Tag: مودی سرکار

مودی سرکار نے تیسری حکومت میں پہلا بجٹ لوک سبھا میں پیش کیا ہے،

بھارتی وزیرِ خزانہ نرملا سیتا رمن نےبجٹ لوک سبھا میں پیش کیا اس موقع پر اراکین پارلیمنٹ موجود تھے، اپوزیشن نے بجٹ تقریر کے دوران شورشرابہ کیا ،مرکزی وزیر خزانہ نرملا سیتارمن نے اپنی طویل بجٹ تقریر میں اہم اعلانات کئے،اختتام پر لوک سبھا کی کارروائی اگلے روز صبح 11 بجے تک کے لئے ملتوی کر دی گئی،بجٹ میں بہار میں سڑکوں کے منصوبوں کے لیے 26 ہزار کروڑ روپے کے پیکیج کا اعلان کیا گیا ہے، بہار میں 21 ہزار کروڑ روپے کے پاور پلانٹ کا بھی اعلان کیا گیا ہے، آندھرا پردیش کو تقریباً 15 ہزار کروڑ روپے کا پیکیج ملے گا،بجٹ تقریر میں وزیر خزانہ کا کہنا تھا کہ بھارت میں معیشت تیزی سے ترقی کر رہی ہے اور مہنگائی کنٹرول میں ہے، یہ بجٹ غریبوں، خواتین، نوجوانوں اور کسانوں پر مرکوز ہے، روزگار بڑھانے پر حکومت کی توجہ ہے اور یہ حکومت کی اولین ترجیح ہے،حکومت روزگار کے لیے 3 بڑی اسکیموں پر کام کرے گیم بجٹ میں نوجوانوں کے لیے 2 لاکھ کروڑ روپے رکھے گئے ہیں، طلباء کو 7.5 لاکھ روپے کا اسکل ماڈل قرض دیا جائے گا، ملازمتوں میں خواتین کو ترجیح دی جائے گی،- زرعی شعبے کی ترقی اولین ترجیح ہے، قدرتی کاشتکاری کو بڑھانے پر زور، 32 فصلوں کے لیے 109 اقسام کا آغاز کریں گے، اس سال زراعت اور اس سے منسلک شعبوں کے لیے 1.52 لاکھ کروڑ روپے کی فراہمی کی جائے گی، مفت راشن کا نظام 5 سال تک جاری رہے گا،بھارت سرکار نے اپنے دفاعی بجٹ کو گزشتہ سال کے پانچ لاکھ 93 ہزار کروڑ روپے سے بڑھا کر چھ لاکھ 21 ہزار 940 لاکھ کروڑ مقرر کیا ہے،رپورٹس کے مطابق مذکورہ دفاعی بجٹ مکمل بجٹ کا 12.9 فی صد ہے،دوسری جانب نئے بھارتی بجٹ کے مطابق 7 سے 10 لاکھ روپے کی آمدنی پر 10 فیصد ٹیکس ادا کرنا ہوگا جبکہ 10 سے 12 لاکھ روپے کی آمدنی پر 15 فیصد ٹیکس کی ادائیگی لازمی ہوگی۔

بھارتی بجٹ کے بعد کیا ہو گا مہنگا اور کیا سستا؟
بھارت میں مودی سرکار کا پہلا بجٹ پیش کر دیا گیا ہے، بجٹ دستاویزات کے مطابق کینسر سے جڑی تین ادویات پر کسٹم ڈیوٹی ہٹائی گئی ہے، ایکسرے ٹیوب اور فلیٹ پینل ڈٹیکٹر پر بھی درآمدات ٹیکس ہٹا دیا گیا ہےمموبائل فون اور پارٹس، پی سی بی اور موبائل فون چارجر پر کسٹم ڈیوٹی 15 فیصدکم کی گئی ہے،25 ضروری معدنیات پر کسٹم ڈیوٹی نہیں لگے گی،سولر سیل اور سولر پینل کی مینوفیکچرنگ کے سامان پر ٹیکس میں چھوٹ دی گئی ہے،سونے اور چاندی پر کسٹم ڈیوٹی کم کر کے چھ فیصد کر دی گئی ہے،پلاٹینم پر کسٹم ڈیوٹی کم ہو کر اب 6.4 فیصد ہو گئی ہے،دوسری جانب پی وی سی فلیکس بینر کی درآمد اب پہلے کے مقابلے مہنگی ہو جائے گی،کچھ ٹیلی مواصلات سامانوں کی درآمد بھی اب مہنگی ہوگی،کیونکہ بنیادی کسٹم ڈیوٹی 10 فیصد سے بڑھا کر 15 فیصد کر دی گئی ہے،ایک سال سے زیادہ تک رکھے گئے ایکویٹی انویسٹمنٹ مہنگے ہوں گے، اس شعبہ میں ٹیکس 15 فیصد سے بڑھا کر 20 فیصد کر دیا گیا ہے،ایک سال سے زیادہ رکھے گئے شیئر بھی مہنگے ہوں گے، اس شعبہ میں ٹیکس 10 فیصد سے بڑھا کر 12.5 فیصد کیا گیا ہے،امونیم نائٹریٹ پر درآمد ٹیکس 10 فیصد بڑھا دیا گیا ہے، پلاسٹک مہنگے ہوں گے، اس پر درآمدات ٹیکس 25 فیصد بڑھا دیا گیا ہے۔

کانگریس رہنما ،قائد حزب اختلاف راہول گاندھی نے بجٹ کو مودی سرکار کا کرسی بچاؤ بجٹ کہا ،راہول کہتے ہیں کہ مودی حکومت کے بجٹ کو پی ایم سرکار بچاؤ سکیم کہنا چاہئے، بجٹ میں اہم مسائل کا ذکر نہیں،بجٹ میں اشرافیہ کو تو فائدہ دیا گیا لیکن شہریوں کے لئے کوئی ریلیف نہیں،

