Tag: شہباز شریف

سابق وزیراعظم نواز شریف کی زیرصدارت مسلم لیگ (ن) کا اہم مشاورتی اجلاس ہوا،

اجلاس میں وزیراعظم شہباز شریف، ڈپٹی وزیراعظم اسحاق ڈار، وزیراعلیٰ پنجاب مریم نواز، خواجہ سعد رفیق، سابق وزیراعلیٰ پنجاب حمز شہباز، سلیمان شہباز، وفاقی وزراء عطا تارڑ، رانا ثناء اللہ، ایاز صادق اور احد خان چیمہ سمیت دیگر شریک ہوئے،نوازشریف نے فیض حمید کیس اور اس سے متعلق معاملات پر پارٹی رہنماؤں کو کسی بھی قسم کے بیانات دینے سے متعلق انتہائی احتیاط برتنے کا حکم دیا،نواز شریف نے کہا کہ فیض حمید سے متعلق تمام پارٹی رہنما جذباتی بیانات دینے سے گریز کریں، حکومت اور اسٹیبلشمنٹ کا بھرپور ساتھ دینے کا فیصلہ کیا گیا،

مشاورتی اجلاس میں نواز شریف نے پارٹی کو فعال کرنے کیلئے سینٹرل ایگزیکٹو کمیٹی کا اجلاس بلانے کی ہدایت کی،نواز شریف نے بجلی اور اشیائے خورونوش کی قیمتوں میں فوری کمی کیلئے پلان بھی مانگ لیا،نواز شریف نے پارٹی سرگرمیوں کو تیز کرنے کی بھی ہدایت کی، نواز شریف نے بجلی کے بلوں میں جلد ریلیف کا ٹاسک دیا۔

اجلاس میں وزیراعظم شہباز شریف نے معاشی صورتحال اور آئی ایم ایف پلان پر بریفنگ دی، اجلاس میں موجودہ سیاسی صورتحال پر بھی اہم مشاورت کی گئی، نواز شریف نے ہدایت کی کہ مسلم لیگ ن کے منصوبوں اور فلاحی اقدامات سے عوام کو آگاہ کیا جائے،اجلاس میں سابق ڈی جی آئی ایس آئی فیض حمید کی گرفتاری کے بعد کی صورتحال زیر بحث لائی گئی جبکہ مسلم لیگ ن کی جانب سے فیض حمید کی گرفتاری کے بعد آئندہ کا لائحہ عمل طے کیا گیا،اجلاس کے دوران موجودہ ملکی سیاسی، معاشی اور پارٹی صورتحال پر مشاورت بھی کی گئی۔

وفاقی وزیراویس لغاری نے بجلی کی قیمتوں میں کمی کے لیے تجاویز پر بریفنگ دی جبکہ اجلاس میں ٹیکس نظام میں بہتری کے لیے ایف بی آر کی سفارشات بھی پیش کی گئیں،

پی ٹی آئی کی لائی تباہی مہنگائی اور مہنگے بل لائی ، ہم عوامی ریلیف کی توقع کرتے ہیں،نواز شریف
اجلاس میں گفتگو کرتے ہوئے لیگی صدر نواز شریف کا کہنا تھا کہ ہمیں بیانات دیتے ہوئے انتہائی احتیاط سے کام لینا چاہیے، جنہوں نے ملک کو نقصان پہنچایا یا ایسے افراد کو سپورٹ کیا ان کا احتساب ہونا ضروری ہے، ہمیں کارکردگی کے ساتھ ساتھ عوامی مسائل کو زیادہ فوکس رکھنا ہے،مہنگے بجلی کے بل عوام کے لئے ناقابل برداشت ہیں،پی ٹی آئی کی لائی تباہی مہنگائی اور مہنگے بل لائی ہے لیکن ہم عوامی ریلیف کی توقع کرتے ہیں،یہ ہماری صلاحیتوں کا امتحان ہے کہ مشکل ترین حالات میں بھی عوام کو ریلیف کیسے دینا ہے، مملک کو ڈیفالٹ سے بچانا، معاشی استحکام واپس لانے کے لئے سیاسی قربانی آپ کی حب الوطنی کاثبوت ہے، ملک کو ڈیفالٹ سے بچانے کی طرح اب عوام کو ڈیفالٹ سے بچانا بھی ہمارا بڑا امتحان ہے، مسلم لیگ (ن) نے ہمیشہ مشکلات سے راستہ نکالا ہے،

وزیراعظم شہبازشریف نے پارٹی صدر کو قومی معاشی ایجنڈے کے خدوخال سے آگاہ کیا،قومی معاشی پلان کو حتمی شکل دینے کے بعد وزیراعظم شہباز شریف پارٹی صدر محمد نواز شریف کو بریف کریں گے،وزیراعظم شہباز شریف کا کہنا تھا کہ ملک کے تمام مسائل کے حل کے لئے ایک جامع معاشی ایجنڈا تیار کرلیا ہے،200 یونٹ تک پروٹیکٹڈ اور نان پروٹیکٹڈ بجلی صارفین کو تین ماہ کے لئے ریلیف دیا ہے،ترقیاتی بجٹ سے 50 ارب روپے کی کٹوتی کرکے 86 فی صد عوام کو ریلیف دیاگیا، ہم درست سمت کی طرف چل پڑے، اس وقت اسٹیبلشمنٹ کے ساتھ کھڑے ہیں، ان کے تمام فیصلوں کا احترام کرتے ہیں اور مل کر فیصلے کر رہے ہیں۔

