تینوں کو فوجداری کی خصوصی کورٹ میں پیش کیا گیا۔ الزامات ثابت ہونے پر سزا سنائی گئی فوجداری کی خصوصی اپیل کورٹ اور پھر سپریم کورٹ نے سزائے موت کی توثیق کردی تھی۔ ایوان شاہی نے عدالتی فیصلے پر عمل درآمد کا فرمان جاری کردیا تھا۔

    حکام کا کہنا تھا کہ تینوں دہشت گردوں نے ایک دہشت گرد تنظیم کے قائد کےہاتھوں بیعت کی ہوئی تھی دہشت گردوں کے قبضے سے اسلحہ اور دہشتگردی میں استعمال ہونے والا دیگر سامان بھی برآمد کیا گیا۔

    4 مراکشی بہنوں کا حج قرعہ اندازی میں نام نکل آیا

  • چین 430 ارب ڈالر کے ساتھ عرب ملکوں کا سب سے بڑا تجارتی شراکت دار ہے،سعودی وزیر خارجہ

    چین 430 ارب ڈالر کے ساتھ عرب ملکوں کا سب سے بڑا تجارتی شراکت دار ہے،سعودی وزیر خارجہ

    ریاض: سعودی دار الحکومت ریاض میں دسویں عرب چین بزنس کانفرنس کا انعقاد ہوا ہے جہاں پہلے روز ہی 10 ارب ڈالر کے سرمایہ کاری معاہدوں پر دستخط ہوگئے۔

    باغی ٹی وی: غیر ملکی میڈیا رپورٹس کے مطابق الریاض میں اتوار کو دسویں عرب چین تجارتی کانفرنس کے دوران سعودی وزیر خارجہ شہزادہ فیصل بن فرحان نے کہا ہے کہ چین 430 ارب ڈالر کے ساتھ عرب ملکوں کا سب سے بڑا تجارتی شراکت دار ہے کانفرنس میں عرب ممالک اور چین کے درمیان شراکت داری اور تعاون کے فروغ پر زور دیا گیا-

    دوسری جانب سعودی وزیر توانائی شہزادہ عبدالعزیز بن سلمان نے کہا ہے کہ وہ سعودی عرب اور چین کے درمیان تعاون کے معاہدوں کے مزید اعلانات کی توقع کرتے ہیں حال ہی میں کچھ اعلانات کیے گئے ہیں اور مجھے حیرت نہیں ہوگی کہ آپ جلد ہی کچھ اور اعلانات سنیں گے۔

    ان کا کہنا تھا کہ میں اس بات کا اندازہ لگاؤں گا کہ ہم چین میں کیوں دلچسپی رکھتے ہیں، یہ بہت آسان ہے جب تیل کی بات آتی ہے تو چین میں تیل کی طلب اب بھی بڑھ رہی ہے لہٰذا یقیناً ہمیں اس طلب کو پورا کرنا ہوگا،ہم چین میں سرمایہ کاری کرنا چاہتے ہیں کیونکہ ہمارے پاس خام تیل سے کیمیکلز تک کا ایک متحرک اور سود مند پروگرام بھی ہے۔اس میں چینی سرمایہ کاری میں دلچسپی رکھنے والے فریق ہیں۔

    شہزادہ عبدالعزیز نے سعودی عرب اور چین کے درمیان بڑھتے ہوئے گرم جوش تعلقات پر ہونے والی تنقید کو مسترد کردیا اور کہا کہ اس طرح کی تنقید کو نظر انداز کیا جانا چاہیے۔

    رپورٹس کے مطابق الریاض میں ہونے والے اس عرب چین بزنس کانفرنس کے 10 ویں اجلاس کا مقصد سرمایہ کاری، معیشت اور تجارت کے شعبوں میں بیلٹ اور روڈ اقدام پر مبنی تزویراتی عرب چین شراکت داری کو بڑھانا ہے دو روزہ کانفرنس میں 40 ارب ڈالر کے معاہدے طے پانے کی توقع ہے ، کانفرنس میں چین اورعرب ملکوں کی ساڑھے3 ہزار سے زائد کاروباری شخصیات اور نمائندے شرکت کر رہے ہیں ۔

