سپریم کورٹ بار ایسوسی ایشن کے سابق صدر امان اللہ کنرانی آج اسلام آباد میں پی ڈی ایم کے سربراہ مولانا فضل الرحمن کی اپیل و پُکار پر عوام سے ان کے جائز مطالبات کے حق میں دھرنے میں شرکت و یکجہتی کیلئے سپریم کورٹ بلڈنگ کے احاطے میں پہنچ گئے اس موقع پر اپنے بیان میں توقع ظاہر کی ہےکہ عوام کا جم غفیر ملک میں 1-آئین و پارلیمنٹ کی بالادستی و عدلیہ کے وقار و آزادی کے سربلندی کو اپنی قوت سے یقینی بنائینگے2-عدلیہ کوفرد واحد کی تسلط سے آزاد کرکے دم لیں گے3-عدلیہ کو بطور ایک آزاد ریاستی ادارہ ان کے وقار کو بلند و بحال کرائیں گے4-کسی خاص جماعت و دھشت گرد و خُود سر آئین شکن سنگین غداری کے مرتکب رہنما کی پزیرائی و حمایت کے اقدام و تاثر کو تحلیل کرکے قانون کی عملداری میں تمام شہریوں سے یکساں سلوک کو یقینی بنائیں گے5- عدلیہ کے آئینی کردار کوموثر و متحرک و معتبر بنانے اس کے وجود کے تحفظ کی خاطر کسی قربانی سے دریغ نہیں کریں گے امان اللہ کنرانی کا کہنا تھا کہ عدلیہ ملک و قوم کی آخری اُمید ہے مگر اس ادارے کو ایک فرد واحد کا یرغمال بنانا قانون کو معطل کرنا ناقابل قبول ہے7-سپریم کورٹ میں ادارجاتی عمل کا فوری آغاز کیا جائے8- سپریم جوڈیشل کونسل و جوڈیشل کمیشن کا اجلاس نہ بلانے سے اداروں کی بے توقیری ھورہی ہے ھماری خواہش و مطالبہ ہے کہ سپریم کورٹ کے چیف جسٹس صاحب اپنی ھٹ دھرمی ترک کردے 9-پارلیمنٹ کی بالادستی و قانون سازی کے حق کو تسلیم کرے از خود کاروائ پر سپریم کورٹ کے بنچ جناب قاضی فائز عیسی کے فیصلےکی روشنی و نئ قانون سازی کو روبہ عمل لایا جائے10-رجسٹرار سپریم کورٹ کو اپنی ذمہ داریوں سے فی الفور فارغ کیا جائے

امان اللہ کنرانی کا کہنا تھا کہ SJC&JCP کے اجلاس فوری طور پر بلائے جائیں تاکہ ان اداروں میں زیر التواء امور کو سرعت کے ساتھ نمٹا یا جاسکے جس میں مختلف جج صاحبان کے خلاف ریفرنسز و سپریم کورٹ میں خالی آسامیوں کو پُر کیا جاسکے12- یا پھر سپریم کورٹ کے چیف جسٹس جناب عمر عطا بندیال صاحب فوری استعفی دیں ورنہ عوام اس عمل کے خلاف موثر منظم و پُرامن آواز اُٹھا کر احتجاج کو منتقی انجام تک پہنچانے میں عوام و دھرنے کے شرکاء کے ساتھ شانہ بشانہ موجود رہیں گے

چیف جسٹس کی سربراہی میں پنجاب انتخابات سے متعلق کیس کی سماعت آج سپریم کورٹ میں ہوگی۔

باغی ٹی وی : الیکشن کمیشن آف پاکستان کی نظر ثانی درخواست پر چیف جسٹس عمر عطاء بندیال کی سربراہی میں 3 رکنی خصوصی بینچ اڑھے بارہ بجےسماعت کرے گا۔ جسٹس اعجازالاحسن اور جسٹس منیب اختر بھی بینچ میں شامل ہیں۔

مسلم لیگ نواز کے بعد اے این پی نے بھی پی ڈی ایم احتجاج …

الیکشن کمیشن نے سپریم کورٹ کے 4 اپریل کے حکم پر نظر ثانی دائر کررکھی ہے جس میں موئقف اختیار کیا گیا ہے کہ آئین و قانون کے مطابق سپریم کورٹ انتخابات کی تاریخ کا حکم نہیں دے سکتی، عدالت نے تاریخ دیکر اختیارات سے تجاوز کیا ہے۔

