Tag: لاہور

لاہور: حلقہ پی پی 97 کے ضمنی انتخابات میں حصہ لینے والے امیدواروں کو انتخابی نشان الاٹ کر دیئے گئے۔تفصیلات کے مطابق پی ٹی آئی کے ٹکٹ ہولڈر علی افضل ساہی کو بلے، مسلم لیگ ن کے نامزد امیدوار اجمل چیمہ کو شیر کا نشان الاٹ کر دیا گیا، جماعت اسلامی کے امیدوار علی احمد گورایہ کو ترازو، تحریک لبیک کے نوید شفیع کو کرین کا نشان الاٹ ہو گیا۔

پیپلز پارٹی کے سابق ایم این اے طارق محمود باجوہ انتخابی نشان چارپائی کے ساتھ آزاد امیدوار کی حیثیت سے میدان میں ہیں، آزاد امیدوار فواد احمد چیمہ کو تالا، شیر افگن چیمہ کرکٹ وکٹ، رضوان لیاقت کو میز کے انتخابی نشان الاٹ کر دیئے گئے۔

آزاد امیدوار محمد آصف عزیز کو پیرا شوٹ، محمد شعیب اسلم کو ریلوے انجن، محمد عامر نواز کو بکری اور وسیم اکرم کو بیل کا نشان جاری کردیا گیا ہے، ضمنی انتخابات پی پی 97 سے 18 امیدواروں نے کاغذات نامزدگی جمع کروائے تھے۔

جنید افضل ساہی، سلیم جہانگیر چٹھہ، لقمان چوہدری، رانا فیاض، صنعان جہانگیر نے علی افضل ساہی کی حمایت میں کاغذات نامزدگی واپس لے لئے، سابق ن لیگی ایم پی اے آزاد علی تبسم نے اجمل چیمہ کی حمایت میں کاغذات نامزدگی واپس لے لیے۔

مسلم لیگ ن کی ٹکٹ پر ضمنی الیکشن لڑنے والے اجمل چیمہ کے بھتیجے شیر افگن چیمہ نے کاغذات واپس نہیں لیے، شیر افگن چیمہ کو انتخابی نشان کرکٹ وکٹ الاٹ ہوا ہے۔

چیئرمین پی ٹی آئی عمران خان کا دورہ لاہور کا حتمی شیڈول جاری کردیا گیا ہے ، اور یہ بھی معلوم ہوا ہے کہ چیرمین پاکستان تحریک انصاف کل لاہور تشریف لارہے ہیں ، اس سلسلے میں پارٹی قائدین کے ساتھ صلاح مشورے بھی جاری ہیں ،

لاہور میں ضمنی انتخاب کے سلسلے میں مہم چلانے کے لیے چئیرمین پی ٹی آئی عمران خان کل سہ پہر 4 بجے لاہور جائیں گے، بھی تفصیلات آرہی ہیں کہ اس دوران عمران خان لاہور کے چاروں حلقوں میں ضمنی انتخاب کی مہم چلائیں گے

پارٹی ذرائع کی طرف سے کہا جارہا ہے کہ عمران خان ریلی کی صورت میں چاروں حلقوں میں جائیں گے، یہ بھی بتایا جارہا ہےکہ عمران خان پی پی 168 میں آشیانہ روڈ پر عوامی اجتماع سے خطاب کریں گے، لاہور کے دوسرے انتخابی حلقے میں بھی وہ خطاب کریں گے ،اطلاعات میں بتایا گیا ہے کہ پی پی 158 گلبرگ میں حالی روڈ پر دوسرا خطاب کریں گے، ایسے ہی پی پی 170 میں ابوبکر چوک واپڈا ٹاون میں عمران خان کاتیسرا خطاب ہوگا