  • اسٹار فٹبالر کریم بینزیما سعودی کلب کا حصہ بن گئے

    اسٹار فٹبالر کریم بینزیما سعودی کلب کا حصہ بن گئے

    فرانس کے اسٹار فٹبالر کریم بینزیما سعودی عرب کے فٹبال کلب الاتحاد کا حصہ بن گئےکریم بینزیما سعودی کلب الاتحاد کے ساتھ 3 سالہ معاہدے پر دستخط کیلئے جدہ میں موجود ہے۔گزشتہ روز جدہ کے کنگ عبداللہ اسپورٹس سٹی اسٹیڈیم میں اسٹار فٹبالر کے اعزاز میں تقریب رکھی گئی۔کریم بینزیما کی ایک جھلک دیکھنے کے لیے 60 ہزار شائقین اسٹیڈیم پہنچ گئے اور اسٹار فٹبالر کا شاندار استقبال کیا۔
    فرینچ فٹبالر کریم بینزیما نے ریال میڈرڈ چھوڑ کر سعودی کلب سے معاہدہ کر لیاسعودی کلب النصر میں شامل رونالڈو نے بھی کریم بینزیما کا خیرمقدم کر کے فٹبال کلب الا تحاد کا حصہ بننے پر مبارک باد دی کریم بینزیما سے سعودی کلب نے فی سیزن 200 ملین یورو سالانہ کا معاہدہ کیا ہے۔

  • سعودی ولی عہد اور روسی صدر کے درمیان ٹیلیفونک رابطہ

    سعودی ولی عہد اور روسی صدر کے درمیان ٹیلیفونک رابطہ

    سعودی ولی عہد و وزیراعظم محمد بن سلمان اور روسی صدر ولادیمیر پیوٹن کے درمیان ٹیلیفونک رابطہ ہوا ہے۔

    باغی ٹی وی : سعودی خبر ایجنسی کے مطابق ٹیلیفونک گفتگو میں دونوں رہنماؤں نے دو طرفہ تعلقات اور مختلف شعبوں میں تعاون کو فروغ دینے کے طریقوں پر تبادلہ خیال کیا محمد بن سلمان اور روسی صدر کے درمیان مختلف مشترکہ تشویش کے امور کے علاوہ دیگر معاملات پر گفتگو کی گئی۔

    چین نے 26 سیٹلائٹ ایک ہی راکٹ سےبھیج کر نیا ریکارڈ بنا لیا

    واضح رہے کہ دو روز قبل سعودی ولی عہد سے امریکی وزیر خارجہ انٹونی بلنکن نے ملاقات کی تھی جس میں مختلف شعبوں میں تعاون اور دو طرفہ تعلقات، علاقائی اور بین الاقوامی معاملات پر تبادلہ خیال کیا گیا تھا۔

    علاوہ ازیں امریکی وزیر خارجہ انٹونی بلینکن نے بدھ کے روز الریاض میں سعودی وزیر خارجہ شہزادہ فیصل بن فرحان سے ملاقات کی ہے اور ان سے دوطرفہ تعلقات اور باہمی دل چسپی کے علاقائی اور عالمی امور پر تبادلہ خیال کیا ہے۔

    بابا وانگا کی 2023 میں ایک تباہ کن ایٹمی تباہی کی پیشگوئی

    دونوں وزرائے خارجہ نے دہشت گردی سے نمٹنے، یمن میں دیرپا امن کے قیام اور خطے میں استحکام، سلامتی، کشیدگی میں کمی اور انضمام کو فروغ دینے کی کوششوں کی حمایت جاری رکھنے کے عزم کا اظہار کیا ہے۔

    ان کی ملاقات کے بعد امریکی محکمہ خارجہ کی جانب سے جاری کردہ بیان میں کہا گیا ہے کہ طرفین نے سوڈان میں متحارب فورسز کے درمیان جاری لڑائی کے خاتمے کے لیے اپنے مضبوط دوطرفہ تعاون کو برقرار رکھنے کا عہد کیا ہے۔