دریں اثنا سپریم کورٹ کے واضح حکم کے باوجود پنجاب میں 14 مئی کو انتخابات نہیں ہوسکے، 4 اپریل کو سپریم کورٹ نے 14 مئی کو پنجاب میں الیکشن کرانے کا حکم دیا تھا۔

ملک میں ایک ہی دن انتخابات کرانے سے متعلق سپریم کورٹ کی جانب سے جاری کردہ حکم نامے میں کہا گیا تھا کہ سپریم کورٹ نے مذاکراتی عمل کیلئے کوئی ڈائریکشن نہیں دی، پنجاب میں 14 مئی کو انتخابات کرانے کا حکم نامہ برقرار رہے گا سپریم کورٹ سیاسی جماعتوں کے درمیان مذاکراتی عمل کو سراہتی ہے۔ سیاسی جماعتیں انتخابات ایک دن کرانے پر متفق ہوتی ہیں تو یہ قابلِ ستائش عمل ہے عدالت واضح کرتی ہے کہ مذاکراتی عمل میں عدالت کا کوئی کردار نہیں۔

سپریم کورٹ کو بلیک میل کرنے کا عوامی قوت سے جواب دیا جائےگا،پی ٹی آئی

واضح رہے کہ چیف جسٹس عمر عطا بندیال کی سربراہی میں سپریم کورٹ کے 3 رکنی بینچ نے 14 مئی کو پنجاب بھر میں انتخابات کرانے کا حکم دے رکھا تھا۔ الیکشن کمیشن کی طرف سے 4 اپریل کے فیصلے کو عدالت عظمٰی میں چیلنج کیا گیا تھا دوسری طرف پاکستان پی ڈی ایم کے سربراہ مولانا فضل الرحمان نے آج بروز پیر سپریم کورٹ کے باہر احتجاج کرنے کا اعلان بھی کر رکھا ہے۔

وزیر اعظم شہباز شریف نے مولانا فضل الرحمان کو پیغام میں کہا تھا کہ احتجاج ضرور کریں مگر مقام تبدیل کرلیں ، رانا ثنا اور اسحاق ڈار نے کہا تھا کہ دھرنا پرامن ہوگا، ایک گملا بھی نہیں ٹوٹے گا، دھرنے کے مقام کا تعین صبح کیا جائے گا۔

نیوکراچی:نامعلوم افراد کی فائرنگ سے بچےسمیت 3 افراد زخمی

مولانا فضل الرحمان نے کہا ہے کہ وہ اعلان کرچکے ہیں ، فیصلہ اب عوام کی عدالت میں ہوگا ، فضل الرحمان نے تمام سیاسی جماعتوں کو دھرنے میں شرکت کی دعوت دی ہےاسلام آباد میں پی ڈی ایم کے دھرنے میں شرکت کے لیے ملک بھر سے قافلے رواں دواں ہیں مسلم لیگ ن کے جلوس کی قیادت مریم نواز کریں گی ، پاکپتن اور ملتان سے ن لیگ کے قافلے بھی چل پڑے جبکہ پشاور سے ن لیگ کا قافلہ صبح 8 بجے اور پنڈی سے صبح 10 بجے اسلام آباد کے لیے نکلے گا جے یو آئی ایف کے علاوہ، مسلم لیگ ن پیپلز پارٹی،عوامی نیشنل پارٹی احتجاج میں شرکت کا اعلان کر چکی ہیں ۔

عمران خان حکومت سے محاذ آرائی روک دے۔ انٹرنیشنل کرائسز گروپ کا مطالبہ

پاکستان ڈیموکریٹک موومنٹ (پی ڈی ایم) کے سربراہ مولانا فضل الرحمان نے تمام سیاسی جماعتوں کو پیر کے روز سپریم کورٹ کے خلاف احتجاج میں شرکت کی دعوت دیتے ہوئے کہا ہے کہ ہم نے اپنے اداروں کا تحفظ کرنا ہے اور ججز کے بگاڑ کو سیدھا کرنا ہے۔