معروف ترک عالم دین کا انتقال، عمران خان اورمولانا فضل الرحمان کا دکھ کا اظہار

ذرائع کے مطابق دورہ لاہور کے دوران عمران خان کا آخری اورچوتھاخطاب عمران خان پی پی 167 میں امپیریل مارکی عمر چوک میں خطاب کریں گے، یہ بھی معلوم ہوا ہے کہ عمران خان پارٹی کی صوبائی قیادت سے انتخابی تیاریوں پر بھی بریفنگ لیں گے

خیال رہے کہ الیکشن کمیشن نے پنجاب اسمبلی میں حمزہ شہباز کو وزارتِ اعلیٰ کے لیے ووٹ دینے والے تحریک انصاف کے 25 ممبران کو نا اہل کروا دیا گیا، پانچ خصوصی نشستوں کے علاوہ 20 نشستوں پر صوبے بھر میں الیکشن ہوں گے، چار سیٹوں پر لاہور میں الیکشن ہونگے۔دوسری طرف چیئرمین پی ٹی آئی نے پنجاب کے ضمنی انتخابات میں ٹف ٹائم دینے کا فیصلہ کرلیا ،

دوسری طرف لاہور کے چار صوبائی حکومتوں کے ضمنی الیکشن کے لیے امیدواروں کی حتمی فہرستیں جاری کر دی گئی ہیں، مجموعی طور پر 42 امیداروں مدمقابل ہیں، پی پی 158 میں 14 امیدواروں میدان میں ہیں، ن لیگ نے رانا احسن اور پی ٹی آئی نے میاں عثمان اکرم کو ٹکٹ دیا ہے، پی پی 167 میں کل 11 امیدواروں کے درمیان مقابلہ ہے، لیگی رہنما نذیر چوہان اور پی ٹی آئی سے شبیر احمد گجر سمیت گیارہ امیدوار مقابلے میں ہیں۔

عمران خان پانی کی بوتل ضائع نہیں ہونے دیتا، وہ کرپش کیسے کریگا۔ ارشد شریف

پی پی 168 میں کل 9 امیدواروں حصہ لے رہے ہیں، لیگی امیدوار ملک اسد کھوکھر اور پی ٹی آئی نواز اعوان سمیت دیگر کے درمیان مقابلہ ہوگا، پی پی 170 میں کل 8 امیدواروں کے درمیان مقابلہ ہو گا۔ لیگی امیدوار محمد امین ذوالقرنین اور پی ٹی آئی کے ملک ظہر عباس سمیت آٹھ کے درمیان مقابلہ ہوگا۔چاروں صوبائی حلقوں میں مسلم لیگ نون،تحریک انصاف،جماعت اسلامی،تحریک لبیک سمیت متعدد امیدوار میدان میں ہیں ضمنی انتخاب کے لیے پولنگ 17 جولائی کو ہوگئی۔

ضمنی الیکشن،عمران خان کاحکومت کو ٹف ٹائم دینے کا فیصلہ ،اتوار کو دورہ لاہور

چیئرمین پی ٹی آئی اور سابق وزیراعظم عمران خان نے پنجاب کے ضمنی انتخابات میں حکومت کو ٹف ٹائم دینے کا فیصلہ کرلیا ، عمران خان منحرف اراکین اسمبلی کے حلقوں کا دورہ کریں گے۔لاہور میں ضمنی انتخاب کیلئے پی ٹی آئی امیدواروں کی مہم چلانے کے لیے سابق وزیراعظم اور چیئرمین تحریک انصاف عمران خان اتوار کو لاہور آئیں گے۔

الیکشن کمیشن نے پنجاب اسمبلی میں حمزہ شہباز کو وزارتِ اعلیٰ کے لیے ووٹ دینے والے تحریک انصاف کے 25 ممبران کوڈی سیٹ کر دیا تھا، پانچ خصوصی نشستوں کے علاوہ 20 نشستوں پر صوبے بھر میں ضمنی انتخاب ہو گا، چار سیٹوں پر لاہور میں الیکشن ہونگے۔