    ملک کے مختلف علاقوں میں بارش کا امکان

  • سعودی عرب کی جنرل ایویشن سول ایویشن کا اعلی سطحی وفد پاکستان پہنچ گیا

    سعودی عرب کی جنرل ایویشن سول ایویشن کا اعلی سطحی وفد پاکستان پہنچ گیا

    سعودی عرب کی جنرل ایویشن سول ایویشن(گاکا) کا اعلی سطح کا وفد پاکستان پہنچ گیا

    8 رکنی ایویشن سیکورٹی وفد نے آج صبح ہیڈ کوارٹرز میں ڈائریکٹر سیکیورٹی پاکستان سول ایوی ایشن سے ملاقات کی۔ بات چیت کے دوران فریقین نے برادرانہ تعلقات کو مضبوط بنانے اور باہمی تعاون کو نئی سطح پر لے جانے کے مکمل عزم کا اعادہ کیا۔ ڈائریکٹر جنرل سی اے اے نے اپنے پیغام میں سعودی وفد کو خوش آمدید کہا اور ان کا خیرمقدم کیا ،ڈی جی سول ایویشن کا کہنا تھا کہ مختلف ہوائی اڈوں کے دوروں کے دوران سعودی مہمانوں سے مکمل تعاون کیا جائے۔ ڈی جی سول ایویشن نے برادر ملک سعودیہ سے آنے والے وفد کو ہر ممکن سہولت فراہم کرنے کی ہدایت کی، سربراہ سعودی وفد کا کہنا تھا کہ ہم پرتپاک استقبال پر پاکستان سول ایوی ایشن کے شکرگزار ہیں۔ یہ دورہ دونوں سول ایوی ایشنز کے درمیان دوطرفہ تعلقات کو مضبوط بنانے میں سنگ میل ثابت ہوگا، سول ایوی ایشن حکام کے مطابق ملاقات کا اختتام پر دونوں اطرف سے تحائف کا تبادلہ ہوا،

    ایئر انڈیا: کرو ممبرزکیلیے نئی گائیڈ لائن ’لپ اسٹک‘ ’ناخن پالش‘ خواتین کے لیے اہم ہدایات

    کراچی طیارہ حادثہ کی رپورٹ قومی اسمبلی میں پیش، مبشر لقمان کی باتیں 100 فیصد سچ ثابت

    پائلٹس کے لائسنس سے متعلق وفاق کے بیان کے مقاصد کی عدالتی تحقیقات ہونی چاہیے، رضا ربانی

  • سعودی عرب میں سالوں سے بند ایرانی سفارت خانہ آج کھول دیا جائے گا

    سعودی عرب میں سالوں سے بند ایرانی سفارت خانہ آج کھول دیا جائے گا

    تہران: سعودی عرب میں سالوں سے بند ایرانی سفارت خانہ آج کھول دیا جائے گا۔

    باغی ٹی وی: غیر ملکی خبر رساں ایجنسی کے مطابق سعودی عرب اور ایران کے درمیان سفارتی تعلقات کی بحالی کے معاہدے کے بعد تہران آج 7 برس بعد ریاض میں اپنا سفارت خانہ دوبارہ کھول دے گا۔

    ہر سفارتی رابطے پر بیان نہیں دیا جاتا،امریکا

    ذرائع کے مطابق ایرانی سفارت خانے کا دوبارہ افتتاح آج مقامی وقت کے مطابق شام 6:00 بجے کیا جائے گا جس میں سعودی عرب میں نامزد ایرانی سفیر بھی موجود ہوں گے یہ قدم تہران کی جانب سے گزشتہ ماہ ایک اعلیٰ سطح کے سفارت کار علی رضا عنایتی کو مملکت میں نیا سفیر مقرر کرنے کے بعد سامنے آیا ہے۔

    ٹی ٹوئنٹی ورلڈکپ 2024 کی میزبانی امریکا اور ویسٹ انڈیزکو نہ ملنے کا امکان

    واضح رہے کہ سابق ایرانی صدر حسن روحانی کے دور میں کویت میں سفیر رہنے کے بعد عنایتی اس وقت نائب وزیر خارجہ کے عہدے پر فائز ہیں، اپریل میں دونوں ملکوں کے درمیان تکنیکی وفود کا تبادلہ ہوا تھا اوران وفود نے سفارت خانوں کو دوبارہ کھولنے کے حوالے سے بات چیت کی تھی –