بھارت کے بجٹ میں پنجاب کے لئے کوئی نیا اعلان نہ ہونے پر کانگریس پنجاب کے اراکین نے پارلیمنٹ میں احتجاج کیااور مودی سرکار کے خلاف نعرے بازی کی،کانگریس اراکین پارلیمنٹ کا کہنا تھا کہ مرکزی حکومت نے پنجاب کے ساتھ ایسا سلوک اس لیے کیا کہ بی جے پی کو پنجاب سے ایک بھی سیٹ نہیں ملی،پنجاب کانگریس کے صدر امریندر سنگھ راجہ وڈنگ کا کہنا تھا کہ ہمارا مطالبہ تھا کہ پنجاب پر توجہ دی جائے، مگر پنجاب کو کچھ نہیں دیا گیا،بہار اور آندھرا کے لیے بھرپور بجٹ ہے لیکن پنجاب کے لیے کوئی اعلان نہیں ہوا ،کبھی کبھی ہمیں ایسا لگتا ہے کہ مرکز ہمیں ہندوستان کے نقشے سے دور کر رہا ہے۔

عام آدمی پارٹی نے بھی بجٹ کو مایوس کن قرار دیتے ہوئے کہا کہ مودی سرکار نے دہلی کو نظر انداز کیا ہے، عام آدمی پارٹی کی رہنما وزیر آتشی سنگھ کا کہنا تھا کہ مودی سرکار کے اس بجٹ سے دہلی کو کچھ نہیں ملا ،یہ دھوکہ دینے والا بجٹ ہےم دہلی کے لوگ مرکز کو جو ٹیکس دیتے ہیں، کم از کم اس کا 5 فیصد ملنا چاہے تھا، دہلی ہر سال مرکزی حکومت کو 2 لاکھ کروڑ روپے سے زیادہ کا ٹیکس ادا کرتا ہے، اس میں سے دہلی کے لوگ دہلی کی ترقی کے لیے صرف 5 فیصد مانگ رہے تھے، جو مرکزی حکومت کے کل بجٹ کا صرف 0.4 فیصد ہے، اس کے باوجود اس کا ایک روپیہ شیئر اینڈ ٹیکس دہلی کو نہیں ملا،

بھارت میں پیش کئے جانے والے بجٹ پر اپوزیشن کی جانب سے تنقید کا سلسلہ جاری ہے، اپوزیشن نے بجٹ کو انتہائی مایوس کن قرار دیا ہے،کانگریس کے سینئر رہنما اور سابق مرکزی وزیر مالیات پی، چدمبرم کا کہنا ہے کہ مودی سرکار نے بجٹ میں مہنگائی اور بے روزگاری جیسے ایشوز کو نظر انداز کر دیا گیا ہے، بجٹ میں بے روزگاری کو لے کر کوئی ٹھوس قدم نہیں اٹھایا گیا حالانکہ بے روزگاری بھارت کے سامنے سب سے بڑا چیلنج ہے، کچھ درجن آسامیاں آئیں تو ان کے لیے لاکھوں بھارتی امیدوار درخواست اور امتحان دیتے ہیں یا انٹرویو میں بھارت کی شرح بے روزگاری 9.2 فیصد ہے، لیکن مودی سرکار کی اس طرف کوئی توجہ نہیں ہے،اسی طرح بھارت میں مہنگائی کی شرح 3.4 فیصد، آر پی آئی مہنگائی شرح 5.1 فیصد اور خوردنی اشیاء کی مہنگائی شرح 9.4 فیصد ہے مہنگائی سے نمٹنے کے لئے مودی سرکار نے کوئی لائحہ عمل نہیں دیا،بجٹ میں تعلیم کے شعبے پر بھی توجہ نہیں دی گئی،صحت کے بارے میں بھی بجٹ کم رکھا گیا ہے، گزشتہ چھ برسوں میں مزدوری کی شرح تنخواہ مستحکم رہی ہے ،ہر طرح کے روزگار کے لیے کم از کم مزدوری 400 روپے فی روز طے کر دی جانی چاہیے،بڑے پیمانے پر بے روزگاری کے سبب ایجوکیشن لون لینے والے کئی طلبا سود یا اصل قرض کی ادائیگی میں ناکام ہو گئے ہیں حکومت کو ایسے افراد کا قرض معاف کرنا چاہئے،

کسان رہنما راکیش ٹکیت نے بھی مودی سرکار کے بجٹ کو مایوس کن قرار دیا ،راکیش کا کہا تھا کہ جو بجٹ پیش کیا گیا اس سے کسانوں‌کو کوئی فائدہ نہیں ہو گا، مودی سرکار کو چاہئے کہ کسانوں کو فصلوں کی مناسب قیمت دے تا کہ کسانوں کے مسائل کم ہوں، یہ بجٹ کاغذوں پر ٹھیک لگتا ہوگا، لیکن زمینی سطح پر اس بجٹ سے کسانوں کو نہیں بلکہ کمپنیز کو فائدہ ہو گا، حکومت کو چاہئے کہ کسانوں کو فصل کی پوری قیمت، مفت پانی، مفت بجلی اور سستی کھاد دے، کسانوں کو تبھی ریلیف ملے گا، زراعت کی مشینوں پر جی ایس ٹی کم کرنا چاہیے،کسانوں‌کے بچوں کے لئے سرکار کو مفت تعلیم کا بھی انتظام کرنا چاہئے،

مغربی بنگال کی وزیر اعلی اور ترنمول کانگریس کی سربراہ ممتا بنرجی نے مودی سرکار کے بجٹ پر تنقید کی اور بجٹ کو مایوس کن قرار دیتے ہوئے کہ یہ بجٹ عوام کے لئے نہیں بلکہ ایک پارٹی کو خؤش کرنے کے لئے بنایا گیا ہے، بجٹ میں مغربی بنگال کو مکمل طور پر محروم کر دیا گیا ہے، مجھے اس بجٹ میں امید کی کوئی بھی شمع نظر نہیں آ رہی ہے بلکہ صرف اندھیرا نظرآ رہا ہے، یہ عوام مخالف اور غریب مخالف بجٹ ہے جو عام لوگوں کے لیے نہیں بنایا گیا ، بنگال ایک بڑی ریاست ہے اور جتنے ووٹر بنگلہ دیش میں ہیں، ہمارے یہاں بھی تقریباً اتنے ہی ہیں،100 دن کے کام کے پیسے نہیں ملے لیکن ہمیں نہیں معلوم کہ ہاؤسنگ اسکیم کے پیسے کیسے تقسیم ہوں گے، بنگال قدرتی آفات کے حوالے سے حساس ریاست ہے، ہمارے آس پاس کی ہر ریاست کو سیلاب سے نمٹنے اور انتظامات کے لیے پیسے ملے ہیں مگر ہمیں محروم کر دیا گیا اس کا نتیجہ آپ کو انتخابات کے دوران دیکھنے کو ملے گا،ہمیں ہمارے حقوق سے محروم کر دیا گیا ہے.

