Tag: شیخ رشید

شیخ رشید کے ملک میں آگ لگانے کے بیان کے خلاف پنجاب اسمبلی میں قرارداد جمع کروا دی گئی

قرارداد مسلم لیگ (ن) کی رکن حناپرویز بٹ کی جانب سے جمع کرائی گئی، قرارداد کے متن میں کہا گیا ہے کہ یہ ایوان شیخ رشید کی جانب سے دوسری بار ملک میں آگ لگنے کی بیان کی شدید مذمت کرتا ہے شیخ رشید اس سے قبل 25مئی کے پی ٹی آئی لانگ مارچ کے متعلق بھی ایسا بیان دے چکے ہیں پنجاب میں ضمنی انتخابات کا پرامن اور شفاف انعقاد الیکشن کمیشن اور حکومت کی ذمہ داری ہے، الیکشن سے قبل ہی انتشار پر مبنی بیانات الیکشن پر اثر انداز ہونے کے مترادف ہے، وزیر داخلہ اور چیف الیکشن سے مطالبہ کیا گیا ہے کہ شیخ رشید کے بیانات کا فوری نوٹس لیا جائے،

واضح رہے کہ شیخ رشید نے کہا تھا کہ حکومت نے دھونس دھاندلی اور ناجائز گرفتاریوں کا سلسلہ شروع کر دیا،ووٹ کو عزت دینے والے ووٹ کو لاہور کے اندرذلیل کر رہے ہیں ہارنے سے زیادہ غنڈہ گردی، دھونس دھاندلی اور انارکی پھیلانا بری بات ہے،قوم کے جذبات کی مزید توہین نہ کی جائے،کرپشن،مہنگائی کی ڈسی قوم پہلے ہی حکومت سے نفرت کی انتہا پر ہے، عمران خان نے کال دی تو تباہ حال ملک نئے بحران میں داخل ہو جائے گا،آپ جو کھیل کھیلنے جا رہے ہیں اس میں خود دھنستے جا رہے ہیں،عوام کے فیصلے کو عزت دیں،ووٹ کو عزت دیں،

پی ٹی آئی عہدیدار کے گھر سے برآمد اسلحہ کی تصاویر سامنے آ گئیں

لانگ مارچ، عمران خان سمیت تحریک انصاف کے رہنماؤں پر مقدمہ درج

کارکن تپتی دھوپ میں سڑکوں پرخوار،موصوف ہیلی کاپٹر پرسوار،مریم کا عمران خان پر طنز

پولیس پہنچی تو میاں محمود الرشید گرفتاری کے ڈر سے سٹور میں چھپ گئے

لانگ مارچ میں فیاض الحسن چوہان کتنے بندے لے کر نکلے،ویڈیو وائرل

اسلام آباد:قومی اسمبلی کی قائمہ کمیٹی استحقاق نے عمران خان اور شیخ رشید کو طلب کرلیا،اطلاعات کے مطابق قومی اسمبلی کی قائمہ کمیٹی برائے استحقاق نے سابق وزیراعظم عمران خان اور سابق وزیر داخلہ شیخ رشید کو آئندہ اجلاس میں طلب کرلیا۔

سابق وزیراعظم اور وزیرداخلہ کو پارلیمنٹ لاجز میں جے یو آئی کے ایم این اے کے فلیٹ پر پولیس چھاپے کے معاملے پر طلب کرلیا۔سابق وزیراعظم اور وزیر داخلہ کے خلاف تحریک استحقاق رکن قومی اسمبلی صلاح الدین نے جمع کرائی تھی۔

چیئرمین کمیٹی رانا قاسم نون کا کہنا تھا کہ تمام افراد کمیٹی کے آئندہ اجلاس میں حاضری یقینی بنائیں جبکہ آئی جی اسلام آباد اور ایس ایس پی کو بھی متعلقہ ریکارڈ کے ساتھ پیش ہونے کی ہدایت کی گئی ہے۔

خیال رہے کہ 11 مارچ کو سابق وزیر اعظم عمران خان کے خلاف اپوزیشن کی جانب سے عدم اعتماد کی قرارداد جمع کرائے جانے کے بعد جب اپوزیشن کے قانون سازوں کو تحفظ فراہم کرنے کے لیے مدعو کی گئی تو جمعیت علمائے اسلام کی رضاکار فورس کے ارکان کو نکالنے کے لیے پولیس کی بھاری نفری نے پارلیمنٹ لاجز پر چھاپہ مارا تھا۔