    افغانستان میں 2 پرائمری اسکولوں کی 80 بچیوں کو زہر دینے کا انکشاف

    10 مارچ کو ایران اور سعودی عرب نے چین کی سرپرستی میں اپنے سفارتخانوں کو دوبارہ کھولنے اور 20 سال سے زائد عرصہ قبل دستخط شدہ اقتصادی اور سکیورٹی تعاون کے معاہدوں پر عمل درآمد کرنے کے معاہدے پر دستخط کیے تھے۔

  • سعودی عرب کا تیل کی پیداوار میں کمی کا اعلان

    سعودی عرب کا تیل کی پیداوار میں کمی کا اعلان

    تیل کی قیمتوں میں اضافے کے لیے سعودی عرب نے جولائی میں تیل کی پیداوار میں کمی کا اعلان کیا ہے۔

    باغی ٹی وی : سعودی عرب کے وزیر توانائی کا ویانا میں اوپیک اجلاس کے بعد کہنا تھا کہ تیل کی پیداوار میں یومیہ 10 لاکھ بیرل کمی جولائی کے لئے کی جارہی ہے لیکن اس میں توسیع بھی کی جاسکتی ہے، 2024 سے تیل کی مجموعی پیداوار میں یومیہ 14 لاکھ بیرل تک کمی کا فیصلہ کیا گیا ہے۔

    پاکستان کے خلاف عالمی سطح پر پروپیگنڈا کی سازش بے نقاب

    سعودی عرب اوپیک کے ساتھ معاہدے کے تحت جولائی میں تیل پیداوار مزید کم کرے گا،سعودی عرب نے اوپیک معاہدے میں 2024 تک توسیع کااعلان بھی کردیا ہے، دوسری جانب روسی نائب وزیراعظم کا کہنا تھا کہ تیل پیداوار میں کٹوتی 2024 کے آخر تک جاری رہے گی۔

    سنگاپورمیں دنیا کی تقریباً دو درجن بڑی انٹیلی جنس ایجنسیوں کے سینئر حکام کی میٹنگ

  • شام میں سعودی سفارت خانہ دوبارہ کھولنے پر تبادلہ خیال، تکنیکی ٹیم دمشق پہنچ گئی

    شام میں سعودی سفارت خانہ دوبارہ کھولنے پر تبادلہ خیال، تکنیکی ٹیم دمشق پہنچ گئی

    شام میں سعودی سفارت خانہ دوبارہ کھولنے پر تبادلہ خیال کے لیے تکنیکی ٹیم دمشق پہنچ گئی۔

    باغی ٹی وی: سعودی میڈیا کے مطابق وزارت خارجہ کے عہدہ دار غازی بن رافع العنزی کی سربراہی میں وفد نے شام کے دارالحکومت دمشق میں وزارتِ خارجہ کے صدر دفتر میں شام کے معاون وزیر خارجہ برائے تارکینِ وطن ایمن سوسان سے ملاقات کی ہے ملاقات میں سعودی سفارت خانہ دمشق میں دوبارہ کھولنے سمیت تعلقات کی بحالی کے حوالے سے تبادلہ خیال کیا گیا۔

    جھوٹےدعووں کےذریعہ ہی یوکرین مغربی ملکوں سےہتھیاراورمالی امداد حاصل کرسکتا ہے،ایران

    اس موقع پر شامی عہدہ دار نے کہا کہ ان کی وزارت سعودی ٹیم کے کام کو آسان بنانے اور تمام ضروری مدد مہیا کرنے کے لیے مکمل طور پر تیار ہے۔

    خیال رہے کہ سعودی عرب اور شام کے درمیان سفارتی تعلقات ایک دہائی سے زائد عرصے سے منقطع تھےشامی صدر بشارالاسد کے ساتھ تعلقات کے معاملے پر سعودی عرب سخت مؤقف اپنائے ہوئے تھا تاہم 18 اپریل کو سعودی وزیر خارجہ شہزادہ فیصل بن فرحان نے دمشق کا دورہ کیا اور دونوں ممالک کے درمیان سفارتی تعلقات کی بحالی پر بات چیت کی تھی جب کہ عرب لیگ میں بھی شام کی رکنیت بحال کردی گئی ہے۔

