Tag: سندھ حکومت

وزیراعلیٰ سندھ سید مراد علی شاہ سے متحدہ عرب امارات کے قونصل جنرل بخیت عتیق الرومیتی نے ملاقات کی اور انہیں یو اے ای کے قومی دن کی دعوت دی۔

سی ایم ہائوس سے جاری اعلامیے کے مطابق قونصل جنرل نے کہا کہ متحدہ عرب امارات اپنے قومی دن پر سندھ کی ثقافت کا دن بھی منائے گا۔وزیراعلیٰ نے کہا کہ کراچی میں مختلف منصوبوں میں یو اے ای کی کمپنیز کی سرمایہ کاری پر بھی بات چیت جاری ہے۔ ان کا کہنا تھا کہ آج انویسٹمنٹ ڈیپارٹمنٹ اور متحدہ عرب امارات کے متعلقہ افسران کی ملاقات طے کروائی ہے،یو اے ای کی کمپنیاں کراچی میں ڈی سیلینیشن پلانٹ، ٹرانسپورٹ ، سڑکوں اور پلوں کی تعمیر کے شعبوں میں سرمایہ کاری میں دلچسپی رکھتی ہیں.واضح رہے 2 دسمبر 1971 کو متحدہ عرب امارات قائم ہوئی تھی جس میں تمام ریاستیں جن میں ابوظبی ، دبئی ، شارجہ ، عجمان ، ام القوین ، راس الخیمہ اورفجیرہ متحد ہوئی تھیں جس کے بعد ان ریاستوں کو متحدہ عرب امارات کا نام دیا گیا۔

کراچی سے حوالہ ہنڈی کا بڑا نیٹ ورک پکڑا گیا

طیارہ حادثہ کیس، کور ٹ کا مختلف اداروں کو جواب داخل کرنے کا حکم

ایک سال میں ساڑھے سات لاکھ افغان مہاجر ملک بدر

سندھ کے سینئر صوبائی وزیر شرجیل انعام میمن نے کہا ہے کہ پی ٹی آئی کی احتجاج کی کال کو اب کوئی سنجیدہ نہیں لے رہا

پریس کانفرنس کرتے ہوئے شرجیل انعام میمن کاکہنا تھا کہ لوگ عمران خان کی کال کو ایک کان سے سن کر دوسرے کان سے نکال رہے ہیں، سوائے ایک صوبے کے جہاں ان کی حکومت ہے اور وزیر اعلی خود لوگوں کو لاتا ہے ،26ویں آئینی ترمیم کے بعد کچھ چیزیں پی ٹی آئی کو اچھی نہیں لگیں، پوری دنیا میں رونا رو رہی ہے، کیا یہ وہی عمران خان نہیں تھے جنہوں نے 2018 کے جعلی انتخابات میں جعلی مینڈیٹ لینے کے بعد خود ایکسٹینشن نہیں دی تھی، جب عمران کا اقتدار جا رہا تھا اور انکو نظر آ رہا تھا کہ عدم اعتماد کامیاب ہو رہی تو کیا عمران خان نے باجوہ کو نہیں کہا تھا کہ لائف ٹائم کی ایکسٹینشن دینے کوتیار ہوں، لوگ اب عمران خان کی کال پر نہیں نکل رہے، ایک صوبے میں جہاں انکی حکومت ہے وہاں سے وزیراعلی گاڑیاں بھر کر لاتے ہیں، کراچی میں جلسے جلوسوں پر کوئی سختیاں نہیں کی گئیں پھر بھی لوگ نہیں نکلتے، عمران خان کی کال کو اب لوگوں نے سیریس لینا بند کر دیا ہے، ہر مہینے اس طرح کی کال دے کر کیا ملک میں انارکی پھیلانے کی کوشش کرنا چاہ رہے ہیں، جب ملک میں معیشت بہتر ہو رہی ہے اس موقع پر پی ٹی آئی کی لیڈرشپ کو دوبارہ انارکی کی کوشش ناکام ہو گی، لندن میں قاضی فائز عیسیٰ کے ساتھ اور پھر کل خواجہ آصف کے ساتھ بدتمیزی کی گئی یہ کون سی سیاست ہے،

پریمیم نمبر پلیٹوں کی دوسری نیلامی یکم دسمبر کو ہوگی،شرجیل میمن
شرجیل میمن کا مزید کہنا تھا کہ منشیات فروشوں کے خلاف کراچی اور حیدرآباد میں بڑا کریک ڈاؤن کرنے جارہے ہیں،کوئی بھی نان رجسٹرڈ گاڑی اب سڑکوں پر نہیں آسکے گی کراچی سے انٹر سٹی اور غیر قانونی بس اڈوں کا خاتمہ کر دیا کراچی میں ٹریفک کے معاملات کو بہتر کیا جارہا ہے،پریمیم نمبر پلیٹوں کی دوسری نیلامی یکم دسمبر کو ہوگی ،پریمیئم نمبر پلیٹوں کی آن لائن نیلامی سے 7 کروڑ روپے حاصل ہوئے،پریمم نمبر پلیٹوں سے حاصل ہونے والی رقم سیلاب متاثرین کی ہاؤسنگ اسکیم کو دی جاتی ہے،سندھ حکومت کے منصوبوں کو عالمی سطح پر سراہا جاتا ہے،

