Tag: عمران خان

190 ملین پاؤنڈز ریفرنس کیس میں عمران خان اور بشریٰ بی بی کی سزا معطلی کی درخواستوں پر نیب کو تیاری کیلئے ایک ہفتے کا وقت مل گیا-

اسلام آباد ہائیکورٹ میں 190 ملین پاؤنڈز ریفرنس میں پیٹرن ان چیف پاکستان تحریک انصاف اور ان کی اہلیہ بشریٰ بی بی کی سزا معطلی کی درخواستوں پر سماعت آج ہو ئی،کیس کی سماعت قائم مقام چیف جسٹس سرفراز ڈوگر اور جسٹس محمد آصف پر مشتمل دو رکنی بینچ نے کی، اس موقع پر بانی پی ٹی آئی کی بہن علیمہ خان سمیت دیگر رہنما بھی کمرہ عدالت میں موجود تھے۔

سماعت کے آغاز پر درخواست گزاروں کے وکیل سلمان صفدر نے کہا کہ توشہ خانہ 1، توشہ خانہ 2 اور اب 190 ملین پاؤنڈ کیس بنایا گیا ہے بانی پی ٹی آئی کے خلاف 300 سے زائد مقدمات قائم کیے گئے، ٹرائل کورٹ سے سزا ہوئی، ہائیکورٹ سے استغاثہ نے کہا کہ سزا ٹھیک نہیں ہوئی تو معطل کر دی جاتی ہے یہ کیسے فیصلے ہیں جس میں چھ ماہ سے میاں بیوی کو اندر رکھا ہوا ہے، خاتون ہونے کی بنیاد پر عدالتیں پہلے بھی ضمانتیں دے چکی ہیں۔

جبری گمشدگیوں سے زیادہ ازخود گمشدگیوں کی تعداد ہے، میر سرفراز بگٹی

وکیل سلمان صفدر نے عدالت سے آج ہی دلائل سن کر فیصلہ کرنے کی استدعا کی، جبکہ نیب نے عدالت سے تین سے چار ہفتے کا وقت مانگ لیا، نیب پراسکیوٹر نے کہا کہ ہمیں کل نوٹس ملا ہے، وقت دے دیں، بانی پی ٹی آئی کے خلاف اسپیشل ٹیم لانا چاہتے ہیں،نیب نے چار ہفتے کا وقت دینے کی استدعا کی قائم مقام چیف جسٹس نے ریمارکس دیے کہ آپ نے پراسکیوشن ٹیم کا نوٹیفکیشن لینا ہے تو سات دن کا وقت لے لیں۔

نیب پراسکیوٹر نے جواب دیا کہ وزارت قانون سے خط و کتابت ہونی ہے، چار ہفتے کا وقت دے دیں،لطیف کھوسہ نے مؤقف اختیار کیا کہ بانی پی ٹی آئی بغیر کسی ثبوت کے جیل میں ہیں، نہ وہ بیرون ملک جائیں گے نہ ہی ریکارڈ ٹمپر کرنے کا کوئی خطرہ ہے، عدالت نے کہا کہ انہیں لیگل ٹیم نوٹیفائی کرنے کا وقت دے دیں۔

ن لیگ کے اہم رہنما کی پی ٹی آئی میں شمولیت کا امکان

عدالت نے نیب پراسکیوشن ٹیم کو سات دن میں نوٹیفائی کرنے کی ہدایت جاری کر دی نیب نے چودہ دن کا وقت دینے کی درخواست کی، جس پر سلمان صفدر نے کہا کہ پھر چاہیں تو انہیں چار سال دے دیں، عدالت نے نیب کو 11 جون تک اسپیشل پراسکیوٹر تعینات کرنے کا حکم دے دیا اور کیس کی سماعت 11 جون تک ملتوی کر دی۔

اسلام آباد:بانی چیئرمین اور پیٹرن انچیف پی ٹی آئی عمران خان سے ملاقات نہ کروانے پر توہین عدالت کیس کاز لسٹ سے خارج کردیا گیا،عدالتی ویب سائٹ پر وضاحت دی گئی کہ کیس غلطی سے مقرر ہوا تھا۔

عمران خان سے ملاقاتیں نہ کروانے پر توہین عدالت کا کیس غلطی سے مقرر ہوا، جس کی وجہ سے اسلام آباد ہائی کورٹ نے آج کی کاز لسٹ سے کیس نکال دیا ہائی کورٹ کی ویب سائٹ کے مطابق کیس غلطی سے مقرر ہوگیا تھا اور رجسٹرار آفس نے آج سماعت کے لیے کاز لسٹ جاری کی تھی ۔

واضح رہے کہ پیٹرن انچیف عمران خان کے فوکل پرسن نیاز اللہ نیازی نے توہین عدالت کی درخواست دائر کر رکھی ہے ، جس پر قائم مقام چیف سرفراز ڈوگر کی سربراہی میں لارجر بینچ نے سماعت کرنا تھی جسٹس ارباب محمد طاہر اور جسٹس محمد آصف بھی بینچ کا حصہ ہیں، توہین عدالت کی درخواست 24 مارچ کے عدالتی آرڈر پر عمل درآمد نہ کرنے پر دائر کی گئی تھی،اس سے قبل بھی عدالتی حکم کے باوجود جیل ملاقات نہ ہونے پر پی ٹی آئی رہنماؤں کی جانب سے توہین عدالت کی درخواستیں دائر کی گئی تھیں۔

اسلام آباد:پاکستان تحریک انصاف میں عمران خان کو نیا عہدہ دے دیا گیا، بانی پی ٹی آئی کو پیٹرن انچیف بنا دیا گیا –