    ایران اور روس کے درمیان کارگو ٹریفک میں غیرمعمولی تیزی

    سعودی عرب نے 9 مئی کو اعلان کیا تھا کہ وہ شام میں خانہ جنگی اور ایک دہائی سے زیادہ عرصے کے بعد اپنے سفارت کاروں کو دمشق میں دوبارہ کام شروع کرنے کی اجازت دے گا اسی ماہ 12 سال کی معطلی کے بعد شام کو عرب لیگ میں دوبارہ شامل کیا گیا ہے اور صدر بشارالاسد نے گذشتہ ہفتے جدہ میں لیگ کے 32 ویں سربراہ اجلاس میں شرکت کی تھی جہاں انھوں نے اس اجلاس کو خطے میں بحرانوں سے نمٹنے کا ’تاریخی موقع‘ قرار دیا تھا۔

    آج سورج خانہ کعبہ کے عین اوپر ہوگا

  • چھ دن میں 60 پروازیں، 16 ہزار سے زائد پاکستانی عازمین حج مدینہ منورہ پہنچ گئے

    چھ دن میں 60 پروازیں، 16 ہزار سے زائد پاکستانی عازمین حج مدینہ منورہ پہنچ گئے

    حج اپڈیٹ، چھ دن میں 60 پروازوں کے ذریعے 16 ہزار سے زائد عازمین مدینہ منورہ پہنچ گئے

    ڈائریکٹر حج مدینہ منورہ کے مطابق آج مزید 11 پروازوں کے ذریعے 3 ہزار عازمینِ حج مدینہ منورہ پہنچیں گے
    پاکستانی عازمین حج کو مدینہ منورہ میں 33 مختلف ہوٹلوں میں ٹھہرایا گیا ہے پاکستانی عازمینِ کرام کو مسجد نبوی کے نزدیک 3 ، 4 اور 5 سٹار ہوٹلز میں ٹھہرایا گیا ہے مزید آنے والے عازمین کو مسجد نبوی سے نزدیک رہائشیں فراہم کرنے کی کوشش کی جا رہی ہے 9 فوڈ کیٹرنگ کمپنیوں کے ذریعے تین وقت کھانا رہائش گاہوں میں فراہم کیا جا رہا ہے مدینہ منورہ پہنچے والے عازمین 8 دن قیام کے بعد مکہ مکرمہ روانہ کیے جائیں گے

    ترجمان مذہبی امور کا کہنا ہے کہ سینیٹر طلحہ محمود کی خصوصی ہدایت پر وزارت کی اعلیٰ سطح مانیٹرنگ ٹیم مدینہ منورہ پہنچ گئی ٹیم کی سربراہی جوائنٹ سیکرٹری ارشد فرید خان کر رہے ہیں مانیٹرنگ ٹیم رہائش گاہوں، خوراک ، ٹرانسپورٹ اور دیگر شعبہ جات کا جائزہ لے گی مانیٹرنگ ٹیم کی نشاندہی پر شعبہ گمشدگی و بازیابی میں عملہ کی تعداد دگنی کر دی گئی

     سینیٹر طلحہ محمود وزارت سنبھالنے کے بعد پہلے روز ہی متحرک

    سعودی عرب پاکستان کا مخلص اور سچا دوست ہے 

    برج فیڈریشن آف ایشیا اینڈ مڈل ایسٹ چیمپئن شپ ،بھارتی ٹیم پرجوش، کھلاڑیوں کے جذبات

    بلوچستان میں ظلم کی انتہاء۔۔۔ہوشربا تفصیلات

    برج فیڈریشن آف ایشیا اینڈ مڈل ایسٹ چیمپئن شپ ،افتتاحی تقریب

    مسجد میرج ہال والدین کیلیے سکھ کا سانس ,مسجدوں کو آباد نہیں ۔۔ مسجدوں میں آباد ہو جائیے