وزیراعلیٰ سندھ مراد علی شاہ نے کہا ہے کہاب سیلاب متاثرین کیلیے گھر بنانے کا پروجیکٹ دنیا کا سب سے بڑا منصوبہ بن چکا ہے اور مزید گھروں کی تعمیر جاری ہے۔

باغی ٹی وی کے مطابق عالمی یوم اطفال کے حوالی سے یونیسیف پاکستان کے پروگرام میں خطاب کرتے ہوئے مراد علی شاہ کا کہنا تھا کہ سیلاب متاثرین کیلیے ایسے گھر بنا رہے ہیں جو موسمیاتی تبدیلی کا مقابلہ کرسکیں، ہم نے نیپال کا ریکارڈ توڑ دیا ہے۔ 2025 تک جب یہ پروگرام مکمل ہوگا تو ایک کروڑ 20 لاکھ افراد کیلیے چھت مہیا کرے گا، ان میں سے اکثریت بچوں کی ہوگی۔حکومت سندھ اپنے چیئرمین بلاول بھٹو زرداری کے ویژن کے مطابق آگے بڑھ رہی ہے جو اس ملک کے سب سے نوجوان لیڈر ہیں۔ ، آرٹس کونسل کراچی میں ہونے والے پروگرام کا عنوان’مستقبل کو سنو‘ تھا۔ وزیر تعلیم سردار شاہ، یونیسیف کے نمائندے عبداللہ فاضل ، یو این ریزیڈنٹ کوآرڈینیٹر محمد یحیٰ اور دیگر اس موقع پر موجود تھے۔مراد علی شاہ کا کہنا تھا کہ ہم اس بات کا عزم کیے ہوئے ہیں کہ بچوں کیلیے ایک بہتر دنیا اور بہتر سندھ چھوڑ کر جائیں۔ بچے مضبوط پاکستان کے معمار ہیں ، ان کی صحت اورترقی ہماری اجتماعی ترجیح ہونی چاہیے۔ وزیراعلیٰ سندھ نے بچوں کے حقوق کے تحفظ کے عزم کا اعادہ کیا اور اس بات کا اعتراف کیا کہ ورلڈ چلڈرن ڈے پاکستان کیلیے اہم موقع ہے، ہر بچے کو روشن مستقبل دینے کیلیے مسلسل کوششوں کی ضرورت ہے۔وزیراعلیٰ سندھ نے اپنی تقریر کا آغاز سندھ ، پاکستان اور دنیا بھر کے بچوں کو چلڈرن ڈے کی مبارکباد سے کیا اور بچوں کے حقوق کے تحفظ کیلیے سندھ کے عزم کا اظہار کیا۔ ان کا کہنا تھا کہ یونیسیف اور اقوام متحدہ کے دیگر شراکت داروں کی مدد سے حکومت یہ یقینی بنائے گی کہ ہر بچے کو جائز سہولیات مل سکیں۔وزیراعلیٰ سندھ نے تقریب میں تمام علاقوں کے بچوں کی شرکت کو سراہا اور کہا کہ یہ قومی یکجہتی اور قوت کو ظاہر کرتا ہے۔انہوں نے یونیسیف اور دیگر ایجنسیوں کے پائیدار ترقی کے اہداف حاصل کرنے میں پاکستان کی مدد کیلیے شکریہ ادا کیا۔ انہوں نے کہا کہ پاکستان کا اقوام متحدہ کی ایس ڈی جی اہداف میں شمولیت کا مقصد نوجوانوں کو ترجیح دینا ہے تاکہ وہ خوشحال مستقبل حاصل کرسکیں۔مراد علی شاہ کا کہنا تھا کہ ساڑھے پانچ کروڑ آبادی کے سندھ میں دو کروڑ سے زیادہ بچے ہیں جو مضبوط قوم کی بنیاد فراہم کرتے ہیں ان کی صحت، تعلیم اور مجموعی ترقی ہماری اجتماعی ترجیح ہونی چاہیے۔انہوں نے یونیسیف کی قومی سفیر صبا قمر کو بھی خوش آمدید کہا اور کہا کہ ان کے حالیہ دورہ سندھ سے بچوں کے حقوق کی اہمیت کے بارے میں آگاہی میں مدد ملی ہے۔ وزیراعلیٰ سندھ نے غذائی قلت اور پینے کے پانی جیسے اہم ایشوز پر فوری توجہ دینے کی ضرورت پر زور دیا اور کہا کہ یہ یقینی بنانا ہوگا کہ تمام بچوں کی محفوظ نشونما ہو اور انہیں سازگار ماحول میسر ہو۔وزیراعلیٰ سندھ نے یونیسیف کے ورلڈ چلڈرن ڈے 2024ء کے پیغام ’’ مستقبل کی سنو‘‘ کی بھی تعریف کی۔ انہوں نے واضح کیا کہ اگر بچوں کے حقوق کا احترام کیا جائے تو بہتر مستقبل کا حصول ممکن ہے۔ انہوں نے یونیسیف کا کراچی میں پروگرام کرنے پر شکریہ ادا کیا اور اس امید کا اظہار کیا کہ یہ سندھ اور دنیا بھر کے بچوں کو روشن مستقبل کے حصول میں مددگار ثابت ہوگا۔