سابق وزیر اعظم اور وزیر داخلہ کو پارلیمنٹ لاجز میں جمعیت علامہ اسلام ف کے ممبر قومی اسمبلی صلاح الدین ایوبی کے فلیٹ پر پولیس کے چھاپے کے خلاف جمع تحریک استحقاق کے سلسلے میں طلب کیا گیا ہے۔آپریشن کے دوران پولیس نے کم از کم اراکین اسمبلی سمیت انصار الاسلام کے 2 درجن رضا کاروں کو گرفتار کیا گیا تھا جنہیں بعد میں رہا کردیا گیا تھا۔

سابق وزیر داخلہ شیخ رشید نے کہا ہے کہ وزیراعظم شہباز شریف کی حکومت کیلئے جولائی کا مہینہ بہت اہم ہے۔ پریڈ گراؤنڈ میں پی ٹی آئی جلسے سے خطاب میں شیخ رشید نے مقتدر حلقوں اور حکومت کو بھی مخاطب کیا اور کہا کہ یہ ملک نہیں چلا سکتے ہیں۔انہوں نےکہا کہ عمران خان عوام کی آواز ہے، ڈیزل اپنے بھائی کو خیبر پختونخوا میں گورنر لگانا چاہتا ہے۔

شیخ رشید کا کہنا تھا کہ ایک چور نے اپنے بیٹے کو وزیر داخلہ تو دوسرے نے وزیر مواصلات بنوایا ہے۔انہوں نے کہا کہ وزیر مواصلات بھی اُسے بنادیا گیا ہے، جس نے مسجد کا غسل خانہ تک نہیں بنوایا ہے۔ سابق وزیر داخلہ نے کہا کہ مقتدر حلقوں اور حکومت سے کہتا ہوں، یہ ملک نہیں چلا سکتے، امپورٹڈ حکومت کے لیے جولائی بہت اہم مہینہ ہے۔

قبل ازیں پاکستان تحریک انصاف (پی ٹی آئی) کے وائس چیئرمین اور سابق وزیر خارجہ شاہ محمود قریشی نے کہا ہے کہ ہم سپریم کورٹ کی تشریح کے منتظر ہیں۔ ملتان میں کارکنوں سے خطاب میں شاہ محمود قریشی کا کہنا تھا کہ کیا ہمیں پُرامن احتجاج کا حق ہے؟ اس حوالے سے سپریم کورٹ کی تشریح کے منتظر ہیں۔انہوں نے کہا کہ جیسے ہی عدالتِ عظمیٰ سے تشریح آتی ہے، پارٹی قائد عمران خان کی احتجاج کی کال بھی آئے گی۔پی ٹی آئی رہنما نے مزید کہا کہ پُرامن احتجاج کر کے حکمرانوں کو گھر تک چھوڑ کر آئیں گے، حمزہ شہباز کی کرسی بچانے کے لیے نظام کو داؤ پر لگایا جا رہا ہے۔اُن کا کہنا تھا کہ عمران خان اتوار کو لاہور اور 14 جولائی کو ملتان کا دورہ کریں گے۔

سابق وزیر داخلہ شیخ رشید نے ہنگامی بنیادوں پر ایک ویڈو بیان جاری کرتے ہوئے کہا کہ: ہم نے جو رات تین بجے عمران خان کے بڑے بڑے پوسٹرلگائے تھے،وہ انتظامیہ نے سرکاری ٹرکوں پر اتاری اور پھر جب ہم واپس آئے تو انہوں دوبارہ انہی جگہ پر عمران خان کے خلاف نازیبا پوسٹر لگا دیئے.

ان کا انتظامیہ پر الزام لگاتے ہوئے کہناتھا کہ: انتظامیہ ان سے ملی ہوئی ہے اورمیں مقتدر حلقوں کو کہنا چاہتا ہوں، اور ساتھ میں ایجنسیز کو بھی کہنا چاہتا ہوں یہ (امپورٹڈ حکومت) لڑائی کرنا چاہتے ہیں، اور ہم لڑائی سے اجتناب کریں اوراس سے بچنے کی ہر ممکن کوشش کریں گے.

انہوں نے مطالبہ کیا کہ: جو پوسٹر شہر میں بانٹے جارہے ہیں تحقیق کی جانی چاہئے کہ ان کے پیچھے کون ہے؟ اور ایسا کیوں کیا جارہا ہے.

ان کا کہنا تھا اگر کوئی لڑئی وغیرہ ہوئی تو آج صبح ہم نے جو صادق آباد تھانہ میں جن لوگوں کو پکڑ کر دیا ہے ان سے تفتیش ہونی چاہئے.