    اداکارہ میرا کو مل گیا دولہا، کون ہے؟ سنیے نوجوانوں کے جذبات

  • کیا سعودی عرب اور اسرائیل باقاعدہ سفارتی تعلقات قائم کر سکتے ہیں؟

    کیا سعودی عرب اور اسرائیل باقاعدہ سفارتی تعلقات قائم کر سکتے ہیں؟

    کیا سعودی عرب اور اسرائیل باقاعدہ سفارتی تعلقات قائم کر سکتے ہیں؟
    ہاں وہ کر سکتے ہیں. اطلاعات کے مطابق، مشرق وسطیٰ کے ایک سفارت کار نے اشارہ دیا ہے کہ سعودی عرب چاہتا ہے کہ امریکہ ریاض کے جوہری پروگرام کے حصول پر رضامند ہو جائے اس شرط پہ کہ باقاعدہ سفارتی تعلقات قائم کئے جائیں ۔ تاہم، یہ مطالبہ پہلے بھی کیا جا چکا ہے، اور ایسا نہیں لگتا کہ مستقبل قریب میں امریکہ اس کی تعمیل کرے گا۔ ریاض نے معاہدے پر دستخط کرنے سے ہچکچاہٹ ظاہر کی ہے جب تک کہ واشنگٹن کے ساتھ قریبی دفاعی تعاون نہ ہو ۔
    سعودی عرب اور اسرائیل دونوں ہی مختلف حوالہ سے امریکہ کے لیے اہم اتحادی ہیں. حالیہ سعودی عرب اپنی خارجہ پالیسی کا از سر نو جائزہ لے رہا ہے، اور ایران اور شام کے ساتھ اپنے تعلقات کو بہتر بنانے کے لیے کوشاں ہے۔ تاہم، امریکہ جمال خاشقجی کے قتل کو نہیں بھولا. اس کے ساتھ ساتھ ولی عہد محمد بن سلمان کی جانب سے ایک آزاد فلسطینی ریاست کے لیے سعودی عرب کے عزم نے تعلقات کو متاثر کیا ہوا ہے۔

    اسی دوران، واشنگٹن میں وزیر اعظم بنجمن نیتن یاہو کی حکومت کی ساکھ کو نقصان پہنچا ہے۔ سعودی عرب اسرائیل سے سنجیدہ سفارتی کوششوں کی بھی توقع رکھتا ہے. بالخصوص تجارت کے لیے فلسطینی کرنسی کے استعمال کے حوالے سے۔ یہ ایک وجہ ہے کہ ریاض ابراہم معاہدے میں شامل نہیں ہوا۔

    اگر دونوں ملک ان مشکلات سے نمٹیں اور سفارتی تعلقات قائم کر لیں تو کافی مثبت نتائج نمودار ہوسکتے ہیں۔ اولین طور پہ، یہ مشرق وسطیٰ میں پختہ امن و استحکام کے قیام کا حصہ ہو سکتا ہے۔ تاہم، دونوں ممالک کے درمیان کسی بھی مفاہمت کے لیے ضروری ہے کہ بنیادی تنازعات کو حل کیا جائے، اور یہ صرف بات چیت کے ذریعے ہی حل کیا جا سکتا ہے۔ دوم، یہ معلوم کرنا ضروری ہے کہ بیشتر عرب اس وقت اسرائیل کے ساتھ باقاعدہ تعلقات کی پالیسی کی حمایت نہیں کرتے ہیں۔ تیسرے، سعودی عرب اور اسرائیل کے درمیان تعلقات کی نوعیت کا انحصار اس چیز پہ ہے کہ اس وقت اقتدار میں بادشاہ کا طرز عمل کیا ہے۔ بالاخر، یہ بات قابل غور ہے کہ اگرچہ اسرائیل اور سعودی عرب کے علاقائی مفادات بعض مسائل پر ایک دوسرے کے ساتھ ملتے ہیں، لیکن یہ ضروری نہیں کہ وہ واشنگٹن کے مفادات سے بھی ہم آہنگ ہوں۔

    اس کے باوجود بھی، اگر آخرکار تل ابیب اور ریاض کے مابین کوئی معاہدہ طے پاتا ہے، تو یہ دونوں فریقین کے لیے فائدہ مند ہو سکتا ہے

    متنازعہ ٹک ٹاکر حریم شاہ کی ویڈیو لیک

    حریم شاہ کے ہاتھ میں شراب کی بوتلیں اور….ویڈیو وائرل

    عامر لیاقت رات رو رہے تھے، کہہ رہے تھے میں مر جاؤں گا، ملازم

    افتخار درانی کی نازیبا ویڈیو سامنے آئی ہے