پیدائشی سماعت سے محروم بچوں کے کامیاب آپریشن کے بعد”پاکستان زندہ باد” کے نعرے

معذوری کا شکار طالبات کی ملی دارالاطفال گرلز ہائی سکول راجگڑھ آمد،خصوصی تقریب

سماعت سے محروم بچوں کے والدین گھبرائیں مت،آپ کا بچہ یقینا سنے گا

ریاست مدینہ کی جانب حکومت کا پہلا قدم،غریب عوام کی دعائیں، علی محمد خان نے دی اذان

وفاقی حکومت کی طرف سے پاکستان بیت المال کو سماعت وگویائی سے محروم بچوں کے لیے فنڈز نہ مل سکے ،

سماعت سے محروم بچے چلا رہے ہیں ریسٹورینٹ، صدر مملکت بھی وہاں پہنچ گئے، کیا کہا؟

ویلڈن پاک فوج، سماعت سے محروم افراد سننے اور بولنے لگے

چلڈرن ہسپتال کا کوکلیئر امپلانٹ کے تمام اخراجات برداشت کرنے کافیصلہ،ڈاکٹر جاوید اکرم

حکومتی نااہلی،سماعت سے محروم سینکڑوں بچوں کا مستقل معذور ہونے کا خدشہ

وزیراعظم شہباز شریف نے اعلان کیا ہے کہ استعفیٰ دے دوں گا لیکن پریشر برداشت نہیں کروں گا،

وزیرِاعظم محمد شہباز شریف کی فیڈرل بورڈ آف ریونیو کے ہیڈکوارٹر آمد ہوئی،وفاقی وزیرِ خزانہ و محصولات محمد اورنگزیب، وزیرِ مملکت برائے خزانہ و محصولات علی پرویز ملک اور چیئرمین فیڈرل بورڈ آف ریونیو ملک امجد زبیر ٹوانہ نے وزیرِاعظم کا استقبال کیا۔وزیراعظم شہباز شریف نےیادگار شہداء پہ پھولوں کی چادر چڑھائی۔

ایف بی آر ہیڈ کوارٹر میں وزیراعظم شہباز شریف نے اجلاس سے خطاب کے دوران کہا کہ ایف بی آر ملکی معیشت میں ریڑھ کی ہڈی کی حیثیت رکھتا ہے،ایف بی آر کی آٹومیشن اور ڈیجیٹائزیشن حکومت کی اولین ترجیح ہے،وزیراعظم نےویب بیسڈ ون کسٹمز سسٹم (WeBOC) کو جدید خطوط پر استوار کرنے کے لئے فوری طور پر 2 ارب روپے جاری کرنے کی ہدایت کی،

وزیراعظم کو ایف بی آر میں جاری اصلاحات پر بریفنگ دی گئی، وزیراعظم کو طویل مدتی ڈیجیٹائزیشن حکمت عملی سے آگاہ کیا گیا،بتایا گیا کہ پاکستان کسٹمز کی تمام سروسز کی جدید تقاضوں کے مطابق ڈیجیٹائزیشن تیزی سے جاری ہے ،وزیراعظم کو ایف بی آر تاجر دوست موبائیل ایپلی کیشن کا پہلا مرحلے کی تکمیل پر بریفنگ دی گئی،ایف بی آر کی تاجر دوست موبائل ایپلی کیشن خود کار نظام پر مبنی جس میں گھر بیٹھے ٹیکس نظام میں رجسٹریشن سے لے کر ٹیکس جمع کروانے تک کا تمام عمل کی سہولت دی گئی ہے ،جدید ٹیکنالوجی کے استعمال سے ٹیکس دینے کی صلاحیت رکھنے والے 49 لاکھ افراد کی نشاندہی کی گئی ہے ،وزیر اعظم نے ٹیکس بیس بڑھانے اور نشاندہی شدہ افراد کو فوری ٹیکس نیٹ میں لانے کی ہدایت کی،چیئرمین ایف بی آر کو کہا کہ فلور ملز ملز مالکان سے ملیں اور ان کے تمام جائز مسائل حل کریں.

وزیراعظم شہبازشریف نے اس دوران اجلاس سے خطاب کرتے ہوئے کہا کہ میں کسی پریشر میں نہیں آؤں گا، استعفیٰ دے کر گھر چلا جاؤں گا،وزیراعظم شہبازشریف نے ایف بی آر افسران کو مخاطب کرتے ہوئے کہا کہ کوئی سفارش قبول نہیں، کوئی ذاتی پسند نا پسند بھی نہیں ہے، قومی مفاد سب سے اوپر ہے، کوئی غلطی ہے تو درست کریں گے، چیئرمین ایف بی آر نے ڈیجیٹائزیشن پر چند دن پہلے سرپرائز دیا، 3 ماہ پہلے بتا دیتے تو سوچتے غیر ملکی فرم میکانزی کو لانا ہے یا نہیں؟،چیئرمین ایف بی آر کو پھر کہتے ہیں اب بھی کوئی سرپرائز ہے تو دے دیں، کوئی ایکشن نہیں لیں گے، لیکن اس کے بعد چھپن چھپائی کی تو برداشت نہیں کریں گے،میں کراچی گیا ،نیشنل شپنگ کارپوریشن،دس جہاز اور پانچ ارب کی تنخواہیں، کتنا ظلم ہے،بنگلہ دیش کے پانچ چھ سو جہاز ہیں، بھارت کے اس سے بھی زیادہ ہیں، کسی کو پرواہ نہیں ہے،اب ٹیکس کا نفاذ ان افراد پر کریں جو ایک دھیلے کا ٹیکس نہیں دیتے، ٹیکس لینے کے نام پر تاجروں اور صنعت کاروں کو تنگ کرنے کی بھی اجازت نہیں دیں گے، نہیں چاہتا کہ آپ میری بدنامی کریں،