باغی ٹی وی : اپنے ویڈيو پیغام میں مولانا فضل الرحمان نے کہا کہ ایک مجرم کو یک طرفہ تحفظ اور وی آئی پی پروٹوکول دیا جارہا ہے، عوام اور کارکنوں کو دعوت دے رہے ہیں کہ پیر کی صبح شاہراہ دستور پہنچیں، انصار الاسلام کے سالار اور رضاکار بھی نظم و ضبط کو برقرار رکھنے کیلئے پہنچیں۔

پی ڈی ایم کا دھرنا کا فیصلہ،سپریم کورٹ بار کا سپریم کورٹ سے بھرپور یکجہتی …

انہوں نے کہا کہ پوری قوم پیر کے روز سپریم کورٹ کے باہر پرامن احتجاج میں شرکت کیلئے پہنچے، صبح 9 بجے تمام قافلے پہنچ جائیں تاکہ قومی یکجہتی قائم کی جائے، تین رکنی بینچ اور ہائی کورٹ کے ججوں نے ایک مجرم کو تحفظ دیا ہے، ہم نے اپنے اداروں کا تحفظ کرنا ہے اور ججز کے بگاڑ کو سیدھا کرنا ہے۔

دوسری جانب پاکستان ڈیموکریٹک موومنٹ (پی ڈی ایم) کے سپریم کورٹ کے باہر دھرنے میں شرکت کیلئے مسلم لیگ (ن) کی چیف آرگنا ئز ر مریم نواز اسلام آباد پہنچ گئیں ہیں وفاقی وزیر اطلاعات مریم اورنگزیب کا کہنا تھاکہ مریم نوازپیرکوپی ڈی ایم کے دھرنے میں ن لیگ کی نمائندگی کریں گی۔

پاک افواج تنصیبات کے تقدس کی خلاف ورزی کی مزیدکسی کوشش کوبرداشت نہیں کریں گی،آرمی …

انہوں نے کہا تھا کہ نوازشریف اورپارٹی صدرشہبازشریف کی ہدایت پرمریم نواز شرکت کریں گی اور ان کی قیادت میں مسلم لیگ (ن) پی ڈی ایم کے دھرنے میں شریک ہوگی –

مسلم لیگ ن نے کل سے جلسے اور ریلیوں کا اعلان کیا ہےوفاقی وزیر و ن لیگ کے رہنما جاوید لطیف کا کہنا تھا کہ موجودہ صورتحال پر کل سے جلسے اور ریلیوں کا انعقاد کریں گے سپریم کورٹ کے باہر احتجاج غیرمعینہ مدت کیلئے ہوگا یا نہیں فیصلہ پی ڈی ایم کرے گی۔

ہم کراچی کا مینڈیٹ چوری نہیں ہونے دیں گے ،حافظ نعیم الرحمان

اسلام آباد: سپریم کورٹ بار نے پی ڈی ایم کے دھرنے کے پیش نظر سپریم کورٹ سے بھرپور یکجہتی کا اعلان کردیا۔

باغی ٹی وی: سپریم کورٹ بار ایسوسی ایشن کے صدر بیرسٹر عابد ایس زبیری، سیکرٹری سپریم کورٹ بار مقتدیر اختر شبیر نے مشترکہ بیان میں کہا کہ قانون کی حکمرانی، آئین کی بالادستی اور عدلیہ کی آزادی کے ساتھ کھڑے ہیں، سیاسی جماعتوں کے اعلان کردہ احتجاج کے خلاف سپریم کورٹ کی حمایت اور یکجہتی کا اظہار کرتے ہیں۔

ہم کراچی کا مینڈیٹ چوری نہیں ہونے دیں گے ،حافظ نعیم الرحمان

سپریم کورٹ بار نے کہا کہ سپریم کورٹ کا تحفظ یقینی بنائیں گے،تقدس مجروح کرنے کی کوشش ناکام ہوگی، پرتشدد دھرنا اور احتجاج کا اعلان، قانون کی خلاف ورزی اور امن و امان کے لیےخطرہ ہوگا اسلام آباد میں پہلے ہی آئین کے آرٹیکل 245 کو لاگو کیا جا چکا ہے وفاقی حکومت اور اداروں پر فرض ہےکہ سپریم کورٹ کی حفاظت کیلئےفول پروف سکیورٹی انتظامات کریں،سپریم کورٹ بار آئین پاکستان، قانون کی حکمرانی اور عدالت کی سالمیت کو برقرار رکھنے کے لیے پرعزم ہے۔