چیئرمین پی ٹی آئی بیرسٹر گوہر نے اڈیالہ جیل میں صحافیوں سے غیر رسمی بات چیت کرتے ہوئے پاکستان تحریک انصاف کے ملک گیر احتجاج کے حوالے سے تفصیلات سے آگاہ کیا بانی پی ٹی آئی کو پیٹرن انچیف بنا دیا گیا ہے اور احتجاج کے دوران عمران خان کی نمائندگی عمر ایوب اور سلمان اکرم راجا کریں گے جب کہ علی امین گنڈا پور خیبر پختونخوا گورننس کے معاملات پر فوکس کریں گے، احتجاج کے دوران مجھے بطور چیئرمین ڈپلومیٹک رابطوں کہ ذمے داری ملی ہے۔ میں ہی پارٹی کا چیئرمین ہوں اور ہائیکورٹ میں پارٹی کے کیسز لے کر چلوں گا۔

پاکستان تحریک انصاف (پی ٹی آئی) کے بانی چیئرمین عمران خان نے ایک بار پھر پولی گرافک ٹیسٹ کروانے سے انکار کر دیا، جس کے بعد لاہور پولیس کی 12 رکنی ٹیم ڈی ایس پی آصف جاوید کی قیادت میں اڈیالہ جیل سے واپس روانہ ہو گئی۔

اطلاعات کے مطابق، عمران خان نہ تو پولیس ٹیم کے سامنے آئے اور نہ ہی ٹیسٹ کے لیے رضامند ہوئے، جس کے باعث فوٹو گرامیٹک اور وائس میچنگ ٹیسٹ بھی نہ ہو سکے۔ذرائع کے مطابق، جب لاہور پولیس کی ٹیم بانی پی ٹی آئی کا پولی گرافک ٹیسٹ لینے اڈیالہ جیل پہنچی تو عمران خان نے تعاون کرنے اور ٹیسٹ میں شامل ہونے سے انکار کیا۔پولیس کی 12 رکنی ٹیم چار گھنٹے انتظار کے بعد ڈی ایس پی آصف جاوید کی زیر قیادت اڈیالہ جیل سے واپس چلی گئی۔

عدالتی احکامات اور تفتیشی کوششیں

انسداد دہشت گردی عدالت کی جانب سے عمران خان کے پولی گرافک اور فوٹو گرامیٹک ٹیسٹ کروانے کی اجازت پہلے ہی دی جا چکی ہے۔لاہور پولیس کی تحقیقاتی ٹیم عدالتی حکم کی روشنی میں دن 12:45 پر اڈیالہ جیل پہنچی، جس میں انسپکٹر محمد اسلم، محمد عالم، اور محمد ارحم شامل تھے، جبکہ پنجاب فرانزک یونٹ کے ماہر عابد ایوب بھی ٹیم کا حصہ تھے۔

تفتیشی ٹیم نے 9 مئی کے واقعات سے متعلق پولی گرافک، فوٹو گرامیٹک اور وائس میچنگ ٹیسٹ کرنا تھے۔ڈی ایس پی آصف جاوید کا کہنا تھا کہ انصاف کے تقاضے پورے کرنے کے لیے ٹیم اپنی بھرپور کوشش کر رہی ہے، لیکن اگر ٹیسٹ نہ ہوئے تو تحقیقات آگے نہیں بڑھ سکتیں۔

پس منظر اور عدالتی کارروائی

پولیس کی تحقیقاتی ٹیم کو لاہور میں 9 مئی کے 11 مقدمات پر عمران خان سے تفتیش کرنی ہے۔واضح رہے کہ پولی گرافک ٹیسٹ کے لیے پولیس پہلے بھی تین بار عمران خان سے رابطہ کر چکی ہے، لیکن ہر بار انہوں نے تحریری طور پر ٹیسٹ سے انکار کیا، جس کے باعث ٹیم کو بغیر کسی کارروائی کے واپس جانا پڑا۔

26 مئی کو لاہور کی انسداد دہشت گردی عدالت میں پراسیکیوشن نے عمران خان کا جواب جمع کرایا۔ ڈی ایس پی لیگل نے مؤقف اختیار کیا کہ جب تک یہ سائنسی ٹیسٹ مکمل نہیں ہوں گے، تفتیش مکمل نہیں ہو سکے گی۔عدالت کو بتایا گیا کہ تفتیشی افسران عمران خان سے مکمل تعاون کریں گے، اور امید ہے کہ عمران خان بھی تفتیش میں معاونت کریں گے۔

بعد ازاں عدالت نے فیصلہ سناتے ہوئے پولی گرافک اور فوٹو گرامیٹک ٹیسٹ کروانے کا حکم جاری کرتے ہوئے پولیس سے 9 جون تک رپورٹ طلب کرلی۔

یاد رہے کہ 14 مئی کو انسداد دہشت گردی کی عدالت نے بانی پی ٹی آئی کا پولی گرافک ٹیسٹ کروانے کی اجازت دی تھی۔ پراسیکیوشن کی درخواست میں کہا گیا تھا کہ 9 مئی کے واقعات کی سچائی جاننے کے لیے سائنسی ٹیسٹ ناگزیر ہیں۔

تاہم، سماعت کے دوران عمران خان کے وکیل بیرسٹر سلمان صفدر نے درخواست کی سخت مخالفت کی اور اسے بدنیتی پر مبنی قرار دیا، مؤقف اختیار کیا کہ دو سال بعد ایسی درخواست کا آنا شکوک پیدا کرتا ہے۔

ملک ظفر اقبال بھوہڑ کو عوامی میڈیا کونسل کا چیئرمین منتخب ہونے پر آل پاکستان بھوہڑ ایسوسی ایشن کی مبارکباد

Tools