صحافی سید امجد حسین بخاری نے ایکس پر لکھا کہ بھارت:دفاعی بجٹ میں 28ہزار 940 کروڑ کا اضافہ ،دفاعی بجٹ کل بجٹ کا 13 فیصد ہوگیا ،وزیرِ خزانہ نرملا سیتا رمن نے نریندر مودی حکومت کے تیسرے دور کا پہلا بجٹ لوک سبھا میں پیش کردیا۔ دفاعی بجٹ گذشتہ سال کے 5 لاکھ 93 ہزار کروڑ روپے سے بڑھا کر چھ لاکھ 21 ہزار 940کروڑ مقرر کیا ہے۔سرحدی علاقوں میں سڑکوں کی تعمیر اور مرمت کے بجٹ میں 30 فی صد اضافہ۔ بارڈر روڈ آرگنائزیشن (بی آر او) کے لیے 6500 کروڑ روپے مختص

بھارت:دفاعی بجٹ میں 28ہزار 940 کروڑ کا اضافہ ،دفاعی بجٹ کل بجٹ کا 13 فیصد ہوگیا
وزیرِ خزانہ نرملا سیتا رمن نے نریندر مودی حکومت کے تیسرے دور کا پہلا بجٹ لوک سبھا میں پیش کردیا۔ دفاعی بجٹ گذشتہ سال کے 5 لاکھ 93 ہزار کروڑ روپے سے بڑھا کر چھ لاکھ 21 ہزار 940کروڑ مقرر کیا ہے۔سرحدی… pic.twitter.com/d8nVcISf5U

— Amjad Hussain Bukhari (@AmjadHBokhari) July 23, 2024

ٹاٹا موٹرز کی کینٹین میں سموسوں سے کنڈوم،تمباکو،پتھرنکل آئے،مقدمہ درج

شادی کی ضد مہنگی پڑ گئی،ملزم نے خاتون کو پارک میں زندہ جلا دیا

خبردار، حق خطیب سے بڑا فنکار آ گیا، سائنس ہار گئی،ہاتھ سے موبائل کی بیٹری چارج

بلیک میلنگ کی ملکہ حریم شاہ کا لندن میں نیا”دھندہ”فحاشی کا اڈہ،نازیبا ویڈیو

سوشل میڈیا پر دوستی،پھر عریاں تصاویر،پھر زیادتی،کم عمر لڑکیاں‌بنتی ہیں زیادہ شکار

حاجرہ خان کی کتاب کا صفحہ سوشل میڈیا پر وائرل،انتہائی شرمناک الزام

سوشل میڈیا پر رابطہ،دبئی ویزے کے چکر میں خاتون عزت لٹوا بیٹھی

زبردستی دوستی کرنے والے ملزم کو خاتون نے شوہر کی مدد سے پکڑوا دیا

دوران دوستی باہمی رضامندی سے جنسی عمل کو شادی کے بعد "زیادتی” قرار دے کر مقدمہ درج

خاتون کو برہنہ کر کے تشدد ،بنائی گئی ویڈیو،آٹھ ملزمان گرفتار

بھارت میں بے روزگاری بڑھ چکی، مودی سرکار کا نوجوانوں کو نوکریاں دینے کا دعویٰ سچ ثابت نہ ہو سکا،ایئر انڈیا میں 600 آسامیوں کے لئے 25 ہزار سے زائد نوجوان انٹرویو دینے پہنچ گئے

بھارت میں بیروزگاری کی شرح میں مسلسل اضافہ دیکھنے میں آیا ہے، نوجوان ڈگریاں لئے ہاتھ میں پھر رہے ہیں تا ہم کوئی نوکری نہیں مل رہے، اگر کہیں کوئی آسامی کا اشتہار آ جائے تو ہزاروں نوجوان ڈگریاں لئے پہنچ جاتے ہیں، اب حال ہی میں ایک ایسا واقعہ پیش آیا، بھارتی ایئر لائن ایئر انڈیا نے 600 ملازمتوں کے لئے اشتہار دیا تو تقریبا 25 ہزار سے زائد نوجوان ڈگریاں لئے ملازمت کے لئے انٹرویو دینے پہنچ گئے.اس دوران ہنگامہ آرائی بھی ہوئی، شدید رش کو سنبھالنا مشکل ہو رہا تھا جس پر ایئر انڈیا کی جانب سے پولیس کو طلب کیا گیا.

بھارتی ایئر لائن ایئر انڈیا کی جانب سے 600 نوکریاں کسی بڑے عہدے کے لیے نہیں تھیں بلکہ ایئر پورٹ لوڈر کی تھیں،جن کی تنخواہ 20 سے 25 ہزار ہوتی ہے،اگر ایئر لوڈر اضافی وقت کام کریں تو انکی ماہانہ تنخواہ 30 ہزار تک جا سکتی ہے،ایئر پورٹ لوڈر کو جہازوں کی لوڈنگ ،ان لوڈنگ کرنی ہوتی ہے، سامان کے بیلٹ اور ریمپ ٹریکٹر چلانے کا کام کرنا ہوتا ہے تو وہیں سامان، کارگو اور کھانے پینے کی اشیاء کو سنبھالنے کے لیے ہر ہوائی جہاز کو کم از کم پانچ لوڈرز کی ضرورت ہوتی ہے

بھارتی ایئر لائن ایئر انڈیا کی چھ سو ملازمتوں کے لیے 25 ہزار سے زائد نوجوان جمع ہوئے جس کی ویڈیو سوشل میڈیا پر بھی وائرل ہو گئی، ممبئی میں ایئر انڈیا کو رش کی وجہ سے شدید مشکلات کا سامنا کرنا پڑا، کیونکہ ایئر انڈیا کو امید نہیں تھی کہ 600 نوکریوں کے لئے 25 ہزار لوگ آ جائیں گے،