اعلامیے میں کہا گیا ہے کہ پرامن احتجاج اور اظہار رائے کی آزادی کے حق کو تسلیم کرتے ہیں، سپریم کورٹ کے اختیار کو کمزور کرنے یا چیلنج کرنے کی کوئی بھی کوشش جمہوریت کے لیے نقصان دہ ہے۔

پاکستان کوسٹ گارڈز نے بیرون منشیات اسمگلنگ کا منصوبہ ناکام بنادیا

واضح رہے کہ پاکستان مسلم لیگ (ن) نے سپریم کورٹ کے باہر پی ڈی ایم کے دھرنے میں بھرپور شرکت کرنے کا فیصلہ کیا ہے، ماڈل ٹاؤن کے پارٹی سیکریٹریٹ میں ہونے والے اجلاس میں مسلم لیگ ن کے رہنماؤں نے شرکت کی اور پھر ڈی ایم کے سپریم کورٹ کے باہر ہونے والے احتجاجی مظاہرے میں بھرپور شرکت کرنے کا فیصلہ دیا۔

ذرائع کے مطابق ہنگامی اجلاس مریم نواز کی ہدایت پر منعقد کیا گیا، جس کی صدارت خواجہ سعد رفیق، ملک سیف الملوک کھوکھر نے کی۔ جس میں اراکین قومی و صوبائی اسمبلی اور ٹکٹ ہولڈرز سمیت سابقہ بلدیاتی نمائندوں نے شرکت کی۔

دوسری جانب وزیراطلاعات و نشریات مریم اورنگزیب نے بتایا کہ پاکستان مسلم لیگ(ن) کی نائب صدر اور چیف آرگنائزر مریم نواز شریف دھرنے میں ن لیگ کی نمائندگی کرنے کے لیے اسلام آباد پہنچ گئیں۔

اسلام آباد ہائیکورٹ کا عمران خان کو آئندہ سماعت پر ذاتی حیثیت میں پیش ہونے …

اسلام آباد ہائیکورٹ نے سابق وزیراعظم عمران خان کو 16 ایم پی او اور دیگر مقدمات میں گرفتار نہ کرنے کا حکم نامہ جاری کردیا۔

باغی ٹی وی: جسٹس میاں گل حسن اورنگزیب نے تین صفحات پر مشتمل تحریری حکم جاری کیا جس میں عمران خان کی 50 ہزار روپے مچلکوں کے عوض 17 مئی تک ضمانت منظور کی گئی ہے وکیل کے مطابق عمران خان کی زندگی کو سنگین خطرات ہیں۔

اسلام آباد ہائیکورٹ سے عمران خان کو ملا بڑا ریلیف

اسلام آباد کے حکم نامے میں کہا گیا ہےکہ وکیل کے مطابق عمران خان سے سابق وزیراعظم کی سیکیورٹی واپس لے لی گئی درخواستگزار کے مطابق سیاسی بنیادوں پر بنایا گیا مقدمہ بدنیتی پر مبنی ہے، سپریم کورٹ کے حکم کے مطابق عمران خان کو سیکیورٹی فراہم کی جائے۔

عدالتی حکم نامے میں یہ بھی کہا کہ وکیل عمران خان کے مطابق لا اینڈ آرڈر کی صورتحال بہتر ہونے تک عدالت اس کیس کو سنے عدالت نے عمران خان کو آئندہ سماعت پر ذاتی حیثیت میں پیش ہونے کا حکم دیا گیا ہے جب بلایا جائے عمران خان شامل تفتیش ہوں-

اسلام آباد ہائیکورٹ نے القادر ٹرسٹ کیس میں عمران خان کی عبوری ضمانت کا تحریری حکم نامہ جاری کردیا اسلام آباد ہائیکورٹ نے کہا ہےکہ عمران خان تفتیش میں رکاوٹ ڈالیں تو نیب ضمانت منسوخی کی درخواست کرسکتا ہے، تفتیشی کو جب بھی ضرورت ہو عمران خان ان کے سامنے پیش ہوں۔ عدم تعاون پر نیب یا حکومت ضمانت منسوخی کی درخواست دائر کرے-