اپوزیشن لیڈر سندھ کو سالڈ ویسٹ مینجمنٹ بورڈ کی ناقص کارکردگی پر تشویش

ملی یکجہتی کونسل کے نئے مرکزی تنظیمی زمہ داران کا اعلان

سکیورٹی خدشات، کراچی ایئرپورٹ آنے والوں پر نئی شرائط عائد

سہ ملکی انڈر 19 ٹورنامنٹ 13 نومبر سے دبئی میں شروع ہوگا

وزیر اعلیٰ سندھ مراد علی شاہ نے اسٹیل مل کو بطور ادارہ بحال کرنے کے لیے روس سے مدد مانگ لی ۔

میڈیا رپورٹ کے مطابق وزیر اعلیٰ سے روس کے سفیر البرٹ خوریف نے ملاقات کی، ملاقات کے دوران وزیر اعلیٰ سندھ نے کہا کہ روسی قونصل جنرل سے اچھی کوآرڈینیشن ہے، روس سے تعلقات بہتر سے بہتر اور مستحکم ہو رہے ہیں۔اس موقع پر روس کے سفیر نے کہا کہ اگلے ہفتے روس اور پاکستان کے ماہرین آن لائن اسٹیل مل کی بحالی پر تبادلہ خیال کریں گے، آن لائن تبادلہ خیال کے بعد روس کے وفد اسٹیل مل کا دورہ کرے گا۔مراد علی شاہ کا کہنا تھا کہ ہم روس کے ساتھ صحت، تعلیم اور ثقافت پر تعلقات کو مزید مستحکم کرنا چاہتے ہیں، شہید ذوالفقار علی بھٹو کے دور میں روس نے کراچی میں اسٹیل مل لگائی تھی، ہم چاہتے ہیں کہ اسٹیل مل کو دوبارہ بحال کروائیں جس کے لیے روسی سفارتخانہ مدد کرے۔وزیر اعلیٰ سندھ نے تجویز دی کہ اسٹیل مل کا نیا پلانٹ لگایا جائے تو بہتر ہوگا، اسٹیل مل چلنے سے معیشت کا استحکام ہوگا اور روزگار بڑھے گا۔ اسٹیل مل سندھ کی عوام کو شہید بھٹو کا تحفہ ہے جس کو ہم چلانا چاہتے ہیں، اسٹیل مل کے ملازمین جو بہت پریشان ہیں ان کا مسئلہ بھی حل ہوجائے گا۔رپورٹ کے مطابق مراد علی شاہ اور روس کے سفیر کا دوطرفہ تجارت بڑھانے پر اتفاق ہوا، ترجمان وزیر اعلی سندھ کی جانب سے جاری بیان میں کہا گیا کہ ملاقات کے دوران روسی الیکٹرک بسز کراچی میں لانے پر بات چیت کی گئی۔وزیر اعلیٰ سندھ نے روسی کمپنیوں کے ساتھ سفارتی چینل کے ذریعے بات چیت آگے بڑھانے پر اتفاق کیا، روسی سفیر البرٹ خوریف نے کہا کہ روسی حکومت، سندھ میں ثقافتی سینٹر قائم کر کے ثقافتی ورثہ بڑھانا چاہتی ہے۔

کراچی ایئرپورٹ سگنل پر خود کش حملے کا ماسٹر مائنڈ بلوچستان سے گرفتار

متحدہ قومی موومنٹ پاکستان کے سینئر مرکزی رہنما و رکن قومی اسمبلی سید امین الحق نے کہا کہ سندھ حکومت کراچی میں اسٹریٹ کرائم کا جن قابو کرنے میں بری طرح ناکام ہوچکی ہے.