ممئبی میں ایئرانڈیا کے ایئرپورٹ لوڈر کی ملازمت کے لیے جمع ہونے والے نوجوانوں ویڈیو سامنے آنے پر بھارتی اپوزیشن جماعت کانگریس کا کہنا تھا کہ یہ ویڈیو بھارت میں بیروزگاری کی حالت بیان کر رہی ہے، آج ممبئی میں ایوا ایشن سیکٹر میں ملازمت کے لیے ہزاروں نوجوانوں پہنچ گئے ایسا ہی منظر کچھ دن قبل گجرات میں بھی دیکھنے کو ملا تھا لیکن بھارتی وزیراعظم نریندر مودی کھلے عام جھوٹ بولتے ہیں کہ گزشتہ 4-5 سال میں ریکارڈ توڑ روزگار دیا ہے حالانکہ حقیقت یہ ہے

واضح رہے کہ کچھ دن قبل مودی کے آبائی علاقے گجرات میں بھی ایسا ہی واقعہ پیش آیا تھا، گجرات کے بھروچ ضلع کے انکلیشور میں 40 آسامیوں کے لیے 800 کے قریب نوجوان انٹرویو کے لیے پہنچ گئے تھے،

بھارت میں بے روزگاری، گھروں میں فاقے، شہری اسرائیل نوکری کیلیے مجبور

بھارتی انتخابات،دی گارڈین نے مودی سرکار کی اصلیت کو بے نقاب کر دیا

بچ کر رہنا،لڑکی اور اشتہاریوں کی مدد سے پنجاب پولیس نے ہنی ٹریپ گینگ بنا لیا

مہنگائی،غربت،عید کے کپڑے مانگنے پر باپ نے بیٹی کی جان لے لی

پسند کی شادی کیلئے شوہر،وطن ،مذہب چھوڑنے والی سیماحیدر بھارت میں بنی تشدد کا نشانہ

بحریہ ٹاؤن،چوری کا الزام،گھریلو ملازمین کو برہنہ کر کے تشدد،الٹا بھی لٹکایا گیا

بحریہ ٹاؤن کے ہسپتال میں شہریوں کو اغوا کر کے گردے نکالے جانے لگے

سماعت سے محروم بچوں کے لئے بڑی خوشخبری

ہندوستان میں بیروزگاری کی شرح میں اضافہ ،دو تہائی تعلیم یافتہ نوجوان بیروزگار

مودی کی اگنی ویر سکیم،رشتے آنا بند،نوجوانوں نے بھارتی فوج میں جانا چھوڑ دیا

مودی سرکار نے کینیڈا میں مقیم سکھ رہنماؤں کے اہلخانہ کو گرفتار کرنا شروع کر دیا،

کینیڈا میں مقیم ، سکھ رہنما، خالصتان کے حامی لکھبیر سنگھ لنڈا کے اہلخانہ کو مودی سرکار نے گرفتار کر لیا ہے،جالندھر میں کاروائی کی گئی ہے، پولیس نے لکھبیر کی ماں، بہنوں سمیت گھر کے تمام افراد کو گرفتار کیا ہے،پولیس نے خاندان پر بھتہ خوری کا الزام عائد کیا ہے،جالندھر کمشنر پولیس کے مطابق جالندھر کے ایک تاجر کو بھتہ کی کال کرنے کے سلسلے میں کینیڈا کے رہنے والے لکھبیر سنگھ لنڈا کے اہل خانہ اور اس کے ساتھی یادوندر سنگھ کو حراست میں لے لیا ہے۔ بھتہ نہ دینے پر دو موٹر سائیکل سواروں نے شہر میں ایک صنعت کار کے دفتر پر فائرنگ کی اور بھتہ کا مطالبہ کیا جس کے بعد پولیس نے انکوائری شروع کی اور پتہ چلا کہ گینگسٹر یادوندر سنگھ اس کیس کا ماسٹر مائنڈ تھا۔گرفتار افراد میں لکھبیر سنگھ لنڈہ اور یادوندر سنگھ کی مائیں اور بہنیں شامل ہیں۔گرفتار شدگان کی شناخت لکھبیر سنگھ کے بہنوئی رنجودھ سنگھ، اس کی بہن جسپال کور اور اس کی ماں پرمیندر کور کے طور پر ہوئی ہے۔ اسی طرح یادویندر سنگھ کے والد جیکر سنگھ، اس کی والدہ بلجیت کور اور اس کی بہن حسن پریت کور کو حکام نے پکڑ لیا۔

پولیس کی جانب سے الزام عائد کیا گیا ہے کہ 10 جون کو، جالندھر پولیس نے مبینہ طور پر بھتہ خوری کا ریکیٹ چلانے کے الزام میں تین افراد کو پکڑا۔ مشتبہ افراد گرپریت سنگھ عرف گوپی، بھوپندر سنگھ عرف بنٹی اور جگروپ سنگھ عرف جوپا جنہیں گزشتہ ہفتے پکڑا گیا تھا، ان کو گھر والوں نے پناہ اور آتشیں اسلحہ فراہم کرکے مدد کی تھی۔3 جون کو تقریباً 5:15 بجے دو موٹر سائیکل سوار لیدر کمپلیکس کے مین گیٹ سے کوہلی اسپورٹس پرائیویٹ لمیٹڈ میں داخل ہوئے۔ ان میں سے ایک نے ڈیوٹی پر موجود سیکورٹی گارڈ جتندر سنگھ کو گولی مار کر قتل کرنے کی کوشش کی۔ کمپنی کے مالک کو پہلے ایک بین الاقوامی نمبر سے تاوان کا مطالبہ کرنے والی کال موصول ہوئی تھی، حملہ آوروں نے فرم کے مالک کو دھمکانے کے لیے گارڈ پر فائرنگ شروع کر دی۔لکھبیر سنگھ لنڈا اور یادوندر سنگھ کے خاندان کے چھ افراد کے ساتھ ساتھ ان کے تین جاننے والوں کو جو فائرنگ کے واقعہ میں ملوث تھے پولیس نے اب تک گرفتار کیا ہے۔

واضح رہے کہ گزشتہ برس بھارت نے کینیڈا میں مقیم ببر خالصہ انٹرنیشنل کے رکن لکھبیر سنگھ لنڈا کو ’انفرادی دہشت گرد‘ قرار دے دیا تھا، جنوری میں نیشنل انویسٹی گیشن ایجنسی (این آئی اے) نے سنگھ کی گرفتاری پر 15 لاکھ روپے کے انعام کا اعلان کیا تھا۔