حکم نامے میں کہا گیا ہےکہ ایڈووکیٹ جنرل، ایڈیشنل اٹارنی نے کہا کہ آرٹیکل 245 کا نفاذ ہے، عمران خان کو ریلیف نہیں مل سکتا، ایڈووکیٹ جنرل اور ایڈیشنل اٹارنی کا یہ مؤقف جارحانہ ہے، اس مؤقف کا مطلب وہ بنیادی حقوق غصب کرنا ہے جو جمہوری اور اسلامی ریاست کی بنیاد ہیں، تصور نہیں کیا جاسکتا ایک ذمے دارحکومت شہریوں کے لیے انصاف کی رسائی میں یہ رکاوٹ ڈالےگی عدالت نے آرٹیکل 245 کے نفاذ میں عدالت تک رسائی کے نکتے پر اٹارنی جنرل کو نوٹس جاری کرتے ہوئے معاونت طلب کی ہے۔

عمران خان کا مقصد ملک میں انارکی پھیلانا ہے،ایک سال سے ان لوگوں کی ٹریننگ کررہا تھا،راناثناءاللہ

عدالت نے کہا کہ ایڈووکیٹ جنرل اور ایڈیشنل اٹارنی جنرل نے متعلقہ فورم احتساب عدالت کے ہونےکا اعتراض اٹھایا، عمران خان کو سپریم کورٹ کے احکامات پر ہائیکورٹ میں پیش کیا گیا، ایڈووکیٹ جنرل اورایڈیشنل اٹارنی جنرل کا اعتراض درست نہیں،ہائیکورٹ کوڈ آف کرمنل پروسیجرکے تحت بھی کیس سننے کا اختیار رکھتی ہے۔

علاوہ ازیں اسلام آباد ہائیکورٹ نے ظلِ شاہ قتل کیس میں عمران خان کی حفاظتی ضمانت منظور ہونے کا تفصیلی فیصلہ بھی جاری کردیا تین صفحات پر مشتمل تفصیلی فیصلہ جسٹس طارق محمود جہانگیری نے جاری کیا۔

تحریری فیصلے میں کہا گیا کہ عمران خان کی پچاس ہزار روپے مچلکوں کے عوض 22 مئی تک ضمانت منظور کی جاتی ہے۔ چیئرمین تحریک انصاف کو ظل شاہ قتل کیس میں شامل تفتیش ہونے کا حکم دیا گیا عمران خان 22 مئی تک متعلقہ عدالت سے رجوع کریں، وکیل درخواست گزار نے استدعا کی کہ انصاف کی فراہمی کے لئے ضمانت دی جائے تاکہ متعلقہ عدالت میں پیش ہو سکیں، پولیس نے اس کیس میں عمران خان کا بیان ریکارڈ کر لیا ہے۔

حریم شاہ کی رانا ثنا اللہ کو دھمکی،انٹر نیٹ بحال،عوام ٹک ٹاکر کی مشکور

مزید کہا گیا کہ پولیس نے لاہور ہائیکورٹ میں بیان دیا کہ عمران خان کی اس کیس میں گرفتاری کی ضرورت نہیں،وکیل درخواست گزار کے مطابق خدشہ ہے کہ عمران خان لاہور پہنچیں گے تو گرفتار کر لیا جائے گاعمران خان کی 22 مئی تک کی حفاظتی ضمانت منظور کی جاتی ہے-

واضح رہے کہ 12 مئی کو اسلام آباد ہائی کورٹ نے القادر ٹرسٹ کیس کے بعد دیگر تمام مقدمات میں بھی ضمانت منظور کر لی تھی اسلام آباد ہائیکورٹ نے 9 مئی اور اس کے بعد ہونے والے کسی بھی مقدمے میں عمران خان کو گرفتار نہ کرنے کا حکم‏ دیا عدالت نے ریمارکس دیتے ہوئے کہا تھا کہ اس احاطے سے جو غیر قانونی گرفتاری ہوئی کیا آپ نے کوئی مقدمہ دیا ؟عمران خان کی تمام مقدمات میں ضمانت منظور کر لی گئی ہے-

