Tag: شہباز شریف

خصوصی سرمایہ کاری سہولت کونسل نے سعودی عرب کو پاکستان کی قومی ائیر لائن پی آئی اے اور ائیرپورٹس کی نجکاری میں جوائنٹ وینچر کی پیشکش کردی ہے

وزیر اعظم شہباز شریف کی زیرصدارت خصوصی سرمایہ کاری سہولت کونسل کی ایپکس کمیٹی کا اجلاس ہوا جس دوران سعودی وفد نے ایپکس کمیٹی سے ملاقات کی جس میں آرمی چیف جنرل عاصم منیر بھی خصوصی طور پر شریک تھے،وزیراعظم شہباز شریف نے سعودی مہمانوں کا استقبال کیا جب کہ اس دوران ایس آئی ایف سی ایپکس کمیٹی نے سعودی وفد کو سرمایہ کاری منصوبوں پر بریفنگ بھی دی، سعودی وفد کو پی آئی اے اور ائیرپورٹس کی نجکاری میں جوائنٹ وینچرکی پیشکش کی گئی ہے ، سعودی وفد کو اسلام آباد میں 2 فائیو اسٹار ہوٹلزکی نجکاری میں بھی جوائنٹ وینچرکی پیشکش کی گئی، ہوٹلز کیلئے زمین سی ڈی اے کی ہوگی جب کہ سرمایہ کاری سعودی حکومت کرےگی، وفد کو تجویز دی گئی کہ سعودی حکومت چاہے تو خود ہوٹل بنا کر چلائے، اجلاس میں وفد کو مٹیاری ٹرانسمیشن لائن اور فرسٹ ویمن بینک کی بھی آفر کی گئی،سعودی وفد نے خصوصی سرمایہ کاری سہولت کونسل کے قیام کو خوش آئند قراردیا

برادرانہ تعلقات کو مضبوط شراکت داری میں بدلنے کی ضرورت ہے،اسحاق ڈار
خصوصی سرمایہ کاری سہولت کونسل کے اجلاس سے خطاب کرتے ہوئے وفاقی وزیر خارجہ اسحاق ڈارکا کہنا تھا کہ پاکستان اور سعودی عرب کے تعاون سے بہترین نتائج کی امید ہے، برادرانہ تعلقات کو مضبوط شراکت داری میں بدلنے کی ضرورت ہے،پاکستان سرمایہ کاری کیلیے بہترین مواقع فراہم کرے گا، پاکستان میں سونا، تانبا اور دیگر قیمتی معدنیات کے ذخائر ہیں ، مائننگ سیکٹر سے پورا فائدہ نہیں اٹھایا جا سکاہے، آئی ٹی اور کان کنی کے شعبے میں تعاون دونوں ملکوں کے لیے مفید ہے

وزیراعظم سے سعودی وزیر خارجہ کی قیادت میں وفد کی ملاقات
سعودی وزیرِ خارجہ شہزادہ فیصل بن فرحان آل سعود نے اعلیٰ سطح وفد کے ہمراہ وزیرِ اعظم شہباز شریف سے ملاقات کی ہے۔وفد میں سعودی نائب وزیرِ برائے سرمایہ کاری عزت مآب انجینئیر ابراہیم بن یوسف المبارک، سعودی وزیر برائے ماحولیات، آبی وسائل و زراعت عزت مآب انجینیئر عبدالرحمن بن عبدلامحسن آلفضلی، سعودی وزیرِ صنعت و معدنی وسائل عزت مآب انجینیئر بندر بن ابراہیم بن عبداللہ آلخریف اور اعلی سعودی حکام و سفارتی اہلکار شامل تھے،

ملاقات میں وزیرِ اعظم نے وفد کا پاکستان آمد پر خیر مقدم کیا اور سعودی قیادت، خادم الحرمین شریفین عزت مآب سلمان بن عبدالعزیز آل سعود اور شہزادہ محمد بن سلمان آل سعود کیلئے نیک خواہشات کا پیغام دیا. وزیراعظم شہباز شریف کا کہنا تھا کہ پاکستان اور سعودیہ عرب کے مابین دیرینہ برادرانہ تعلقات ہیں جسکی نظیر نہیں ملتی. سعودی عرب نے مشکل وقت میں ہمیشہ پاکستان کا ساتھ دیا. عید الفطر کے فوری بعد سعودی وفد کا دورہء پاکستان خوش آئند ہے. دورہ، پاکستان سعودیہ اسٹریٹجک و تجارتی شراکت داری کے نئے دور کا آغاز ہے. پاکستان، دونوں ممالک کے مابین تجارت اور سرمایہ کاری کے شعبوں تعاون کے مزید فروغ کا خواہاں ہے. پاکستان بیرونی سرمایہ کاری کے فروغ اور برادر ممالک سے شراکت داری کو باہمی طور پر مفید بنانے کیلئے اقدامات اٹھا رہا ہے. پاکستان سعودی عرب کی جانب سے سرمایہ کاری بڑھانے پر سعودی قیادت کا مشکور ہے.

ملاقات میں وزیرِ اعظم نے سعودی وفد کو پاکستان میں سرمایہ کاری کی وسیع استعداد کے حوالے سے آگاہ کیا.وزیرِ اعظم نے سعودی ولی عہد عزت مآب شہزادہ محمد بن سلمان کو پاکستان کے دورے کی دعوت کا پیغام دیا.وزیراعظم شہباز شریف کا کہنا تھا کہ پاکستانی عوام ولی عہد عزت مآب شہزادہ محمد بن سلمان کے دورہ پاکستان کی منتظر ہے.وفد نے وزیرِ اعظم کا پاکستان کی جانب سے پرتپاک استقبال اور مہمان نوازی پر شکریہ ادا کیا.سعودی وزیرِ خارجہ عزت مآب شہزاد فیصل بن فرحال آل سعود نے پاکستان سعودیہ تعلقات کی مضبوطی، تجارتی و سرمایہ کاری شراکت داری کو مزید فروغ دینے کیلئے سعودی عزم کا اعادہ کیا. ملاقات میں دونوں ممالک کے مابین مختلف شعبوں میں تعاون و سرمایہ کاری کے فروغ کے حوالے سے گفتگو ہوئی. وزیرِ اعظم نے وفد کو خصوصی سرمایہ کاری سہولت کونسل اور اسکے ملک میں سرمایہ کاری کے فروغ کیلئے اقدامات سے بھی آگاہ کیا. وزیرِ اعظم نے خصوصی سرمایہ کاری سہولت کونسل میں ملک میں سرمایہ کاری کے فروغ کیلئے تمام اداروں کے تعاون اور چیف آف آرمی اسٹاف جنرل سید عاصم منیر کے کلیدی کردار پر بھی روشنی ڈالی.