برطانیہ میں خالصتان کے حامیوں کی جان کو خطرات،برطانوی پولیس نے وارننگ جاری کر دی

سکھ یاتریوں کی بھارت میں ہی مودی کے خلاف نعرے بازی

بھارتی ہٹ دھرمی، ایک بار پھرپاکستان آنیوالے سکھ یاتریوں کوروک دیا گیا

خالصتانی ہوں،حکومت مودی کے دباؤ کا شکارہے، گوپال سنگھ چاولہ کی باغی ٹی وی سے گفتگو

سکھ برادی کا خالصتان بارے ریفرنڈم 2020، وینا ملک نے بڑا اعلان کر دیا

آسٹریلوی حکومت نے میلبرن میں خالصتان ریفرنڈم رکوانے سے انکار کردیا۔

الصتان کے حامی علیحدگی پسند گروپ سکھس فار جسٹس (SFJ) نے میلبورن آسٹریلیا میں خالصتان ریفرنڈم مہم کا آغاز کیا ج

انٹرپول نے خالصتان کے رہنما کے ریڈ وارنٹ جاری کرنے کی بھارت کی درخواست مسترد کردی

ٹورنٹو:کینیڈا میں خالصتان ریفرنڈم کے حوالے سے تاریخ رقم ، خالصتان ریفرنڈم میں ایک لاکھ 10 ہزار سکھوں نے ووٹ کاسٹ کی

مودی نے تیسری بار وزیراعظم بننے کے بعد سابق را چیف اجیت دوول کو تیسری بار قومی سلامتی کا مشیر مقرر کر دیا ہے

اجیت دوول مودی سرکار میں پہلے بھی قومی سلامتی کے مشیر رہ چکے ہیں،اب وہ مودی سرکار کی تیسری حکومت میں بھی قومی سلامتی کے مشیر کے طور پر کام کریں گے،مودی نے اجیت دوول کی بطور قومی سلامتی مشیر تقرری کی منظوری دے دی ہے اور ان کی تقرری 10 جون سے کی گئی ،پی کے مشرا کو بھارتی وزیراعطم مودی کا پرنسپل سیکرٹری تعینات کیا گیا ہے،اجیت دوول کا عہدہ کیبنٹ وزیر کے برابر ہوگا۔

بھارتی خفیہ ایجنسی ’را‘ کے سابق سربراہ اجیت دوول کو پہلی مرتبہ 2014 میں قومی سلامتی کا مشیر بنایا گیا تھا اور وہ مودی کی گزشتہ دو حکومتوں میں یہ ذمہ داریاں انجام دے چکے ہیں،اب وہ تیسری بار بھی مشیر قومی سلامتی ہوں گے، مودی اجیت دوول پر اعتماد کرتے ہیں اسی لئے انہیں تیسری بار اہم عہدہ دیا ہے.بھارتی وزیراعظم کا سب سے قابل اعتماد افسر قومی سلامتی کا مشیر ہی ہوتا ہے۔ اسٹریٹجک معاملوں کے ساتھ ہی داخلی سیکورٹی کے معاملوں میں بھی وہ وزیراعظم کی مدد کرتا ہے۔ کب کیا فیصلہ لینا صحیح ہوگا، اس کا بھی وزیراعظم کو وہ مشورہ دیتا ہے۔

ڈاکٹرپی کے مشرا کو پردھان سکریٹری اور اجیت کوقومی سلامتی کے مشیر کے طورپر پھر تقرری ہونے سے یہ دونوں بھارتی وزیراعظم کے ساتھ سب سے زیادہ وقت کام کرنے والے پرنسپل سکریٹری بن گئے ہیں۔ 1968 بیچ کے آئی پی ایس افسراجیت دہشت گردانہ مخالف معاملوں اور نیوکلیئرموضوعات کے ایکسپرٹ ہیں،جبکہ ڈاکٹرپی کے مشرا 1972 بیچ کے ریٹائرڈ افسر ہیں، جو ہندوستانی حکومت کے زرعی سکریٹری کے عہدے سے ریٹائرہونے کے بعد گزشتہ دو حکومتوں سے بھارتی وزیراعظم نریندر مودی کے ساتھ ہیں۔ 2014 میں مودی کے وزیراعظم بننے سے پہلے سے ہی دونوں مودی کے ساتھ تھے.

گجرات کا "قصائی” مودی دہلی میں مسلمانوں پر حملے کا ذمہ دار ،بھارت کے اندر سے آوازیں اٹھنے لگیں

دہلی میں پولیس بھی ہندوانتہا پسندوں کی ساتھی، زخمی تڑپتے رہے، پولیس نے ایمبولینس نہ آنے دی

دہلی جل رہا تھا ،کیجریوال سو رہا تھا، مودی سن لے،ظلم و تشدد ہمیں نہیں ہٹا سکتا، شاہین باغ سے خواتین کا اعلان

دہلی میں ظلم کی انتہا، درندوں نے 19 سالہ نوجوان کے سر میں ڈرل مشین سے سوراخ کر دیا

دہلی تشدد ، خاموشی پرطلبا نے کیا کیجریوال کے گھر کا گھیراؤ، پولیس تشدد ،طلبا گرفتار

دہلی میں ایک ماہ کیلئے دفعہ 144 نافذ،مسلمانوں‌ کو گھروں سے نہ نکلنے کی ہدایت

مسلمانوں کے قتل عام پر خاموش،گھر کا گھیراؤ ہونے پرکیجریوال نے کی فوج طلب،مودی نے کیا انکار

دہلی میں منصوبے کے ساتھ حملے کئے گئے، سونیا گاندھی کا انکشاف، کہا امت شاہ دے استعفیٰ

بھارتی لوک سبھا انتخابات ،نتائج کی آمد جاری ہے، بھارتی وزیراعظم مودی ایک بار پھر وزیراعظم بننے والے ہیں، مودی بھارتی تاریخ میں تیسری بار بھارت کے وزیراعظم بنیں گے،بھارتی عام انتخابات میں مود ی کے بیانیے کو بڑا دھچکا لگا ہے بی جے پی زیادہ نشستیں نہ جیت سکیں ،400 نشستیں لینے کے دعویدار بی جے پی اتحاد کو 300 سے بھی کم سیٹوں پر برتری حاصل ہے، بی جے پی اتحاد کر کے حکومت بنائے گی، کیونکہ اکیلےبی جے پی اب حکومت بنانے کی پوزیشن میں نہیں ہے.