چار سیٹوں پر الیکشن کی مہم کے سلسلے میں پی ٹی آئی چیئر مین عمران خان اتوار کو لاہور آئیں گے، وہ چار حلقوں میں کنونشن اور جلسوں سے خطاب کریں گے۔ سابق وزیراعظم عمران خان لاہورکے چار حلقوں پی پی 168, 167, 170 اور 158 میں انتخابی مہم چلائیں گے۔

دوسری طرف لاہور کے چار صوبائی حکومتوں کے ضمنی الیکشن کے لیے امیدواروں کی حتمی فہرستیں جاری کر دی گئی ہیں، مجموعی طور پر 42 امیداروں ضمنی انتخاب میں مد مقابل ہیں، پی پی 158 میں 14 امیدواروں میدان میں ہیں یہاں ن لیگ نے رانا احسن اور پی ٹی آئی نے میاں عثمان اکرم کو ٹکٹ دیا ہے، پی پی 167 میں کل 11 امیدواروں کے درمیان مقابلہ ہو گا، لیگی رہنما نذیر چوہان اور پی ٹی آئی سے شبیر احمد گجر سمیت گیارہ امیدوارمد مقابل ہیں۔

پی پی 168 میں کل 9 امیدواروں حصہ لے رہے ہیں،اس حلقہ میںمسلم لیگ ن کے امیدوار ملک اسد کھوکھر اور پی ٹی آئی کے امیدوارنواز اعوان سمیت دیگر کے درمیان مقابلہ ہوگا، پی پی 170 میں کل 8 امیدواروں کے درمیان مقابلہ ہو گا،اس حلقہ سے محمد امین ذوالقرنین مسلم لیگ ن کے امیدوارہیں جبکہ پی ٹی آئی نے ملک ظہر عباس کوپارٹی ٹکت دیا ہے.

چاروں صوبائی حلقوں میں مسلم لیگ نون،تحریک انصاف،جماعت اسلامی،تحریک لبیک پاکستان سمیت متعدد امیدوار میدان میں ہیں ضمنی انتخاب کے لیے پولنگ 17 جولائی کو ہوگئی۔

رات نو بجے لاہور میں دکانیں بند، خلاف ورزی پر کاروائی کا فیصلہ

توانائی بحران کے پیش نظر لاہور میں آج سے کاروباری اوقات محدود کرنے کے فیصلے پر سختی سے عملدرآمد کرانے کا فیصلہ کیا گیا ہے

ڈپٹی کمشنر لاہور عمر شیر چٹھہ کی زیرصدارت توانائی بحران سے نمٹنے کے لیے کاروباری اوقات میں ردو بدل کے فیصلے پرعملدرآمد کے حوالے سے ایک اجلاس ہوا جس میں ایڈیشنل ڈپٹی کمشنر، اسسٹنٹ کمشنرز اور دیگر متعلقہ افسران شریک ہوئے ڈی سی لاہور نے کہا کہ شہر میں تمام کاروباری مراکز کو آج رات 9 بجے بند کرانے کے فیصلے پر عملدرآمد کرایا جائے گا سرکاری عملے، لیبر انسپکٹرز اور دیگر ادروں کے تعاون سے کاروباری مراز کو مقررہ وقت پر بند کرایا جائے گا

ضلعی انتظامیہ لاہور نے آج رات سے مقرر کردہ اوقات کے مطابق دکانیں بند کرانے کے لئے ٹیمیں تشکیل دے دیں. پانچ تحصیلوں میں اٹھارہ کلسٹر بنا دئیے گئے ہیں. اسسٹنٹ کمشنرز، ریونیو ، لیبر اور ایم سی ایل کے افسران پر مشتمل ٹیم عملدرآمد کروائے گی. ٹیموں کو کلسٹر کے مطابق ذمہ داریاں تفویض کر دی گئی ہیں.

