لاہور:ڈی آئی جی آپریشنز لاہور نے کہا کہ ضمنی الیکشن میں اب تک 12 افراد کو ضابطہ اخلاق کی خلاف ورزی کرنے پر گرفتار کیا جا چکا ہے ۔

ذرائع کے مطابق ڈی آئی جی آپریشنز کا کہنا ہے کہ ٹاؤن شپ میں ایک مشکوک گاڑی کی چیکنگ کے دوران دوران پستول اور گولیاں ملنے پر پانچ افراد کو گرفتار کیا گیا، ستوکتلہ میں نجی ہاؤسنگ سوسائٹی سے 3 افراد سے اسلحہ برآمد ہوا ہے ۔

ڈی آئی جی آپریشنز کے مطابق کوٹ لکھپت ، نصیر آباد اور نشتر کالونی میں چار افراد سے اسلحہ برآمد ہوا ہے ۔

اس سے پہلے سابق وفاقی وزیر داخلہ شیخ رشید احمد کا کہنا تھا کہ یہ الکیشن بہت اہم ہیں اور پی ٹی آئی سپورٹر کو تاکید کی تھی کہ وہ باہر نکلیں اور ووٹ کاسٹ کریں

فوج کےجوان پولنگ کےدوران امن و امان برقرار رکھنے کیلئےذمہ داریاں نبھائیں گے:آئی ایس پی آر

سماجی رابطے کی ویب سائٹ ٹوئٹر پر شیخ رشید نے آج الیکشن کے حوالے سے اپنے ویڈیو پیغام میں کہا کہ آج کا دن پاکستان کی سیاسی تاریخ کا اہم دن ہے۔انہوں نے کہا کہ سب باہر نکلیں اور عمران خان کے امیدوار کو ووٹ دیں، آج تخت لاہور کا فیصلہ ہونا ہے۔

سابق وفاقی وزیر کا کہنا ہے کہ جو لوگ ہم پر مسلط کیے گئے اور جن کی وجہ سے ملک بحران کا شکار ہوا اور جن لوگوں کی وجہ سے مہنگائی کا سامنا کرنا پڑا ان لوگوں سے صرف ووٹ کے ذریعے نجات حاصل کر سکتے ہیں۔

pic.twitter.com/fdJvI5OcjD

— Sheikh Rashid Ahmed (@ShkhRasheed) July 17, 2022

شیخ رشید نے مزید کہا کہ صرف 2 گھنٹے رہ گئے ہیں، عوام ووٹ دینے کیلئے باہر نکلیں، عمران خان نے بہت محنت کی ہے، عمران خان کے امیدوار انکو کامیاب کروائیں۔

واضح رہے کہ پنجاب کے 20 حلقوں میں ضمنی انتخابات کے لیے پولنگ پولنگ جاری ہے، صبح 8 بجے شروع ہونے والا ووٹنگ کا عمل بغیر کسی وقفے کے شام 5 بجے تک جاری رہے گا۔

20 صوبائی حلقوں میں 175 امیدواروں کے درمیان مقابلہ ہو رہا ہے، آج کے ضمنی انتخابات ن لیگ اور تحریکِ انصاف کی مقبولیت کا امتحان بھی ہیں۔

ووٹ ڈالتے ہوئے گزشتہ دور میں تبدیلی کےنام پر برپا کی گئی تباہی کےبارے ضرور سوچئےگا،وزیر اعظم

پنجاب کی پگ کا فیصلہ آج ہو جائے گا، مسلم لیگ ن کو حمزہ شہباز کی وزارتِ اعلیٰ برقرار رکھنے کے لیے مزید 9 نشستوں کی ضرورت ہے، جبکہ پی ٹی آئی مزید 13 نشستوں کی خواہش مند ہے.