وارانسی سیٹ سے مودی ڈیڑھ لاکھ کی لیڈ سے جیت گئے
بھارتی وزیراعظم مودی وارانسی کی سیٹ سے الیکشن جیت گئے ہیں، مودی نے چھ لاکھ 12 ہزار 970 ووٹ لئے ہیں،مودی ایک لاکھ 52 ہزار 513 کی لیڈ سے جیتے ہیں، مودی کے مقابلے میں کانگریس کے اجے رائے امیدوار تھے جنہوں نے تقریبا ساڑھے چار لاکھ ووٹ لئے ہیں، مودی 2014 اور 2019 کے لوک سبھا الیکشن میں اسی سیٹ سے جیت کر وزیراعظم بنے تھے۔

نتیش کمار سے بہتر وزیر اعظم کوئی نہیں ہو سکتا۔ڈاکٹر خالد انور
مودی وزیراعظم بنیں گے یا نہیں، فیصلہ بہار کے نتیش کمار اور آندھرا پردیش کے چندرا بابو نائیڈو کریں گے۔ نتیشں کی جنتا دل یونائیٹڈ نے 12، نائیڈو کو تیلگو دیشم پارٹی نے 16 سیٹیں جیتی ہیں۔ بی جے پی کو اکثریت کے لئے 272 سیٹیں چاہئے، اسکے بغیر مودی وزیراعظم نہیں بن سکتے،اپوزیشن الائنس نے نتیش کمار کو آفر کی ہے تو مودی بھی ان سے رابطے میں ہیں،وہیں دوسری جانب جنتا دل یونائیٹڈ (جے ڈی یو) کے ایم ایل سی ڈاکٹر خالد انور نے بہار کے وزیر اعلی نتیش کمارکے بارےمیں کہا ہے کہ ” وہ ایک تجربہ کار سیاست دان ہیں جو ملک کو سمجھتے ہیں اور نتیش کمار سے بہتر وزیر اعظم کوئی نہیں ہو سکتا۔وہ تمام جمہوری اداروں کا احترام کرتے ہیں ہم ابھی تک این ڈی اے اتحاد کا حصہ ہیں، لیکن پہلے اور آج، لوگ چاہتے تھے کہ نتیش کمار وزیر اعظم ہوں۔ آج کے نتائج کے بعد عوام کی توقعات بڑھ گئی ہیں،جس طرح سے انہوں نے ریاست بہار کو آگے بڑھایا ہے۔ جب وہ وزیر زراعت تھے تو انہوں نے ملک کے لیے جو زرعی روڈ میپ بنایا تھا اس پر آج تک عمل کیا جاتا ہے۔ انکے ملک کے ریلوے سیکٹر کے لیے کیے گئے کام کے لیے بھی یاد کیے جاتے ہیں۔‘‘

بھارت نے فیصلہ دے دیا مودی نہیں چاہیے، راہول گاندھی
کانگریس کا کہنا ہے کہ واضح ہے انتخابات میں مینڈیٹ ہمیں ملا ہے ،انتخابی نتائج بی جے پی کی واضح ہار ہے ، عوام نے مودی اور اس کے نظریے کو مسترد کردیا ،راہول گاندھی کا کہنا ہے کہ بھارتی عوام کا شکر گزار ہوں کہ آئین بچانے کا پہلا قدم اٹھا لیا ہے ، مجھے یقین تھا بھارتی عوام ایک ساتھ کھڑے ہو کر لڑیں گے ،لڑائی آئین کو بچانے کی تھی اور عوام نے مودی کو جواب دے دیا ،مودی کو واضح شکست ہوئی ہے، ہم نے بی جے پی نہیں ریاستی مشینری کے خلاف الیکشن لڑے، خفیہ ایجنسیاں ، بیوروکریسی اور آدھی عدلیہ بھی ہمارے خلاف تھی ،بھارت نے فیصلہ دے دیا مودی نہیں چاہیے، عوام مودی اور ان کے حواریوں کو اقتدار میں نہیں دیکھنا چاہتے،

بھارت میں سات مرحلوں میں انتخابات ہوئے تھے، سادہ اکثریت کے لئے 543 نشستوں میں سے 272 پر کامیابی درکار ہے۔اب تک کے نتائج کے مطابق بھارت کی حکمران جماعت بی جے پی سب سے آگے ہے، تا ہم بی جے پی کو ابھی تک 2018 کے انتخابات سے کم نشستیں ملی ہیں ، لوک سبھا کی کل سیٹیں 543 ہیں،انتخابات میں 8360 امیدوارمیدان میں تھے، 28 ریاستوں و 8 مرکز کے زیر انتظام خطوں کی لوک سبھا سیٹوں پر ووٹ ڈالے گئے تھے،بھارتی انتخابات میں ووٹنگ کی مجموعی طور پر شرح 65.14 رہی.بی جے پی کو 239 نشستوں پر برتری حاصل ہے اور بی جے پی اتحاد این ڈی 293 نشستوں پر آگے ہے جب کہ کانگریسی اتحاد انڈیا 233 نشستوں پر آگے ہے اپوزیشن جماعت کانگریس 97 نشستوں کے ساتھ دوسرے نمبر پر ہے۔

بھارت کی حکمران جماعت بی جے پی کو راجھستان میں 11 سیٹیں جاتی ہوئی نظر آ رہی ہیں، راجھستان میں لوک سبھا کی 25 سیٹیں ہیں،2019 میں بی جے پی 24 سیٹیں جیتی تھی لیکن حالیہ انتخابات میں بی جے پی صرف 13 سیٹوں پر آگے ہے،

کانگریس کے امیدوار راہل گاندھی رائے بریلی سیٹ پر مدمقابل امیدوار سے ابھی تک آگے ہیں،راہل گاندھی 2 لاکھ 18 ہزار ووٹ حاصل کر چکے ہیں اور بی جے پی کے دنیش پرتاپ سنگھ ایک لاکھ 16 ہزار ووٹوں سے آگے ہیں۔