1_ تحصیل رائیونڈ میں تین کلسٹر بنائے گئے ہیں. مانگا منڈی، رائیونڈ، بحریہ ٹاؤن، چوہنگ بازار، آرائیاں، سندر ملتان روڈ کی مارکیٹس شامل ہیں. 2_ تحصیل شالیمار میں تین کلسٹر بنائے گئے ہیں.مغل پورہ مارکیٹ، مغلپورہ لنک روڈ، سکھ بازار، غازی آباد بازار، نقشبندی بازار ، فیصل پارک جلو موڑ، کرول بازار، شالیمار لنک روڈ، رام گڑھ بازار اور مین جی ٹی روڈ شامل ہیں. 3_ تحصیل کینٹ میں چار کلسٹر بنائے گئے ہیں.پی اے ایف مارکیٹ، آر اے بازار، ڈی ایچ اے وائے بلاک فیز 5، کیولری گراؤنڈ، والٹن روڈ، مال آف لاہور، گرجا چوک، لالک جان روڈ، لدھر بیدیاں روڈ، برکی روڈ، ڈی ایچ اے فیز06 ، بھٹہ چوک اور ایونیو شامل ہیں. 4_ تحصیل سٹی میں چار کلسٹر بنائے گئے ہیں.انار کلی بازار، مال روڈ، پینوراما، بیڈن روڈ، ہال روڈ، شاہ عالم مارکیٹ، اعظم مارکیٹ، عابد مارکیٹ، مین مزنگ بازار، سمن آباد مارکیٹ، اسلام پورہ، یتیم خانہ، فرنیچر مارکیٹ، بند روڈ، کریم پارک، ملک پارک شامل ہیں. 05_ تحصیل ماڈل ٹاؤن میں چار کلسٹر بنائے گئے ہیں. لبرٹی مارکیٹ، برکت مارکیٹ، مین مارکیٹ ، غالب مارکیٹ، اوریگا سنٹر، حفیظ سنٹر، ایم ایم عالم روڈ، نور جہاں روڈ، محمود قصوری روڈ، جیل روڈ، شادمان مارکیٹ ، فیروز پور روڈ، اچھرہ، کریم بلاک مارکیٹ، مون مارکیٹ، ٹائر مارکیٹ، فردوس مارکیٹ، ٹاؤن شپ، کاہنہ نو بازار، نشتر کالونی، یوحنا آباد اور کالج روڈشامل ہیں.

ڈی سی لاہور عمر شیر چٹھہ کا کہنا ہے کہ پہلے مرحلہ میں خلاف ورزی پر وارننگ دی جائے گی.دوسرے مرحلہ میں ایک دن کے لئے دکان کو بند کیا جائے گا.تیسرے مرحلہ میں تین روز کے لئے دکان کو بند کر کے عدالت میں کیس ریفر کیا جائے گا.

چینی بحران رپورٹ، جہانگیر ترین کے خلاف بڑا ایکشن،سب حیران، ترین نے کی تصدیق

چینی بحران کا ذمہ دار جہانگیر ترین نہیں بلکہ شریف برادران،اہم انکشافات سامنے آ گئے

چینی کی قیمتوں میں اضافے پر سینیٹ میں بھی تحقیقات کا مطالبہ

لاہور:صوبائی وزیرداخلہ عطااللہ تارڑ کی طرف سے کہا گیا ہے کہ ضمنی الیکشن سے پہلے ہی ٹینشن، لاہور کے حلقہ پی پی 167 میں پی ٹی آئی اور ن لیگی کارکنوں کا تصادم ہوا، حکومتی امیدوار نذیر چوہان اور تحریک انصاف کے خالد گجر کے بیٹے زخمی ہوگئے، فریقین نے ایک دوسرے پر فائرنگ کے الزامات عائد کئے جبکہ عطا تارڑ نے کہا کہ کل کے پر تشدد واقعہ پر ایس ایچ او تھانہ جوہر ٹاؤن کو معطل کردیا گیا ہے۔