سعودی وفد کا دورہ پاکستان، وزیرِ اعظم محمد شہباز شریف کے حالیہ دورہءِ سعودی عرب کے تناظر میں ہو رہا ہے.ملاقات میں فلسطین کے مقبوضہ علاقوں کی بگڑتی ہوئی صورتحال پر بھی گفتگو ہوئی. ملاقات میں وفاقی وزراء اسحاق ڈار، خواجہ محمد آصف، سید محسن رضا نقوی، جام کمال خان، رانا تنویر حسین، عبدالعلیم خان، ڈاکٹر مصدق ملک، سردار اویس خان لغاری، ڈپٹی چیئرمین پلاننگ محمد جہانزیب خان، رکن قومی اسمبلی رومینہ خورشید عالم اور حکومتی حکام بھی شامل تھے

سعودی ولی عہد کا آئندہ ماہ پاکستان کا دورہ متوقع

وزیراعظم اور وزیراعلیٰ کا عام پرواز میں‌سفر،مسافروں کو ملی اذیت،پی آئی اے کو بھی نقصان

وزیراعظم شہباز شریف سعودی عرب کا 3 روزہ دورہ مکمل 

شہزادہ محمد بن سلمان کا وزیراعظم پاکستان میاں محمد شہباز شریف کو افطار کی خصوصی دعوت

وزیراعظم کی روضہ رسول ﷺ پر حاضری ،ملک و قوم اورفلسطین کیلئے خصوصی دعائیں کی

صدر مملکت سے سعودی وزیر خارجہ کی ملاقات
صدر مملکت آصف علی زرداری اور سعودی وزیر خارجہ شہزادہ فیصل بن فرحان میں ملاقات ہوئی، صدر مملکت آصف زرداری کا کہنا ہے کہ پاکستان اور سعودی عرب کے درمیان دیرینہ اور دہائیوں پرانے تعلقات ہیں ، پاکستان سعودی عرب کے ساتھ موجودہ تعلقات کو طویل المدتی تزویراتی اور اقتصادی شراکت داری میں بدلنا چاہتا ہے، پاکستانی حکومت اور عوام خادمین حرمین شریفین کے لئے انتہائی احترام کے جذبات رکھتے ہیں،پاکستان سعودی عرب کے ساتھ کھڑا رہے گا، اسلامی دنیا کی خوشحالی سعودی عرب کی ترقی سے وابستہ ہے،صدر مملکت آصف زرداری نے سعودی ولی عہد اور وزیر اعظم محمد بن سلمان کی جرات مندانہ اور دور اندیش قیادت اور ویژن 2030 کے تحت ہونے والی قابل ذکر پیش رفت کو سراہا،اس موقع پر سعودی وزیر خارجہ کا کہنا تھا کہ سعودی عرب پاکستان کے ساتھ تعلقات کو انتہائی اہمیت دیتا ہے ، سعودی عرب پاکستان کے ساتھ مضبوط شراکت داری قائم کرنے کے لئے پرعزم ہے،پاکستان اور سعودی عرب کے مابین مضبوط تعلقات ہیں ، کئی دہائیوں سے ایک دوسرے کی مدد کرتے آئے ہیں،سعودی وزیر خارجہ نے سعودی عرب کی ترقی میں پاکستانی تارکین وطن کے کردار کو سراہا،فریقین نے علاقائی صورتحال ، مشرق وسطیٰ میں حالیہ پیش رفت پر بھی تبادلہ خیال کیا،دونوں ممالک نے فوری اور غیر مشروط جنگ بندی اور غزہ میں اسرائیلی مظالم بند کرنے پر زور دیا،فریقین نے دو طرفہ اہمیت کے امور اور امت مسلمہ کو درپیش چیلنجز پر بھی تبادلہ خیال کیا۔

سعودی عرب پاکستان کے ساتھ تعلقات کو انتہائی اہمیت دیتا ہے،سعودی وزیر خارجہ
ملاقات میں سعودی وزراء برائے پانی و زراعت، صنعت و معدنی وسائل، سرمایہ کاری، سعودی خصوصی کمیٹی کے سربراہ اور وزارت توانائی اور سعودی پبلک انویسٹمنٹ فنڈ کے اعلیٰ حکام بھی موجود تھے۔ پیپلز پارٹی کے چیئرمین بلاول بھٹو زرداری، وزیرخارجہ محمد اسحاق ڈار، وزیر نجکاری اور سرمایہ کاری بورڈعبدالعلیم خان، وزیر پیٹرولیم اور آبی وسائل مصدق مسعود ملک، وزیر صنعت و پیداوار رانا تنویر حسین اور اعلیٰ سرکاری حکام نے بھی شرکت کی۔

سعودی اعلیٰ سطحی وفد کے دورہ پاکستان سے اربوں ڈالر کی سرمایہ کاری کی راہ ہموار ہوگی،سینیٹر ظفر اقبال
پاکستان انڈسٹریل اینڈ ٹریڈرزایسویشن فرنٹ پیاف کے چیئرمین سینٹر ظفر اقبال چوہدری سینیئر وائس چیئرمین ہارون شفیق چوہدری، وائس چیئرمین راجہ عدیل اشفاق نے اپنا مشترکہ بیان میں سعودی عرب کے اعلیٰ سطحی وفد کے دو روزہ دورہ پاکستان کو خوش آئند قرار دیتے ہوئے کہا ہے کہ اس دورہ سے سعودی عرب کی طرف سے پاکستان میں اربوں ڈالر کی سرمایہ کاری کی راہ ہموار ہوگی۔سعودی وفد پاکستان میں قیام کے دوران سرمایہ کاری کے مواقع کا جائزہ لے گا اور زراعت،تجارت،توانائی،معدنیات،آئی ٹی،ٹرانسپورٹ میں سرمایہ کاری کیلئے مختلف معاہدوں اور مفاہمی یاداشتوں پر دستخط ہونگے، سعودی ارب کی پاکستان میں اربوں ڈالر سرمایہ کاری سے ملک میں معاشی استحکام آئے گا۔ پاکستان میں سعودی عرب کی سرمایہ کاری سے ملکی معیشت کو سہار املے گا، ملک میں غیر ملکی سرمایہ کاری بڑھے گی اور ملکی معیشت مستحکم ہوگی۔ پیاف رہنماؤں نے کہا کہ سرمایہ کاری کیلئے کاوشوں پر وزیراعظم پاکستان میاں شہباز شریف، چیف آف آرمی سٹاف جنرل عاصم منیر کی کاوشیں قابل تحسین ہیں جن کی کوششوں سے سعودی عرب ملک کے اندر بھاری سرمایہ کاری کی طرف راغب ہوا ہے ان خیالات کا اظہار انہوں نے صنعتکاروں کے وفود سے گفتگو کرتے ہوئے کیا۔راجہ عدیل اشفا ق نے کہا کہ پاکستان سعودیہ میں باہمی شراکت داری کو مزید متحرک کرنے سے معاشی سرگرمیاں بڑھیں گی ملک میں نئی انڈسٹریز کا قیام عمل میں آئے گا جس سے روزگار کے لاکھوں مواقعوں سے بے روزگاری کا خاتمہ ہوگا اور ملک خوشحالی و ترقی کی راہوں پر گامزن ہوگا