انتخابی نتائج کے اعلان سے قبل بھارتی اسٹاک مارکیٹ کریش کرگئی ، بھارتی اسٹاک مارکیٹ میں 2000 سے 6000 تک پوائنٹس کی کمی ریکارڈ کی گئی ہے،

بھارتی انتخابات ،اندرا گاندھی کے قاتل کے بیٹے سربجیت سنگھ خالصہ کو بڑی برتری حاصل
بھارتی انتخابات میں اندرا گاندھی کے قاتل کے بیٹے سربجیت سنگھ خالصہ کو بڑی برتری حاصل ہوئی ہے، سربجیت سنگھ کو فریدکوٹ نشست پر 48 ہزار ووٹوں سے سبقت حاصل ہے،سابق وزیر لالوپرسادکی بیٹی میسا بھارتی کی پلتی پترا میں 26 ہزار سے زائد ووٹوں سےسبقت ہے

بھارتی انتخابات،اب تک کے نتائج، بی جے پی اتحاد 293، کانگریس اتحاد کو 233 سیٹوں پر سبقت حاصل
بی جے پی سورت، جےپور اور کرناٹکا کی نشست سے کامیاب ہو گئی،کانگریس پنجاب کی 2 سیٹوں سے کامیاب ہو گئی ہے، بی جے پی اتحاد این ڈی اے کو 293 نشستوں پر برتری ہے،کانگریس اتحاد کو 233 نشستوں پر سبقت حاصل ہے، مغربی بنگال میں وزیر اعلیٰ ممتا بینرجی کی پارٹی ترنمول کانگریس کو واضح برتری حاصل ہے،کانگریس رہنما راہول گاندھی کو آبائی نشست رائے بریلی اور وایاناڈ میں برتری حاصل ہے،نریندر مودی وارانسی سے کامیابی کے قریب ہیں، رہنما خالصتان تحریک امرت پال سنگھ کھدور پنجاب کی نشست پر آگے ہیں،رہنما خالصتان تحریک امرت پال سنگھ آسام جیل میں قید ہیں ،اداکارہ ہیما مالینی متھورا، کنگنا رناوت ہماچل پردیش کی نشست پر آگے ہیں،اداکار شتروگن سنہا مغربی بنگال اور راج ببر گرو گرام کی نشست پر آگے ہیں.حکومت بنانے کے لیے 272 نشستیں درکار ہیں

بھارتی انتخابات، امت شاہ جیت گئے، محبوبہ مفتی، عمر عبداللہ کو شکست
لوک سبھا انتخابات 2024 کے نتائج کی آمد کا سلسلہ جاری ہے، گجرات کے گاندھی نگر سیٹ سے امت شاہ کامیاب ہو گئے ہیں، انہوں نے پانچ لاکھ سے زیادہ ووٹ حاصل کئے ہیں ،مقبوضہ کشمیر کے سابق وزراء اعلیٰ محبوبہ مفتی اور عمر عبداللہ کو بھارتی انتخابات میں شکست ہو چکی ہے،عمر عبداللہ بارہمولہ اور محبوبہ مفتی اننت ناگ سے ہاری ہیں، عمر عبداللہ کو انجینئر راشد شیخ نے شکست دی ہے، انہوں نے آزاد حیثیت سے الیکشن لڑا اور وہ اس وقت تہاڑ جیل میں ایک مقدمے میں قید ہیں،محبوبہ مفتی کو نیشنل کانفرنس کے رہنما میاں الطاف نے شکست دی ہے

آسام،بدرالدین اجمل کو شکست، کانگریس امیدوار جیت گیا
آسام میں کانگریس امیدوار رقیب الحسین نے اے آئی یو ڈی ایف کے سربراہ بدرالدین اجمل کو شکست دے دی ہے، کانگریس امیدوار نے بدرالدین اجمل کو 6.4 لاکھ ووٹوں سے شکست دی ہے،2019 کے لوک سبھا انتخابات میں دھوبری سیٹ پر بدرالدین اجمل اور کانگریس کے ابو طاہر کے درمیان سخت مقابلہ تھا۔ اس الیکشن میں بدرالدین نے ابو طاہر کو 2 لاکھ سے زیادہ ووٹوں سے شکست دی تھی تا ہم اس الیکشن میں بدرالدین اجمل ہار گئے،

بحریہ ٹاؤن،چوری کا الزام،گھریلو ملازمین کو برہنہ کر کے تشدد،الٹا بھی لٹکایا گیا

بحریہ ٹاؤن کے ہسپتال میں شہریوں کو اغوا کر کے گردے نکالے جانے لگے

سماعت سے محروم بچوں کے لئے بڑی خوشخبری

ایبٹ آباد میں "ہم جنس پرستی کلب” کے قیام کے لیے درخواست

ہنی ٹریپ،لڑکی نے دوستوں کی مدد سے نوجوان کیا اغوا

بچ کر رہنا،لڑکی اور اشتہاریوں کی مدد سے پنجاب پولیس نے ہنی ٹریپ گینگ بنا لیا

طالبات کو نقاب کی اجازت نہیں،لڑکے جینز نہیں پہن سکتے،کالج انتظامیہ کیخلاف احتجاج

امجد بخاری کی "شادی شدہ” افراد کی صف میں شمولیت

مجھے مسلم لیگ ن کے حوالے سے نہ بلایا جائے میں صرف مسلمان ہوں،کیپٹن ر صفدر

بھارت میں ساتویں اور آخری مرحلے کے انتخابات آج ہو رہے ہیں، آج انتخابات کے تمام مراحل مکمل ہوجائیں گے، چار جون کو کون بنے گا بھارت کا نیا حکمران اعلان کر دیا جائے گا

بھارت میں آخری مرحلے کے دوران 8 ریاستوں اور مرکز کے زیر انتظام خطوں کی 57 لوک سبھا سیٹوں پر ووٹ ڈالے جا رہے ہیں، 10 کروڑ سے زائد ووٹر آج ووٹ دے رہے ہیں تو وہیں 904 امیدوارمیدان میں ہیں جن کی قسمت کا فیصلہ آج ہو گا، ووٹنگ کے لئے صبح سات سے شام چھ بجے تک کا وقت مقرر کیا گیا ہے، بھارت میں شدید ترین گرمی ہے، جس کی وجہ سے گرمی سے بچاؤ کے لئے انتظامات کئے گئے ہیں وہیں سیکورٹی کے بھی سخت انتظامات ہیں، گرمی کی وجہ سے پولنگ بوتھوں پر شامیانہ وغیرہ کی سہولتیں بھی دی گئی ہیں پولنگ مراکز پر پانی، بیت الخلاء، وہیل چیئر اور بجلی جیسی سہولیات بھی دی گئی ہیں.