لاہور میں پریس کانفرنس کرتے ہوئے وزیر داخلہ پنجاب نے کہا کہ ایس ایچ او جوہر ٹاؤن کو معطل کرنے کا حکم دیتا ہوں کیونکہ وہ امن و امان قائم کرنے میں ناکام رہے، متعلقہ ایس پی رپورٹ طلب کریں گے کیوں اسلحہ کی نمائش اور اس پر پابندی کیوں نہیں کی گئی، نذیر چوہان پر جان لیوا حملہ ہوا کسی امیدوار کو اسلحہ کی نمائش اور ساتھ لانے پر پابندی ہے، جس امیدوار کو زیادہ خطرہ ہوگا انہیں دو پولیس اہلکار گارڈ کے طور پر دئیے جائیں گے، جس طریقے سے فائرنگ ہوئی کہ نذیر چوہان کی گاڑی کو چھلنی کیا گیا، جو بھی فائرنگ واقعہ میں ملوث ہوگا اس کے خلاف سخت کارروائی کی جائے گی۔

عطا تارڑ نے مزید کہا کہ جہاں جہاں ضمنی الیکشن ہے وہاں اسلحہ کی نمائش پر سخت پابندی ہوگی، پولیس افسران کی اندھا دھند پوسٹنگ کی گئیں جس کے ریٹ طے تھے جس کا خمیازہ عوام بھگت رہے ہیں، امن و امان کی صورت برترین مقام تک پہنچ چکی ہے، نذیر چوہان پر فائرنگ خالد گجر نے کی، سیٹیں گولیوں سے چھلنی ہوئی، خالد گجر کے بیٹے عادل کے سر پر چوٹ آئی جو کہ جناح ہسپتال میں زیر علاج ہے۔

ان کا کہنا تھا کہ جنسی حراسانی اور زیادتی کا نشانہ بننا اور ان میں اضافہ باعثِ تشویش ہے، بچوں و خواتین سے زیادتی کے واقعات میں شدت سے اضافہ ہوا ہے، پنجاب میں روزانہ چار سے پانچ کیسز ریپ کے رپورٹ ہو رہے ہیں، ریپ کیسز میں تشویشناک حد تک اضافہ ہو رہا ہے، وزیر اعلیٰ حمزہ شہباز نے آتے ہی فرض شناس افسران کی تعیناتیاں کیں، چوکیاں، اٹک، باٹا پور جیسے ریپ واقعات میں اضافہ ہو رہا ہے، حکومت نے فیصلہ کیا ہے بچوں عورتوں کے خلاف تشدد ریپ کیسز پر خصوصی اقدامات کر رہے ہیں، جنسی حراساں، زیادتی کا نشانہ اور زور زبردستی پر حکومت سوچ رہی ہے۔

انہوں نے کہا کہ حکومت ریپ کیسز پر ایمرجنسی کا اعلان کرتی ہے، ہم نے ریپ کیسز پر کیبنٹ کمیٹی امن و امان تمام کیسز کا جائزہ لے گی، سول سوسائٹی، خواتین حقوق کی تنظیمیں، اساتذہ، وکلا سمیت مختلف اداروں سے مشاورت کی جائے گی، ملتان میں بچہ سے زیادتی والا کزن، خاتون سے زیادتی کرنے والا ہمسایہ تھا، والدین سے اپیل کروں گا کہ بچوں کے تحفظ کےلئے آگاہی دینا ہوگی، فیملی ممبر بغیر نگرانی کے گھروں میں اکیلا نہ چھوڑا جائے، فرانزک لیب اور سیف سٹی سے ریپ کیسز کے ملزمان کو پکڑا گیا، ریپ کے خلاف آگاہی مہم اور بچوں کو بھی اسکولوں میں جنسی حراسگی پر بتائیں گے۔

وزیر داخلہ کا کہنا تھا کہ اب والدین کو آگاہی دینا ہوگی بچوں کو کس طرح تحفظ کرنا ہے، خواتین کے خلاف جنسی زیادتی کے واقعات پر ہیلپ لائن اور قوانین میں بھی ترامیم کریں گے، قوانین میں ترامیم کر کے خواتین کے حقوق کا تحفظ، سزاؤں میں اضافہ کریں گے، ڈی این اے سیمپل کو فاسٹ ٹریک کے ذریعے اقدامات کئے جائیں گے، زیادتی پر دو ہفتوں میں ایسا نظام لائیں گے جس سے واقعات میں کمی آئے گی۔

