محکمہ مومسیات کے مطابق کراچی اسلام آباد میں گرج چمک کے ساتھ مزید بارش کا امکان ہے –
باغی ٹی وی : محکمہ موسمیات کے مطابق سوات، مالاکنڈ، ایبٹ آباد،مانسہرہ، پشاور، مردان، کرم ،کوہاٹ ،بنوں ،وزیر ستان اوردیر میں بارش متوقع ہے، جنکہ حیدر آباد اورکراچی میں تیز ہواؤں اور گرج چمک کے ساتھ چندمقا مات پر موسلادھار بارش کا امکان ہے-
محکمہ موسمیات کے مطابق سکھر،سانگھڑ، دادو،ٹھٹھہ،بدین،تھرپارکر، عمر کوٹ،دادو اور میر پور خاص میں بارش متوقع ہے سیالکوٹ، نارووال ،لاہور، گوجرانوالہ، حافظ آباد اور فیصل آباد میں موسلادھار بارش متوقع ہے-
محکمہ موسمیات کے مطابق رحیم یار خان ، راجن پور اور ڈیرہ غازی خان میں گرج چمک کے ساتھ بارش کا امکان ہے فیصل آباد، ٹوبہ ٹیک سنگھ، اوکاڑہ،لاہور ، شیخوپورہ ،بہاولنگر، بہاولپور اورملتان میں بارش متوقع ہے-
محکمہ موسمیات کے مطابق سرگودھا، حافظ آباد، میانوالی، بھکر، لیہ، منڈی بہاؤالدین، جھنگ میں بارش کا امکان ہے راولپنڈی،مری، اٹک، جہلم، چکوال،گجرات، گوجرانوالہ،سیالکوٹ اورنارووال میں بارش متوقع ہے-
محکمہ موسمیات کے مطابق بارکھان ، کوہلو، نصیر آباد ،اور ماڑہ، کیچ اورگوادر میں تیز ہواؤں کے ساتھ بارش متوقع ہے خضدار،قلات ، لسبیلہ،پنجگور، آواران ، تربت، خاران اور ژوب میں بارش کا امکان ہے-
محکمہ موسمیات کے مطابق اسلام آباد میں بھی بعض مقامات پر گرج چمک کے ساتھ مزید بارش کا امکان ہے آزاد کشمیر، خیبر پختونخوا اور گلگت بلتستان میں بعض مقامات پر موسلادھار بارش متوقع ہے بلوچستان،سندھ اور وسطی پنجاب میں تیز ہواؤں اور گرج چمک کے ساتھ مزید بارش کا امکان ہے-
کوئٹہ، مون سون بارشوں سے ہونے والے نقصانات سے متعلق رپورٹ جاری کر دی، پارلیمانی سیکریٹری اطلاعات کے مطابق بارشوں سےاب تک 39 افراد جاں بحق ہوئے،جاں بحق ہونے والوں میں 10 مرد، 16 خواتین اور 13 بچے شامل ہیں بارشوں کے باعث مختلف حادثات میں 47 افراد زخمی ہوئے –
پارلیمانی سیکریٹری اطلاعات کے مطابق بارشوں سے سب سے زیادہ کوئٹہ، لسبیلہ، سبی،ہرنائی،دکی متاثر کوہلو ،بار کھان ،ژوب اور ڈیرہ بگٹی بھی بارشوں سے متاثر ہوئے-
کراچی کے مختلف علاقوں میں ایک بار پھر بارش سلسلہ شروع ہو گیا سپرہائی وے،نادرن بائی پاس اور صدرمیں بارش موسلا دھار بارش ہوئی گرومندر،گلشن اقبال،نرسری،ڈیفنس کے مختلف فیز میں بارش ہوئی-
محکمہ موسمیات کی جانب سے کراچی میں دن بھر ہونے والی بارش کے جاری اعداد و شمار کے مطابق سب سے زیادہ بارش ڈیفنس فیز 2 میں 45 ملی میٹر ریکارڈ ہوئی ،مسروربیس پر33ملی میٹر،جناح ٹرمینل پر28ملی میٹربارش ہوئی،سرجانی ٹاون میں27 ملی میٹر،ناظم آباد میں 23ملی میٹرریکارڈکی گئی شہرمیں سب سے کم بارش قائد آباد میں 6 ملی میٹرریکارڈ کی گئی-
جہانیاں شہر اور گردونواح میں موسلا دھار بارش ہوئی نشیبی علاقے زیر آب آ گئے،بجلی کی فراہمی معطل رہی جس سے شہریوں کو مشکلات کا سامنا رہا جبکہ میلسی شہر اور گردونواح میں موسلا دھار بارش کے باعث بجلی کی فراہمی معطل رہی ،نشیبی علاقے زیر آب آ گئے جیکب آباد شہر سمیت مختلف علاقوں میں بھی بارش جاری ہے جس سے موسم خوشگوار ہو گیا-
پشین میں کلی ڈب خانزئی کراس،منزکی،ملکیار دامان،شیخالزئی میں سیلابی ریلہ داخل ہو گیا کلی ملکیار میں بھی اونچے درجے کا سیلاب لیویز ذرائع کے مطابق ڈب کراس لیویز چیک پوسٹ اور بی ایچ یو اسپتال سیلابی ریلے کی زد میں آگیا متعدد گھروں کی دیواریں منہدم ہو گئیں لوگوں نے نقل مکانی شروع کر دی امدادی کارروائیوں کے دوران لیویز کی گاڑی سیلابی ریلے میں بہہ گئی گاڑی میں ڈرائیور،دو خواتین اور تین بچے سوار تھے-
راجن پورمیں درہ کاہا سلطان پر پانی کی آمد جاری،ریلہ 31 ہزار کیوسک تک پہنچ گیا ہے درہ کاہاسلطان سے 21 ہزار کیوسک کا ریلہ نشیبی علاقوں کی جانب بڑھنے لگا سیلابی پانی سےٹرائیبل ایریا کے کئی علاقے متاثر ہونے کے خطرے کا الرٹ جاری کر دیا گیا-
ضلعی انتظامیہ کے مطابق رود کوہی نالوں میں سیلاب آگیا سیلابی پانی کے باعث 200 سے زائد بھڑ بکریاں بہہ گئیں،ریسکیو اہلکاروں نے سیلابی پانی میں پھنسے ایک شخص کو بچا لیا-