لاہور: پولیس نے فیکٹری ایریا سے مبینہ طور پر ووٹ خریدنے والا ملزم گرفتار کر لیا-

باغی ٹی وی : لاہور پولیس کا دعویٰ ہے کہ ملزم کو فیکٹری ایریا سے ووٹ خریدنے کے الزام میں گرفتار کیا گیا ہے پولیس کا کہنا ہے کہ پاکستان تحریک انصاف کے کارکن سے 200 شناختی کارڈ زبرآمد ہوئے-

پولیس کے مطابق ملزم خالد سندھو پی پی 168 میں شناختی کارڈز کے ذریعے ووٹ خریدنے کی منصوبہ بندی کر رہا تھا، ملزم کے خلاف مقدمہ درج کر لیا گیا ہے۔

پولیس کا کہنا ہے کہ ملزم نے پی پی 168 لاہور کی مختلف یوسیز میں ووٹروں کے شناختی کارڈ لےکر انہیں پیسے دئیے ملزم خالد سندھو نے بتایا کہ ان لوگوں کی ڈیمانڈ تھی اور ہر کارڈ کے عوض پیسے دینے کی ڈیل ہوئی تھی، ڈیل یہ تھی کہ ہر کارڈ پر اتنے پیسے دیں تو ووٹ ڈالیں گے، اس لیے کارڈ اکٹھے کیے تھے کہ ہر کارڈ کے عوض کسی کو 2 اور کسی کو 3 ہزار روپے دینے تھے-

واضح رہے کہ پنجاب کے14 اضلاع کے 20حلقوں میں اہم ترین ضمنی انتخابات کا میدان کل سجے گا۔20 حلقوں میں 175 امیدواروں میں مقابلہ ہوگا۔ الیکشن کمیشن کے مطابق مجموعی طور پر 45 لاکھ 79 ہزار 898 ووٹرز اپنا حق رائے دہی استعمال کریں گے۔رجسٹرڈ ووٹرز میں 24 لاکھ 60 ہزار 206 مرد ، 21 لاکھ 19 ہزار 692 خواتین ووٹرز شامل ہیں۔

20حلقوں کے لیے3ہزار131پولنگ اسٹیشنز قائم کیے گئے ہیں۔ مرد پولنگ اسٹیشنز کی تعداد731،خواتین کیلئے700جبکہ1700مشترکہ اسٹیشنز قائم ہیں۔مجموعی طور پر 1900 پولنگ اسٹیشن حساس قرار دیے گئے ہیں۔696پولنگ اسٹیشنز انتہائی حساس،ایک ہزار204حساس قرار دیے گئے ہیں۔

الیکشن کمیشن کے مطابق لاہور اور ملتان کے حلقے انتہائی حساس اضلاع قرار دیئے گئے ہیں لاہور کے تمام پولنگ اسٹیشنوں کو حساس قرار دیا گیا ہے بیلٹ پیپرز کی ترسیل ریٹرننگ افسران تک کردی گئی ہے. آج الیکشن مٹیریل ریٹرننگ افسران کے دفاتر سے پریذائیڈنگ افسران کے حوالے کیا جائے گا۔

ذرائع الیکشن کمیشن کا کہنا ہے کہ انتہائی حساس پولنگ اسٹیشنوں پر سی سی ٹی وی کیمرے نصب کیے گئے ہیں، پولیس اور رینجرز کی نفری حساس،انتہائی حساس پولنگ اسٹیشنوں پر ڈیوٹی سر انجام دے گی۔

لاہور:جیسے جیسے انتخابات قریب آرہے ہیں تلخیاں بھی بڑھتی جارہی ہیں اور مخالفین نے ایک دوسرے کے خلاف الزام تراشیوں کا بازار بھی گرم کررکھا ہے ، اس حوالے سے کچھ زیادہ تلخی اس وقت سامنے آئی جب پنجاب کے وزیرداخلہ عطااللہ تارڈ نے یہ خبر وائرل کی کہ پاکستان تحریک انصاف کے رہنماوں کے پنجاب داخلے پرپابندی لگا دی ہے ،

عطااللہ تارڑ کے بیان پر ردعمل دیتے ہوئے تحریک انصاف کے رہنما علی امین گنڈاپور نے پنجاب میں داخلےپرپابندی عائد کیےجانےپر قانونی راستہ اختیار کرنے کا اعلان کرتے ہوئےکہا ہے کہ الیکشن کمیشن اور پنجاب حکومت کیخلاف عدالت جاؤں گا۔

اس حوالے سے اپنا ردعمل دیتے ہوئے علی امین گنڈاپور نے کہا کہ امپورٹڈ حکومت نے پہلےجعلی ایف آئی آرز کاٹیں ان لوگوں نے پھر ہمارےکارکنوں کو بےبنیاد گرفتار کیا ان لوگوں کو اپنی شکست نظرآرہی ہے اس لیےایسی حرکتیں کررہےہیں۔