باغی ٹی وی کے مطابق جاری کردہ بیان میں سید امین الحق کا کہنا تھا کہ کراچی کے شہری روزانہ رہزنوں کے ہاتھوں قتل ہورہے ہیں رواں سال سو سے زائد شہری ڈکیتوں کے ہاتھوں قتل ہوچکے ہیں مگر سندھ حکومت چین کی بانسری بجا رہی ہے صوبائی وزرا پلانٹڈ پریس کانفرنسز کے اندر شہر میں امن و امان کی صورتحال کو بہتر دکھانے کی کوششیں کر رہے ہیں، انہوں نے مزید کہا کہ سندھ حکومت کراچی میں رہزنی اور قتل کی وارداتوں میں ملوث غیر مقامی قاتلوں کو لسانی شیلٹر فراہم کر رہی ہے سندھ پولیس اسنیپ چیکنگ کے نام پر عوام کو لوٹنے اور شہریوں کو پریشان کرنے میں مصروف ہے سندھ کے دور دراز علاقوں سے آئے پولیس افسران کراچی کے شہریوں کو تحفظ فراہم کرنے کے اہل نہیں ہیں، سید امین الحق نے وزیراعظم اور وفاقی وزیر داخلہ سے مطالبہ کرتے ہوئے کہا کہ کراچی میں امن و امان کی ابتر صورتحال پر فوری اجلاس طلب کریں اور معاشی حب کو جرائم پیشہ افراد سے نجات دلانے کے لئے ٹھوس اقدامات کو حتمی شکل دینے میں اپنا کردار ادا کریں۔

کراچی چیمبر کی سیلز ٹیکس ریٹرن کے لیے حلف نامہ جمع کرانے کی مخالفت

دہشتگردی کسی صورت برداشت نہیں، مکمل خاتمہ کریں گے، آرمی چیف

سپریم کورٹ کی ہفتہ وار رپورٹ میں مقدمات کی تعداد کم

عوام کو 115پارکوں کا تحفہ ، کھیل کے میدانوں کو آباد کیا، ،جماعت اسلامی کراچی

ی شہر میئر کراچی مرتضی وہاب نے کہا ہے کہ اس سال سندھ حکومت سے 10 ارب روپے لیں گے تاکہ گلی محلوں میں کام ہو سکیں۔

باغی ٹی وی کے مطابق کراچی میں پریس کانفرنس کرتے ہوئے انہوں نے کہا کہ شہر میں بہتری کے اثرات آنا شروع ہو گئے ہیں، یو سی کو فنڈز کی مد میں ماہانہ 12 لاکھ روپے دیے جا رہے ہیں۔انہوں نے کہا کہ ایک سال میں سندھ حکومت نے ساڑھے 4 ارب صوبائی ترقیاتی پروگرام کی مد میں کے ایم سی کو دیے ہیں۔مرتضی وہاب نے کہا کہ آج کی پریس کانفرنس کا بنیادی مقصد کے ایم سی کے معمولات سے آگاہ کرنا ہے، مجھے اور سلمان کو چارج لیے ایک سال تین ماہ ہو چکے ہیں۔میئر کراچی نے کہا کہ ہمارا ٹارگٹ بلدیہ عظمی کراچی کو مالی طور پر اپنے پیروں پر کھڑا کرنا ہے۔واضح رہے کہ اس وقت سندھ حکومت اور بلدیہ کراچی کے تحت کراچی شہر بھر میں سڑکوں کی استرکاری ، پارکوں کی بحالی اور امن و امن کے لیے دن رات کام کیے جا رہے ہیں جبکہ شہر کے ٹریفک مسائل کے حل کے لیے ملیر ایکسپریس وے بھی تعمیر کی جا رہی ہے.

فلاڈیلفیا میں زیادہ تیزی سے ووٹوں کی گنتی جاری ہے، سٹی کمشنر کا دعوی

‏وزیراعلیٰ سندھ کا کراچی میں سی ٹی ڈی کے فیوژن سینٹر کا افتتاح

‏وزیر داخلہ سندھ کی زیر صدارت سندھ اسمبلی میں اعلی سطحی اجلاس

‏وزیر داخلہ سندھ ضیاءالحسن لنجار کی زیر صدارت سندھ اسمبلی بلڈنگ میں اعلی سطحی اجلاس کا انعقاد کیا گیا.