’سابقہ شوہر نہیں بتا سکتا کہ عدت اور خاتون کی ماہواری کے 3 سائیکل کب مکمل ہوئے‘

عمران ،بشریٰ مجرم،،نکاح کی اتنی جلدی کیا تھی قوم کو وجہ تو بتادیں،خاور مانیکا

خواب کی تعبیر پر بڑے بڑے وزیر لگائے جاتے تھے،عون چودھری

بشری نے بچوں سے نہ ملنےدیا، کیا شرط رکھی؟ خان کیسے انگلیوں پر ناچا؟

ہوشیار،بشری بی بی،عمران خان ،شرمناک خبرآ گئی ،مونس مال لے کر فرار

بشریٰ بی بی، بزدار، حریم شاہ گینگ بے نقاب،مبشر لقمان کو کیسے پھنسایا؟ تہلکہ خیز انکشاف

تحریک انصاف میں پھوٹ پڑ گئی، فرح گوگی کی کرپشن کی فیکٹریاں بحال

فیصلے سے ثابت ہوا کہ لاڈلہ ازم آج تک برقرار ہے ، شرجیل انعام میمن

سپریم کورٹ فیصلے کے بعد پی ٹی آئی کا چیف الیکشن کمشنر کیخلاف کاروائی کا مطالبہ

سپریم کورٹ،مخصوص نشستیں،پشاور ہائیکورٹ کا فیصلہ کالعدم قرار

مخصوص نشستوں پر سپریم کورٹ کا فیصلہ،ملک ایک اور آئینی بحران سے دوچار

حکومت کو کوئی خطرہ نہیں،معاملہ تشریح سے آگے نکل گیا،وفاقی وزیر قانون

سپریم کورٹ کا فیصلہ، سیاسی جماعتوں کا ردعمل،پی ٹی آئی خوش،حکومتی اتحاد پریشان

وزیراعظم شہباز شریف نے کہا ہے کہ ہم نے سیاست کو داؤ پر لگاکر ریاست کو بچایا، اگر ریاست کو نہ بچایا ہوتا تو کہاں کی سیاست اور کہاں کا بجٹ،

پریس کانفرنس کرتے ہوئے وزیراعظم شہباز شریف کا کہنا تھا کہ پیچھلی حکومت نے سیاست کو بچانے کے لیے معیشت کو داؤ پر لگایا،ہم نے اپنی سیاست کو قربان کرکے ریاست کو ڈیفالٹ سے بچایا،اللہ کا شکر ہے پاکستان ڈیفالٹ سے بچ گیا، تنخواہ دار طبقے کا ٹیکس لگنے پر احتجاج جائز ہے انکا کہنا درست ہے کہ کیا ہم ہی لوگ ٹیکس دینے کیلئے رہ گئے ہیں اور جن کے پاس بے پناہ وسائیل ہیں،وہ جو اربوں ڈالرز لے جاتے ہیں ان پر ٹیکس کیوں نہیں لگایا جاتا، رئیل اسٹیٹ کے کاروبار پر ٹیکس لگنا درست عمل ہے لیکن اس پر مزید ٹیکس لگنا چاہیے،

وزیراعظم شہباز شریف کی عمران خان پر کڑی تنقید
وزیراعظم شہباز شریف کا کہنا تھا کہ نوے دن میں کرپشن کا خاتمہ کرنیوالوں کے اپنے کرپشن کے بڑے بڑے اسکینڈل سامنے آگئے۔ تین سو ارب ڈالر واپس لانے کا دعویٰ کرنیوالوں نے برطانوی کرائم ایجنسی کی مہربانی سے 190 ملین پاونڈز پر بھی ہیرا پھیری سے ہاتھ صاف کردیا گیا،وزیراعظم شہباز شریف نے عمران خان پر تنقید کرتے ہوئے کہا کہ بانی تحریک انصاف نے کہا تھا میں مرجاونگا لیکن آئی ایم ایف کے پاس نہیں جاونگا۔ لیکن کئی ماہ کی تاخیر کے بعد آئی ایم ایف کے پاس وہ گئے ایک مہنگا پروگرام لیا اور پھر اپنی حکومت جاتے دیکھ کر اسی پروگرام کو سیاست کی نذر کردیا گیا،

وزیراعظم کا 200 یونٹ والے صارفین کو اگلے تین ماہ کے لئے رعایت دینے کا اعلان
وزیراعظم شہباز شریف کا کہنا تھا کہ 200 یونٹ والے صارفین کو اگلے تین ماہ کے لئے رعایت دے رہے ہیں، 94 فیصد بجلی صارفین کو ریلیف دینے جارہے،اس پر حکومت کے 50 ارب خرچ ہونگے،بجلی کے 200 یونٹس استعمال کرنے والے اڑھائی کروڑ گھریلو صارفین کیلئے 3 ماہ کے الیکٹریسٹی بلز میں 4 سے 7 روپے فی یونٹ بجلی سستی کی جا رہی ہے جس کیلئے 50 ارب روپے مختص کیے گئے ہیں یہ رقم ڈویلپمنٹ فنڈز سے نکالی جا رہی ہے۔