تنازعات کی ضرورت نہیں، کشیدگی کو کم اور بات چیت پر زور دیا جائے۔سعودی وزیر خارجہ
سعودی وزیر خارجہ شہزادہ فیصل بن فرحان نے کہا ہے کہ چند ماہ میں پاکستان میں سعودی سرمایہ کاری کی طرف پیشرفت ہوگی،اسلام آباد میں و زیر خارجہ اسحاق ڈار کے ہمراہ پریس بریفنگ میں سعودی وزیر خارجہ فیصل بن فرحان کا کہنا تھا کہ پاکستان میں سعودی وفد کی شاندار مہمان نوازی کرنے پر مشکور ہیں، آج کی ملاقاتوں میں دونوں ملکوں کے اسٹریٹیجک ایشوز پر بات چیت کی گئی، پاکستان میں سرمایہ کاری کے مواقع دیکھ کر بہت متاثر ہوا ہوں، آئندہ چند ماہ میں پاکستان میں سعودی سرمایہ کاری کی طرف پیشرفت ہوگی،ایس آئی ایف سی پر تفصیلی بریفنگ دی گئی ہے ،نئی اپروچ ہمیں پسند آئی ہے، جس سے ہمیں اعتماد ملا ہےدورہ وزیر اعظم اور سعودی ولی عہد کے درمیان ملاقات کا نتیجہ ہے، محمد بن سلمان کی ہدایت پر ہی دورہ پاکستان کررہے ہیں،پاکستان میں سرمایہ کاری بڑھانے کے مواقع موجود ہیں، ہم معاشی ترقی اور علاقے کی سیکیورٹی کے لئے ملکر کام کریں گے، ہم اس دورے سے پرامید ہیں، پاکستان اور سعودی عرب میں تعمیری گفتگو ہوئی اس کا فالو اپ کریں گے، پاکستان کی ترقی میں بھرپور کردار ادا کریں گے، سعودی عرب کو باضابطہ طور پر آئی سی ایف سی سے متعلق آگاہ کیا گیا ،ایران کے بارے میں سعودی وزیر خارجہ کا کہنا تھا کہ ہم پہلے ہی ایک غیر مستحکم خطے میں ہیں، ہمیں مزید تنازعات کی ضرورت نہیں، وقت کی ضرورت ہے کہ کشیدگی کو کم کیا جائے اور بات چیت پر زور دیا جائے۔

پاکستان سعودی سرمایہ کاروں کو مکمل تحفظ اور تعاون فراہم کرے گا،اسحاق ڈار
اس موقع پر پاکستانی وزیر خارجہ اسحاق ڈار کا کہنا تھا کہ سعودی وفد کی آمد پر انتہائی خوشی ہوئی، اتنا اعلیٰ سطح کا سعودی وفد 35 برس میں پاکستان آیا ہے، سعودی ولی عہد محمد بن سلمان کے مشکور ہیں، پاکستانی حکومت اور عوام میں سعودی عرب کا احترام ہے،سعودی قیادت کی پاکستان میں سرمایہ کاری بڑھانے میں دلچسپی پر شکر گزار ہیں، ایس آئی ایف سی پلیٹ فارم کے ذریعے پاکستان سرمایہ کاری بڑھانا چاہتا ہے،پاکستان سرمایہ کاری کا مرکز بننا چاہتا ہے، پاکستان سعودی سرمایہ کاروں کو مکمل تحفظ اور تعاون فراہم کرے گا،

وزیراعظم شہباز شریف سے روسی سفیر کی ملاقات ہوئی ہے

اسلام آباد میں روس کے سفیر البرٹ پی خوریف نے وزیراعظم شہباز شریف سے ملاقات کی،وزیراعظم شہباز شریف نے روس کے صدر ولادیمیر پیوٹن کو دوبارہ منتخب ہونے پر مبارکباد دی اور ماسکو سٹی ہال حملے میں قیمتی جانوں کے ضیاع پر دکھ کا اظہار کیا،وزیراعظم شہباز شریف کا کہنا تھا کہ پاکستان اس المناک گھڑی میں روس کے ساتھ کھڑا ہے۔

وزیراعظم شہباز شریف نے پاکستانی ہم منصبوں کے ساتھ بات چیت کے لیے ایک وفد پاکستان بھیجنے پر زور دیا تاکہ دونوں ممالک کے درمیان تجارتی اور سرمایہ کاری کے تعلقات کو بڑھانے کے طریقوں کی نشاندہی کی جا سکے،ملاقات میں وزیراعظم نے دونوں ممالک کے درمیان تاریخی دوستانہ تعلقات کا ذکر بھی کیا۔

ملاقات میں روسی سفیر نے وزیراعظم کو یقین دلایا کہ روس پاکستان کے ساتھ مضبوط تعلقات استوار کرنا چاہتا ہے، روسی سفیر کا کہنا تھا کہ توانائی، تجارت اور سرمایہ کاری کے علاوہ روس تعلیم اور ثقافت میں بھی تعاون بڑھانے کا خواہاں ہے،

امریکہ پاکستان کے ساتھ کھڑا رہے گا،امریکی صدر کا شہباز شریف کو خط

چین کا پاکستان سے دہشت گردانہ حملے کی جلد از جلد جامع تحقیقات کا مطالبہ

بشام واقعہ تحقیقات کیلئے مشترکہ تحقیقاتی ٹیم بنانے پر اتفاق ہوا،عطا تارڑ

امریکہ نے پاکستان میں چینی شہریوں پر حملے کی شدید مذمت کی ہے

وفاقی وزیرداخلہ محسن نقوی شانگلہ میں دھماکے کے فوری بعد چینی سفارت خانے پہنچ گئے،