باغی ٹی وی کے مطابق اجلاس میں ایئرپورٹ اور سیکیورٹی سے متعلق ضروری امور و اقدامات سمیت مزیداصلاحات پر بات چیت کی گئی۔اجلاس کے شرکا سے بات چیت میں ‏وزیر داخلہ کا کہنا تھا کہ سیکیورٹی آڈٹ کیا جائے اور اس ضمن میں تمام اسٹیک ہولڈرز کو آن بورڈ لیا جائے۔ایئرپورٹ اور سیکیورٹی کے حوالے سے کمیٹی کی تشکیل دینے کے احکامات پر فی الفور عمل درآمد کیا جائے.کمیٹی کا کام غیرملکی باشندوں سے متعلق ایس او پی ترتیب دینا اور سیکیورٹی پر مشتمل ذمہ داریاں عائد کرنا ہے۔ایئرپورٹ کے اطراف اور اندرونی حصوں میں فول پروف سیکیورٹی نقطہ نگاہ سے مذید سی سی ٹی وی کیمراز نصب کیئے جائیں۔ ضیاءالحسن لنجار نے اس موقع پر کمیٹی کو تاکید کی کہ ہر ادارے اور افسران کی ذمہ داریوں پر مشتمل جامع ایس او پی تیار کرکے برائے ملاحظہ ارسال کیا جائے۔غیرملکیوں کی سیکیورٹی کو مذید سخت اور غیر معمولی کیا جائے۔ہم سچے اور پرعزم ہوکر کام کررہے ہیں اور ہمیں اسی طور کام کرنیکی ضرورت بھی ہے۔واضح رہے کہ کراچی ائیر پورٹ حملے کے بعد سے سندھ حکومت اور قانون نافذ کرنے والے ادارے مسلسل امن وامان کے لیے کوشاں ہیں.

پاکستان بحریہ کے جہاز پی این ایس ذوالفقار کا جبوتی کا دورہ”

سندھ اسمبلی ا جلاس، آئینی بینچ کے قیام کے لیے قرارداد کثرت رائے سے منظور کر لی گئی

26 ویں آئینی ترمیم کے بعد صوبہ سندھ میں آئینی بنچ کے قیام کے لئے قرارداد کثرت رائے سےمنظور کی گئی،127 اراکین نے قرارداد پیش کرنے کی حمایت کی ،جماعت اسمبلی کے رکن نے قرارداد پیش کرنے کی مخالفت کی،ارکان اسمبلی نے کھڑے ہو کر رائے شماری میں حصہ لیا

وزیراعلیٰ سندھ سید مراد علی شاہ کا کہنا تھا کہ ہم جوڈیشل کمیشن آف پاکستان بننے کا انتظار کررہے تھے،صحیح وقت پر ہم قرار داد لے کر آئے ہیں ، اب جوڈیشل کمیشن بنی ہے اس کے بعد ہم نے قرار داد پیش کی ،26ویں آئینی ترمیم سےتمام صوبے مستفید ہوں گے ،بلاول بھٹو نے تمام سیاسی جماعتوں کو مطمئن کیا ،پی ٹی آئی نے بھی جوڈیشل کمیشن میں اپنے دو ممبران دئیے ہیں ، ہمیں ججز کی تعداد میں بھی اضافہ کرنا ہے ،

بشریٰ بی بی کی ضمانت ،سپریم کورٹ میں چیلنج

بشریٰ بی بی پیش نہ ہوئی،نیب پراسیکیوٹر کا وارنٹ جاری کرنے کی استدعا

مؤکلوں کا رخ زمان پارک کی طرف،بشریٰ بی بی بھی پہنچ گئیں

وزیراعلیٰ سندھ مراد علی شاہ کی زیرصدارت پبلک پرائیویٹ پارٹنرشپ پالیسی بورڈ کے 46ویں اجلاس میں این ای ڈی سائنس و ٹیکنالوجی پارک کیلیے 17 منزلہ عمارت کی تعمیر، صنعتوں کو پانی کی سپلائی کیلیے ویسٹ کراچی واٹر ری سائیکلنگ پروجیکٹ 1، ڈی ایچ اے اور صفورہ کو پینے کے پانی کی سپلائی کیلیے کھارے پانے کو میٹھا بنانے کے پلانٹ لگانے،ملیر ایکسپریس وے کے کاٹھوڑ انٹرچینج کو چھہ رویہ کرنے اور گھوٹکی کندھ کوٹ پل کی تعمیر کیلیے دو ارب روپے مختص کرنے کی منظوری دے دی۔