پنجاب حکومت کے اس اعلان کے ساتھ ہی علی امین گنڈاپور نے کہا کہ الیکشن کمیشن اور پنجاب حکومت کیخلاف عدالت جاؤں گا الیکشن کمیشن کیسےکہہ سکتا ہےکہ میں پنجاب میں کچھ کرنے لگا تھا پنجاب حکومت کیسےکہہ سکتی ہےکہ میں پنجاب میں کچھ کروں گا۔

پنجاب میں داخلے پر پابندی کے خلاف اپنا نقطہ اعتراض دیتے ہوئے علی امین گنڈاپور کا کہنا تھا کہ پاکستان کاشہری ہوں مجھےپنجاب میں جانےسےکیسے روکا جاسکتا ہے سابق وفاقی وزیر ہوں میرے کو پنجاب جانے سے کیسے روکا جا سکتاہے یہ لوگ سری لنکاجیسےحالات پاکستان میں چاہتےہیں۔

علی امین گنڈا پور نے پنجاب میں کشمیری رہنما کے داخلے پرپابندی پر بھی سخت ردعمل دیا ،علی امین گنڈاپور نے کہا کہ مقبول گجر کشمیری ہیں ان پر کیسے پنجاب میں جانےپرپابندی لگائی گئی؟ مقبول گجر جیسے کشمیری پر پابندی لگا کر کیا پیغام دیا جا رہا ہے۔

یاد رہے کہ اس سے پہلے صوبائی حکومت پنجاب نے پی ٹی آئی رہنما علی امین گنڈاپور اور مقبول گجر کے پنجاب میں داخلے پر پابندی لگانے کا اعلان کیا تھا ،، وزیر داخلہ پنجاب عطا تارڑ نے کہا ہے کہ امن وامان کو یقینی بنانےکیلئے علی امین گنڈاپور اور مقبول گجر پر پنجاب میں پابندی لگا دی گئی ہے۔

تفصیلات کے مطابق ضمنی الیکشن کےدوران سیکیورٹی صورتحال سے متعلق اجلاس ہوا جس کی صدارت وزیرداخلہ پنجاب عطاتارڑ نے کی۔وزیرداخلہ نے کہا کہ اسلحہ رکھنا اور نمائش پر دفعہ 144 کا نفاذ عمل میں لایا جا چکا ہے الیکشن کے دوران کسی کو اسلحہ رکھنےکی اجازت نہیں ہوگی اسلحےسےپاک مہم میں پولیس نےبھاری مقدار میں اسلحہ برآمد کیا۔

عطاتارڑ نے کہا کہ دھاندلی کا الزام لگانے والے اب افسران کودھمکیاں دینے پر آگئے ہیں تحریک انصاف یقینی شکست دیکھ کرلوگوں کوبدامنی پراکسارہی ہے امن وامان کویقینی بنانےکیلئے مقبول گجر بھی پابندی لگائی گئی ہے اطلاعات تھیں علی گنڈاپور، مقبول گجر پرُتشدد کاروائیاں کرنا چاہتے ہیں۔4 روزہ پابندی کے حوالے سے ایڈیشنل چیف سیکرٹری ہوم نے نوٹیفکیشن جاری کیا

لاہور اور گرد ونواح میں ہلکی اور تیز بارش کا سلسلہ جاری ہے .کمشنر لاہور کیپٹن ر محمد عثمان کا کہنا ہے کہ لاہورکے تمام علاقوں میں بونداباندی ہورہی ہے۔تیز بارش رپورٹ نہیں ہوئی۔کمشنر لاہور کو شہر کے مختلف 15علاقوں میں بارش کی صورتحال کی رپورٹ پیش کی گئی.

مین شاہراہ سیلاب کے باعث کٹنے سےاپرچترال کا ایک ہفتے سے زمینی رابطہ منقطع

کمشنر لاہور نے بتایا کہ ابھی تک ایرپورٹ ایریا میں زیاد ہ سے زیادہ 10.2ملی میٹر بارش ریکارڈ ہوئی ہے۔لاہور کے تمام انڈرپاسز پر عملہ موجود ہے۔شہری ہنگامی حالت میں فوری اطلاع دیں۔بوندا باندی رکنے کے بعد ساری توجہ نکاسئ آب پر مرکوز ہونی چاہئیے۔ایم سی ایل افسران و سٹاف لاہور کے مضافاتی علاقوں میں خود موجود رہیں.