چین نے شانگلہ میں گاڑی پر حملے میں اپنے باشندوں کی ہلاکت پر مکمل تحقیقات کا مطالبہ کردیا۔

پاک فوج نے بشام میں چینی شہریوں سمیت 6 بے گناہ افراد کی ہلاکت کی مذمت کی 

شانگلہ میں گاڑی پر خودکش حملہ، 5 چینی باشندوں سمیت 6 افراد ہلاک

وزیر اعظم شہباز شریف کو امریکی صدر جو بائیڈن کا خط موصول ہوا ہے

امریکی صدر جوبائیڈن نے پاکستانی وزیراعظم شہباز شریف کو خط لکھ دیا ہے، خط میں امریکی صدر جوبائیڈن کا کہنا تھا کہ اہم چیلنجز کا سامنا کرنے میں امریکہ پاکستان کے ساتھ کھڑا رہے گا، دونوں ممالک کے عوام میں شراکت داری دنیا اور ہمارے عوام کی سلامتی یقینی بنانے میں اہم ہے، امریکہ پاکستان کے ساتھ کھڑا رہے گا،

امریکی صدر جو بائیڈن نے وزیراعظم شہباز شریف کو خط میں وزارت عظمیٰ کا عہدہ سنبھالنے پر مبارکباد دی اور نیک تمناؤں کا اظہار کیا،امریکی صدر نےوزیراعظم شہبازشریف کو معاشی،صحت،تعلیم کے شعبوں میں مکمل تعاون کی یقین دہانی کروائی اورپاک امریکہ اتحاد کو مزید مضبوط کرنے کا عزم کیا.

وزیراعظم شہباز شریف کے منصب سنبھالنے کے بعد امریکی صدر کا یہ پہلا خط ہے،امریکی صدر جوبائیڈن کا خط میں کہنا تھا کہ دونوں ممالک کے عوام کے درمیان شراکت داری دنیا اور ہمارے عوام کی سلامتی یقینی بنانے میں نہایت اہم ہے ،دنیا اور خطے کو درپیش وقت کے اہم ترین چیلنجز کا سامنا کرنے میں امریکہ پاکستان کے ساتھ کھڑا رہے گا ،صحت عامہ کا تحفظ، معاشی ترقی اور سب کے لئے تعلیم مشترکہ وژن ہے جسے مل کر فروغ دیتے رہیں گے امریکہ پاکستان گرین الائنس فریم ورک سے ماحولیاتی بہتری کے لئے ہم اپنے اتحاد کو مزید مضبوط کریں گے، پائیدار زرعی ترقی، آبی انتظام اور 2022 کے سیلاب کے تباہ کن اثرات سے بحالی میں پاکستان کی معاونت جاری رکھیں گے،پاکستان کے ساتھ مل کرانسانی حقوق کے تحفظ اور ترقی کے فروغ کے لئے پرعزم ہیں، دونوں اقوام کے درمیان استوارمضبوط پارٹنرشپ کو تقویت دیں گے ، دونوں ممالک کے عوام کے درمیان استوار قریبی رشتے مزید مضبوط بنائیں گے.

چین کا پاکستان سے دہشت گردانہ حملے کی جلد از جلد جامع تحقیقات کا مطالبہ

بشام واقعہ تحقیقات کیلئے مشترکہ تحقیقاتی ٹیم بنانے پر اتفاق ہوا،عطا تارڑ

امریکہ نے پاکستان میں چینی شہریوں پر حملے کی شدید مذمت کی ہے

وفاقی وزیرداخلہ محسن نقوی شانگلہ میں دھماکے کے فوری بعد چینی سفارت خانے پہنچ گئے،

چین نے شانگلہ میں گاڑی پر حملے میں اپنے باشندوں کی ہلاکت پر مکمل تحقیقات کا مطالبہ کردیا۔

پاک فوج نے بشام میں چینی شہریوں سمیت 6 بے گناہ افراد کی ہلاکت کی مذمت کی 

شانگلہ میں گاڑی پر خودکش حملہ، 5 چینی باشندوں سمیت 6 افراد ہلاک

وزیر اعظم شہبا زشریف سپریم کورٹ پہنچ گئے

وزیراعظم اور چیف جسٹس آف پاکستان قاضی فائز عیسیٰ کی ملاقات ہوئی، ملاقات میں وزیر قانون اعظم نزیر تارڑ اور اٹارنی جنرل آف پاکستان بیرسٹر منصور اعوان بھی شامل ہیں،جسٹس منصور شاہ بھی ملاقات میں موجودتھے، وزیراعظم شہباز شریف ججز گیٹ سے داخل ہوئے۔ملاقات میں اسلام آباد ہائیکورٹ کے چھ ججز کی جانب سے سپریم جوڈیشل کونسل کو لکھے گئے خط کے حوالہ سے غور و خوض کیا گیا، وزیراعظم شہباز شریف اور چیف جسٹس قاضی فائز عیسیٰ کے درمیان ملاقات ختم ہو گئی،وزیراعظم سپریم کورٹ سے روانہ ہو گئے

شہباز شریف کیساتھ چیف جسٹس قاضی فائز عیسیٰ کی ملاقات غیر آئینی اور دھوکہ ہے،اعتزاز احسن
دوسری جانب پیپلز پارٹی کے رہنما ممتاز قانوندان اعتراز احسن کا کہنا ہے کہ شہباز شریف کیساتھ چیف جسٹس قاضی فائز عیسیٰ کی ملاقات غیر آئینی اور دھوکہ ہے اس موڑ پہ ملنا جب 6 ججز نے انکی اور خفیہ ایجنسیوں کی مداخلت کے بارے میں انکو خط لکھا ہے،چھ ججز کے خط پر چیف جسٹس کو سوموٹو لینا چاہیے یہ معاملہ بہت سنگین ہے چیف جسٹس کی ذمہ داری ہے ججز کو تحفظ دیں- اگر اس معاملے کو ایسے ہی چھوڑ دیا تو پھر جو فیصلہ آئے گا دنیا بولے گی انکی عدالتیں اداروں کے کہنے پر فیصلہ کرتی ہیں-