اجلاس وزیراعلیٰ ہاؤس میں ہوا، صوبائی وزرا ڈاکٹر عذرہ پیچوہو، ضیا لنجار، سردار شاہ، علی حسن زرداری، جام اکرام دھاریجو، چیف سیکریٹری آصف حیدر اہ، اراکین اسمبلی غلام قادر چانڈیو، قاسم سومرو، چیئرمین پی اینڈ ڈی نجم ششاہ، سیکریٹری داخلہ اقبال میمن، سیکریٹری اسکول تعلیم زاہد عبداسی، ڈی جی پی پی پی یونٹ اسد ضامن اور دیگر حکام نے شرکت کی۔این ای ڈی سائنس و ٹیکنالوجی پارک کے بارے میں وزیراعلیٰ سندھ کو بتایا گیا کہ منصوبہ کویتی کمپنی کے ساتھ دونوں حکومت کے تعاون سے بنایا جا رہا ہے۔ انہوں نے نشاندہی کی کہ حکومت سندھ پہلے سے ہی ایک ارب 70 کروڑ روپے حکومت سندھ کے حصے کے طور پر منظور کر چکے ہیں۔ اکتوبر 2024 میں فضائی سروے کے بعد سول ایوی ایشن اتھارٹی نے گراؤنڈ فلور سے اوپر 218.3 فٹ اونچی عمارت کی تعمیر کا این او سی جاری کیا۔وزیراعلیٰ سندھ نے تصدیق کی کہ عمارت پر پانی کے ٹینک، اشتہاری بورڈ، انٹینا یا چھت پر دوسری کسی تعمیر سے طیاروں کی سیفٹی پر کوئی اثر نہیں پڑیگا۔ وزیراعلیٰ سندھ نے پی پی پی یونٹ کو نومبر 2024 کے ا?خر تک ٹھیکے کو حتمی شکل دینے کی ہدایت کی تاکہ تعمیراتی کام کا ا?غاز کیا جاسکے۔ انہوں نے زور دیا کہ وہ منصوبے کی دو سال میں تکمیل چاہتے ہیں۔وزیراعلیٰ کا کہنا تھا کہ این ای ڈی کی حدود میں سرکاری اور نجی شعبے کی شراکت سے بننے والا یہ پاکستان کا پہلا مکمل آئی ٹی پارک ہوگا۔ منصوبے میں بیسمنٹ اور 20 منزلیں شامل ہوں گی۔ پارک میں ٹیکنالوجی کمپنیوں، بڑی ملٹی نیشنل کمپنیوںِ چھوٹے اور درمیانے درجے کے اداروں ، تحقیقاتی کمپنیوں اور اسٹارٹ اپس کو سب لیز پر دیے جائیں گے۔ عمارت میں ا?ڈیٹوریم، تمام سہولیات سے ا?راستہ کام کرنے کی جگہ، ہائی اسپیڈ کنیکٹویٹی ، تحقیقاتی لیبارٹریاں، ٹیکنالوجی انکیوبیٹرز، کیفے اور بہت کچھ ہوگا۔وزیراعلیٰ نے بتایا کہ کرایہ داروں کے مالی فوائد کیلیے پارک کو ایس ٹی زیڈ اے سے اسپیشل ٹیکنالوجی زون کا درجہ دلایا جائیگا۔ اجلاس کو بتایا گیا کہ کویتی کمپنی نے حکومت سے حکومت انتظامات کے تحت ری سائیکلنگ پروجیکٹ لگانے اور اسے چلانے کیلیے اظہار دلچسپی جمع کرائی ہے۔ وزیراعلیٰ کو بتایا گیا کہ کمپنی نکاسی کے پانی کی ٹریٹمنٹ کا وسیع تجربہ رکھتی ہے جس سے منصوبے کی کامیابی میں مدد ملے گی۔کراچی واٹر اینڈ سیوریج بورڈ سائیٹ کی صنعتوں کو ری سائیکل پانی فراہم کرنے کا ذمہ دار ہوگا۔ وزیراعلیٰ سندھ نے محکمہ بلدیات، صنعت اور پی پی پی یونٹ کو منصوبہ کو جلد حتمی شکل دینے کی ہدایت کی تاکہ کام کا فوری آغاز کیا جا سکے۔ ملیر ایکسپریس وے منصوبے کے بارے میں وزیراعلیٰ کو بتایا گیا کہ منصوبہ ایم 9 موٹروے پر کاٹھوڑ انٹرچینج سے 500 میٹر پہلے ختم ہوگا جس میں فی الحال ایک لین پر مشتمل دو رویہ راستہ ہے۔
چھ رویہ ملیر ایکسپریس وے کی تعمیر سے دو رویہ کاٹھوڑ انٹر چینج پر ٹریفک میں رکاوٹ پیدا ہوگی۔ ان رکارٹوں اور ا?پریشن ایشوز کو حل کرنے کیلیے یہ ضرورت ہے کہ کاٹھوڑ انٹرچینج کو توسیع دے کر دوبارہ تعمیر کیا جائے تاکہ اضافی ٹریفک کو بلا رکاوٹ گذارا جا سکے۔ اس سلسلے میں نیشنل ہائی وے اتھارٹی ساؤتھ زون کے حکام سے بات کی گئی تھی اور فریقین نے انٹرچینج کو ایم 9 موٹروے کے چھ رویہ اںٹرچینجز کے کے مطابق اپ گریڈ کرنے پر اتفاق کیا۔