سُپریم کورٹ بار ایسوسی ایشن کے سابق صدر امان اللہ کنرانی نے اپنے ایک بیان میں کہا ہے کہ صدر اسلامی جمہوریہ پاکستان جناب ڈاکٹر علوی صاحب جناب چیف جسٹس سُپریم کورٹ پاکستان جناب مُحترم عطا بندیال صاحب نے 9 مئی 2023 کو کورکمانڈر لاھور کے گھر و جی ایچ کیو راولپنڈی کے سنگین دھشت گردی توڑ پھوڑ و بلوائی حملوں کو نظرانداز کرکے اس میں ملوث مرکزی ملزم کی پزیرائی و پیشوائی کی ہے دونوں نے اپنے حلف سے غداری و سنگین نوعیت کے فوجداری مقدمے میں اعانت جُرم یعنی تعزیرات پاکستان کے دفعات 109,120-Bاور124-A کا ارتکاب کیا ہے جس سے ملزموں کی حوصلہ افزائی و قانون نافذ کرنے والے جوانوں و افسروں کی حوصلہ شکنی ھوئی ہے جو درجنوں کی تعداد میں ملک بھر کے ھسپتالوں میں زیر علاج ہیں قومی و انسانی جانوں کا ضیاع ایک درجن سے زائد بے گناہ شہری اس روز جام شہادت نوش کرگئے کئ شدید زخمی ھوئے اگر اسی تحریک کے سربراہ جس کی آو بھگت و تعریف و توصیف میں دونوں آئینی اداروں کے سربراہان ھلکان و غلطان ہیں پھر قوم کو آزاد کردیا جائے اس ملک کی ریاستی حیثیت کو تسلیم کریں یا اپنے مستقبل کا فیصلہ خود کریں جس کے آئینی سربراہ آئین و ریاست کے تحفظ و وفاداری کی بجائے ایک مخصوص پارٹی و سربراہ کی حفاظت و محبت میں گرفتار ھوچکےہیں وہ 24 کروڑ عوام کی مملکت کے سربراہ نہیں بلکہ وہ ایک مخصوص ذھنیت کی حامل سیاست کے نام پر دھشت گرد تنظیم کے زر خرید غلام ہیں جس میں ناقابل تردید آڈیو لیکس ثبوت کے لئےکافی ہیں

امان اللہ کنرانی کا کہنا تھا کہ کم سے کم مجھے ایسی ریاست کے سربراہ و عدالت سے کے نام پر دھبے سے نفرت ہے مگر اپنی ماں ریاست پاکستان کی مانگ کو ایسا اُجڑا و بکھرا ھوا بھی نہیں دیکھ سکتا جہاں بلوچستان میں ایک عظیم لیڈر نواب محمد اکبر خان بگٹی شہید کو جو گورنر و وزیراعلی وفاقی وزیر داخلہ رہا جو پاکستان کے لئے گوادر کی سرزمین واگزار کرا چکا ھو جو قائداعظم کو بلوچستان میں خوش آمدید کہتا ھو جو قائداعظم کے دور میں بلوچستان کے دو رکنی کابینہ میں سے ایک ھو اس کو تو محض صرف صوبے کے وسائل کی بات کرنے پر تہہ و تیغ کردیا جائے مگر جو ریاست پر حملہ آور ھوں ریاستی اداروں کو تہس نہس کرتے ھوں اور اس کے مجرموں کیلئے نرم گوشہ رکھنے کے باوجود ریاست کے دو اھم اداروں کی سربراہی پر فائز رہتے ھوں اس ریاست کا خدا ہی حافظ ایسی سرزمین کے باسی منتظر ہیں کب میر جعفر و میر صادق و فساد فی الارض سے نجات کیلئے کوئی جرات مند کشتیاں جلانے والا طارق بن زیادہ پیدا ھو اور قوم کو ایسے بونوں سے نجات کا اقدام کرے جو ریاست کی بجائے اپنی ذات کو ترجیح دیتے ہیں ریاست کی اساس کی بجائے اپنی”ساس”کو ترجیح دیتے ہیں