اسلام آباد ہائیکورٹ ججز کی جانب سے لکھے گئے خط پر سپریم کورٹ کا فل کورٹ اجلاس گزشتہ روز چیف جسٹس قاضی فائز عیسیٰ کی زیر صدارت دو گھنٹے سے زائد جاری رہنے کے بعد ختم ہو ا،یہ بیٹھک آج دوبارہ ہوگی،جس میں اسلام آباد ہائیکورٹ کے ججز کے خط اور اس کے بعد پیدا ہونے والی صورت حال کی آئینی و قانونی حیثیت پر غور کیا جائے گا-

واضح رہے کہ اسلام آباد ہائی کورٹ کے 6 ججز نے سپریم جوڈیشل کونسل کو خط لکھ کر مطالبہ کیا ہے کہ ہم جسٹس ریٹائرڈ شوکت عزیز صدیقی کے تحقیقات کرانے کے مؤقف کی مکمل حمایت کرتے ہیں، اگر عدلیہ کی آزادی میں مداخلت ہو رہی تھی تو عدلیہ کی آزادی کو انڈر ما ئن کرنے والے کون تھے؟ ان کی معاونت کس نے کی؟ سب کو جوابدہ کیا جائے تاکہ یہ عمل دہرایا نہ جا سکے، ججز کے کوڈ آف کنڈکٹ میں کوئی رہنمائی نہیں کہ ایسی صورتحال کو کیسے رپورٹ کریں۔خط میں ججز نے سپریم جوڈیشل کونسل سے رہ نمائی مانگی ہے، پوچھا ہے کہ ایگزیکٹو بشمول انٹیلی جنس ایجنسیز ارکان کی کارروائیوں پر رپورٹ اور ردعمل سے متعلق جج کی کیا ڈیوٹی ہے؟ یہ کارروائیاں ایک جج کے سرکاری کام میں مداخلت کے برابر ہیں۔

اسلام آباد ہائیکورٹ ججز کے خط پر چیف جسٹس کی زیر صدارت اجلاس ختم

ایسا لگتا تحریک انصاف کے اشارے پر ججز نے خط لکھا،سپریم کورٹ میں درخواست دائر

ججزکا خط،اسلام آباد ،لاہور ہائیکورٹ بار،اسلام آبا بار،بلوچستان بار کا ردعمل

عدالتی معاملات میں مداخلت، اسلام آباد ہائیکورٹ کے ججز کا سپریم جوڈیشل کونسل کو خط

ججز کا خط،انکوائری ہو،سپریم کورٹ میں اوپن سماعت کی جائے، بیرسٹر گوہر

ججز کا خط ،پاکستان بار کونسل کا انکوائری کا مطالبہ

ایچی سن کالج، قواعد و ضوابط کی دھجیاں اڑا دی گئیں، وزیراعظم کے قریبی دوست اور سابق وفاقی وزیر احد چیمہ کے بیٹوں کی فیس بورڈ آف گورنرکے اجلاس کے بغیر ہی معاف کر دی گئیں، گورنر پنجاب بلیغ الرحمان نے اپنے اختیارات استعمال کرتے ہوئے ہدایت نامہ جاری کر دیا

لاہور کے معروف تعلیمی ادارے ایچی سن کالج میں سیکنڈل سامنے آیاہے، وزیراعظم کا قریبی دوست ہونے کا فائدہ دوست کے بچوں کو بھی مل گیا، ایچی سن کالج میں وزیراعظم شہباز شریف کے انتہائی قریبی دوست،اور سابق وفاقی وزیر احد چیمہ کے بیٹوں کی فیسیں معاف کی گئی ہیں، باخبر ذرائع کے مطابق اس ضمن میں ایچی سن کالج کے بورڈ آف گورنر کا اجلاس نہ ہوا اور نہ ہی بورڈ آف گورنر کے اراکین سے مشاورت کی گئی، گورنرپنجاب میاں بلیغ الرحمان جن کا تعلق مسلم لیگ ن سے ہے، انہوں نے وزیراعظم شہباز شریف کے احکامات پر احد چیمہ کے بیٹوں کی فیسیں معاف کرنے کا حکم جاری کر دیا ہے، احد چیمہ کے بیٹوں عیسیٰ احد چیمہ اور مصطفیٰ احد چیمہ کے لئے فیس معافی کی حکم نامہ گورنر پنجاب نے جاری کیاہے

بچوں کی فیس معافی کی درخواست احد چیمہ کی اہلیہ صائمہ نے دی تھی، صائمہ نے درخواست ایچی سن کالج کو دی ، درخواست پر غور کے لئے بورڈ آف گورنر کے کئی اجلاس ہوئے جس میں فیس معافی کی درخواست پر غور کیا گیا تا ہم کوئی حتمی فیصلہ نہ ہو سکا جس کے بعد گورنر پنجاب نے خود ایکشن لیا اور احد چیمہ کی اہلیہ کی درخواست منظور کرتے ہوئے ان کے دو بیٹوں کی فیس معاف کر دی،گورنر پنجاب نے بورڈ آف گورنرز سے حتمی مشاورت کے بغیر نوٹس لیتے ہوئے اس خود فیصلہ لیا ،اگرچہ کالج کے پرنسپل اور بورڈ آف گورنر کے اراکین اس بات پر متفق نہیں تھے کہ بچوں کی فیس معاف کی جائے،

ایچ سن کالج میں گورنر پنجاب کے اس فیصلے سے نہ صرف کالج کو نقصا ن ہو گا بلکہ ایک نیا پنڈورہ باکس کھلے گا کہ وزیراعظم کے قریبی دوست کے بچوں کی فیسیں معاف کر دی گئیں تو دوسرے بچے جو وہاں زیر تعلیم ہیں انکا کیا قصور ہے، باخبر ذرائع کے مطابق سالانہ 20 کے قریب فیس معافی کی درخواستیں کالج کو موصول ہوتی ہیں لیکن کسی طالب علم کی فیس معاف نہیں کی جاتی، اور جب وزیراعظم کے دوست احدچیمہ کے بیٹوں کی درخواست پر پرنسپل نے فیصلہ نہ کیا تو گورنر پنجاب نے تمام تر ضابطے بالائے طاق رکھ کر یک جنبش فیس معافی کا حکم نامہ جاری کر دیا.