وزیراعلیٰ سندھ نے تکنیکی جائزے کیلیے ایک کنسلٹنٹ مقرر کرنے محکمہ بلدیات کو ضروری دستاویزات این ایچ اے کو فراہم کرنے کی منظوری دے دی۔ وزیراعلیٰ سندھ نے محکمہ بلدیات کو ہدایت کی کہ وہ ایم 9 پر نیو کاٹھوڑ انٹرچینج کی تعمیر اور توسیع کیلیے عام معلوماتی خاکہ، نقشہ، ڈیزائن کی ڈرائنگ اور تخمینہ پیش کرے۔ یاد رہے کہ ملیر ایکسپریس وے تین رویہ ہائی اسپیڈ روڈ ہے جو پبلک پرائیویٹ پارٹنرشپ کے تحت کورینگی کریک میں ڈی ایچ اے ایوینیو سے کاٹھوڑ کے قریب ایم 9 کراچی حیدرآباد موٹروے پر ختم ہوگا۔یہ 39 کلومیٹر طویل ہوا۔ کھارے پانی کو میٹھا بنانے کے بارے میں اجلاس کو یتایا گیا کہ کراچی واٹر اینڈ سیوریج کارپورشین کراچی کے شہریوں کو پینے کا پانی فراہم کرنے کیلیے سرکاری اور نجی شعبے کی شراکت سے منصوبہ شروع کرنے جا رہی ہے۔ پی پی بورڈ کے 40 ویں اجلاس میں منصوبے کے اسٹرکچر کی منظوری دی گئی تھی اور سرمایہ کاری کی تلاش شروع کی گئی تھی۔یہ منصوبہ ڈیزائن کرو، بناؤم سرمایہ لگاؤم چلاؤ اور حولے کرو ماڈل کے تحت بنایا جا رہا ہے۔ سرمایہ کاروں کو زیادہ گنجائش (46 ایم جی ڈی سے زیادہ) کا پلانٹ لگانے کی اجازت دی گئی ہے اور اضافی پانی وہ بوتلوں میں بند کرکے فروخت کرسکتے ہیں۔ اس حکمت عملی کے تحت منصوبے کی کامیابی اور مجموعی ٹیرف میں کمی ہوگی۔ کویتی کمپنی نے پلانٹ لگانے میں دلچسپی ظاہر کی ہے۔
وزیراعلیٰ سندھ نے حکومت سے حکومت معاہدے کی منظوری دیتے ہوئے محکمہ بلدیات، واٹر بورڈ اور پی پی پی یونٹ کو ضروری کارروائی مکمل کرنے کی ہدایت کی تاکہ منصوبے کو شروع کیا جاسکے۔ وزیر منصوبہ بندی و ترقی ناصر شاہ نے وزیراعلیٰ کو بتایا کہ ڈی ایچ اے حکام میٹھا پانی خریدنے کو تیار ہیں۔ وزیراعلیٰ سندھ کو بتایا گیا کہ گھوٹکی کندھ کوٹ پل کی تعمیر کا ا?غاز اگست 2020 میں ہوا۔پل 12.2 کلومیٹر طویل ہے اور 5.87 فیصد کام مکمل کرلیا گیا ہے۔ دیگر تفصیلات کے مطبق گھوٹکی سے 10.4 کلومیٹر(50 فیصد) مکمل کرلیا گیا ہے۔ کندھ کوٹ سے 8.34 کلومیٹر (74 فیصد) اور ٹھل لنک روڈ سے ساڑھے 4 کلومیٹر (81 فیصد) مکمل کرلیا گیا ہے۔ گھوٹکی میں پل کو جانے والا سیکشن 1 روڈ مجموعی طور پر 50 فیصد جس میں کینال پل اور زمین دوز نالوں کا کام مکمل کرلیا گیا ہے۔18 جولائی 2023 کو معطل ہونے والی تعمیری سرگرمیاں 2 مئی 2024 کو شروع کردی گئی تھیں۔ دریائے سندھ کے پل کے سیکشن 2 پر کام 87۔5 فیصد مکمل کرلیا گیا ہے۔ دریائی علاقے میں 729 پشتوں میں سے 235 ، 729 شافٹ میں سے 216 اور 244 ٹرانسوم میں سے 66 لگادیے گئے ہیں۔ وزیر داخلہ ضیا لنجار نے وزیراعلیٰ کو بتایا کہ 6 پولیس چوکیاں کشمور ایٹ کندھ کوٹ ضلع پولیس کے حوالے کی جاچکی ہیں۔ساتویں اور آٹھویں پولیس چیوکی کی تعمیر کا کام جاری ہے اور رینجرز بیرک پلیٹ فارم مکمل کرلی گئی ہے۔ اس وقت باؤنڈری وال پر پتھر کی مسہری کا کام جاری ہے۔ پل کے سیکشن 3 پر کنڈھ کوٹ سے پل کو جانے والے راستے کا کام 74 فیصد مکمل کرلیا گیا ہے۔ روڈ کی مضبوطی کا کام 83 فیصد مکمل کرلیا گیا ہے جبکہ کینال کے پل کی زمین دوز نالیوں کا کام مکمل کرلیا گیا ہے۔ ٹھل لنک روڈ 81 فیصد مکمل کرلیا گیا ہے۔ وزیراعلیٰ سندھ کو بتایا گیا کہ نیشنل ہائی وے اتھارٹی نے پل کو این 85 اور این 55 موٹرویز سے جوڑنے کا این او سی جاری کردیا ہے۔ وزیراعلیٰ سندھ نے پی پی پی پالیسی بورڈ کی مشاورت کے بعد اضافی تعمیر کیلیے 2 ارب روپے جاری کرنے کی منظوری دے دی۔