پاکستان کو اللہ نے سورج کی شعاعوں سے مالا مال کیا ہے، فائدہ نہ اٹھانا کفران نعمت ہے،وزیراعظم
وزیراعظم شہباز شریف کا مزید کہنا تھا کہ دنیا میں تیل کی قیمت اوپر جارہی تھی مگر عدم اعتماد سے بچنے کےلیے تیل کی قیمت کم کرکے معیشت کو نقصان پہنچایا گیا، آئی ایم ایف کے ساتھ 3 سالہ پروگرام کررہے اس میں کوئی راز نہیں ہے،ایک مقتدر ادارے نے بتایا کراچی بندرگاہ پر سالانہ 1200 ارب کی درآمدی ٹیکس کی چوری ہو رہی ہے،حکومت پاکستان صوبوں سے ملکر دن رات محنت کرے گی،ہم جلدازجلد10لاکھ ٹیوب ویل کوشمسی توانائی پرلائیں گے،آج دنیامیں سولرانرجی کم ترین قیمتوں پرمہیا ہے،پاکستان میں 10 لاکھ ٹیوب ویل بجلی پر چل رہے ہیں،ساڑھے تین ارب کے تیل کی لاگت سےیہ چل رہے، قومی خزانے پر یہ بہت بڑا بوجھ ہے، اس کو سولر پرلائیں گے، دوتین ماہ پہلے فیصلہ کر لیا تھا کہ تیل پر چلنے والے ٹیوب ویل کے لئے بزنس ماڈل بنانا ہے، کسانوں کو قرضے دیں گے اور جلد سے جلد دس لاکھ ٹیوب ویل کو شمسی توانائی پر لے کر آئیں گے،پاکستان کو اللہ نے سورج کی شعاعوں سے مالا مال کیا ہے، فائدہ نہ اٹھانا کفران نعمت ہے، اس بجٹ میں یقینا ٹیکسز لگے ہیں اور جو اشرافیہ ہے امرا ہیں ان کے اوپر ٹیکس بعض نئے ایریاز میں پہلی بار لگامثال کے طور پر زمین کاجو کام کرتے ہیں، سارا سال سرمایہ کاری رہتی ہے، زمین کی قیمتیں بڑھتی رہتی ہے، بیٹھے بٹھائے منافع ملتا ہے، پھر منافع کہاں لے جاتے تفصیل پر نہیں لے جاتا، اس پر ٹیکس لگایا، سو ارب آمدنی کی توقع ہے،

وزیرِاعظم سے برطانوی ایجوکیشنسٹ اور برطانوی وزیرِاعظم کے ڈیلیوری یونٹ کے سابق سربراہ سر مائیکل باربر کی زیرِ قیادت وفد کی ملاقات
قبل ازیں وزیرِاعظم محمد شہباز شریف سے برطانوی ایجوکیشنسٹ اور برطانوی وزیرِاعظم کے ڈیلیوری یونٹ کے سابق سربراہ سر مائیکل باربر کی زیرِ قیادت وفد کی ملاقات ہوئی ہے،وفد میں برطانوی فارن، ڈویلپمنٹ اور کامن ویلتھ آفس کی ڈائریکٹر جو موئیر، اور سینئر گورننس ایڈوائزرز نوید عزیز اور میٹ کلینسی شامل تھے۔وزیراعظم شہباز شریف کا کہنا تھا کہ پاکستان اور برطانیہ کے تاریخی دو طرفہ تعلقات ہیں جو کہ دہائیوں پر محیط ہیں اور وقت کے ساتھ مزید مضبوط ہو رہے ہیں۔ پاکستان برطانیہ کے ساتھ اپنے تعلقات کو قدر کی نگاہ سے دیکھتا ہے۔ برطانیہ پاکستان میں مختلف شعبوں میں معاونت فراہم کر رہا ہے اور پاکستان کا اہم شراکت دار ہے ہم برطانوی حکومت کے شکر گزار ہیں۔ دونوں ممالک کے عوام کے آپس کے روابط کو مزید مضبوط کیا جائے گا۔حکومت پاکستان کی معاشی بحالی کے لئے مؤثر اقدامات اٹھا رہی ہے۔تمام ریاستی ملکیتی اداروں کی نجکاری کی جا رہی ہے۔ فیڈرل بورڈ آف ریونیو سمیت معیشت کی ڈیجیٹائزیشن کے لیے اقدامات کئے جا رہے ہیں۔حکومتی اخراجات میں کمی کے حوالے سے غیر فعال اداروں کو ختم کیا جا رہا ہے اور ڈاؤن سائیزنگ کی پالیسی پر عمل کیا جا رہا ہے۔ برآمدات اور ٹیکس بیس میں اضافے کے لئے اقدامات اٹھائے جا رہے ہیں۔پاکستان سے انفارمیشن ٹیکنالوجی اور زراعت سے متعلقہ برآمدات کے حوالے سے بے پناہ استعداد ہے۔

وفد کو بریفنگ میں بتایا گیا کہ وفاقی وزارتوں کی کارکردگی جانچنے کے حوالے سے ٹاسک مینیجمنٹ سسٹم کا قیام عمل میں لایا جا چکا ہے۔سر مائیکل باربر نے حکومت کے معاشی بحالی کے پلان کی تعریف کی اور کہا کہ حکومت معاشی اصلاحات کے حوالے سے ٹھیک سمت میں جا رہی ہے۔امید ہے آپ کی موثر قیادت میں پاکستان جلد ہی معاشی مشکلات قابو پانے میں کامیاب ہو گا۔وفد نے گفتگو کرتے ہوئے کہا کہ برطانیہ پاکستان کو ہر شعبے میں بھرپور مدد اور تعاون فراہم کرے گا۔ پاکستان کی ترقی ہماری ترقی ہے۔ملاقات میں وفاقی وزیرِ اقتصادی امور احد خان چیمہ، وفاقی وزیرِ خزانہ و محصولات محمد اورنگزیب، وفاقی وزیرِ صنعت و پیداوار رانا تنویر حسین، وزیرِ مملکت برائے انفارمیشن ٹیکنالوجی و ٹیلی کام شزا فاطمہ، وزیرِاعظم کے کوآرڈینیٹر رانا احسان افضل، ڈپٹی چیئرمین پلاننگ کمیشن جہانزیب خان اور متعلقہ اعلیٰ سرکاری افسران نے شرکت کی۔