21 مارچ کو گورنر پنجاب سیکرٹریٹ سے ایک مراسلہ جاری ہوا ،غلام حسن سیکشن آفیسر یونیورسٹریز نے مراسلہ جاری کیا جس میں کہا گیا کہ "عیسیٰ احد چیمہ اور مصطفیٰ احد چیمہ کے لیے فیس معاف” اس مراسلے میں گورنر پنجاب کی جانب سے احد چیمہ کے بچوں کے فیس معافی کی پوری کارگزاری لکھی گئی کہ احد چیمہ کے اہلیہ نے کہا کہ وہ ملازمت کی وجہ سے اسلام آباد منتقل ہو گئیں اور دو الگ الگ کالج میں فیس دینے کی استطاعت نہیں رکھتی اسلئے انکی فیس معاف کی جائے، انکی غیر حاضریوں کو چھٹیاں مانا جائے ، اس درخواست پر گورنر نے اپنا حکمنامہ سنایا.

مراسلے میں کہا گیا کہ مجھے 21.03.2024 کو منظور شدہ آرڈر کی ایک کاپی کے ساتھ آگے بھیجنے کی ہدایت کی گئی،مسز صائمہ احد چیمہ،جو منسٹرز انکلیو اسلام آباد میں رہائش پذیر ہیں ،سیکشن آفیسر (UNIV-III) سیکشن آفیسر (یونیورسٹیز-III) گورنر سیکرٹریٹ پنجاب لاہورکی جانب سے مراسلہ میں کہا گیا کہ میری حیثیت میں صدر، بورڈ آف گورنرز، ایچی سن کالج، لاہور ، مورخہ 04.10.2022 (اس کے بعد 01.06.2023 کو یاد دہانی) اور مورخہ 17.08.2023 کو میرے سامنے دوپیشیاں ہوئیں، جس کے تحت عیسیٰ احد چیمہ (K4-20243) اور مصطفیٰ احد چیمہ (K2-220779) کی والدہ صائمہ احد چیمہ نے درخواست کی کہ پرنسپل، ایچی سن کالج لاہور، سیٹوں کی بکنگ اور غیر حاضری کی چھٹی کے بارے میں فیصلہ کریں۔ صائمہ نے درخواست کی کہ اس نے کالج کے پرنسپل سے بار بار خطوط اور ای میلز کے ذریعے درخواست کی ہے کہ وہ اپنے فیصلے پر نظر ثانی کریں۔سرکاری ملازم ہونے کی وجہ سے اسے لاہور سے اسلام آباد منتقل ہونا پڑا۔ اس نے عرض کیا کہ محدود وسائل کے ساتھ ایک تنخواہ دار فرد ہونے کی وجہ سے وہ اپنے دو بیٹوں کی دو مختلف اسکولوں بشمول کالج میں ٹیوشن فیس ادا کرنے کی استطاعت نہیں رکھتی تھی۔اسلام آباد کے اسکول میں، جہاں اس کے بچوں کو داخلہ دیا جائے گا۔

صائمہ احد چیمہ کی درخواست پر 4 اکتوبر 2022 کو فیصلہ ہوا کہ غور کے لئے 11 اکتوبر 2022 کو اجلاس بلایا جائے، 11 اکتوبر کو اجلاس ہوا جس میں پرنسپل نے کہا کہ فیس معافی کے فیصلے سے کالج کی آمدنی کو نقصان ہو گا، بورڈ آف گورنر نے بھی اس فیصلے کی حمایت کی، 14 اکتوبر 2022، کو کالج کے حکام نے عیسیٰ احد چیمہ کو مستقل طور پرنکالنے کا فیصلہ سنا دیاکیونکہ اسکی فیسوں کی ادائیگی نہیں کی گئی تھی۔ مذکورہ مسئلہ کو بورڈ آف گورنر کے سامنے رکھا گیا تھا۔اس کا اجلاس 01.12.2022 کو ہوا، اور مختلف پہلوؤں پر تفصیلی بحث کے بعد، اراکین نے متفقہ طور پر اس سہولت کی توسیع کے خیال کی حمایت کی،چیئر نے انتظامی کمیٹی کو مشورہ دیا کہ وہ بورڈ آف گورنر کے فیصلے اور اصولی منظوری کو عملی جامہ پہنانے کے طریقہ کار کی سفارش کرے اور مجوزہ پالیسی بورڈ کو اس پر غور کے لیے پیش کرے۔اور اسی وجہ سے، انتظامی کمیٹی نے اس پر غور کیا۔ لیکن کسی حتمی فیصلے پر پہنچنے میں ناکام رہا۔اور انتظامی کمیٹی نے اس معاملے کو دوبارہ اپنے اجلاس میں اٹھایا،13.02.2023 کو منعقدہ اجلاس میں لیکن ایک بار پھرکسی نتیجے پر نہیں پہنچا گیا اور کہا گیا کہ اس معاملے کو بورڈ آف گورنر کے ذریعہ بحث اور مناسب فیصلہ کے لئے رکھا جائے، اور حقیقت یہ ہے کہ انتظامی کمیٹی،متعدد میٹنگز اور تفصیلی غور و خوض کے باوجود، تقریباً دو سال گزر جانے کے باوجود، کسی بھی معاملے پر اصولی فیصلہ کے لیے کوئی پالیسی اور طریقہ کار وضع کرنے میں ناکام رہی اور نمائندہ کو عبوری اشتہار فراہم کرنے کے لیے، میں نے، بورڈ آف گورنر کے صدر کی حیثیت سے، 09.06.2023 کو ایک حکم جاری کیا، جس کے تحت،کالج کے پرنسپل کو ہدایت کی گئی کہ وہ کوئی منفی اقدام نہ کریں، غیر حاضری / فیس کی مشروط چھٹی سے متعلق کسی بھی معاملے کے ساتھ آگے بڑھیں۔اس پالیسی کے بعد سے محترمہ صائمہ کے دو لڑکوں سمیت طلباءکو رعایت ملی، فیصٌہ ماضی میں اس طرح کے معاملات میں صائمہ کے لڑکوں سمیت کسی بھی کارروائی کا جائزہ لینے کے بعد کیا گیا ،

17.08.2023 کے خط کے ذریعے محترمہ صائمہ نے کہا کہ ان کے چھوٹے بیٹے یعنی مصطفی احد چیمہ (K2-220779) کو بھی کالج سے واجبات کی عدم ادائیگی کی وجہ سے نکال دیا گیا۔ پنجاب ایجوکیشنل انسٹی ٹیوشنز (ری کنسٹی ٹیوشن) ایکٹ، 2021 کے سیکشن 5 (3) کے تحت میرے دفتر میں حاصل اختیارات کی بنا پر، کالج کی پرنسپل کو ہدایت کی گئی، کہ 01.12.2023، کی مشروط چھٹی سے متعلق معاملے کا مکمل ریکارڈ پیش کریں،عیسیٰ احد چیمہ (K4-20243) اور مصطفیٰ احد چیمہ (K2-220779) کی غیر حاضری ، فیس میں رعایت اور واپسی کا بتائیں تاہم کالج کے پرنسپل نے مورخہ 04.12.2023 کے خط کے ذریعے انکار کر دیا۔