سندھ حکومت کا جعلی نمبر پلیٹ اور کالے شیشوں والی گاڑیوں کے خلاف کریک ڈائون

ایم کیو ایم کے دفتر میں مسٹر یونیورس رمیز ابراہیم کی آمد،سید مصطفی کمال سے ملاقات

جے یو آئی کی 16 نومبر کو کراچی میں آل پارٹیز کانفرنس ہوگی،علامہ راشد محمود

معاشرے میں سب سے زیادہ قابل رحم ٹریفک پولیس والے ہیں، شرجیل میمن

چیف سیکریٹری سندھ آصف حیدر شاہ کی زیر صدارت ایک اعلی سطحی اجلاس منعقد ہوا.

باغی ٹی وی کی رپورٹ کے مطابق اجلاس میں ایڈیشنل چیف سیکریٹری سیکریٹری داخلہ محمد اقبال میمن، ایڈیشنل چیف سیکریٹری لوکل گورنمنٹ خالد حیدر شاہ ، آئی جی پولیس غلام نبی میمن، ایڈیشنل آئی جی کراچی جاوید عالم اوڈہو ، رینجرز کے نمائندے اور دیگر متعلقہ افسران شریک ہوئے، جب کے تمام ڈویژنل کمشنرز نے وڈیو لنک کے زریعے اجلاس میں شرکت کی۔اجلاس میں جعلی نمبر پلیٹوں، گاڑیوں میں غیر مجاز کالے شیشے، اور اسلحے کی نمائش جیسے اہم مسائل کا تفصیلی جائزہ لیا گیا اور ان غیر قانونی سرگرمیوں کو روکنے کی کے متعلق اہم فیصلے کئے گئے۔ اجلاس میں فیصلہ کیا گیا کہ جعلی نمبر پلیٹوں، گاڑیوں میں غیر مجاز کالے شیشے، اور اسلحے کی نمائش پر سخت کارروائی کی جائے گی۔اجلاس کے دوران، چیف سیکریٹری آصف حیدر شاہ نے محکمہ داخلہ کو اس کے متعلق عوامی آگاہی بڑھانے اور قانون و امن عامہ کے ضوابط پر عمل درآمد کو یقینی بنانے کے لیے جامع حکمت عملی وضع کرنے کی ہدایت کی۔چیف سیکریٹری سندھ آصف حیدر شاہ نے سیکریٹری داخلہ کو ہدایت کی کہ میڈیا میں جعلی نمبر پلیٹوں، گاڑیوں میں غیر مجاز کالے شیشے، اور اسلحے کی نمائش کے متعلق ایک مہم چلائی جائے جس میں عوام کے لئے واضح ہدایات ہوں۔اس کے علاوہ، چیف سیکریٹری نے محلہ سطح پر مثر نگرانی کی ضرورت پر زور دیا اور متعلقہ حکام کو کمیونٹیز سرویلنس کو بہتر بنانے کی ہدایت کی۔ ان اقدامات کو بہتر بنانے کے لیے اجلاس میں اسسٹنٹ کمشنرز کی نگرانی میں کمیونٹی واچ گروپ بنانے کی تجویز دی گئی جس میں تمام متعلقہ سیکیورٹی اداروں کے نمائندے بھی شامل ہونگے جو مشکوک سرگرمیوں کی نشاندہی اور قانون نافذ کرنے والے اداروں کے ساتھ رابطے کو بہتر بنانے میں معاون ثابت ہوں گے۔

ایم کیو ایم کے دفتر میں مسٹر یونیورس رمیز ابراہیم کی آمد،سید مصطفی کمال سے ملاقات

جے یو آئی کی 16 نومبر کو کراچی میں آل پارٹیز کانفرنس ہوگی،علامہ راشد محمود

معاشرے میں سب سے زیادہ قابل رحم ٹریفک پولیس والے ہیں، شرجیل میمن

سکیورٹی مزید سخت،ملک بھر کے ایئر پورٹس پر بائیو میٹرک مشینیں نصب کرنے کا فیصلہ