موسمیاتی شعبے میں سرمایہ کاری سے ماحولیات کے تحفظ میں مدد ملے گی، صدر مملکت

مارگلہ ہلز میں آتشزدگی،سینیٹ قائمہ کمیٹی برائے موسمیاتی تبدیلی کانوٹس

موسمیاتی تبدیلی،پرواز میں ہچکولے،رخ موڈ دیا گیا، 30 مسافر زخمی

سپریم کورٹ، موسمیاتی تبدیلی کیلئے اٹھائے گئے اقدامات کی تفصیلات طلب

سابق سینیٹر جمال خان لغاری کی رومینہ خورشید عالم سے ملاقات

ہم ماحولیاتی تحفظ کے لیے اپنے عزم پر قائم ہیں،رومینہ خورشید عالم

امن کی فاختہ میڈیا ، چھوٹی سی خبر کسی کی زندگی تباہ بھی کر سکتی ، بچا بھی سکتی ، رومینہ خورشید عالم

موسمیاتی ایکشن میں صنفی شمولیت کیلیے پاکستان کا عزم غیر متزلزل ہے۔رومینہ خورشید عالم

موسمیاتی تبدیلی پردنیا سے امداد نہیں تجارت چاہیے،رومینہ خورشید عالم

گرمی کی لہر،مون سون کیوجہ سے سیلاب کے خطرات،عوامی آگاہی مہم شروع کرنیکا حکم

وزیراعظم محمد شہباز شریف نےشنگھائی تعاون تنظیم کے سربراہی اجلاس سے خطاب کرتے ہوئے کہا ہے کہ پاکستان شنگھائی تعاون تنظیم کے چارٹر کے تحت خطے کے لوگوں کی ترقی و خوشحالی کے لیے اپنا کردار ادا کرتا رہے گا .

وزیراعظم شہباز شریف کا کہنا تھا کہ امن و سلامتی کے قیام، معاشی ترقی ،غربت کے خاتمے اور ماحولیاتی تبدیلی کے مضر اثرات سے نمٹنے کے لئے مشترکہ اقدامات کی ضرورت ہے ،ایس سی او فلسطین کی صورتحال پر آواز اٹھائے ،اسرائیل نے غزہ میں ظلم کے پہاڑ توڑے،فلسطین میں 37 ہزار کے قریب معصوم لوگوں کو شہید کیا جا چکا ہے جن میں زیادہ تعداد عورتوں اور بچوں کی ہے ،اسرائیل کی جانب سے 20 لاکھ فلسطینیوں کو بے گھر کیا گی، پاکستان فلسطین کے مسئلے کا 1967 سے پہلے کی سرحدوں کی طرز پر دو ریاستی حل کا حامی ہے جس کے تحت فلسطینی ریاست کا قیام ہو اور جس کا دارالحکومت القدس ہو

پاکستان افغانستان میں امن کا خواہاں ،ہر قسم کی دہشت گردی کی پر زور مذمت کرتا ہے،وزیراعظم
وزیراعظم شہباز شریف کا مزید کہنا تھا کہ پاکستان افغانستان میں امن کا خواہاں ہے ، پاکستان ہر قسم کی دہشت گردی, چاہے وہ ریاستی دہشت گردی ہو یا کسی تنظیم یا فرد کی جانب سے، کی پر زور مذمت کرتا ہے ،اسلامو فوبیا کے خاتمے کے لئے مشترکہ اقدامات کی ضرورت ہے ، پاکستان اس سال اکتوبر میں ایس سی او کونسل آف ہیڈز آف گورنمنٹ کے اجلاس کی میزبانی کے لئے پر عزم ہے،

وزیراعظم شہباز شریف نے چین کو شنگھائی تعاون تنظیم کی سال 2024-2025 کی صدارت ملنے پر چینی صدر شی جن پنگ کو مبارکباد دی،وزیراعظم نے بیلاروس کو شنگھائی تعاون تنظیم کی رکنیت ملنے پر مبارکباد اور نیک خواہشات کا اظہار کیا.

شنگھائی تعاون تنظیم سربراہی اجلاس کے موقع پر وزیراعظم کی عالمی رہنماؤں سے ملاقات ہوئی ہے،وزیراعظم کی اقوام متحدہ کے سیکریٹری جنرل انتونیو گوتریس سے ملاقات ہوئی ہے،وزیراعظم کی ترکیہ کے صدر عزت مآب رجب طیب اردوان ، آذر بائیجان کے صدر الہام علییوف ، تاجکستان کے صدر امام علی رحمان ، کرغزستان کے صدر سدیر جاپروف سے بھی بات چیت ہوئی ہے،ملاقاتوں کے دوران دوطرفہ تعلقات اور باہمی دلچسپی کے امور پر بات چیت کی گئی.شنگھائی تعاون تنظیم سربراہی اجلاس کے اختتام پر وزیرِاعظم محمد شہباز شریف سمیت تنظیم کے تمام رکن ممالک کے سربراہان نے اجلاس کے اعلامیے، آؤٹ کم ڈاکیومنٹ پر دستخط کیے۔