بورڈ آف گورنر کے ایک نامور ممبر نے خط لکھا جس میں انہوں نے شدید تحفظات کا اظہار کیا۔کالج کے پرنسپل کی طرف سے اپنایا گیا انداز اور بورڈ آف گورنر کے صدر کے قانونی احکامات کی تعمیل سے انکار کیا گیا، وہ پرنسپل کی جانب سے قانون کو نظر انداز کرنے پر بھی سخت ناراض تھے۔ انہوں نے درخواست کی کہ بورڈ کا غیر معمولی اجلاس طلب کیا جائے۔اور یہ کہ معاملہ کوبورڈ آف گورنر کے سامنے غور و فکر کے لیے رکھا جائے۔ اسی مناسبت سے بورڈ آف گورنر کا ایک غیر معمولی اجلاس بلایا گیا۔16.02.2024 کو میرے دفتر میں اجلاس ہوا جس میں پرنسپل نے شرکت نہ کی،ایک کے علاوہ تمام بورڈ آف گورنر کے ممبران نےتشویش کا اظہار کیا۔بورڈ آف گورنر نے پرنسپل کے جواب پر تبادلہ خیال کرنے کے بعد، اور آڈی الٹرم پارٹم کے اصول کے حوالے سے، فیصلہ کیا کہ بورڈ آف گورنر کے تین ارکان پر مشتمل ایک سماعت کمیٹی تشکیل دی جائے،
سماعت کمیٹی نے بورڈ آف گورنر کی جانب سے، 26.02.2024 کو کالج کے پرنسپل کو ذاتی سماعت کا موقع فراہم کیا، اور ان کا موقف سنا اور ریکارڈ کیا۔ سماعت کی کارروائی کے منٹس ریکارڈ کیے گئے اور وہی میرے سامنے پیش کیے گئے۔ ان منٹس اور سماعت کی کارروائی کا ریکارڈ بورڈ آف گورنر کے سامنے پیش کرنے کے لیے، اس پر غور کرنے اور مناسب فیصلے کے لیے، ایک غیر معمولی اجلاس طلب کیا گیا تھا۔

05.03.2024 کو ہونے والی بورڈ آف گورنر میٹنگ کو میری مصروفیات کی وجہ سے بعد کی تاریخ کے لیے ملتوی کر دی گئی کیونکہ اسی دن پنجاب کی صوبائی کابینہ کے اراکین کی تقریب حلف برداری متوقع تھی،میرے دفتر کی طرف سے قانونی طور پر جاری کردہ ایک قانونی حکم پر پرنسپل کے جواب کی موزونیت اور قانونی حیثیت کے بارے میں، میں نے اپنے سامنے اس معاملے کو آگے بڑھانے کا فیصلہ کیا ہے کہ میں نے پنجاب ایجوکیشنل انسٹی ٹیوشنز (ری کنسٹی ٹیوشن) ایکٹ، 2021 کے سیکشن 5 (3) کے تحت نوٹس لیا ہے۔ ; اور معاملے کا ایک بار اور ہمیشہ کے لیے تعین کریں، جیسا کہ قانون نے فراہم کیا ہے۔ صائمہ کی سماعت کے لیے نوٹس 11.03.2022 کو جاری کیا گیا، کہ وہ 16 مارچ کو پیش ہوں، صائمہ احد چیمہ 16.03.2024 کو میرے سامنے پیش ہوئیں، اور انہوں نے اپنے سابقہ موقف کا اعادہ کرتے ہوئے کہا کہ وہ ایک سرکاری ملازم تھیں،جون 2022 میں لاہور سے اسلام آباد منتقل ہو گئیں اس کے دونوں بچےنابالغ تھے، وہ انہیں لاہور میں بغیر نگرانی کے نہیں چھوڑ سکتی تھیں، اور اس نے درخواست دی۔ان دونوں کے لیے نشستوں کی بکنگ اور غیر حاضری کی چھٹی کے لیے۔ تاہم، بعد میں کالج کے پرنسپل نے بتایا کہ انکی غیر حاضری لگ چکی ہے،اسکے دونوں بیٹوں کو واپس لیا جائے گا تاہم اسے مکمل ٹیوشن فیس ادا کرنی پڑے گی۔ان کی غیر موجودگی کی مدت کے دوران صائمہ احد چیمہ نے کہا کہ ایک سرکاری ملازم اور تنخواہ دار فرد، وہ دو جگہ ٹیوشن فیس ادا کرنے کی استطاعت نہیں رکھتی ،صائمہ نے مزید بتایا کہ کالج سے ان کے بیٹوں کو نکالنے کے احکامات اس کے حقوق کی خلاف ورزی کرتے ہوئے غیر قانونی اور من مانی طریقے سے منظور کیا گیا۔