لاہور:اسپیکر پنجاب اسمبلی چوہدری پرویز الٰہی نے کہا ہے کہ گورنر پنجاب نے آرڈیننس جاری کر کے نہایت غیر قانونی کام کیا ہے۔تفصیلات کے مطابق چوہدری پرویز الٰہی سے سابق گورنر پنجاب عمر سرفراز چیمہ کی ملاقات ہوئی جس میں موجودہ ملکی سیاسی صورتحال سمیت پنجاب میں آئینی بحران کے حوالہ سے تبادلہ خیال ہوا۔

اس موقع پر چوہدری پرویز الٰہی کا کہنا تھا کہ گورنر پنجاب نے آرڈیننس جاری کر کے نہایت غیر قانونی کام کیا ہے، ووٹ کو عزت دو کا نعرہ لگانے والوں نے سب سے بڑے جمہوری ادارے پنجاب اسمبلی کو نقصان پہنچایا، گورنر کے ذریعے پنجاب اسمبلی کے اختیارات کو سلب کرنے کی کوشش کی گئی۔

انہوں نے کہا کہ اسمبلی کے علاوہ کسی اور جگہ اجلاس بلانے کی کوئی آئینی و قانونی حیثیت نہیں جیسے مہمانوں کی گیلری میں الیکشن کی کوئی حیثیت نہیں، اسمبلی سے باہر غیر آئینی اجلاس سیکرٹری پنجاب اسمبلی اور سٹاف کے بغیر اجلاس طلب کر کے غیر قانونی کام کیا گیا۔

ان کا کہنا تھا کہ اسمبلی کے رولز آف پروسیجر کے مطابق اسپیکر کا طلب کردہ اجلاس اسپیکر ہی ختم کر سکتا ہے، کسی اور کے پاس اسپیکر کے طلب کردہ اجلاس کو ختم کرنے کا اختیار نہیں ہے، اسپیکر کے ہوتے ہوئے ڈپٹی اسپیکر کے پاس اجلاس کرنے کا کوئی اختیار نہیں۔
پنجاب میں سیاسی اور آئینی بحران تیزسے تیز تر ہورہا ہے ادھر آج گورنرپنجاب نے ایوان اقبال میں پنجاب اسمبلی کا اجلاس طلب کرلیا،اطلاعات کے مطابق گورنر پنجاب محمد بلیغ الرحمان کا طلب کردہ پنجاب اسمبلی کا اجلاس آج ایوان اقبال میں ہوگا۔

تفصیلات کے مطابق ایوانِ اقبال میں پنجاب اسمبلی کے اجلاس کیلئے گھنٹیاں بجنا شروع ہوگئیں، بجٹ اجلاس میں آج دوسرے روز بجٹ پر بحث ہوگی، اپوزیشن اور ق لیگ نے ایوانِ اقبال میں طلب اجلاس کا بائیکاٹ کر رکھا۔اجلاس کی صدارت ڈپٹی دوست محمد مزاری کریں گے، ایوانِ اقبال میں پولیس نے سیکیورٹی محاز سنبھال لیا، حکومت اور اپوزیشن کے مذاکرات ناکام ہونے پر گورنر پنجاب نے پنجاب اسمبلی کا اجلاس ایوانِ اقبال میں طلب کیا۔

گورنر پنجاب نے ایوان اقبال کو اسمبلی قرار دے رکھا ہے، پنجاب اسمبلی میں اپوزیشن کی ریکوزیشن پر اجلاس پیر کو ہوگا، اپوزیشن کے ایوانِ اقبال میں بائیکاٹ کے باعث بجٹ پر کٹوتی کی تحریک پیش نہیں کر سکیں گے۔