آستانہ میں ایس سی او سربراہی اجلاس کے موقع پر صدر الیگزینڈر لوکاشینکو سے وزیرِاعظم کی ملاقات
آستانہ میں شنگھائی تعاون تنظیم کے سربراہی اجلاس کے موقع پر وزیرِاعظم محمد شہباز شریف اور جمہوریہ بیلاروس کے صدر الیگزینڈر لوکاشینکو کے درمیان ملاقات ہوئی۔ سیاسی تعلقات، تجارت اور سرمایہ کاری، دفاعی تعاون اور علاقائی مسائل سمیت مختلف موضوعات پر تبادلہِ خیال کیا گیا۔ وزیرِاعظم نے بیلاروس کی شنگھائی تعاون تنظیم کی رکنیت پر صدر لوکاشینکو کو مبارکباد دیتے ہوئے کہا کہ اس سے تنظیم مزید مضبوط ہو گی۔دونوں رہنماؤں نے گزشتہ دہائی کے دوران پاکستان اور بیلاروس تعلقات کے تمام پہلوؤں میں مثبت نمو پر اطمینان کا اظہار کیا اور باہمی فائدہ مند تعاون اور اقتصادی و تجارتی تعلقات کو مزید مضبوط بنانے کے عزم کا اعادہ کیا۔ وزیرِاعظم نے بیلا روس کے صدر کو حکومت پاکستان کی برآمدات پر مبنی نمو، عوامی مالیات کی مضبوطی اور دوست ممالک سے سرمایہ کاری کو راغب کرنے کے ذریعے پاکستان کی اقتصادی بحالی کی پالیسی کے بارے بتایا۔دونوں رہنماؤں نے عالمی اور علاقائی پیش رفت پر بھی تبادلہِ خیال کیا اور شنگھائی تعاون تنظیم (SCO) کے تحت کام کے مختلف پہلوؤں پر پیش رفت کا جائزہ لیا۔ وزیرِاعظم نے پرامن اور مستحکم خطے کے لیے پاکستان کی کوششوں اور خواہشات کا اظہار کیا۔

پاکستان-ترکیہ-آذربائیجان سہ فریقی سربراہی سمٹ کا افتتاحی اجلاس
قبل ازیں قازقستان میں شنگھائی تعاون تنظیم (SCO) سربراہی اجلاس کے موقع پر پاکستان-ترکیہ-آذربائیجان سہ فریقی سربراہی سمٹ کا افتتاحی اجلاس منعقد ہوا۔ سربراہی اجلاس میں وزیر اعظم محمد شہباز شریف، ترکیہ کے صدر عزت مآب رجب طیب اردوان اور جمہوریہ آذربائیجان کے صدر عزت مآب الہام حیدر علییف نے شرکت کی ، وزیراعظم محمد شہبازشریف نے سربراہی اجلاس کی سطح پر پاکستان-ترکیہ-آذربائیجان سہ فریقی سمٹ کے افتتاحی اجلاس کے انعقاد کا خیرمقدم کیا۔ انہوں نے اسے تینوں برادر مسلم ممالک کے درمیان سہ فریقی تعلقات کی پیشرفت قرار دیا جو باہمی دلچسپی کے معاملات اور مسائل پر یکساں نقطہء نظر رکھتے ہیں۔ وزیر اعظم نے اس بات پر زور دیا کہ پاکستان آذربائیجان اور ترکیہ کے ساتھ اپنے برادرانہ تعلقات کو گہری قدر کی نگاہ سے دیکھتا ہے جو کہ گہرے ثقافتی، تاریخی اور مذہبی رشتوں کے ساتھ ساتھ بنیادی مسائل پر ایک دوسرے کے لیے باہمی احترام اور حمایت پر مبنی ہیں۔ 2017 میں باکو میں ہونے والے تینوں ممالک کے وزرائے خارجہ کے پہلے سہ فریقی اجلاس کے بعد سے سیاسی، پارلیمانی اور دفاعی شعبوں میں سہ فریقی تعاون کو سراہتے ہوئے، انہوں نے سہ فریقی تعاون کو مزید مضبوط اور کثیر جہتی بنانے کے حوالے سے ترکیہ اور آذربائیجان کے ساتھ مل کر کام کرنے کے پاکستان کے عزم کا اعادہ کیا۔ اس حوالے سے وزیراعظم نے اقتصادی، توانائی، سیاحت، ثقافتی، تعلیمی، ٹیکنالوجی اور اختراع، صحت کی دیکھ بھال اور ماحولیاتی تعاون سمیت باہمی دلچسپی کے تمام شعبوں میں شراکت داری کی ضرورت پر زور دیا۔انہوں نے پاکستان-ترکیہ-آذربائیجان سہ فریقی اقتصادی اور تجارتی تعاون کو مزید مضبوط بنانے کے لیے اور خاص طور پر اقتصادی اور سرمایہ کاری کے شعبوں میں سہ فریقی ادارہ جاتی میکانزم قائم کرنے کی تجویز دی۔ تینوں ممالک کے درمیان دوستی کے مضبوط بندھن اور عوام سے عوام کے مضبوط روابط پر زور دیتے ہوئے وزیر اعظم نے ثقافت، سیاحت، اکادیمیہ کے ساتھ ساتھ سائنس اور ٹیکنالوجی کے شعبوں میں بھی تعاون پر زور دیا ، پاکستان، ترکیہ اور آذر بائیجان اس سے قبل وزرائے خارجہ، پارلیمنٹ کے اسپیکروں اور دفاعی عملے کی سطح پر سہ فریقی مشاورت کر چکے ہیں-