صائمہ احد چیمہ کی طرف سے کی گئی مختلف نمائندگیاں، سماعت کمیٹی کی رپورٹ، اورسیکشن 5 (3) کے تحت مجھے حاصل اختیارات کا استعمال کرتے ہوئے محترمہ صائمہ کو سنا،پنجاب ایجوکیشنل انسٹی ٹیوشنز (ری کنسٹی ٹیوشن) ایکٹ 2021، بطور گورنرپنجاب ، بی او جی کے صدر، میں نے درج ذیل فیصلے کیے ہیں،والدین کی لاہور سے باہر منتقلی کے حالات مناسب ہونے کی ضرورت ہے۔مثالی طور پر کیس ٹو کیس کی بنیاد پر سمجھا جاتا ہے۔ اگر والدین ذاتی یا پیشہ ورانہ وابستگیوں کی وجہ سے، اسٹیشن سے باہر جانے پر مجبور ہیں تو انکے اسکول کے لیے ٹیوشن فیس جمع کرکے ان کو مالی نقصان پہنچتا ہے،جس میں ان کے بچے فی الحال شرکت نہیں کر رہے ہیں۔ غیر حاضری کی چھٹی کے دوران 100% ٹیوشن فیس کی ادائیگی غیر منصفانہ معلوم ہوتی ہے۔بورڈ آف گورنر کو یہ اطلاع دی گئی کہ کالج کو مختلف طلباء کی طرف سے غیر حاضری کی چھٹی کے لیے سالانہ تقریباً 20 درخواستیں موصول ہوتی ہیں۔ ایک ایسے اسکول میں جس میں 3000 طلباء ہیں اتنی کم تعداد کو غیر حاضری کی چھٹی کی اجازت دیتا ہے، کالج اپنی میرٹ پالیسی کے مطابق کسی بھی طالب علم کو داخلہ دیتا ہے۔ ان طلباء کے والدین مختلف سماجی اور پیشہ ورانہ پس منظر سے آتے ہیں۔ اور اس طرح، تمام والدین کے پاس ایک ہی وقت میں دو اسکولوں کو فیس ادا کرنے کی مالی صلاحیت نہیں ہے، اگر وہ اپنے بچے کے لیے غیر حاضری کی چھٹی چاہتے ہیں۔ اس لیے والدین کے لیے یہ جائز اور معقول ہے کہ اگر اسے شہر سے باہر جانا پڑے تو ٹیوشن فیس کی مکمل چھوٹ کا مطالبہ کریں۔ اگرچہ ایگزیکٹو کمیٹی کوئی پالیسی یا عملی پیش نہیں کر سکی
غیر حاضری کی چھٹی کے دوران طلباء کو ٹیوشن فیس میں چھوٹ کیسے اور کتنی دی جائے، یہ ایک ریکارڈ کی بات ہے کہ بورڈ آف گورنر نے اتفاق رائے سے اور متفقہ طور پر ایسے طلباء کو فیس کی معافی کے تصور سے اتفاق کیا جنہیں عارضی طور پر مجبور ، ناگزیر حالات کے تحت کسی دوسری جگہ منتقل ہونا پڑتا ہے،اس لیے، پیش کردہ وجوہات اور بنیادوں کے پیش نظر، میں محترمہ صائمہ کی طرف سے غیر حاضری کی چھٹی دینے کے لیے دائر کردہ درخواستوں کو قبول کرتا ہوں۔عیسیٰ احد چیمہ (K4-20243) اور مصطفی احد چیمہ (K2-220779) کو مکمل فیس معافی کے ساتھ، تین سال کی مدت کے لیے، 18.08.2022 سے، یا جب وہ ایچی سن کالج، لاہور میں دوبارہ شامل ہوں،

واضح رہے کہ احد چیمہ وزیراعظم شہباز شریف کے مشیر رہے ہیں، بعد ازاں نگران حکومت میں بھی انہیں عہدہ دیا گیا تھا تا ہم الیکشن کمیشن کے حکم پر احد چیمہ کو عہدے سے ہٹایا گیا تھا احد چیمہ کے خلاف نیب میں بھی ریفرنس دائر ہوا تھا وہ گرفتار بھی رہے تا ہم عدالت نے انہیں نیب ریفرنس سے بری کر دیا تھا

وزیراعظم محمد شہباز شریف سے بیرک گولڈ کمپنی کے وفد کی چیف ایگزیکٹو آفیسر مارک برسٹوو کی سربراہی میں ملاقات ہوئی ہے
وزیراعظم شہباز شریف کا کہنا تھا کہ ریکوڈک منصوبہ بلوچستان اور علاقے کی ترقی کیلئے گیم چینجر ثابت ہو گا ،اس منصوبے سے صوبے کی ترقی اور لوگوں کی خوشحالی کے نئے دور کا آغاز ہو گا ،بلوچستان میں معدنیات سے بھرپور فائدہ اٹھانے کے لئے مواصلات کے انفراسٹرکچر، خصوصاً ریلوے لائین کے حوالے سے منصوبہ سازی کی جائے گی،

وزیراعظم نے بیرک گولڈ کو بلوچستان میں معدنیات کے دیگر منصوبوں میں سرمایہ کاری کی ترغیب دی،وزیراعظم نے وفد کو تجویز دی کہ ضلع چاغی میں ٹیکنیکل یونیورسٹی کے قیام کے حوالے سے حکومت اور بیرک گولڈ مل کر کام کر سکتے ہیں،حکومت سرمایہ کاروں کی سہولت کے لئے ہرممکن اقدامات کر رہی ہے جن میں سڑکوں اور مواصلات کے بہتر نظام کے منصوبے بھی شامل ہیں

بیرک گولڈ وفد نے وزیراعظم کو ریکو ڈک منصوبے پر پیشرفت پر بریفنگ دی جس میں بتایا گیا کہ ریکوڈک منصوبے کی فزیبیلٹی اس سال کے آخر تک مکمل کر لی جائے گی،ریکوڈک منصوبے پر کام کرنے کے لئے مقامی اور بلوچستان ڈومیسائل کے افراد کو ترجیح دی جا رہی ہے ،بیرک گولڈ نے کارپوریٹ سوشل رسپانسی بیلیٹی کے تحت ریکوڈک کے قریب تین اسکولز قائم کئے ہیں،بیرک گولڈ کی جانب سے اب تک سو افراد کو فنی تربیت فراہم کی جا چکی ہے جن میں خواتین بھی شامل ہیں،

ملاقات میں وزیر پیٹرولیم مصدق ملک ، وفاقی وزیر قانون و انصاف اعظم نذیر تارڑ ، ڈپٹی چیئرمین پلاننگ کمیشن محمد جہانزیب اور متعلقہ اعلیٰ سرکاری افسران نے شرکت کی۔

وزیراعلیٰ پنجاب اپنے بچوں کو کس کام سے منع کرتی ہیں؟ خود ہی بتا دیا

مریم نواز کا کوٹ لکھپت جیل کا دورہ، قیدی خواتین کے ساتھ روزہ افطار کیا

عوام کا حق ان کی دہلیز پر پہنچانا ہمارا فرض ہے، کسی پر احسان نہیں،مریم نواز

مریم نواز کا ”نیا پاکستان“ نامی ایک اکاؤنٹ کیخلاف قانونی کارروائی کا حکم

طلبہ کو نصابی کتابوں کی فراہمی میں تاخیر پر وزیر اعلیٰ مریم نواز کا اظہار برہمی

میرے قتل کی سپاری دی گئی ،شواہد موجود ہیں،شیر افضل مروت کا مریم نواز پر سنگین الزام

مجھے اپنی جماعت میں جگہ بنانے کیلئے بارہ برس بہت زیادہ محنت کرنا پڑی،مریم نواز

پاکستانیوں کو خادم مل گیا،وزیر اعلیٰ پنجاب مریم نواز شریف

عالمی یوم جنگلات ،پنجاب کی تاریخ کی سب سے بڑی شجرکاری مہم 2024 شروع