بھارتی انتخابات میں صرف دس فیصد سے کم خواتین امیدوار
آج ہونے والے بھارتی انتخابات میں 904 امیدوار جن میں سے 328 پنجاب سےہیں،پنجاب کی 13،اترپردیش کی 13 لوک سبھا سیٹوں پر انتخابات ہو رہے ہیں،چندی گڑھ میں ایک سیٹ پر 19 امیدوار میدان میں ہیں ،ساتویں مرحلہ کے انتخاب میں 95 یعنی محض 11 فیصد خاتون امیدوار میدان میں ہیں،بھارت کے موجود لوک سبھا انتخاب میں 10 فیصد سے بھی کم خاتون امیدوار میدان میں آ ئی ہیں، سات مراحل کے انتخابات میں کل 8337 امیدوار تھے جن میں‌سے صرف 797 خواتین امیدوار ہیں۔

انتخابات کے دوران گرمی کی وجہ سے عملے کو مشکلات کا سامنا، 25 کی موت
بھارت کے ساتویں مرحلے کے انتخابات کے دوران الیکشن ڈیوٹی پر تعینات عملے کو گرمی کی وجہ سے کافی مشکلات کا سامنا کرنا پڑ رہا ہے۔ اتر پردیش اور بہار میں گزشتہ 24 گھنٹے میں گرمی کی وجہ سے انتخابی عملے کے 22 اراکین کی موت ہو چکی ہے، متعدد گرمی کی وجہ سے بیمار اور ہسپتال میں زیر علاج ہیں، گزشتہ شام اتر پردیش کے مرزا پور ضلع میں الیکشن ڈیوٹی پر جانیوالے 3 انتخابی اہلکاروں اور 6 ہوم گارڈ جوانوں کی موت ہوئی ہے جبکہ 17 اہلکار زیر علاج ہیں، سونبھدر ضلع میں تین انتخابی اہلکاروں کی موت ہوئی ہے ، اتر پردیش، بہار، جھارکھنڈ، راجستھان، دہلی اور مدھیہ پردیش سمیت کئی دیگر ریاستیں شدید گرمی کی زد میں ہیں 45 سے 48 ڈگری درجہ حرارت والی اس گرمی میں پولنگ اہلکار کو شدید پریشانی کا سامنا ہے۔ بہار میں گزشتہ 24 گھنٹوں میں جن 10 پولنگ اہلکاروں کی موت ہوئی ہے، ان میں سب سے زیادہ اموات بھوجپور میں ہوئیں۔ اب تک گزشتہ 48 گھنٹوں میں بھارت میں گرمی کی وجہ سے 74 افراد کی موت ہو چکی ہے، ہیٹ اسٹروک سےہلاک ہونےوالوں میں انتخابی عملےکے25 اہلکار بھی شامل ہیں۔ بھارتی محکمہ موسمیات نے آج 10ریاستوں میں ہیٹ ویو کی پیش گوئی کی ہےجبکہ مشرقی بھارت میں موجودہ گرمی کی لہر مزید 2 دن تک جاری رہنے کا امکان ظاہر کیا گیا ہے۔

بھارت میں لوک سبھا انتخابات کے آخری مرحلے کے دوران ووٹنگ کے وقت مغربی بنگال میں تشدد ہوا ہے۔ہنگامہ آرائی کے دوارن سی پی ایم اور آئی ایس ایف کے کئی کارکن زخمی ہوئے ہیں۔پولیس نے اس موقع پر لاٹھی چارج بھی کیا ہے،

ووٹر ریکارڈ تعداد میں اپنا ووٹ ڈالنے کے لیے آگے آئیں،مودی کی اپیل
بھارتی وزیراعظم نریندر مودی نے بھارتی ووٹرز سے آخری مرحلے کے انتخابات کو لے کر اپیل کی ہے، مودی کا کہنا ہے کہ ” ووٹروں سے درخواست کرتا ہوں کہ وہ جمہوریت کے اس عظیم تہوار میں جوش و خروش سے شرکت کریں۔ مجھے یقین ہے کہ ہمارے نوجوان اور خواتین ووٹر ریکارڈ تعداد میں اپنا ووٹ ڈالنے کے لیے آگے آئیں گے۔ آئیے مل کر اپنی جمہوریت کو مزید متحرک بنائیں”۔

بھارتی انتخابات ، مودی کی بے چینی،سادہ اکثریت حاصل کرنا مشکل

ہم جنس پرستی کلب کے قیام کی درخواست پر ڈاکٹر فرید احمد پراچہ کا ردعمل

بحریہ ٹاؤن،چوری کا الزام،گھریلو ملازمین کو برہنہ کر کے تشدد،الٹا بھی لٹکایا گیا

بحریہ ٹاؤن کے ہسپتال میں شہریوں کو اغوا کر کے گردے نکالے جانے لگے

سماعت سے محروم بچوں کے لئے بڑی خوشخبری

ایبٹ آباد میں "ہم جنس پرستی کلب” کے قیام کے لیے درخواست

ہنی ٹریپ،لڑکی نے دوستوں کی مدد سے نوجوان کیا اغوا

بچ کر رہنا،لڑکی اور اشتہاریوں کی مدد سے پنجاب پولیس نے ہنی ٹریپ گینگ بنا لیا

طالبات کو نقاب کی اجازت نہیں،لڑکے جینز نہیں پہن سکتے،کالج انتظامیہ کیخلاف احتجاج

امجد بخاری کی "شادی شدہ” افراد کی صف میں شمولیت

مودی کی اگنی ویر سکیم،رشتے آنا بند،نوجوانوں نے بھارتی فوج میں جانا چھوڑ دیا