قبل ازیں شنگھائی تعاون تنظیم کے سربراہان مملکت کی کونسل کے اجلاس کے موقع پر وزیر اعظم پاکستان کی روس کے صدر سے ملاقات ہوئی ہے،ملاقات میں پاکستان روس بین الحکومتی تعاون کا اگلا اجلاس جلد ماسکو میں بلانے پر اتفاق کیا گیا،وزیراعظم نےدونوں ممالک کے درمیان بڑھتے ہوئے کثیر جہتی تعاون کو مزید وسعت دینے اور مضبوط کرنے کے لیے روس کے ساتھ مل کر کام کرنے کے عزم کا اعادہ کیا،وزیراعظم نے روسی صدر کو جلد از جلد پاکستان کا سرکاری دورہ کرنے کی دعوت دی،وزیراعظم محمد شہبازشریف اور رشین فیڈریشن کے صدر ولادیمیر وی پیوٹن کے درمیان آج آستانہ میں شنگھائی تعاون تنظیم (ایس سی او) کی سربراہی کونسل کے اجلاس کے موقع پر پرجوش اور خوشگوار ملاقات ہوئی۔ دونوں رہنماؤں نے تجارتی و اقتصادی تعلقات، توانائی کے شعبے ، اہم علاقائی اور عالمی امور پر خصوصی توجہ مرکوز کرتے ہوئے دو طرفہ تعلقات کا احاطہ کرتے ہوئے وسیع پیمانے پر تبادلہء خیال کیا۔ وزیراعظم نے روس کے ساتھ پاکستان کے تعلقات کی اہمیت پر روشنی ڈالی اور ان تعلقات کی مسلسل نمو پر اطمینان کا اظہار کیا جو کہ باہمی اعتماد اور افہام و تفہیم پر مبنی ہیں۔ وزیراعظم نے تجارت، توانائی، دفاع اور سلامتی سمیت باہمی فوائد کے تمام شعبوں میں دونوں ممالک کے درمیان بڑھتے ہوئے کثیر جہتی تعاون کو مزید وسعت دینے اور مضبوط کرنے کے لیے روس کے ساتھ مل کر کام کرنے کے عزم کا اعادہ کیا۔ملاقات میں پاکستان روس بین الحکومتی تعاون کا اگلا اجلاس جلد ماسکو میں بلانے پر اتفاق کیا گیا۔

آستانہ: وزیراعظم شہباز شریف کی روسی صدر ولادیمیر پوٹن سے ملاقات ہوئی ہے

ملاقات کے دوران دونوں رہنماؤں میں دو طرفہ تعلقات سمیت اہم امور پر تبادلہ خیال کیا گیا،وزیراعظم شہباز شریف کا کہنا تھا کہ صدر پیوٹن کو دوبارہ منتخب ہونے پر مبارکباد پیش کرتا ہوں، پاکستان کے روس کے ساتھ باہمی تعلقات ہیں، کئی برسوں میں دونوں ملکوں کے تعلقات مزید مستحکم ہوئے ہیں، آپ کے تجربےسے مزید فائدہ اٹھا کر تجارت کو بڑھانا چاہتے ہیں، دونوں ملکوں کی باہمی تجارت ایک ارب ڈالر کے قریب ہے، پاکستان روس کے ساتھ تعلقات کو مستقبل میں مزید بڑھانا چاہتا ہے، آج وہ وقت ہے کہ ہم تجارت کو بڑھا کر تعلقات کو مزید مستحکم کریں،پاکستان اور روس کے درمیان تعلقات کسی اور ملک کی وجہ سے متاثرنہیں ہوں گے،

دونوں ممالک کے درمیان تجارتی روابط کی بدولت دو طرفہ تعلقات میں مزید بہتری آئی ،روسی صدر
روسی صدر نے وزیراعظم پاکستان سے گفتگو کرتے ہوئے کہا کہ آپ سے دوبارہ مل کر بہت خوشی ہو رہی ہے، دو سال پہلے ہم شنگھائی تعاون تنظیم کے ہی اجلاس کے موقع پر سمر قند میں ملے تھے؛ ہم نے دو طرفہ امور کو آگے بڑھانے پر بات چیت کی تھی ،پاکستان اور روس کے درمیان بہترین تعلقات ہیں،دونوں ممالک کے درمیان تجارتی روابط کی بدولت دو طرفہ تعلقات میں مزید بہتری آئی ہے ،توانائی اور زراعت کے شعبوں میں ہم اپنے تعاون کو بڑھا سکتے ہیں ،غذائی تحفظ کے شعبے میں بھی پاکستان کے ساتھ تعاون بڑھائیں گے .

قبل ازیں وزیرِاعظم محمد شہباز شریف قازقستان کے دارالحکومت آستانہ پہنچے،آستانہ کے نور سلطان نذر بائیوف بین الاقوامی ہوائی اڈے پر قازقستان کے وزیرِاعظم اولہاز بیکٹونوف، قازقستان کے نائب وزیرِاعظم علی بیک بیکایوف، آستانہ شہر کے میئر زہینس قاسم بیک، قازقستان میں تعینات پاکستان کے سفیر نعمان بشیر اور دیگر سفارتی عملے نے وزیرِاعظم کا استقبال کیا۔وزیرِاعظم 3 اور 4 جولائی 2024 کو آستانہ، قازقستان میں شنگھائی تعاون تنظیم کونسل آف ہیڈز آف اسٹیٹ اجلاس (CHS) اور ایس سی او پلس SCO Plus کے سربراہی اجلاسوں میں شرکت کریں گے۔وزیرِاعظم سربراہی اجلاس کے موقع پر شریک رہنماؤں سے ملاقاتیں بھی کریں گے۔

شنگھائی تعاون تنظیم کے سربراہان کی کونسل کے اجلاس میں وزیرِاعظم اہم علاقائی اور عالمی مسائل پر پاکستان کے نقطہِ نظر پیش کریں گے۔ وزیرِاعظم ایس سی او پلس سمٹ سے بھی خطاب کریں گے.وزیرِاعظم اہم علاقائی اور عالمی مسائل پر پاکستان کے مؤقف سے آگاہ کریں گے۔ وزیرِاعظم ایس سی او خطے کے لوگوں کی فلاح و بہبود کے حوالے سے شنگھائی تعاون تنظیم کی اہمیت کو اجاگر کریں گے۔وزیرِاعظم سربراہی اجلاس کے موقع پر شریک رہنماؤں سے ملاقاتیں بھی کریں گے۔آج پاکستان، ترکیہ اور آذربائیجان کے مابین سہ فریقی بات چیت کا دور کا دور ہو گا جس میں وزیرِاعظم کی شرکت بھی متوقع ہے۔وزیرِاعظم آج شنگھائی تعاون تنظیم کے رکن ممالک کے سربراہان کے اعزاز میں قازقستان کے صدر عزت مآب قاسم جومارت توکائیوف کی جانب سے دیئے جانے والے عشائیے میں بھی شرکت کریں گے۔