کمشنر لاہورنے ہدیت کی کہ ایم سی ایل کی مشینری و کرینز سورنگ پوائنٹس ایریا کے نزدیک موجود رکھیں۔
رپورٹ کیمطابق ہر ہنگامی مرکز ۔ڈسپوزل اسٹیشن پر واسا اہلکار پوری تندہی سے کام کر رہے ہیں۔

ایم ڈی واسا غفران احمد کا کہنا ہے کہ بارش کے باوجود تمام علاقے کلیئر ہیں ۔ تمام ایمرجنسی کیپمس پر سٹاف ڈیوٹی سر انجام دے رہا ہے ۔اتمام انڈر پاسز مکمل فعال ہیں اور ٹریفک رواں دواں ہے ۔ ایم ڈی نےمزید بارشوں کے پیش نظر عملہ و افسران کو فیلڈ میں متحرک رہنے کی ہدایات کی.

پی آئی اے کے بعد از حج آپریشن کا آغاز ہو گیا،پہلی پرواز پی کے 740 لاہور پہنچ گئی۔ پہلی پرواز سے 213 حجاج کرام لاہور پہنچے۔ائیرپورٹ پر حجاج کرام کا پی آئی اے کی جانب سے والہانہ استقبال کیا گیا.

رواں سال کا دوسرا ائیربس 320 طیارہ شارجہ سے پاکستان پہنچ گیا

لاہور ائر پورٹ پر پی آئی اے کے سٹیشن مینیجر علی اصغر زیدی اور ڈسٹرکٹ مینیجر بابر زمان نے حجاج کرام کا استقبال کیا۔ حجاج کرام کو پھولوں کے ہار پہنائے گئے۔ حجاج کرام نے پی آئی اے کی جانب سے جدہ ائر پورٹ اور لاہور ائر پورٹ پر انتظامات کو سراہا گیا

پی آئی اے کے سٹیشن مینیجر علی اصغر زیدی کا کہنا تھا کہ وزیر ہوابازی خواجہ سعد رفیع نے حجاج کرام کو بہترین سہولیات فراہم کرنے کی ہدایات جاری کی ہیں۔ان کا کہنا تھا کہ حجاج کرام کی خدمت ہمارا فرض ہے.حجاج کرام نے بہترین سفری سہولیات فراہم کرنے پر پی آئی اے کا شکریہ ادا کیا ۔ وزیر ہوابازی اور چئیرمین پی آئی اے کی ہدایت پر حجاج کرام کی لاہور آمد پر جلد از جلد کلیئرنس کروائی گئی ۔ پی آئی اے کے سٹیشن مینیجرنے بتایا کہ لاہور ائیرپورٹ پر حجاج کرام کی جلد کلیئرنس کیلئے پندرہ کاونٹرز لگائے گئے ۔

دوسری طرف وفاقر وزیر ایویشن خواجہ سعد رفیق کی ہدایات کی روشنی میں تمام ائیرپورٹس پر خصوصی حج سیلز قائم کر دیئے گئے ہیں، سی اے اے نے حجاج کرام کی واپسی اور RAT ٹیسٹنگ کے حوالے سے احکامات جاری کردیئے ، تمام ائیر لائنز کو پرائیویٹ اور سرکاری سکیم کے تحت حجاج اور فلائیٹس کے اعداد وشمار فراہم کرنے کی ہدایت کی گئی ہے.

ائیر لائنز کو بین الاقوامی امد میں RAT ٹیسٹنگ کے دوران حجاج کی سہولت کے لئے سٹاف تعینات کرنے کی بھی ہدایت کی گئی ہے،RAT ٹیسٹ کے حوالے سے محکمہ صحت کو کٹس کی دستیابی اور FIA کے لیے ضروری افرادی قوت کی فراہمی/تعیناتی کے لیے خطوط جاری کر دیئے گئے. مناسب تعداد میں RAT ٹیسٹ کاؤنٹرز اور 24/7 ایک حج افسر تعینات کرنے کے احکامات بھی جاری کئے گئے ہیں.