انہوں نے واضح کیا کہ اگر حالات خراب ہوئے تو اس کی زمہ دار یہ انتظامیہ اور امپورٹد حکومت ہوگی.

pic.twitter.com/RHjnxuxZ3F

— Sheikh Rashid Ahmed (@ShkhRasheed) July 2, 2022

شیخ رشید نے کہا کہ: آج 3 بجے لال حویلی سے ریلی کے ساتھ راشد شفیق کے ہمراہ رحمان آباد نکلوں گا۔22 فیصد مہنگائی52 فیصد بجلی،46 فیصد گیس،100 روپے لیٹر پیٹرول بڑھ گیا ہے۔اس لیے لوگ خود نکلیں گے۔ہمارے بینر اتارے اور عمران خان کے خلاف لگوائے جارہے ہیں۔حالات کی خرابی کی ذمّہ دار امپورٹڈ حکومت خود ہوگی۔

راولپنڈی :شیخ رشید نے کہا ہے کہ عمران خان 17 تاریخ تک الیکشن مہم چلائیں گے۔اطلاعات کے مطابق سابق وزیر داخلہ شیخ رشید نے کہا ہے کہ سپریم کورٹ کا آئینی اور قانونی فیصلہ ہے، دونوں پارٹیوں کو قبول ہے، 17 جولائی کے الیکشن پر سارے ملک کی نظریں ہیں۔

انہوں نے کہا کہ امید ہے یہ الیکشن دھاندلی سے پاک الیکشن ہوں گے، کل کا جلسہ تاریخی ہوگا، عمران خان17 تاریخ تک الیکشن مہم چلائیں گے، 17 جولائی کے الیکشن میں پی ٹی آئی بھاری اکثریت سے جیتے گی۔چیف جسٹس عمر عطا بندیال نے کیس کی سماعت کرتے ہوئے فیصلہ دیا کہ وزیراعلیٰ پنجاب کا دوبارہ انتخاب 22 جولائی کو ہوگا۔

تفصیلات کے مطابق وزیراعلی پنجاب کے انتخاب میں ووٹوں کی دوبارہ گنتی سے متعلق سماعت میں سپریم کورٹ نے حمزہ شہباز اوراسپیکر پنجاب اسمبلی چوہدری پرویزالٰہی کوسپریم کورٹ لاہور رجسٹری میں ویڈیو لنک سے سماعت میں طلب کیا۔

چیف جسٹس پاکستان نے کہا کہ تفصیلی فیصلہ بعد میں جاری کیا جائے گا۔ 22 جولائی تک وزیر اعلیٰ حمزہ شہباز شریف ہی رہیں گے۔وکیل پی ٹی آئی امتیاز صدیقی نے عدالت میں بیان دیا کہ حمزہ شہباز دوبارہ الیکشن تک وزیراعلی رہیں گے۔ پنجاب حکومت سے بات ہو گئی ہے، ضمنی الیکشن کے بعد وزیراعلی کا الیکشن ہو تواعتراض نہیں۔

عدالت نے ریمارکس دیے کہ صوبے میں 2 اجلاس چل رہے ہیں اس کا کیا کریں گے؟ وکیل پی ٹی آئی نے جواب دیا کہ اسمبلی کا اجلاس ایک ہی ہوگا۔

چودھری پرویز الٰہی نے کہا کہ ہمارا بھائیوں جیسا تعلق ہوگا، اسمبلی میں بالکل مختلف ماحول ہوگا جس پر چیف جسٹس نے کہا کہ میرے خیال میں ایک نیا دورہوگا، اللہ کا شکر ہے ہم مخالف سیاسی گروپوں کے درمیان افہام و تفہیم کے ساتھ معاملہ حل کرسکے۔

وکیل بابر اعوان نے کہا کہ عمران خان سے ہدایت لی ہیں۔ عمران خان حکومت کی قانونی حیثیت سے متاثر ہوئے بغیر پنجاب میں شفاف الیکشن چاہتے ہیں۔ عمران خان چاہتے ہیں کہ آئی جی پنجاب، الیکشن کمیشنر، چیف سیکرٹری پنجاب قانون کے مطابق عمل کریں۔انھوں نے کہا کہ نگران وزیراعلی کوئی ایسا حکم یا ہدایت جاری نہیں کرے گا۔ نگران وزیراعلی کوئی ایسا کام نہیں کریں گے جس سے الیکشن متاثرہو۔ کوئی بھی ترقیاتی فنڈز استعمال نہیں کیے جائیں گے۔

چیف جسٹس پاکستان نے ریمارکس دیے کہ ہم نہیں چاہتے کہ آپ ہمارے پاس واپس آئیں، ہم انتخابی ضابطہ اخلاق پر سختی سے عملدرآمد کا حکم دے دیتے ہیں۔جسٹس اعجاز الاحسن نے کہا کہ تمام بیورو کریسی عین قانون کے مطابق عمل کرے گی۔ ہم یہ بھی حکم کر دیتے ہیں کہ آپ کو ہراساں نہ کیا جائے۔