وزیرِاعظم شہباز شریف سے تاجکستان کی پارلیمنٹ کے ایوانِ زیریں کے چیئرمین کی ملاقات
قبل ازیں وزیرِاعظم محمد شہباز شریف سے تاجکستان کی پارلیمنٹ کے ایوانِ زیریں کے چیئرمین کی ملاقات ہوئی ہے،تاجکستان کی مجلس اولیٰ (تاجک پارلیمنٹ) کی مجلسی نموینداگون (ایوانِ زیریں) کے چیئرمین جناب محمد طائر زاکر زادہ نے آج دوشنبہ میں وزیرِاعظم محمد شہباز شریف سے ملاقات کی۔ملاقات کے دوران دونوں رہنماؤں نے دوطرفہ تعلقات کی موجودہ صورتحال پر تبادلہ خیال کیا۔ انہوں نے دونوں ممالک کے درمیان پارلیمانی سطح پر تعاون کے حوالے اطمینان کا اظہار کیا اور دوطرفہ تعلقات کو مزید بڑھانے کے لیے پہلے سے قائم پارلیمانی فرینڈشپ گروپس اور باقاعدہ پارلیمانی تبادلوں کو مضبوط کرنے پر اتفاق کیا۔وزیرِاعظم نے اس بات پر زور دیا کہ اراکینِ پارلیمنٹ دونوں ممالک کی عوام کو قریب لانے میں اہم کردار ادا کرتے ہیں۔ دونوں رہنماؤں نے پاکستان اور تاجکستان کے اراکینِ پارلیمنٹ کی مسلسل بات چیت اور روابط کی اہمیت پر زور دیا۔وزیرِاعظم نے جمہوریہ تاجکستان کے آئین کی 30 ویں سالگرہ پر چیئرمین کو مبارکباد بھی دی۔ وزیراعظم تاجکستان کے صدر عزت مآب امام علی رحمٰن کی دعوت پر تاجکستان کے دو روزہ سرکاری دورے پر تاجکستان کے دارالحکومت دوشنبہ میں ہیں۔

وزیراعظم شہباز شریف2سے6جولائی آذربائیجان،قازقستان کا دورہ کریں گے۔آستانہ میں شنگھائی تعاون تنظیم اجلاس سے خطاب کریں گے،

وزیراعظم شہباز شریف اس دورے کے دوران روسی صدر پیوٹن اور چینی صدر سے ملاقات کریں گے،وزیراعظم شہباز شریف کے ہمراہ نائب وزیر اعظم، وزیر خارجہ اسحاق ڈار سمیت کابینہ کا وفد بھی شامل ہو گا، قازقستان کے دارالحکومت آستانہ میں 2 سے 3 جولائی تک کانفرنس ہو گی، اس دوران وزیراعظم کی جہاں‌اہم ملاقاتیں ہوں گی وہیں وزیر خارجہ اسحاق ڈار بھی کی اہم ملاقاتیں ہوں گی، آستانہ کانفرنس میں بھارتی وزیراعظم مودی نے بھی شریک ہونا تھا تا ہم مودی کانفرنس میں جا نہیں رہے،مودی کی نمائندگی بھارتی وزیر خارجہ کریں گے، 2 سے 3 جولائی تک ہونے والی آستانہ کانفرنس کے موقع پر الگ سے بہت سی سفارتی سرگرمیاں ہوں گی۔

2005 میں پاکستان اور بھارت آستانہ میں سربراہ کانفرنس کے دوران تنظیم کے آبزرور بنے تھے، 2017 میں آستانہ میں دونوں ممالک شنگھائی تعاون تنظیم کے باقائدہ رکن بنے تھے۔

پاکستانی میڈیا میں یہ خبریں آئی تھیں کی پاکستانی اور بھارتی وزیراعظم کی کانفرنس کے موقع پر ملاقات ہو گی تا ہم بھارتی وزیراعظم کانفرنس میں شریک نہیں ہو رہے، بھارتی وزیر خارجہ اور پاکستانی وزیر خارجہ کی ملاقات متوقع ہو سکتی ہے.

امریکی ایوان نمائندگان میں قرارداد،پاکستان کے خلاف آپریشن گولڈ اسمتھ کی ایک کڑی

آپریشن گولڈ سمتھ کے حوالہ سے سینئر صحافی و اینکر پرسن مبشر لقمان نے ایک وی لاگ میں انکشافات کیے تھے اور کہا تھا کہ اب آپریشن گولڈ سمتھ جو ہے چڑیل کی خبر کے مطابق وہ لانج ہو گیا ہے

امریکی قرارداد پاکستان کے سیاسی حالات سے ناواقفیت پر مبنی ہے،ترجمان دفتر خارجہ

گولڈسمتھ 2.0 کے حصے کے طور پر قرارداد 901 پاکستان کو کمزور کرنے کی کوشش

امریکی قرارداد مسترد، وزیر خارجہ کا مقابلے میں قرارداد لانے کا اعلان

قراردار پر پاکستان نے امریکا کو اپنے تحفظات سے آگاہ کردیا ہے،ترجمان دفتر خارجہ