پٹرولیم مصنوعات کی قیمتوں میں اضافہ،تحریک انصاف کے رہنماؤں کا ردعمل آ گیا

باغی ٹی وی کی رپورٹ کے مطابق پٹرول کی قیمت میں اضافے کے بعد تحریک انصاف کا ردعمل آیاہے تو دوسری جانب وزیر خزانہ نے پٹرول کی قیمتیں بڑھانے کا اعلان کس کے حکم پر کیا انہوں نے بھی بتا دیا ہے

تحریک انصاف کے چیئرمین عمران خان نے کہا ہے کہ امپورٹڈ حکومت نے روس سے سستا تیل نہیں خریدا، امپورٹڈ حکومت عوام پر ناقابل برداشت بوجھ ڈال رہی ہے حکومت خود کو 11سوارب روپے کا این آر او دے رہی ہے،پیٹرول کی قیمت میں 99 روپے،ڈیزل کی قیمت میں 133 روپے کا اضافہ کیا گیا عوام کل ہمارے احتجاج میں شامل ہوں

سابق وزیرخزانہ سینٹرشوکت ترین کا کہنا ہے کہ آئی ایم ایف موجودہ حکومت سے پیشگی اقدامات چاہتا ہے آئی ایم ایف پھر اس کو اپنے بورڈ میں لے جانے پرغور کرے گا،855 ارب پٹرولیم ڈیولپمنٹ لیوی،11فیصد سیلز ٹیکس کی شرائط ہیں یہ لوگ پیٹرول کی قیمت 300 روپے فی لیٹر سے اوپر کر سکتے ہیں بجلی کی قیمتوں میں فوری اضافے کی شرط ہے صوبوں سے 800 ارب روپے کے صوبائی سرپلس پر دستخط کئے گئے، صوبوں نے صرف 80 ارب روپے دکھائے

عوامی مسلم لیگ کے سربراہ ،سابق وفاقی وزیرشیخ رشید احمد کا کہنا تھا کہ پیٹرول میں15روپے اور ڈیزل میں14 روپے اضافہ کر دیا گیا،جولائی میں مہنگائی کے اور ٹیکے لگیں گے لوگ گھریلو سامان بیچ کر گزارہ کررہے ہیں ابھی بجلی کا بل بھی آنا ہےعوام کو ریلیف نہیں تکلیف ملے گی،ووٹ بیچنے والے کو عہدے اور پارٹی ٹکٹ مل رہے ہیں عنقریب حکومت کا سیاسی جنازہ دھوم سے نکلے گا،

وفاقی وزیر خزانہ مفتاح اسماعیل کا کہنا تھا کہ پیٹرولیم مصنوعات کی قیمتیں بڑھانے کا اعلان کرنے ٹی وی پر نہیں جانا تھا، پیٹرولیم مصنوعات کی قیمتوں میں اضافے کااعلان ایک اور ساتھی نے کرنا تھا وزیراعظم نے فیصلہ کیا کہ مجھے اور مصدق ملک کو ایسا کرنا چاہیے

واضح رہے کہ حکومت نے پیٹرولیم مصنوعات کی قیمتوں میں اضافہ گزشتہ شب کیا ہے، پٹرولیم مصنوعات میں اضافے کے بعد مہنگائی کی لہر آنے کا امکان ہے،پیٹرول کی قیمت میں 14روپے 85 پیسے کا اضافہ کیا گیا ہے جس کے بعد نئی قیمت 248 روپے 74 پیسے فی لیٹر ہوگئی ہے ہائی اسپیڈ ڈیزل کی قیمت میں 13 روپے 23 یسے کا  اضافہ کیا گیا ہے، جس کے بعد نئی قیمت 276 روپے 54 پیسے ہوگئی ہے

پٹرول ذخیرہ کرنے والوں کوکس کی پشت پناہی حاصل ہے؟ قادر پٹیل

‏جیسا مافیا چاہتا تھا ویسا نہیں ملا ، وسیم بادامی کا پٹرول کی قیمتوں میں اضافے پر تبصرہ

ہارن بجاؤ، حکمران جگاؤ، وزیراعظم ہاؤس کے سامنے ہارن بجا کر احتجاج کا اعلان ہو گیا

وزیراعظم نے مافیا کے آگے ہتھیار ڈال دیئے،مثبت اقدام نہیں کر سکتے تو گھر جانا ہو گا، قمر زمان کائرہ

جنوری کے مقابلے میں پٹرول اب بھی 17 روپے سستا ہے،عمر ایوب کی انوکھی وضاحت

لوٹ مار کا نیا طریقہ، گاڑیوں میں پٹرول کی بجائے پانی بھر دیا گیا